أم حماني Posted أغسطس 20, 2007 Report Share Posted أغسطس 20, 2007 خيو " روان العميري اذا حابه تكملين القصه كمليها انا بتابعها " Quote Link to comment Share on other sites More sharing options...
روان خالد العميري Posted أغسطس 20, 2007 Report Share Posted أغسطس 20, 2007 مشكورين حبايبي ع الردود الحلووووه اخوي الوفه انه وبنت عمتي حبينا ننزل لهم القصه لان اعجبتنا واايد واذا انت قريتها مايحتاي تدخل الموضوع وتحط رابط لان مب بكيفك تيي وتحط رابط من غير ما تستأذن وانت حط نفسك مكانه لو انت حاط القصه وايي غيرك ويقول هذا رابط لاتعب نفسك يلي حاط القصه خل الاعضاء يقرون القصه كامله من هالرابط شبيكون شعورك ... المهم مشكور ويزاك الله خير ع الرابط وآنه بتم انزل القصه ولي عاجبه يقرال القصه ولي موعاجبه بكيفه ولي قراها من قبل ومايبي يقراها مره ثانيه بكيفه .. وسوري اذا قلت شي يزعل .. وآنه الحين بنزل بارت عشانكم فديتكم والله Quote Link to comment Share on other sites More sharing options...
روان خالد العميري Posted أغسطس 20, 2007 Report Share Posted أغسطس 20, 2007 أول يوم من بعد الصدمه .. البيت للحين بحاله من الهدوء الحزين .. خالد راقد بكل تعب بداره وقُمر بعد .. ما رقد الا بوجه الفجر صلى ورقد .. قُمر ظلت مكانها تعبت من البجي وظلت ساكته... آلاف الامنيات اللي تمنتها تبخرت بالهواء .. خدعها خالد .. وجذب عليها من دون أي سبب.. ليش سوى لها جذي.. كل الانصياع للاوامر والموافقه على الغرف المنفصله بس لان الوضع كان يناسبه .. اكرهه .. اكرهه من كل اعماق قلبي.. والله يا خالد بحرق قلبك مثل ما حرقت قلبي .. راح اعيشك بالمر مثل ما مررت حياتي واخليك تحس بالوحده مع وجودي وياك.. خالد اوتعى من الرقاد واهو لابس ثيابه .. يده كانت متورمه حيل وتعوره راح الحمام غسل وجهه وحط راسه تحت الماي عشان يخف عليه الصداع.. كره ايطاليا وكره اليوم اللي جاه ايطاليا.. ماكان يقدر يحب شي بهالدنيا غير قُمر .. حرام يا قدري اني بعد مااحب قُمر اهي تكرهني .. يا ربي ساعدني ياربي .. والله مااصبر على الحياه من دونها .. مااصبر.. طلع من الحمام وبدل ثيابه وعورته يده واجد وحس انها مكسورة وظل حاملها عند خصره .. لبس له ثياب مريحه وطلع من الدار.. شاف كل شي مرتب ومعدل ولا كانه امس ساحه حرب.. راح عند غرفه قُمر.. وقف عند الباب يخاف يطرق على الباب.. خلى الباب عنه ونزل للطابق التحتي .. دخل غرفه التشميس وقعد .. يحس بالتعب وكانه حامل الدنيا على راسه .. يده تعوره ومعدته بعد تتلوى عليه من امس .. قعد يدخن بقوه ليما خلص القوطي كله .. وظل قاعد مكانه ليما جاته الخدامه الثانيه انابيلا اللبنانيه الاصل انابيلا: good morning sir do you want to eat? خالد: no anabila I don`t feel like eating.. Did Mrs gomar come down? انابيلا: no sir I went to check on her and she dimissed me خالد: ااااااااااه الله المستعان thanx anabila انابيلا: حازرين استاز .. راحت انابيلا عنه وظل جالس مكانه .. اليوم بيكمل رحلتهم لايطاليا وبالليل بيرد روما ومنها يردون الكويت .. خلاص خلص شهر العسل وانتهى كل شي.. مستحيل يظل هني اكثر وندى موجوده.. اهي راح تهدم كل اللي ظل بينه وبين قُمر عشان تشفي غليلها .. حمايه لقُمر لازم يرد الكويت اليوم او باجر قُمر طلعت من الحمام بعد شاور طويل.. تحس بالالم بكل جزء بجسمها.. قعدت يم الدريسر المكسور تطالع وجهها .. خدها اليسار متورم حيل من كف خالد.. لكن مالامته ابد .. اهي جرحته وهذا جزاها .. بس حست انه انتصار على خالد .. ما تقدر تفكر شلون انقلبت مشاعرها بهذا العنف وهذي العدائيه تجاهه .. ماتبغي تفكر انها حبته ولا وجهت له أي نوع من المشاعر او العواطف.. لبست جلابيه جديده اول مرة تلبسها كان لونها بدم الغزال شيفون ومن تحتها حرير اسود والجلابيه كانت فنانه لمت شعرها الطويل كامل وطلعت من الدار.. توها بتنزل تحت ولاحظت نظافه المكان .. شسوت فيهم امس لعوزتهم من الزين .. طالعت دار خالد وكان الباب مفتوح .. راحت بشويش عند الغرفه .. طلت عليها ما لقت احد .. تنهدت والتفتت تنزل تحت الا خالد جدامها .. انتفضت بالبدايه ولكن ردت هادئه خالد بقق عيونه على وسعهن من شكل قُمر .. شسوه فيها .. ليش شوه جمالها بغبائه وعمااه اشكثر اهو حقير وقليل اصل يطق بنت عمه.. خالد بخجل: صباح الخير.. قُمر تطالع يده المتورمه: .... صباح النور خالد تحمد الله لانها ردت عليه: شخبارج .. قُمر بسخريه: اشتتوقع.. احس بانتعاش عمري ما حسيت فيه من قبل... خالد حس باستهزائها بس بعد: دوم ان شاءالله مو يوم .. قُمر راحت عنه.. وقفها بصوته: قُمر.. قُمر دق قلبها .. تكرهه شكثر تكرهه: نعم؟ خالد: زهبي اغراضج .. بنرد روما الليله وعلى باجر ان شاءالله احنا بالكويت قُمر اكتئبت.. انتهى الحلم .. وانتهت الاماني .. واهلا وسهلا بالاحزان..: انزين.. راحت عن خالد واهي تحبس دموعها.. خالد ظل واقف مكانه .. ودخل داره.. حمل بوكه ولبس ساعته وطلع نزل تحت نادى على انابيلا قال لها جم كلمه وراحت عنه وتوجه لباب البيت عشان يطلع .. كل هذا صار جدام قُمر اللي وقفته قبل لا يطلع من البيت خالد باهتمام: لبيه؟ قُمر: وين رايح خالد: بروح المستشفى قُمر: ليش. خالد: تعورت يدي امس وبروح اشوف شصار فيها شما صار وبعدين بروح اشتري تذاكر عشان اليوم وبرد. قُمر: اهااا خالد: يالله مع السلامه .. ما ردت عليه وحز بقلبه وطلع.. طول الدرب واهو يتلوى من معدته ..علامه بطنه يعوره جذي.. كله من قله الاكل .. وقعد يدخن ويدخن ليما وصلوا المستشفى.. بالفعل اللي بيده طلع كسر.. جبروها وحطوها بحماله .. قُمر كانت تمشي بالبيت .. تدخل صاله التشميس وتطلع منها تروح عند المسبح وتمشي بالحديقه ولا تقدر تبعد ندى وخالد عن بالها .. كل ما تتذكر الكلام اللي قالته ندى تحس بالموت.. شلون قدر يخدعها.. اول شي ماكان مهتم لكن بروما .. ويوم طلعتهم .. ليش ما كان صادق وياها من البدايه .. شنو اللي بيستفيد منه اذا جذب عليها بهذا الوقت.. يبغي يبين انه حن وعطف عليها باخر الايام عشان تكون رايته بيضه .. حقير.. بس احبه .. ليش احبه ماادري.. مستحيل احب انسان حقير مثله .. ممثل بارع.. خله يولي بستين الف داهيه يوم اللي نرد الكويت بطلب منه الطلاق.. اطلب الطلاق.. وعمي.. ابوي.. هلي وناسي كلهم .. شراح يقولون .. شراح يفسرون هالتصرف مني .. بس محد يدري ان علاقته تعدلت وياي ويمكن محد يسال..بس اهم متوقعين شي ثاني .. مو مستعده اني اضحي بنفسي الف الف مرة عشانهم .. انا خلاص.. مااقدر اضحي بنفسي اكثر.. والكل لازم يزهب نفسه لانفصالي عن خالد بالكويت وين محد يدري بشي .. العشق كان لاعب لعبته .. وسيمه اللي خبت عن الكل علاقتها بطلال اخو قُمر وجاسم اللي كل يوم عمال يدوب في هوى لولوة .. مريم اللي بتنخطب لولد عمها المرحوم عبد العزيز وبعد عشان يردون العلاقات لبعضها .. بالرغم من رفض مريم للزواج الا ان كثر الكلام والحنه على راسها اقنعتها بالزواج وتسليم امرها لله ..صبحه بنت عبدالعزيز انخطبت لعبيد اللي بغى يحرق الديرة على راسهم بزواج قُمر من خالد وكترضيه له انخطبت له بنت خاله اللي تعتبر من احلى بنات العايله .. ومروة على حالها اهي ونوفه .. الكل يحاول يتقرب منهن بس الخوف من خليفه اخوهن وابوهن يمنع الكل من التكلم عليهن .. يتبع .. Quote Link to comment Share on other sites More sharing options...
أم حماني Posted أغسطس 20, 2007 Report Share Posted أغسطس 20, 2007 ميرسي ع البارت .. بس واايد قصير نبي بارت اطول خيتو Quote Link to comment Share on other sites More sharing options...
sweety.heart Posted أغسطس 20, 2007 Report Share Posted أغسطس 20, 2007 تسلمين حبيبتي Quote Link to comment Share on other sites More sharing options...
روان خالد العميري Posted أغسطس 22, 2007 Report Share Posted أغسطس 22, 2007 إنشالله افا عليكم الحين انزل لكم بارتين لان امس ماقعدت ع النت كنت في رحله في بيت انيسه خالتهن كانت قاعده ويا بناتها نورة وشيخه عايشه المتزوجه ام ناصر: اييه والله وحشوني بنات اختي ام خليفه نورة: أي والله يمه وحشتني نوفو واجد .. ام ناصر: والله فشيله ما رحنا لهم حتى نبارك لزواج ربيبه سبع شيخه: يا ترى شلون استوت قُمر .. اكيد قُمر نورة بحلم: أي والله ..انتي شوفي زوجوها لمن .. لخالد العرب ههههههههههه عايشه: اييه والله تذكرن نروح هناك على امل نشوفه واخر شي طلع مسافر لندن شيخه: بس الزين يستاهل الزين عايشه بطرف عينها: شقصدج نورة تطالع شيخه واهي تضحك: هااا.. ولا شي اختي حياتي مااقصد شي هوو لاتشبينها علي عايشه : ادري فيج تتغشمرين على مشاري شيخه: اووووه يا مروة محد يتغشمر عليه الا انتي والله محد ملاحظ كونه خال نورة تضحك وام ناصربعد الا مروة: والله فيج خير دوري لج رجال حلاته .. شيخه: انا بنت بدرالمصباح ادور لي على رجل .. هو خلصوا .. أللي يبغيني ايجي لعند بيكب ابوي هههههههههههه نورة: أي والله بيكب ابوي هههههههههههههههه ودخل عليهن سبع العايله ناصر: يا بعد عمري ضحكات الحلوات.. ام ناصر: هلا والله حبيبي هلا بالغالي ناصر يحب راس امه: هلا بالغاليه دامه الله ظلج ولا يحرمنا منج ام ناصر: وياك يالغالي نورة: يا عيني .. انا بعرف الامهات ليش يموتن على ولادهن ولا يعبرن بناتهن ام ناصر: ذلفي والله كلكن من فوادي بس ناصر اهو الرجال الوحيد بالعايله سندي من بعد ابوه الله يخليه شيخه ونورة ومروة يدعين: يا رب . ام ناصر: ناصر وليدي ابغيك تفضي نفسك يوم الخميس عشان بننزل الجهرا بيت خالتك ام خليفه ناصر بنظرة شك: ابوي يدري؟ ام ناصر: ماعليك من ابوك انا اكلمه .. ناصر: ان شاءالله يمه بس يمكن يتاجل للجمعه لان فرس بيوصل لي يا اليوم ياالاربعاء .. نورة: ياااااااه انت ما تمل من الفروس كل يوم فرس ناصر: والله الفروس احسن من وجهج يا الجحه نورة بغرور تطالع اخوها وشيخه تون عليها .. هههههيو .. مسكينه نورو .. يالله يالله بنروح الجهرا بروح ازهب اغراضي ام ناصر: وانتي عويش بتجين ويانا عايشه: لا يمه مشاري عنده دورة وابغي اجلس وياه اونسه شيخه: شتونسين فيه .. اهو بروحه ظلامه بتخافين عووشوو صدقيني عايشه: انتي ماتجوزين ويا الكلام ام ناصر: يووووووووه شيخو بسج عاد عيب عليج (تكلم عايشه) على راحتج حبيبتي رجلج اولى شيخه تضحك: والله انا ماادري انتوا شعاجبكم فيه .. خال يا ناس لا يكون بس انا اللي اشوفه خال. ناصر من دون اهتمام لاخته: يالله يمه اترخص منج بروح عند الربع .. قام ناصر وزقر على نورة برع عندالباب نورة بعتاب: شتبغي مني ناصر: الله اختي .. مالج نفس تكلمين اخوج . نورة: تغشمر علي وحاربني جدام شيخوه الدعله ناصر: تاكل تبن شيخوه اتجي حذالج والمثل يقول ولا تلقي على السفيه جوابا.. نورة: هذا اهو .. ناصر: خلاص صافيه لبن سمعيني نورو .. ابغيج تتصلين اليوم بنوفه بنت خالتج وتقولين لها اننا بنجي لهم نورة بمرح: هااا بدينا بالمواعد ناصر: جبي زين والله انها وحشتني من اخر مرة كلمتها صكت التلفون بوجهي وما كلمتني من بعدها نورة: وانت من صجك تكلمها بالتلفون صج قلت الخيرة يا ولد بدر .. ناصر: تكفين نورو عصبن عني بتجنني البنت بموت فيها ولا اهي حاسه فيني نورة بخبث: تحبها.. ناصر يسند نفسه بيده على الطوفه: واكثر من ما تتصورين نورة: انزين حبيبي تامر امر اليوم اتصل فيها .. ناصر: يعلني مااخلى منج يا بعد روح بابوه هههههههههههه نورو: يعلك العافيه ما ظل الا بابوه وشيخو من لها بعدين ناصر: ههههههههه وانتي الصاجه راح ناصرعن نورة وعلى وقت المغرب اتصلت في نوفه نوفه: هلااااااااا بهل النزهه شخباركم شلونكم وينكم قاطعينا نورة: هلا فيج يا بعد قلبي وحشتيني حيل نوفو نوفه: ما يبين وينكم بعرس قُمر ولا نسيتو غلاها ربيبه سبع نورة: انتي تعرفين ابوي ومخاصمه ويا ابو خليل .. نوفه: ايييييه معلينا يالغاليه ابو ناصرومعروف بطبايعه بس هديه خالتي الله يخليها ولا احلى قُمر بتستخف عليها نورة: الا شخبارها نوفه: عال العال للحين بايطاليا ويا روميوها ههههههههههه نورة: الله يهنيها ان شاءالله .. أقلج .. لج سلام حار مغلف بدقات القلب ومعطر بجوري الحب هههههههههه نوفه عرفت قصدها شنو: والله ما نبغي سلامه وخله يولي ولا يجابلني سامعتني خبريه شقردي.. نورة: هههههههههه نوفو حرام عليج نصور يموت عليج وهو موصيني اخبرج اننا بنجيكم بزيارة يوم الخميس نوفه: حلللللللللللفي هذي الساعه المباركه بس الشقردي لا تجيبونه وياكم نورة: لا حبيبتي اهو الاصل ولاابوي لو نموت وما يقطنا عجل احنه شنو اللي عطلنا بعرس قُمر مو اهو نوفه: اييييييييييه تنور الجهرا بجيتكم يالغاليه .. نورة: النور نوري ههههههههههه ولا انتي ناسيه ههههههههههههه نوفه: هههههه لا والله ما نسينا ومرة وحده نورو بنعرفج على بنت عمنا مريم حليلها اتجنن تستخفين من الضحك وياها .. نورة: يصير خير يالغاليه اللحين بخليج تامريني بشي نوفه: ذكر الله ياطويله العمر نورة: هههههههههههه مسافرة انا نوفه: مافيها شي الغاليه نورة: لا اله الا الله يالله مع السلامه نوفه: الله يسلمج سكرت نورة عن نوفه ونزلت تحت شافت ناصر وخبرته واهو طلع من اول ما سمع الكلام وراح يتصل في نوفه نوفه شافت رقمه وسوت ريجكت للرقم.. سكرت جهازها ونزلت تحت ويا خواتها .. ناصر تسكرت الدنيا بعيونه وقعد يدز صور ومسجات ليما تعب ورد داخل .. نوفه ويا امها وخواتها نوفه: يمه خالتي ام ناصر بتجينا يوم الخميس ان شاءالله ام خليفه تهلل وجها: حياها الله زارتنا البركه والله وحشتني خويتي ام ناصر مروة : لا يكون بس بتجيب وياها بناتها والله مااشتهيهن نوفه: انتي منو تحبين بالله عليج غير روحج مروة : احب امي الغاليه العزيزة ام خليفه: ايييييييه شوفوا شتبغي مني هالشقرديه وجايه تتلزق مروة : افا عليج يمه انا اتلزق اصلا انا احبج يمه .. من زماااااااااان يالله يمه مده يدج 100 دينار ام خليفه: حشى عليج مرووو مو توني ماعطتج 50 قبل يومين مروة : يمه ما يكوفون وانتي تدرين الجامعه على الابواب.. ام خليفه: امري لله والله ماادري وين تصرفين هالفلوس مروة : بالحلال يمه بالحلال في دار طلال طلال: ههههههههههه حياتي بسج عاد ذبحتيني من الضحك وسيمه: سلامه عمرك حبيبي ماتشوف شر اذبحك انا شنو بنت اللحام طلال: ماادري علامج مزوده البطاريه حبتين اليوم وسيمه : من الحب حبيبي من الحب .. تصدق قمت اتكلم بروحي لين مااكون وياك طلال: حاسبي على عمرج حياتي تراج غاليه ما تنفعيني بجنونج وسيمه بدلال: اهون عليك تقول لي جذي طلال: والله اللي خالقني محد علقني فيج الا خبالج ولا منو بهالزمن يحب وحده اسمها وسيمه وسيمه: انت حياتي انت.. احبك طلول طلال: الله يا حياتي احبج اكثر عنج بمليون مرة انتي عمري وانتي حياتي وانتي غناتي وابوي وسيمه: الله الله الله كل هذول فيني وانا اقول من وين لي الكيلوات الجداد.. طلال: خخخخخخخ من حبي لج الغاليه .. وسيمه: بس عاد بسك مغازل وقول لي . شخبار قمور طلال: والله بخير.. كلمتها قبل سبوع وكانت بخير تسلم على الكل وسيمه : الله يسلمها .. حبيبي الوحش اخوي شكله وصل بسكر عنك طلال: اوووووووووف انتي اخوج هذا ما بيموت وسيمه: سلامه عمره حرام عليك تحرق قلب امي طلال: والله محد بيذبحه غيري عندي شوزن بسيارتي شرايج اروح اقنصه اليوم وسيمه: طالع هذا تبغي تدخل سجن يعني فيه خله ما يستاهل .. يوم اللي بنتزوج ما بيقدر يتكلم لي طلال: ااااااااااه وسوم حياتي متى بس متى.. متى ادخل الكليه واتزوجج وافتك وانجيب من بعدها عبادي حبيبي يلعب ويا الضب والفار والتيوس وسيمه: يعع عليك هذا تفكيرك صج مسطح طلال:هههههههههههه سطحي حبيبتي سطحي وسيمه: never care يالله حبيبي باي طلال: خهههههههههههههه باي حياتي في بيت سبع بن ضاحي جاسم كان قاعد يتسمع اغاني يوسف المطرف وبالتحديد اغنيه كشفو سر الهوى.. صار له اللحين شهر واهو مو بوعيه وغرقان بحب لولوة.. يبغي يكلم ام خليل عنها بس مستحي وينتظر ليما ايجي خالد من السفر ..بس ماكو راحه بلياها .. شلون حبها جذي.. اهو صج بسرعه يحب الحلوات بس لولوة ملكت مشاعره كلها .. الله يهنيج يا لولوة بقلبي وروحي ويرزقني الخير بحبج يالغاليه .. في بيت بو خليل بن ضاحي ام خليل وحرمه خليل ومريم كانوا يسولفن عن المرحوم عبد العزيز ويتذكرون ايامه ام خليل بحزن: من مات بو سعود كل شي تغير وكل شي تبدل والقطيعه سادت بين الاخوان والخوات.. وضحه مرت خليل: ايه خالتي وانتي الصاجه بس اللحين خالد تزوج قُمر وان شاءالله بزواج مريم وسعود كل شي بيتغير وبعد لا ننسى ضاري ومطلق والرعبوب حمود واحد لمروة والثاني لنوفه والثالث لولوة ارفيجه قُمر حبابه وحليوة ويا حظنا لو تدخل العايله ام خليل: وانتي الصاجه حبوبه البنت وتدخل القلب واصيله بعد ولو انهم مو بدوو.. مريم واهي رافعه حواجبها بغرور: اصلا لولوة ما بتتزوج الا عمي جاسم وهذا قرار نهائي ام خليل: وانتي من موكلج على هالسالفه لا يكون بس مشتغله خطابه مريم بحرقه قلب: لو خطابه جان خطبت لروحي مو قبلت بهالزواج اللي حيا الله مني والدرب ام خليل: هذا ولد المرحوم الغالي مو أي واحد وان شاءالله من بتلقين احسن منه مريم: أي واحد .. ألا اهو .. ام خليل: يالله عاد لاتقلبينها لنا فلم هندي.. مريم: انزين انزين .. بس عمي جاسم ما بياخذ الا لولوة. وضحه: والله مادري يا مريم بس عمج هالايام مختفي عن عيوننا .. مريم: احم احم .. الغايب عذره معاه بدخله خليل: الله الله وانا اقول منو اللي ايجب طاريي اثاريها حبيبة قلب اخوها مريم بدلع: ايه والله منو غيري يعني انجي لخليل شويه .. ذكرناه في بدايه القصه بس بالكلام وما تعمقنا بشخصيته وراح انتعمق لان خليل راح تكون ماساته متوحده وفريده من نوعها... خليل شاب ولا كل الشباب اخو خالد الاكبر عمره 33 سنه اول العنقود.. دخل بجامعه البترول والمعادن بالسعوديه وتخرج بس استنغنى عن كل الشركات وانضم الى شركه العايله الكبيرة.. تلبيه لرغبه ابوه وعشان يملي مكان عمه المرحوم .. حباب وحليو وراعي سوالف ونكت .. وكل شي راح يتغير بحياته بسبب المصايب اللي بتحل على حياته فجاه.. وضحه: الله وامرى اللحين يعني انا مااذكرك خليل جلس يم مريم: والله ماادري .. قلبي اليوم كان يدق يدق بعنف وقوة وانا جبت اسمج عشان اشوف يهدى لكن ما هدى .. قلت اكيد مريوم ولا ست الغوالي .. وضحه بزعل وقامت: عن اذنج خالتي شكله الوحام بدى عليي وراحت وضحه واهي حاقرة رجلها مريم : ههههههههههههههههههههه كفك بو برهوم حرقت دمها ههههههههههههههههههه خليل: ويلي ويلاه منها بانزين هالحرمه بسرعه تحترق ههههههههههههههههه ام خليل: من الحب يا ولدي والله الحرمه ما يحترق دمها الا بسبة الغيرة والحب مريم: هاااااا يمه قمتي تتكلمين بلسان نزار قباني .. ام خليل: نزار منو خليل بغشمرة: يما نزار قباني .. هذا شاعر سنافي يمه يتحدى حامد زيد ام خليل: يذلف اهو وربعه مايبغون ولد الطيب حامد اقلك ان تعرفه وصل له كلامي خليل: بسم الله علي يمه تبغين تموتيني الرجال مات وتحولت عظامه الى رميم مريم: ههههههههههههههههههههههههه هههههههههه خلول والله انك ذبيحه خليل: هع هع هذا انا خلول بن برهوم كفج مريم بس كفج ام خليل: خليل خليل يحاول يتناسى التهزيبه: قلي يا خلي من اللي ياخذك مني وانا اللي توقف ايامي في بالي .. وضحو يا حبيبه قلبي ويحك اين انتِ؟ مريم: انها بخيمتها تحلب الجوهرة خليل: خيمه تهب على راسج وبقرة تسقي من مرعاج لاتتغشمرين عليها .. بنت العرب هذي فديت خشمها الزعوله .. يالله انا بدخل اللحين ارفعن اياديكن بالدعاء اطلع سالمن غانمن فايزن بحربي ويا بنت الدانه مريم نقعت من الضحك على اخوها وكلامه وام خليل بسذاجه رفعت يدها: منصور غانمن يا ولد نجمه .. خليل: لو سمحتي .. بن ابراهيم .. رجال شكبري شيبي برز تقولين لي ولد نجمه الله يخلي خلود وين راح ام خليل: اااااااااااه على خلود اثاريها سحرته بنت سعد يحليلها والله قُمر بن ضاحي .. مريم: ايو الله اثاريهم اللحين يتوسدون ثرى بحر باليرمو ويتكلمون باسرار العشق والغرام خليل: صدقتي يا بقرة امج الغاليه .. بس والله ما يتحدوني بالغرام انا ووضحو مريم باهتمام: صج صج علمنا علمنا خليل توه بيتكلم ورفع حاجب على مريم: ها مريوم .. اشوفج ميته على هالسوالف شهالحركات مريم انحرجت: اعنبووووووو شقلت انا انت اللي فاضح عمرك خليل: جب ولا كلمه .. اخر مرة اسمع منج هالكلام لا ماكو حب شمسي باجر مريم: خل الحب لروحك ماابغي شي منك خليل: انزين قومي قصي لي جحه مريم: جحه هالحزة حشى ولا بصراوي خليل: ايه انتي صاجه بس انا احاول العب بالوقت قبل لا تلعب النظرات بعمري .. اثاريها وضحوا اللحين مشخطه الدار بروحتها وجيتها ولا موتر بو قزوز دبابه تنتظرني .. بروح لها والله يحليلها يمه قط شكرتج على حبيبتي وضحه ام خليل: مليون مرة خليل: فلتجعليها المليون وواحد .. 1000001 عدل مريوم مريم: ههههههههههههههههههههههههه ههههههههههه عدل عدل .. خليل بطريقه ساخرة: في امان الله اماه انا رايح الحرب .. مريم عدلي خشمج بس عشان الدرب.. نقعن الحريم على خفه دم خليل وراح عنهن يراضي وضحه دخل عليها الدار: ليله .. لوباقي ليله .. عمر ي ابيها الليله واسهر .. بليله عيونك ذي ليله عمر ما تعطيه وجه واهي تسحي شعرها الطويل ويكمل مغني زمانه: وضحه يا وضحه وشكثر انتي جميله وضحه بغرور: ادري من دون ماتقول لي .. خليل: اوووووووووف خليني اشوف حرارتج (يحط صبعه بالماي اللي على الطاوله ويمس يد وضحه) فيششششششششششششششششششششش حريجه وضحو اعنبوج بتجننيني هههههههههههههههههه وضحه بعصبيه: خليل تراك ذبحتني بالغشمرة انا من صجي معصبه وانت تتغشمر خليل: هههههههههه شسوي فيج يا عمري .. الدنيا يومين ومن يدري باجر انا اموت وانتي بتظلين يعني جذي معصبه علي وضحه: قص بلسانك لا تقول جذي. .الله لا يحرمني منك يا بعد روحي خليل: ااااااااااااااااااه يا قلبي تحبيني وضحه وضحه وشوي شوي تنسى زعلها: مو بس احبك.. انا بروحي فيك خليل واهو يمثل بالعوار: وانا اقول علامي احس بالطيران الا من روحج الحرة يالدلوعه.. وضحه: انا مو دلوعه.. بس انا ابغيك تدللني جدام هلك خليل: ما له داعي ياعمري .. حنا مفضوحين جدام الاهل ,, حتى ان الناس يعرفونا من بعيد لين نمر .. كاهم العاشقين .. وضحه وخليل .. كاهم هناك كاهم هني .وين الدفتر وين القلم ابغي التوقيع وضحه: هههههههههههههههههههههه يالمايع خليل: افاااا اانا مايع .. وضحه: واحلى مايع بعد شعندك خليل: ما عندي شي اخر دينار صرفته على البانزين وضحه: من يوم ورايح لازم تخصص.. ولا نسيت البيبي خليل: انا انساه .. يخسي اهو واللي جابوه الا ناطره على احر من الجمر .. الا اقول لج ما تحرك اليوم ما تكلم وياج ما دق ..قاطع هذا من شهرين ما ندري عنه وضحه: باجر عندي موعد بالمستشفى حقه .. خليل: اييه اقول لج ان تكلم وياج وطول لسانه على طول حوليه لي وانا بتصرف وياه اوكيه حياتي وضحه: يا ربي متى بتصير جاد انت بحياتك خليل: اممممممممممممممممممممم ابدا .. شرايج وضحه: ههههههههههههههههههههههههه ههههههههههههههههههه احسن مثل ماوعدتكم واكاه عطيت لكم بارتين ومسامحه ع التأخير وبكره بعد اذا جافيت ردود بحط بارتين بعد Quote Link to comment Share on other sites More sharing options...
أم حماني Posted أغسطس 22, 2007 Report Share Posted أغسطس 22, 2007 يسلمو عمري ع البارت وننتظر الباقي يعطيج الله العافيه Quote Link to comment Share on other sites More sharing options...
sweety.heart Posted أغسطس 23, 2007 Report Share Posted أغسطس 23, 2007 يسلموووووووووو عالبارت وننتظر بارت جديد Quote Link to comment Share on other sites More sharing options...
a7la w3hdanya Posted أغسطس 23, 2007 Report Share Posted أغسطس 23, 2007 يعطيج ألف عافية ننتظر البارت اللي بعده Quote Link to comment Share on other sites More sharing options...
روان خالد العميري Posted أغسطس 23, 2007 Report Share Posted أغسطس 23, 2007 ثااانكس ع المرور وهذا بارتين جاسم حس حاله متضايج واجد ويحس بالكابه وماله الا خالد يفش له مزاجه اتصل فيه لقى تلفونه مسكر .. فكر يتصل بالبيت ومرة وحده يكلم قُمر اللي وحشته حيل اتصل على البيت وظل التلفون يرن ليما انرفع انابيلا: bin thahi mansion جاسم تورط .. شكلمها تطلع لي ايطاليه واخربط وياها: hi this is jassim bin thahi where is gomar انابيلا: just a moment sir خذت انابيلا التلفون لقُمر الجالسه بصاله التشميس ضايعه بحزنها انابيلا: phone call from mr jassim قُمر: هاتيه ..( لعمها) الووووو جاسم: الواااااااااااااات ملايين هلا بالغاليه مرت الغالي قُمر تبلع الغصه: هلا عمي هلا الغالي .. شخبارك جاسم: ابخير الحمد لله انتو شخباركم شعلومكم قُمر بصوت حزين: بخير عمي عايشين وحشتوني عمي واجد وحشتوني جاسم حس ان السالفه فيها غلط: وانتي اكثر قمور.. علامج قُمر فيج شي قُمر توهقت ويا عمها شتقول له .. جاسم واجد دقيق ويلاحظ اقل تغير لذاحاولت تغير النبرة: سلامتك عمي مافيني شي بس مليت من هني ابغي ارد لكويت جاسم: بعد عمري والله بس خلاص قولي لخالد واهو ما بيرد طلبج قُمر: ادري عمي ادري.. جاسم: ايه قُمر .. وصيتي فيج اهو خالد .. تصبري عليه .. تراه يحبج ويعزج حتى انت يا عمي انقص عليك .. مسكين انت يا عمي : ان شاءالله عمي اللي تامر فيه .. جاسم: عفيه على البنات الا وينه خالد قُمر: طلع راح يسوي جم شغله وبيرد من بعدهن .. جاسم: ايه الله يوفقه .. يالله حبيبتي اخليج وراي شغل قُمر: براحتك عمي ... توصيني بشي جاسم: ذكر الله يالغاليه قُمر: ااااااااه ونعم بالله جاسم :مع السلامه الغاليه قُمر :الله يسلمك سكر جاسم عن قُمر واهو يحس بشي غلط قاعد يصير.. قُمر صوتها كان حزين وكانت تتكلم من قلب ومو معقوله ان كان يصير اللي خالد يقول عنه وقُمر تظل جذي تعبانه .. تعوذ من بليس وقعد على النت يحس بالسخف من حاله ليما يقعد على النت بس شيسوي يقضي وقت.. قعد يصمم خلفيات فلاشيه باغاني راشد الماجد بحيث يطلع الكلام من البحر او كدموع او يفتح رساله ويطلع منها الكلام .. ويكتب من تحت عاشق اللولو.. حس بالوحده.. صار له اكثر من 3 سنوات يعيش لحاله من بعد وفاه ابوه .. بيت شكبره يعمر ديار واهو جالس فيه لحاله .. وتخيل لو لولوة كانت زوجته .. يا الله راح تكون احلى عيشه وياها .. صارت الدنيا ليل وخالد للحين ما رد .. الشكوك بدت تتصارع بقُمر بس قلبها المجروح يتمنى لو انه ما يرد ابدا .. ولا تضطر انها تشوفه او تتعامل وياه ابدا .. قعدت تفكر لو ردوا الكويت شلون بيعيشون مع بعض .. راح يعيشون في بيته .. بغرفه وحده واهي ماتبغي.. بتخليه يشتري لها بيت او شقه ليما تتقوى على نفسها وتطلب منه الطلاق.. نزف قلبها مرة ثانيه.. الطلاق.. انا اصير مطلقه.. انسانه منفصله عن زوجها.. شالحياه اللي راح اعيشها .. شهالموت البطيء اللي ناويته على عمري .. ليش .. انا ليش يصير وياي جذي.. بس ماعليه .. ابلعها واهي بارده.. بس مستحيل اعيش ويا خالد بمكان واحد وانا اعرف ان قلبه يود وينشد غيري.. مستحيل.. خالد كان قاعد بالحديقه .. من زمان وصل البيت بس ما حب يدخل داخل .. ما يبغي يشوف قُمر ويشوف اجرامه فيها .. قعد بالحديقه واهو يتنسم الهوا اللي يمر عليه وكانه رحمه من الله عن العذاب اللي يعيش فيه .. ليش ندى سوت جذي في حياته .. مو كفايه انها رفضته وخلته يتزوج قُمر .. واخيرا يوم بدى قلبه يحب قُمر تدخلت مبيناتهم وهدمت كل امل وذبحت كل امنيه بقلبه .. طلع علبه الزقاير شافها فاضيه.. هذي ثالث علبه يخلصها باليوم الواحد .. ولا يحس بعد بالراحه .. حس بالجوع ينهشه واخيرا قوم نفسه عشان يدخل البيت. قُمر كانت جالسه بصاله زجاجيه اضيفت حديثا بالبيت.. كلها جزاز وتكشف اللي داخل وتعتم من برع .. قعدت تتنسم الهوا اللي يمر بالصاله من الدرايش المفتوحه .. كانت هلكانه وتحس بتعب الدنيا كله فيها خالد دخل البيت وسكر الباب.. رمى الجاكيت اللي كان حامله وبوكه وساعته وراح للمطبخ ستيلا: good evening sir خالد: hello stilla.. Where is gomar? ستيلا: she is in the sollarion hall do you want me to serve the dinner? خالد: yes please راح خالد عنها .. ما يتذكر انه امس شوي ويذبح ستيلا يوم عرف انها حبست قُمر بالدار.. راح عن باله وقف عن باب الصاله واهو يطالع قُمر .. كان منظرها اثيري .. واقفه وشعرها مفتوح عاقده ذراعاتها ومغمضه عيونها تتمتع بالنسيم .. تمت على شكلها جذي ليما اهو قطع الهدوء بصوت يذوب له الصخر: قُمر .. قُمر انتفضت.. صوت خالد .. لدقيقه وحده نست امس بس ابتسامتها وجعت خدها المتورم وتذكرت.. فتحت عيونها وملامحها متغيرة والتفتت له قُمر: وايد تاخرت.. على مااظن مو اليوم بنرد لروما خالد واهو واقف مكانه: ايه .. ماكو رحلات .. خبرج الوقت صيف وكل الناس اتجي على ايطاليا.. باجر بنطلع من هني بنروح روما ويمكن نمر ميلان ومنها نرد الكويت قُمر باستغراب: حسبت ان ميلان ما راح نطبها مرة ثانيه خالد واهو يقعد: لا مضطرين لان هناك عندنا طيارة خاصه وتقدر تردنا الكويت قُمر ما ردت.. ومشت تطلع من الصاله خالد بصوت تعبان: وين رايحه قُمر فز قلبها: بروح داري خالد يطالعها: ما بتتعشين وياي قُمر من دون ما تلتفت له: ماابغي اكل خالد: قُمر لازم تاكلين قُمر تطالعه باشمئزاز: اللحين شنو .. قبل كان واجب اللحين شفقه خالد : لا يا قُمر... قاطعته: بس عجل.. قلت ماابغي .. يعني ماابغي... خالد باستسلام: على راحتج وكملت قُمر دربها .. اهو بعد كان تعبان مثلها .. ما قدرت تحط عيونها بعيونه .. تخاف تضعف جدامه .. راحت دارها بسرعه واهي تمسح دمعه ساخنه حرقت روحها قبل خدها.. خالد قعد مكانه واهو متلوم حييييييييل على نفسه.. للحين ما يقدر يصدق انه مد يده على قُمر .. قُمر الضعيفه إلى مالها قوة.. اللي قالته من غير قصد من حرقه قلبها .. تبغي تجرحني مثل ما جرحتها.. وانا عاقبتها بهذي الصفعه اللي تدوخ الواحد .. الله يعينه ليما يردون الكويت .. الحرب راح تكون حاميه بالكويت .. لانهم بيعيشون بدار وحده وخالد من المستحيل يطلع بره بيتهم .. زهب العشا وقعد ياكل بهدوء على الرغم من جوعه القاتل.. شرب من بعده قهوة ويا حبوب مسكن للالام لان يده تالمه .. استغنى عن الدار وانسدح على احد الكراسي المريحه وراح في سابع نومه.. قُمر كانت جوعانه بس لان خالد اللي عزمها ماحبت تروح تاكل وياه .. ما تبغي تشوف رقعه وجهه .. الحقير النذل .. يحاول يرد كل شي على طبيعته لكن مستحيل.. تمت بدارها ودقت جرس للخدامات ايجيبون العشى لها فوق.. انابيلا اللي جاتها بدال ستيلا .. قُمر: انابيلا وينه خالد انابيلا: استاز خالد نايم تحت.. هيئته كتير تعبان .. ايده ع الجفصين قُمر: ليش اهو متعور انابيلا: ما بعرف ستي صحى اليوم وطلع واجا هيكي .. بدك شي تاني قُمر: لا سلامتج .. شكرا انابيلا انابيلا: العفو ... اهو صج قال لها اليوم الصبح انه بروح المستشفى لان يده تالمه .. بس لانها ما شافته ما لاحظت الجبيرة .. من شنو متعورة يده .. والله انا شيهمني .. لو يتكسر بكبره ما يهمني .. وقعدت تاكل .. خالد كان راقد بسابع رقده واهو على الكرسي.. ما يحس بولا شي .. حتى انه كان ماد يده باستسلام .. قُمر نزلت بعد ما ملت من القعده لحالها .. دخلت الصاله وما شافت احد التفتت عشان تطلع وشافت خالد .. كان مثل الميتين برقاده .. خافت .. وحست بالرعب راحت عنده بهدوء.. تبغي تتحسسه ان كان ميت ولا لاء.. كان ماد يده ويتنفس بهدوء .. راحت قعدت عنده بكل هدوء واهي تراقب ملامحه .. بعد تفكير راحت جريب من وجهه عشان تحس لنفسه.. جربت وجربت واخيرا حست لشي.. كان يستنشق ويزفر بهدووووء تام .. شم ريحتها وقعدت يبتسم يفكر نفسه بحلم.. قُمر تطالعه وتطالع شكله قاعد يتبسم ومرة وحده خالد قعد يتكلم برقاده : قُمر .... ماابغي .. ليش لازم ... بعد ما حبيتج... دق قلب قُمر من كلام خالد .. يتكلم واهو راقد .. ويفكر فيها .. يحلم بها .. وليش يعني .. اهو ما يحبني .. وشقاعد يقول . .لا يكون صاحي وهذي تمثيليه من تمثيلياته .. توها بتقوم عنه الا ويرن التلفون .. كان الجو هادئ وسكون وطلع صوت التلفون مرة وحده وقُمر انتفضت على مسمعه وطقت يدها بيد خالد وواتعى .. كان منتفض ما يدري شصار خالد: قُمر. قُمر كانت يمه ومن دون وعي: لبيه انتبه لوجودها .. ما يصير كان يحسب انه يحلم فيها بس اهو شم ريحتها ليش قاعده يمه .. قُمر حست بالحرج من نظراته:......... التلفون انتبه خالد له وقام يرد عليه: الو ... جاسم: الو .. خلوووووووود خالد يطالع الساعه... الساعه 10 بتوقيت فينيسيا معناته الساعه 11 بالكويت .. خالد: هلا هلا جاسم .. شخبارك جاسم: تمام الحمد لله .. انت شخبارك خالد يطالع قُمر ويطالع يده .. شالمفروض يكون حالي .. بظيج: الحمد لله عايشين جاسم حس بنفس اللي حساه يوم كلم قُمر: متاكد؟ خالد يعرف جاسم وتاكد انه حس بشي: ايه .. خلك مني وقول لي شخبار الاهل .. جاسم: انا متصل فيك عشان اخبرك ان مريم ملجتها بعد سبوعين على سعود ولد اخوي المرحوم عبدالعزيز خالد نسى همه وبدى له هم ثاني .. مريم تتزوج .. ومن منو.. سعود : شنوووووووووووووو جاسم: علامك يا خالد .. مريم بتتزوج من سعود .. تقدم لها قبل سبوعين وابوك وافق .. خالد :ومريم.؟ جاسم: وافقت خالد انصدم: صج؟ جاسم: أي صج علامك مومصدق.. سعود تراه ولد عمها مو أي غريب خالد: يعني لازم تعيدون نفس الكلام بكل عرس.. ولد عمها يعني خلاص خلصوا الرجاجيل. قُمر انتبهت للي يقوله خالد .. بس ما قدرت تفهم هل اهو يرثي حاله ولا حالها .. وزاد حزنها وقامت تروح دارها .. واهي تمشي مسكها خالد من يدها عشان تنتظر خالد: أي جاسم .. بعد يومين احنا بالكويت .... بس خلاص ملينا من ايطاليا... لا مانبغي نروح مكان ثاني ..... اههههه يمكن ..... ... لا اله الا الله .. الله يسلمك .... ان شاءالله ع هالخشم جم بو محمد عندي ..... ههههه اكيد ... الله يسلمك ... الله يسلمك .. سكر خالد التلفون وقُمر واقفه يمه.. خالد من غير تصديق: مريم بتتزوج ... من سعود ولد عمي عبد العزيز .. واهي وافقت قُمر بسخرية: ما كفاهم معزة وحده جابوا الثانية يخلصون عليها .... راحت قُمر عنه لكن يد خالد كانت أسرع ومسكها خالد: شقصدج قُمر قُمر : قصدي واضح .. الغبي اللي ما يفهم ..تسمح تخلي يدي .. خالد هد يدها وراحت عنه قُمر.. وقبل لا تركب الدرج قُمر بحقد ولؤم غريب: بس قبل أي شي تأكد ان قلبه مو مملوك لغيرها لا بعدين تنسم وتكره حياتها .. تألم خالد زود من كلام قُمر .. جرحها عميق وينزف بغزارة .. بس اهي صاجه.. لو ما تزوجها واهو على حبه لندى جان ما صار اللي صار ولا راحت روح قُمر الطيبة ..يحس نفس مجرم .. مجرم بحقها ومجرم بحقه ومجرم بحق ندى بعد .. ما يدري عن ندى .. أكيد ردت لندن من بعد تهزيبه أمس .. والا منو بظل من بعد الكلام الجارح اللي قاله بس اهو أتخذ القرار المناسب.. لقُمر وإكراما لزواجه اللي ما يدري شنو مصيره من بعد اللي صار أمس .. بس مستحيل يترك قُمر لو كان هذا الشي اهي اللي تبغيه .. مستحيل يفرط فيها وفي زواجهم اللي صار بالنسبه له حبل النجاه من بعد ماكان حبل المشنقة.. الفصل الثاني............ -------------------------- تلبست قُمر وقعدت تنتظر انابيلا تناديها عشان تنزل .. تبجي على شهر العسل اللي انتهى قبل لا يبدى .. صج انه اتعس شهر عاشته بحياتها .. خسرت روحها ... وخسرت دفترها.. وخسرته اهو .. اللي ما يتعوض .. خالد ... تنزل دموعها بغزارة واهي تمرر يدها على كل شي بالجناح .. الكراسي .. الطاولات .. المزهريات المليانه بورود الاوركيد الابيض.. تبتسم واهي مجروحه.. تتذكر طلعه ذاك اليوم قبل لا تهب عاصفه ندى على حياتها .. بس الحمد لله ان الحقيقه انكشفت لها قبل لا تغوص اكثر بحب خالد .. مع ان قلبها تعلق فيه وفي هواه الا انها بتحاول تموت هذا الحب ولو كان اخر شي تسويه بحياتها.. انطق الباب وقُمر تمسح دموعها بنعومه وترد: تفضلي انابيلا.. ما كانت انابيلا..: انا خالد ... التفتت له قُمر .. ودموعها سيلان يهز القلوب المتحجرة .. نست حقدها وانتقامها للحظه وقعدت تلومه وتعاتبه بنظراتها.. كان واقف بهدوء وجسمه مايل من التعب اللي فيه .. معدته تصرخ بانواع الآلام الغريبه اللي عمره ماحس بمثلها .. بس متحمل عشان يردون الكويت باسرع وقت.. دموعها كانت بمثابه لسان حالها المزري .. تطالعه و عتب القلوب واللوم المذيب موجه له .. خالد بحزن: الوقت صار .... قبل لاتفوتنا الرحله قُمر ما ردت عليه .. ظلت تطالعه بنظرة العتاب... واهو ما عاد يستحمل اكثر خالد: قُمر تكفين. .خلينا نطلع من هالكابوس .. ونرد للكويت .. قُمر تبتسم بالم: كان من الممكن ان يكون هذا المكان الجنه .. الحلم الوردي .. حلم الف بنت وبنت تتمنى السعاده الشرعيه ببدايه حياتها الزوجيه .. بس انت من الانانيه قضيت عليها .. وقضيت على حياتي .. وتناسيت حقوقي عشان نفسك .. الله يجازيك كل الخير خالد .. على اللي سويته فيي. تمت تبجي وملامحها متعذبه .. خالد زادت الامه .. ليش تقول له جذي .. تسم روحه وتجرعه العذاب .. اهو يحبها .. ليش ما تصدقه خالد: قُمر .. انا احبج .. علامج ما تصدقيني .. ليش تقولين لي هالكلام اللي يذبحني بكل مرة اضطر اني اسمعه.. قُمر تمسح دموعها وتحمل جنطتها ومن دون ما ترد تطلع من الدار... ويظل خالد .. يسترجع ذكريات ذاك الصباح اللي كان مقرر انهم يطلعون .. كانت قُمر شي .. وقُمر اللي كانت هني قبل شويه شي ثاني ليش الحياه لازم تتعقد ..مستحيل يعني يعيش حياته بهدوء .. مستحيل يلاقي الراحه اللي الكل يتمناها .. هل هذي انانيه ولا حرام عليه .. ماقدر يستحمل اكثر وطلع من الدار .. قبل لا يطلع حس بشي تحت ريله .. باعدها لقى السوار الابيض اللي كانت قُمر لابسته .. قفله مكسور ومطروح على الارض.. شبيه بحاله زواجه ويا قُمر .. رفعه .. شمه وباسه وحطاه بجيب بانطلونه ..وطلع. بعد ما طلعوا بنص ساعه ندى كانت واقفه عند الباب .. متوترة وخايفه من رده فعل خالد لو شافها بالبيت.. بس اهي لازم تتكلم وياه اهو واجد عصب عليها بس مستحيل يكون عنى الكلام اللي قاله .. دقت على الجرس واخذت نفس.. ندى: bon jorno ..ke seniore kalid ستيلا لاحظت اللغه المكسرة وردت عليها بالانجليزي: good morning mr khalid idnot here he left last night back to his home! ندى انصدمت.. رد البلاد .. بهذي السرعه.. ليش؟؟ ندى بلعثمه: ok thank you.. ستيلا سكرت الباب وندى مشت بطريج غير واضح لها .. خالد رد الكويت .. ليش.. ليش واهو يدري اني هني بايطاليا علشانه .. شقصده من هذي الحركه.. لكن وين بيروح عني .. بروح له الكويت.. على الطيارة قُمر كانت هاديه اكثر من المتوقع .. اهي كانت متوترة من الطيران بس قوت نفسها على خوفها السخيف.. بدت تحس بحياتها سخيفه .. تعيش تحت ظل كثير من المخاوف اللي ما تنفعها بشي . خالد كان قاعد واهو مسند راسه .. الام بطنه كل ما ايجي لها تزيد .. الدوخه زادت عليه وجبينه يزخ عرق.. يحس بالمرض .. اكيد يده اهي السبب ... بلع حبوب مسكنه للآلام وحاول يرقد بس ماكو وقت..الرحله قصيرة من فينيسيا الى روما .. لذا بس غمض عيونه . في الجهه الثانيه كانت بنت عربيه قاعده واهي تمسح دموعها .. قُمر استعجبت منها .. مسكينه تبجي من يدري شفيها .. سكتت عنها لمده خمس دقايق بس بطبيعتها الطيبه ما قدرت تصبر اكثر .. مدت يدها بالكلينكس للبنت بابتسام: هاااج التفتت لها البنت وشافتها قُمر .. بنت حلوة ملامحها هادئه وعيونها متورمه من البجي .. خذت منها الكلينكس : شكرا.. ابتسمت لها قُمر وسكتت عنها.. بس البنت ما فارقت بالها .. وردت لها قُمر بحنيه: من الخليج. البنت: السعوديه .. قُمر: حيا الله هل السعوديه البنت بابتسام: الله يحيكِ.. وانتي ؟ قُمر: من الكويت. البنت وكانها تذكرت شي مؤلم: هلا والله ... قُمر: شسمج البنت: منايات قُمر: هلا والله منايات.. انا قُمر منايات: اسم على مسمى قُمر عاشت الاسامي قُمر: عاشت ايامج .. علامج تبجين منايات: امي توفت قبل سبوعين .. وقعدت تبجي مرة ثانيه قُمر حست بالحزن على البنت.. امها تتوفى بالغربه ومبين ان ماكو احد معاهن: عظم الله اجرج يالغاليه الله يرحمها ويغمد روحها الجنه منايات: امين يا رب العالمين قُمر : ما عليه.. الغاليين لازم نخسرهم بس الامتحان يكون ليما نتقبل حكمه ربنا ونرضى فيها ..مو؟ منايات تمسح دموعها الغزيرة: صح .. بس امي كانت حيل غاليه علي قُمر شوي وتبجي: الله يرحمها.. ماكو ام بالدنيا مو غاليه على قلوب عيالها .. (تذكرت امها وقعدت تدعي لها بالصحه والعافيه) منايات: صدقتي .. الله يرحمها ويجعل مثواها الجنه يا ربي.. قُمر: امين منايات: اسفه اختي ظايقتك معايا بس غصب عني اعمل كذا قُمر: لا ماعليه .. غاليه وعزيزة .. منايات: الله يخليكِ قُمر.. تلتفت لخالد وترد لها: اكيد زوجك ؟ قُمر: ايه زوجي .. رادين من شهر العسل منايات: الف مبروك .. ولو انها متاخرة قُمر بابتسام: الله يبارج فيج ... ابتسمت لها منايات والتفتت عنها واهي تغمض عيونها .. قُمر عيونها دمعت وحست بالحزن على البنت .. كانت تظن ان ماكو احد حزين مثلها .. لكن كاهم الناس يخسرون اعز الناس على قلوبهم ويتصبرون من دون أي انذار .. الله يرحمج يا ام منايات والله يخليج لي يا يمه. التفت لها خالد واهي تمسح دموعها .. بعدها تبجي قُمر .. والله ما تدري انها تعذبني بدموعها خالد بحنيه: قُمر علامج .. قُمر تشهق بالبجي: ما فيني شي.. خالد : تكفين قُمر .. احلفج باللي اغلى على قلبج لاتبجين .. جريب نر د الكويت وترتاحين مني بس لاتبجين اللحين .. مااقدر استحمل دموعج . قُمر استغربت .. كلام خالد كان غريب.. على باله اهي للحين تبجي على اللي صار مبيناتهم قبل لا يطلعون بس كلامه كان مؤلم .. عيونها كانت تاكل ملامحه .. خالد كان يبين تعبان حيل ومريض.. اشفيه يا ترى كله من يده المكسورة .. حست انها زودت نظرتها ونزلت عيونها واهي تقول : ان شاء الله... خالد ابتسم لها .. اشوي رحمته وردت قُمر الاوليه .. الهادئه المطيعه.. قعد يتذكر اول يوم من زواجهم .. شكثر كانت حلوة وخجوله .. وتذكر يدها اللي مسكته يوم طارت الطيارة .. ويوم تتوسله عشان الطيار يخفف الطيران وكانه اهو له سلطه على الطيار.. حب اعتمادها عليه .. واتكالها عليه .. يحبها .. يحبها ويموت فيها .. شلون حبها جذي.. شلون دخلت قلبه باليوم اللي انهدت حياتهم كلها .. اهي بعد تحبه قالتها له .. اكثر من مرة بنفس الوقت.. مستحيل يتحول كل الحب الى كره .. لا يقدر .. كاهو يكره ندى من كل اعماق قلبه على اللي سوته فيهم .. نسى اربع سنوات من الحب بلحظه وحده عشان قُمر شنو ببال قُمر عجل .. اللي ماصار لها اكثر من شهر واهي تعرفه.. حس بالالام ببطنه تزيد وتزيد .. يا رب صبرني ليما نوصل روما .. وغمض عيونه مرة ثانيه قُمرالتفتت لخالد .. شافته يعرق واجد .. خافت عليه مبين انه صج مريض ما يمثل .. بغت تساله وتمسك يده توازره على مرضه بس ما تقدر ..الرفض اقوى منها .. ما تقدر تغفر له .. من تطالعه تشوف ندى فيه وتتذكر كلامها ويقسى قلبها اكثر واكثر.. تحمل خالد ليما وصلوا المطار.. بالغصب كمل اغراضهم وراحوا مع السايق غوليرمو .. ركب خالد السيارة واهو يتنفس بقوة.. الآلام كل ما ايجي لها تزيد وقُمر يزيد رعبها عليه .. خالد واجد تعبان .. شلون قدر يستحمل السفر واهو حالته جذي.. قُمر بخوف: علامك خالد.. اكو شي يالمك خالد واهو يرتجف: مافيني شي.. لا تخافين .. الحين بنروح البيت وبرتاح .. شويه تعب. قُمر ما صدقت ولاكلمه من اللي قاله .. وجهه كان مبيض ويرتجف وجبينه يصب عرق.. خالد قال اللي قاله عشان تهدى شوي ويقدر يرتاح .. تمت قُمر تطالعه طول الدرب واهو يمسك بطنه بيده واهو يشد على قميصه.. بدال ما تكون يدي اللي تمسكه يمسك قميصه .. وصلوا البيت وخالد مشى بسرعه وركب لداره.. فقد توازنه عند الدرج بس كان لازم يوصل للدار.. حس بلوعه شديده وكانه بيرجع وراح لعند الحمام وطاح على ركبتيه واهو يرجع من حر جبده.. قُمر كانت تحت وشافت خالد يروح وكانه يبغي يشرد من شي.. يبغي يشرد منها .. سلمت على زينا وخلت السايق يدخل اغراضه لدارها .. ركبت قُمر وشافت باب الحمام مفتوح .. اتقربت شوي تشوف منو داخل الحمام وما شافت الا رجولات خالد ممدده واهو يرجع.. ارتعبت من صج ودخلت عليه .. شافته يرجع على الارض.. واهو يتلوى من الالم وفقدت كل احاسيسها وراحت لعنده قُمر برعب: خالد ... علامك خالد خالد ما يرد عليها .. يرتجف مثل الورقه ويرجع.. ماتدري شتسوي معاه .. اهو قوتها كلها وكاهو يرد من حر قلبه مسكته من جتوفه واهي تمسح عليه بحنيه وتبجي قُمر: سلامه عمرك خالد .. تكفى قول علامك خالد رد على ورى وانسدح بحظن قُمر .. يشيل الدم من طرف حلجه واهو يكح .. حست برجفته على رجولها وكل اللي قدرت تسويه انها تضمه بكل قوتها .. تضمه وكان علاجه وياها.. حست بهدوء خالد بحظنها وقعدت تهزه قُمر: خالد .. خالد ... خالد قوم .. قوم خالد تكفى حبيبي قوم .. . زيـــــــــــــــــــــــ ـــــــــــــــــــــــــ نـــــــــــــا زينا وينج .. زيناا يتبع .. Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.