زهرة الحياة Posted أغسطس 18, 2004 Report Share Posted أغسطس 18, 2004 هلا اختي ليش ما تاخدين لجن تحسين في مواد الثانوية Quote Link to comment Share on other sites More sharing options...
حزن Posted أغسطس 18, 2004 Report Share Posted أغسطس 18, 2004 سؤل اختي انتى يوم قدمتين حق الجامعة .. هل قبلو ياخذون شهادتش ؟؟ لانه على الاقل يعطونش رقم طلب ؟؟ صدى الاحزان قدمت في الجامعه اوراقها بس ماقبلوها وماعطوها رقم الطلب ولا شي لان مجموعها ماوصل الي ال70 انااقول رايي ان احسن لج اخذي مواد تحسين معدل في الثانويه احسن لان اكيد راح يزيد المجموع خصوصا انج ادبي يعني في مواد وااااااايد سهله تقدرين ترفعين معدلج لان حلمج تدرسين في الجامعه مو في المعهد صح والله يوفقج Quote Link to comment Share on other sites More sharing options...
صوفيا ستار Posted أغسطس 19, 2004 Report Share Posted أغسطس 19, 2004 وانا رأي انج تاخذين مواد تحسين مستوى في الثانوية احسن لج Quote Link to comment Share on other sites More sharing options...
صـــــ (الاحزان)ــــــدى Posted أغسطس 19, 2004 Author Report Share Posted أغسطس 19, 2004 انا اشكركم جميعا اخواني واخواتي .. اعضاء المنتدى على ردكم على موضوعي ... ولكني بصراحة اود ان ادرس في جامعة البحرين وليس في المعهد وذلك لسبب وجيه بالنسبة لي...؟؟ الا وهوه القضية التي عشتها مع المدرسة ... ولذلك من سابع المستحيلات ان اذهب الى المدرسة مرة اخرى لك اخذ مواد ترفيع مستوى ... وذلك لان في المدرسة هناك في قسم التسجيل المسؤلة عن رصد الدرجات والجداول ... لاتشتهيني ولا ادرى ما السبب فانا كنت سنتين علمي وبعدها غيرت تخصصي الى الادبي .. فمن دخلت المدرسة وهي تقول لي لا لا يوجد لك مكان في المدرسة والمديرة تقول يوجد.. فبعد ان وافقة المديرة على قبولي في المدرسة ... وانا طبعا ذهبت الى وزارة التربية والتعليم لك اعرف في اصف يجب ان اذهب ... فبمساعدة من الاستاذ حسن ... صرت ادرس في الثاني الادبي وليس الاول الادبي .. وذلك لان عدد الساعات المعتمدة في المدرسة تاهلني لذلك... وتجاوزت الثاني الادبي ولله الحمد ... وفي صعودي الثالث الثانوي ( التوجيهي ) قالت لي وفي ايام المنتصف يجب عليك ان تاخذي مقررات الاول ادبي والا لن تتخرجي من المدرسة وانا ... كنت دائما مطيعة ولا اراددها كونها اكبر مني سننا ... واخذت 7 مقررات في الفصل الاول توجيهي ودرستهم ذاتي وانا والله يشهد على ما اقول ... اني لم تدرسني مدرسة من تلك المدرسة ولا مادة من المواد الذاتي حيث يقولون ... ان المدرسة لا يوجد بها اول ثانوي ادبي ... وايضا رضيت بما كتب الله لي... وفي الفصل الثاني ... عطتني مادة فرنسي ... والحمد لله نجحت فيها ... والا بعد فترة يوم رحت اخذ شهادة نهاية الفصل الثاني توجيهي ... الا اتقول لي باقي عليج مواد ... الا اقول لها ليش وشنو المواد ... الا اتقول لي انا شلت من عندج الفرنسي ... لانج لازم تاخذين اجا 212 وانج 105 واجا 216 ... والله ما تصورون حالة الانهيار الي صرت فيها .... الله لا يراويكم اياها والله ... والله طلعت من قسم التسجيل في المدرسة ... وانا اصيح واصيح والدنيا مب شايلتني ... واحس ان الدنيا دارة فيني ... وما لي مكان فيها والله بعد ما وافقت اني اخذ المواد ... ورضيت بالي الله كتبه علىّ ... صار يوم الي اقدم فيه الامتحان اجا 212 هو نفسة يوم حفلة تخرجي في نفس اليوم بالليل ... واليوم الي بعد حفلة التخرج ايصير امتحان الاجا 216والي بعدة ايصير امتحان انج 105 بس الحمد الله الله وفقني ونجحت فيهم كلهم بس ... ولا مادة منهم انحسبت درجتي في الشهادة ولا مادة احد درسني اياها من المدرسات بس يوم رحت لهم كل وحدة منهم تنظر لي اني كسلانه واني راسبة ... مع العلم انهم عطوني بس الاشياء المحذوفة ... والاشياء المطلوبة فقط ... ولا وحدة منهم صدقتني رغم اني قلت لهم السالفة وكل وحدة اعرفها في المدرسة كانت تنظر لي اني من الناس الي ما يهتمون بدراستهم ... واني .. واني .... مع العلم اني رحت الوزارة وراجعتهم بس قالوا لي لا ما يصير ... وما ادري شنو ... ولا سوا لي شي ... والحين شنو رايكم بعد اروح اذل نفسي علشان انهان في المدرسة واروح اخذ مواد ترفيع مستوى ... والله انا حلفت ما ارجع المدرسة بعد ما ادرس في الجامعه واصير اي شي يخص المدارس الحكومية ... بس علشان اقول لها شفتي شنو سويتي فيني ... اكا رديت بس علشانج.. وحتى لو ما توظفت فيها بس علشان اقول لها الله اراد والله سوى... ويوم لج ويوم عليج... وان الله كريم وما ينسى العبد الي خلقه ... وانتون يا اخواني الاعضاء وش رايكم في مشكلتي بعد تودوون اني اروح المدرسة واخذ مواد ....؟؟؟ بعد كل الي قلته لكم... Quote Link to comment Share on other sites More sharing options...
حزن Posted أغسطس 19, 2004 Report Share Posted أغسطس 19, 2004 (edited) انا اقول مستقبلج اهم مو مهم اذا انج مو اوكي مع المشرفه لازم يكون عندج طموح ومايهمش اي كلام يقولونه لان هذا مستقبلج يعني خلي الكبرياء في صوب اواخذي مواد تحسين معدل الحين الادبي خيروي مدرستهم نقلوهم الي مدرسه ثانيه يعني خلاص مافي مشاكل مع المشرفه ولا قسم التسجيل وروحي التاكدي من الوزاره عن دراجاتش اللي ماتغيرت من بعد ماقدمتين المواد الذاتي لازم تتحركين على روحش الايام تمشي راح الحين من عمرج سنه وانتي في البيت بتخلين الثانيه التروح بعد فكري في الموضوع عدل ودوري عن مصلحتش في وين Edited أغسطس 19, 2004 by حزن Quote Link to comment Share on other sites More sharing options...
مدرس رياضيات Posted أغسطس 19, 2004 Report Share Posted أغسطس 19, 2004 بسم الله الرحمن الرحيم و الله ردود اخواني و اخواتي .. كلهم صحيحة بما ان معدلك التراكمي قريب جدا من 70 % الفرق كسر من مئة ... فيمكنك اخذ مقرر واحد يكون درجته نازلة .. و في النفس الوقت يكون سهل دراسته .. هذا سوف يرفع المعدل بشكل كبير الى 70% و لا يهمكي أقوال و تصرفات المشرفة في التسجيل او غيرهن من المعلمات اللواتي لا يرحمن طالبة و لا يهمهن مستقبلهن هذه مستقبلك اختي.... لا ياتي شيء بسهولة ... كل شيء يحتاج الى الصبر .. و احيانا كثيرة أن تدوسي على كرامتك.. !!! لكن من اجل مستقبلك ... فهذا الاقتراح جيد جدا... لا تضيعي الوقت .. عليك المبادرة سريعا... و التحرك قدر المستطاع ... فالزمن لن ينتظرك ... يجب ان تسابقي الزمن و الله يوفقك و يوفق كل الطلبة و الطالبات أمين يا رب العالمين Quote Link to comment Share on other sites More sharing options...
صـــــ (الاحزان)ــــــدى Posted أغسطس 21, 2004 Author Report Share Posted أغسطس 21, 2004 شكركم جميعا اخواني واخواتي على الردود المقترحة... المبذولة من قبلكم .. لكن انا الي شفته من المدرسة ... والي شفته من جم مكان ... والله يأست من كثر الرفض ... وابصراحة يوم بعد يوم احس ان فعلا مقري البيت ... واني لازم ما ادرس اظل بالبيت .. بسبب الصدمات الي تراكمت على من كذا جهة ... وللعلم ان الادبي ودوه المدرسة الي كنت فيها اني علمي علشان جذي انا ما اقدر اروح وادرس وهناك معلمات كانوا مدرسيني في المدرسة ويعرفوني ... والحين بعد ما شاب ودوه الكتاب.... والله حـــــــــــــــــرااام .. والله الحاله الي انا فيها ... ما اظن ان في احد مثلي... ولا اتمنى احد يصير لة مثل الي صار لي ... حتى ولو كان عدوي... انا اسفة على الازعاج الي سببته لكم ... ولكم مني جزيل الشكر والعرفان على ردودكم... من اختكم الحزينة دائما... صـــــ (الاحزان) ــــــــــــدى.. Quote Link to comment Share on other sites More sharing options...
صـــــ (الاحزان)ــــــدى Posted أغسطس 21, 2004 Author Report Share Posted أغسطس 21, 2004 اتمنى انكم تقترحون حلول افضل توديني الجامعه... مو ارد ادرس في المدرسة مرة ثانية....... في اسرع وقت ممكن ...يا رب ولكم منى جزيل الشكر ... من اختكم صـــــ ( الاحزان ) ـــــــدى Quote Link to comment Share on other sites More sharing options...
حزن Posted أغسطس 21, 2004 Report Share Posted أغسطس 21, 2004 انا أعلق على كلامش الحين انتين اتقولين من بعد ماشاب ودوه الكتاب الحين انتين اذا رحتين الجامعه بتدرسين صح يعني دراسه بعد مثلها مثل الدراسه في المدرسه يعني بعد دراسه واللى يبي الشي يجاهد علشانه حتى لوكان عند من وانتين تبين اتروحين الجامعه مافي امل اتروحينها وانتين مجموعش مو 70 يعني لازم اتوصلينه الي السبعين باي طريقه الكلام بروحه مايسوي شي انتين تبين التروحين من غير ماتعبين مايصير لوكل واحد بيقول مثلش انه اذا شاب ودوه الكتاب وانه المدرسات كانوا يعرفوني والمشرفه ماتحبيني وغيرها محد راح يدرس وكل من بيقعد مكانه مايصير هلون بليييييييييييييييييييييييييييز فكري عدل هذا مستقبلج Quote Link to comment Share on other sites More sharing options...
صـــــ (الاحزان)ــــــدى Posted أغسطس 23, 2004 Author Report Share Posted أغسطس 23, 2004 وينك يا القلب الحزين ... وينك.. وينك.. وينك؟؟ Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.