CrAzY-BoY Posted أغسطس 13, 2007 Report Share Posted أغسطس 13, 2007 هلا ... ---------------- من اليوم ببدأ أكتب قصتي الي بتكون من عدة أجزاء ... و كل مااحصل ردود اكثر راح ازيد في القصة و احط التوابل ...! و للعلم .. ان القصة من تأليفي و من أفكاري و من نسج الخيال .. ! ... موب ناقص أحد يرفع علي قضية أو يبوقونها حق مسلسل .. الا اذا يا لي اي مخرج يطلبها مني بالطيب .. ممكن افكر اني اعطيه .. ! ----------------- أسم القصة: الربع .. Friends .. أو ممكن تقولون الاصدقاء ... الخ..! المكان: المريخ و الأرض الزمن: متفرع من حاضر الى ماضي و بالرموت الى المستقبل .. ------------- قبل لا ابتدي .. بكتب اليوم بس الشخصيات و اذا حصلت على الأقل 5 ردود تشجع بكتب الجزء الاول من القصة ... ------------- الشخصيات الرئيسية (على فكرة .. كلهم ربع جامعيين و بنفس الجامعة) : أحمد: العمر: 19 .. (شكله أوكي يعني حلو ووسيم و البنات طايحين عليه من كل صوب لكن يحب وحدة بس .. لكن لاحقين عليها .. يحب ينكت و يهذر عالفاضي ... بس حبوب و قلبه طيب ..) سارة: العمر 18 .. (شكلها أكثر من اوكي .. جميلة و رشيقة و ويها لما بنجاف يهدي الاعصاب و ينسيك همومك و طبعاً مسوية دليل أرقام حق الصبيان أكبر من دليل بتلكو تحب التنكت بعد بس حساسة و عصبية شوي .. لكن بعد قلبها أبيض ... ) نواف: العمر: 21 .. ( شكله بعد وسيم و الخ .. طيب و حنون و يحب يساعد الكل .. لكن للأسف طيبته الزايدة احياناً تنقلب ضده ..) دانة: العمر: 20 .. ( يا زينة بنات الجامعة .. اهي من عايلة معروفة طبعاً و غنية .. معروفة بدلعها و بخفة دمها .. و بجمالها طبعاً .. طيبة بعد .. لكن فيها صفة ساعات تخرب عليها الاااا و هي .. الغرور و السطحية .. ) راشد: العمر: 25 .. ( اكبر واحد فيهم و يعتبرونه الأخ الأكبر لهم ... طيب و حنون ... و متدين بعد .. يعني علاقته ويا ربه قوية .. لكن للأسف الله يختبره وايد في حياته .. يعني حظه شوي ردي .. بس اهو صابر .. ) ريم: العمر: 19 .. ( غزالة البنات .. مافي أرق منها .. طيبة حدها .. لكن للأسف الله ماعطاها الجمال الأخاذ .. يعني اهي شكلها عادي موب حلوة وايد .. لكن جمالها الداخلي يغطي جمالها الخارجي .. بنت مسكينة و مقطوعة من شجرة .. عايشة ويا صديقة عمرها مرام و أم مرام ) مرام: العمر: 19 .. ( بنت جميلة و رقيقة .. و خفيفة دم بعد .. عايشة مع امها و صديقة عمرها ريم .. أبوها الله يرحمه توفى في حادث سيارة .. لكن اهي الي نساها حزنها و مشاكلها الي تواجها يومياً اهو شخص واحد بتعرفونه في القصة .. ) -------- الجزء الأول و الثاني--------- --------------- تبدأ الاحداث و تجري الكاميرا الى بيت دانة و البنات (سارة, ريم و مرام ) مجتمعين في ليلة الإجازة و حق السهرات دانة معروفة بهالشغلات.. يعني جاهزة عند الطلب! .. -----------------------+++------------------ سارة: دنوووووي (اسم الدلع حق دانة خخخ ) .. روحي ييبي لنا اي فلم ثاني انجوفه حق السهرة بلييييز .. دانة: اوووف والله مالي خلق حق فلم ثاني حدي تعبانة وواصلة حدي ..! عيوني طلعت برع تصدقين عيوني اختنقوا من كثر الافلام! سارة: ها ها هااااي اتنكتين ويا ويهج ..! دانة: و شفييه ويهي؟؟!! سارة: لالا سلامتج ويهج جنه البخت.. ههههههه ..! مرام: يا بنات بسكم نجرة ... خلوني اروح في عالم الاحلام ... ريم: ارجوووووج يالرومنسية!! البنات كلهم : ههههههه خخخخخخخ هع هع هع هع! دانة: ههههه خلوها تفكر في "فارس احلامها" مرام: ههههه يالله عاااد يوزو عني ..! دانة: انزين انزين بس خلاص خل نرجع حق محور حديثنا .. سارة: الا و هو ... ؟؟؟ دانة: النوم ..!! سارة: ها؟؟ ..!! دانة: همبة ..! فجأة سمعوا طرقة باب .. دانة للبنات: اكيد هاي امي .. و لأمها الي متوقعتها: حياج الباب مفتوح ..! الا سمعت صوت ريال .. أحم أحم ... درب ... درب .. دانة: درب درب في غرفتي؟ اقوول عبوود و الي يرحم والديك بطلع لك مو تسوي نفس كل مرة و تدش على البنات ... عبود (عبدالله) أخو دانة: العمر: 19 .. ( يحب السوالف و البنات و معجب بسارة .. و قال حق دانة بس .. و دانة بس قالت حق كل البنات الموجودين بالغرفة حالياً خخخخخخ .. ) عبود: انزين انزين ..! طلعت دانة يم الباب ... دانة: شتبي؟؟؟ عبود: ممكن خدمة ضروورية ارجووج ؟؟ دانة: شنو هالمرة ..؟ عبود: والله ... دانة: خلص بسرعة .. البنات ينطروني ..! عبود: بس ارجووج الكلام بيني و بينج ..! دانة: انزين!! عبود: ابيج تعرفين اذا سارة تحبني أو لا ؟؟ دانة: هههههههههههههههه عبود: شفييييج ؟؟؟ دانة: هاذا وقته الحين؟؟؟ عبود: يالله عاااااد بس هالمرة ضرووري اعرف! دانة: انزين بس موب الحين .. بعدين يلا ..! دشت الغرفة ... و صكت الباب ! سارة: شيبي بعد ههههه ؟؟! دانة: ... سارة: اهااا ريم و مرام: ! ! دانة: هههههه ماعليكم .. المهم ... وين كنا؟ سارة: عقب ماقلتي همبا .. اقول لج الرد الحين .. يأم تمبة ههههه! دانة: ههههه يلا عاد ابي ارقد حدي تعبانة!!! .. الي ماله خلق يرقد طالعوا التلفزيون .. مايقصرون قنوات الاشتراك متروسة افلام و اكثرها حق مراموو مال حب و غجر نفسكم هههههه! البنات: هههه على خفيف .. دانة: يلا تصبحون على خير البنات: و انتي من اهلوو سارة: يلا يلا حطو اي قناة مالت افلام المهم فلم نفهم له! ريم: حطي قناة (فلان بن علان) << لحفظ الحقوق خخخخ ... سارة: لالالا بااايخة اليوم مافيها شي كلة ... أخبار و برامج معادة ..! ريم: انزين شرايج في ذي .. هههههههه ؟ "مقطع حب و ... الخ " مرام: واااو ... الله على الحب بس ...!!!! سارة: و الي يرحم والديييج بسج رومانسية!! شخليتي حق قيس و ليلى؟؟؟ ريم: و روميو و جولييت!!.. دانة رفعت راسها و قالت: و عنتر و عبلة! سارة و ريم: ههههههههههههههههه مرام: مالت على ويوهكم!!! ... ريم: انزين بسكم عنها هههههههه ..! مرام: ضحكتوا من سركم ان شاء الله!!! ... سارة: انزين خلاص انا هونت مابي اجوف فيلم .. راح موودي حق الافلام هالليلة .. يالله نرقد .. مرام: أحسن! .. يالله ريموو خل نرقد ... ريم: اوكيك ..! كل وحدة راحت حق موقعها الاستراتيجي للنوم ... و صكت سارة الليت ... ------------------الجزء الثاني .. بدون مقدمات----------------- عقب ماصكت سارة الليت .. الكل انبطح على السرير ... سارة: تصبحون على خير..! البنات: و انتي من اهل الخير! سارة: اوووف ياربي!!! مرام: شفيج تهفيين؟؟!! سارة: مافيني نوم .. ريم: حاولي و رقدي و انجبي ..! سارة: افااااا..! انا تقولين لي جب؟؟ ريم: لالا موب قصدي بس بالنسبة لي جب يعني لو سمحتي سكتي مرام: انزين بس حاولو ترقدون و خلونا نرقد احنا بعد! سارة: لا حوووول!!! ... الحين يعت انا بنزل آكل لي شي <<< ماخذة راحتها في بيت رفيجتها ! مرام: من صجج الحين بتنزلين؟؟؟؟؟ سارة: لالالالا مابنزل هههههه شقالو لج مينونة؟؟؟ مرام: اشوة بعد! سارة: بحوول ..! و طلعت سارة بسرعة البرق برع الحجرة ... و نزلت تحت للمطبخ و في الطريج جافت ام دانة ... سارة: هلا خالتي ..! ام دانة: هلا عيوني << فوزية الدريع خخخخخخ! سارة: اعذريني خالتي ادري انج مستغربة اني هالوقت نازلة تحت .. بس شسوي يوعانة حدي! ام دانة: لا عاادي انتي بس اخذي اي شي بس لاتلعوزين .. لاتخليني اسوي فيج نفس ذيج المرة.! سارة: هههههههه لاتوصيين!! .. خلاص تعلمت الدرس..! السالفة و مافيها ان سارة مرة من الايام دشت المطبخ نص الليل و كانت يوعانة بعد خخخخ ... و لعوزت المطبخ و الصحون في صوب و الاشياء الثانية في صوب ..! حتى المايكروويف ماسلم منها اخترب و مات على ايدها كل خمس دقايق اتسخن لها شي! و عرفت ام دانة ان سارة الي سوت هالسوالف .. خلتها اتنظف المطبخ كااامل ثلاث مرات في اليوم..! و البنات يضحكون عليها خخخخ! ام دانة: انزين تصبحين على خير ..! سارة: و انتي من اهلوو توجهت سارة الى المطبخ .. و الا اتجوف عبود قاعد يزحر في الكورن فليكس المفضل لها .. الي على كاكو خخخخ ... سارة: اوفييي .. يعني هذا وقته يزحر ؟؟ و لا بعد كورن فليكسي << الظاهر ابوها قايل لها اي شي خاطرج فيه اعتبريه مالج انا شايره لج خخخخ جافها عبود و ويهه صار احمر لان بنت احلامه يات المطبخ و مافي احد الا اهي و او..! عبود: هـ .. هــ .. ههلا .. ســ سسـ سسارة ...! سارة: هههههه شفيك تشير ؟؟؟ عبود: ل ل لا ممافيي ششي ..! سارة: اها ... ههههه توجهت سارة الى طاولة الاكل و طبعاً الي ياكل عليها الأخ عبود في الجهة الثانية ... و قعدت سارة في الجهة المجابلة له ... و عبود متوهق مايدري شيسوي خخخ ...! سارة: ممكن صندوق الكورن فليكس الي يمك؟ عبود: اانزين .. الطاولة كانت شوي طويلة .. يعني قام عبود من على الكرسي و مشى اتجاه سارة و كان يتقلقل خخخخ ... و طاح منه الصندوق مال الكورن فليكس .. سارة: ههههههههههههههههههههههههههههههه شفيك اليوم؟؟ عبود: مادري والله خخخخ سارة: انزين ماعليك .. انا بشيله ... عبود: لالالا مايصير!!! سارة: يالله عاد ! و قامت سارة من الكرسي و راحت صوب الصندوق عشان تشيله من الارض و اول ماوصلت للصندوق .. عبود كان يجوف عيونها و ملامحها و شعرها الناعم الطويل ... و اهي عطته نظرة عين بعين ... و قعد يتمنظر في عيونها و نزلت و اهي مبتسمة .. و خذت الصندوق .. الا تجوف عبود للحين واقف .. سارة: شفيك ؟ عبود كان ساكت و هادئ مارد عليها ... سارة: شفيك صاير جذي ههههههه ! ... تبي اشيل الهولد ؟؟ استيقظ عبود من حلمه و رد عليها ... عبود: ها؟؟ سارة: سلامتك .. عبود: اقوول .... سارة: قوول ... عبود: دانة قالت لج اي شي اليوم ...؟ فهمت سارة النقزة ... سارة: مثل شنو؟ عبود: مادري .. اي شي؟ سارة: عاد اي مثل شنووو؟؟ عبود: بس بس ماعليج ... سارة: ههههه الله يهداك اليوم بس مادري شفيك ..! حطت سارة الكورن فليكس في الملة .. و كان في حليب يمها و صبتة .. و كلت و خلصت و طول الوقت عبود كان يجوفها خخخخخ ... ! عقب ماخلصت سارة الاكل غسلت الملة و حطتها مكانها ... و كانت بتطلع ... سارة: تصبح على خير عبود: و و و ااانتتي ممن ااهلل ال اللخير .. طلعت سارة بابتسامة خفيفة ... و ردت حجرة دانة.. و صكت الباب ... جافت كل البنات راقدين .. و راحت سريرها و خمدت خخخخخ .. ------------------------- الصباح التالي --------------------- تنتقل الكاميرا و تذهب الى بيت أحمد و تحديداً .. الى حجرته ... طبعاً احمد ياحبه حق النت و التلفون و يرضع التلفون ويا حبيبته الي اهي شخصياً بتعلن افلاسه اهو خخخخخ من كثر الهدايا و الكردت الي اييبه لها ... الحبيبة: الاسم: نوف .. العمر: 18 .. ( اكيد حلوة .. طيبة .. تموت على شي اسمه هدية! ... و تفضل النوع الغالي من الهدايا! .. بس شخصيتها حبوبة .. و زعولة شوي .. لانها تغار على حبوبها احمد .. لما البنات يتلصقون فيه ..! ) احمد الحين على الكمبيوتر يهذر في الجات ... يعني بذمتكم احد يهذر في الجات من صباح الله! و مافي في الجات الا انوني ..! يتهاوشون ويا بعض من احلى اهي او نوف خخخخخخ ! المهم ... احمد انتقل من الجات و عطا انوني المسكينة .. السييين! انتقل الى المسنجر و طبعاً من ضمن ال 300 الي عنده 290 كلة بنات و ال 10 مقسمين على الصبيان خخخخ! لقى وحدة ضافته ... و اهو طبعاً من طبعه يقبل اي واحد حتى لو واحد نك نيمه بهكر ايميلك يا احمد ! فضافها .. و عرف انها بنت طبعاً عنده خبره بهالسوالف ..! نك نيم احمد: هلي و انجارت الدنيا علي ... اوصيكم على روحي وصية .. و نك نيم البنت: انا مسافر و خل قليبي عندكم .. غصب عني ترا انا مو بديا ... يعني ما شاء الله على الصدف ! المهم ... احمد: هلا .. شخبار ..! البنت: هاااي احمد: ممكن اعرف من؟ البنت: اسمي مي .. احمد: و النعم .. ممكن اسأل بعد من وين لج ايميلي و جم عمرج و تفاصيلج؟ مي: هههههههههههههههه .. اي ممكن بس لاتسأل وايد .. احمد: انزين خخخخخخ مي: عمري 18 و بدش ال 19 عقب اسبوع .. و حصلت ايميلك من وحدة تعرفك ههههه و ياكثر الي تعرفهم ... و حبيت اتعرف عليك و نكون اصدقاء و ربع .. و اذا ماتبي عادي مابزعل .. احمد: لا لا لا عادي مافي مشكلة ... زيادة الخير خيرين خخخخ مي: ههههههه (و حطت الفيس الخجول :$) احمد: شفيج تستحين يازعم خخخخ مي: لا ولا شي .. قول لي عنك ... يعني شخصيتك و شلون شكلك ؟ احمد: يعني ماتعرفيني ولا قط مرة جفتيني؟ مي: لا احمد: اها ... انزين ... اممممـ ... ماعرف والله اوصف روحي بس بحاول ... مي: هههههه اوكي .. احمد: طيب يمكن ... و رومانسي خخخ طبعاً ويا حبيبتي ... اما شكلي ... اعتقد اني وسيم على قولة ال 300 الي اعرفهم خخخخ ... مي: اها هههههههههه ... يعني انت ابو البنات ههههه ... احمد: اي تقريباً ... بس مااخون .. يعني انا حبيبتي تعرف طبعي ويا البنات .. بس متعودة و متفهمة .. مي: اها ... انزين يلا الحين برب .. بروح و بيي عقب ساعة او ساعتين ... احمد: تيت سمع احمد طرقة باب .. و كانت امه تناديه ... ام احمد: احمد!!! احمد: هلا..؟ ام احمد: تعال انزل الريوق جهز ... احمد: ان شاء الله يمه .. بس دقيقة ..! ام احمد: انزين بس لاتتأخر .. احمد: هذاني في الطريج .. <<< خخخ في الشارع موب حجرته! --------------- و تنتقل الكاميرا الى بيتنا الثالث بالقصة و هو بيت راشد ----------------- في حجرته .. راسد راقد و خامد ... ووراه شغل ايام الاجازة! اتيي له اخته تقومه ... الاخت: رشوووود قوووم يلا!! راشد: اوووه فطووم لا تقعدين تأذيني ..!! يالله بعدين قوميني!! .. بعدين! الاخت: و الشغل؟؟ راشد: اوووووووووووووه نسييييت!!! و نقز مرة وحدة راشد من السرير و سيييدة راح الحمام يفرش اسنانه و يغسل ويهه و يتوضأ مع انه تأخر شوي ... يا ترى شبيصير عقب ؟؟؟؟ تابعوا القصة! ان شاء الله عجبتكم القصة لحد الحين؟؟؟ و الى اللقاء في الجزء الثالث و ترقبوه قريباً!!! -----------------To Be Continued--------------------- و اتمنى من ادارة بحرين توداي ان اتثبت القصة ... لاني الصراحة تاعب عليها و ابي لو بس تثبيت ... لاني بحط الاجزاء كلها في نفس الموضوع ذي ... --------------------------------------------------------- للعلم اني ناقل القصة بعد في منتدى ثاني و لحد يقول بايقها .. ! و الي يبي ينقلها أرجوكم بس استشيروني قبل ..! تحياتي,, الكاتب المجنون ... كريزي بوي Quote Link to comment Share on other sites More sharing options...
عالية الشأن Posted أغسطس 13, 2007 Report Share Posted أغسطس 13, 2007 رووووووووووووعه واكثر من روووعه ترى انا من المتابعين ... وبسرررررررررعه حط الاجزاء ابي اعرف الاحداث والاكشن اللي بصير خخخ يسلموووو كريزي بوي على القصة الحلوة وننتظر الباقي Quote Link to comment Share on other sites More sharing options...
CrAzY-BoY Posted أغسطس 13, 2007 Author Report Share Posted أغسطس 13, 2007 ثنكيووووووز الغاليووو على الرد !!! تعالي كل يوم و اقري البقية يالله باي بفكر في اكشن و دراما Quote Link to comment Share on other sites More sharing options...
حبيبة ابوها Posted أغسطس 13, 2007 Report Share Posted أغسطس 13, 2007 تسللللم اخوووي على القصة الاكثر من روعة وناطرين الباقي لاتاخر هههههههه Quote Link to comment Share on other sites More sharing options...
Minnie mouse Posted أغسطس 13, 2007 Report Share Posted أغسطس 13, 2007 يسلموووووووووووو Quote Link to comment Share on other sites More sharing options...
CrAzY-BoY Posted أغسطس 13, 2007 Author Report Share Posted أغسطس 13, 2007 ثنكيوووز جميعاً على الردود!! و انتظر ردود اكثر عشان اكمل! Quote Link to comment Share on other sites More sharing options...
دندونه Posted أغسطس 13, 2007 Report Share Posted أغسطس 13, 2007 تسلم الأيادي كزززن على القصه وللأمام ان شاءالله Quote Link to comment Share on other sites More sharing options...
CrAzY-BoY Posted أغسطس 13, 2007 Author Report Share Posted أغسطس 13, 2007 الله يسلمج كزنوو دنووي تعالي كل يوم خخخخ! Quote Link to comment Share on other sites More sharing options...
soso pr!nceSs Posted أغسطس 13, 2007 Report Share Posted أغسطس 13, 2007 مـــشكور اخوي ع الــبارت .. بصراحه عجبتني ... يلا بسرعه حط البرات الثااني .. انه قاعده انتظر ع احر من الجمر .... Quote Link to comment Share on other sites More sharing options...
دلـــوعـــه مــووت Posted أغسطس 13, 2007 Report Share Posted أغسطس 13, 2007 مشكورر اخووي على البارت Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.