غصون المحبة Posted أغسطس 9, 2007 Report Share Posted أغسطس 9, 2007 ووووووين البارت نبي بااارت Link to comment Share on other sites More sharing options...
محرقاويه مفتخره Posted أغسطس 9, 2007 Report Share Posted أغسطس 9, 2007 ننتظر خيتو... لاتتأخرين علينه... Link to comment Share on other sites More sharing options...
بنت الحداده Posted أغسطس 9, 2007 Author Report Share Posted أغسطس 9, 2007 يسلمو على الردود بنزل البارت انشالله اليوم الساعه 10 بيكون موجود .. Link to comment Share on other sites More sharing options...
بنت الحداده Posted أغسطس 9, 2007 Author Report Share Posted أغسطس 9, 2007 سلااااااااام .. هذا الباااارت .. توقعاتكم وردودكم تحلي ردودكم ياريت أشوف ردود فيها توقعات .. شيخه وندى مره وحده : جليلة حيا ناصر وهو يطالع ندى : هذا وانه قايل لج ابسرعه! ندى : أي صح .. يمه ناصر بيودينا بيت خالتي ام ناصر : أي ذكرتوني اليوم متصله فيني وعامزمتني على الغدى من ربشتكم نسيتوني شيخه : دقايق بروح البس حنان وهي تناديها : شيخوه شيخه وهي تلف لها وهي تطالعها بملل :شتبين حنان وهي تتمسكن : كبوسج الابيض!! شيخه : حبي ريلي حنان : وع انه هني واشم الريحه شيخه وهي تسحبها من شعرها : انضف منج يل سوده حنان وهي مغمضه عينها بألم : يممممممممه ام ناصر وهي تفاججهم : بسكمم لااااا حرام ما بقا في راسها شعر ندى : اهي تبي يصير فيها هلون ناصر : أي وايد جليلة حيا حنان بعد ما خلتها شيخه : أي محد يحبني كلكم تكرهوني .. وراحت دراها وقفلت الباب وراها .. وقعدت تبجي .. ام ناصر : زين جذي!! شيخه : احسن تستاهل عيل ياهل ما تحشم حد .. ام ناصر : بس كلكم ضدها .. لو انتو مدللينها مثل ما يسوون باقي الناس لأختهم لصغيره .. ما سوت هلون راحت ام ناصر .. اتدق على حنان الباب .. ام ناصر : يمه حنون حنان وهي تصيح .. بس هم متحسره تبي اترووووح .. : خلوني برووحي ناصر ياب لسبير .. ناصر .. : قومي يمه انه بدش اكلمها .. ام ناصر : شوي شوي عليها .. فتح الباب .. ماتعرف اتصيح على السرير لازم تحته .. ناصر : حنون حنان وهي تشهق : لا تكلموني ما حاجيكم .. ناصر وهو ميود روحه لا يضحك عليهاا .. : تعالي بقولج حنان اطلعت من تحت السرير .. : اشتبي!! ناصر لمها : حبيبتي حنون ولله حنان وهي تبعد عنه : انتو تكرهوني ناصر بحنيه : افا حنوون .. احين احنا الي نكرهج ولا انتي السانج متبري منج! حنان : تبون اتسبوني وآسكت لكم! ناصر : الحين من سبج!! حنت راسها .. رفع راسها ومسح دموعها .. : فديتج لا تبجين ولله ان دموعج غاليه حنان بتسمت لخوها وحضنته: فديتك احن واحد ناصر : ازين يلا قومي غيري هدومج عشان اتين ولا ناويه اتيين هلون! حنان : لا ببدل طلع ناصر من دارها ويامسرع ما لبست اطلع بعد خمس دقايق زاهبه .. شيخه رمت عليها الكبس الابيض .. حنان .. لبسته وهي مستانسه .. مسافت الطريج عند هيام .. هيام مو هيام اسمها لا هيام معنى اسمها .. البنت هيمانه !! ..من مره حس انه من الفرحه بيتشقق ومو قادر يشيل لبتسامه ! .. وداخله كنه شي بينفجر .. وناسه تبي تصرخ ترقص أي شي وناااااسه ! .. هذي حالت هيام بختصار .. الحين حزت غدا .. وطارق ما قام .. دخلت عليه سمر وهي معصبه وشالت الغطى طارق وهو مغمض ومسوي نفسه نايم : حبيبتي أنتي والله سمر في بالها حبيبته!!!! .. من حبيبته!!!!!!! .. حست ان من القهر بترمي عليه الكرسي الي حذاها .. بس ابي اشوفه شبيقول .. طارق نقلب الجهه الثانيه : فديتج والله يمحلاج سمر بعصبيه وبصوت عالي : طااااااارق!!!!! طاررق فتح عينه ابتسم لها : هلا بعيوني الي اشوف فيها سمر وهي متخصرت له : فمن كنت تحلم! طارق وهو يطالعها شلون معصبه .. حلاتها معصبه والله تهبل: فيج حبي سمر وهي تطالعه بقهر: قول الصج طارق وهو يمثل عليها .. عتدل في قعدته : متردد سمر وهي تفتح عينها على الآخر : يعني في ها!!!!!!!! .. قول احين من ولا ترا ما تشوف رقعت ويهي .. طارق .. بل حاميه يا ربي : اهي وحده حلوووووه وعصبيه وماقدر على زعلها سمر وهي ميوده عمرها : قول من واخلص طارق قام لها .. وقف يمها .. بعدت سمر بعصبيه : ونت بعييييد طارق قرب همس في اذنها : سمور روحي وقلبي سمر كأنه احد كت عليها ماي باررد ... وبدلع : جذاب طارق : افاا سمر تلعب في شعرها وهي عاطيته ضهرها : شكنت حلمان طارق .. : سرر سمر لفت له : لا تصير مليق!! طارق : بوسيني اقول سمر حمرت : ويهك طارق : لا والله!! .. انه ريلج حبيبتي مو حملتي خلاص ما تدلعيني ! سمر تزته : بتقول اشحلمت ولا شلون! طارق :قلت لج بوسيني اقول سمر : حريمتك خلص ما ابي اعرف اشحلمت طاارق :بيفوتج ترا سمر : لا مب فايتني ولا شي "بدلع " آخرتك بتقولي طارق وهو يقعد : بنشوففف سمر : انت بتضل اهني طول اليوم! طارق : أي شفيها وبعدين الحين بسبح وبتزهب حق نطلع سمر وهي تقعد حذاه :فديته حبيبي وين بتوديني! طارق بنص عين : بوسيني اقولج سمر : اوهوو!! طارق : والله والله ريلج انا سمر بعدت عنه :آدري .. طارق : دامج تدرين اشله مب راضيه! سمر : قوم اسبح قوم طارق راج جنبها وقال في اذونها :تستحين! سمر حمرت بعدته عنها : لا طارق : عيل! سمر :فيك لحيه !!!!!!!!!!!!!!!!!!! طارق !! : وي من صجج!! سمر وهي تحط يدها على خده : أي شوف ينغز طارق : ازين لين حلقت تبوسيني سمر وهي راخيه راسها: افكر طارق طلع الفوطه : يلا انه بدخل اسبح .. قوليلهم يزهبون الغدا عشان نتغدى ونطلع سمر وهي قايمه : انشالله .. اطلعت سمر .. تنهدت بصوت مسموع !! راحت المطبخ .. ام طارق تكلم الخدم عشان يحطون الغدا .. سمر : تسلم يد الغاليه ام طارق : الله يسلمج غناتي .. وينه ريلج ليحين راقد ! سمر : يسبح .. قطع كلامها الجرس .. ام ناصر وعيالها وصلو .. ام طارق فتحت الباب : هلا والله بخويتي منوره حبيبتي .. ام ناصر : والله ولهانه عليج موت شلونج شمسويه ام طارق : الحمد لله وينج لج وحشه يبنت امي وبوي دخلت شيخه : هلا يمه شخبارج ام طارق : هلا والله منوره شواخي ندى : هلا خالتي شخبارج!! ام طارق : هلا والله بندوي .. الحمدلله انتي شخبارج يمه !! ندى : بخير دامني شايفتج خالتي وشوي ونطت حنان . على خالتها : خالووو ام طارق لمت حنان تربت عند خالتها ست سنين .. ول سبب تعلق البنت في خالتها من وهي ياهل هدتها : جذي تسوين في امج لا تسألين ولا تتصلين! حنان وهي تعلب بصابعها : آسفه ام طارق : والله ما تطلعين سبوع كامل اتباتين عندي هنيه ام ناصر : لا تعودينها ترا ما ترضا اترد ام طارق :هذاك بيتها وهذا بيتها حنان : شفتي خالو اتحبني أكثر!! ام ناصر : يالله من طوالة لسانج دخلو .. ناصر برا .. ام طارق : هيام .. هيااام .. انزلت هيام وتفاجأت بخالتها وعيالها ..: هلا والله نزلت حضنت شيخه اول شي بعددين سلمت على خالتها .. وسلمت على ندى وعلى حنان من طرف خشمها .. تغير منها اتحس انها تشاركها في حنان امها .. ناصر نقع!! ام طارق : هيوم يمه قومي خلي اخوانج يقعدو يطلعون يدخلون ناصر مسيكين برا.. ركبت هيام دخلت دار هاني .. اووف ثلاااجه!! .. ((في عز البرد ويشغل الايسي!!)) هيام : هاني.. هانننننني سكرت عليه الايسي هذا ما رح يقعد الا بهل طريقه .. راحت دار جاسم .. هل دب راسه خفيف اول ما دخلت قام .. جاسم وهو يعتدل : في شي! هايم : قوم لناصر ياي ووافق برا دخله البيت جاسم : زين طلعي بلبس ثوبي وبنزل .. طلعت هيام .. ونزلت لهم بعد ما بدلت البرموده الي عليها ولبسة جينز من الي موديلهم واسع.. ((موب متحجبه)) نزلت شافت حنان لاصقه في امها .. اووف ما شتهيهااا راحت اقعدت عند شيخه هيام تهمس في اذنها : دخلتي اليوم المسن! شيخه : لا اشله ! هيام : بس سوأل ندى راحت عند هيام .. شيخه : ندوي ندى : هاَ شيخه :ناصر ياب كمبيوترج ندى:لا ليحين شيخه وهي اتطالع هيام: قوليلي بالله عليج شلون اشبك؟ هيام وهي تطالع حنان : الله يساعدج شيخه : اشفيج!! هيام : اشفيني! شيخه : انتي ليحين اتغيرين من حنون! هيام وهي تطالعها : أي ما تشوفينها شلون لازقه في امي! شيخه : الله يهداج بس ندى : هيوم الا سمور وينها! هيام : اكيد في المطبخ اتعابل هل خدامه العبقريه شيخه : ليحين ما سفرتوها! هيام : لا ليحين شيخه : وااي يساعدكم ربي ندى تسمعهم .. بس ما تقدر تندمج معاهم .. تحاول .. بس ما تقدر دخل جاسم معا ناصر . ناصر اول ما دخل يدور بعينه عنها ..لهفتي على شوفتها ما فوقها لهفه .. اول ما طاحت عينها عليها نمل جسم .. تجمد .. بس شافت خالته راح سلم عليها .. ناصر : هلا خالتي شخبارج! ام طارق : الحمد لله انت شلونك يمه!! ناصر وهو يطالع هيام : بحسن حال هيام حست بنظرته .. غريبه اول مره اتلاحظ ان نظرت ناصر لها بهذا العمق! شيخه في قلبها .. هذا الي بيفضحنا .. يعني كلش ما يقدر ايود روحه .. ناصر: هيام شلونج! هيام وهي مستغربه منه : الحمدلله ونت شلونك !! ناصر بحساس: عال دام شفناج هيام .. اشفيه ناصر يكلمني هلون!! .. قعد ناصر معا جاسم على غنفه من العنفات وضل يطالع هيام بجرأه .. لدرجة انها لاحظت .. وزاد استغربها من ولد خالتها الغريب هذا كل يوم له حال هيام : شيخوه شيخه : ها هيام : اشفيه ناصر!! شيخه : اشفيه! هيام : شوفيه يطالعني .. موب عارفه آقعد على راحتي!! .. شيخه: معجب هيام تذكرته .. وسرحت شيخه : هي انتي! هيام : ها شيخه : وين رحتي هيام : معاج قطع ستجواب شيخه نزلت طارق على الدري .. طارق : هلا والله هلا والله .. وانه اقول البيت منور اطلعت سمر من المطبخ اول ما سمعت صوت ريلها .. طارق راح باس راس خالته .. : يــه صايره اشحلاتج والله انج ناويه على رياييل الفريج سمر ! .. ما يعرف لازم يتغزل يبي لي اقص السانه .. راح عند امه وباس يدها : فديتها امي والله تدرين انه كنت اقول بو طروق شحقه يموت فيج هلون .. اثاريج كل يوم بحركه طقته على جتفه : استح على ويهك سمر الي كانت عند باب المطبخ .. راحت اقعدت على الغنفه عشان يشوفها .. على طريجه سلم على ناصر طارق : هلا بنويصر والله يريييال بتشيييب وين مرتك عنك!! ناصر .. بتسم وطالع هيام : انشالله جريب هيام ارفعت حاجبها بستغراب؟ طارق : الله يسمع منك .. لف شافها كحل خفيف .. سشوار في البيت .. فاله شعرها .. ومعصبه !! .. هذي بالضبط الي تميت قلبي وتحييه .. راح قعد حذاها .. سمر : اقول ما رحت تغزلت في شيخه وندى وحنون بعد!! طارق عشان يغيضها اكثر : اوو ذكرتيني . طارق : هلا ندوي شلونج يل غاليه !! سمر فرصلته في ريله طارق : اخخخخخ .. شيخه : اشفيك !! سمر ردت بقهر عشان لا يكلمها : ما فيه شي اكيد ضهره طارق تعال اشوي بغيتك .. سحبته .. المطبخ .. سمر وهي معصبه : اشلون اتغزل فيها هلون!!!!! طارق وهو يدلك مكان الي فرصته : ما قلت لها شي سمر : ولغاليه هذي شتسميها!! طارق :عادي بنت خالتي ! سمر خزته : خل تنفعك عيل خلته في المطبخ وراحت دارها وسكرت وراها الباب .. قاعده على اعصابها .. هاذي وحنا في البيت وناس انعرفهم هلون عيل لو طلعنا اشلون!! .. فتح الباب من غير ما تحس .. نغزها في خصرها .. نقزت سمر : بايخ طارق : افا !! سمر لفت عنه .. طارق بهمس : والله احبج سموور .. سمر له وطالعته بعينها الناعسه .. لمكحله : أي كثر!! طارق : دبل حبج لي .. سمر .. تمت اتطالعه .. طارق: اوهووو!!!! سمر بتسمت : اشفيك! طارق : تدرين اني ماتحمل هل نظرات .. سمر : وانه ما اتحمل نظرت أي وحده لك ... طارق : اتغيرين !! سمر وقفت : وهذا الي يصير شنو!! طارق : مادري !! سمر وهي تطالعه بنفس النظره : آغير وآغير .. وأموت غيره طارق رتبك !! .. تدري انه ما يتحمل هل نظرات وتتعمد تطالعه ابها ..: يلا ننزل سمر : لحظه طارق : ها!! سمر : متى بنطلع !! ابتسم لها : الساعه اربع سمر : ازين .. ما بتقولي وين بنروح!! طارق : بوسيني اقولج سمر : اوهووو!! طارق : كيفج سمر : بس مابي اعرف .. نزلو تحت .. وقعدو وياهم .. هيام .. غريب ناصر من يا وهو ما شال عينه عني!! . اشفيه ناصر في نفسه .. انه مادري شله طول هل مده ما عترفت لها بحبي! .. بس اهي كلش ما تشجع ان الواحد يعترف لها .. انه بعد ولا مره لمحت لها حتى إني مهتم فيها ولو شوي .. بس اشلون اعترف لها !! .. جدام الكل !! .. لن وجودي ووجودها في مكان بروحنا اقرب الى المستحيل .. بحاول اليوم اعترف لها .. ((بحاول كلمه ميته لا تعني الفعل انما خلق الاعذار للتأجيل التأجيل الذي يليه تأجيل .. وتأجيل ان كانت نفسك تتعمد نطق هذه الكلمة .. فغيرها استبدالها بسأفعل الممتلأة بالعزم لتصل لما تشاء مهما سمى وصعب نيله )) ام طارق : يلا قومو زهب الغدا الكل قام .. وربع ساعه على الطاوله ولكل قام الا هاني الي قام من النوم متأخر واليوع ذابحه .. جاسم : ويقول عني دب هاني : جب اصلا انه امس موب متعشي جاسم مشا عنه .. وقعد عند ناصر .. جاسم : انت شلون متحمل اتضل عزوبي هل كثر!! ناصر وهو يتنهد : القلب وما يهوى .. جاسم : ازين اشله ما تخطب الي اتحبها ناصر : اغلب الظن ان حبي من طرف واحد جاسم : ونت شدراك!! ناصر : لو كان الحب من طرفين .. كان بحس بنظرتها شي .. لكن نظرتها بارده اخوه اخوه وبس .. جاسم : الي يبيعك بيعه .. في الف وحده غيرها ناصر : هذا كلام اتقوله انت الي موب مجرب االحب .. جاسم : مو شرط من اهي!! Link to comment Share on other sites More sharing options...
يكفيني من هالدنيا قلب Posted أغسطس 10, 2007 Report Share Posted أغسطس 10, 2007 شكوووووووووووووووووووووووووووووووووورة عمري باااارت ولا احلى ننتظر القاااااااادم بفاارغ الصبر Link to comment Share on other sites More sharing options...
غصون المحبة Posted أغسطس 10, 2007 Report Share Posted أغسطس 10, 2007 شكووووره عمري على البارت ننتظر تكمله Link to comment Share on other sites More sharing options...
محرقاويه مفتخره Posted أغسطس 10, 2007 Report Share Posted أغسطس 10, 2007 مشكوره اختي بنت الحداده ع البارت الي ايينن وانه اتوقع ان ناصر بيعترف حق هيام عن حبه واهيا بتصده مشكوره مره ثانيه والله يعطيج العافيه تقبلي مروري اختج محرقاويه مفتخره Link to comment Share on other sites More sharing options...
al_mazuona Posted أغسطس 10, 2007 Report Share Posted أغسطس 10, 2007 مشكوورة قلبي ع القصـــــه وننتظر الجزء اللي بعده واتووووووقع هياااام بتعرف مقصد ناااصر بس ما بتحبـــه لانها تحب رامي ومتيمه فيـــه يسلموو قلبووو يعطيج ربي العافيه Link to comment Share on other sites More sharing options...
بحرينيه.1 Posted أغسطس 10, 2007 Report Share Posted أغسطس 10, 2007 مشكوورة قلبي على البـــارت واعتقد ان نـــاصر بيعترف لهبام بانه يحبها لكنها ما بتعبره لانها تمووت في راااامي ....مشكورة خيوو بس لا تبطين علينا.... Link to comment Share on other sites More sharing options...
كلـ جروح ـي Posted أغسطس 11, 2007 Report Share Posted أغسطس 11, 2007 م ـرررررررح ـباً ح ـبووووبة "بنت الحداده" .. م ـشكووورة ع ـآلج ـزء الح ـلوووو توقع ـآتي للج ـزء الج ـآي :.. - نآصر بيلقى طريقة يقول فيهآ لهيآم ع ـن ح ـبه لهآ وووووو - يمكن هيآم تكلم رآمي ع ـآلمسنجر أو يمكن تجووووف ـهو م ـشكووورة ح ـبوووبة م ـرة ثآنية و يع ـطيج ربي الع ـوآفي و بانتظآر الج ـزء الج ـآيكلـ جروح ـي Link to comment Share on other sites More sharing options...
Recommended Posts