فايز السادة Posted ابريل 13, 2008 Report Share Posted ابريل 13, 2008 قصيدة كان لي الشرف أن ترسل لي عبر بريدي الالكتروني يـــمـــه .. تكفين اسمعيني ... يمـه بسألك شي .. جاوبيني .. هو صحيح اللي مات داخل القبر يصير حي ...؟؟؟ يــمـــه ... أسمع أنــا صوتك .. كل يوم اسمعه .. واذا حاكيتك هاوشوني .. قالوا انسي .. روحي يالله العبي .... !! يمه تعالي ارجعي ... والله خلاص بسمع كلامك .. ما اخرب العابي .. وان قلتي يالله .. روحي نامي .. أروح حتى ماتزعلي .. يمه تكفين ارجعي .. اليوم حطت لي المديره .. نجمه من فوق جبهتي .. يمه سمعتها تقول.. مسكينه هالبنت صارت يتيمه .. قالت لها ابله منيره .. مسكينه توها صغيره .. وش كانوا يقصدون ..؟ يمكن عشاني صرت عاقله .. ولا عشاني دايم اسرح يمه مريولي توسخ .. ماكان قصدي اوسخه ... بس تذكرت انك تقولي .. بعد شهرين.. بشتري لك لبس ثاني .. يمـه تعالي اشتري ... يمـه عرفتي مها ..؟ صديقتي اللي معي .. زاعلتني .. تقول ماصرت انا اضحّـكها راحت تدور غيري عشان تلقى احد يونسهـا يــمــه يالله خلاص لاتمزحي يالله قومي تعالي معي للبيت ارجعي يمه يمممه نسيت شي .. بقولك ترى بيتنا صار فاضي .. ماحد يجينا .. وكل اللي فيه انا واخواني .. ليه وين اقاربنا ..؟؟ وين خالتي .. اللي كانت تجينا ... يمممه قوومي يالله تعالي .. تكفين يالله تعالي .. ماودي ارجع لحالي والله خايفه .. ترى امس جيتك .. مارديتي .. حسبتك نــايمه .. أو اقولك .. خلاص خلاص .. انا بجيك بكرى .. اذا راحوا من هنا الناس .. تكفين يمه بكرى اصحي .. تكفين يمه بكرى ارجعي .. روعة معنى بقالب واقعي مرسوم ... حزينة تعبر عن شعور من خطت تلكـ الحروف مؤلمة جداً كل شيء يهون إلا فقد الأم شيء مؤلم جداً الله لايحرمنا منها يروقنا برّها ويطوّل في عمرها الغالية Quote Link to comment Share on other sites More sharing options...
رازجية Posted ابريل 13, 2008 Report Share Posted ابريل 13, 2008 الله يطول بعمر والدتي و والدتكـ و امهاتنا كلنا يا رب و لا ارى أحد فقد عزيز و غالي قصيدهـ رائعهـ و مؤثرهـ ثانكيـــووو لكـ رازجــــي Quote Link to comment Share on other sites More sharing options...
بطة Posted ابريل 13, 2008 Report Share Posted ابريل 13, 2008 الله يسامحك فايز صيحتني الله يسامحك Quote Link to comment Share on other sites More sharing options...
ونة الم Posted ابريل 13, 2008 Report Share Posted ابريل 13, 2008 بصراحه كلماتها مؤثرهـ وااايد حلوهـ و حزينهـ الله يخلي لنا امهاتنا ياارب و يحفظهم فديت مااااااامااااا اووونه تسلم الغالي ع القصيدهـ و يعطيك العافية يارب Quote Link to comment Share on other sites More sharing options...
@ملك الاحساس@ Posted ابريل 13, 2008 Report Share Posted ابريل 13, 2008 بصراحه كلماتها مؤثرهـ وااايد حلوهـ و شي مو طبيعي و حزينه الف شكر اخوي فايز تحياااتي Quote Link to comment Share on other sites More sharing options...
زهـــور Posted ابريل 13, 2008 Report Share Posted ابريل 13, 2008 خلاص خلاص .. انا بجيك بكرى .. اذا راحوا من هنا الناس .. تكفين يمه بكرى اصحي .. تكفين يمه بكرى ارجعي .. آآآآآآآآآآآآآآخ ياقلبي عليها صاحبة الكلمات الله يرحم موتانا ... تسلم فايز ,, اختيار رائع ,, Quote Link to comment Share on other sites More sharing options...
بنت الأصايل Posted ابريل 13, 2008 Report Share Posted ابريل 13, 2008 كلمات مؤثره و رائعه وتعور القلب تسلم يدك ويسلم احساسك فى انتظار المزيد Quote Link to comment Share on other sites More sharing options...
حمد المحرقي Posted ابريل 13, 2008 Report Share Posted ابريل 13, 2008 (edited) كلمات بسيطه ، و لاكنها كبيره في المعاني و مؤلمه لــ درجه تكسر الصخر ،، ابيات مثل الم الي تقطع قلب الانسان ،، و تسلم فايز على الابيات الحزينه ،، Edited ابريل 13, 2008 by حمد المحرقي Quote Link to comment Share on other sites More sharing options...
Faam00 Posted ابريل 13, 2008 Report Share Posted ابريل 13, 2008 وايد تعور القلب القصيدة عيوني دمعت بصراحه الله يطول بعمر امهاتنا تحياتي Quote Link to comment Share on other sites More sharing options...
هبة الدري Posted ابريل 13, 2008 Report Share Posted ابريل 13, 2008 الله يسامحك صيحتني من قلب يسلمو عزيزي فايز على الكلمات المؤثره حيل Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.