flo0na Posted August 25, 2007 Report Posted August 25, 2007 طبعا هذي اول مشاركة لي في منتدى القصص بس فعلا اتمنى ان القصة تعجبكم لانها جديده نوعا ما... وراح انزل في اليوم جزء واحد وبعد ما تعجبكم واجوف الردود راح اكمل القصة وان شاء الله تعجبكم... اول شي اعرفكم على ابطال القصة.. قصة مراهقة في الاول الاعدادي من المعروف ان الطالبة تكون حساسة وعاطفية لدرجة كبيرة لدرجة انها تتعلق بمعلمتها وبشخصية المعلمه اللي تنجذب لها..وهذي الظاهره موجوده في يومنا هذا .. أمل:طالبة هادئة وملامحها تدل على البراءة..وخجولة وغامضة بنفس الوقت قد تحب و بنفس الوقت تكره !! ليلى:زميلة امل بالصف يعني قاعدة صوبها ..ليلى بنية خلوقة..وكانت زميلة لامل في الصف السادس.. زينب:صديقة امل ورفيقتها في السراء والضراء يعني بإختصار خزانة اسرارها..بنت طيبة وخلوقه وتحب صديقتها امل واااايد.. سمية: وهي المعلمة (معلمة عربي) امل تحبهاا وااايد..ولكن احداث القصة بتبين شلون امل كانت تحبها بطريقتها الخاصة..سمية معلمة قوية الشخصية جذاابه ومثالية فمن جذي انجذبت لها امل واكنت لها كل الاحترام والتقدير والحب.. الجزء الاول في مدرسة مدينة عيسى الاعدادية كانت المدرسة جميلة في نظر امل من لحظة دخولها لمدرسة ثانية وعالم جديد عن الابتدائية فالمريول تغير لونه وبهذي اللحظة حست امل انها وصلت لمرحلة ماكو أي معلمه تسيطر عليها او اتعاملها مثل الطفلة لانها بنظرها وصلت لمرحلة الاعدادي.. أمل في بداية دخولها باب المدرسة تهمس في خاطرها: اخيرا وصلت لمرحلة الاعدادي وتركت وراي ذكريات الابتدائي.. واثناء دخولها الصف وبداخلها قلق وخوف :هذا صفي معقوله..خايفة من الطالبات اللي بكونون معاي بالصف اخااف ما اتأقلم معاهم ؟؟او من المعلمات اخاف يطلعون شياطين !! واثناء هاللحظه بدأ الصف ينشحن والطالبات يدشون الصف وامل بكل خوف واستغراب اطالع الطالبات وفجأأأة.. امل:سميررررة انتي معاااااي اشووه انتي معاااي في الصف كنت خاااايفه ان محد اعرفه في الصف .. سميرة:هلاااا امووووله حبيبتي انتي شخبارج وشعلومج ؟؟ امل:الحال تمام دام انتي معاي بالصف تعااالي قعدي صوووبي الطاولة اللي صوبي محد قعد فيها.. سميرة:اوكيييي .. واخيرا طق الجرس حق وقفة الطابور وكانت امل تكره الوقفه للطابور .. امل:يالله سميرة خلينا نروح نوقف في الطابور .. سميرة:يالله مشينااا.. طق جرس الحصة الاولى بعد ما تعرفوا البنات على بعض شوي.. اول شي دخلت عليهم معلمة الرياضيات وامل ارتاحت لها واايد..وعقبها حصة العلوم طلعت المعلمة معرووفة ومشهوورة بالمدرسة انها شيطانة والكل يخاااف منهااا.. امل: معقوووله معلمة نبيلة تعلمنااا ..الله يستر بس .. سميرة:اففف خاايفه منها بنت اختي درستها وتقووول عنها شيطااانه ما تحرم الطالبة .. امل وفيها احساس بالخوف والتوتر من هالمعلمة:اييي اختي بعد قالت عنها سميرة: الظاهر انها معروفه من عصر الديناصورات هههه. امل: اتوقع جذي هههههه وخلصت الحصة وارتاحت امل لكن بعدها كانت حصة؟... وبدأت حصة العربي ودخلت معلمة سمية بكل هيبتها وشخصيتها.. معلمة سمية:السلام عليكم الطالبات وقفو كلهم بصمت:وعليكم السلام معلمة سمية:طبعا آنه اسمي معلمة سمية وبدرسكم عربي و اتمنى ان الكل يكون مجتهد بالمادة و احب الطالبة الهادئة يعني لما اشرح ما ابي احد يتكلم ..وطبعا مثل ما تعرفون لازم تكون في مشاركة لان عليها 10 درجات فاهمين بنات؟؟ بعد ما قعدت معلمة سمية لان ما في شي تسويه في اول يوم دراسة .. احدى الطالبات: معلمة شلون عن الدفتر معلمة سمية:أي طبعا الدفتر راح يكون بو 200 ورقة جزء راح يكون للفصل الاول والجزء الثاني للفصل الثاني.. امل وبكل استغراب اطالع المعلمه بكل اعجاب وتهمس بداخلها:شكلها معلمة شخصيتها قوية بس اتمنى ما تطلع مثل معلمة نبيلة .. سميرة:املللللللل !!! امللللل!!! امل: هلا ليلى!! سميرة:وين رحتين؟؟؟ كنتين سرحانه امل:لا حبيبتي كنت معااج بس انشغل تفكيري شوي !! سميرة:اهاا جذي يعني انزززين تلعبين جماد حيوان؟؟؟ امل:هههه اكيييد والله في بالي هاللعبة تصدقين!! وبعد فتره طق الجرس وانتهت حصة العربي.. معلمة سمية: يالله بنات مع السلامة واتمنى انكم تحضرون دروسكم بعد ما تستلمون الكتب.. طلعت معلمة سمية وامل تطالعها وتفكر.. وبعد فتره نادت مربية الصف طالباتها عشان يستلمون كتبهم..وبعد فتره انتهت جميع الحصص وتعرفت امل على معلماتها اخيرا وارتاحت وراحت البيت وهي مطمئنة.. في صباح اليوم الثاني ..وفي المدرسة وبعد انتهاء الطابور..كانت الحصة الاولى اهي العربي وكانت امل مستعدة ومحضرة الدرس ..فشلون كان اول يوم دراسة بالنسبة لامل...؟؟ انتظرونا بالجزء الثاني بعد ما انتظر ردودكم Quote
الحلـوة Posted August 25, 2007 Report Posted August 25, 2007 يسلمو على القصه و شكلها حلوه في انتظار البارت الجاي و لا تتأخرين علينا Quote
!.. كشوح ..! Posted August 25, 2007 Report Posted August 25, 2007 يسلمووو ع القصة حلووة وننطر البااقي تحيااتي >> المهموومه Quote
m!s$ V!p Posted August 25, 2007 Report Posted August 25, 2007 يسلمووو .. الله يعطيج العافية ع القصة الحلوة ... وبداية موفقة ننتظر البارت الجديد Quote
دلوووعة وبكيفي Posted August 25, 2007 Report Posted August 25, 2007 يلا اختي نبي التكملة بسرررعة ومشكورة على القصة :) Quote
flo0na Posted August 25, 2007 Author Report Posted August 25, 2007 بحااااول قد ما اقدررر اخلي باليوم جزئييين ولا تزعلون الجزء الثاني في صباح اليوم الثاني ..وفي المدرسة وبعد انتهاء الطابور..كانت الحصة الاولى اهي العربي وكانت امل مستعدة ومحضرة الدرس ..فشلون كان اول يوم دراسة بالنسبة لامل...؟؟ راحت امللل بكل حمااس للمدرسة وكانت جدا فرحانة ومتفائلة بأول يوم دراسي.. معلمة سمية كانت تشرح الدرس بكل براعة وكانت امل تتجاوب لاي سؤال تطرحة معلمة سمية.. معلمة سمية تسأل سؤال من الدرس.. وامل تجاوب بحماس واجابة كاملة.. معلمة سمية:احسنتي ..شنو اسمج؟؟ امل:اسمي امل معلمة سمية :احسنتي امل وانتهت الحصة بعد ما كانت بالنسة لامل ممتعة لانها شاركت فيها واايد.. ظلت امل معجبة بشخصية معلمتها وايد ولمدة نصف الفصل بعد ما قدمو الامتحان..جه الوقت عشان معلمة سمية توزع الاوراق.. معلمة سمية ويبين على ملامحها انها معصبة من الدرجات : طالبات قبل ما اوزع الاوراق حبيت اقول لكم ان درجاتكم ما توقعتها وتوقعت بعضكم يحصل درجات احسن من هذي الدرجات؟؟ ليش انتو ما راجعتو عدل؟؟ امل وهي حزينة كانت تبي درجة اكثر :سميررةة حصلت 16 من 20 اشرايج بالدرجة؟ سميرة: صجج ووايد زين اني حصلت 13 من 20 امل: اهااا معليش سموورة عندج بعد النهائي جدي على روحج شوي وبتحصلين الدرجة اللي تبينها سميرة :ان شاء الله.. الله يسمع منج امووله وانتهت الحصص وحان وقت الهدده اللي الكل يستانس عليها وكل وحده راحت لبيتها... وفي اليوم التالي في المدرسة...اثناء الفسحة... كانت امل تتجول مع صديقتها زينب في الساحه.. امل: توقعي امسس كان علينااا واايد واجبات نحلهاا والله لاعت جبدي من كثر هالواجبات..على فكرة امس المعلمات وزعوا اوراق المنتصف وعند معلمة نبيلة لمن خوفي منها حصلت في المنتصف 92 من100 في تخيليييي هههه الخوف قام يجيب نتيجة ,, زينب:حبيبتي انتي اموول تستاهلين كل خيرررر اني بعد درجاتي تقريبا كلها اوكي وناجحة اهم شي هههه امل: أي اهم شي نااجحة ههههه.. معلمة سمية كان دروها انها تطلع بالفسحة حق تدور للنظافة على الطالبات في الساحة واثنااء مرور امل بالصدفة امامها.. معلمة سمية:امل شيلي الوصخ اللي قدامج.. امل ولا على بالها تمشي وهذرة وسوالف مع صديقتها زينب معلمة سمية :املللل.املللل وامل لا حياة لمن تنادي ما تسمع ما يندره فكرها وبالها وين راح؟؟؟ وصدددددفة!!.. زينب:امل اكا معلمة قاعده تناديجججج مساعة للحين .. امل بدهشة:معلمة أي معلمة بلا غشمرة زنوووب زينب :امللل لفي وراااج المعلمة تبيج ما اتغشمر معاااج امل تتلفت يمين ويسار وبدهشة:بللللللللللل معلمة سمية مره وحده ..زنوووب قولي لي شسوووي اللحين ؟؟وين اودي ويهي ؟؟ زينب:لا تخافين روحي ليها تبيج..تره مساعة للحين تناديج واحنا خبر خير.. امل:لاااا تقووولين تره فشله اللحين امل تمشي بخطوات كلها خوف وتوتر من معلمتها سمية...لما وصلت صوب المعلمة.. امل:نعم معلمة؟ معلمة سمية بكل دهشة وعصبية:امللل آنه صار لي ساعة اناديج وانتي تحقرين؟؟ليش تحقرين يعني؟؟ امل من زود الصدمة والفشيلة تحول لونها لأحمررر وين تودي ويها اللحين من معلمتها؟؟ امل من كثر الصدمة:؟؟؟؟؟؟ معلمة سمية:امل ليش حقرتيني ما توقعت منج هالشي ..ترضين احد يقول لج قليلة ادب؟؟ امل بكل دهشة من داخلها وبنفس الوقت من صدمتها ما قدرت ترد:؟؟؟ معلمة سمية:أي نعم !!ترضين احد يقول لج قليلة ادب واهلج ربوج وتعبو عليج واخر شي تحقرين معلمتج ..مب عدلة الناس تقول عنج قليلة ادب؟؟ ما عندي كلام ثاني اقوله لج..شيلي اللي جدامج!! امل حزز بخاطرها كلام معلمتها اللي طالمها كانت معجبة فيها وبشخصيتها واسلوبها بالشرح..نزلت امل راسها تحت من صدمتها لكلام معلمتها وشالت الوصخ وراحت لصديقتها زينب.. زينب:امللل شفييييج ؟؟..معليج منها خليها تقول اللي تقوووله لا تحطين بخاطرج.. امل وفيها حزن عميق:زينب خليني ما فيني شي بس معلمة سمية ساءت الظن فيني وما عطتني فرصة اتكلم واقول لها اني ما حقرتها.. زينب:هذي شكلها معلمه رايحه عليها وما عندها اسلوووب تركيها عنجج امووله عشان خاطري امل والدمعة على خدها:زنووب معلمة سمية اتهمتني اني حقرتها تعرفييين شنو يعني حقرتهااا يعني اني وحده قليلة ادببب وانها راح تاخذ عليي فكرة مب زينة اني ما احترم المعلمات ولا اقدرهم..لما انسكبت دموع امل وهي تتكلم بحرقة من داخلها.. زينب :عشان خاطري امل لا تصيرين حساسة وااايد مو معقوله بتفكر جذذييي..بس ابيج تهدئيين شوووي لان اللحين بطق الجرس وكل وحده على صفهاا.. امل وهي معصبة:أي ولا يفوتج اللحين عندي حصة عربييي..يعني بعد بقااابل ويهااا ..واكيد بتحط دوبها من دوبي... وفعلا طق الجرس وكل وحده راحت لصفهااا...وحضرت معلمة سمية الصف وهي متغيره عن عادتها وشكلها متنرفزة...تتوقعون شلون راح يكون موقف معلمة سمية في الصف مع امللللل؟؟؟ بكراا راح احط لكم الجزء الثالث يا ريت تعطوني رايكم Quote
!.. كشوح ..! Posted August 25, 2007 Report Posted August 25, 2007 يسلمووووووو فلوووونااا الباارت حلووووووووووووووو وننطر الي بعده ع احر من الجمـــر لاااطـــولي عليــناا تحيااتي>>المهموومه<< Quote
um-7amanoo Posted August 25, 2007 Report Posted August 25, 2007 القصة روووعة ... و شكلها فيها أكششنات ..ههههههههه تسلمييييين ننتظر البااارت تحياااتي.. Quote
Recommended Posts
Join the conversation
You can post now and register later. If you have an account, sign in now to post with your account.