nino Posted مايو 3, 2008 Report Share Posted مايو 3, 2008 Nbiii part =( Link to comment Share on other sites More sharing options...
بنت الحداده Posted مايو 3, 2008 Author Report Share Posted مايو 3, 2008 فنكوش .. اسيرة الورد فديتكم الله يخليكم لي انشالله اي ابيكم جذي اتدافعون عني كلوني الاعضاء والله عندي مشكله مع الانترنت .. ولله انه مجهزه لكم خوووش بااارت .. تقرأون كل ردودي وراه هههه .. الحين بنزل البارت عاد هاااااااا البارت صج طويل هل مره ما ابي ردود ننطر الباقي ويسلمو ومادري شنو ابي تفاااااااااعل هااا ما وصيكم .. يلا دقايق ويكون البارت موجود أقلبي اختار أم عقلي .. وفي الحالتين لست اعيش انسانا .. دموع متجمدة تثقل عيناي .. وتعيق وضيفة رمشي .. لازلت ارمق السعادة من بعيد وأنا في عجزٍ تام عن الوصول لها .. من يعيش بالخافق امسى وجوده مستحيل .. وقلبي يأبى النسيان .. لا ازال في صراح عنيف مع قلبي .. أودى بكرامتي ومبادئي ..ولا اعلم حقاً من هو الآتي .. أأخرج من معركتي مهزوماً !! .. حاملاً معي جزءً من نفسي .. أم أعيش افقد مكنونة الانسانية لدي .. أنا في حيرتٍ غريبة .. وأجهل السبيل لحلها .. ردو البيت .. وأنتهى اليوم على احسن ما يكون عند البنات .. واليلة تمت تمر كأنها سنين على ناصر .. الفير .. في بيت الشيخ مطر .. قام الشيخ مطر تيدد .. وقوم مرته عشان اتصلي .. قامت ام عبدالله ... وعلى غير عوايده الشيخ مطر التعب باين عليه .. أم عبدالله ..: مطر .. الشيخ مطر لف لها ..: آمري .. أم عبدالله ..: فيك شي؟ الشيخ مطر ..: لا .. أم عبدالله ..:أكيد ماتحس بتعب شي؟؟ الشيخ مطر ..: نحمد الله .. طلع الشيخ مطر والحقوه عبد العزيز وعبدالله .. راحوا المسيد .. وقف يصلي .. في نص الصلاة حس بتعب .. وأغمى عليه .. المصلين اقطعو صلاتهو وتلايمو عليه .. اتصلو في الاسعاف بسرعه .. عبدالله مو قادر يستوعب الي يصير اول مره يشوف ابوه بهل حاله .. الشيخ مطر عود اعياله على انه جبل ولا تهزه ريح .. بسرعه وصل الاسعاف وخذوه بسرعه المستشفى تم عبدالله حذاه عبدالعزيز في المستشفى ... طلع الدكتور وطمنهم على الشيخ مطر انه بخير والي صاده سبب الارهاق والتعب وقلت الاكل .. تطمنو .. خبرهم الدكتور انهم يقدرون ياخذونه الحين .. دخل عبدالله ..:سلامات يبة ما تشوف شر .. الشيخ مطر ..: الشر ما اييك يبة .. يلا مشينه .. عبدالله ..: تفضل .. عبد العزيز ..: ماتشوف شر يبة الشيخ مطر ..: الشر ما اييك يولدي .. ردوا البيت .. كمل الشيخ مطر صلاته وتم في الصاله ..وام عبدالله ميوده دمعتها وقاعده على جنب في الصاله تخاف تتكلم ويتعب زود .. الي يصديك يابو عيالي من الي تسويه ولله مو راضي .. الله يهديك بتودي نفسك في داهيه وبتضيعنا معاك .. الشيخ مطر صد لها..: اشفيج ؟؟ ام عبدالله ..: ولاشي .. الشيخ مطر ..: شلون ولاشي وانتي شوي وتصيحين .. ام عبدالله ..: خايفه عليك يامطر الشيخ مطر ..: من شنهو خايفه علي.. ام عبدالله ما اقدرت تكتم دمعتها .: خايفة لا الي تسويه يوديك بداهيه.. الشيخ مطر ..: عن شنهو تتكلمين شنهو الي بيوديني بداهيه .؟؟ أم عبدالله ..: أنت ادرى يا مطر .. الشيخ مطر بثقة مثل الحديد من بره واوهن من الورق من داخل ..: أنه في السليم .. ما في ايشي يديني .. ام عبدالله ..:بيدين البشر ايه .. لكن بيدين رب العالمين الي هو القدير على كل شي في يا مطر خاف الله خاف الله .. الشيخ مطر عصب .....: شجافتني جدامج ؟؟ أذبح بالناس ولا ابوق حلالهم .. ولا يالس اشتم هذا واقذف ذاك .. ام عبدالله ..: انت تسوي الي اكبر من هذا يا مطر .. انت تظلم بنتك .. وتظلم ولد رفيجك .. ما تقولي اذا دبر رامي المبلغ شراح اتسوي .. الشيخ مطر ..: ما راح يقدر .. ام عبدالله ..: افرض قدر .. بتاخذ شي مو من حقك ! ولا بتخون الثقة الي عطاك اياها فيصل؟؟ الشيخ مطر وقف طالع مرته بعصبية وما وعى الا وهو عاطيها كف .. : اذا فتحتي هل سيره مره ثانية اعتبري نفسج طالق فاهمه .. ام عبدالله طاحت مصدومة اتطالعه وهي مو مصدقه ان ابو عيالها تحول الى وحش ما يشوف جدامه غيره رغبته بالأنتقام مقرونه بسمعة بنته الي يظن انه بينقذها بطريقته .. : اتطلقني يا مطر .. الشيخ مطر ..: قلت لج لا تفتحين هل سيره وياي وانتي مصره كل يوم وفتحتيها .. ام عبدالله ..: انه رايحه بيت اخوي .. ولا عرفت قمتي اتدل الطريج .. راحت ام عبدالله دارهم وطلعت شنطتها وحطت هدومها لأول مره من اتزوجت تطلع من بيت ريلها .. تصيح مو مصدقه الي صار بعد هل عشره يا مطر تطقني وتهددني بالطلاق وكل هذا عشان شنو ؟؟ عشان خايفة عليك !! مطر متجمد مكانه بالصاله ما يقدر يمنعها ولا يقدر يبرر موقفه طقها طق مرته وحبيبته وكلشي له في هل دنيا رفع ايده عليها واذاها .. توعدها بالطلاق وهو ما يصبر على فراقها .. اطلعت من الدار .. لتفت لها .. بنظرات رجاء وفي عينه الدمعه .. لسانه مربوط مو عارف يتكلم يمنعها يستسمح منها ما قدر غير .. انه يوقف مكانه .. اطلعت من غير ما تحط عينها في عينه عشان لا تضعف وترد بقرارها ويستهل الي سواه ... لحقها عبدالله الي كان شاهد على كلشي وما قدر يتدخل حتى يوم طق ابوه امه .. في المدرسه .. ريم سرحانه .. قالها رامي عن الي صار وقاعده تحاتي .. الكل سوالف ومندمج وريم وياهم ومو وياهم .. ساره .. بهمس ..: ريم .. ريم ..؟؟ : هلا ساره ..:شفيج ؟؟ ريم ..: ولاشي .. ساره ..: مايصير ولاشي .. ريم ..: صدقيني موضوع عائلي بسيط .. ساره ..: أها .. هيام شافتهم يتساسرون .. : ها شتقولون .؟؟ ساره ..: نحش فيج .ز هيام ..: ها شتقولون عني .. رريم ..: ههه ماعليج منها ما قلنه شي ما مدانه اصلا .. شيخه ..: اليوم ريموه مو على عوايدج ؟؟ ريم ..: والله مافي شي بس افكر بموضوع شاغلني .. سامحوني شردت شوي هيام قلبها ناغزها .. ريم طالعت هيام الي مبين عليها انها تحاتي .. ريم .. مادري شبيصير بعد الي صار امس .. اخاف يروح الشيخ مطر اليوم ويسلم الكمبيالات .. وندش بداهيه لها اول ما لها تالي .. هيام تمت اتطالع ريم شلون ريم شارده وضايجه بها الوسيعه حست ان الموضوع يتعلق برامي .. وقامت اهي الثانية اتفكر وتتوقع .. يجوز .. يفكر يتزوج البنت .. (بقهر) اي ليش ما يفكر .. اصلا اهو من كلامه عنها حسيته متقبلها بشكل مبدئي .. انزين ونظراته وكلامه .. انشالله الموضوع الي شاغل ريم ماله علاقه بهل سالفة .. شيخه ..: يلا خذ هيام هامت .. هيام اتطالع شيخه .بشر .. شيخه ..: وتخز بعد .. سوسن ..: ههه اليوم يوم السرحان العالمي .. ... ساره .. شافت صفيه .. ساره ..: صفية .. صفيه يات .. : هلا .. ساره ..: شلونج يمعوده ما تعطين ويه .. صفيه ..: وي ليش انه لي غنات عنكم .. شيخه ..: اي ما تعطين ويه اشوفج . صفيه ..: ههه ولله مو جذي بس تدرين ابي احط على روحي واعدل النسبة تخرج احنه .. شيخه ..: لا اذا جذي عاذرينج .. صفيه .. من بعد كل الي صار تغيرت 180 درجة لبسها وشعرها وحركاتها كلها صارت بنوتيه وهدت ربعها الفاسدين .. والاحلى انها حاجت وحده منهم وساعدتها تتغير ... وصاروا ربع مافي احلى منهم .. مرت هل كم حصه ودق جرس الهده اطلعت شيخه ... وناصر اليوم اول الواصلين .. قبل لا اتروح شيخه ..: هيام اوصلج ؟؟ هيام ..: لا اليوم بيني هاني .. شيخه ..: اوك تيك كير حبيبتي باي .. راحت شيخه السياره .. ناصر شافت هيام وعوره قلبه لكن جساه وما سأل عنها .. وحرك.. وهذا الي خلى شيخه تستغرب !! لكن في نفس الوقت ما حبت تسأل عشان ما تذكره اذا هو ناسي ولا تهيجه اذا متناسي..!! شوي ووصل رامي .. ريم ... : يلا هيام .. مع السلامة هيام ...: ريم بس قبل لا تروحين .. ريم ..: آمري .. هيام بتردد .. : في شي صاير .. ريم ..: مادري والله ياهيام .. انه بروحي مادري .. بس الي صار ما يطمن لا عدو ولا صاحب .. هيام !!!!! حست ان قلبها انقبض مره وحده ما اعرفت اترد .. : الله يسلمج . ريم اركبت السياره شايله همها .. رامي ..: احنه ننطر لين ايون لها .. ريم ..: الي تشوفه رامي .. حاس ان لهجة ريم متغيره ..: اشفيج .. ريم ..: يارامي الي قلته يخليني اخمن االف تخمين اليوم ما فهمت ولا شي .. رامي ..: انه قلبي قابضني اكثر منج ريم ..: اذا سواها يارامي شراح يصير ببوي بيقطونه بالسجن ظلم يا رامي ظلم .. رامي ..:لا انشالله ما راح يصير غير الخير .. انتي لا تفاولين بس .. ودامني موجود على هل ارض ما راح ابات ليلة وابوي بالسجن .. ريم ..: بس يارامي المبلغ اكبر من انه يتدبر .. يعني بننفضح وبتصير سيرتنه على كل السان وابوي .. بيصير على آخر عمره حرامي .. وبيصير الي يبيه مطر .. يبي يفضحنا .. ويشوه سمعتنا .. رامي ..: ما ابيج اتيبين كلمة حرامي على السانج ابوج اشرف من الشرف نفسه .. ودام الله عاطيني عمر .. انه ما بخلي مخلوق اييب طارينه بالشينه .. ريم .. بدت اتصيح .. رامي ..: افا ياالريم ..تخافين ورامي موجود !! والله ما هقيتها منج تحسسيني اني عاجز وانه ما قصرت ياريم .. ريم ..: لا ياخوي لك الحشيمة والله يخليك لنه ذخر يارب ..ويطول بعمرك .. رامي وريم نسوا نفسهم وهو يتكلمون وهيام ياها هاني وارح .. التفت رامي صوب الي كانت هيام واقفة مالقاها .. رامي ..: وينها هيام ماني شايفها .. ريم ..: اكيد ياها اخوها .. رامي ..: اتهقين جذي .. ريم ..: اي شبيصير فيها يعني جدام المدرسه واقفة البنت .. رامي .. : قلتي لها عن الي صار .. ريم ..: لا .. رامي ..: اي زين ما تسوين هل موضوع انه احله وما يحتاي انضخمه اكثر ... ريم ..: شراح اتسوي .. رامي ..: بتشوفين .. في بيت بو طارق على الغدى الكل ياكل وهيام امشيره امفهيه سرحانه .. في شي غريب يصير .. وقلبها مو متطمن اليوم ما شافته حاسه ان في شي غلط شممكن يكون صار .. سمر ..:هيام !! هيام ؟؟:هلا سمر..:اشفيج ما تاكلين ام طارق ..: مو على عوايدج يمة .. هيام ..:مافيني شي بس شبعانه .. سمر ..: شلون شبعانه وانتي ما تاكلين في المدرسه شي .. هيام ..: مادري بس مو ياي على بالي آكل .. بو طارق ..: اكلي يبة مب زين هلون اتمين من غير أكل مروة اتطالعها بحقد .. قاهرتها وجودها معاها بس في نفس المكان يخليها تحس بلأشمأزاز .. تحس بسببها طارق صار حتى ما يطالعها .. الكل حاول مع هيام عشان تاكل لكنها ميبسه راسها .. قامت من على السفره راحت دارها واقفلت الباب .. تبي اتم ابروحها .. اقعدت .. على السرير اتفكر .. معقول يتزوجها ... لا لا لا ياربي ساعتها مادري شبيصير فيني .. حرام والله آحبه .. هذا اول اعتراف آعترفه بيني وبين نفسي.. بس والله ما اقدر اكابر اكثر .. شافت كمبيوترها .. اشبك ما اشبك اشبك ما اشبك.. اممم افتحت ايميلها .. وعلى حظها محد اوون .. تضايقت وأطلعت على طول .. تحتاج تتكلم تحتاج اتعبر.. شوي وعلى دقت الباب .. سمر ..: هيوم فتحي .. راحت هيام وافحت الباب .. سمر ..: شتسوويين ! هيام ..: ولاشي .. سمر ..: انزين يلا قوليلي اشفيج شله ما كليتي هيام قالت لها الي صار اليوم بالمدرسه بالتفصيل والي قالته لها ريم في الهده .. سمر ..: والله يحق لج تحاتين وما تطيقين تاكلين .. هيام ..: سمور والله قلبي قابضني سمر ..: الله يساعدج حبيبتي بس ما قلتي لي شفتيه اليوم ولالا .. هيام ..: كان بالسياره ما طلع ما شفته اقولج في شي مو طبيعي ... سمر ..: واعلييه سمعي حبيبتي .. ثقلي انتي ولا تسألين ولا تبينين انج مهتمه خليها هي تقولج شصاير بكيفها ويوم تقولج وتعرفين ان في شي قنبله صايره مثل انه اتزوج مثلا هيام ..!!!!!!!!!!!!!!!!!!!!!!: شنهو سمر ..: خليني اكمل كلامي يابنت الناس هيام ..: شنو تزوج انتي تبيني اروح فيها سمر ..: سمعي بلا خبال اذا قالت لج شي من هذا القبيل لا تبينين لها انج تأثرتي حفاظاً على كرامتج ووزنج هيام ..: مستحيل ايود روحي تعرفين يعني شنو مستحيل! سمر ..: يودي روحج قدامها بس هيام ..: آدري اني ما باقدر شنو تزوج يعني اذبح احساسي اتعرفين يعني شنو اذبح احساسي يعني اذبح نفسي وبسمتي وضحكتي ,, سمر ..: انتي لا تاخذينها من هذا المنظور ترى الشرع حلل اربع هيام ..:لا والله !! وتبيني اكون زوجه ثانية مثلاً سمر..: احنه افترضنا هذا الأفتراض كلتيني اف منج هيام ادمعت ..: بلاج ما تعرفين شنو بقلبي سمر .: هيووووم عااد لا تحسسيني بالذنننب .. هيام .. احضنت سمر وراحت تبجي .. سمر ..: الحين انتي شله اتصيحين انشالله ما صار شي .. هيام ..: ويمكن صار .. سمر !! ..: وانتي قاعده اتجهزين الدوى قبل الفلعه يعني .. هيام اضحكت معن الدموع بعيونها ..:حسبي الله عليج سمر ..: مادري فيج تصيحين على ولاشي هيام ..: انتي لو شايفتها اليوم شلون صايره بتعذريني اقولج ما انتبهت لولا حصة دومها سرحانه سمر ..: يمكن بشي ثاني يمكن بسالفة ذاك الي خاطبها هيام .: ماظن ولو صج ما قالت لي الي قالته في الهده سمر ..: انزين الحين شيلي هل موضوع من بالج وخلينه في المهم .. هيام ..: وشنهو المهم . سمر ..: اخوج هاني اليوم يا وقالي انه يبي يخطب وحده ارفيجتج ووصاني اكملج لنج مو عاطيته ويه اهو اردي قال حق عمتي ترى هيام ..: هذا هاني مطيور اشفيه خل يصبر تتخرج !! سمر ..: اهو ما قال العرس الحين بس اهو يبي على الاقل يتاوسون على المهر والشبكه وموعد العرس يعني لو يا احد بيخطبها يقولون له مرتبطه هيام ..: مو بس جذي ترى جاسم اذا درى بيقوم الدنيا ولا بيقعدها سمر ..: جاسم قلت لج ما بيحصل احسن من سلمى هيام ..: بس انتي شفتي موقفة يوم قلناله عن بنات خالي .. سمر ..: ساعتها ما كان يعرفهم بس ماشالله على سلمى محتشمه ومحترمه وعارفه العادات والتقاليد هيام ..: انه اقول نصبر شوي شله لعيله سمر ..: شنو نصبر هيوم الحالتين ما يتحملون التأجيل !! هيام ..: وابوي شموقفه سمر ..: على سلمى موافق بس.. هيام ..: بس شنو؟؟ سمر ..: اهو معترض على ريم شوي.. هيام يودت قلبها ..: شله !! سمر ..: انتي عارفه عمي .. يطالع الحاله المادية وايد .. وهو سأل وشاف ان حالتهم الماديه اضعيفة اشوي وان اخوها الي يصرف عليهم وابوها مشلول هيام !!!!! ..: واعيله يا ريم .. لكن .. سمر ..: لكن شنو!! هيام !!! ...:اهي بتتزوج هاني يعني هاني الي بيصرف عليها ما يخص حالتها المادية .. سمر ..: أنتي اتعرفين كلام الناس . هيام .. اذا ابوي مب اوافق على ريم ! يعني .... سمر ..:وينج !! هيام ..: سمر .. ابوي شقال بالضبط عن ريم!! سمر .. : اهو ما قال شي قال انهم عايلة محترمين وكلشي بس حالتهم المادية شوي لج عليها وأن الناس بتتكلم لين تشبع عن العيلة أنها اخذت ناس مو من مستواها وهو بعد مو عاجبه ان اناسب ناس مو من مستوانه هيام .............: وهاني شكان رده .. سمر :هاني دافع بشكل جنوني ما توقعته يحبها هل كثر !! .. قال انه الي بيصرف عليها وأن كلام هل ناس ما يخلص والمهم انها بنت محترمه ومالها سوالف بطاليه وانه يحبها وماراح يتزوج غيرها !! هيام ..: متى صار كل هذا .. سمر ..: أمس بالليل بعد ما نمتي .. هيام .. .....: وفي النهاية ابوي تم مصر على رايه .. سمر ..: لا اهو اقتنع جزأياً لنه هاني الريال ويعني حتى لو اهي الحين حالتهم المادية مب ذاك الزود بعد ما تتزوج هاني ما راح يبين عليها هيام ....:...................... سمر ..: اشفيج !! هيام .. وهي حااسه بتعب وصداع اتحس ان الارض اتدور فيها ..: ولاشي.. سمر ..: متأكده !! هيام ..: اي .. سمر ..: لا مو طبيعيه انتي هيام ..: صدقيني مافيني شي بس تعبانه ودايخه من الشمس وابي انام شوي .. سمر .: انزين نامي حبيبتي لين صحيتي قوليلي.. أطلعت سمر من الدار وخلت هيام الدنيا تدور فيها .. اذا ابوي مو موافق على ريم .. بيوافق على رامي .. لا والله مااعتقد .... أحبه ولا اقدر اكابر بعد بحساسي .. ابي اعترف له اني ما قدر امثل بعد اني له متناسي .. ابي اقوله احبك واريح شوي قلبي الي من حبه صار من حلو الاحساس يقاسي اخاف تفقدك عيوني اخاف يجفينا الزمان ومعروف عن الزمان انه قاسي اخاف تلهيك عني الايام اخاف يشغلونك عني الناس يابعد ناسي .. مو حاسه انها تبي تبجي حاسه انها تبي تنام تبي ترتاح من التفكير الي خلاها تحس بصداع وألم ولوعة وخوف .. حاولت اتنام اتقلب يمين يسار .. لكن مافي فايده .. قامت اتصلت في شيخه .. شيخه رن تلفونها الحب الخالد لراشد الماجد شيخه .: هلا بالطش والرش والماي الي في الغرش هيام بتعب ..: هلا فيج .. شيخه .!! ؟..: فيج شي؟ هيام ..: متضايقة وايد .. شيخه ..: شلي مضايقج غناتي ؟؟ هيام ..: سالفة طويلة تعالي اقولها لج .. شيخه ..: والله نصور مو في البيت .. شلون آيي .. هيام ..: باطرش لج لدريول شيخه ..: انزين يلا آنه بروح آلبس هيام ..: أوكي باي.. هيام متكيسله تنزل تحت اتقوله اتصلت فيه .. هيام ..: الو.. عصام روح لشيخه البيت سكرت التفلون واقعدت عند البلكونه .. متضايقه ولايعه جبدها من كلشي شوي واندق الباب .. هيام .: منو! هاني ...: أنه هيام .. راحت افتحت له .. هاني ..بضيج ..: اشلونج هيوم هيام اهي الثانية بضيج ..: الحمدلله انت شلونك هاني ..: نحمده ونشكره .. عرفتي بالي صار .. هيام ..بيأس ..: اي .. هاني ..: أنه آحس ان ابوي مو مستانس لي .. هيام ..: يلا المهم انه موافق ومع الايام انشالله بيشوف ان ريم بنت مافي منها هاني ..: عبالج وافق هلون بالساهل .. هيام ..: شصار يعني ؟؟ هاني .. ..: شرط علي انها تعيش في البيت مدة معينة لين يشوفون طبايعها وأخلاقها واسلوبها هيام ..: قصده اذا اتصرف نفس الي مو شايفين خير ومادري شنو هاني ..: هذا هوه هيام ..: ياربي شله ابوي يفكر هلون الفقر مو عيب واذا الله رزقنه اليوم باجر يقدر ياخذ الرزق منه .. هاني ..".: لا تلومين ابوي تره يدي الي علمه على هل شي وكان معروف اصلا يدي انه شايف نفسه ومتكبر .. هيام ..: عيب مهما يكون هاذي يدك .. هاني ..: يدي اي بس هذا عيب والساكت عن الحق شيطان اخرس .. هيام ..: والله انه خايفه انها تيي والكل يعاملها بطريقة مو حلوة .. يخلونها تحس انها اقل منهم او شي ساعتها شبيكون موقفي جدامها واهي رفيجتي واهلي يعاملونها هلون .. الا ماقلت لي امي شكان موقفها هاني ..: انتي تعرفين امي مافي احن واطيب منها بس في نفس الوقت ما تكسر لبوي كلمة وأنه يوم قلت لها بروحي ما عارضت بالعكس افرحت لي .. واهي شافتها في المستشفى وقالت لي ان مبين عليها خلوقة ومأدبة هيام ..: والحين شراح اتسوي .. هاني ..: مادري والله بس الحمدلله ابوي وافق الحين الباجي يهون .. انتي ما قلتي لي اهي شرايها ؟؟ هيام ..: يعني اهي ما قالت لي موافقة ولالا بس اهي كانت متحيره ترفض الي متقدم لها ولا لا ويوم قلت لها عنك مادري يعني اذا هذا الي خلاها ترفضه او يوم انكلمها ان اذا مو متاحت له ما تاخذه هذا الي خلاها ترفض .. بس انه اعتقد انها بأذن الله بتوافق .. هاني ..: يويلي حالي ارفضته عشاني !! هيام ..: أنه ما اقول اكيد انه اقول يمكن هذا جزء من الدافع .. هاني ..: تدرين هيام .. هيام ..: شنو .. هاني ..: انه اول مره احس يعني شنو حب .. والله شي مو طبيعي حلو بهستيريا .. يعني احس اني بطير من مكاني بس ايي طاريها او موقف اهي فيه او كلام اهي قالته .. والله احبها احبها .. هيام ..: الله يخليك لها ويخليها لك ويوفقكم انشالله هاني ..: ألله يسمع منج .. شوي ودخلت شيخه .. شيخه ..: السلام .. هاني وهيام ..: وعليكم السلام شيخه ..: ها عصير هاني هني شسالفة هاني ..: احترمي روحج عاد من زين اسمج شيخه يثقله يطلع من البطن شيخه ..: شيخة البنات انه مب انت عصير هاني هيام ..: عاد تقابلو شيوخ التبلتع خاطري خاااطري انت وياها في مكان ويصير سهده هاني : اهي الي بدت شيخه ..: انزين هيوم اشفيج ..؟؟ هيام ..: هاني يصير تطلع يعني!@ هاني ..: مب طالع ماعندي شي اسويه وبعدين ما تستحين اتقلعيني هيام ..: ياخوي عندنه سالفة خاصه انقولها مايصير تسمعها .. هاني ..: اشله مايصير عادي هيام ..: سالفة بنات عيب عيب شيخه ..: عاد ما تعرفين اخوج شيخ الملاقيف هاني ..: خلج هل خبله لا تخليني اناديلج بلالو شيخه ..: اي شفت ربعك هذيله الخمه ربعك .. هيام ..: هاني شهل كلام هاني ..: امزح اشفيج هيام ..: اي عبالي بعد هاني ..: يخسي واحد يقرب منكم وأنه عايش هيام ..: فديته الي يخاف علينه شيخه ..: يابو الغيره شلخني .. تيسر تيسر هاني .. : أنه باقوم مو عشانج عشان بس امرتي ما تغار شيخه .!! ..: وي وي من امرتك يا بو البنات هاني طالعها بعصبية وطلع .. هيام ..: اشفيج شيخه .. تدرين انه يتضايق من هل طاري والريال تغير خلاص شيخه ..: يقهرني اخوج ماري ليش .. انزين من امرته اليديده هيام ..: هذي الاولى والاخيرة يكون في علمج شيخه ..: يمكن الاخيره بس الاولة يمكن جدامها خمس اصفار او اربع هيام ..: شيخه خلج جديه شوي هاني ناوي يخطب شيخه ..: حلللللللللللللفي هيام ..: والله شيخه ..: ومن بياخذ هيام ..: ريم شيخه ..: من ريم ! هيام ..: ريم الي معانه في الصف شيخه !!!!!!!!!!!.: شعرفه فيها هيام ..: شافها جم مره واعجبته وتغير عشانها شيخه ..: واااااااااي وناسه بيصير عندنه عرررس هيام ..: بس للحين ما صار شي يعني .. شيخه ..: اتهقين اتوافق .. هيام ..: مادري والله .. شيخه ..: انزين متى بيروحون لهم ؟؟ هيام ..: يجوز هل اسبوع لانهم مستعيلين .. شيخه ... : عاد مايصير تروحون هلون لازم اتعرفين اذا اهي موافقة ولا لا هيام ..: اتصل فيها الحين .. شيخه ..: اي اتصلي .. هيام ..: عاد اهي خذت لها تلفون ورقم وعطتني بعد بس نسيت اسيفه عندي اتصل على منو!! شيخه..: ماعندج رقم بيتهم .. هيام ..: لا ماعندي .. شيخه ..: انزين رقم امها .. هيام ..: اي عندي اتصلت .. لايمكن الاتصال .. هيام ..: لا يمكن الاتصال .. شيخه ..: عيل مافي غير الغاوي مان .. هيام .: شنهو شنهو!! شيخه ..: الغااااااااااااوي مان هيام ..:مافي تتصلين اصلا انتي من وين لج رقمة شيخه ..: ذيج المره اتصلت لي منه هيام ..: وانتي شله مسيفته عندج ما تستحين شيخه ..: اووف رقمة غاوي مثله ماقدرت يعني ما اسيفه هيام ..: صج اانننننننج وتتصلين فيه شيخه ..: لا شنو شجايفتني مو متربية هيام ..: عيل اشله مخليته عندج تتمنظرين فيه شيخه ..:بس هلون معجبه هيام منقهره منها اسحبت التلفون .. وأطلعت برع الدار تركض .. ووراها شيخه .. شيخه ..: يبيييييييييه هيام .. وهي تركض ..: لا تستعيلين بمسحه واعطيج انزلت من على الدري بسرعه وشيخه تركض وراها .. شيخه .: هيووووووووم حرام عليييييييج انزلت هيام وراحت بسرعه الميلس واقفلت الباب عليها .. شيخه .. وهي تتنفس بصوت مسموع من التعب ..: لا اتعبين روحج حبيبتي حافظته .. هيام اتدور في الارقام ارقام الدنيا والدين عندها .. آخر شي شافت الرقم .. الغاوي مان .. امستحته .. اطلعت عطتها التلفون .. شيخه ..: ارتحتي الحين هيام ..: اي ارتحت شيخه ..: تعبتي روحج على الفاضي اصلا هيام !!!..: شلون شيخه ..: حافظة الرقم هيام....: اوووووووه شيخه ..: ما تفوتني هل سوالف اصعدوا فوق بدار هيام واقعدو .. شيخه ..: انتي اليوم شفتيه ؟؟ هيام ..: لا !! شيخه ..: سمعتي اخباره !! هيام ..: لا شيخه ..: بس عيل اتصالي من مصلحتج هيام ..: لا والله ! شيخه ..: اي على الأقل انتأكد انه عايش مو ميت هيام : فالله ولا فالج شيخه ..: الحين شلون هيام ..: ما تتصلين شيخه ..: سمعي الكلام يا بنت الناس يمكن يحتضر الحين الريال هيام قلبها عورها لمجرد الكلام ..: انجعمي ولا اتفاولين عليه شيخه ..: تجعميني عشان الغاوي مان .. الله يل دنياااا هيام اضحكت معنه ماكان لها خلق .. شيخه ..: انزين الحين شلون هلينه نضرب عصفورين بحجر هيام ..: شيخه انتي اشفيج ما نستحي يعني احنه نتصل في الريال شيخه ..: أحنه ما بنتصل انسولف وياه بنتصل نبي اخته هيام ..: ولو مو عدله شيخه ..: انه بكلم انتي شعليج هيام ..: هذا الي ناقص بعد شيخه ..: اففففففففففففففففففففففف صدعتيني تراج انه مادري شله قاعده آخذ رايج هيام ..: خلينه انجرب نتصل في رقم امها مره ثانية .. هيام اتصللت .. ابتسمت لشيخه انه رن .. شيخه عقدت حواجبها .. اف رامي في الصاله شافت تلفون امه يرن .. رامي : الو هيام وقف قلبها .. تحس بس مو عارفه تتنفس .... رامي ..: الوو!! هيام للحين مشيره شيخه مو منتبهه لها قاعده تبرد اضافرها . رامي ..: من معااي!!!! هيام مو قادره تبلع ريقها .. وبالزور : الو .. رامي حس ان كهربه ياته من التلفون هذاهوه صوتها .. والله قلبي ما يجذبني هذا الصوت صوتها .. ياويلي حالي .. ياويل قلبي المشتاااااااق ياويلي .. رامي وهو الكلمات متزاحمه عنده مايدري شيقول هلا مرحبا ولا السلام ولا شيقول اساساً .. رامي ... : هيام!!!!! هيام راسها يدووووووووووووووووور .. مو عارفه شترد متوتره وقلبها يخفق خفقان غرييب ومن قال اسمها حست بألم غريب بقلبها .. هيام .. تبي تملص ..: ريم موجوده .. رامي .. ياقلبيي حتى صوتها عذاب عذاب عذاااااااااااااااااااب يويلي من قلبي جانه مات بحبج يا هيام .. رامي .. :اي لحظة شوي.. راح رامي لريم وأطلعت راقده .. رامي .. : راقده تبين اصحيها لج .. هيام ..: لا مو لازم اذا قامت خبرها اني اتصلت .. رامي .. اوف منها بسرعه بتسكر التلفون .. شقاعد تقول يارامي استح عيب عيب مهما يكون انت ما ترضاها لأختك لا ترضاها للي خذت قلبك رامي بلهجة فيها حب ..: خير انشالله هيام ...: مع السلامة .. رامي ..: الله يسلمج .. سكرت التلفون وقطت نفسها على السرير .. انتبهت لها شيخه الي كانت حاطة الامبي في اذونها وتبرد اضافرها ومو منتبهه اتطالعها ويها صاير طمااااطه ومبتسمه بحيا ورايحه عالم ثاني .. شيخه ..: هيووم .. هيووم وصمخ هيام ببتسامه ..: هلا شتبين شيخه ..: وي وي من وين نازله عليج كل هل رواقه .. هيام نزلت عينها وحمرت اكثر .. شيخه !! : وي وي اشفييييج ليكون بس الغاوي مان الي شاله هيام ...: اوفففففف منج شلون عرفتي شيخه ..: اي شعلى بالج انه عرافه هيام ..: عرافه .. قولي دجاله شيخه ...: وشششششله ما قلتيلي انه الي شال التلفون على الاقل اسمع صوته الغاوي هيام ...: انتي بتيوزين ولا شلون ! شيخه ..: شلون!! هيام ...: أووف شيخه انتي تحبين اتغيضيني يعني ولا شسالفتج شيخه ..: اعترفي انج اكثر انسانه في هل دنيا تغير هيام ..: اشدراج يمكن في ناس يغيرون اكثر مني انتي كله ظالمتني وبس !! شيخه ..: لا حبي محد يغير مثلج يل مينونه هيام ..: بدينه بالغلط شيخه ..: انتهينه يلا اعترفي عشان ايوز انه هيام ..: اعترف بشنو!! شيخه ..:قولي انه اغير عليه واموت من غيرتي عليه وما استحمل اسمع طاريه على لسان بنت هيام !! ..: شهل اعتراف الطويل والخطيير شيخه ..: انكريه جان فيج خير هيام ..: لا ما انكره شيخه ..: يلا قوليه اشوف هيام ..: شطوله ما حفظته شيخه .. : قولي وراي هيام ..: انتي خداااااااااي ومسويتني خداي وياج شنو في الروضه احنه شيخه ..: يلا يلا لا اقعد اتغزل فيه جدامج لين تنتحرين هيام ..: اووووه !! شيخه .. يلا قولي انه اغير عليه هيام معنها تحس ان السالفة فيها غباء ..: انه اغير عليه شيخه ..: وأموت من غيرتي عليه هيام وهي تتذكر ايام صف الاول يوم تقرا لهم المعلمة القصيده وتخلينهم يرددونها وفيها الضحكه ..: وأموت من غيرتي عليه شيخه ..: وما استحمل اسمع طاريه على لسان بنت هيام..: وما استحمل اسمع طاريه على لسان بنت .. هههههههههههههههههههههه شيخه ..: اشفيج اتضحكين ضحكتي من سرج بلى هيام ..: ذكرتيني بأيام بتدائي شيخه .. : شسوي فيج ما تحفظين بطيئة الحفظ هيام ..: خلج يا سريعه الحفظ شيخه ..: انزين ماقلتي لي اشفيج متضايقة هيام تذكرت وتضايقت ..: افف لا تذكريني شيخه .:شي جايد يعني هيام ..: وايد شيخه ..: تكلمي .. هيام .: مادري يمكن استبق الاحداث ويمكن هذا الي بيصير صج مادري والله .. شيخه ..: يه! تكلمي !! هيام ..: ابوي عارض بالأول زواج هاني من ريم .. شيخه ..: شله ؟؟ هيام ..: ليش ان مستواهم مو من مستوانه .. شيخه ..: وي عمي بو طارق عنده هل افكار ؟ هيام ..: ايه .. شيخه اسكتت وافهمت شلي مضايق هيام ..: ماتدرين .. كاهو لان راسه بالنهاية ووافق على ريم هيام ..: وافق ليش ان هاني اهو الريال والعيال بيصيرون بأسمه بأسم عيلتنه لكن ,,, شيخه ..:بس انه الي اعرفه ان رامي يشتغل الحين وراتبه وايد زين هيام ..: قلت لج الموضوع مو موضوع راتب ولا دراسه .. الموضوع موضوع سمعة وومستوى مادي .. شيخه ..: بصراحه انصدمة ببوج هيام ..: والله ضايق خلقي .... شيخه ..: الحين انتي لا تستعيلين خل يتقدم لج بعدين نشوف شيصير في بيت بو رامي .. رامي قاعد مع ابوه .. بو رامي ..: معقول ؟ رامي ..": هذا الي صار يبة بو رامي ..: الله يل دنيا .. لهل درجة وصلت فيه المواصيل رامي ..: يايبة انه ما قلت لك عشان اضيق خلقك انه قلت لك عشان تقولي شلون اقدر احل الموضوع .. بو رامي ..: الموضوع ما ينحل يابوك .. مطر بقبله شي طول هل سنين والحين صحى وكل الي يشوفه جدامه هو انه ينتقم .. رامي ..: يبة .. واذا نفذ تهديده .. بو رامي ..:لا تخاف .. يمكن ينفذه ويقطني بالسجن .. لكن مطر ما يقدر يرقد ليلة ظالم رامي ..: وأحنه ننطره لين يصحى ضميره !! بو رامي ..: انه المبلغ اقدر اوفره .. لكن انه كنت مجمعه لك .. رامي ...!!!! : لي !! بو رامي ..: اي لك .. كنت ابي ازوجك احسن زواج واعوضك لو ربع رامي يبوس ايدين ابوه ..: يايبة لا تقول جذي انه تحت اتراب الريولك .. والفلوس انت اولى بهه يا يبة .. بو رامي ..: لا يايبة انت الي سويته شي عظيم يايبة احتويت البيت وصرت الاخو والابو وبسمة البيت ... مهما اوصف يابوك ماوفيك رامي : وألله هذا واجبي يايبة اي واحد مكاني كان بيسوي الي سويته بو رامي ..: لا تقول جذي يايبة انت غير كل هل شباب انت زينتهم يولدي الله يخليك لي ذخر انشالله ويحفظك لي شوي ورن التلفون راح رامي .. رامي .. : الو .. الشرطي ..: الو السلام عليكم رامي ..: وعليكم السلام ؟؟ الشرطي ..: الاخ فيصل خالد موجود ؟ رامي !! ..: اي ليش ؟؟ الشرطي ..: خوي الشرطه معاك .. رامي طالع ابوه !!!!!!!!!!!!!!!!!..: شبغيت خوي؟؟ الشرطي ..: لوسمحت تقول للأخ فيصل خالد ان عليه شيكات بدون رصيد وصاحب الشيكات يا اليوم وقدم بلاغ .. رامي !!!!!!!!!!!!!!! ..: خير انشالله .. الشرطي ..: لو سمحت تحل الموضوع مع صاحب الشيكات او تدفع المبلغ ولا بنضطر نحجز على الاخ فيصل .. رامي ... :.. انشالله .......... سكر الخط ماحب يتكلم معن بو رامي حس عليه ..ودخل الدار ... طلع رامي من البيت وهو معصب متوعد بالشيخ مطر حابس لوعته ودمعته الي عمره ما خلى احد يشوفها ... بس الشيخ مطر طلعه من طوره وكسر كل حواجز التفاهم بينهم رامي دق الباب .. دلال راحت بتفتح .. الشيخ مطر . بصوت عالي ..: وقفي .. دلال خافت .. الشيخ مطر ..: دشي دارج .. دلال راحت دارها وهي مستغربه .. وفي نفس الوقت خايفة .. عبدالله سمع الصراخ طلع من الدار .. راح بو عبدالله فتح الباب .. شاف رامي .. حس بأحساس غريب يمكن خوف!! رامي .. بعصبية ..: ممكن ادخل .. الشيخ مطر طالعه بحتقار .. ودخل البيت وخلى الباب مفتوح .. الحقه رامي .. ادخلوا الميلس .. قعد رامي .. الشيخ مطر .. : خلصني .. رامي ..: انت شتبي بالضبط .. الشيخ مطر .. : توك تفهمني يا ولد فيصل .. اكيد تدري اني ما ابي هل جم دينار .. رامي ..: تبي تنتقم يامطر . انت انسان مريض نفسي .. الشيخ مطر ..: احترم نفسك انه حاشمك ليش انك في بيتي .. رامي ..: اشوف الحشيمة زايده ... ممكن تعطيني المهم !! الشيخ مطر ..: تتزوج بنتي .. وتييب ابوك يعتذر لي .. رامي وقف له .. : الطلبين مرفوضين .. اما الطلب الثاني انه ابي اعلق عليه .. لو كنت كفو جان اعتذر لك من زمان .. الشيخ مطر وقف وبعصبية ..: انت الي منت كفو وابوك خاين العشره والرفجه رامي ..: ابوي صار احسن منك وما تربص لك ..ورد لك دينك وتأسف لك ابوي الي يامى وقف وياك .. ابوي يامطر ابوي الي انت تبي تأذيه بأي طريقة الشيخ مطر .. حاس بألم بقلبه .. : انت انسان تافه دمرت سمعة بنتي وابوك خرب حياتي قلبها جحيم ابوك رامي ..: انت الي دمرت سمعت بنتك بالي كنت تسويه فيها بالسكه جدام العالم والناس والي ما يشك يشك من الي تسوه .. الشيخ مطر حط يده على قلبه وقام يتكلم بتعب ..: انتو ناس ما عندكم لا ضمير ولا احساس رامي ..: انت مسوي نفسك شيخ وتأم بالناس وانت انسان حقود ظالم قاسي ما يخاف الله حرام عليك تشوه سمعة الشيوخ بالي تسويه .. الشيخ مطر زاد اتعبه .. : انتـــــ............................ طاح الشيخ مطر .. نزل رامي على الارض يشوف اشفيه !! ..: يا بوعبدالله .. بو عبدالله الشيخ مطر من التعب مو قادر يشوف جدامه .. ومو عارف يرد على احد .. ولا يسمع احد ... دق رامي الباب بقوة عليهم .. طلع له عبدالله ... : اشفيك ؟ رامي ..: ابوك .. ابوك .. عبدالله ..: اشفيه .. رامي ..: طاح مادري شفيه .. عبدالله ركض يشوف ابوه .. رامي اتصل في الاسعاف .. عبدالله بعصبية ..: اشسويت فيه .. رامي..: كنا نتهاوش ومادري شوي وطاح علي عبدلله ..: انتو السبب انتو السبب امي راحت بيت خالي وابوي يطيح ثاني مره بسببكم .. حسبي الله عليكم حسبي الله عليكم .. شوي ويا الاسعاف شالوه بسرعه .. رامي لحقهم بالسياره .. دخلوه بسرعه الطوارء .. وتم رامي واقف مع عبدالله برع .. عبدالله يطالع رامي بعصبيه .. : ما بسامحك لو صار له شي .. رامي ...: ما راح ارد عليك لني لو رديت بكون بمثل عقليتك .. تباعد عنه رامي .. وراح سأل الدكتور اول ما طلع .. خبره ان الشيخ مطر عنده القلب وهذي نوبة حاده والحمدلله انه عدى وطلب منه ان يبعدونه عن الانفعالات ويريحونه هل كم يوم .. تطمن رامي عليه وطلع .. تم الشيخ مطر داخل الغرفة .. فاتح عينه بتعب .. الاجهزه مركبه عليه .. انه غلط .. ولا انه صح .. الي سويته صح ولا غلط .. صج انه ما خاف ربي؟؟ ولا انه خايف على هلي .. آآآآه انه تعبااان ومحتاجج يا ام عبدالله .. محتاج امواساتج ولومج لي الي يصحيني كل ما اغلط .. احتاجج يا ام عيالي احتاجج .. الله يقطع الساني ويديني يوم انمدت عليج .. رد عبدالله البيت من بعد ماطلب منه الدكتور ان بو عبدالله يحتاي ينام يوم بالمستشفى والحين كلش وقت مو مناسب انه احد يدخل ويوشوفه .. دخل البيت معصب .. راح دار اخته .. طالعها بعصبية .. وشدخ الباب .. وهم راح لخوه الي يالس يطالع التلفزيون ولا يدري بالدنيا .. عبدالله : انت .. عبد العزيز ..: نعم عبدالله ..: انت حجر !! ما تحس !! ابوك ماخذينه المستشفى وأنت ولا على بالك ويالس اتطالع التلفزيون كأنه العيد عندك عبد العزيز .. : شكنت آقدر اسوي يعني .. ابوك مو مخلي احد في حاله يدور المشاكل وينهي ويروح وراها اشله ما يخلي الريال في حاله .. كافيه يتبلى على الناس هذا عقاب من ربك .. وألله ما يضرب بعصى عبدالله .. عطى عبد العزيز كف .. وقف عبدالعزيز بعصبية .. : صارت حلاوة عندك أنت وبوك يوم ابوك يطق امي ويوم يطق اختي واليوم يابو المراجل ياي تصير مطر الثاني بالبيت .. بس اسمعني زين .. مب عبدالعزيز الي ينطق ويسكت .. عبدالله ..: انت مو متربي وتبي من يربيك ورد عطاه كف ثاني .. ورد عليه عبد العزيز وقامو يتذابحون .. اطلعت دلال .. وصارت اتصارخ واتصيح .. دلال ..: بس خلاص .. خل عبدالعزيز يا عبدالله لا تذبحه حرام عليك .. والاثنين مصرين يتذابحون ولا واحد راضي يتنازل .. راحت دلال عشان اتوقفهم .. خذت صحن واكسرته .. اسمعوا الصوت اوقفو .. دلال ..وهي تصيح ..: حرام عليكم الي تسوونه .. انتو خوان اتذابحون جنكم اعداء .. اذا كل هذا بسببي انه مستعده اطلع من البيت صدقوني انه علي اموت ولا اشوفكم تتذابحون كأنكم اعداء .. عبدالعزيز ترك عبدالله .. وراح لها ضمعا ..: خلاص لا تبجين .. ما يهون علي اشوف دموعج .. وقف عبدالله ..: اثنيناتكم لازم اتعرفون شي واحد .. ابوكم تاج راسكم وكلشي يسويه تراه عشانكم مهما كان غلط لازم تشوف الدافع شنهو يا حنون ..والي اييب طاري ابوي زين الرياييل بكلمه انه ذباحه .. طلع عبدالله من البيت .. Link to comment Share on other sites More sharing options...
فنكوش Posted مايو 4, 2008 Report Share Posted مايو 4, 2008 (edited) لاحول الله الحين افتكينا من مطر طلع لنا ولده عبوود يازعم يبي يطلع فيها مع ويهه الشيخ مطر مثل ما وضحت قبل ,, شخصيته طيبة و حنونه بس قلبه قوي و ما يتأثر بسرعه و عنده صرامه و قوة شخصية كبيره يعني يعني صج انا تضايقت يوم مرته طلعت من بيته و هو في عينه الدمعه اهو صج يحبهاا و ما يقدر يستغنى عنها بس اهو قال هذا الشي في لحظة غضب يعني انشالله يقدر يرجع مرته البيت و اعتقد انها بترد له اذا درت انه مرقد بالمستشفى لأن ما يهون عليها تخليه و اهو في هل الحاله ,, عشرة عمر ولله عبالي الشيخ مطر فيه خير و نخوه و ما بيشكتي على رفيجه بس صدمني الصراحه يوم سواها و انا عاذر رامي بعد على ان راح عند بيته و تهاوش معاه جانزين بعد مكسر عظامته بروحه قاهرني و باط جبدي الصراحه بوطارق ما عجبني على هل التفكير اللي عنده ,, يعني هاني صاج اهو اللي بيصرف عليها مو اهي و الناس مردها بتنسى و بتسكت و الفقر مو عيب يعني ولله انا اجووف ريم بنت حلوه و مؤدبة و خلووقه لو يحصل لي اتزوجها خذيتها خخخخ بس صج الحين اللي خايف منه فعلآ اهو اللي تفكر فيه هيام و ان ابوها ما يوافق على رامي لو شيصير بااااااااااااااااال جان صج صج قهر و بطة جبد هههههههههههههههه ولله شيخوووه تضحكني خفيفة دم ماشاء الله عليها ههههههه ولا يوم قالت عصير هاني يعني اهي و سمر ساعات يقطون حجي مدري منوين يجيبونه يضحكوووون ولله ههههههههههههههههه و اكثر موقف ضحكني يوم هيام تسحب التلفوون من يد شيخووه و تركض هههههههههههههه و شيخووه دبييييييييييج وراها ههههههههه كل هذي علشان تمسح رقمه!!! خخخخخخ صج يعني الغيره تذبح الصراحه يعطيج الف عافيه بنووته على البارت الطووووويل و صج صج ما قصرتي و عساج عالقووه و اكثر شعر عجبني هذا ,,,,,, أحبه ولا اقدر اكابر بعد بحساسي .. ابي اعترف له اني ما قدر امثل بعد اني له متناسي .. ابي اقوله احبك واريح شوي قلبي الي من حبه صار من حلو الاحساس يقاسي اخاف تفقدك عيوني اخاف يجفينا الزمان ومعروف عن الزمان انه قاسي اخاف تلهيك عني الايام اخاف يشغلونك عني الناس يابعد ناسي ,,,,,,,,, و يسلموووو على البارت مره ثانية و بإنتظار البارت الياي و عااد ياريت فيه موقف حلوو جذي بين سمور و طرووق و بالتوفيق في امتحانات الفاينل ولا تنسين اذا نجحتي تعزمينا على باستا من يم يم تري Edited مايو 4, 2008 by فنكوش Link to comment Share on other sites More sharing options...
**محرقيه** Posted مايو 4, 2008 Report Share Posted مايو 4, 2008 (edited) يسلموو في الانتظار Edited مايو 4, 2008 by **محرقيه** Link to comment Share on other sites More sharing options...
مينونة ومخرفة ومخرخشة Posted مايو 4, 2008 Report Share Posted مايو 4, 2008 اففففففففف من هالشيخ مطر والله قاهرني لو اصيده اكفخه مسوي روحه شيخ واهو مايخاف ربه ولا بعد هالعبوود يسووي روحه كلش مع ويهه صج ناس ماعندها ضمير >>>>>>>>>>سمحوولي اندمجت وايد بو هيام بصراحة طاح من عيني شالتفكير اللي يفكر فيه تفكير مال اول .. كسرت خاطري هيووم دام على اخووها مارضى الاا بعد ماطاحت بلاعيمه بيرضى عليج انتي مستحيل يسلموو على البارت .. يعطيج العافية في الانتظار .. Link to comment Share on other sites More sharing options...
maiooo Posted مايو 4, 2008 Report Share Posted مايو 4, 2008 صج لي قالو من طول الغيبة جاب الغناايم حده فن الباااااارت و اهم شي طوييييييييييل مسكين رااامي.. شاايل همووم الدنيا كلها على رااااسه.. وهل بو مطر على انه كسر خاااطري.. بس حده يقهر.. ويستااهل الي يصيير فيييه!! وعلى كل الي صاده وبعده مايعرف الصح من الغلط وهاي اهوه شيخ مادري لو كان ريال عادي شبسوي !! لا وبعد يفضح بنته بروووحه ويقووول رامي السبب! افف حده قااااهرني والي قاهرني زوود انه رااح اشتكى على بو راامي.. ولا يقوول بعد انه بو رامي الي خاان العشرة.. يعني الي احين يسويه شنو؟؟ ولا كنه كان بينهم عشرة.. وتهوون عليه العشرة بسهووولة.. اولها ويا بو رامي واحين ويا مرته.. احين زين منها تنصحه وخاايفة عليه.. وبوطاارق بعد مادري شقوول عنه.. احس حراام ثنين يحبوون بعض و الفقر يظلمهم يعني شذنبها ريم انها تكوون فقيرة..؟! ومثل ماقاالت هيااام.. اذا على ريم بزوووور واافق.. هاي اذا تقدم لها رامي شبيسوي ورامي اهوه الرياال؟؟ يعني كلش مب منطق ذي !! وكل من لو شكثر كان غني فهوه بيتم فقير جدام ربه.. هاي الي لازم يعرفه بوطاارق! ومسكينة هيااام بسرعة تغير هههه هاي عشان رقم سوت جذي بس ماقدر الا اقوول الله يخليهم لبعض المهم.. الله يهدي مطر ويرد له عقله ! ونشالله ريم وهاني ياخذوون بعض.. وهيااام وراامي بعد.. ولحظة نسيت هالمروة!! شتبي ذي! حدها تقهرني ثاانكس عل باااارت حده فـــن وحـــــــــلــــــــو حدي ابي اشووووف الشخصيااات صج.. مابي كله اتخيلهم.. والله يوفقج في الامتحانااااات.. واذا نجحتي انا مابي باستا مثل فنكوووش.. انا ابي هديتي بااارت (اتغشمر ) ننتظر البااارت اليااااااي وانشالله يكووون مثل ذي واحلى بعد Link to comment Share on other sites More sharing options...
بنت الحداده Posted مايو 4, 2008 Author Report Share Posted مايو 4, 2008 فنكوش .. اشهل رد الزيييين ولله يرد الرووووح تسلم عليه وعلى العزيمة افا عليكم بسويها اوردر وبطرشها لكم انتو بس ادعو لي محرقية . يسلمو على الرد اختي مينونة ومخرفة ومخرخشه .. يسلمو عمري على الرد الحلو مثلج maiooo لا لا انه ماقدر جذي تسلميييييييين حبيبتي على الرد صج صج ونستيني انتي وفنكوش بردودكم وأما عن هديتج افا عليج بارت خصوصي لج حتى بكتب من فوق اهداء لج بس انتي لا تقصرين بهل ردود الزينه .. انزييين .. الحين عاد انه اعتقد هل مره يبت بارت عن بارتين ولا شتقولون !! ..عموماً النهائي باجي له اسبوع وبنقطع عنكم لين نكمل نهائي وعاد لا يات الصيفية .. ابشرو بالبارتات الحلوة الي مثل هذا وأطول .. تحياتي أختكم .. بنت الحداده Link to comment Share on other sites More sharing options...
السندس Posted مايو 5, 2008 Report Share Posted مايو 5, 2008 الصراحة ابدعتي يا بنت الحداد حده البارت فن اولا: اتمنى منش المرات الجاية ما تكتبين انشاالله، لأن معناها اننا ننشأ الله كتبي أن شاء الله، أي ما يشاء الله ثانيا: اتوقع انه ام عبدالله بيحن قلبها وبترجع لأبو عيالها وبالمرة بيحن قلب الشيخ مطر ويسحب الشكوة (يمكن تشرط عليه أم عياله مقابل الرجعة يتنازل أو يمكن منه ومن نفسه بعد كل إللي صاده يراجع احساباته) الصراحة اني عكس الردود يعني اتوقع لما رامي يتقدم لهيام يمكن ابوها يرفض بس متأكدة انه طارق بيوقف مع هيام ورامي (لاتنسون انه رفيقه وعادنه اخوه) وإلا وش رايكم؟؟؟؟(ههههه أعرف افكر) وان شاء الله يجمع كل حبيب بحبيبته ويسلمو عيني من ايد واصابع ما نعدمهم ان شاء الله Link to comment Share on other sites More sharing options...
maiooo Posted مايو 5, 2008 Report Share Posted مايو 5, 2008 Thaaanx =D o GoOoOoD LuCk =) نشالله تسوين زين في كل المواااد.. بتوحشينا وااايد المهم.. ننتظرج عقب الامتحاانااااات Link to comment Share on other sites More sharing options...
أسيرة الورد Posted مايو 5, 2008 Report Share Posted مايو 5, 2008 (edited) وااااااااااااااااااااااااااااااااااااااي ما بقى ينزززززززززززززززززززززززل البااااااااااااارت فدييييييييييييييتج بنتوووو تسلللم اناااااااااااااااااااملج يا حللللللللللللللللللوة بصرااااااااااااااحة البااااااااااااااااااااااااااااااااااااااااااااااارت و لا اروووووووووووووووووووووووووووووووووووووووووووووووووووووع حلاااااااااة صفيو صارت بنوتة<<<خخخ يا حلوها افااااااااا كلش ما في اكشن بين سمور و ريلها <<وحشوني يبي لهم موقف اشوي مني مناك واعلييييييييييه عليها ريمو هالكثر تحب اخوها و هنوي هالملقوف حده مستعيل يالله ان شاء اله يتزوجها و يرتاح قلبه الولهان و هياموووووووووو فدييييييييييييييته واعليه والله خايفة ا ابوها يرفض بس ان شاء الله تتحسن حالتهم و يتزوجون بعد شخووووووووو الفااااااااااااال لج و الشيخ مطر الله يهداك يايبه يعني كل ذي و ما اتدري ا الله غاضب عليك؟؟؟ عبوووووووود يا بووووووووو تمبة صرت مطر الثاني يالمتفرررررررررررغ عزوز فديتك يالحنون خل عبود يولي واعليه مقتهر على ابووه معليه معليه هونها و تهون بنتوووووووووووووووووووو يسلمووووووووو ألللللللللللللف علىا لبااااااااااااااااااااااااااااااااااااااااااااااارت و سامحيييني على القصور بس ما توقعت بتنزلين البارت يعني بس الحمد نزلتييييييييه عشان نقدر ندرس احين خخ و عسااااااج على القوة و انا و فنكووووووش محاميين الدفاع افا عليج نعجبج خخخخخ اووووووووو والله ما قصرتي على هالبااااااااااارت الرووووووووووووووووووووووووعة <<D: شاقة البوز حدي بعد خخخ يالله سلااااااااااام و درسي عددددددددددددددددددددل و ما قصرتي يالغلا Edited مايو 5, 2008 by أسيرة الورد Link to comment Share on other sites More sharing options...
Recommended Posts