دموع ميره Posted سبتمبر 23, 2007 Author Report Share Posted سبتمبر 23, 2007 (edited) الحلقه العاشره:.. مروه اترمس امها انه ما عندها اغلى منها ومن خواتها...وانهم ما يخلون هالحقد يدخل في قلبهم...لكن امها قالتلها انها ما راح اتغير رأيها...وتبيهم يبتعدون عن عبدالله الناشد ..وسالتها ان اي وحده من خواتها سالتها عنه تقدر اجاوبهم... نوار كانت اتفكر واتقول في قلبها ان بتم جي تركض شرات الحصان...وانها وانها ما تقدر تعترف لمروان عن حبها...وان حبه شو سوا فيها...نشت وطالعت الصورة وقالت في قلبها يا ترى بتقبل بحبي ولا...انها انسان محتاجة انه حد يحبها ويتزوجها... مروان يرمس الدكتور عن حالة سلوى...لكن الدكتور قاله ان ورمها خبيث...انصدم مروان من كلامه ...وقاله الدكتور انه يشرط تقريرها للخارج باسرع وقت...مروان رد عليه انه مستعد يسفرها..والدكتور بعد قاله انا مستعد اسوي لها تقرير لحالتها...بس مروان محتار سال الدكتور انه شو يقول لسلوى وامها هل يخبرهم...الدكتور قاله لا تخبرهم لانه العلاج النفسي ضروري للمريض .... نوار يت الشركة وزارت سعاد...سلمت عليها وسالتها عن حالها وعن الشركة...ردت عليها سعاد انها ابخير والشركة كل شئ ماشي مثل ما تبي..عقب سالتها شوفيها..وليش متغيره على ابوها واهو حزين يوم يشوفها جي....نوار قالتلها انها محتاره بحب مروان ما تعرف شو اتسوي... نوار بررت موقفها وقالتلها بعدين بخبرج كل شئ بس انتي برري لابوي اي شئ...وعقب استاذنت منها على اساس عندها اشغال لازم اتخلصها... مروان دخل على سلوى وامها...سلم عليها...رمس زوجته على اساس انها تهتم في نفسها...وتأكل شئ..بس سلوى ردت عليه انها ما تشتهي تاكل شئ...عقب امها قالتله انها حاولت معاها بس ما رضت تأكل شئ...بس سلوى قالتلهم انه مافيها شئ غير التعب والارهاق... سلوى قالتله انه كل هالغلا لها...مروان قالها انه غلاها عنده فوق كل شئ...وما نقص... وبعدين امها قالتلهم انها راح اتي بيتهم عند بنتها واتجابلها...استانس مروان وقالها انا قلت لج من البداية تعالي عندنا...بس انتي ما رضيتي...اشويه رن موبايل مروان...سلوى قالتله رد عليها... نوار اتصلت على مروان يطلب منه انها تشوفه بس مروان قالها دوري لج مدرب ثاني اهو ما بيي النادي لانه سلوى مريضه...وسكر عنها...سلوى قالتله ليش قلتلها جي...امها قالت نفس الشئ...انه هذا شغله ويتفاهم معاها علشان ما يدخل في مشاكل مع ابوها...\ نوار في السياره اتفكر في واتقول في قلبها انها منب اول وحده ولا أخر وحده اتحب...وانها لازم تتشجع وتعترف له بحبها... مروان يالس يفكر في الحديقة نوار وصلت عنده ...شافها مروان... سلوى كانت اتفكر انه نوار اتعرف انها بالمستشفى...بس ليش يوم اتصلت على مروان ما طلبت اتسلم عليها...وانها ما كانت جي شو اللي غيرها عليها...عقب قالت انه وراء نغزه هالبنت...بس بعد ما تلومها.... مروان كان مع نوار في الحديقة سأل نوار افشو كانت تبي اترمسه...وانها تتكلم الحين...بس نوار كانت اتفكر...وردت عليه انها تعبانه ويخلي الموضوع في وقت ثاني وراحت...استغرب مروان منها ومن تصرفاتها..قال انحن في شو وهالانسانه في شو اتفكر... نوار في السياره اتفكر...اتصلت عليها سعاد وتسألها شوفيها..بس نوار قالتلها انها تبي اتشوفها ضروري....التقوا نوار وسعاد في المطعم...ورمسوا عن مروان...بس سعاد قالتلها انها غلطت وااايد...وانها بعدها اصغيره والحياه جدامها...وانه مروان متزوج وما لها امل وياه...وانه ما راح يستغى عن سشلوى علشان...بس نوار عصبت ردت عليها الله حلل للريال يتزوج اربعه...وانها تبي مروان وماتبي غيره...واهي ما تبي سلوى روحها تتهنى فيه...وطلبت من سعاد انها توقف معاها..وافقت سعاد بس قالتلها انها ما تقدر ادمر حياة اثنين علشان سعادتها...واتخليهم يعيشون ويا بعض مرتاحين... خالد في السجن يفكر في كلام خالته فاطمه ساله اربيعه شوفيه...قاله انه مقهور من كلام خالته فاطمه ويحرق قلبه...عقب قاله اربيعه ليش طلع لهم...رد عليه خالد كيف ما تباني اطلع يوم يايين عندي الزياره...عقب حزن اربيعه وقاله انه حزين يوم يشوف انه حد ايي ويزوره واهو لا محد سأل عنه للحين...وانهم غلطوا يوم لعبوا القمار وشربوا الخمر...وانهم اول ما يطلعون راح يسوون لهم مشروع اصغير يشتغلون عليه...اتحمس خالد لهالمشروع...بس اربيعه قاله مب الحين اول خلنا نطلع من السجن وبعدين يصير خير... سعاد وعادل يتغدون في البيت سألته سعاد عن ساره اللي معاه في الشغل...بس اهو رد عليها انه ما بينهم شئ الا زماله في العمل...عقب طلبت منه اخت انه يرمس ساره ويعترف لها بحبه...ويشوف شو بتكون ردت فعلها...واذا له معاها نصيب راح يستوي...وافق عادل على كلام اخته وقالها الحين بروح اخبرها...وضحكوا... نوار كانت يالسه اتفكر في كلام سعاد...انه اللي يحب من طرف واحد يطلع من العلاقه واهو خسران...لكن نوار قالت في قلبها ان الخساره مالها مكان في قلبها... مروان يرمس سلوى..واهم وصلوا البيت...سلوى قالتله عن نوار انه يوم كان معاها في المستشفى اتصلت عليه ما طلبت اترمسني واتحمد لي بسلامه...وانها مستغربه من تصرفها... عقب مروان قالها انه زهور نفس الشئ طلعت في حياته وخربت كل شئ واختفت مره وحده من حياتهم...استغربت سلوى من كلام مروان وقالتله عيل منو اللي كان مطرش الصور لنا في عيد زواجنا...وتعتقد انها اتكون نوار ولا ...واذا اكدوا على انها نوار فمعناته انها اتحبه...بس مروان قالها انه ما يحب حد غيرها...ولو شو ما يكون محد يقدر يفرقهم عن بعض...مروان قالتله كل هذا الحب والاهتمام لسلوى...وضحكوا... زهور راحت مكتب عبدالسميع علشان اتشوفه وطلبت من الموظف مقابلته...ودخلت...يت سعاد وطلبت من الموظف انها اتشوف الاستاذ عبدالله الناشد... بدور وساره في المطعم يتغدون ويرمسون ...ساره قالتلها ان طارق ( عادل ) قالها انه يحبها.. بس بدور علقت على كلامها انه طارق انسان جذاب ولعاب...وانه يقص عليها يوم يطلب منها انه يشوفها...ساره قالتلها قصري حسج الناس بيسمعونها.. زهور طلعت من المكتب وراحت ...وسعاد خبرت كل شئ للاستاذ عبدالله الناشد...واهو شكرها وراحت سعاد.. بدور سألت ساره سؤال عن طارق...بس ساره ردت عليها انها ما تعرف شئ للحين... مروه دخلت على الاستاذ الناشد ...ومعاها ملف...عقب شل عبدالله الناشد ملف ثاني وكان يبي يشرح لها تفاصيل الملف..شكرته مروه وعبرت عن اعجابها به انهها تبي اتكون مثله وويستفيد منه كل شئ...بس عبدالله الناشد قالها انه في البداية حس بغيره منها يوم يت واشتغلت معاه...استغربت منه مروه..اشويه دخلت عليهم نوار وسلمت على مروه وابوها...ونوار قالت لابوها القانون شو يقول لو وحده مريضة وتوها طالعه من المستشفى اربيعتها ما زارتها...علق ابوها على كلامها انه مروه غلطانه ولازم اتزورها في البيت...عقب مروه قالت اوكي يا استاذ عبدالله شو حكم لو الوحده عزمت اربيعاتها وقالتلهم اختاروا المطعم اللي تبونها واختفت مره وحده...شو حكمك يا استاذ عبدالله....اهو رد عليها هالحكم مب موجود عنده...ضحكوا قالتلها نوار على هالشئ خلاص انتوا معزومين على العشى على حسابي الليله... مروان يالس عند الخور ويفكر في كلام سلوى...ويقول انه ما يحب حد كثر حبه لها... سعاد ونوار وساره ومروه يالسات في المطعم يتعشون...ويرمسون ويضحكون...الين ما داهمهم الوقت... زهور كانت تمشي في الشارع...ومروان كان في سيارته وشافها ...واهي ركبت التاكسي مروان اي شئ زقرها اهي ما سمعته...وراح التاكسي راح مروان وركب سيارته ولحق التاكسي لكنه ضيعه... طلعن البنات من المطعم ...مروه وساره شكرن نوار على العزيمة الحلوه..بس نوار قالت لهن انهن لازم يتعامزن .عقب ساره .وعزمتها اهي وسعاد على العشى في بيتهم يوم الجمعه....وراحوا البيت...وصلوا البيت وامهن كانت تترياهن سلموا عليها ..سألتهن ليش تأخرن...ردوا البنات انهم كانوا يتعشون ف المطعم وخذتهم السوالف...ساره قالت لامها انه نوار انسانه طيبه وااايد...وانها راح اتزورهم يوم الجمعه في بيتهم...امها ردت عليها لا تتعلقون فيها وايد لانها مب من ثوبنا ونحن مب من ثوبها..عقب مروه قالتلها لا تخافين اميه ...ساره سالت منو شو اتخاف...بس مروه ردت انها خايفه من العزيمة...ردت ساره الين يوم الجمعه انا بستلم راتبي ومروه نفس الشئ...ولا تحاتي... نوار وصلت البيت وسلمت على ابوها...سألها ابوها استانست مع ربيعاتها ولا...ردت عليه نوار هيه استانسنت وااايد...عقب قالها ابوها انه يرتاح لسعاد ومروه وساره يوم عرفهن...عقب نوار قالت لابوها انها تبي رأيه في مسأله قانونية وانسانية في نفس الوقت...وافق ابوها وقالها قولي...عقب نوار قالتله انه اربيعتها اتحب واحد واهو متزوج...وانه حبه مسيطر على كل تفيكرها.....شاورتني انها اتحبه وما تعرف شو اتسوي..الكل قالها اتركي هالحب ..هل تستمر بحبه ولا تنقطع عنه...رد عليها ابوها هالشخص يعرف بحبها ولا وهل يبادلها بالشعور.. ...قالت لا ما يعرف انها اتحبه...رد عليها ابوها عيل لازم تتركه...واتدور لها عن حب ثاني ايكون لها بروحها ومحد يشاركها فيه...عقب نوار قالتله انزين تقدر تعترف له بحبها...رد ابوها هيه تقدر عالاقل بتعرف رأيه في الموضوع...شو فايدة الحب من طرف واحد..ونهايته ألم... وان االحب من طرف واحد وااايد صعب للانسان...عقب قالتله نوار خلاص راح اقولها هالشئ...واستأذنت منه وراحت... مروان يالس في نفس المكان في الحديقة...ونوار ويااه وقالتله انها اتحبه.....بس انصدم مروان من كلامها...ويوم بغى يروح مسكت ايده عصب مروان منها...وقالها ما تستحين اتخربين على انسانه فتحت لج باب بيتها ودخلت فيها.....وانه اهو ما يحب غير زوجته...واللي اهي اتسويه غلط..اهي بعدها اصغيره واتشوف لها انسان ثاني اتحبه...وانه اهو متزوج وما يقدر يستغنى عنها وما راح يتركها...بس نوار ما رضت ...مروان اقنعها...نوار قالتله انا اكلمك عن عواطفي وانته يالس تقنعني...بس مروان صرخ عليها ... ترقبونا في الحلقه الحاديه العشر... Edited سبتمبر 23, 2007 by دموع ميره Quote Link to comment Share on other sites More sharing options...
Aseer_Dubai Posted سبتمبر 23, 2007 Report Share Posted سبتمبر 23, 2007 طبعاً اول شي نعتذر عن عدم تغطيتنا للحلقة العاشرة وذلك لإنشغالنا بأمور الدراسة ورجعنا لكم بالحلقة الحادية عشر ولي عودة Quote Link to comment Share on other sites More sharing options...
][ Mr.DJ ][ Posted سبتمبر 23, 2007 Report Share Posted سبتمبر 23, 2007 تسلم اخوي اسير دبي. Quote Link to comment Share on other sites More sharing options...
Aseer_Dubai Posted سبتمبر 23, 2007 Report Share Posted سبتمبر 23, 2007 رجعت الكم ولي عودة Quote Link to comment Share on other sites More sharing options...
دموع ميره Posted سبتمبر 23, 2007 Author Report Share Posted سبتمبر 23, 2007 بي يعطيك العافية اخوي اسير دبي Quote Link to comment Share on other sites More sharing options...
Aseer_Dubai Posted سبتمبر 23, 2007 Report Share Posted سبتمبر 23, 2007 رجعت الكم ولي عودة Quote Link to comment Share on other sites More sharing options...
دموع ميره Posted سبتمبر 23, 2007 Author Report Share Posted سبتمبر 23, 2007 الصراحة الصور طرررر يا اسير دبي ربي يعطيك الصحة والعافية Quote Link to comment Share on other sites More sharing options...
Aseer_Dubai Posted سبتمبر 23, 2007 Report Share Posted سبتمبر 23, 2007 رجعت الكم ولي عودة Quote Link to comment Share on other sites More sharing options...
دموع ميره Posted سبتمبر 23, 2007 Author Report Share Posted سبتمبر 23, 2007 لا تحرمنا من تغطياتك الجميله اخوي اسير Quote Link to comment Share on other sites More sharing options...
Aseer_Dubai Posted سبتمبر 23, 2007 Report Share Posted سبتمبر 23, 2007 (edited) رجعت الكم وانتظروني الحلقة الياية Edited سبتمبر 23, 2007 by Aseer_Dubai Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.