همـس الورود Posted فبراير 26, 2008 Report Share Posted فبراير 26, 2008 مشكوررره اختى يسلمووووو Quote Link to comment Share on other sites More sharing options...
انين الروح Posted فبراير 26, 2008 Report Share Posted فبراير 26, 2008 هههههههههه ننطر البااقي لوووول يسلمو التوت Quote Link to comment Share on other sites More sharing options...
حمد المحرقي Posted فبراير 26, 2008 Report Share Posted فبراير 26, 2008 (edited) الي سواه فايز اهو الصح علشان طلال يراجع عدل للاختبار العربي ،، و نتظر التكمله للقصه المتميزه Edited فبراير 26, 2008 by حمد المحرقي Quote Link to comment Share on other sites More sharing options...
to0oty sweety Posted فبراير 26, 2008 Report Share Posted فبراير 26, 2008 هههههههههههههههههههههههههههههـ بعد جبـــــــــــــدي تسلمين على القصص الروووووعــهــ بنتظاار البآآآآفي ويعطيــج ربي الــ1000ـــف الــ2000ــــفــيــن ع ـافيهـ يالبدرهـ Quote Link to comment Share on other sites More sharing options...
*التـوت* Posted فبراير 27, 2008 Author Report Share Posted فبراير 27, 2008 عنوان الحلقة : البلو ...توث الجزء الثاني يصعد طلال الى غرفته ليبدء مراسيم المراجعه ..وهي تشغيل جهاز التلفزيون بالاضافة الى انه يأخذ معه علبة مشروب غازي وخمسة انواع من (المينو والجبس ) بالاضافة ايضا الى (( حب شمسي )) ... طلال : اوه نسيت اييب كتاب العربي فايز يدخل الغرفة ليستعد للذهاب مع ربعه ..وطلال ينظر اليه نظرات غريبة عجيبة فايز : شفيك يا اللوح اتطالع هللون ؟؟ طلال : افا خوي انا لوح يزاك الله خير .. مب من شيم الرجال هالكلام يا الغالي فايز : اوه شعندك عزيمة ولا شسالفة ؟؟ طلال : هاا..والله شقولك ياخوي انت تعرف انا ماواطن العربي بعيشة الله ..ولا اواطن استاذ عبدالعزيز .. ومن افتح كتاب العربي يحوشني اكتئاب وضيق في التنفس ..واحيانا احس بدوار في راسي .. فانا مضطر انه اخلي معاي اكل حق اسعف روحي ..بعد انت وبتطلع من قدك والله فايز : خلصت ولا بعد بتضيف شي حضرتك طلال : ها.. اي والله ياخوي.. انا حاس اني لو طلعت من البيت ..بقدر بعدها اذاكر عدل وانا واثق انه مابحصل غير الدرجة الكاملة فايز: زين زين خلاص انا ...... طلال يقفز من السرير الى فايز : حبيبييييييييييييييي والله ابو الفوز ..صج انك اخو دنيا ومن غير شعور يدفع فايز اخوه طلال ويحوكه كف راشدي فايز : طلالووووووه انت مب كفو حشيمة ... والله لو انك وصخت ثيابي جان دست في بطنك يالعصقول .. طلال : ويه ويه سامحني يا خويي ..والله من الفرحه لاني حسيت انك بتقولها .. مب عدل فايز : شبقول انا علشان كل هالينون طلال : مب توك اتقول زين خلاص انا باخذك معاي وانت اخوي لصغير اللي مالي غناة عنه فايز : انا قلت كل هالكلام ... انت تجذب واتعيش في الجذبه بعد طلال : افا افا افا.. حط يدك على ركبتك وقول الصج ..انت كنت ناوي اتقول جذي ولا لا؟ فايز وهو يحك راسه : اي اي انا كنت بقولك خلاص باخذك معاي طلال : يعيش فوزان يعيش يعيش يعش ... فايز : زين الساعه 4 بالضبظ انزل تحت وروح انطرني يم الباب الوراني علشان امي ما تعصب عليك ..وانا بقول حق الربع اييون مناك وبشيلك ويانا ..واياني اياك تتزحز ح من مكانك طلال : خلاص انا خمس ثواني واكون جاهز ..بوقف انطرك ورا ..بس عاد هالله هالله بالكلام السنع قول حق امي انه ذاكر مسكين ومب قادر يواصل و..... فايز : هيي انت يا بوشلاخ .. محد قال لك اتسوي لي شلخ حق اقولهم لامي انا مب مثلك طلال : زين زين انا بس قلت اعطيك جم كلمة عن لا تتوهق مع امي فايز : اقلب ويهك لا الحين اغير رايي واخليك تنثبر مكانك طلال : لالالا خلاص قو اهد خوي ينزل فايز .. ويروح حق امه ... فايز : الغالية الغالية الام : ها يمه شفيك فايز ؟ فايز: تعالي ببوسج يمة ولهت عليج من الغدا للحين ما شفتج الام : اااه منكم انتوا يا عيال هالزمن ..هالحركات هذي ما ايي وراها اللا المطاليب فايز : افا افا يمه ..عاد الحين يمه انا ولدج العود فيوز يسوي جذي الام : مادري عنك ... يمكن تعاديت من طلال فايز : يمة على طاري طلال ..انا بكون معاج صريح ..انا ناوي أأدب هالولد شوي الام : شلة بعد شمسوي من بلاوي..والله انه هالولد بشيب راسي فايز : مافي وقت اقولج السالفة يمه الحين ..بس عاد انتي بعد نص ساعه روحي له من الباب الي ورا الام : شلة اهو مب في غرفته .. لاتقولي ماقاعد يذاكر انا ناويه احرمه اصلا من الطلعة اذا رسب في العربي فايز : عاد انتي يا يمة سمعيني اهو يبي يطلع معاي انا قلت له روح انطر ورا البيت الام : حسبيي يالله على شياطينكم .. ,,,,,,, فايز يسمع صوت هرانه السيارة والمسكولات تعطي في تلفونه فايز : يمة ماكو وقت عندي كا الربع اوصلوا ..المهم تامريني على شي يمة الام : لا تحمل بروحك ..لا تتاخر بالليل ها و.... فايز : يمة والله حافظ كل النصائح ..يالله فمان الله في هالاثناء طلال واقف بكشخته على عتبة الباب الخلفي للمنزل ..وينتظر وصول فايز وربعه ويمر الوقت وطلال للحين واقف .. والشمس ذوبت الكريمات اللي في شعرة وطلال يكلم نفسه طلال : يعني معقولة فايز يقص عليي ؟؟ لا مااظن انا اقول هذا اخوي عاقل ومايسويها بس عاد لو شوي وطلع اخوي نذل .. لا الموضوع طول انا لازم ......... وينقطع حبل افكارة لما يجوف امه واقفة وراه بالمخمة الام : انا قلت ذاكر دروسك مب تنخش ورا البيت مثل لقطاوة طلال : ها ..يمة .. انا . كنت ... اشم شوي هوا الام : وبعد تجذب .. انت يعني مب ناوي اتييبها لبر .. وطاااااااااااااااااااااااااااخ يحصل طلال ضربة على ظهرة من امه طلال : يمة يمة توبه توبه توبه الام : انت ماتوب اعرفك انا خبز ايدي ..قوم يالله جدامي داخل على غرفتك طلال بدا يتأثر شوي .. وحس بالانقهار الشديد ركب فوق وقال في نفسة مالي اللا ابجي علشان امي تسامحني حاول يعصر عينه ويعصر عينه ليما بجي صدق .. طلال : يمه والله انا اسف سامحيني ..وبعدين فايز اهو اللي قالي باخذك معاي وانطرني ورا البيت الام : وليش ماتصير خوش ولد و اتقوله انه امي مب راضيه اطلع وتبيني اذاكر طلال يمة انا مابي امد يدي عليك .. والله يعلم اني ما احرمك من شي الا لاني اتمنى لك الخير والنجاح طلال يا وليدي كل ام تتمنى اتجوف اولادها متفوقين في دراستهم ..والكل يمدحهم طلال : خلاص يمة انا بكون عند حسن ظنج .. والله اني احبج يمة اكثر من اي ام في العالم الام : انا مادري..انا لما حملت فيك بشنو كنت اتنسى .. شهالكلام بعد تبي اتحب امهات العالم شلة طلال : شسوي يمه من كثر ما احبج انا ودي اسوي لج اللي تبينه .. الام : وصلنا خير ..اذا تحبني صج ابيك الحين تقوم اتذاكر ادروسك طلال : خلاص يمه عند ويهج .. بس بطالع اول شي بطالع حلقة سابق ولاحق اليوم يقولون الحلقة كلش فن الام تاخذ نفس : اللهم طولج ياروح .. معليه يمه يقولون اهل لول في الامثال الحق الجذاب لعند باب بيتهم .. يالله طالع الحلقة وبعدها بنجوف تراجع ولا لا طلال : اوكي يمه والله انج خوش ام .. مادري من وين انا امحصل عليج الام تستغفر ربها لكي لاتعصب على طلال وتطلع من الغرفة ----------------------------------------------------------------------- اما فايز فقد وصل الى المستشفى .. وبعدها ....................... ولا اقول لكم ..نطروا التفاصيل في الحلقة الياية موعدنا معاكم يوم السبت مع احداث جديدة الى اللقاء Quote Link to comment Share on other sites More sharing options...
فايز السادة Posted فبراير 27, 2008 Report Share Posted فبراير 27, 2008 أهم شي بردتي قلبي وخليتيني أسطر طلول كف Quote Link to comment Share on other sites More sharing options...
رازجية Posted فبراير 27, 2008 Report Share Posted فبراير 27, 2008 انا مادري..انا لما حملت فيك بشنو كنت اتنسى .. شهالكلام بعد تبي اتحب امهات العالم شلة تسلمين اختي عاد لي يوم السبت ننطر يلا معليهـ ننطرج يعطيج العافيهـ يا رب رازجـــي Quote Link to comment Share on other sites More sharing options...
fido Posted فبراير 27, 2008 Report Share Posted فبراير 27, 2008 ههههههههههههههه مسكين طلول كسر خاطري شيصير فيك يعني لو طلعته معاك شوي اصلا العربي من يواطنه تسلمين يا التوت انتي Quote Link to comment Share on other sites More sharing options...
حمد المحرقي Posted فبراير 27, 2008 Report Share Posted فبراير 27, 2008 (edited) طلع فايز فــتــان و يفتن على اخوه طلال و فايز سواها في طلال و طلع بروحه من غير اخوه و نتظر العدد القادم بفارق من الصبر لــ تكمله احداث القصه المتميزه ،، Edited فبراير 27, 2008 by حمد المحرقي Quote Link to comment Share on other sites More sharing options...
ونة الم Posted فبراير 27, 2008 Report Share Posted فبراير 27, 2008 خخخ ها فايز بعلم عليك طلال انت الي قلت الى امك عنه اهو برع ينطر بعد تقوله شئ و تسوي من وراه شئ ها يسلموو التوت يعطيج العافية يارب Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.