هيام قلبي 2

[ولائية]

متى بتنزلين البارت ؟

[M!$$ MeMO]

ننتظر

[بنت الحداده]

سمر ..: ارجوووووج يم قلللب انتي ..

 

هيام ... سررررررحت ..

 

سمر ..: انتي فزي عشان ننزل للناس عيييب ..

 

هيام ..: انه باتم برووحي شوووي ..

 

سمر ..: مو حزتتتج هيوومم!!

 

هيام ..: أووف

 

في بيت بورامي ..

 

رريم ..: ها ارتحت!

 

رامي ..:. لا ما ارتححت .. انتي تدرييين انها واحشتني وماكلمتها شيي بس معليه احسن من ولاشي ..

 

ريم ..: أنت طماااااع ..

 

رامي ..: والله الطمع مو من طبعي لكن القلب فيها طمااااااااع ..

 

ريم ..: واااااااي عنتر فطرت قلبي أين عبلة عنك ..

 

رامي ..: انزيييين سمعييني .. على سالفتج .. انه اليوم باروح اسأل ..

 

ريم حمرت ..

 

رامي ..: يحليييلهه عروستنه تسحتي ..

 

ريم ..: أفف راامييي..

 

رامي ..: هههههههههههههههه عيونه انتي .. بس بقولج وقوليلي الصج ..

 

ريم ..:قول ..

 

رامي ...: انتي تحملين له شي في اعجااب انجذاب شي

 

 

ريم ارتبكت ..: هاه !!

 

رامي ...: هاهاهاهاهااااااااااااي اوريييج انه ياريييمووو اتمصخررييين علييي وتحرجيييني يا دوووري الحييين ..

 

ريم ..: لا حرام علييييك ..

 

رامي .. قاعد لها ويطالعها بنظرات شر ..: يلا جاااااااااااوبي

 

ريم !! ..: اوووه رااامي ..

 

رامي يقلدها ..: اووووه راميي .. يلا جاااااااوبي

 

ريم ..: الحين انه اتحجه هلون!

 

رامي ..: اي عيل اشلون اتحجين !!

 

ريم ..: عادي يعني مب هلون مسويني كأني عيووز متغووويه

 

رامي ..: ههههههههههههههههههههههههههههههههه .. حسبي الله على بليسج ورا سامعة حجي وحده عيوز متغوية ..

 

ريم ..: أممم مادري بس يعني صووت عيووز فيها شي عاد انه حطت متغويه من عندي

 

رامي ..:أنزين لا اتغيرين الموضوع وجاوبيني ..

 

ريم ..: هاا شنهو سؤالك ..

 

رامي ..: لااااه!! نسيتي واعليييه مسكييينه

 

ريم ..: اي نسسيت

 

رامي .. :انزين باعيده وأمري لله .. حاسه للصبي شي اعجاب انجذاااب شي؟؟

 

ريم ..بحيا ..: مادري ..

 

رامي ..: اشمعنى وافقتي على هذا ورفضتي عادل ..

 

ريم ..: ماكنت مرتاحه لعادل ..

 

رامي ..: بس ما كنتي مرتاحه !!

 

ريم ..: يه رامي .. كأنك تلمح لشي ..

 

رامي ....: بصرااحه اي .. شكلج اذا يا طاريه .. وحياااج اذا كلمتج عنه .. واسلوووبج وانتي تقولين لنه .. والحين تغيرين الموضوع .. كل هذا وما تبيني افهم شي ..

 

ريم .. : وه وه وه .. انت آدمي ولا يني ..!!!!!

 

رامي ..: هههههههههههههههههههه .. يلا اعترفيي

 

ريم ..: مادري رامي .. يوم يخطبني عادل كنت خايفه .. ماكنت مستانسه .. بس هاني غير .. انه احس ان هاني يحبني صج من نظراته ومن اسلوبه ... غير هذا انه بصراحه احلى من عادل ..

 

رامي ..: هاااااااااااا احلىىى هااااا .. عشان الشكل ريموووه

 

ريم ..: انت ما خليتني اكمل .. مو بس الشكل انه اقولك الفروق .. يعني بصراحه عادل شكله ما يعجبني .. لكن هاني غير .. ويهه سمح .. وارتاح له مادري .. غير ان هاني احسه رومانسي وعادل آحسه يبيني اصير مثل يدي ويدتي الكلمة الحلوة بالحسره علي ..

 

رامي ..: آآآآخ منكم يل بناااات .. الحين رافضه الريال عشان شكله وانه ما يقول كلام حلو!!

 

ريم ..: راامي .. شله تفهمها بالمقلووب ولا تبيني اقولك شي و قاعد اتجرجرني بالكلام

 

رامي ..: ههههههههه يحليلج تفهمينها واهي طايره ..

 

ريم ..: بصراحه اي في انجذاب ..

 

رامي ..: اييي قولي جذي من الصبح قاعده تلفين وتدووريين .. يأستييني

 

ريم ..: ههههههه

 

رامي ..: يله الله يوفقكم انشالله ويسخركم لبعض ..

 

ريم احمرت ..: انشالله ..

 

 

رامي ..: انزين انه بقوم الحيين .. بروح معا عادل القهوه .. ومنها انشالله باسأل لج عنه ..

 

ريم ..: ألله يحفظك ..

 

رامي ..: يله مع السلامة ..

 

طلع رامي ركب السياره

 

اتصل في عادل..

 

رامي ..: الو

 

عادل ..: هلا

 

رامي ..: يلا اطلع يايك ..

 

عادل ..: اوكي مع السلامة ..

 

 

وصل رامي بيت بو عادل ..

 

عادل ..: السلام ..

 

رامي ..: هلا وعليكم السلام

 

عادل ..: شخباارك ..

 

رامي ..: والله عال العال انت شلووونك حبيبي ..

 

عادل ..: أسأل عنك يل غالي .. بس متضايج شوي ..

 

رامي ..: عسى ماشر ..

 

عادل .: على سالفة الخطبه موب محلصين لي وحده ..

 

رامي ..: ههههههه الحين هاذي الي مزعلك .. ياريااال بنات الديره كثاااار ..

 

عادل ..: اي بس انه حظي ردي ..

 

رامي ..: لاتقول جذي ياعادل .. صدقني محد ياخذ غير نصيبة ..

 

عادل ..: لا ردي يا رامي ردي .. انه خسرت اختك .. شيخة هل بنات ..

 

رامي ..: عادل هل موضوع انتهى والزواج قسمة ونصيب .. الا عادل .. انت شمواصفات البنت الي تبيها ..

 

عادل ..: بصرراحه الشكل وايد مهم عندي والباجي الاخلاق .. مومهم دارسه وذي المهم بنت عالم وناس وعلى دين ..

 

رامي ..: عيل تاهت ولقيناها ..

 

عادل !! ..: والله !!! من ذي؟

 

رامي ..: اسمعني قبل لا تتسرع وتحكم ..

 

عادل ..: قوول ..

 

رامي ..: دلال بنت الشيخ مطر ..

 

عادل !!!!!! 1..: عقب الي صادك من هل عيلة وبعد تبيني آخذ بنتهم .!!!

 

رامي .:قلت لك لا تتسرع الي صار .. صار وتسامحو ابوي والشيخ مطر .. تغير 180 درجة ولا يغرك الحجي الي طلع على دلال تراهي خوش بنت ..

 

عادل ..: وسمتعها ..!!

 

رامي ..: ياخويي .. الناس ما تسكت .. وحتى الزين تطلع عليه حجي ..

 

عادل ..: بس هم ياريال السمعه مهمه ..

 

رامي ..: انه كنت في نص الموضوع واسمع الناس شتقول عني .. يعني انه مب زين !! يعني ما اتتزوج !!

 

عادل ..: رامي انت الناس كانت تتكلم عنك قبل لا تفضح الشيخ مطر بس بعد الي صار الكل سكت ..

 

رامي ..: واهي بعد مالها ذنب يا عادل واذا تبيني اوقف في نص الفريج واقول الي صار صج .. أنه مستعد ..

 

عادل !! ..: ليش كل هل اصرار ..

 

رامي ..: أنه اعزك لا تظن اني انصحك فيها عشان اغطي فضيحتي او شي جذي .. بس البنت اخلاق والله اعلم انها متربيه خوش تربية وانه شايفها تناسبك .. وحرام تكون انت والناس عليها ..

 

عادل ...: مادري يارامي .. انه باشاور هلي ..

 

رامي ..: أذا انت ماتبيها ياعادل .. عادي قول .. صدقني انت الخسران مب اهي ..

 

عادل ..: لهل درجة !!

 

 

رامي ..: انت روح وشوفها واحكم بنفسك !!

 

عادل ..: شلون اشوفها وابوها الشيخ مطر اعسر ريال بالفريج ..

 

رامي ..: وأنه شقاعد اقولك من مساعه للحين .. الريال تغير ..

 

عادل .. : أنزين انه اشوفها قبل لا احاجي اهلي عشان ما يصير شي رسمي وما تعجبني وتنحرج وانحرج وياها ..

 

رامي ..: تدري شلون ..

 

كوووع رااامي .. ورد الفريج ..

 

عادل ..: وين رايح ..

 

رامي ..: بيت مطر ..

 

عادل !!!!

 

عشر دقايق ووصلو ..

 

 

رامي وقف السياره عند البيت ..

 

رامي ..: يلا انزل ..

 

عادل .. : وانت ..

 

رامي ..: لا تخاف بانزل معاك ..

 

عادل ..: والله يارامي انه قلبي مو مطمن ..

 

رامي ..: لا تطمن ..

 

 

 

دقو الباب .. طلع لهم عبد العزيز ..

 

عبد العزيز ..: حيالله من يانه .. حياكم ..

 

دخلهم الميلس ..

 

عبد العزيز ..: من بغيتوا ..

 

رامي ..: بغينه ابوك ..

 

عبد العزيز ..: دقيقة ..

 

 

الشيخ مطر قاعد مع مرته ودلال وسووووالف .. وضحححك .. افتقدها هل بيييت من زمااان ..

 

عبد العزيز ..: يبه ..

 

مطر ..: هلا يبة ..

 

عبد العزيز ..: رامي وعادل .. ياينك ..

 

مطر ..: اووه عسى بس مو موقفهم عند الباب ..

 

عبد العزيز ..: لا يبة دخلتهم الميلس ..

 

مطر ..: انزين كاني يايهم .. اسبقني ..

 

راحوا الميلس ..

 

وقف رامي وسلم على مطر ..

 

مطر ..: تو ما نور البيت والله ..

 

عادل انصدم وين لحية الشييخ مطرر !!! !

 

مطر ابتسم له ..: حلقت حلقت ..

 

عادل .. ابتسم ... وسلم عليه ..: نعيماً ..

 

مطر ..: تفضلوو .. وشله واقفين ..

 

عادل للحين منصدم قعد .. مكانه وعلامات الصدمه في ويهه شساااااالفه .. الشيخ مطر حالق لحيته وصاير طيووب!! ..

 

مطر ..: شخبار ابووك رامي ؟؟

 

رامي ..: الحمدلله بخير يسلم عليك ووصاني اقولك انك تمره اليله ..

 

مطر ..: اييه ما نسيت انه الله يهداه ابوك كله يحاتي انسى ..

 

عادل!!! .. اكثر انسانين كنت ما اتوقع انهم يردون اصلاح مع بعد مطر وفيصل !! ...والحين متواعدين ويسألون عن بعض..

 

رامي ..: انزين يابو عبدالله احنه يايينك .. وطالبيت القرب منك ..

 

مطر!!!!!! .. معقوله رامي يبي دلال بعد كل الي صار ..!!! : آمر يولدي

 

رامي .. ابتسم له ..: بصراحه اخوي ورفيجي .. يبي يكمل نص دينه .. ويدور بنت الحلال .. عاد انه قلت له .. مثل بنت الشيخ مطر ما راح اتحصل اخلاق ودين وادب .

 

مطر ابتسم ... عادل خوش ريال والكل يمدح فييه .. وكل ريال عنده بنت يتمنى ريال مثل عادل يتزوجها ..: والله يولدي لو هي ذبيحه ما عشتك ..

 

رامي ..: ها يعني انت موافق مبدأياً ..

 

مطر ..: وين نحصل مثل عادل بصراحه ريال والكل يشهد له ..

 

رامي ..: الحمدلله .. بس يامطر عندي شي ..

 

مطر قاطعه ... : عارف يبي يشوف البنت .. وأنه ماعندي مانع .. بس عندي تعليق بسيط ..

 

رامي .. : طول عمرم فهيم .. آمر ..

 

مطر ..: انه حبيت لو عادل اييب هله ... والاصول مافي كلام عليها ..

 

رامي ..: يابو عبدالله ..الريال ماحب يسوي السالفه عوده المهم يشوفها ويعجبها وتعجبه وبعدين هذا صار برضاك واهله ما بيعارضون يناسبون واحد مثلك .. وبنت مثل دلال ما ينعاب ..

 

مطر ..: صح السانك يولدي .. .. الا ما سمعنه حس المعرس ..

 

عادل ..: بصراحه يابو عبدالله انه متفاجئ ومصدوم ..

 

مطر ..: يحق لك يولدي ما تعودت تشوف الشيخ مطر .. مطر عادي .. بس صدقني انه تغيرت وللأحسن بأذن الله ..

 

عادل ..: انشالله يابو عبدالله دووم تحس بالراحه الي انه شايفها بويهك وبكلامك ..

 

مطر .. : تسلم يولدي.. وأنه الحين بنادي لكم البنت وانشالله ما اتأخر معاها .. بس اسمحوولي بتكون بعباتها ومجرد ويها الي بيشوفه المعرس ..

 

رامي ..: عيل انه اترخص ..

 

مطر ..: لا يارامي لا تفهمني غلط .. انت على راسي من فووق وعبدالعزيز وعبدالله انشالله بيقعدون معاك بالجلسه الي بالحديقه ..

 

رامي ..: فاهمك يابو عبدالله ..

 

طلع رامي وقعد مع عبد العزيز وعبدالله ..

 

دخل مطر الصاله وفي ويهه الابتسامه ..

 

ام عبدالله ..: بشر يابوعبدالله عسى خير انشالله ..

 

مطر ..: الخير بويهج ياام الخير انتي.. وانشالله كل شي من اليوم ورايح حلو .. ويطيب الخاطر ..

 

ام عبدالله ..: شوقتني اعرف يابوعبدالله ..

 

مطر طالع بنته وابتسم لها ..: اظاهر دلال ما راح اتطول في البيت ..

 

دلال ..!!!!!: ليش يبه !!

 

مطر ..: والله كأني اشوف نصيبج في الميلس ..

 

دلال سيده يا على بالها رامي!!!!!!!!!!!!! معقوله معقوله بيتزوجني !!! .....

 

مطر ..: عادل يادلال يبي يشوفج .. واذا انشالله ارتاح لج وارتحتي له .. بييب هله ويخطبج ..

 

 

دلال اندقرت ..... عادل .........

 

دلال ...: عادل!

 

مطر ..: اي يبنيتي ..

 

دلال .. كافي اوهااام كافي اخدع نفسي واقط روحي على الريااال ....

 

مطر ..: شقلتي يبة؟

 

دلال طالعت ابوها وابتسمت ...

 

ام عبدالله ..........: ودي اييبب ..

 

مطر .. : لا تستعيلين يا أم عبدالله يمكن ما يعجبها وله شي ..

 

أم عبدالله ..: ألله يتمم على خير ..

 

مطر ..: انزين يبة روحي لبسي لج شي على راسج وعباتج عشان الريال يبي يشوفج ..

 

دلال قامت ..

 

راحت دارها .. قلبها معورها .. لكن الي مقويها فرحة امها وأبوها .. وان رامي .. مع غيرها بيكون مسانس واهي تحب سعادته حتى لو مع غيرها .......

 

البست وأطلعت ..

 

 

ام عبدلله ..: عروس يبنيتي عروس ..(تمسح دموعها ..)

 

دخل مطر وبنته على عادل الي قاعد ومتوووتر ...

 

عادل اول ما سمع صوت الباب .. قام وهو يطالع الارض ..

 

مطر ..: ارفع راسك عادل وشوف البنت ..

 

 

عادل رفع راسه ....................................................... سبحان من صورها على هل جمال !! ......

 

تبلعم ما عرف يتكلم ...

 

مطر ..: اقعد يولدي ..

 

عادل .. من الركبه !! ..: ها !!! !!

 

مطر ..: اقعد يبه ... لمته بتم واقف ..

 

عادل قعد وهو يطالعها ..........!!!

 

قعد مطر ومعاه بنته ..

 

مطر ...: ههههه اشفيك يولدي !! ورا شكلك هلون!!

 

عادل .. متوووووتر .. ماكان يحس بهل توتر لين يشوف ريم .. ولا اي وحده من الي شافهم ..

 

عادل ...: متوتر ..

 

مطر ..: ههه عادي يولدي كلنه مرييينه بهل تجربه ..

 

دلال اتطالعه .. شكله طيووب وحليو وخلووق ..

 

 

من حطت عينها في عينه عادل حس انه انشل ......

 

 

مطر ..: أنزين دلال يمة دخلي داخل ..

 

قامت دلال وأدخلت ..

 

عادل ..ماكان وده ترووح كان وجه يطالع هل جممالل الي ما ينمل منه ..

 

مطر ..: اظن ياولدي الي علينه سوينااه والراي لك وللعروس انشالله ..

 

عادل .....: ما راح أتأخر يا بو عبدالله كون واثق بس ابيك تعرف راي البنت ..

 

مطر ..: أنشالله بسألها وبرد عليك باجر بأذن الله ..

 

عادل ..: عيل انه اترخص ..

 

مطر ..: وين ما قعدت شي ..

 

عادل ..: اليايات اكثر انشالله ..

 

مطر ..: مايصير هلون انطر على الأقل اشرب لك قلاص جاي ..

 

عادل ..: أذا الله كتب يابوعبدالله انشالله بشرب معاك الجاااي طول العمر ..

 

مطر ابتسم له ..: انشالله ..

 

طلع عادل ..

 

ورامي سوالف ويا عبدالله وعبد العزيز ..

 

عادل راح لهم ..: يلا رامي مشينه ..

 

رامي ..: يلا عن اذنكم ياجماعه .. واشوفكم المره اليايه ..

 

عبدالله ..: ما كملت جايك ياريااال ..

 

رامي ..: ياخووي هذا ثالث اقلاص جاي اشربه جاي خالتي أم عبدالله شي عجيب صراحه ..

 

عبدالعزيز ..: عليك بالعافيه ..

 

 

 

طلع رامي وعادل ..

 

رامي ..: ها شرايك ؟؟

 

عادل ...: تبي الصج !!

 

رامي ..: عيل الجذب؟

 

عادل ..: انه بهل جمال ماشفت ولا عمري بشوف ..

 

رامي .. ابتسم .. امبله في في الي سكنت قلبي وروحي وعيني وبالي .. الي بهل دنيا مافي منها الا وحده ومن حظي اني ملاقيها ..: بالمبااارك عيل ..

 

عادل ..: اتهقى انه اعجبها !

 

رامي ..: مادري ياعادل متى بيردون عليك ؟؟

 

عادل ..: بو عبدالله قالي باجر ..

 

رامي ...: هاذه معناته انه موافق عليك .. بس باجي راي البنت وأنشالله اتوافق ..

 

عادل ..: ياااااااااااارب ..

 

رامي ...: ههههههههههههه اشوفك توولللعت فيها ..

 

عادل ..: اقولك ياريال انسحررررت اختلبت يوم شفتتها .

 

رامي ..:الله يجعلها من نصييبك انشالله ..

 

عادل ..: خلاص تدري ردني البيت بقول للأهل ..

 

رامي ..: صج من لقى احبابه نسى اصحابه ..

 

عادل ...: ههههههههه

 

رده البيت ..

 

رامي .. الحين وين اروووح .. اي انا وعدت ريم اني اسأل عن خطيبها ..

 

 

راح رامي الأماكن الي يتردد عليها هاني وسأل عنه ..

 

ورد متأخر شوي ..

 

ريم قاعده على اعصاابها ..

 

اول ما دخل البيت ..

 

ريم !!!! ..: وعليكم السلام ورحمة الله!!

 

رامي : هههههههههههههههه ما أمداني دشيت عشان اسلم ..

 

ريم ..: انزييين ادخل بالموضوع ..

 

رامي ... : لا أول شي بقولج خبر حلو..

 

ريم ..: قول بسرعه ..

 

رامي ..: تدرين عيل روحي سوي لي جاي اول ..

 

ريم ..: رامييييييي الله يخليييك تكلم لا تلعب بعصااابي ..

 

رامي ..: مب متحجي الا والجاي جدامي ..

 

ريم ..: اففف

 

راحت سوت له الجاي بسرعه بسرعه ويات ..

 

ريم ..: خذ يلا تكلم ..

 

رامي ..: اشكره جاي اعيله .. اذا موحلو بخليج اتردين اتسوين لي ..

 

ريم ..: اووووه رامي لا تسوي لي جذي قولي وبسويلك جاي وقهوه وكل الي تبي .

 

رامي ..: أممم .. انزين .. الخبر ان شكله شكله .. عادل بيتزوج دلال

 

ريم !!!!! ..:وشلي يابهم على بعض

 

رامي ..: أخوج اشتغل خطابه على آخر العمر ..

 

ريم ..: هههههههه من صجك

 

رامي ..: ههههههههه اي قلت له عنها ورحنا خليته يشوفها في نفس الوقت .. وعجبته .. وباجر بيردون عليه

 

ريم ..: ماشالله كلشي صار بسرعه ..

 

رامي ..: ايي شكلها نصيبة وألله اعلم ..

 

ريم ..: ألله يوفقهم .. انزين دش بالمووضوع الأساسي ..

 

رامي ...:أنه سألت عنه .. ولج كلام زين وكلم مو زينن ..

 

ريم ..: قول الموزين اول ..

 

رامي ..: يقولون انه مكلم وايد بنات من قبل بس الي سمعته انه ما تجاوز حدوده مع ولا وحده منهم ..

 

ريم .........: هيام قالت لي هلشي ..

 

رامي ..: وانتي شرايج ..

 

ريم ..: قالت لي انه الحين ما يكلم ...

 

رامي ..: معليه هم بسأل لج وباتأكد ..

 

ريم ..: انزين والزين !!

 

رامي .. :ينقال عنه وايد كريم وخلوق وله وقفات تبيض الويه مع وايد ناس ..

 

ريم ........

 

رامي ..: انتي نطري ولا تحكمين بهل سرعه للحين جدامنه اربع ايام .. بكون يايب لج سيرته الحياتيه كاامل .

 

ريم ..: الله لا يحرمني منك

 

رامي ..: افا عليج اذا انه ما خدمج منو يخدمج !! اختي الغالية انتي والله لو تطلبين عيوني ما بخلت عليج ..

 

ريم احضنته ..: احبببك

 

رامي ..: وأنه بعد احبج يااحلى اخت بهل كووون ..

 

ريم ...: انزين انه بقوم اسوي لك جاي ..

 

رامي ..: أمزح معاج من صجج انتي ..

 

ريم ..: اذا انه ما دلعك واسوي لك الي تبيه منو يسوي لك ..

 

رامي ..: فدييييييتها انا .. يعني تردينها ..

 

ريم .. ابتسمت له ..: اي

 

 

راحت ريم المطبخ ..

 

بو رامي طلع من داره ..

 

رامي قام باس راس ابوه ..: هلا يبة ..

 

بو رامي ..: ها يبة سألت عن الريال ..

 

رامي ..: اي يبة سألت عنه بس مو وايد ...

 

بو رامي ..: وشقالولك عنه ..

 

رامي ..: يعني في كلام شين وفي كلام زين ..

 

بو رامي ..: قول يبة ..

 

رامي ..: مادري قالو لي انه مكلم وايد بنات يعني امرقمهم وذي ..

 

بو رامي ..: عاد عسى تركهم ولا للحين على هل سوالف البطاليه !!

 

رامي .. : مادري يبة .. انه ما سألت وايد بسأل اكثر باجر انشالله .. وهم قالو لي عنه انه كريم وخلوق وله وقفات رياييل .. ويعني وايد كلام زين سمعت عنه ..

 

بو رامي ..: معليه احنه ما بنحكم سيده انت اسأل اكثر وخير انشالله ..

 

ام رامي ... أطلعت من دار عيالها ..: ورا العفسه هلون بداركم !!

 

رامي..: يمة انه بريئ هاذي ريمووه ..

 

ريم أطلعت من المطبخ ..: يمة لا اتصدقينه .. كل يوم الصبح يسوي لي عفسه بالدار عشان النكتاي كل ما اقوله حطهم على صوب ما يسمعني ويصير نفس الشي بالصبح ..

 

ام رامي ..: الله يهداك بس هاذي سوات !!

 

رامي ..: خلاص يمة باحطهم على صووب ..

 

بو رامي ..: انزيين رامي شصار على السياره ..

 

رامي ..: اي يبة رحت وسألت .. انه اشوف الهوندا سيفيك زينه انت شرايك !!

 

بو رامي ..: والله أنه مادري بالسيارات بس اذا زينه توكل على الله ..

 

رامي ..: شرايج فيها ريموه !!

 

ريم ...: أنه شعرفني راوني السياره واذا حلوة اووكي ..

 

رامي ..: اي لأني اذا خذيت باخذ لي ولج نفس السياره ..

 

ريم ..: انزين خلني آخذ اليسن انه بالأول ..

 

رامي ..: ادري مب مستعيل علييج .. بس اقوولج من الحين عشان باجر ما اتحندين لي على السياره ..

 

ريم ..: انزين ورا لازم مثل السياره ..

 

رامي ..: بس هلون حركه ..

 

ريم ..: اممممممم .. انت متى ناوي تشتريها !!

 

رامي ..: بأقرب وقت لأنه خبرج الأيكو صايره مادري شلون انه والهنود واحد ..

 

ريم ..: ههههههههههههههههههههه .. اتخيلك انت والفراش تركبون نفس السياره ..

 

رامي ..: مالت عليييج تضحكين مع ويهج

 

ريم ..: المهندس المحترم رامي فيصل .. لازم يركب مرسديس .. لكزس .. ليموزييييييين

 

رامي ..: اي هلووون

 

ريم ..: أنزين راوني السياره ..

 

رامي ..: عندي الكتلووج بالسياره لحظة بييبه ..

 

راح رامي يابة ويا ..

 

رامي عطاها ..

 

ريم ..: اي خوش سياره ..

 

رامي ..: ها يبة شرايك !

 

بو رامي ..: خذها وتوكل ..

 

رامي ..: والوالده ..

 

ام رامي ..: الي تشوفه يولدي .. أنه ما افهم بهل سوالف ..

 

 

 

 

 

ادري البارت قصير بس اذا تبوون بسرعه لازم يكون هل طووول لنه مايمدييني >> الاخت عندها عرس وطول اليوم بالسوووق

[جمـــا "معذبهم" لـــي]

مشكوووووووووره عالباارتين

 

روووووووووعه رووووووووووووووعه

 

وخااطري اسمع اكثر عن هيام ورامي

 

 

 

هههههههههههه ان شاء الله دوم الافراح عندج

 

 

 

 

تحيــاتي..

[أسيرة الورد]

خووووووش بااااااااارت

بس قصييييييييييييييير

على العموم ما قصرتي حبيبتي

اوووو

الفاااااااااااااااال لجججججججججج

[بنت الحداده]

مشكوووووووووره عالباارتين

 

روووووووووعه رووووووووووووووعه

 

وخااطري اسمع اكثر عن هيام ورامي

 

 

 

هههههههههههه ان شاء الله دوم الافراح عندج

 

 

 

 

تحيــاتي..

 

 

 

تسلمييين حبيبتي جمالي معذبهم وأنشالله مايصير خاطرج الا طييب .. وعندنا وعندج بأذن الله

خووووووش بااااااااارت

بس قصييييييييييييييير

على العموم ما قصرتي حبيبتي

اوووو

الفاااااااااااااااال لجججججججججج

 

 

 

تسلمييين عمري اسيرووو .. خخخخخ ولج انشالله

[بنت اللذين]

مشكووووووووووورة على الباارت الحلو

مسكينه هيوووم ليش ما خلتها سموور تضل سرحانه ههههههههه
واما رامي صج طمااااع ههههههه خله يصير صبور لازم يصير صبور
بس من حقه بعد لأن ما يكلمها الا في سنه حسنه
يلا ان شاءالله نحضر عرسهم و نشوف عيالهم

ههههههههه رييمو ضحكتني تلف و دور ههههههههه ولا بعد العيوووز متغوية
ثنينهم يحملون لبعض مشاعر
لازم بسرعه يسألونه عن هاني ولازم يوافقون علشان نحضر عرسهم و نشوف عيالهم ذلين بعد

مسكيييين عادل هههه انصدم بالشيخ مطر ههههه من حقه صرااحه لأن مطر تغير 180 درجه
بس ماعليه عما قريب بصير عمه
ماقدر عليه عادل ههههههه ما قدر ينزل راسه عنها ههههههه صار عدنا الحين ثنين يدد
لازم تحطين مواقف بينهم .... كل ما تزيدين ناس لازم تحطين مواقف ازيييد هههههه
و اكيييييييييييييد بوافقون على عادل وين يحصلونه احسن منه
و بتخضر عرسهم و بنشوف عليهم بعد هههههه خاطري في عرس كله منج
يلا عقبالج ان شاءالله بالبركة
مع ان البااارت قصيير بس مسموحه لأن عندج عرس بعد العرس نبي بارتاااات طويلة
مشكووووورة مرة ثانية

[بنت الحداده]

مشكووووووووووورة على الباارت الحلو

مسكينه هيوووم ليش ما خلتها سموور تضل سرحانه ههههههههه

واما رامي صج طمااااع ههههههه خله يصير صبور لازم يصير صبور

بس من حقه بعد لأن ما يكلمها الا في سنه حسنه

يلا ان شاءالله نحضر عرسهم و نشوف عيالهم

 

ههههههههه رييمو ضحكتني تلف و دور ههههههههه ولا بعد العيوووز متغوية

ثنينهم يحملون لبعض مشاعر

لازم بسرعه يسألونه عن هاني ولازم يوافقون علشان نحضر عرسهم و نشوف عيالهم ذلين بعد

 

مسكيييين عادل هههه انصدم بالشيخ مطر ههههه من حقه صرااحه لأن مطر تغير 180 درجه

بس ماعليه عما قريب بصير عمه

ماقدر عليه عادل ههههههه ما قدر ينزل راسه عنها ههههههه صار عدنا الحين ثنين يدد

لازم تحطين مواقف بينهم .... كل ما تزيدين ناس لازم تحطين مواقف ازيييد هههههه

و اكيييييييييييييد بوافقون على عادل وين يحصلونه احسن منه

و بتخضر عرسهم و بنشوف عليهم بعد هههههه خاطري في عرس كله منج

يلا عقبالج ان شاءالله بالبركة

مع ان البااارت قصيير بس مسموحه لأن عندج عرس بعد العرس نبي بارتاااات طويلة

مشكووووورة مرة ثانية

 

 

بنووووته فديتج وفديت ردج انه .. مشكووووره علييه ومشكوووره على المتاااابعه .. افا عليج تعالي احنه عندنه عرس جريب ..انشالله تامرون امر بس خله يتم العرس على خير واحطم على العروووس ساعتها لكم مني الحلاوة

 

[ولائية]

يسلمووووووووو على البارت

ننتظر الباقي

يعطيج العافية

[أسيرة الورد]

هههههههههههههههههههه

بنتووو اكيد محطمة ع العروووس

هههههه