تفاحه Posted نوفمبر 29, 2007 Report Share Posted نوفمبر 29, 2007 نبـــــــــــــي بااااااااااارت بلييييييييييييييييييز بنت الحدادة Link to comment Share on other sites More sharing options...
بنت الحداده Posted نوفمبر 30, 2007 Author Report Share Posted نوفمبر 30, 2007 سووووووووووووري ع التأخير بس بحرين توديي ما يفتح عنددددي عموما هذا البااااارت طارق اول ما سمع صوت امه عطى أبوه التلفون لنه يدري انها بتزفه .. بو طارق : هلا بالغاليه .. أم طارق كانت توها يايه بتزف .. : وي هذا انت وينه ولدك الي ما يستحي يتمسخر على امه بو طارق : هههه هدي اعصابج يم طارق وهاتي البشاره أم طارق : بشر يا بو طارق .. بو طارق : سموور ما فيها الا الخير وتقدرون اتيون تشوفونها اليوم .. ام طارق .. : والله !! الله يبشرك بالخير يلغالي يلا يايينكم الحين .. بو طارق : نطري شوي عاد سيده بتسكر التلفون .. أم طارق : شصاير بعد؟ بو طارق طلع من الحجره ووقف في الممر .. بو طارق : مب صاير الا الخير أم طارق : ازين ليش ما تبيني اسكر التلفون اوييكم الحين .. بو طارق : أنه مو ما ابيج تيين انه ابي احاجيج شوي واحشتني والله أم طارق حمرة: وي ! بو طارق صج انك متفرغ جاسم : أكيييييييييد قالها واحشتني ولا كلام من كلام الغزل ايي ما ايوز عن طبعه بو طارق .. أم طارق : عيب عليك صج ما تخيل .. بو طارق سمعه : هههههههههههههههههههه آخ منه بو كرش هاذي يلا أنه يايج الحين خلي العيال ايرووحون بروحهم .. أم طارق .. : اخاف منك انت لا ابي عيالي وياي بو طارق : استحي يا مره انه ريلج .. أم طارق : لا اخاف ما تاخذني المستشفى تقعد تلف فيني طول اليوم اعرفك ما تيوز عن سوالفك هاني : حركاااااااااات الواااااااالد من كبرها البحرين بتلفون ساعه وحده بتكمل هيام : يوز هنوي تراه ابوي بروحه متوعد فيك هاني : شمسويه انه ؟ هيام : شلون تروح وخليني بروحي امس .. هاني: ابوي كان وياج !! هيام : حتى لوو .. في التلفون .. : سمعي انه بامر عليكم بعد نص ساعه ماشي ؟ ابيكم جاهزين .. أم طارق ,.. : أنشالله في بيت بو ناصر .. سوسن وشيخه تغدوا .. شيخه : لحظة بقول لأمي اان اخو ريمو بيينا .. سوسن .. : أي وأنه اقول لبيتنا اني بروح بيت هيوم بعد راحت شيخه تحت وقالت لأمها .. ندى : اتصلي اول يمكن مب في البيت .. حنان .. : شدراني سيده بتدرعم شيخه : أنتي جب لا اتكلمين يا مسودت الويه أمس اقولج عطيني تلفونج ما ترضين حنان .. : وأنه شكو اذا تلفونج خراب شيخه : أنه بعد بقولج هلون اذا اخترب كمبيوترج مب انه الي كلمن يخترب شي عنده ايي ياخذ مالي واذا انه مسكينه ابي محد يعطيني ويه ندى : أفا عليج شواخه .. تلفوني تحت الطلب .. ناصر : ازين اشتري غيره اثري صار .. شيخه : وقتها كنت محتاجته للمدرسه .. خلتني انقع ماعندي تلفون .. أم ناصر : ألمهم حبيبتي .. أتصلي في بنت خالتج وشوفيها في البيت ولا لا اول ... شيخه .. : زين راحت وتصلت في هيام .. قاعده تدور لها ثياب سمعة رنت تلفونها .. طارت للتفون .. هيام .. : هلا بالغااااااااليه شيخه : أنتي وينج اليوم ما يتي؟ هيام : اف سكتي قصه طويلة .. تعاليلي بقولج شصاير .. شيخه .. : أي انه اتفقت معا البنات .. أنييج اليوم انه وريم وسوسنو معاي بالبيت عاد قولي من بيوصلنا .. هيام : منو!! شيخه : رمووي هيام .......... : زين انطركم .. في مشوار كنت بسويه بس معليه بأجله .. شيخه : بتأجلينه عشانا ولا عشان ........ هيام .. : شيخوه !!! شيخه : اعترفي حبيبتي اعترفي اشكره تغيرت نبرة صوتج .. وسكتي اكيد ويهج أحمر الحين .. هيام ..: تدرين انج وايد تتخيلين وتهذرين باي باي يلا تعالو .. سكرت الخط .. ووقفت مكانها .. خذت نفس ..ياهو واحشني .. وي وي شقول أنه .. أنه اادخل هل ثياب احسن لي .. هاني .. : ها هيوم جاهزه ؟ هيام .. : شيخه والبنات بييوني اليوم ليش اني غايبة بس عقب شوي بروح معاهم المستشفى .. هاني .. البنات!!! اكيد معاهم يعني .. : من غير شيخه ؟ هيام : ريم وسوسن .. هاني .. : اهااا عيل انه بنطر وبوصلكم .. هيام : يمكن ما ايروحون المستشفى بس يعني شيخوه هاني .. : معليه أنه بنطركم .. هيام : يمكن انطول شوي ما ابي اعطلك .. هاني .. : لا ما بتعطليني .. هيام . وهي تطالع خوها بنص عين . : أممم هاني : شفيج اتطالعيني جذي! هيام : مب عوايدك ! هاني .. : أنتي آدمية ما ينعرف لج !! هيام : لا ينعرف لي انت الي ما ينعرف لك لين اقولك خذني مكان ولا شي تقعد اتحنده علي جني قايله لك لف فيني الدنيا .. والحين متبرع !! هاني .. : حسب المزاج .. هيام . : أها حسب المزاااااج هاني : انتي شتقصدين ! هيام ... : ولاشي الي فوق راسه بطحه يتحسسها هاني : بطحه فوق راسج مب فوق راسي .. طلع هاني .. في بيت بو رامي .. ريم .. : رامي .. رامي .. : عيونه ريم .. : شيخه اتصلت فيني اتقولي تعالي الحين .. رامي .. : اوكي يلا انتي لبسي انه جاهز .. ريم : أنزين لحظة .. في بيت بو ناصر .. ناصر .. : ومنو بيوديكم ! شيخه تبلعمت .. : أخو رفيجتي ناصر : أي ارفيجه هذي شيخه .. : وحده ما تعرفها ناصر : وشلون انخليج اتروحين معاه !! شيخه : ناصر خذها بالعقل .. أنت عندك مشوار مهم وما بتقدر اتوصلنا شلون انروح وبعدين ذيج المره قلت لأمي ورحنا مطعم وهو الي وصلنا ! ناصر : حلو رايحه بعد من دون شوري ريال انه ولا كرسي بالبيت ! شيخه .. : ناصر اشفيك عصبت .. البنات وياي مب انه بروحي ناصر .. : سمعيني زيين عااد كلام ييوصلج ويتعداج.. طلعه معا ريال غريب ماكو تفهمين ! شيخه : يمممممة ... شوفيه .. يبي يحبسني بالبيت .. اابي اروح لهيوم اليوم وعدتها أروح .. ام ناصر : ازين أنت وصلها .. ناصر .. : يمة انه عندي مشوار طويل اليوم ماقدر اتأخر ام ناصر : ازين كا انت قاعد الحين قطهم .. وروح مشوارك! ناصر .. يطالع شيخه بعصبية .. : زين شيخه : شله اتطالعني هلون !! مب انت الي قلت ما يوصلنا ! خلاص تحمل .. ناصر .. : روحي لبسي لا بارك الله فيج .. شيخه : ولا فيك ركضت دارها .. دخلت .. سوسن : ها !! امج ما رضت ! شيخه : اتقول مايصير تطلعين معا ريال غريب الي يسمعها يقول بروح معا بروحي وطلعه رومنسية سوسن : أف حالي حالج قالت لي ان ناصر انعرفه وولدنا بس واحد غريب لتحلمين شيخه : كلش مافي أحساس سوسن : أزين قولي لريم .. خل اخوها يقطها هناك سيده شيخه : والله قهر والله قهههههههههر ابي اشووووووووفه سوسن : خيلي خيلي ..عيب عليج .. شيخه : أوووه .. خذت تلفونها .. اتصلت في ريم او بلأحرى في تلفون أم ريم .. شالته ريم .. : الووه ! شيخه : هلا ريمووه .. بقولج خوي موراضي ريم .. : معليه حقه عيل اشوفج هناك! شيخه .. : تعالي عقبي هااااا ريم : هههههههه انزين الساعه جم بتروحين .. شيخه : أنه الحين بارزه بروح معا سوسن ريم : أي أنه يبي لي على الاقل ربع ساعه عشان اكمل .. شيخه : أوك ريم : يلا باي سكرت الخط وراحت لخوها ريم .: رامي . رامي : هلا ريم : بس ما بنمر ع شيخه رامي : شله ؟ ريم : أمها مو راضية رامي : زين انتي يعني بتمين هلون شوي مسشور وشوس عليه كلبات مقابلتني متى أوديج ريم : لااااااا اتطنز علييييي رامي : ههههههههه صج الصالونات مسوية فيكم عمل خيري ريم : لا تغللللللط أنه شعري ناعم رامي : عيل شله تسشورينه ؟ ريم : بس هلون يصير احلى رامي : صج قبل وبعد هههههه ريم فلعته بالمخده : من زينكم يعني الحين اتسوون اخس منا في الحلاق رامي : أي والله صدقتي الحين يحفون ويشيلون ريلهم ويشيلون شنبهم بخيط مساخر ريم .: أي هلون صير معانا مب ضدنا رامي : أفا عليج انه دوم معاكم ليش ان اختي الغالية بنوته وأمي الحلوة مره وكل خالاتي وعماتي بنات شلون ما دافع عنكم تاج رااسي انتو ريم : جنك جنك نسيت وحده ! رامي يستهبل : من ! ريم : مادري ! رامي : ما نسيت حد ! ريم : أنه واثقه انك ما نسيت لكن اتناسيت ومايبتها في كلامك بالعماله رامي : اقول روحي شسوي شعرج وايد احسن ريم : انه بروح بمزاجي راحت ريم اتشور شعرها .. لو يدري شكثر حبيته .. ما قدر لحظة ينساني .. وكون منه وله ويقول قدام الملى هذا يهواني .. بعماق الخفوق ساكن .. وهو كل الرجا ولأماني .. ابيه لي بس ونا دري إني بحبي له اناني .. لا صابني الشوق له أدور عيونه وبشوفته احس اني بعالم ثااني طلعت له ريم .. ريم : ها شرايك بشعري! رامي : شحلاته ريم : ازين شلبس متحيره ! رامي : الحين مو لازم اتكشخين ايشي وخلاص ريم : لا ولله شنو ايشي رامي : انزين اشوف روحي يبي لي شعندج ريم : لحظة راحت يابت له شي من اشيااااااء الي في الكبت رامي : بووو شله يايبة كل هذا يبي شيين متحيره فيهم مب كل هذلين ريم : مهو انه متحيره في هذلين ! رامي يعدهم ..: وحده ثنتين ثلاث اربع خمس اعنبووووه خمس ريم : أي رامي : أمممممم .. أنه اشوف هذي احلى شي ريم : انت شقصتك معا البنفسجي! رامي : البنفسحي الغامج احسه يليق على البيض وايد وأساساً البنفسجي الغامج لون فخم وراقي يعطي لصاحبه جاذبيه ريم : يه يه عيل بلبسه رامي : هههه انزين بسرعه تراني مليت !! ريم : مليت ولا منت قادر تصبر! رامي : لثنييييييييين!! ريم : يمكن ما تشوفها ! رامي .. : راضي بمكان مرت فيه ريم : واااااااااي قيييييييس رامي : يلا روحي لبسي سوسن وشيخه وصلو .. ناصر قبل لا ينزلون .. : سلميلي عليها .. شيخه : اقول لها خوي يسلم عليج! ناصر : لا .. شيخه : عيل ! ناصر : تدرين شلون نزلي نزلي .. نزلو من السياره .. سوسن : وحليله خوج يستحي من هيوم شيخه : وهو شلي مضيعه غير حياه الزايد .. سوسن : وي اتفاولين على خوج لاهو ضايع ولاشي ! شيخه : مب ضايع بمعنى ضايع الي فهمتيها .. شي ثاني .. بترنين الجرس ولا ارنه آنه ! سوسن : رنيه انتي شمعنى آنه لازم ارنه ! شيخه : ألمره الي طافت يوم نروح بيت ليول انه الي رنيته سوسن : لا تشلخين .. أنه حتى كنت واقفه جدامج شيخه : ما تذكرين قبل مرتين رانته انه الحين دوورج سوسن : شوفي شيخوه انه مب رانه الجرس واذا مصره انه تعجبني الوقفه هني شيخه : أي آدري فيج تحبين بعض الناس هني سوسن : وععععععع لا تلوعين لي جبدي شيخه : بالله عليج أنه بحياتي ما شفت انسان مثله سوسن : الغريب في كل هذا انه ميييييت يبي لو أي جيكره تفيسه ومحد عاطيه ويه وللحين عنده امل .. شيخه : خي يشوف شمسوي في عمره مأساااااااه حد يطول شعره هل طووول ويرفعه جنه متشوط!! سوسن : أهو حتى حركاته مال مرضه نفسيين شوي وهو طايف .. بلال .. واحد ساكن بهذا الفريج حياته كلها مغازل في مغازل ومحد عاطيه ويه .. يحاول قد مايقدر يلفت النظر ولا حياة لمن تنادي .. شيخه : بييييييييه شوفيييه كاهو ياااه سوسن : وي شلابس!! شيخه : ههههههههههههههههههههههههههههههههههههههههه لابس وزااااااااااااار هنووود وشلحه هههههه ومسوي شعره هههههههههههه مأسااااااااااه بلال لاحظ انهم يشوفونه ويضحكون توه بيي سوسن : بييييييييييييييييييييييييييييييييييييييييه رنييييييييييه رنيييييييييه لا نروح وطيي شيخه من الخرعه طقته اكثر من مره هيام بالبيت يمين يسار يمين يسار .. سمعت الجرس ركييييييض للبااب .. فتحته .. هيام : تو ما نور البيت .. والا شيخه وسوسن ناطين عليهاااا ... دشوا وسكروا الباااااب وراهم هيام : وي وي علامكم ! سوسن وهي تضحك : ههههههههه بلااااااااااالوه كان ياي لننااا لو تأخرتي جان ما خليناااج تستهنين شيخه : كله منج سوسنوو قعدي اتعلقين عليه خليتيه يشوفنا هيام قلبها ميودها ريم مو معااهم : الا ريم وينها! شيخه : بنص عين .. نويصر ما رضى يخلينا انروح معاه للأسف الشديد هيام .. في قلبها .. أحسن : ازين يعني اهي ما بتيي! سوسن : امبله بتيي بس بعد شوي ع اوامر شيخوه هيام أشووه : ليش شنهي أوامر شيخه ! سوسن : قاليه لريم انها تيي عقبنا عشان تشوف اختها هيام أتطالع شيخه بنظرات .... شيخه : شفيج اتطالعيني جذي!! هيام بعصبية : عيب عليج اتقولين للبنت جذي شبتقول عنج مطيووره عمرج ما شفتي رياال! شيخه : وي وي اهي اتعرف اني امزح يعني عاادي هياام : لا مو عادي سوسنووه اتشوفينها عادي! سوسن : لاااا مو عاااااادي شيخه : يـــــه اتفقتو علي يعني ! هيام : مب اتفقنا عليج .. بس خلج رزييينه سوسن : ترا انه مت حر ! هيام : سووري تفضلوو شيخه .. : وي اول مره خالتي العزيزه مب في الصاله هيام خذت نفس .. صعدو دار هيام .. شيخه :. بلاللللللوه وسوسنوووه ينااااسب سوسن : وع خلصو! شيخه : ادريييبج مخبيه مشاعرج سوسن : انتي الي التفتي له القلب يدق لين تشوفينه ما تقدرييين شيخه : ييييييييييييييع جان اشلع قلبي وادوسه هيام .. : حسبي الله على بلسكم .. مسكين اتحاذفونه جنه شي خراب شيخه : بالله عليج هذا الآدمي مو خراب! هيام : مادري شفيه هل ايام اشوفه في الفريج بوزااار شيخه : موووضه هههههههههههههههههههههههه هيام : الله يشافيه .. هذا فيه مرض نفسي شيخه وهي مستغربه انه محد بالبيت .. : شصاير!! ليش ماكو حد! ماكو حس!! هيام .. : سمر .. سقطت .. شيخه فتحت عينها !!!! : شلووون !!!!!!!! هيام .. قالت لها الي صار بالتفصيلل .. شيخه : كل هاي يصير وحنا ماندري ما يصير هلون .. كان لازم اتخبرونه .. هيام : صدقيني .. كل شي صار بسرعه أنه للحين مو مستوعبه الي صار .. سوسن : المههم هي الحين بخير تستاهلون سلامتها هيام .. : الله يسلمج ..! سوسن : مو كأن ريم صيفت ! شيخه : أي واااااااااااايد في بيت بو رامي عقب ما جهزت رييم رامي : حليلج اختي تهبلين ريم أونه استحت : صج! رامي : لا جذب ريم : يلا انزين تراني قلت لهم ربع ساعه على ما آبرز وصارت نص ساعه رامي .. يلا .. دخلو السياره .. رامي مشغل اعتزلت الغرام .. لماجده الرومي .. ريم : وي شهل فال الشين ! رامي: هههههههههههههههههههههههه اغنية اهي مو شرط اتعبر عن الحاله يعني ريم : انزين غيرها . رامي شتبين أحط يعني ؟. ريم وهي تبدل في الأغاني الي في السيدي .. : الاااااااااااااااي عندك سبع صنااااايع رامي : أي هل اغنية وايد حلوة ريم : حلوة بس!!! قووول اتهبل رامي : ازين قصري شوي على الصوت فضحتينه ريم : أووه عادي الدرايش مسكره ما ينسمع برا عدل رامي : زين ريموه .. مما وصيج سلميلي عليها ريم : سوق حبيبي سوق .. اذا شفت الوضع يسمح لرومانسياتك بقول واذا لا ما بقول رامي : افا ريموه .. ما هقيتها منج ريم .. : ازين يمكن البنت مريضة ولا شي اقول لها خوي يسلم عليج احسها مو عدله رامي : السلام لله ! ريم .. : شرايك تكتب لها ! رامي : شكتب 1 ريم : الي تبي! رامي .ز :وبتاخذين الورقه ! ريم : أفا عليك مرسول الحب صايره انه رامي : اخاف تعتبرها وقاحه ريم : وي وي سمالله عليك خوي من الوقاحه انه بنت اسألني رامي : اتهقين يعني! ريم : اسمع مني وقول لي النايج ! رامي : بس احنه جربنه انوصل الحين من وين اييب ورقه وقلم ! ريم : ماعندك بالسياره ! رامي ! .. : عندي اوراق الجامعه مرميين في السيت الي ورا بس يعني كلش مو حلوة اعطيها اوراق الجامعه !! ريم : هههههههههههههههههه شفرقت يعني ! رامي : شوفيهم انتي .. ريم خذتهم اتطالعهم .. : وععع صج لوعه رامي : شفتي! ريم : ازين وقف لك عند مكتبه ولا شي! رامي : بتتتأخرين ريم : فداك خوي رامي .. غير الطريج بسرعه .. ونزل عند اقرب مكتبه .. وبسررعه شرا قلم وأوراق ريم : الااااااااااااي الورد حلوو رامي .. : ازين شكتب ! ريم : تسألني!! رامي متوتر حده : ماعرف شكتب ساعديني عاد!! ريم : أمممم اكتب لها .. عسى ما شر اشفيج غايبة حسسها انك مهتم يعني رامي .. السلام عليكم .. شلونج هيام ! ؟؟ انشالله بخير ! .. عسى ماشر غايبة ؟ .. وقف رامي : ماااااااااعرف شكتتتتتتب! ريم : انه بعلمك يعني !! وين الشاعريه وين الرومانسسييية ؟؟ رامي : ماقدر متوتر حدي مو عارف شكتب حتى شوفي ايديني ترجف .. ريم : ياربي راميي .. شوف لك حل مايصير اقولك شتكتب لها!! رامي .. : صج مامنج فايده .. بدى يكمل .. السلام عليكم .. شلونج هيام ! ؟؟ انشالله بخير ! .. عسى ماشر غايبة ؟ .. شغلتي بالي عليج .. صدقيني مو عارف شكتب لج .. أحس أنها وقاحه ! ادري ما ايوز لي اكتب بس .. صدقيني عندي وايد كلام بس مو عارف اقوله .. هيام .. مشتاق بس اشوفج .. أخاف ما تصدقيني .. ويحق لج .. يحق لج اتظنين فيني الي بتظنين .. بس أنا غير هل شباب ولأيام بتثبت لج .. طمنيني عليج قولي لريم انج بخير .. هذا يكفيني واذا هل ورقه حسيتيها وقاحه احرقيها وانسيها .. ولا كأني كتبتها .. وسامحيني اذا بدر مني ايشي غلط .. رامي .. ريم : ها كملت !! رامي : أي ريم : اشوف بقرأ .. ريم قرأتها .. : شنو هااااااااذيه ! رامي وهو حده حده مرتبك بس طاري هيام يخلي مختبص : ها ؟ ريم : ما صدق انك الي كاتب هل كلام الخرابيط! رامي : اشفيه ؟ ريم : انه الي اختك حسيتك واحد خداي ما يعرف يتكلم .. وين اسلووبك الحلو وكلمااتك الاحلى!! رامي : صدقيني .. لين ايي طاريها اختبص ماغرف شسوي ولا عرف شقول ريم : بس يارامي .. هل حجي الي في الورقه خرابيط .. انه حسيتك خداي ونت خوي الي اعرفك .. شتقول هي الي ما تعرفك ! رامي .. : هذا الي قدت اكتبه .. افهميني انه اخاف تفكرني العب عليها .. ريم : ازين حتى لو مو هلون رامي : عيل شلون ؟ ريم .. : مادري والله بس كيفك تبيني اوصل الورقه بوصلها .. رامي خذ نفس : انشالله اهي بتفهمني .. وصل .. ريم .. : ههههههههههههههههههههه رامي اسمع دقات قلبك رامي .. : اووف من قلبب متوتر .. ريم : صج الحب مشكله رامي : قط حياتك شفتيني هلون ؟ ريم : لا والله من جذي اضحك عليك .. ماهزوك رياييل ياخوي .. رامي ..: المهم قومي .. أنه باتم لين تدشين .. ريم . : يالله ياخوي يااااالله .. تحبك هي بعد رامي : ياااااااااارب جان اشتري لج السياره وادفع اقساطها بروووحي ريم : ههههههههههههه اذا جذي .. فبدعي لك كل دقيقة رامي : تسلمين لي غناتي .. مو تنسين تعطينها الورقه ريم : من عيوني هيام كانت وقفه عند البلكونه بس عاطيتها ظهرها .. نزلت ريم رنت الجرس .. لفت هيام تطالع تحت .. كان نازل فتح الصندوق خفق قلبها بقوووة .. Link to comment Share on other sites More sharing options...
بنت اللذين Posted نوفمبر 30, 2007 Report Share Posted نوفمبر 30, 2007 مشكووووووورة على البااارت الحلو ننطر البارت الياي لا تتأخري Link to comment Share on other sites More sharing options...
حلوه اموره Posted نوفمبر 30, 2007 Report Share Posted نوفمبر 30, 2007 ثنكيووووو حبيبتي بنت الحداده ع البارت تحياتي\حلوه اموره Link to comment Share on other sites More sharing options...
شهلاء Posted نوفمبر 30, 2007 Report Share Posted نوفمبر 30, 2007 رووووووووووووعة تسلم يدددددددج غلاتي ،،، ماتقصرين فيج الخير والله ،، ننتظر البااااااارت النيوووو Link to comment Share on other sites More sharing options...
reeeeem Posted ديسمبر 2, 2007 Report Share Posted ديسمبر 2, 2007 روووووووعة القصة تسلميين وننتظر البارت الياي Link to comment Share on other sites More sharing options...
بنت الحداده Posted ديسمبر 2, 2007 Author Report Share Posted ديسمبر 2, 2007 يسلمو .. بنت الذين .. حلوة أمورة .. شهلاء .. ريم على ردودكم .. بس وين التفاعل توقعت ردود أكثر صار لي ييومين من نزلت البارت ومافي غير اربع ردود!! Link to comment Share on other sites More sharing options...
وردة القمر Posted ديسمبر 2, 2007 Report Share Posted ديسمبر 2, 2007 هلا والله ببنت الحدادة تو مانور المنتدى بهالتكملة ،، وحشتينا وايد وذبحنا الانتظار واحناا ننطر هالتكملة ،، تسلم اصابعج على هالبارت الحلو ،، سوري انا توي جايفته اليوم وقريته ولا جان رديت من قبل لانه انشغلت باختباراتي والجامعة خبرج الله يوفقنا جميعا وانتظر بارتج الياي على احرر من الجمرر ( : ولا تتأخرين علينا Link to comment Share on other sites More sharing options...
أسيرة الورد Posted ديسمبر 2, 2007 Report Share Posted ديسمبر 2, 2007 وووووووووووووووووووووووووووااااااااااااااااااااااااااااااااااااااااااااااي اشحلاته الباااااااااااااااااااااااااااااااارت و الي كاتبته احلى اكيييييييييييييد تسلمييييييييييييييييييين ما قصرتي حبي تستاهل القصة الصبر فديتج في انتظار البارت الياي باي Link to comment Share on other sites More sharing options...
zanzo0o0na Posted ديسمبر 3, 2007 Report Share Posted ديسمبر 3, 2007 باربي تووووتر نبي بااااااااااااااااااااااااااااااااااااارت بسرررررررررررررررررررررررررررررعه ابي اعرف شنو بصير لوول مااتقصرين ع الباارت الحلوو تسلمي والله Link to comment Share on other sites More sharing options...
Recommended Posts