m!s$ V!p Posted فبراير 13, 2008 Report Share Posted فبراير 13, 2008 لمتىىىىىىىى ؟ يعني لازم اخر بارت تذلينه عليه ق22 ؟ Quote Link to comment Share on other sites More sharing options...
بطة المنامة Posted فبراير 13, 2008 Report Share Posted فبراير 13, 2008 الصراااحة لاعت جبدي!!! ماصااار باارت Quote Link to comment Share on other sites More sharing options...
همس الزهور Posted فبراير 13, 2008 Report Share Posted فبراير 13, 2008 يسلموووووووووو اختي ع هالقصه الروعه قريتهااا اليوم كلهاا من اول بارت لما قبل الاخير واحنا بانتظار الحلقه الاخيره Quote Link to comment Share on other sites More sharing options...
كيكو النشيط Posted فبراير 14, 2008 Report Share Posted فبراير 14, 2008 انا ناطر البارت يرجعلي اليارت انا ناطر هههههههههههههههههههه Quote Link to comment Share on other sites More sharing options...
همس الزهور Posted فبراير 14, 2008 Report Share Posted فبراير 14, 2008 يلا تعال يابارت لاتخليني يابارت لاتبعد عني يابارت >> تكمل ويا كيكو يلااااااااا ماعرف جذي انطر Quote Link to comment Share on other sites More sharing options...
bnt elbahrain Posted فبراير 14, 2008 Report Share Posted فبراير 14, 2008 احــم أني وصلت .. مســاكم ورد يا أحلـى أعضاء شخباركم .. نتتظرون البارت ؟! . . الدرة اليتيمه >>> بل تبين محمد يمووت الله لا يقوله bent cool >>> أني بعد كسرت خاطري .. h_lo0ove >>> حياج الله يالغاليه أحبك يالغلا وأهواك >>> صح حرام إلي يصير danat aldonya >>>اممم ,, ان شاء الله مايفرق بين لحباب AnG3L >>> ان شاء الله بعد النهايه حلووه m!s$ V!p >>> مشكووره عـ المرور وان شاء الله مايصير الجزء الأخير كيكو النشيط >>> الله يسلمك أخوي .. يسعدني مرورك maiooo >>> ههههههه صح تناسب لغنيه بظة المنامة >>> يعني تبين النهايه ريم وعلي !! almajed >>> الله يرجع كل حبيب لحبيبه almajed >>> مشكووره على مرورج وقرأتج لقصتي قطيفي كووول >>> حياك الله أخوي وتسعدني متابعتك لقصتي غصون المحبة >>> الله يسلمك ولائية >>> ما ادري انتي وش تتوقعين !! بدون اسم احسن >>> ههههه هذي بعد تناسب لغنيه (( تناسب علي او محمد )) . . حبـايبي اليوم للأسـف مافي بااااااااارت أخاف أنزل البارت وتنصدموون يلا ان شاء الله باجر البارت يعجبكم إنتظروني ما شاء الله عليج كتبتي اسامي كل اللي ردو عليج ،، الا انا Quote Link to comment Share on other sites More sharing options...
بطة المنامة Posted فبراير 14, 2008 Report Share Posted فبراير 14, 2008 ههههههههههههه والله انا نااطر ضحكتووني هههههههههه!!!! احلم يا فقير ههههههههه وين البااارت Quote Link to comment Share on other sites More sharing options...
فـ قلبي ـي Posted فبراير 14, 2008 Author Report Share Posted فبراير 14, 2008 بااااااااال وش فيكم .. صلوا على النبي .. ماتسألون عني يمكن فيني شي تسألون عن البارت !! المهم مشكوورين .. بس قطع النت أمس وش أسوي يعني ؟؟ . . m!s$ V!p >>> أذلكم ليش !! bnt elbahrain >>> رديت على الكل .. بس بالغلط صار almajed مرتين مسااااامحه ,, وأني ما انتبهت اني كررت الأسم ومشكووره على متابعتج لقصتي ولا تزعلين مسامحه مره ثانيه . . . المهمـ يلا البارت الأخير اللحين بنزله ومساامحه لأني تأخرت بس مو مني الجزء العاشر والأخير علي وصل ببتهم وراح ينام .. محمد رقدوه في المستشفى لأنه كانت الضغط حد حده نازل .. شوي ويصيده شي ريم مانامت وقاعده وكل شوي تذكر علي وتصيح .. أم ريم طقت على ريم الباب بس ريم ماتفتحه الساعة 4 ونص الفجر ريم قامت تسبحت وقعدت تقرأ قرآن .. كانت تقرأ ودموعها على خدها تطلب من الله يهدي علي ويسامحها ومايفرق بينهم .. كانت تصيح وتطلب من الله الرحمه والمساعده .. بعدها أذن الأذان صلت .. بعد ماصلت هدت شوي وراحت نامت علي قعد من الصبح وأول ماقعد ناده ريم بس تذكر إنها محد .. علي قعد يطالع في حجرته وهو حزين يتذكر ريم كل يوم الصبح تقعده .. واذا ماكانت معاه تتصل له أو هو يتصل لها .. علي تنهد وقام فتحت عيونها على صوت تلفونها كان يصيح .. قعدت مره وحده مستانسه عبالها علي متصل شافت الرقم كانت حوراء وردت عليها ريم بحزن : هلا حوراء حوراء : هلا شخبارج ريم .. وين انتين ريم : الحمدلله مااشي الحال في بيتنا وين بروح يعني حوراء : انزين اللحين باجي اووك ريم : اووكي حياج يلا حوراء كانت تبي تروح إلى ريم عشان تشوف مشكلتها وتحاول تساعدها .. حوراء وصلت وريم من شافت حوراء حضنتها وقعدت تصيح وتقول لها علي بطلقني خلاص حوراء حاولة تهديها وتسكتها .. ريم سكتت شوي حوراء : لكن قلت لج ماسمعتين كلامي .. انزين اللحين عطيني رقم علي ريم : مايحتاج تتصلين له خلاص بس حوراء : ويش بس عطيني الرقم ريم : أدري إنه بس مايبيني علي مايحتاج تعبين روحج حوراء أخذت تلفون ريم وطلعت الرقم وكتبته في تلفونها .. حوراء : يلا مع السلامة ريم : وين بتروحين حوراء : مشغوله بروح بيتنا اووكي مع السلامه حوراء وصلت بيتهم وأتصلت إلى علي .. علي شاف رقم غريب ورد علي : ألــو حوراء : ألــو السلام عليكم علي : وعليكم السلام من ؟ حوراء : امممم ,, ما عرفتني أني ريم علي : قصي على واحد غيري .. نعم أختي بغيتين شي حوراء : أني حوراء بنت خال ريم علي يعرف حوراء : أيـــه هلا حوراء .. شخبارج حوراء : الحمدلله اسأل عنك .. أنت شخبارك علي : الحمدلله حوراء : أقــول علي .. ريم قالت ليي كل السالفة وأدري هي الغلطانه وياريت تسامحها علي : اووه قالت لج بعد السالفة .. وسوالف الأخ محمد حوراء : علي ويش فيك بس لبنيه غلطت ليش ما تسامحها .. حرام ثنينكم تحبون بعض وتفترقون علي : أي نحب بعض بس مو لازم نعيش ويه بعض .. ننفصل أحسن حوراء : متأكد من الكلام إلي تقوله تنفصلوون علي كان يقول كلام مو من قلبه بس لازم يقوله : ايه الله يوفقها أنا بعد جم يوم بطلقها وبس حوراء : لاااااااااااء علي لا تسوي شي فكر شوي عاد .. حرام .. اللحين انت تقدر تعيش بدون ريم علي سمع ريم وتذكرها وزاد حزنه : أي عادي أتحمل حوراء : علي متأكد ترى هذي ريم مو وحده غيرها .. بتتحمل تفارقها علي يبي يتهرب من كلام حوراء : ايه بس حوراء ما اقدر وكل شي أنتهى مع السلامة حوراء : لحظـه علي .. بس بقولك ترى ريم اليوم رحت ليها كانت تعبانه وتصيح والله حرام .. وأتمنى تفكر في الموضوع مره ثانيه وترى إلي يحب يسامح علي : انا بعد تعبان أزيد منها .. وبس أنا فكرت وقررت حوراء : اووكي براحتكم يلا عيل مع السلامة ومساامحه على الإتصال واذا فكرت مره ثانيه هذا رقمي أتصل ليي علي : الله يسلمج وطلبتج حوراء .. تحملي بريــم واااااجد ولا تخلينها بروحها لا تخلينها تصيح .. وبند التلفون حوراء بتتكلم الا علي بند .. اللحين هي ما تدري وش تسوي خايفه تخبر ريم برد علي .. وقالت بتسكت ومابتقول لها ثالثة أيام .. كل واحد ما يدري عن الثاني .. علي كان يطلع شوي كل ليلة ومايرجع الا متأخر وينام ريم تقعد مع بيتهم شوي وبعدها تروح حجرتها .. وحوراء في هالثلاثة الأيام كانت تزورها علي كانت أمه تسأله عن ريم يرد عليها : مافيها شي بس ماتبي تجي البيت وريم يسألونها بيتهم عن علي ترد عليهم : ما ادري عنه شكله مشغول شوي .. أم علي أبو علي خبرها إنه وصل ريم وكانت تصيح .. بس ماحبت تقول إلى ولدها او تسأله حوراء دخلت شافت ريم تصيح .. ماقدرت تسوي شي بس قعدت تصيح وياها ريم تعبانه وتقول تبي علي .. وحوراء تهديها وهي تصيح .. اتصلت أخت حوراء تبيها ضروري حوراء بعد ما تطمنت على ريم راحت بيتهم .. ريم خبرت أختها إن ريم وعلي زعلانين ويمكن ينفصلون وطلبت منها تساعدهم اذا تقدر .. فكرت وقالت لها تتصل إلي علي بس حوراء ردت عليها أتصلت .. مره ثانيه فكرت وقالت لها تتصل إلى إيمان أكيد بتساعدهم حوراء : ألــو السلام عليكم إيمان : هــــــلا وعليكم السلام ياهلا الا متصله حوراء اخيرا فكرتين تتصلين تسلمين حوراء : ويش أسوي بعد مشغوله .. أقول إيمان وين أنتين إيمان : في وينه بعد في بيتنا حوراء : أي بيت .. بيت أبوج إيمان : لالا في بيتنا حوراء : اهاا انزين حوراء يصير تجين ليي بيتنا إيمان : ليش ويش صاير حوراء : أنتي تعالي وباقولج ويش صاير إيمان : بشوف حسن اذا يقدر يجيبني .. متى تبين أجي أني اللحين بروح بيت أبويي حوراء : اللحــــين اذا تقدرين إيمان : اووكي بشوفه يلا باي شوي وإيمان وصلت بيت حوراء .. حوراء طبعا قالت لها السالفة كلها واذا تقدر تساعدهم إيمان : بااااااااال كل هالسوالف وأني ما ادري حوراء : ايه واللحين أني خايفه على ريم ما اقدر أشوفها جذي وأسكت تعور قلبي كله تصيح إيمان : لحظــه شوي .. وأخذت تلفونها وأتصلت إيمان : ألــو علي : هــلا إيمان .. شخبارج إيمان : الحمدلله أني زينه بس أنت إلي شخبارك علي : الحمدلله إيمان : أقــول علي لا تطلع من البيت باجي أني وأبيك ضروري في سالفة علي : أووكي لا تتأخرين إيمان : وصل حسن يــلا حوراء مثل ما أتفقنا اووكي اني اللحين بروح بيت أبويي مع السلامه حوراء طلعت مع إيمان وراحت إلى ريم .. وإيمان راحت بيت أبوها حوراء وهي تطق الباب : يلا ريـــم ما صارت تتسبحين من متى يلا عااد طلعي لا برجع بيتنا ريم فتحت الباب : بل بل مزعجه هاا كملت وش تبين حوراء : ســلامتج ما أبي شي بس بقولج الليلة بنطلع اووكي ريم : وين نطلع .. وأني ما ابي أطلع حوراء : بروح يم يم تري ريم : لا ماباروح وش يوديني وأني مضايقه وما أبي أطلع مكان حوراء : لااااااااء ريووم حرام عاد خلنا نطلع عااااد ريووم ريم : لا مابطلع حوراء تدرين عني مايحتاج أقول حوراء : أدري .. بس لازم لازم نطلع مايهمني الليلة إلا نطلع تدرين واذا مابتتطلعين ويايي بس لا تكلميني ومع السلامه ريم : لحظــه لحظــه .. اووكي بس خلاص باجي .. الساعة جم بتروحين حوراء : امممم ما ادري بشوف أبويي أو واحد من أخواني يودينا والساعة 8 ونص بروح ريم : أووكي وما نتأخر حدنا نص ساعه حوراء وهي تبوس ريم : اوووووووووكي المهم نرووح يلا مع السلامة بروح بيتنا إيمان وصلت بيت أبوها وشافت علي قاعد في الصالة بروحه .. إيمان : السلام عليكم .. الا قاعد بروحك وين ريم علي : عليكم السلام ريم مو هني في بيتهم إيمان : خساره اني جايه عشانها انزين قوم روح جيبها علي يطالع إيمان : مابارووح إيمان قعدت صوبه : أقول علي ويش صاير بينك وبين ريم علي : ولا شي ويش صاير يعني إيمان : اووكي لا تقول بس أني ترى أدري بكل شي .. المهم كيفك بس علي لا تنسى هذي ريم إلي تمنيتها وحبيتها علي (( وأنا أقدر أنسى )) : انزين مابنسى إيمان : أقول علي ويش رايك الليلة نطلع علي : وين نروح إيمان : يم يم تري أني أبي ارووح خاطري في باستتهم وش رايك توديني عاااااااد عاااد علاوي علي : اووكي بوديج .. بس يم يم تري ولا تملليني ترى حدي مضايق إيمان : اووووكي فديتك أخويي بس لحظه بجي بتصل إلى حسن إيمان راحت الصالة الثانيه .. وأتصلت إلى حوراء وخبرتها ريم وافقت والساعة 8 ونص بروحون وإيمان خبرتها بعد ان علي وافق يوديها وأتفقوا يتلاقون هناك الساعة 8 حوراء كانت مع ريم في بيتهم حوراء : يلا عاااااااااد ريم بسرعه له ريم : انزين صبري شوي من 8 نروح حوراء : لا بس قومي نروح بيتنا أبويي بودينا يلا وقاموا راحوا .. إيمان كانت تتصل إلي علي بس ما يرد وآخر مره رد عليها إيمان : أخيــــــرا رديت .. علي : ويش فيج إيمان : يلا تعال بسرعه شكلك نسيت أبي ارووح يم يم تري علي : انزين توها 8 ربع ساعة وبجي لج يلا الساعة 8 ونص حوراء وريم وصلوا يم يم تري .. ريم : وش فيج وش تدورين حوراء وهي تبتسم : ولا شي بس جذي أشوف الناس .. و راحوا قعدوا علي وصل متأخر وإيمان معصبه تقوله تأخر وبتخلص الباستا عنها إيمان : اووف اخيرا وصلنا يلا قوم علي : يلا ومن اللحين أقولج لا تأخريني إيمان (( انت اللحين قوم )) : اوكي يلا ونزلوا .. دخلوا وإيمان كانت تدورهم بس ما كانت تشوفهم .. قعدت هي وعلي في طاولة .. وبعد ماقعدت حوراء شافت إيمان وأشرت لها من غير ماتنتبه ريم إيمان : أقول علي شوف مناااك ربعي البنات إلي قاعدين علي : حلفي عاد ويش أشوف فيهم ماتستحين اطالع بنات إيمان : عاد شوفهم .. أنت بس دور شوي وطالعهم بس شوي علي : انزين وينهم باشوف هالربع .. ودار كانت ريم دايره تنادي بتطلب .. وعلي توه يطالع ريم سكتت تطالع .. وعلي سكت شاف ريم .. كل واحد يطالع الثاني من بعيــد ساكتين حوراء : ريم ريم .. هلوو الا ساكته ريم : حوراء شوفي علي هناااااك وياه إيمان إيمان : علي شفتهم علي وهو قايم : ايه إيمان : وين رايح أقعد علي : ما اقدر بــاروح إلى ريم .. وهو رايح إيمان قامت وراه علي تقرب من الطاولة إلى كانت فيها ريم وحوراء علي : السلام عليكم .. ريم من سمعت صوت علي رفعت راسها تطالع علي سكت ويطالع في عيون ريم .. وريم تطالعه وهي ساكته علي : آآه وحشتني هالعيــون .. ريم نزلت راسها إيمان : أقول حوراء قومي نروح نقعد بروحنا ونخليهم بروحهم حوراء وهي قايمه : يلا علي قعد ساكت ويطالع ريم ريم : شخباارك علي علي : شخباري .. أنا صرت بخير لما شفتج اللحين .. وهو يبتسم ريم : علي سامحتني علي : اصلا أنا مو زعلان منج .. ازعل من الدنيا الا انتين .. وقلبي يحبج مايزعل عليج ريم أحبج ريم : وأني بعد احبك .. وآسفه على علي قاطعها : بس ريــــم أنا نسيت السالفة ولا تذكرينا بها .. ريم ابتسمت علي : أقول ريم يلا قومي نروح ريم : يلا علي وريم قاموا بييطلعون إيمان : هـــــــــي حوراء لحقي قاموا بروحون عنا قوووومي قومي وقاموا حوراء وإيمان إيمان : صدق ماتستحون نجي وياكم بتخلونا وبتمشون حوراء تطالع ريم : وأنتين وين رايحه مو جايه ويايي ترجعين ويايي يلا علي : ويش ترجع وياج بعد لو اللحين ويش يصير ما أخليها وياج .. ريم ويايي ومستحيل أخليها بعد اليوم حوراء وإيمان كانوا متفقين بعد مايراضونهم بقعدون ثنتينهم وبعدها بروحون .. قعدوا يضحكون إيمان : هههههههه بل بل الله يساعدك يلا انزين روحوا الله وياكم احنا بنقعد وبعدها بنتصل يجون لينا بس عاد عندنا طلب ريم : ويش الطلب إيمان : عاد قولوا شكرا جزاكم الله خير شي .. اني وحوراء رجعناكم لبعض وصالحنا بينكم ولافي شكر علي : أيــــه مشكورين سويتون ليي خدمه مستحيل أنساها في حياتي حوراء وإيمان : حاضرين .. بس عندنا بعد شرط ريم : ويش بعد إيمان : يلا أدفعوا لينا لحساب علي : افاا عليكم بس جذي اووكي علي دفع لهم وطلع هو وريم ريم كانت ساكته وعلي يطالعها علي : عمري ريم ويش فيج سااكته ريم : مافيني شي بس جذي علي : وحشني صوتج.. ريم وحشتني ضحكتج .. ابتسامتج .. عيونج .. كل شي كل شي تدرين ما أقدر أعيش بدونج والله ما أقد الله لا يحرمني منج ريم : وأني بعد علي : مافي واحد يحب مثلي .. حبي لج كبـــــــير كبير محد يقدر يوصفه .. ريم انتي في قلبي ريم : وأنت بعد الوحيد في قلبي وإلي ما احب غيرك علي : أقول ريم احنا لازم نعرس ريم تطالع علي : ويش علي : والله ما اقدر اقعد كل يوم وما أشوفج باااااااموت ما اقدر انتين ماتدرين هالثلاثة الأيام ويش صادني ما اقدر ما اشوفج كل يوم الصبح .. أبيج كل الوقت ويايي .. ما أفارقج ولا تفارقيني .. ريم : بس مو من اللحين زواج علي : لا من اللحين مايهمني أنا قلت لج من اللحين كل شي جاهز والطابق الثالث كله جاهز بس ينتظرج .. والله ما اقدر بدونج ريم : انزيــن بفكر ألــــــــف الصلاة والســـلام عليكم يا حبيب الله محمد .. ألــــــــف الصلاة والســـلام عليكم يا حبيب الله محمد .. ألــــــــف الصلاة والســـلام عليكم يا حبيب الله محمد .. دخلــوا ريم وعلي ومن بينهم بنات صغار حاملين شموع .. وفي الوسط بنت صغيره حامله قرآن ريم كانت تمشي بخطوات صغيره .. كانت مــــلاك .. فستانها أبيض طويل .. وإيدها في إيد علي علي كان لابس ثــوب عجيبه عليه .. ريم كانت تمشي وهي تبتسم وفي قلبها تحمد الله وتشكره .. لأنه عطاها واحد مافي مثله واحد يحبها ويغليها .. كانت تطالع في علي وهو مستانس .. وصلوا المسرح .. وعلي شال الطرحه وباس راسها.. ريم غمضت عيونها لمحه تحمدالله على السعاده إلي هم فيها وتدعي تدوم بينهم .. أم علي مستانسه وفرحانه حضنت ولدها الوحيد وإلي الليلة عرسه .. وأم ريم فرحانه بعرس بنتها الوحيده .. والكل يبارك لهم .. إيمان من بعيد تشوف ريم وعلي وهي تتمنى لهم السعاده .. سعادة أخوها الغالي والوحيد وسعادة صديقتها الغاليه .. سعادة ناس غالين عندها تدعي الله يخليهم لبعض ومايفرقهم أبد .. ويبقى الحب يجمعهم والسعادة تملي حياتهم .. عــــــــلــي : إنسان مافي مثله .. يحب بإخلاص وحبه يملي الكون بحجمه .. وقلبه إلي يحب .. سامح و بقلبه الكبير وطيبته وحبه إلى ريم بعيشها في حياة كلها سعادة وحب .. ريــــــــــم : بطيبة قلبها وحبها إلى علي بتعيش الحياة سعادة بوجود علي وحبه لها وبتعيش وياه أحلى حياة وحب ويمكن غلطت لكن عمرها مابتعيد الغلط وبتنسى الماضي وبتعيش السعادة .. مـحمـد : إنسان طيب حب لكن للأسف بالغلط .. حب إنسانه ملك غيره .. عاش حب الوهم بس عمر الواحد مايقدر يملك شعوره ويمنع قلبه من الحب ومع الأيـام بينسى حب ريم وبكون ذكرى في قلبهـ ويبقى حـــــ علي وريم ـــــب رمز الحب والسعادة .. كـــــل شــــي يــنــقـص الـه السـعــادة اذا قسـمــناهــا عـلى اثـنيـن فـأنــها تـــزيـــد .. (( الله يــــــدوم الحـــب بيــنهمـ عليـ و ريـمـ )) الــنهـــــــــاية .. بس مو نهـاية حـــــ علي وريم ـــــب ومع تمنايتي للجمــيع بالحــب والسعــاده .. والله يجمع وما يفرق بين كل حبيبين وحـبيـت أشكـر كلـ من تـابع قصتي الأولى (( إحتار قلبـي من يحـب ؟! )) شكر لجميـع الأعضاء إلي تابعوا القصـة وأتمنى عجبـتكمـ وعشـتون مع شخصياتها الفرح والحزن وحبيتونهم .. وشكر إلى كل من شجعني على الكتـابة وكل من تـابعني .. وأتمنـى أشوف ردود تفرحنـي .. ومساامحه عـ التأخير أو التقصير طلـب : أمانه إلي بينقل القصـة إلى منتدى ثاني أتمنـى يذكـر المصـدر .. فـ قلبي ـي . . . (( ريـم )) إحتار قلبي من يحب .. لكن في النهاية عرف يختار إلي يحب (( عــلي )) Quote Link to comment Share on other sites More sharing options...
bent cool Posted فبراير 14, 2008 Report Share Posted فبراير 14, 2008 اوكي حبووبة ننتظر و مسامحه ازعجناج Quote Link to comment Share on other sites More sharing options...
بدون اسم احسن Posted فبراير 14, 2008 Report Share Posted فبراير 14, 2008 يسلمووووووووا بس ماتوقعت النهاية جدي ادا جفتج بقول لج ليش؟؟ بس القصة حلووة Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.