*التـوت* Posted فبراير 24, 2008 Author Report Share Posted فبراير 24, 2008 (edited) يالله يالله يالله تعالو يا حلوين.. انجوف كل يوم حلقة جديدة نتعلم ادرووووس من فايز مفيده ... يالله يا فايز ... يالله يا فايز ... علمنا .. ومتعنا .. وعلى الخير جمعنا.. على الخير ... جمعنا على الخير .. جمعنا عنوان الحلقة ..الحواس الخمس بدأت عائلة ناصر تتعود على الحي الجديد الذي سكنوا فيه ..وبدأ الابناء بالتعرف على اولاد الجيران .. وذات مساء خرج فايز يتمشى بالقرب من الحديقة الخلفية للحي ... فايز : ياسلام الجو اليوم وااايد حلو .. ها من هذا اللي قاعد يم الشجرة ؟؟ يمكن يكون جار جديد خل اروح واتعرف عليه.. فايز: السلام عليكم حمد : وعليكم السلام فايز : اعتقد انك جديد في هالمنطقة وانا بعد ساكن جديد واسمي فايز ناصر حمد : اهلا فايز ..انا حمد البنعلي .. فايز : احنا صار لنا اسبوع تقريبا من سكنا في هذا الفريج حمد: انا مب ساكن اهني بس ياي مع اهلي في زيارة بيت جدتي فايز : اها ..طيب شرايك انقوم نتمشى في الحديقة الجو اليوم وايد حلو حمد ينظر الى فايز بنظرة غريبة ..ثم ينظر الى قدمه .. حمد : انا ما اقدر امشي .. فايز ينظر اليه نظرة حزينة : انا اسف يا حمد .. ما لاحظت هذا الشي حمد : انا اقعد اهني انتظر يجي ابوي ينزل الكرسي المتحرك لي فايز : حمد ممكن اسأل سؤال..اذا تسمح لي يا خوي حمد : اتفضل يا فايز انت الحين صديقي فايز : من متى انت على هذا الحال؟؟ حمد : من ثلاث سنوات .. دعمتي سيارة وصرت مااقدر امشي .. انا احسد الاولاد اللي يمشون ويلعبون واتمنى لو يروح مني اي شي بس ترجع لي رجولي فايز : لا يا حمد لا تقول مثل هالكلام .. قول الحمد لله على حال حمد : الحمد لله .. بس لو ماكنت اسمع كان افضل .. او ما اتكلم .. بس اني امشي هذا حلم بالنسبة لي اتمنى يتحقق فايز : حمد اتخيل لو كنت تمشي بس ما تسمع هل تعتقد انه ممكن تعيش حياة سعيده حمد يسرح في كلام فايز ويتخيل انه اصم ......................................... حمد : السمع نعمة عظيمة ما اظن الانسان يقدر اعيش بدونها .. فايز : ومثل نعمة السمع نعمة البصر ونعمة الكلام .. وكل النعم اللي الله انعمها علينا حمد : الحمد لله على كل نعمة .. فايز : والحمد لله انك تقدر تطلع وتزور الناس .. وهذا بفضل التطور والتكنولوجيا .. والكرسي المتحرك حمد : كلامك صحيح يا خوي .. اقتنع حمد من خلال كلام فايز بان لا يحسد الغير على مااعطاهم الله .. ولا يتمنى زوال نعمة مقابل رجوع نعمة اخرى.. وهذا هو ما نتعلمه اليوم من فايز .. بان نشكر الله تعالي على كل نعمة ... ونرضى بما قسمه الله لنا في حياتنا .. Edited فبراير 24, 2008 by *التـوت* Quote Link to comment Share on other sites More sharing options...
بنت الأصايل Posted فبراير 24, 2008 Report Share Posted فبراير 24, 2008 الحمدالله الذى عافانا ونشكر الله لى نعمته علينا بالصحه والسلامه تسلمين اختي التوت على القصه الرائعه وبإنتظار بقية الحلقات يعطيج الف عافيه Quote Link to comment Share on other sites More sharing options...
فايز السادة Posted فبراير 24, 2008 Report Share Posted فبراير 24, 2008 (edited) تسلمين ياتوت والله انه خيالج واسع بنشوف هالفايز شعنده من مغامرات Edited فبراير 24, 2008 by فايز السادة Quote Link to comment Share on other sites More sharing options...
فايز السادة Posted فبراير 24, 2008 Report Share Posted فبراير 24, 2008 ياسلاااااااااااااااااام يالتوت والله طلعت آنه مب سهل بس الحمدلله صديقي حمد ماطلع حمد عتيق ولا جان بابتلش فيه Quote Link to comment Share on other sites More sharing options...
my love Posted فبراير 24, 2008 Report Share Posted فبراير 24, 2008 يعطيج الف عافيه ونتتظر الحلقه الثانيه ويعطيه الف عافيه مذيعنا الغالي للأمام انشالله Quote Link to comment Share on other sites More sharing options...
ونة الم Posted فبراير 24, 2008 Report Share Posted فبراير 24, 2008 اممم يسلموو ع القصة الحلوهـ يعطيج العافية يارب ننتظرالجزء الثاني Quote Link to comment Share on other sites More sharing options...
ونة الم Posted فبراير 24, 2008 Report Share Posted فبراير 24, 2008 الحمد لله ع كل حال ويسلموووو ننتظر 3 ع احر من اليمر Quote Link to comment Share on other sites More sharing options...
to0oty sweety Posted فبراير 24, 2008 Report Share Posted فبراير 24, 2008 يآآآآآ سلآلآلآلآلآلآلآم عليج وعلى ابداآآآآعج ياختي بسم ماشالله رووووووووووعهـ المغامراااآآت وعجوؤؤبيين بانتظآآآآر كل شيء جميــــــــــــــــــل منج فديتج تسلمين بعد قلبي Quote Link to comment Share on other sites More sharing options...
حمد المحرقي Posted فبراير 24, 2008 Report Share Posted فبراير 24, 2008 عيني عليج بارده اختي التوت ــ و قصصج متميزه و كاننا نعيش الحدث و نحن نقراها ،، و نتظر مغامرات جديده مع فايز ،، و الف شكر لج توت و يعطيج الف عافيه ،، Quote Link to comment Share on other sites More sharing options...
*التـوت* Posted فبراير 25, 2008 Author Report Share Posted فبراير 25, 2008 (edited) عنوان الحلقة :النظافة من الايمان تنتهي اجازة الربيع .. ويعود الاولاد الى مدارسهم ..وبالطبع يكون الوضع مختلف عند فايز وطلال وفرح .. لانهم سيذهبون الى مدارس جديدة.... طلال : يمة يمة وين الجوتي اليديد ؟ الام : عند الباب يمة .. فايز : يمة قرقشي فليساتج لو سمحتي فرح : يممممممة .. تعالي سرحي شعري .. الام بدأت تعصب : اللهم طولج يا رووووح ... فايز روح الى ابوك بيعطيك .. فرووح ييبي المشط وتعالي يالله الاب: ام فايز وين الشنطة الحمرة اللي فيها الاوراق ؟ الام : انت بعد ... بتلاقيها في الغرفة يم المكتبة وبعد الفوضى الصباحية ..تهدأ الامور بذهاب الاولاد الى المدارس... في ساحة المدرسة التي انتقل لها فايز....يتجمع عدد كبير من الاولاد .. ويبدأ كل مدرس بتنظيم تلاميذه لبدأ طابور الصباح..وبعد الانتهاء من الطابور يتجه الكل الى صفه.... تنتهي اول ثلاث حصص ..وتبدأ الفسحة خليفة : يالله شباب عندي لكم مكان اسبشل نقعد فيه سلمان : اقول الربع هذا اللي اسمه فايز مبين انه يديد في المدرسة محمد : اي سمعته يتكلم مع خالد اللي قاعد يمه ويقوله انه توه منتقل اهني خليفة : زين عيل خل نلعب عليه ها ها ها سلمان : اي اي فكر لنا في فكرة يا الخَلف محمد : لا يا شباب مبين عليه طيب .. خلنا انرافجه احسن -------------------------------------- خالد : ماقلت لي يا فايز انت عندك خوان؟ فايز : اي عندي اخت في خامس ابتدائي واخو في صف اول اعدادي خالد : انا بعد عندي اخت واخو بس انا لصغير فايز : لا انا لكبير بينهم ... شخصية انا عبالك شنو وفي اثناء الحوار الذي كان يدور بين خالد وفايز يمر خليفه مع ربعه خليفة وهو ماسك علبة عصير في يده : اقول الربع مبين انه هالعصير يديد ماكانوا يبيعون منه قبل .. سلمان : اي والله و شكله مب شي ها خليفة : اللا مب شي وماله طعم ومبين دمه ثقيل بعد ويرمي خليفة بعلبة العصير على الارض قرب فايز وهو يضحك باستهزاء تحتد نظرات فايز الى خليفة ويمشي مسرعا ويقف امامه فايز : يا اخ ما اتعرف انه النظافة من الايمان .. وهذا التصرف مب صحيح خليفة : وانت منو ...علشان اتقولي صح ولا مب صح فايز : كلنا اخوان في هالمدرسة ولا اهي مدرسة ابوك خليفة : خوا يمبك .. انا عندي في البيت اخوان وايد مب ناقصك انت هاهاهاها سلمان : يالله يالله خليفة اترك عنك هالمحاضرات وخل نمشي خالد : فايز تعال نمشي ويذهب فايز وخالد من جهة وخليفة وربعه من جهه ثانية خالد : فايز هذا خليفة وربعه من شياطين المدرسة .. لاتعور راسكم معاهم فايز : بس هذي التصرفات لليهال واحنا كبرنا عليها وانا عن نفسي مااقدر اسكت عن الشي الغلط خالد : شنو بتسوي .. مايفيد معاهم شي .. فايز: اصبر وانت بتجوف .... دق الجرس .. وانتهت الفسحه فايز : خالد يالله بسرعه نبي نوصل الصف بسرعه خالد : ليش بسرعه وليش ماخذ كيس الوصخ معاك فايز : انت تعال وبتعرف ويصل فايز وخالد الى الفصل قبل التلاميذ .. ويضع فايز كيس الاوساخ على طاولة خليفة ويخرج من الفصل مسرعا خالد : فايز ليش سويت هالشي؟ فايز: علشان خليفة يتعلم درس ماينساه طول عمره خالد : بصراحه اشك انه خليفة يتعلم شي ويصل خليفة وربعه الى الفصل .. وما ان يصل قرب طاولته ويرى الاوساخ يصرخ قائلا خليفة : من الوَصُخ اللي رمى هالاوساخ على طاولتي .. ؟؟ الطلاب يطالعون بعضهم البعض والكل يعرف انه خليفه ولد شيطان ومافيهم شدته سلمان : خلاص خليفة انا بشيل هالكيس يمكن احد حطه بالغلط خليفه : لا لا سلمان لاتشيل شي انا لازم اعرف من اللي وصخ طاولتي وحسابه معاي عسير يدخل فايز وخالد الفصل وكأنه شيئاً لم يكن .. وينظر خليفة الى فايز خليفه : انا اقول اللي حط هالوصخ على طاولتي يعترف احسن له فايز : وليش معصب يا خليفة الموضوع مايستاهل كل هالعصبية خليفة : انت لا تدخل نفسك في كل شي .. وانا لازم اعرف من وصخ طاولتي فايز : خالد يقول المثل من وصخ ديرته وصخوا له طاولته ويضحك فايز مع خالد خليفة وهو معصب : انت هيييييي شقاعد اتقول ..لاتطير بس يالخفيف فايز : يا خليفة احنا اخوان مثل ما قلت لك ..وواجب الاخ تجاه اخوه انه ينصحه .. ومثل ما انت اتضايقت من وجود الوصخ على طاولتك الناس بعد تتضايق لما تمشي في مكان كله اوصاخ ..وواجب علينه انحافظ على نظافة مدرستنا وديرتنا لانه النظافة من الايمان ..................... Edited فبراير 25, 2008 by *التـوت* Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.