nazoo_77 Posted ديسمبر 24, 2007 Report Share Posted ديسمبر 24, 2007 ويييييين البارت ؟؟؟ Quote Link to comment Share on other sites More sharing options...
هيوفي Posted ديسمبر 25, 2007 Author Report Share Posted ديسمبر 25, 2007 الجسمي 17 اميرة الظلام MIAAAW ميروو الحلوه ثنكس على رودكم وكاني بنزل البارت 2 الحين هاي شباب يلا يبتلكم البارت الثاني وانشاء الله يعجبكم البارت الثاني صحت من النوم ودموعها الجافة للحين على ويهها كانت تحس بصداع فضييع في راسها , لكنها تناست الالم لان الم قلبها وجرحه اكبر بمليون مرة , جافت ولدها في سريره راقد تذكرت الايام الي كانت حامل فيه كانت احلى ايام عمرها وهي تجوف ولدها ينمو في بطنها ويكبر ومحمد الي كان يموت عليها تذكرت موقف كان محمد يالس جدامها وحاط يده على بطنها وقال وهو يبتسم : شلونه ولدي ؟؟ مريم تضحك : هههه يسلم عليك محمد: هههه الله يسلمه جرب اكثر من مريم وقال : حبيبتي شناوية تسمينه ؟؟ مريم مستحيه : ممم مادري الي تبيه انت محمد يضحك ههه : تعرفين انا شنو ابي ؟؟ مريم حطت عينها بعين ريلها : شنو ؟ محمد : ابي بنت عشان تطلع قمر مثلج وبسميها مريم بعد شرايج ههه؟؟ نزلت دمعه مريرة من حرقة قلب مريم تتاليها دموع ثانية دموع قهر وندم لكن شتقول غير حسبي الله علي الي كان السبب ................................. ( في الصالة ) كانوا يالسين ابو محمد وام محمد وهاجر وسلمان وكلثم يتريقون ابو محمد يكلم هاجر: ها يبه هاجر مب ناوية تكملين دراستج ؟؟ هاجر بدون نفس : لا يبه ابو محمد: ليش يا بنيتي هذي مستقبلج قطعت كلامه ام محمد وهي تقول : ويي يا ابو محمد كيفها البنية خلها على راحتها في نفس الوقت نزلوا نورة ومحمد ام محمد : كلوولييش هلا هلا بالمعاريس نورة نزلت راسها يا زعم مستحية ومحمد ابتسم لان جاف امه مستانسه وقال : هلا فيج يما ام محمد تبتسم : يلا يما تعالو اكلوا لكم شي يلسوا محمد ونوره وقعدوا ياكلون ما فكروا بالانسانة الي صار لها يومين ما كلت ولا نزل في حلجها حتى قطرة ماي ولا حد فكر يسأل عنها او عن ولدها ..................................... كانت يالسة وتفكر تروح بيت عمها وتزور مريم ولا لا , اخر شي قالت خلني اروح اجوفها وخلاص والي فيها فيها , قامت بدلت ولبس عباتها ونزلت تحت وجافت امها واخوانها في الصاله قالت واهيا مبتسمه : السلام علييكم الكل : عليكم السلام ام ناصر : ها يمه هدى وين رايحة اجوفج لابسه ؟؟ هدى : يمه بروح بيت عمي ام ناصر : عيل بايي معاج , ام محمد توها متصلة لي وتقول تبيني هدى : انزين يما يلا بسرعه خوله : والله ما عندج سالفه بتروحين هناك هدى بنظرة : والله عاد انا كيفي واذا مب عايبج طقي راسج في الطوف خوله قامت وبكل غرور : ويي ارجوج هدى سولتها طاف وطلعت تنتظر امها برع ............................................ ( في بيت ابو محمد ) وخصوصا في غرفة مريم كانت قاعده وميوده ولدها وتلاعبه ومره وحده جافت الباب يتبطل جافت شخص ما توقعت ان تجوفه وهاي الشخص كان محمد نزلت دمعه من عينها حاولت تخفيها عن محمد لكن محمد جافها راح وقعد يمها اهيا تباعدت عنه شوي محمد باستغراب قال : مريم شفيج ؟؟ مريم : يودت ولدها وقامت محمد قام ومسك يدها وهي حاولت تفك يدها من يده لكن اهو كان ماسكها بكل قوه وكانه مصر ان تجوفه وتكلمه مريم بصوت مبحوح : ممكن تهد يدي محمد رفع راسها وكانه يبيها اطالعه : مريم جوفني مريم فكت يدها من يده بكل قوتها وقالت بصوت قطع قلب محمد: محمد شتبي فيني خلاص كافي تعذيب واهانات محمد عصب من كلامها لكن في نفس الوقت حس بعذاب مريم وقال : جوفي مريم اذا ما تبيني هذي بكيفج بس ابي اقولج شي ان الولد الي انتي ماسكة انا اقدر اخذه غصبن عليج واقدر احرمج منه مريم حطت عينها بعينها وبكل قوة قالت : ما تقدر محمد عصب وقال : اقدر والحين بعد مريم يودت ولدها وقالت : ما تقدر محمد جرب منها وحاول ياخذ الياهل لكن اهيا كانت تحميه بين يدينها وبكل ما عندها حاولت تدفع محمد بعيد عنها , محمد عصب من حركتها وطقها باقوى شي عنده بس حاول على قد ما يقدر ما ياذي ولده لان كان في يدها فاخذاه من يدها وحطه على السرير وطقها طق لو ريال طقوه جان اهو الحين في المستشفى على فراش الموت , عقب ما خلص التفت عليها وجافها تبجي بصمت والدم سايل من فمها وعلى طول من خلص طلع من الغرفة وصك الباب بقوه ولا حس حتى بتأنيب الضمير على الي سواه في هاي الانسانه , اما مريم حاولت تقوم بس ما قدرت بس حاولت وحاولت لين وقفت حست بدوخه خفيفه في راسها لكنها حاولت اتماسك لين خفت الدوخه راحت ومسكت ولدها ويلست على الارض وهي تبجي ليين ماحست الا الدنيا انقلبت سوده في عينها استسلمت للواقع وغمضت عينها...................... نهاية البارت الثاني ......... توقعاتكم : شنو بيصير في مريم ؟؟ وهل محمد بسوي الي قال عليه وبيحرم مريم من ولدها ؟؟ وفي شنو تبي ام محمد ام ناصر وليش ؟؟؟ Quote Link to comment Share on other sites More sharing options...
الريــم Posted ديسمبر 25, 2007 Report Share Posted ديسمبر 25, 2007 تسلمين بس واايد قصير ننتظر الباقي Quote Link to comment Share on other sites More sharing options...
nazoo_77 Posted ديسمبر 25, 2007 Report Share Posted ديسمبر 25, 2007 thaaanx وايد قصير البارت ننطر البارت الياي ............... Quote Link to comment Share on other sites More sharing options...
شهلاء Posted ديسمبر 25, 2007 Report Share Posted ديسمبر 25, 2007 حسبي الله عليهم غربلووها حراااااااام عليييييييييييييه ،،، هاذي اللي ذبح روحه وغضب قلب امه عشانها واخر شي يخليها تولي ويقطها قطت الجلاب << عزكم الله ،، حدي اندمجت هههههههههههههههههه ماعليكم مني ههههههههههههههه ثنكس حبي هيووووفي ع القصة الكشووخية الصراحة وااايد واااااايد رووووووعة انتظررررررر البااااااااارت بسررررررعة تحياتي Quote Link to comment Share on other sites More sharing options...
دلوعة مغرورة Posted ديسمبر 26, 2007 Report Share Posted ديسمبر 26, 2007 يسلمو في الانتظار Quote Link to comment Share on other sites More sharing options...
miaaaw Posted ديسمبر 26, 2007 Report Share Posted ديسمبر 26, 2007 يعطيج العاافيه بس البارت وايد قصير تسلم يدج وننطر البارت الياي Quote Link to comment Share on other sites More sharing options...
sweet_cherry Posted ديسمبر 28, 2007 Report Share Posted ديسمبر 28, 2007 يسلموووووووووو Quote Link to comment Share on other sites More sharing options...
هيوفي Posted ديسمبر 31, 2007 Author Report Share Posted ديسمبر 31, 2007 الريم- nazoo77- شهلاء- دلوعة ومغرورة -miaaw-sweet chery شاكرة مروكم كلكم حبايبي وانشاء الله بنزل البارت 3 جرييب تحياتي البارت الثالث ( بيت عبد العزيز ) طلع محمد من عند مريم وسيده راح غرفته فتح الباب وجاف مرته يالسه اتكلم مع امها في التلفون هز راسه وراح قعد على الكرسي ينتظرها تكمل اهيا طالعته شلون اطالعها وجنه يبي يشكي لها استاذنت من امها وصكته من عندها قعدت مجابلته وقالت له : محمد حياتي شفيك ؟؟ محمد تنهد وقال: طقيتها يا نوره طقيتها نوره استغربت وقالت : طقيت منو ؟ محمد نزل راسه وقال: مريم نوره طالعته مصدومة لان اهيا تعرف ان اهو يحبها مووت ومستحييل اياذيها لكن في نفس الوقت كانت فرحانه ان طقها وبدا يكرهها قالت له : ماعليه حبيبي لا تضايج اهيا اكييد غلطت وانت عاقبتها محمد والدمعه في عينه : لكن اهيا ما غلطت ما غلطت يا نوره نوره : انزين حياتي انت اهدا الحين وقامت نوره تهديه ليين غفت عينه ورقد .................................................. ............ تحت في الصالة كانت قاعده هدى وامها وهدىكانت تبي تستاذن وتروح حق مريم هدى: ممم عن اذنكم بروح اجوف نوره ( اهيا تجذب لان تعرف اذا قالت لهم بتروح حق مريم بيعصبون عليها ويزفونها( ام محمد : اخذي راحتج يما ركبت الدري واهيا راكبة دعمت في ولد عمها سلمان هدى : اووبس سوري سلماني سلمان : هههه لا عادي بس شنو ذي سلماني اصغر عيالج انا ههههه ( ويسوي روحه معصب ) هدى : ههه وي اعصابك هههه ومشت عنه سلمان : ههههه ونزل تحت هدى ركبت وجافت شلون الصاله فاضيه والهدوء يعم فيها هزت راسها وراحت غرفة مريم . طقت الباب بس لا جواب هدى خافت وقامت اطق الباب اكثر: مريوم مريوم حياتي فتحي لي الباب مريم :............................. هدى من الخوف وبحركة لا ارادية فتحت الباب ودشت جافت الصالة فاضية وباب الغرفه مفتوح شوي مشت شوي شوي قالت يمكن راقده طلت من فتحة الباب جافت السرير فاضي استغربت سمعت صوت الياهل يصيح وعلى طول قررت تدخل قالت يمكن في الحمام دشت وجافت شي تمنت ان ما جوفه تمت واقفه منصدمه وشهقت شهقه باسم مريم , وعلى طول راحت لها هدى بخوف : مريم مريم حياتي قوومي مريم :.......... لا حياة كانت في الارض طايحه والدم يسيل من خشمها وحلجها على طول صرخت باسمها : مريييييييييييييييييييييييييييم محمد فز من مكانه اهو ونوره وام محمد وام هدى بعد وكلهم اتجهوا حق غرفة مريم فتح الباب وجاف مريم في حظن هدى اقصد بقايا مريم وهدي تصييح وتصرخ راح شال مريم من حظن هدى وحملها بين يدينه وقبل لا ينزل قال حق نوره : ديري بالج على الياهل نوره : انشاء الله هدى : انا بايي معاكم ام محمد: لا يمه خلج اهني ابيج في سالفه هدى طالعتها بنظرة وقالت في داخلها والله انج فاضيه وقامت وراحت مع محمد ............................................... بعيد عن هذي كله كانت هاجر ورفيجتها في المول فجأة مروا شله من الشباب وقاموا يقطون كلام عليهم واحد منهم قال: وي فدييت هالويه الثاني ..: يحليكم اخذي الرقم ******** رفيجة هاجر: وي جفتيهم هجور اينون جوفي ذي جوفي وفجأة يات عين هاجر في عين واحد تم يطالعها واهيا تمت اطالعه مر يمها وعطها الرقم وهمس لها وقال : اتصلي مب تنسين ابتسم لها وراح هاجر كانت مستحيه وتبتسم وكانها عجبتها الفكره وقررت انها تتصله على فكرة ترا هاجر واييد حلوه بس طبعا مب احلى من مريم بس الي يعيبها انها مغروره ومتبكره وما عندها طموح للحياة ........................................ ( في المستشفى) وخصوصا في ممرات الانتظار كانوا هدى ومحمد قاعدين هى رايحه راده وخايفه على مريم اما محمد كان قاعد ولا جنه مهتم ولا جنه اهو الي طاقها ويايبها هني كان قاعد ويلعب في تلفونه بكل هدوء يات له هدى ووقفت جدامه وقالت له بكل خوف : تاخروا محمد محمد رفع راسه وبكل برود : لا تخافين قعدي الحين بيطلعونها هدى بنظرة وبشمئزاز قالت : يا برود اعصابك وردت على حالتها لين طلع الدكتور وقال : انت زوجها ؟؟( يقصد محمد ) محمد بملل: أي نعم الدكتور بعصبيه قال : انت ما تخاف ربك انت الي طاقها اكيد محمد ارتكب وبعدين قال : وانت شلك انا زوجها وانا حر في الي اسويه الدكتور بنظره : على فكرة ترا ممكن القضيه توصل حق الشرطة ومشى عنهم محمد بدون اهتمام لف وطالع هدى اهيا كان تصيح على الي قاعد يستوي في رفيجتها جافت محمد وعطته نظرة ومشت عنه وهو لحقها دشت هدى على مريم عقب ما سمحوا لها جافتها بويها الاصفر الشاحب وهالات السواد حول عيونها وكدمات الضرب على ويهها صاحت وراحت باستها على جبينها وقعدت يمها تقرا قرأن ومحمد دش وجاف مريم كسرت خاطره على الي سواه فيها لكن صد عنها وقال حق هدى : يلا نمشي هدى مسحت دموعها وقالت له : انا بقعد معاها لين تقعد وبخلي اخوي ايي ياخذني بعدين محمد هز راسه وقال : خلاص على راحتج يلا مع السلامه هدى: ........ .............................. في بيت ابو محمد كانت نوره وام محمد قاعدين ينتظرون محمد يرد فتح محمد الباب ودخل جافهم قاعدين ينتظرونه تنهد وقعد يم نوره ام محمد من غير نفس : شفيها العله ؟؟ محمد طالع امه ونزل راسه وقال: سلامتج يمه بس تعبانه شوي ومن التعب طاحت وطالع نوره ونوره نزلت راسها ام محمد : ويي يعلها ما تقوم محمد تنهد وقال : نوره وينه الياهل نوره : فوق في الغرفه محمد قام : عيل انا بروح ارتاح شوي راح محمد عنهم همست ام محمد وقالت : ريلج طقها ؟؟ نوره ارتبكت : ها مادري ام محمد طالعتها بنص عين : علينا نويير نوره قامت وقالت : مادري خالتي انا مادري عن اذنج بروح حق محمد وعلى طول راحت وما نطرت جواب من ام محمد ام محمد قالت : ما عليه يا نوير مردج بتقولين لي ........................................ نهاية البارت الثالث ............ توقعاتكم حق البارت االياي ؟؟وسامحوني على القصور والتأخير وانشاء الله البارت الياي بعد الامتحانات باي Quote Link to comment Share on other sites More sharing options...
miaaaw Posted ديسمبر 31, 2007 Report Share Posted ديسمبر 31, 2007 يعطيج العافيه والله يوفقج في الامتحانات ننطر البارت الياي Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.