فنكوش Posted فبراير 14, 2008 Report Share Posted فبراير 14, 2008 (edited) انزين انه عندي سؤال محيرني لكل الاعضاء .. يعني وايد اقره نبي انشوف النهاية ويلا كملي لنه القصه .. انه لمى كنت اقرى قصص طويلة هلون كنت اتضاااااايق لين اتكمل ودي كل يوم ايي واشوف بارت وطول ما أنه اقرأ القصه مابيها تكمل اختكم بنت الحداده انا ولله عن نفسي اختي اتمنى ما تنتهي القصة ,, اتمنى يعني تاخذين راحتج و تخلينها طويلة حتى لو كانت 300 حلقة انا ما انكر اني متشوق اعرف النهاية بس بعد بنفس الوقت بتضايق اذا كملتيها بسرعه ,, يعني خاطري تصير طويلة جنها مسلسل مدبلج هههههههه انا ما اتمنى تنهين القصة بسرعه و اخذي راحتج و معليج من اللي يقولون لج جذي و هذا تصفيق حاار مني لج Edited فبراير 14, 2008 by فنكوش Link to comment Share on other sites More sharing options...
بنت الحداده Posted فبراير 14, 2008 Author Report Share Posted فبراير 14, 2008 فنكوش .. ههه تسلم خوي فنكوش ان اكثر واحد ترفع من معنوياتي وأنشالله اتم على طول القصه عاجبتك وما تمل *.* Link to comment Share on other sites More sharing options...
سارقه القلوب Posted فبراير 14, 2008 Report Share Posted فبراير 14, 2008 ثنكيو على البارتات وننتظر التكمله Link to comment Share on other sites More sharing options...
~yooyoo pinkish~ Posted فبراير 15, 2008 Report Share Posted فبراير 15, 2008 ثنكــــس على الباااارت .. وننتظر الباارت الياااااي .. تحيااتي لج .. بباي Link to comment Share on other sites More sharing options...
راسرمانية نحيسة Posted فبراير 15, 2008 Report Share Posted فبراير 15, 2008 حدده فاان القصة نتضر البااارت Link to comment Share on other sites More sharing options...
شهلاء Posted فبراير 15, 2008 Report Share Posted فبراير 15, 2008 ننتظرج خيتوووووو وعلى راحتج اهم شي بعد دراستج ،، الله يوفقج ،،، تحياتي لج Link to comment Share on other sites More sharing options...
reeeeem Posted فبراير 15, 2008 Report Share Posted فبراير 15, 2008 تسلمييييين حبيبتي على القصة الرووووعة وننتظر البارت الياي Link to comment Share on other sites More sharing options...
xAvRilx Posted فبراير 15, 2008 Report Share Posted فبراير 15, 2008 ثااانكس ع القصة الحـلوووة اندمجت فيها وقريتها كامل من اول جزء ويـلا انا متابعة لقصتج الـروووعة وونتظر البارت الياي Link to comment Share on other sites More sharing options...
بنت اللذين Posted فبراير 16, 2008 Report Share Posted فبراير 16, 2008 يلااااا نبي باااااارت ماعليج مني اهم شي دراستج بس لا طولين علينا في البارت ننتظره على احر من الجمر الله يوفقج Link to comment Share on other sites More sharing options...
بنت الحداده Posted فبراير 16, 2008 Author Report Share Posted فبراير 16, 2008 سلمى ....: مروة انتي ما مداج تتركين ديفد الحين بتحبين واحد اعربي متزوج استحي عاد مروة ..: اشفيج أنه ما سويت شي وبعدين ديفد خلاص باي باي سلمى ...: انه ما يخصني فيج اذا صار شي .. مروة .. وهي اتطالع طارق وهو يبتسم ..: شبيصير يعني شوفي شلون يبتسم ... سمر .. اتطالع مروة بنظرة شيطانية .. ومروة ولا معبرتها .. سمر ..تهمس ..: اقول طارق طارق الي كان مندمج بالسوالف معا خاله سلمان ..: هلا سمر ..: انه بقوم شوي ابيك تقعد عند الوالده طارق : وين بتروحين ؟ سمر ..: اذا قعدت اكثر بتهاوش وياها خلني محترمه نفسي طارق ..: اي وحده فيهمم الي اتقصدينها سمر : ونت اشله تبي اتعرفها ها ها ها ها طارق ..: يعني عشان اتحاشاها سمر ..: لا تعرفها احسن طارق ..: انزين ولا اتزعلين كاني بروح اقعد معا عمتي .. سمر .. قامت واشرت لهيام اتيي .. هيام ..: انزين عن اذنك يبة بو طارق ..: وين رايحه ؟ هيام ..: سمور تبيني بو طارق ....: بس يبه ما يصير اتخلون الجماعه الحين بيمشون نطروا اشوي هيام ..: ما بتأخر يبة دقايق بس اشوفها اشتبي وايي .. بو طارق ..: انزين عجلو يبة ها مب اتأخرون لنه مو عدله راحت لها هيام وعطت شيخه نظرة ! شيخه !! .. : اشفيها! مريم ...؟؟:: منو؟ شيخه : هيوم! مريم ..: انه لاحظت انها متضايقة دانة ..: اي اهيه اشله ما تقعد معانه ..؟ شيخه .. تمت اتفكر هيام .. راحت عند سمر .. هيام ..: ها شصاير سمر ..: ما تحمل لازم اسوي لها شي ابرد حرتي .. هيام ..: شبتسوين يعني! سمر ..: وين القهوه؟ هيام ...: شبتسوين !!! سمر ..: انتي ييبي ولحقيني بالجاي خذت الدله وراحت تصب لهم .. ويوم وصلت لها مروة ..: لا شكرا ما اشرب قهوة عربية سمر .. .: لا لازم اتجربين دامج يتي البحرين القهوه البحرينية مافي مثلها مروة .. اتطالع سمر ونظرتها شيطاانية كأنها ناوية على شي! صبت لها القهوه وبالعمالة كتتها عليها وكانت ضووو حدها حاره جان تصرخ مروة .. والكل يلتفت .. وهيام تفقها ضحك !! .. مروة ..: اشسوويييتي سمر بنظرة برائة ..: سوووري بس كنت اطالع شي مو مالي! مروة طالعتها بستغراب! : شنهو! سمر ..: اقصد كنت مو منتبهه ام طارق ..: هيوم حبيبتي اخذيها دارج عطيها شي بدال هدومها الي تلعوزو مروة بعصبية ..: لا مابي الخال بو سلمان ..: سمعي الكلام يبة روحي غيري هدومج مروة طالعت ابوها وهي منقهره وكأنها حاسه ان سمر سوت جذي بالعمالة وقامت وراحت معا هيام .. هيام قبل لا تمشي معا مروة ابتسمت لسمر وكأنها متفقه معاها .. اصعدو فوق .. هيام ..: شتبين تلبسين مروة ..: اي جينز هيام .. بجذب واضح ..: عاد أنه ما عندي الا جلابيات تبين؟؟ مروة ..: والي انتي لابسته شنهو هيام . شت نسيت أني لابسه جينز .. لكن بدون ما تبين لها انها ارتبكت وبثقة.: ما عندي الا هاذي الجينز مروة ..: مابي جلابية شنو من وين ياية انتي جم عمرج هيام ..: اشفيهم الجلابيات مب عاجبينج! مروة ..: مال متخلفين هيام ..: لا تغلطين وأحترمي نفسج مروة ...: باجي بس اتلبسييني ثوب نشل هيام ..: اي عندي وايد الوان اوريج ؟ مروة .. بعصبية ...: لاا هيام ...: وأنتي الحين اشله امعصبة مروة ...:انتي قاعده تستفزيني هيام ..: شوفي قلبي انتي ياية من بلاد اجانب احنا متمسكين بعاداتنه وتقاليدنه ونفاخر بأصالتنه ولبسنه وما نعتبره تخلف مروة ... بستهزاء: ههه هذا الي فالحين فيه هيام ... بمسخره ..: ونتوا حبيبتي اشفيه فالحين! مروة ..: احنه التطور والحضارة والديموقراطية والتحرر هيام ..: هههههههههه ضحكتيني الديموقراطية حبيبتي اول من نطق فيها الاسلام اذا انتي مسلمه والأسلام الي يابة رسول الله محمد (ص)وهو اعربي والتطور ما صار ولا كان الا لنه احنه اساسه اذكرج ولا اتعرفين منو جابر بن حيان وغيره وغيره!! أما اذا بتحجين عن التحرر فخلوها لكم التحرر الي يخلي الحرام حلال أحنا ما نبيه مروة طالعتها بعصبية وأطلعت .. هيام .. ابتسمت بأنتصار .... سمر شافت مروة نازله بعصبية من فوق وما غيرت هدمومها شقت الحلج وركبت فوق بسرعه .. توها هيام بتنزل الا سمر في ويها .. سمر ..: نعم الاخت هيام :: ههههههههههه اعجبج نزلو سوى ام طارق ..: مروة حبيبتي اشله ما بدلتي هدومج؟؟ مروة ..: مالقيت شي يعجبني قعدت وهي مطنقره تحن على أمها تقول لها يلا نمشي قامت امها وراحت عند ريلها وقالت له انهم يبون يمشون وفاجأها انهم بيتمون في بيت بو طارق وهو الشي الي خلى مروة تسانس بدال ما تطنقر .. شوي وتبدل هدومها وتكون ويا الي ساحرها ببيت واحد!! الخال محمد استأذن وطلع وأم ناصر وعيالها بعد .. وتم الخال سلمان ... سمر .. تمس ..: بيتمون عندنه! هيام تضحك ..: ايه سمر ...........: لا تقوليييين هيام ..: والله سمر ....: أووووووف بو طارق ..: تفضل خوي سلمان بوريك الدور الي بتقعدون فيها انشالله قام الخال سلمان .. معاه دله على الدور مفروشه ومسنعه والبخور شغلة ام طارق لازم اتشبب المكان .. اهمه ثلاث دور دار للخال سلمان ومرته ودار لسلمى ودانة ودار الثالثة لمراد .. على حظ سمر أن دار سلمى ومروة جريبة من دارها اهي وطارق !! أم طارق ..: انزين يا خوي ارتاحو الحين وأنشالله نشوفك على العشه دخل الخال سلمان الدار مايا ..: ممكن اتفهمني لمتة بنقعد أهني! الخال سلمان ..: لين ما نلاقي لنه بيت او شقة بسعر مناسب مايا ..: شووف أنه ما آخذ راحتي الا ابيت بروحي اسبوع مو أكثر بقعد اهنيه الخال سلمان ..: انتي اشفيج! اقولج لين نلاقي يعني لأجل غير مسمى يعني يمكن نقعد شهر شهرين تفهمين ولا ما تفهمين ! مايا ..: لا حبيبي انه ما اقعد هني اكثر من اسبوع فاهم! الخال سلمان ..: والله مب عاجبج طلعي روحي نامي بالسكه مب رداج! طالعته بقهر ..: اقدر ادبر روحي عطني نصييبي من الفلوس الخال سلمان ..: شنهو!! نصيبج ! اي نصيب يبة!! مايا ...: البيت الي بعته الخال سلمان ...: وراج نسيتي ان البيت انه الي شاريه ومأثثه وأنتي ما حطيتي ولا فلس مايا ...: لا والله وطول هل سنين اصرف معاك مالي حق يعني الخال سلمان ...: اي مالج حق مايا ...: لا تخليني اصارخ واسمعهم شكثر انت بخيل الخال سلمان ...: تبين اتقاسميني بحلالي واتقولين بخيل .. انه ببتدي مشروع وبسكن بشقه عجبج حياج الله ما اعجبج بالطقاق دار حديث مطول ما خلى من التجريح والاهانات .. بالصاله الي فوق هاني ..: اقوم هيوم هيام ...: هلا هاني ..: مب عيب يعني احنه رياييل رايحين ياييين واهمه بنات اهني ما ياخذون راحتهم هيام ..: لا عادي يعني انت على بالك أهمه مفتكرين ! هاني ..: لا بس بعد مب عدله هيام ..: االله ياخوي صج تغيرت هاني أونه استحى .. هيام ..: ههههههههههههههه هاني ..: شعليه تضحكين هيام ..: عليك يعني مستحي ههههههههههههههه هاني ..: انزين ما علينه كلمتيها؟ هيام ..: اي كلمتها هاني ..: وشقالت لج ! هيام ..: بتفكر البنت هاني سكت وقعد يفكر .. هيام ..:اهي متقدم لها واحد من فريجهم هاني !!!!!!! : شنهو!! هيام ..: بس يعني للحين ما صار شي هاني ........: وو اهي موافقه ! هيام ..: اهي ماتدري شترد أخذت وقتها وللحين مو عارفة ترد هاني ...: يعني يوم قلتي لها قالت لج انه مرتبطه ؟ هيام ..: اهي قالت قبل لا اقول ان واحد متقدم لها هاني ..: وبعدين@ هيام ..: أهي مو مقتنعه فيه بترفضه هاني شق الحلج ..: صج!! هيام..: اي بس مب عشانك هاني..: مو مهم حقي المهم انها ما بتاخذ غيري .. هيام ..: ألله يهني سعيد بسعيده جاسم صعد فوق .. جاسم ..: انتو شتسوون فوق ومخليني تحت بروحي هيام ..: أمي وأبوي وطروق وسمور تحت شلون بروحك ! جاسم ..: اي سوالفهم اتملل هاني ..: ما يحتاي اتقول .. يا جاسم اضعف يا جاسم خف الكرش يا جاسم ترى مافي وحده تاخذك بعدين هيام : هههههههههههههههههههههه .. اي جسوم متنك محور حديث العائلة جاسم ..: والله كأن محد متين بهل دنيا غيري هيام ..: لا في وايد ناس بس عندنه بالعائلة انت امتن واحد في دار سلمىى ومروة مروة ..:بحياتي ما شفت واحد مملوح شراته سلمى..: مروة الريال متزوج مروة ...: انزين عادي اصيرgirl friend سلمى ..: انتي هي ترى احنه بدولة اعربية مروة ..: انزين شسوي يعني ارقص من فرحتي متخلفين انتي شفتي هاذي الي اسمها هيام!! اقولج ما عندها الا جينز واحد عايشة بزمن العشرينات سلمى ..: عيب علييج الناس كارمينه ومضيفينه وانتي اتقولين عن بنتهم هلون وبعدين احنه اصلنه من اهني! مروة ..: لا أنه على امي اصلي مو من اهني سلمى ..: انتي لمتى بتميت هلون مروة ...: للأبد وبتشوفيين اذا ما طيحته ما كون مرووة بنت مايا سلمى ..: كفي بلاج عن الناس استحي عاد مروة ..: ذلفي زين هاذي الي يبيه ابوج يحن برد برد لين ردينه خله يشووف النتايج سلمى ..:والله انتي جليلة حيا مروة ..: سكتي انتي ليش انج مب حلوة وايد اتقولين هل كلام محد كان معبرج سلمى! ..: أنه!! مروة ..: اييه انتي طول ما أحنه هناك ولا واحد قرب لج سلمى ..:صج انج ما تحشمين حد يعني ليش اني اسمع كلام الوالد والبس شي يسترني صرت شينه وكرييهه مروة ..: أنه ما يبت حجي من عندي جيكره شوفي روحج بالمنظرة .. سلمى حز بخاطرها هل حجي .. تلحفت وراحت تبجي .. في بيت الشيخ مطر ام عبدلله .. قاعده تعدل الصاله .. دخل الشيخ مطر البيت وهو متضايق ام عبدالله شافته جذي استغربت .. ام عبدالله ..: شفيك يابو عبدالله ؟ الشيخ مطر ....: نواف ولد عمار توفه بحادث أم عبدالله .. : الله يرحمه الشيخ مطر ..: راح بغمضت عين .. ما تهنى بشبابه أم عبدالله ..: يا بوعبدالله هل دنيا .. شي رخيص يروح بيوم بدقيقة بلحظة .. المهم عملك يا صاحب العمل باجر لا انحط الانسان تحت القبر الي كل انسان لازم ينحط فيه ما بيقولون والله مسكين ما تهنى بشبابه كلن على اعماله يحاسب الشيخ مطر ..: اييه أم عبدالله مثل ما قلتي الدنيا شي رخيص .. الله يلعن اليوم الي يفكر فيه ابن آدم انه يبيع آخرته عشان دنيته أم عبدالله ..: مطر واحد بمثل منطقك وأيمانك المفروض .. يكون أقوى ويشوف نفسه ويصلح اخطائه الشيخ مطر طالعها بعصبية ..: شتقصدين ! أم عبدالله .: يابو عبدالله تخاف من كلام الناس ما تخاف من الله !! الشيخ مطر عصب حده ! ..: انتي شتقولين انه ما خاف من ألله شله أنه شمسوي انه ذابحه ! ام عبدالله ..: لا مو ذابحه لكن بتزوجه غصب ويمكن تقط ريال مشلول السجن وتدخل الريال دوامة من الديون كل هذا عشان كلام الناس تشوف ان هلشي يسوى ! توك اتكلم عن العمل يابوعبدالله معقول اتناقض نفسك لهل درجة الشيخ مطر ..: أنه اخبر بالي اسوية لا تخليني اندم ليش اني اقولج أم عبدالله !! ..: تبي تخش عني يا مطر !! بعد هل عشره وهل سنين ووقفتي معاك تبي تبعدني الشيخ مطر ..: سمعيني يا أم عبدالله انه عزج وما ارضه عليج بس انه كلامي مسمار بلوح وما اقول شي الا وأنه مفكر الف مره فيه أم عبدالله .. : بس يا مطر هاذي حرام صدقني الشيخ مطر ..: أم عبدالله لو سمحتي غيري الموضوع لا تخليني افقد اعصابي ام عبدالله ..: انه قلت رأيي وبريت ذمتي جدام رب العالمين ونصحتك دلال بالدار وتسمع كل الكلام .. أنا العبئ دائماً .. وسبب الاضطراب بدون أن اقصد .. كان وجودي ثقيلاً .. عاجزة تمام العجز عن حلِ ما اعقد .. مسلوبة الرأي والارادة .. حبيسة هذه الدار .. ملت جدرانها من الإستماع لبكائي وهمي .. أحِبُه .. ولا أدرك كم هذا عليه قاسٍ .. أرمقة عند الخروج .. فيهيج أحساسي .. يُطرِبُني صوته .. وأعشق الإصغاء اليه .. ابي سامحني .. قعدت وهي متضايقة .. مر شهر على حبستها والملل ذابحها .. كل يوم تاكل تطالع التلفزيون وترقد وبس .. حياتها صارت مملة بشكل هستيري .. حتى عبدالعزيز ما صار يقعد معاها وايد مثل اول صار كله يهيت ... بموت من الملل شهل حياة لاعت جبدي من قعدت البيت ودي اشوف السكه ودي اطلع اشوف الناس ..مو معقوله بتم محبوسه اهنيه ثلاث اشهر التلفون مراقب ومحبوسه بالدار ولا رحت أطالع التلفزيون وأبوي هناك بس حاط لي على المحاظرات اربعه وعشرين ساعة .. وهي قاعده اتحنده في قلبها اسمعت صوت التلفون يرن راحت تركض تشيلة .. دلال ..: ألو .......: السلام عليكم .. دلال !! ..: منو وياي !! ......: أنه الي قلبي مجروح أنا الي من الاحباب ما لاقيت غير الشقى دلال !!؟؟؟ ..: النمره غلط ........: ههه أنا دري ان النمره غلط لكن قلت اتصل وأجرب حظي وماشالله حظي اليوم شي مو طبيعي صوت يحرك الاحساس دلال !!! ..: مع السلامة .......: أفا ! بتسكرين !! لحظة هاذي تلفون بيت عطيني مبايلج عشان اتصل عليه دلال ....: ما عندي ......: يه !! بنت بهل صووت وما عندها ! اخاف ما تبين تعطيني دلال ....: قلت لك ما عندي .. وبعدين انه احب واحد .......: هااااا قولي جذي من الصبح يبة .. بس انه بصرف عليج وبييب لج هدايه والي في خاطرج وما ابي منج غير انج اتكلميني دلال ...: لا مابي ......: لحظة اهو شييب لج وشرط انه اييب لج شي احسن وأحلى دلال ...: قلت لك مابي ......: باين عليج طماعه دلال !! ..: مع السلامة .......: لحظة دلال ...:؟؟ ........: اخذي رقمي واذا ييت على بالج أمانه اتصلي .. ****** دلال .. سكرت التلفون .. لكنها سجلت الرقم عندها .. عبد العزيز دش البيت اخترعت !!.. حاسه انها مسوية شي غلط عبد العزيز !! ..: اشفيج!! دلال بتوتر ..: هاه !! لا ما في شي عبد العزيز ..: اكيد!! دلال ...: ايه .. يلا انه بروح الدار عبد العزيز ..: دلال دلال لفة له .. عبد العزيز ..: تكلمي اشفيج دلال ..: قلت لك مافيني شي عبد العزيز يوم دش كانت ميودة السماعه .. : من كنتي اتكلمين دلال !! ..: أنه ما كلمت حد! عبدالعزيز !..: تجذبين!! دلال ...: قلت لك ما كلمت احد اشفيك عبد العزيز ..: دلال تعالي وياي الدار لا تخلين ابوج يسمع .. دخلت الدار وهي متوتره كتبت الرقم بأيدها وصاكه ايدها عشان لا يشوف عبد العزيز ..: من كنتي اتكلمين .. دلال ...:ما كلمت حد عبد العزيز ..: عيل اشكنتي اتسوين عند التلفون دلال ....:بس هلون مريت عليه يعني ما يصير اوقف عنده ! عبد العزيز ..: دلال لا تخليني افقد ثقتي فيج وأصير ضدج مهو بمعاج دلال ....: التلفون رن .. وشلته .. عبد العزيز ..: وبعدين ! دلال ...: كان واحد .. عبد العزيز ..: وشقالج!! دلال ...: قالي انه يبي يكلمني ! عبد العزيز!!!! ..: جلت حيا وانتي شرديتي عليه دلال ..: قلت له انه احب عبد العزيز ..: انتي اشفيج خبله !! خداااي!!! اشله اتقولين له انج تحبين بيفكر انج بنت سهله وتكلمين عادي دلال !! ..: ها ؟؟ عبدالعزيز ..: اففف كملي كملي .. دلال ..: عطاني الرقم .. عبد العزيز ..: ايه المهم انج ما خذتيه .. دلال ..: .... خنت راسها والخوف مبين عليها عبد العزيز يطالعها بستغراب ..: خذتيه !! دلال ..: ها ؟؟ عبد العزيز ..: اقولج خذتي الرقم !! دلال ..: كتبته بأيديني عبد العزيز عصب ..: أنتي خلاص مافي بهل راس عقل يعني !! مب اكفاية سالفة رامي بعد بتسوين سالفة ثانية ومو حرام عليج الوالد يربينه تربية سنعه وأنتي كل يوم بسالفة تبين تملين فراغج فيه !! مسحي الرقم جدامي اشوف راحت الحمام ومستحته وما تكلمت .. كل يوم عن يوم تثبت للكل انها ساذجه .. في بيت بو ناصر .. ردو البيت ناصر متضايق كل عادة قاعد بالصاله ولا هو بالدنيا .. وين ما طقها عوية الكل طالعني كأني قايل لها احبج ولا كلام غزل! .. ندى .. اليووم كان مشؤم بالنسبة لها انفضحت والكل درى والسبه اختها اللوسه حنانو الي لسانها متبري منها .. قاعده معا خوها بالصاله وكل واحد سرحان بهمه .. يات شيخه شفاتهم هلون كل واحد حاط ايده على خده وسرحان اضحكت .. ندى! ..: شعليه تضحكين ؟؟ شيخه ..: عليكم ههههههههههههه ناصر ..: اشفينه ! شيخه ..: قاعدين حذى بعض ومسوي نفس الحركه وسرحانين ناصر ..: ماعندج سالفةة شيخه ..: الا عندي ندى ..: الا اليوم طقيتيها رباعه ويا مريم! شيخه ..: اي ماري اليوم حسيتها بنت طيبة وفن ندى ..: اشرايج بسلمى بنت خالي سلمان ؟ شيخه ..: اي طيوبة ومبين عليها محترمه حتى شفتي لبسها! يعني محتشمه مب هذيج مروة الي شايفة روحها ماري على شنهو .. ندى ...: أنه لاحظت أنها اتطالع طارق طول الوقت شيخه ..: اي جليلة حيا ناصر ..: ونتوا بس تعقرون @ شيخه ..: العقره بدم البنات .. ناصر ..: فاضيين .. شيخه .. : لا مب فاضيين .. ناصر ما قلت لي شرايك بالقعده اليوم ناصر ..: عادية شيخه ..: اشدعوة عادية صار لنه اسنين ما تيمعنه ناصر ..: يعني ما حسيت ان في شي حلو شيخه .. : انزين ما حاجيت هذا ولد خالي مراد ناصر .. : اي كلمته شيخه ..: ها شقلتوو ناصر ..: ولاشي كلام رسمي شيخه ..: مبين عليه محترم وبس مروة الصايعه Link to comment Share on other sites More sharing options...
Recommended Posts