بنت الحداده Posted يوليو 28, 2007 Author Report Share Posted يوليو 28, 2007 "غصون المحبه" حشاج التقصير يل غاليه .. كل مافي القصه أني أبي ردود عشان أتشجع أكمل لكم القصه .. بس بما أن قراء قصتي بهذي المتابعه .. فأنتوا يلي أتابعون قصتي توفون وتكفون .. تحيااااااتي بنت الحداده .. البارت بنزله بعد شوي لعيونكم Link to comment Share on other sites More sharing options...
بنت الحداده Posted يوليو 28, 2007 Author Report Share Posted يوليو 28, 2007 وسعو وسعو البااااااارت وصل[/color] هذا البااااااارت لعيون .. " غصون المحبه" .. " المزيونه" .. " أم حماني" .. " محرقاوية مفتخره" .. " مشدخ" .. وأنه عاتبه على كل حد يقراء القصه وما يرد .. هذا البارت لأحلى قراء بالكون هيام : ما بتطلعين اخوج بييج!"رجفه" ريم : مثل الشي شيخه : يا حبج للدلع احنا بنيي وياج بنخلي هنوي يوصلج وانه وهيام وياج هاني كنه احد عاطيه كف لف لهم وييه كنه قاعد من النوم ريم شافته جذي كان خاطرها تضحك بس مسكت روحها .. هيام : أي هنوي فديته ما يقصر هاني :.....!!!!!!! ريم : لا ماعليه خلوها مره ثانيه .. هاني : .... ما باكلج!! .."" جسم كله نمل"" ريم اتطالعه فيه شي مو طبيعي !! ..: آادري مره ثانيه انشالله اكون قلت لأمي وخوي عشان ما يحاتوني .. شيخه : لا مو عذر اتصلي قوليلهم اخو هيوم بيوصلج وانه وهيوم بنيي وياكم .. ريم حست انها محاصره .. لفت طالعته كله لين اتشوفه اتيها الضحكه ما تدري شله؟؟ يمكن حركاته الغبيه وملامحه الي غير فيشن هيام : يلا اتصلي .. ريم : بس !! شيخه اتقاطعها: لا بس ولا شي يلا اتصلي واذا اتخافين هل كثر بنوديج تسع .. شتبين بعد! ريم طلعت تلفون امها بخضوع .. ! ودقت على اخوها .. رامي توه طالع من المكتبه وداخل السياره .. رن التلفون "لسمراني لماريا نصري " شاله : الو ريم : رامي .. هيام .. مركزه بكل حواسها !! .. بس وهي تطالع الارض مركزه ع المكالمه .. رامي : هلا والله بريماني .. ها الحين اييج! ريم : امم شيخه اتقول انه اهي وهيام وخو هيام بيوصلوني شتقول انت! رامي بستغراب :وشحقه مب انا اييج! ريم : يبوني اقعد لي تسع! .. رامي : أي مو مشكله قعدي لي تسع وانه اييج ريم : اوك .. رامي : ريم .. ريم : هلا آمر رامي :زعلتي ! ريم : لا ابد رامي : اذا تبين اتين ويا ربعج اوكي بس يعني انا قلت لو انا ايي احسن بس براحتج اهمشي ريماني تكون مستانسه ريم بمزحه : هاهاهاي .. تبي الفكه أدري فيك بس خلص انه ابي ايي معاك تعال رامي : يكرهج لين اتكسرين مياديفي الحين يازعم بدلعج تقولين تبي الفكه زهبي بس زهبي طيرتي عليج فرصت العمر الحين يايج ريم : بل رامي : مافي لا تحاولين يلا باي سكر الخط ضحكت ريم ع روحها .. هيام : اشصار ! ريم : هههههههه قال لي اول شي انه بيني تسع .. قلت له اوكي قال لي اذا تبين اتين وياهم اوكي .. قلت له تبي الفكه خلص ابيك اتيي احين .. هههههه يقول كسرت مياديفه ويازعم يبي يدلعني وبعدين قال طيرتي على عمرج فرصت العمر بس زهبي احين يايج شيخه .. : وشله قلتي له خل اييج احين ! .. هاني تشائم !! .. هيام اهي كلمه وتسرح مو مكالمه اتصير جدامها .. شيسوي احين! .. اشله شكله مو راضي ينمسح من ذاكرتي معا اني ما شفته الا كم مره .. ياربي شلي يصير فيني ..موقادره اكتم مو قادره احس اني بنفجر ابي افضفض اقول لأي احد .. بعد ربع ساعه ريم .. : زين اكو رامي سوا رنه اكيد وصل .. هاني :.!!!!!!!!! شيخه : المر ه اليايه ما خليج تطلعين .. ريم : يصير خير نزلت شيخه معا ريم .. وهيام اوتعت ولحقتهم عشان يوصلون ريم للباب .. هيام وهي عينها على الباب : عاد مو تقطعين .. ايميلي عندج وخذي رقمي ******** شيخه : وهذا رقمي ******** ويا حبذا اذا تسمعينا صوت الغاوي مان "بمزحه " هيام ودها تعطي شيخه ضربه على راسها .. ريم : ههههههههه انشالله طلعت ريم .. تمت شيخه عند الباب .. طلت عليه بس مايبين لنه ليل وهو داخل السياره .. وطبعا هيام ورا شيخه وما تشوف شي عشان جذي بالعماله سكرت الباب هيام بحمق : بسج ثقلي شيخه : غاوي هيوم غااااووووووي هيام وهي ميوده عمرها : لا تسيحين بس شيخه :ههههههههه احين انتي شحقه معصبه هيام وهي تتصنع اللامبالاة: انه معصبه ! شيخه : أي هيام : تتخيلين شيخه : لا ما تخيل .. انتي صار لج مده مو على بعضج هيام رتبكت : شلون يعني ؟ شيخه : دوم تسرحين .. ومادري شلون!! هيام .. : لا ماكو شي شيخه : آخرتج بتقولين لي .. زين انه بتصل لنصور عشان ايي ياخذني .. هيام : وين !! شيخه : امس طوله معاج ورقدت عندكم حنون و ندوي تلاقينهم الحين مشغلين اسطونت الغيره تخلونها وما تخلونا تطلع وما نطلع .. خليني اروح اخفف على روحي الهذره .. هيام : زين بتيني باجر! شيخه وهي تقعد على الغنفه : لا انتي تعالي انه وايد ايي انتي ما تين! هيام : اوك بخلي جسوم يوصلني .. شيخه تدق على اخوها الي قاعد عند البحر وسرحان .. الشمس غابت بس للبحر جمال ما يحتاي أي ضوا يبينه .. له هيبيه غريبه !! .. دوم يحس الي يقابله ان لو شكى همه راح يسمعه ويشيل شوي من همه .. ناصر وقت الي يكون تعبان نفسيا ايي هني .. خاصه وناصر ما عنده احد يشكي له .. او يمكن عنده واهو يفضل السكوت .. قطع عليه رنة التلفون .. المتصل .. "شواخه " ناصر : الو شيخه : هلا ناصر ناصر : ها اييج!! شيخه : ايه شيخه حاسه في صوته شي .. اشفيه! شيخه : ناصر .. ناصر : هاه شيخه : فيك شي ! ناصر : لا شيخه : عيل اشله صوتك هلون؟ ناصر شوي وبينهار .. بس يود عمره : يلا انه يايج احين وسكر الخط!!!! شيخه : اشفيه هذا ! هيام بستغراب: شقالج؟ شيخه : مادري نبرت صوته متغيره .. هيام : يمكن من التلفون ! شيخه : ما ضن هيام : لين يا سأليه ! شيخه : أي وين بيروح مني.. ناصر يسوق .. مب بسرعه بس مو مركز بعد عشر دقايق وصل .. طق هرن لشيخه .. اطلعت له على طول على غير عوايدها ! .. شيخه ركبت وتطالع اخوها بخوف .. : ناصر اشفيك!! ناصر كان معرق ومدوخ .. وحاله كلش ما يساعد على انه يسوق .. ناصر طنشها .. ومشى .. شيخه :انت كلش مو طبيعي اشفيك فيك شي!! وقفو عند اشاره .. يبين على ناصر الارهاق من عينه .. وجسمه الهزيل ولعرق الي يتصبب من جبينه ! .. ناصر : ما فيني شي .. شيخه : اذا اتحبني ناصر قول ناصر بتعب : شيخه .. الله يخليج مره ثانيه اقولج مالي بارض كلش .. شيخه : لا انت فيك شي وشي جايد بعد بعد ما شتغلت حرك .. ولحسن حضهم وصلو من غير ما يصير فيهم شي .. ناصر دخل داره على طول .. شيخه لحقته شيخه : تبي ماي! ناصر وهو يتنفس بشكل مسموع : أي ولي يعافيج .. شيخه ركضت المطبخ يابت له ماي .. اول ما وصلت الدار كان منبطح على السرير ولتعب مايبيله احد يلاحظه .. شيخه بخوف : ناصر .. قوم اشرب ماي ناصر .. حرك بألم وشرب ربع الكاس .. شيخه ركضت تحت نادت امها شيخه بفزعه: يمه .. يمممممممه .. ام ناصر : ها اشفيج اتصرخين هلون شيخه وهي تصيح : لحقي على ناصر ام ناصر وهي تحط يدها على قلبها : يمه ولدي راحت دراه بسرعه .. ام ناصر وهي ميته خوف : اشفيك يمه !! شيخه تحت تبجي على الغنفه ندى : اشفيييج اشله تبجين ! شيخه وهي تشهق : ناصر نااااصر ندى بخوف : اشفيييييه ؟؟ شيخه : مادري وصلني وهو يعرق ومب قادر يمشي .. ندى: اتصلي في الدكتور .. يمكن مرتفع ضغطه او شي! مسحت شيخه دموعها بسرعه وراحت عند التلفون .. وتصلت في الدكتور الي دائما ايي اذا ام ناصر تعبانه .. شيخه ولصياح مأثر في نبرت صوتها: الو الدكتور : هلا شيخه شخبارج يبه! شيخه : دكتور تقدر اتيي احين ! الدكتور : ام ناصر فيها شي!!! شيخه : لا نااصرر ناصر وايد تعبان .. الدكتور : عشر دقايق وانه عندكم سكرت شيخه الخط وضلت قاعده على الغنفه بخوف .. في درا ناصر .. ركبت ندى اتشوف اخوها .. ندى اول ثنوي .. ملامحها نااعمه .. عينها عسلية .. قصيره وربشه عكس ملامحها .. اكثر وحده قلبها رهيف في البيت ... بسرعه تنجرح .. كلمت ثلاث شباب بس ما حبت حد منهم .. بعد ثلاث اشهر او اكثر تنفصل عنهم ندى بخوف : يمه اشفيه ناصر ! ام ناصر وهي تبجي على ولدها : مادري مادري اتصلي في الدكتور ولي يعافيج ندى .. لمت امها : بس يمه لا تعورين قلبي .. شيخه اتصلت فيه وجهت نظرتها لخوها الي قواه كلها منهاره .. مسلم نفسه للرقاد ويتنفس بصوت مسموع .. اشفيه ناصر !! .. ماكان فيه شي من اصل اهو ! .. بعد ربع ساعه الدكتور وصل .. شيخه ركبت معاه دار ناصر .. دخل الدكتور وعا ناصر عشان يشوف اشفيه .. بعد شوي طلع الدكتور من الدار .. ام ناصر بخوف : دكتور ولدي اشفييه! الدكتور ببتسامه : مافيه شيي .. مجرد انفلونزه وضيق تنفس انشالله يومين ويقوم مثل الفرس .. شيخه ارتاحت من قلب .. بعد ما وصلت شيخه الدكتور لعند الباب .. دخلت دارها اتفكر .. انفلونزه! .. بس انفلونزه !! .. اشك اكيد هيام لها دور .. ياما قلت لك ياخوي .. لا تعلق آمال في الهوى لن آخرتها اتطيح .. بس مب طايعني .. او يمكن مو بيده .. الله يعينك يناصر على ما بلاك .. في دار ندى .. "راشد" يتصل ندى : صج مالي مزاجه كلللش سكرت الخط في ويهه .. وشوي دخلت عليها حنان .. اختها الصغيره آخر العنقود سادس ابتدائي .. حنان : ندوي باجر ابيج اتيين وياي ابي اشتري برموده للرياضه ندى : وشحقه انه روحي معا وحده من ربعج حنان : لا انتي تعالي ويياي ندى : متهاوشه معاهم! حنان وهي تلعب بصابعها : أي ندى : يا كثر ما تتهاوشين معاهم اشوله بعد! حنان : مريم دوم معا باقي بنات الصف وانه ما حبهم اقعد بروحي .. قلت لها ما حاجيج ومشيت ندى : ازين وشسويتي في برمودتج الي شريناها لج اول السنه ! حنان : انشالله تبين ايي الفصل الياي وانه على مثل البرموده! ندى: مب وحده ثلاث شارين لج حنان : كلهم لبستهم ندى : رياضه ويومين في لسبوع عرض ازياء هو! حنان : لا تصيرين لي شيخوه اتين وياي ولا اروح بروحي معا السواق ندى: ونتي هاي الي فالحه فيه تهددين وبس .. وكلشي تقولينه تبينا انقولج سمعاً وطاعه ! حنان وهي تعدل قميصها : أي نعم ندى:بيي معاج بس بشرط حنان:بعد في شروط! ندى: أي حنان: قولي وبفكر ندى: وي مالت عليج .. في فلم نازل توه ابي اروحه بتدشينه وياي حنان : عربي ولا اجنبي! ندى: عربي حنان: شسمه ! ندى: ضرف طارق حنان : سمعت عنه .. بس هذا شرطج! ندى : أي حنان مدت يدها عشان اتسلم ع اختها : تمت الصفقه ندى : الله يعقل عليج بعد ما طلعت حنان بشوي .. رن تلفونها .. نغمتها .. "بستناك لأليسا" "راشد" يتصل ندى : افف هذا ما بيحل عن راسي الا اذا شلته ندى بملل : الو راشد : وينج ندى ادق عليج ما تشيلين ندى : التلفون كان في الدار وما كنت موجوده راشد : ما علينا .. متى اقدر اشوفج ندى وهي تغطي سماعت التلفون .. : هذا بلشه مللني مادري شلي طقني على راسي وخذت الرقم ندى : امي وبوي هل يومين ضاغطين علي ما يخلوني اطلع .. (( لا يروح بالكم بعيد .. تتواعد معاه في مكان وتروح معا ربعها او أهلها وتشوفه )) راشد : خلص انا باجر ايب اهلي ونخطبج ندي ردت غطت سماعت التلفون : بل هذا ماخذ السالفه جد والله بلوووه ندى : والله مادري شقولك .. بس انه مسميه لأحد من قرايبي وماعتقد يرضون هلي .. راشد : لا ياندى الله يخليج لا تقولين لي اننا ما بنقدر نرتبط .. ندى وهي تمثل الحزن : هذا الواقع ياراشد .. راشد : بس ندى انه احبج! ندى : كلشي يراشد قسمه ونصيب,, راشد: لكن .. ندى اتقاطعه : راشد اخوي يدق الباب باي.. سكرت الخط وسكرت تلفونها من اساس .. في بيت بو طارق .. "الساعه 12 " هيام معا سمر اتهديها لن طارق ليحين ما رد سمر وهي شوي وبتصيح : مب عوايده.. هيام : لا تسوين في روحج هلون الحين بيي .. سمر :شله ما يشيل التلفون ! .. اكيد في شيي هذي اول مرره اتصل وما يشيل تهقين معا وحده!!! هيام : لا لا ما عتقد اكيد معا ابوي ولشغل ماخذهم .. سمر ..: ردي اتصلي فيه الله يخليج هيام خذت تلفونها ودقت .. عليه .. الفت اتطالع سمر ببتسامه .. سمر!! هيام ..: الوو طارق : هلا هيومم هيام : وينك عبله مسويه مصيبه طارق .. : يويلي على حبيبتي شفت مسكولها عطيها التلفون بكلمها سمر خذت التلفون من هيام .. سمر بعصبيه ..: نعم! طارق : بل .. صدقيني نسيت التلفون في المكتب ورديت له .. شفت مسكولج سمر ..:عادي.... طارق : يعلني انشالله كسر اشلون ازعل حبيبتي .. سمر رق قلبها : اسم الله عليك .. طارق ..: سموررر سمر ما نست انها زعلانه : نعم .. طارق :احبج سمر خف الزعل بس ما راح!! : ....... طارق : اممم اشرايج اليوم اسهر معاج للفجر! سمر : لا اشله باجر عندك شغل .. طارق : معليه يولي الشغل سمر ..:.... هيام اتدز سمر .. وتهمس : بسج دلللع سمر طالعت وتشرت لها تصبر : يلا باي طارق : لا لا انه ابي اسمع صوتج طول الطريج .. سمر : ما عندي شي اقوله .. طارق : شخبار النونو حبيبي ! سمر : زفت طارق بخوف : في شي!! سمر : لا طارق : الحمدلله .. اشله اتفاولين عيل! سمر : ما فاول! طارق : يلا سمور عاد والله ما انساه مره ثانيه سمر : لا عادي انساه طارق : تدرين خاطري في شنو! سمر:.... طارق : في مجبوس سمر وهي منقهره ع الاآخر .. وتسد السماعه .. وتقول لهيام : مو اقولج اخوج هذا ما يحس مايحسسس زعلانه يقول لي خاطره في مجبووس هيام فقعتها ضحك.. Link to comment Share on other sites More sharing options...
أم حماني Posted يوليو 29, 2007 Report Share Posted يوليو 29, 2007 هههههههههه عن جد ضحكت ع آخر شي يلا نبي بارت اطول مره ثانيه Link to comment Share on other sites More sharing options...
بنت الحداده Posted يوليو 29, 2007 Author Report Share Posted يوليو 29, 2007 يسلمو أم حماني حبيبتي ع الرد .. أنشالله ما يصير خاطركم الاطيب Link to comment Share on other sites More sharing options...
غصون المحبة Posted يوليو 29, 2007 Report Share Posted يوليو 29, 2007 ههههههههههههههههههههههههههههههههههههههههههههههههه حلوه يسلموووووو على البارت نبي بارت اطوول يعطيج العافية حبووبه Link to comment Share on other sites More sharing options...
al_mazuona Posted يوليو 29, 2007 Report Share Posted يوليو 29, 2007 مشكوووووووورة عمري ع البااااااااارت بس وااااااااااااااايد قصير نبي البارت الياي يكوون اطووووووول ويعطيج ربي العااافيه وبصراحه القصـــــــه جناااااااااااااااااااااان كل بارت يحليها عن اللي قبله يسلموووووو Link to comment Share on other sites More sharing options...
بنت الحداده Posted يوليو 29, 2007 Author Report Share Posted يوليو 29, 2007 ألعفو المزيونه عمري .. خخخخ لا هذا حجمه مقبول << يمكن من كثر ماهو حلو ما حسيتي بحجمه p: أذا تبون بارتات أطول ردو p: << الطمع زييين بنت الحداده ويسسسسسلمو غصون ألمحبه ع الرد << مثل ما قلت من شوي .. تبون أطول ردو أكثر p: Link to comment Share on other sites More sharing options...
غصون المحبة Posted يوليو 29, 2007 Report Share Posted يوليو 29, 2007 هلا حبووبه (( بنت الحداده )) اي نبي باااااااااااااارت اطوول لانه متشووقين نعرف الاحدات شنو بيصير هيام ورامي ؟ ناصر ريم ؟ الله يخليج لاتبطين علينا يعطيج العافية Link to comment Share on other sites More sharing options...
al_mazuona Posted يوليو 29, 2007 Report Share Posted يوليو 29, 2007 ههههههههههههههههههههههههههههههههههههههه ما علي يا بنت الحداده بس انتي نزلي لنا البارت بسررررررررررررعه وبلا طمــــع اهم شيء آنا رديت خخخخخخخخخخخخخخ ع العموم براحتج يا قلبي وننتظر البارت اليااااااي واتمنى ما تطولين بتنزيلـــه>>واذا تبين مساعده تراني حاضره بس انتي ييبي لي القصه المعهد ولا عليــج>>>ههههههههههههههههههههههههههههههههههههههههههههههههههههههههههههههههه يعطيج ربي العافيه Link to comment Share on other sites More sharing options...
راسرمانية نحيسة Posted يوليو 29, 2007 Report Share Posted يوليو 29, 2007 انتضر البارت القداكم حبوبه Link to comment Share on other sites More sharing options...
Recommended Posts