وجوجو Posted مايو 4, 2008 Report Share Posted مايو 4, 2008 السلااام عليكم شلوونكم حباايبي شخباااركم؟!! حدي ولهااااانه على كل الاعضاء اللي كانو متابعيني بقصتي ((اغلى ناسي)) حبيت انزل لكم قصتي الاولى ...اتمنى تعجبكم وراح يكون الاختلاف بالاسلوب والحوار واضح بينها وبين اغلى ناسي عذروني بس لانها قصتي الاولي ... اتمنى تعجبكم لا تحرموني من توقعاتكم وارائكم عشان انزل لكم باجي البارتات ما بعد الحب!!!!! للكاتبه:حلا الكويت الحب كلمه من حرفين نجد صعوبه في التعبير عنها...فالحب متنوع ممكن أن يكون حب الاهل... حب الاصدقاء ....او حب شخص تتمنى أن يكون شريك حياتك.... الحب كلمه صغيره في كتابتها كبيره في معانيها...ويصعب على الانسان معرفة ما بعد هذا الحب الذي سوف يقع فيه... اذا وقع الانسان بغلطة حب..يظن انه فقد حياته وان جميع ابواب الحياة اغلقت من امامه...... والحب بين شخصين من اصعب انواع الحب...فنتائجه غير معروفه... فحب الاهل مزروع في قلب كل انسان..فحب الام والاب لابنائهم يترتب عليه نتائج كثيره ...فماذا يمكن أن يكون بعد حب الام والاب لأبنائهم!!!... هل بعد الحب ضياع !!! هل بعد الحب صلاح!!! هل بعد الحب بر!!! هل بعد الحب نكران!!! هل بعد الحب كره!!! اما حب الاصدقاء فهو يتوقف على مدى فهم كل منهما للآخر...والاشتراك في بعض الصفات والشخصيه....فحب الاصدقاء يترتب عليه نتائج كثيره ...فماذا يمكن أن يكون بعد حب الاصدقاء!!!..... هل بعد الحب صداقه!!! هل بعد الحب خيانه!!! هل بعد الحب فراق!!! هل بعد الحب كذب!!! هل بعد الحب صدق!!! اما الحب ما بين شخصين ذكر وانثى...هنا يمتلك كل منهما الآخر الخوف في توقع نتيجة الوقوع في هذا الحب..بمعنى ما بعد الحب!!!! هل بعد الحب فراق!!!! هل بعد الحب كره!!! هل بعد الحب جرح!!! هل بعد الحب حزن!!!! هل بعد الحب خيانه!!!! هل بعد الحب احترام!!!! هل بعد الحب تضحيه!!!! هل بعد الحب فرح!!!! هل بعد الحب سعاده!!! هل بعد الحب زواج!!!! وهناك نتائج كثيره غيرها تترتب على هذا الحب... اكتب قصة ما بعد الحب!!! التي تتضمن جميع نتائج الحب في هذه الحياة...حيث يتعرض كل من شخصيات القصه لنوع من انواع الحب و نتائجه .....فيتنوع من حب الاهل وحب الاصدقاء والحب الصادق والحب الكاذب....اتمنى أن تنال اعجابكم ... و رأيي الشخصي أن حب الاهل هو الحب الدائم مهما تعرض لظروف...ومهما قست الام ومهما قسى الاب على ابنائهم يتم الحب سائد بينهم بالفطره...اما حب الاصدقاء فأرى انه من احلى انواع الحب ...فالمؤمن له اصدقاء لا يرى بركة الدنيا بدونهم ولا يشعر بهمومها مع دعائهم وكلما احبهم احبوه واذا فارقهم حنو اليه ....اما الحب الذي يكون بين الرجل والمرأه برأيي شخصي انه يكون بعد الزواج .....وسوف يدوم اكثر من الحب قبل الزواج........... الجزء الاول عائلة (عصام) عصام: وايد متكبر ومغرور ، حتى على عياله ..عمره ما حسسهم بحنان الابوه طيبه:مرت عصام. اسم على مسمى طيبه وحنونه...صابره على عصام علشان عيالها... واختها الوحيده سميره مسافره علاج..عمرها ما ضايقت احد من عيالها وكانت لهم الام والابو حسن:ولد عصام الكبير...متزوج وعنده ولد بدر...يشتغل مع ابوه بالشركه واهو الوحيد الي يقدر يستحمل اسلوب عصام فاطمه:مرت حسن وايد طيبه ...ويتيمة الام وطيبه تعتبرها مثل بنتها يوسف:تخرج من كلية التجاره ..ما يحب الغلط،ويبي يشتغل مع ابوه بالشركه...دايم يذمر من اسلوب ابوه ويعتبره اهو سبب في ضياع اخوه خالد غلا:البنت الوحيده، وايد جميله ...مخطوبه لفواز ولد خالتها وزواجهم بعد ما تتخرج ,,,واهي تدرس بفرنسا طب اسنان خالد:الجعده ..كانت طيبه وايد الدلعه ,,,وهالشي ما كان يعجب عصام ..وحب طيبه الزايد ودلعها له اهو الي ضيعه عائلة(ابراهيم) ابراهيم:ريال كبير طيب .. مرته توفت واهو الي ربى عياله سالم:اخو ابراهيم ..تزوج من وحده فرنسيه وعاشو بالامارات وياب منها عبدالرحمن وحنين بعدها تطلقت منه وهاجرت...واهو كان يحبها وبدا يسكر لما مات هدى:بنت ابراهيم الكبيره وايد طيبه وشخصيتها ضعيفه...واي احد يقدر يتحكم فيها..مخطوبه لعماد وملجتها قريب سلوى:اصغر من هدى بس شخصيتها اقوى ...وتدخل بكل صغيره وكبيره وتحب ولد عمها عبدالرحمن..تدرس بكلية البنات تخصص تصميم داخلي مشاري:ولده الوحيد بين سلوى وهدى...طبعه يحب يطفر خاصة بنت عمه حنين ويحب وحده اسمها رهف تعرف عليها بالنت...يدرس بكلية الجيش آخر سنه له ويتخرج..يغار على حنين بشكل مو طبيعي ومهو قادر يحدد شعوره ناحيتها عبدالرحمن:ولد سالم وايد طيب وحنون ...بعد ما توفى ابوه كان متخرج من ثانوي...سافر فرنسا يدرس هناك ويشوف امه وفضل أن تبقى حنين بالكويت عند عمها ابراهيم وكانت عمرها 12 سنه..وكان اهو الي مهتم بأمه بس ما كان يزورها بالبيت عشان ريلها الفرنسي حنين:بنت دلوعه وخاصة عمها ابراهيم وايد يدلعها وهذا شي يقهر مشاري...بنفس عمر سلوى ويدرسون بنفس التخصص..ودايما تتناجر مع مشاري..وحب ابراهيم الزايد لها اهو الي مدهور العلاقه بينها اهي ومشاري عايلة (ناديه) نادية:بنت خالة طيبه ..عندها نواف وفواز...ريلها توفى غرقان بالبحر.. وتحملت مسؤوليتهم طبعها متقلب اهم شي عندها عيالها وتحاول تسوي أي شي حتى ما يبتعدون عنها نواف:الولد الكبير...عمره 27 سنه تقريبا...يحب سميره وكانو بيتزوجون لو مو مرض سميره الي اكتشفته قبل العرس باسبوع...وكان مصر على زواجهم بس اهي رفضت فواز:يشتغل بنك التمويل...عمره 24 سنه ...يحب غلا ويعتبرها كل شي بحياته ...وعلاقته مع نواف علاقة ابوه واخوه وصداقه سميره:بنت خالة ناديه واخت طيبه...بنت جميله الكل يقول غلا تشابها بكل \شي حتى لهم نفس الشخصيه عمرها تقريبا 25 وايد قريبه من غلا...تحب نواف بس مرضها اجل العرس وسافرت بره دون لحد يدري عنها للعلاج.... شخصيات اخرى عماد:خطيب هدى ..شوي عصبي ما يحب احد يدخل بحياته..خذا هدى عن طريق زواج تقليدي ...ابوه رفيج ابراهيم احمد:صديق يوسف وعبدالرحمن... شخص غامض..وله ماضي محد يدري عنه...يتيم ويدرس بامريكا ايلاف:صديقة سلوى وحنين من هم صغار وتدرس معاهم بالجامعه..اخوها محمد اصغر منها بسنه ..امها اهم شي عندها العروس والحفلات..وابوها كلا لاهي بالشركه والشغل هند:اماراتيه رفيجة جيسيكا ام عبدالرحمن...كانت تساعد سالم في تربيت عبدالرحمن وحنين بعد ما هاجرت عنهم امهم الجزء الاول في بيت عصام (بو يوسف) كالعاده لازم الكل يكون موجود على طاولة الاكل في كل وجبه ام يوسف(طيبه):يمه فاطمه سخني الخبز فاطمه:انشاالله خالتي راحت فاطمه المطبخ واهي بطريج ولا حسن نازل من الدري حسن بابتسامه:صباح الخير فاطمه تردله الابتسامه:صباح النور حسن يتقرب منها:ام بدوري محلوه اليوم مادري ان الحمال يحلي فاطمه حمر ويهها:ههههه يلا عاد مو وقته خالتي طالبه مني اسخن الخبز حسن يسوي نفسه زعلان:يعني الخبز اهم مني فاطمه تبتسم له:طبعا لا محد يهمني كثرك بس حبيبي انت تدري اذا نزل ابوك وما لقينا على طاوله راح يزعل حسن بحزن:آآآه وشنو الي ضيع خالد اخوي غير اوامر ابوي الي مالها لزمه و ظلمه و تكبره وغروره، محد يدري عن خالد شي فاطمه تقرب منه وتحاول تهديه:حبيبي حسن هذا الله كاتبه عليكم وترا عمي قلبه طيب حسن:والله انتي الطيبه يا فاطمه، روحي سخني الخبز قبل لا يطردنا من البيت بعد فاطمه ابتسمت له و راحت المطبخ و حسن راح الصاله واهو يتأفف من تعامل ابوه لهم الي ضيع اخوانه نزل عصام وكانو كلهم متيمعين على الطاوله ينطرونه عصام بغرور وكبرياء:السلام عليكم الجميع :وعليكم السلام عصام:عيل يوسف وينه؟؟ طيبه:طالع مع رفيجه عبدالرحمن عصام بعصبيه:في احد يطلع هالحزه!! حسن يهدي ابوه:يبا الله يهديك ، انت تدري ان عبدالرحمن تخرج و امس رد من فرنسا ، فراح يسلم عليه مو شايفين بعض من سنين عصام بعصبيه:حتى لو محد يروح يسلم على الناس هالحزه فاطمه تغير الموضوع:افا عمي ما فقدت احد عصام يفكر:ايي والله ....وين حفيدي بدوري حسن:ههههه ،تريق مبجر يبه وراح المدرسه عصام:أي الله يحفظه فاطمه:آمين عصام:حسن خلص ريوقك بسرعه ورانا شغل حسن يشوف فاطمه:انشاالله يبه طيبه تساسر حسن:يمه حبيبي على راحتك اكل حسن يبتسم لها:انشالله يمه،انتي اكلي طيبه بحزن:الحمدالله كليت عصام بحزم:شكليتي!! طيبه بخوف:والله الحمد الله شبعانه فاطمه:خالتي اكليلج شي ، كفايه امس ما تعشيتي طيبه تتنهد:والواحد وين يذوق طعم الاكل وعياله بعاد عنه عصام ترك الاكل الي بايده ووقف معصب عصام بعصبيه:حسن يالله نمشي الشركه حسن يقوم من مكانه:انشاالله يبا وراح حسن ويا ابوه الشركه وقعدو الحريم بالبيت لان فاطمه ماخذه اجازه علشان شهر الاول بالحمال بالصاله كانت فاطمه تابع برنامج طبخ اما طيبه قاعد تفكر بخالد الي ما تعرف عنه شي من سنتين واليوم عيد ميلاده فاطمه:اقول خالتي طيبه:قولي يمه فاطمه:يمه ودي اسالج سؤال ؟ طيبه:سالي حبيبتي فاطمه:مممممم انا خالتي سالت حسن بس مارد علي وخفت اساله مره ثانيه طيبه : يمه فطومه شفيج خرعتيني؟؟ فاطمه:لا خالتي لا تخافين بس كنت بسالج وين خالد انا من ييت البيت ولا مره شفته ،بس اعرف أن عمي دازه يدرس بره طيبه دمعت عيونها:ايييييييييه يا بنتي عمج دز خالد من اهو ياهل ما يعرف شي كان محتاج لحنانه بس اهو الله يهديه دزه امريكا يدرس في مدرسه داخليه فاطمه تمد كلنكس حق خالتها:خالتي انا آسفه مو قصدي ابجيج طيبه:لا ياحبيبتي انا من زمان ودي اقول حق احد على الي بقلبي فاطمه تبتسم لها:فضفضي خالتي قولي الي بقلبج طيبه:ايييييه يا فطومه خالد مثل ما تعرفين اهو الجعده وكان ما يلاقي حنان من عمج عصام كان دايما يستهزء فيه ودايما يفشله وفي يوم رد خالد البيت متاخر وكانت ريحته سجاير وشافه عمج وعصب عليه وطقه طق ما يطق العدو لعدوه (تبجي وفاطمه تلمها)....كان يقدر..يمسكه يعلمه أن هلشي غلط بس الي سواه غلط غلط(تنهار من البجي فاطمه تهديها:وبعدين يا خالتي اشصار بخالد طيبه:كان وقتها عمره 15 سنه تقريبا طلع من البيت راح عند واحد من ربعه و لما عرفو حسن ويوسف بالسالفه دوروه و اقنعوه أن يرد البيت ويتاسف من ابوه فاطمه:ايي خالتي كملي طيبه:بعد عمري يا خالد رد البيت وانا ما صدقت شفته يومها تهاوشت ويا عصام على هالسالفه وقالي أن اهو خلاص صار ما يستحمل تصرفاته دايما و أن يا اهو او خالد بالبيت فاطمه تبجي:لا حول ولا قوة إلا بالله طيبه:وبعدها دز خالد مدرسه داخليه في امريكا علشان يفتك منه مثل ما يقول ولا سأل عنه طول 4 سنين الي مرت فاطمه:لا حول ولا قوة إلا بالله ما كنت اتوقع انه عمي عصام يسوي جذيه طيبه:انا ما اقول إلا حسبي الله ونعم الوكيل فاطمه:أي يا خالتي ترا كل بيت وله مشاكله طيبه تشوف الساعه :افف صارت ساعه 11 واحنا ما طبخنا شي على الغدا فاطمه:هههههههه خذتنا سوالف ونسينا وراحو المطبخ يطبخون الغدا، قبل لا ايي عصام وياكلهم بلسانه بديوانية بيت عم عبالرحمن عبدالرحمن:حيا الله من يانا يوسف:الله يحيك، حمدالله على سلامتك تو ما نورت الكويت عبدالرحمن:منوره باهلها يوسف:ها شلونك وشلون دراسه بفرنسا ؟؟ عبدالرحمن:تصدق يا يوسف اني ما حسيت بالغربه إلا أول سنه لي هناك يوسف:هههههههههههه عبدالرحمن:لا والله من صجي ، وايد في طلبه عرب هناك وكلنا نكون على قلب واحد يوسف:انزين تعرفت على بنات عرب عبدالرحمن:اعرفهم معرفة زماله مو اكثر يوسف يغمز له :يعني بتفهمني انك ما حبيت لك وحده هناك عبدالرحمن :ههههههههههه شدراك!!! يوسف يتقز من مكانه ويقرب من عبدالرحمن:من صجك!! عبدالرحمن:ههه أيي من صجي ، وانشاالله بتزوجها يوسف:لا ..لا مو مصدق من صجك انت ليكون بس فرنسيه عبدالرحمن:هههه اكيد لأ ...كويتيه وبنت ولا كل البنات يوسف يغمز له :حلوه!! عبدالرحمن:يسووووف يوز عني يوسف:ههههههههه بنت منو؟ عبدالرحمن:مادري!!!! يوسف:من صجك عبدالرحمن:انا بس اعرف اسمها ، لانها اصغر مني ،باقيلها سنه وتتخرج يوسف:يحليلك يا حمانوه في احد بيتزوج وحده ما يعرف اهي بنت منو عبدالرحمن:انشالله بدق على سعد رفيجي اماراتي هناك اهو يعرف اني احبها ويسال لي عن اسمها يوسف:يعني انت بتفهمني انها ما تدري انك تحبها عبدالرحمن:لا ما قلتلها ما قدرت يوسف مستغرب :ليش؟؟؟ عبدالرحمن:البنت وايد مأدبه ولما تقعد ويانا علشان نسوي بحث او مشروع ما يتعدى كلامنا وياها خارج الدراسه يوسف:الله يوفقك يا عبدالرحمن تستاهل كل خير عبدالرحمن:مشكور:إلا تعال شلون احمدو يوسف:والله تمام بعد اسبوع يرجع من امريكا عبدالرحمن:تخرج؟؟؟ يوسف:لا باقيله كورس بس عنده اجازه وبيي فيها الكويت عبدالرحمن:اهو عنده اهل اهنيه.؟؟ يوسف:والله مادري ، بس الي اعرفه أن امه وابوه متوفين واهو وحيدهم عبدالرحمن: الله يوفقه ، والله سنين ما شفنا بعض يوسف:حكم الزمن علينا، إلا وين بتسكن الحين عبدالرحمن :والله يا يوسف كنت ناوي استشيرك بهالموضوع يوسف:خير ... عبدالرحمن:مثل ما انت عارف أن بعد وفاة الوالد الله يرحمه قبل 5 سنين والوالده ابوي كان مطلقها من احنا صغار ،انا اضطريت اسافر دراسه بره وما كنت اقدر اخلي اختي الوحيده بروحها بالامارات ، وخالتي الي ربتنا واحنا صغار كبرت وما تتقدر تتحمل مسؤوليتها ، فعاشت عند عمي بالكويت والحمدالله تكيفت معاهم يوسف:ايي يا حماني كمل... عبدالرحمن:الحين ماني عارف شسوي ،عمي حلف علي اعيش عنده وانا مابي اكلف عليه ، وعنده بنات كبار اخاف ما ياخذون راحتهم يوسف:والله مادري يا عبدالرحمن، بس الي اعرفه انك بتسافر الامارات بتمسك شركة عمك وابوك هناك عبدالرحمن:ايي صح كلامك ، بس بعد سنه هالكلام ، عمي يبيني اشتغل معاه بالكويت واتعلم الشغل بعدين اسافر الامارات وامسك الشركه هناك يوسف:وبتعيش هناك على طول؟؟ عبدالرحمن:انشاالله سنتين بالكثير علشان اقدر اصفي الشركه بدون خساره يوسف:عيل انا انصحك انك اتم بيت عمك ، اهو ما قصر معاكم وبعدها سافرحق شغلك عبدالرحمن بابتسامه:وانا قلت جذي بعد وتمو يكملون سوالفهم ، وكملو ريوقهم وبعدها طلعو لي وقت الغدا ورد كل واحد بيته بيت عصام تيمعو كل من في البيت على الغدا حتى يوسف ، بعد الغدا صعد عصام يرتاح بداره ولحقته طيبه اما بدر راح غرفته يلعب بلاي ستيشين ويوسف راح غرفته يريح ، تمت فاطمه ويا حسن بالصاله يسولفون فاطمه:اقول حسن حسن يلف عليها:قولي يا عيون حسن فاطمه منزله راسها:ممممم ترا خالتي طيبه اليوم قالتلي عن كل شي حسن مستغرب:عن شنو!!!!! فاطمه:عن خالد حسن يتنهد:اييييييييييه عرفتي قصته فاطمه تخفف عليه:ما عليه حبيبي انشاالله بيرد حسن:وين يرد يا فاطمه محد يدري عن خالد شي فاطمه:انشاالله يا حسن بيرد حسن بضيق:انا يا فاطمه احاتي خالد مادري شصار له احاتي ليكون ضاع يا فاطمه فاطمه:شقصدك؟؟؟ حسن :مادري ..ليكون رافج صحبه مو زينين و دلوه على طريج المخدرات فاطمه:من صجك يا حسن؟؟ حسن:وليش لا...اذا من اهو ياهل دخن سجاير مو بعيد الحين محشش مخدرات فاطمه:لا حول ولا قوة إلا بالله ،ليش ما دورتوه حسن:ما قصرنا يا فاطمه دورناه ورفيج يوسف احمد يدرس هناك راح سال عنه قالو انحاش من المدرسه الداخليه الي كان فيها فاطمه:وبعدين... حسن:سالنا واحد من ربعه الي يعرفه بالمدرسه وقالنا مكان شقته فاطمه:الحمدالله مدام لقى مكان شقته انشاالله يلقاه ويطمنك عليه حسن:الله يسمع منج حبيبتي فاطمه تبتسم له:انزين ما تبينا نروح نريح شوي قبل المغرب حسن:أي والله احس اني هلكان من الشغل بامريكا وصل احمد شقه خالد وطق الباب محد يرد تم يطق مده لما فتح له واحد مصري وشكله كان مو صاحي احمد:السلام عليكم الصبي يشوفه بنظره:helloooooooo احمد:khaled here?? الصبي سكران:مالك انته ما بتشوفني عربي جدامك ئاعد تخربط على نافوخي .... احكي معي عربي احمد فهم انه سكران:يعني نتم واقفين نتكلم اهني!!! الصبي:وانت مين!!! احمد:ويلييييه انا شيابني اهني، يا حبيبي تكفى بس قولي موجود خالد الصبي :خالد...خالد أي خالد احمد:لا حول ولا قوة إلا بالله وبعدين يعني ،خااااااااااااااااالد عصام موجود الصبي:ايييوه خالد ما غيره احمد مستانس: أي خلود وينه وينه الصبي واهو يدش داخل الشقه:مسكين خالد خلااااص راحت عليه خش السجن احمد مخترع:شنو شتقووول..ليش؟؟ الصبي:في ايه يا خوي .... مش أول مره ده ليخش فيها السجن احمد منصدم:نعم!!!!!!!! الصبي:أيوه مش أول مره بيقبضون عليه وبعد كم يوم يتركونه احمد:وباي حق؟؟ الصبي: مره بيكون سكران ومره بيكون محشش ومرات وايد ...انت بتسال ليه احمد بعصبيه:انا رفيج اخووووه...وين القاه الحين الصبي:ما اعرفش أي حاقه عنه تعال بعد دقيقه...او بعد كم يوم يمكن تلقاه احمد يشوف الشقه الي كلها بطول خمر و مخدرات و الشقه عفسه :حسبي الله ونعم الوكيل على من كان السبب وطلع احمد وخلى الصبي على حاله، واهو بطريج تم يفكر باخوه (معقوله اخو يوسف بهالمستوى) بيت عم عبدالرحمن (ابراهيم) ابراهيم ريال طيب توفت مرته بولادتها لسلوى،ما تزوج غيرها ما حب ييب مرة ابو لعياله تأذيهم . حنين اخت عبدالرحمن تدرس بكلية البنات تصميم داخلي مع بنت عمها سلوى في نفس السنه ، مشاري اخو سلوى وايد محتك فيها ويسمع كلامها مع أن اهو اكبر منها ويدرس بكلية الجيش آخر سنه له ، اما هدى اخت سلوى العوده مخطوبه حق ولد خالتها عماد. كانو كلهم قاعدين بالصاله ينطرون عبدالرحمن على الغدا، أول ما دش عبدالرحمن باس راس عمه وسلم عليهم وقعد على الطاوله عبدالرحمن:آسف عمي أخرتكم على الغدا ابراهيم:افا يا وليدي شالكلام، سم وانا عمك عبدالرحمن:عيل وين هدى ابراهيم:مثل ما تعرف عروس وتفتر من سوق لي سوق وترد تعبانه وما تبي تتغدى علشان ما تمتن مشاري:ها حمانو وينك ما شفتك اليوم الصبح ،امس سلمت علينا ونمت على طول عبدالرحمن:رحت اسلم على يوسف رفيجي، تذكره؟؟ مشاري يفكر:مو هذا الي رحنا معاه البر قبل سفرتك فرنسا عبدالرحمن:ايي اهو مشاري:يحليله خوش واحد حنين:أي واحد عبدالرحمن الي قلتلي بقى يقلبك بالسياره مره مشاري :وانتيييييييييييي ...شكو تسالين حنين:والله كيفي سالت اخوي ما سألتك؟ عبدالرحمن منصدم:مشاري شفيك؟؟؟ ابراهيم:هههه لا تنصدم يا حماني هذي حالهم يوميا كلا هواش ويا بعض حنين بدلع:اصلا حماني مشور دايما يتحرش فيني ويزعلني مشاري بعصبيه:انا اصغر عيالج تقوليلي مشووووور!!!! حنين تنخش ورا اخوها عبدالرحمن وسلوى وابوها ميتين ضحك عليهم عبدالرحمن:مشاري افا ما هقيتها منك ، تعامل اختي جذي جدامي مشاري:والله اختك هذي ام لسانين حنين :انا ام لسانين مشاري:ايي ويبيله قص ركضت حنين فوق غرفتها وسكرت الباب عليها عبدالرحمن بعصبيه:سالفتكم انتو ، شالحركات؟؟؟ سلوى بحيا:عادي عبدالرحمن احنا متعودين عليهم عبدالرحمن يخز مشاري:مو عيب عليك تقوم البنت من غداها هذي بحسبت اختك، وبعدين اهي ما قالت شي بس اسالتني عن يوسف مشاري:بس عيب تسال عن ربعك عبدالرحمن:وانت شكو سالتك ولا سالتني!!! ابراهيم:بس عاد يا عيال عيب عليكم ، احترمو وجودي عبدالرحمن باس راس عمه:آسف عمي مو قصدي بس مشاري الله يهديه نرفزني ابراهيم:يا وليدي لا تخاف اهم مو من صجهم ترا صارلهم سنين على هالحال تعودنا عليهم مشاري وايد يحب عبدالرحمن ويحترمه واهو طبعه جذيه يحب يناجر وخاصة حنين يحب يطفرها بس مو قصده يضايقها قرب مشاري من عبدالرحمن وباس راسه: وهذي بوسه وبسناك ...المهم ما تزعل علينا عبدالرحمن بابتسامه:يا مشاري انت اخوي وانا اعرف طبعك ، بس مابي حنين تضايق مشاري:افا عليك ...الحين اروح اتاسف منها واراضيها عبدالرحمن:لا خليك انت كمل غداك ويا عمي وسلوى وانا اصعد لها وصعد لها عبدالرحمن وطق باب غرفتها بس ما ردت ، فتح الباب شوي شوي لقاها نايمه على سريرها غطاها باللحاف ونزل يكمل غداه مشاري:ها عسى رضت علينا عبدالرحمن:لقيتها نايمه سلوى:ايي اهي تعبانه بعد امس ، كنا سهرانين عبدالرحمن:وشلونج مع الدراسه عسى مشيه سلوى بخجل:ايي الحمدالله ابراهيم:يا عيال خلو السوالف بعدين وكملو غداكم قبل لا يبرد كملو غداهم بعدها قعدو بالصاله تم كل واحد منهم يسولف عن نفسه ،استأذن ابراهيم علشان يرتاح بغرفته و عبدالرحمن بعد راح يرتاح ، اما سلوى ومشاري تمو بالصاله يسولفون ، حنين قعدت من نوم ونزلت تحت مرت عالمطبخ تسويلها اكل سلوى:اقول مشور مشاري:قولي... سلوى:عبدالرحمن بيعيش معانا بالبيت مشاري:ايي ابوي طالب منه ، ليش تسألين؟؟ سلوى بفرح:بس جذي مشاري:سلووووووه تدرين شمشتهي، تضحكين علي سلوى:شنو؟؟؟ مشاري:مشتهي قهوه عربيه سلوى:ههههههههه وانت من متى تحب هالشقلات مشاري:مادري امس شربتها بديوانيه ودشت مزاجي سلوى:بس راحت عليك مشاري:ليش؟؟؟ سلوى:لان حنون متخصصه بجميع انواع القهوات خاصة المره مشاري:مو إلا مابي من ايدها شي سلوى:مشوور من صجك!!!! مشاري:لا اضحك معاج ، بس مادري ليش احب اطفرها سلوى:مسكينه الله يعينها مشاري:انزين سلوى حبيبتي سويلي سلوى:ما اعرف مشاري: تدرين شلون انا بروح اسويها بنفسي سلوى:لا بالله احترقنا والله هدى نازله الصاله ومعاها صينية فيها اكل للرجيم هدى:بسم الله علينا ليش نحترق؟؟ مشاري:بسم الله الرحمن الرحيم رادار انتي!!! هدى:وي قطيعه، قول ما شاالله مشاري:ماشاالله ، هدويه حبيبتي تسويلي قهوه عربيه هدى:هههههه شعان عليك مشاري:ويليييييييه وبعدين وياكم بتسوولي ولا لأ هدى:روح المطبخ حنين هناك قاعد تطبخ مشاري بفرح:صج الله يبش رج بالخير راح مشاري المطبخ، وتمو سلوى وهدى يسولفون عن الملجه بالمطبخ أول ما دش مشاري المطبخ كانت حنين بتطلع بس اهو حط ايده عالباب ووقفها مشاري:افا حنين للحين زعلانه مني؟.؟ حنين:..................... مشاري:حنين انا آسف كنت اتغشمر معاج حنين:ممكن تخليني اطلع! مشاري:لا ماراح اخليج حنين تاخذ الصينيه الي بايدها وتحطها عالطاوله وتقعد ، اما مشاري تم واقف عند الباب علشان لا تطلع مشاري:يعني منتي مسامحتني حنين:لا مشاري:بس انا ما قلتلج شي حنين :لا والله ما قلتلي شي ، انا ما كنت اكلمك كنت اكلم حماني انت شكو ،وبعدين انا ما قلت شي بس سالته عن رفيجه لان اهو مره مسولفلي عنه مشاري:بس انا ما احبج تتكلمين عن ربعي او ربع حماني حنين:وانت شكو مشاري:انا اكو ، انا بحسبة اخوج وولد عمج حنين:انزين مشاري ممكن الحين تخليني اطلع مشاري:مو قبل لا تقوليلي انج مسامحتني حنين:ويهمك؟؟؟ مشاري يبتسم لها :طبعا يهمني ، انتي غاليه عندي مثل اختي سلوى علشان جذي اطفرج حنين:ههههههههههههه مشاري:يعني افهم من هالضحكه انج رضيتي علي حنين:والله يمشاري انا ما زعلت علشان ارضى، وبعدين هذي مو أول مره ، تعودت على طبعك مشاري:والله انا قلت محد بالبيت فاهمني غيرج حنين:ههههههههه مشاري:انزين حنين بطلبج حنين:آمر مشاري:سمعت انج خبيره بالقهوه العربيه ممكن تسويلي حدي مشتهيها حنين:اوكي من عيوني بس اخلص اكلي واسويلك مشاري:تسلمين ، مشكوره وبعدها راحو الصاله ، وسوت حنين القهوه و نزل عبدالرحمن وابراهيم وتمو يسولفون بيت(ايلاف) ايلاف رفيجة سلوى وحنين من هم صغار..قعدت ايلاف من النوم غسلت وغيرت ملابسها بتروح الجامعه انزلت ايلاف الصاله لقت امها لابسه وكاشخه بتطلع ايلاف تبوس راس امها:صباح الخير.... امها تاكل بسرعه:صباح النور حبيبيتي ايلاف:يمه انا ابيج بموضوع يخص محمد اخوي ام محمد:ما عندي وقت يا ايلاف بعدين ايلاف:يمه بس الموضوع وايد مهم..محمد نفسيته مو زينه ودليل درجاته وايد نازله ام محمد تعدل شعرها:انا مو فاضيه يا ايلاف قولي لابوج..وبعدين اهو ريال ويعرف مصلحته..يسقط هالسنه ويعوضها السنه اليايه مو مشكله ايلاف مصدومه:يمه من صجج!!!!! ام محمد تروح صوب الباب:الوفه حبيبتي لا تنطرونيى عالغدا بتغدى بره..باي ايلاف تمت مصدومه من كلام امها...من اهم صغار وعمرهم ما حسو بحنان امهم دايما لاهيه مع رفيجاتها...وابوهم الي اهم شي عنده شغله والفلوس ... مر اسبوع وما صار تغيرات وايد إلا ردت احمد من امريكا و قرب موعد ملجة هدى أول ما وصل احمد ما كان عنده مكان يسكن فيه ، بس اهو كان يشتغل ويدرس بامريكا راح سكن بفندق ودق على يوسف وراحله هناك اما عبدالرحمن فكان عنده شغل ويا عمه فاتفقو انهم يتلاقون على العشى باللوبي يوسف:حمدالله على السلامه احمد:الله يسلمك يوسف:ها وين تبينا نروح علشان نسولف على راحتنا حمانوه مهو ياي إلا على العشى احمد:خلاص عيل خل نصعد جناحي فوق يوسف:يلا مشينا بالغرفه احمد:ها يوسف بشر شلونك وشلون الربع يوسف:والله انا بخير، بالنسبه لربعنا من بعد الثانوي انقطعو بس انت و عبدالرحمن وسعد احمد:ايي هذي دنيا تفرق وتجمع يوسف:إلا ليش ساكن بفندق منت معزم تعيش بالكويت احمد:لا انشاالله بعيش اهني ، بس ما عندي مكان اروحله يوسف:افا والله ، بيتي اهو بيتك احمد:ما قصرت بس انا مرتاح اهني وانشالله مقرر اشتري بيت و استقر يوسف:أووووووووووه لا يكون ناوي على الزواج احمد:وليش لا!! يوسف:لا بالله اكتملت انت وحمانو عيل انا شناطر خل اتزوج وياكم احمد:هههههههههه بس انا ما لقيت البنت للحين يوسف:بس انا لا قيها يا احمد وابيها احمد:ما غيرها الي قلتلي عنها ،بنت ييرانكم يوسف:واهو في غيرها حبها قلبي احمد:وشناطر شهاده والحمدالله عندك و شغل بتشتغل بشركه ابوك! يوسف:مادري خايف !! احمد:من شنو؟؟ يوسف:من ابوي ، اخاف يرفض لانهم على قد حالهم احمد:لا انشالله ما يرفض انت قوله وماراح تخسر شي يوسف:الله يكتب الي فيه الخير احمد:شلون حسن اخوك وولده بدوري يوسف:والله تمام احمد بجد:يوسف يوسف:هلا احمد:ترا انا رحت حق شقة اخوك خالد مثل ما طلبت مني يوسف بفرح:لقييته!!! احمد منزل راسه:انا يا يوسف ما رديت الكويت إلا وانا متاكد من الي شفته يوسف:شقصدك احمد!!! احمد:خا..لد اخ..و..ك .... يوسف مخترع:احمد شفيك ، خالد اخوي فيه شي !! احمد:والله يا يوسف ماني عارف شلون اقولك يوسف يهز جتف احمد:تكفى احمد قولي خالد اخوي شفيه؟؟؟؟ احمد:اخوك يا يوسف مدمن مخدرات وسكير والحين اهو بالسجن يوسف منصدم:شتقوووووووووووووووووووووول احمد يهديه:يوسف حبيبي هد شوي يوسف يبجي:خالد اخوي البريء صار مدمن وسكييييير...لا ما اصدق احمد:اذكر ربك يا يوسف يوسف يبجي: كلااا...منه..اهو السبب اهو الي ضيعه...بغروووووره احمد:يا يوسف ما يصير الي تسويه بنفسك يوسف:شتبين اسوي يا احمد وانت تقولي اخوي مدمن مخدرات وسكير ومقلول الحين بالسجن ...حسبي الله ونعم الوكيل على من كان السبب احمد:يا يوسف ما يصير تتحسب على ابوك ...انشاالله ماراح يصير إلا الخير يوسف منهار:شلوووووووووووون....من وييين ايي الخير وهذا ابوي احمد:انا سالت عنه بالسجن وتأكدت أن اهو وبعد شهر بيطلع يوسف يبجي:راااااااحت اياااااامك ياااااا خالد ....خلاااااص ابوووي ضيعك احمد:وبعدين يا يوسف ...يعني اذا بجيت وسويت بنفسك جذي بيرد يوسف:مو مصدق يا احمد ..مادري شرراح يصير بامي ان درت احمد:انا يا يوسف اقول قبل لا يطلع خالد من السجن تروحله وتعالجه بره وبعدها تردون الكويت يوسف:وهذا انشاالله الي بسويه احمد:خلاص يا يوسف ...انت احمد ربك انا لقيناه وانشاالله يتعالج ويردلكم يوسف:الله يسمع منك يا احمد ...بس شقول حق ابوي اكيد علاجه بيطول احمد:انا اقول كمل دراستك هناك ..يعني اخذ الماجستير و اخوك يتعالج وانشاالله اهو بعد يتعالج ويدرس هناك وتردون تفرحون امكم يوسف بفرح:ايي والله يا احمد امي صحته تعبت من كثر ما تفكر بخالد وان درت بلي صارله بتموت احمد:بعد عمر طويل انشاالله ..انت بس قول حق اخوك حسن علشان يصرف لك فلوس العلاج يوسف:والله ماني عارف شلون اشكرك يا احمد احمد:افا عليك يا يوسف خالد اخوي مثل ماهو اخوك ولا نسيت أن اهو كان يحبني اكثر منك (يغمز له بعيونه) يوسف:لا والله ما نسيت ...كان كل مايبي شي ييلك انت علشان تشتريله مع اني ما كنت اعرف من وين تييب هالفلوس احمد بحزن:لا ذكرني يا يوسف يوسف:اذكرك بشنو!!! احمد:انت ما تدري يا يوسف عن شي... انا قبل لا اتعرف عليكم كنت ادرس بمدرسه ثانيه بس ما كملت فيها بعد وفاة امي وابوي وقتها كان عمري 15 سنه ما كان عندي اهل ولا مصدر اصرف منه يوسف:ليش؟؟ احمد بتردد:ممم سالفه قديمه، اعتبرها ماضي حزين يوسف:احمد انا للمره مليون باسالك عن ماضيك الي بسبته هديت ديرتك وييت امريكا بس اذا للحين مو واثق فيني على راحتك احمد:افا يا يوسف شالكلام،انت تدري انك اعز ربعي ،بس انا مابي اضايقك الي فيك يكفيك يوسف:افا والله يا احمد ما هقيتها منك انا رفيجك اذا ما قلتلي همك وشلته معاك عيل منو بيساعدك وانته يا احمد وحيد لازم تقولي عن همك علشان اساعدك...وكفايه انك شايل هم اخوي خالد وياي ليش ما تبيني اشيل همك!! احمد بابتسامه:والله يا يوسف لو الف العالم كله ما القى مثلك يوسف:ههههههههههه تبي ترفع من معنوياتي احمد :هههههههههه يوسف:شفيك يا احمد قولي شلي مضايقك؟؟؟ بدا احمد يذكر الي صارله ودموعه بدت تنزل مثل المطر يوسف:خلاص يا احمد بس عاد عيب عليك ريال شكبرك تبجي الله يرحمهم احمد:ما انسى يا يوسف الي صارلي كانو اغلى شي عندي وراحو وخلوني وانا صغير يوسف:انزين ما كنت تعرف احد من اهلك؟؟ احمد يبتسم باستهزاء : أي اهل !!! يوسف مستغرب من ردة فعله:اهلك،يدتك.. ويدك عمك... خالك... عمتك... خالتك احمد:هههههههههههه يوسف مستغرب:احمد شفيك؟؟ احمد خانقته العبره:انا يا يوسف وحيد بهالدنيا من بعد موتت امي وابوي اهلي الي تقول عنهم كانو متبرين من امي وابوي من أول ما عرفو انهم يحبون بعض وبيتزوجون ، تحدو اهلهم وتزوجو و اهلهم تبرو منهم امي ما كانت تقدر تحمل كان عندها مشكله برحم بس مع العلاج قدرت تيبني عقب 3 سنين من زواجهم و لما ولدتني محد من اهلها او اهل ابوي باركلهم ، و بعدها امي ما قدرت تحمل وابوي ما تزوج عليها لان يحبها وكبرت وانا وحيد لا اخوان ولا خوات ولا عيل عم ولا عيال خوال كان ابوي اهو رفيجي...(ويبجي) كانت امي اهي اختي كانو كل شي بحياتي بس راحو راحو وخلوني يوسف: يا احمد اهدا شوي احمد يبجي:من اذكر الي صارلهم اتمنى اكون مت وياهم يوسف :لا يا احمد هذا مو كلام واحد مؤمن بقضاء الله وقدره احمد:شسوي يا يوسف الي عانيته بحياتي مو شوي يوسف:انزين اهم شلون توفو ؟؟ ويبدا احمد يقول السالفه حق يوسف واهو منهار من البجي احمد:كنا كلنا قاعدين على الغدا قاعد نسولف وكان يومها ذكرى يوم زواج امي وابوي مر على حياتهم 18 سنه كانت كلها حب و سعاده سالني ابوي ((بواحمد:ها حبيبي احمد شلون المدرسه اليوم احمد:الحمد الله يبا زينه ام احمد:أصلا ولدي احمد شاطر ما ينخاف عليه بو احمد: والله يا حصه اني أنطر اليوم الي يكبر فيه احمد ويترس لنا هالبيت يهال ويشيل عني الشغل احمد واهو يضحك:انشاالله يبا اذا كبرت بدرس بكلية تجاره علشان اساعدك بالشغل ام احمد:عفيه على وليدي ، الحين خلص غداك وصل العصر وسو واجباتك علشان تروح بيت حمود رفيجك و انا وابوك بنطلع اليوم احمد:انشاالله يمه وين بتروحون؟؟ بو احمد يساسر احمد علشان ما تسمعهم حصه (ام احمد):اوششششش فضحتني انا مسويلها مفاجئه اليوم ذكرى زواجنا و فاتحلها مشغل الي كان بخاطرها فيه من زمان احمد واهو يبتسم لامه لأنه يعرف ابوه شكثر يحب امه ام احمد:انتو شتحشون؟؟ بو احمد:لا ابد سلامتج حبيبتي ماكو شي ام احمد:احمداني حبيبي ابوك شقالك؟؟ احمد يغمز حق ابوه:ما قالي شي يمه بس قالي أن امك اليوم وايد صايره حلوه بو احمد:هههههه أي صح انتي اليوم محلوه وايد ام احمد استحت:عيونك الحلوه بعدها صعدو دارهم يرتاحون وانا صليت وقعدت احل واجباتي ودق علي حمود رفيجي وطلعنا، ما رديت إلبيت إلا بليل على ساعه 12 تقريبا، أول ما دشيت البيت كان ظلمه توقعت انهم ردو نامو فما حبيت ازعجهم رحت داري غيرت اهدومي ونمت)) يوسف:ايه احمد كمل.... احمد: اتصدق يا يوسف جني حاس أن فيهم شي قعدت من نوم مخترع ذيك الليله، كنت حلمان اني انادي امي وابوي واهم يباعدون عني وانا الحقهم واصارخ اناديهم واهم يباعدون اكثر لما قربت منهم مدو لي ايدهم توني بمسك ايدهم ولا يختفون وقمت اصارخ اناديهم ما يردون علي وفزيت من نومي مخترع نزلت المطبخ بشرب قلاص ماي و اتعوذت من الشيطان ، كنت توني ياي بصعد الدري بروح داري مريت على دار امي وابوي الي كانت تحت صوب الدري ما لقيتهم ،خفت لانهم تأخرو واهم مو من عوايدهم يتأخرون لي هالحزه وكانت ساعه 2 بليل تقريبا، رحت صوب التليفون دقيت عليهم بس الجهاز مغلق ما قدرت انام وكل ساع اذكر الحلم واتعوذ من الشيطان توني بروح صوب غرفتي رن التليفون ((احمد:الو الريال:السلام عليكم احمد:وعليكم السلام الريال:اخوي هذا بيت سالم علي سالم احمد:أي نعم خير ابوي فيه شي الريال :منو معاي احمد:معاك ولده احمد الريال حس من صوت احمد انه صغير فخاف يقوله:انزين احمد احد معاك بالبيت احمد:لا محد معاي الريال:انزين ممكن تعطينا رقم عمك او خالك او أي احد من اهلك احمد وبدا يحاتي:والله ما اعرف احد من الاهل لا اهل امي ولا ابوي وانا وحيدهم ممكن اعرف شسالفه الريال :احمد ممكن تاخذ تاكسي وتيي مستشفى الاميري احمد مخترع:مستشفى!!!ليش!!!! الريال:لا تخاف يا احمد ما في شي بس صار حادث بسيط حق امك وابوك احمد:شنو شتقول حادث شلون شلون !!!!!!!! الريال :يا احمد لا تخاف قلتلك حادث بسيط انته بس تعال المستشفى الحين سكرت التليفون في ويه الريال وطلعت على طول خذيت تاكسي ورحت المستشفى راعي تاكسي:انته ليش يبجي ؟؟ احمد واهو يبجي :تكفا سووووووووووق بسرررررررررعه رووووح الاميري بسرعه راعي تاكسي:انشاالله انا سوي سوق بسرعه انته لا يسوي يبجي وايد شنو مشكله؟؟ احمد تم يبجي طول الطريج ، وبعد 5 دقايق وصل المستشفى راعي تاكسي:خلاص يلا انته اكو يوصل مستشفى احمد توه بينزل تذكر انه مو معاه فلوس احمد:انا اسف رفيق بس انا مو معاي فلوس راعي تاكسي:ماكو مشكله انته روه الهين مستشفى انشاالله هذا نفر مريض صير زين احمد واهو يبتسم له :مشكور رفيق ورحت ركض صوب المستشفى و سالت عنهم وقالولي انهم بغرفة العمليات ركضت صوب غرفة العمليات توني واصل ولا يطلع الدكتور احمد واهو ميت من البجي:دكتور شصاير... شفيهم امي وابوي؟؟؟ الدكتور:وانته مين يا ولدي احمد:انا احمد سالم علي سالم دقو علي قالولي انه امي وابوي اهني . تكفى دكتور امي وابوي وينهم؟ الدكتور وباديه عليه ملامح الحزن:يا احمد انته ولد مؤمن بقضاء الله وقدره والي الله كاتبه حيصير ولا ايه يا احمد احمد:أي يا دكتور صح بس امي وابوي وينهم ابي اشوفهم الدكتور ما حب يطول اكثر عليه لأنه شكله بدا ينهار الدكتور :البقيه براسك ظليت واقف بمكاني ودموعي تنزل مو مصدق الي اسمعه توا بيمشي الدكتور جان امسكه احمد:انته شتقول يالجذاب وين امي وابوي الدكتور واهو مقدر موقف احمد:يا احمد تعوذ من الشيطان احمد:انته شتقول انا اقولك امييييييييييييييييييييي وابوووووووووووووووووووووي وييييييييييييييييييينهم ما تسمع جاوبني وينهم الدكتور سكت واشر على غرفة العمليات ،ما نطرت رحت على طول صوب الغرفه لقيت اثنين على الكرفايه مغطينهم بشرشف ابيض...........(انهار من البجي وهداه يوسف ورد كمل) خفت أول شي اني اشيل الشرشف بس اخر شي قويت نفسي و رحت حق أول سرير رفعت الشرشف شفت منظر عمري ماراح انساه بحياتي شفت امي يا يوسف امي الي كل من يتكلم بجماله بعيونها بخشمها بحلجها بضحكتها بغمازاتها كل شي امي الي ما انسى ويها الحلو الي دوم الضحكه عليه شفت امي يا يوسف محترقه مو مبينه ملامحها بس عرفتها من دبلتها الي بايدها الي دوم تلبسها غطيت الشرشف بسرعه ما استحملت الي اشوفه وقمت اصارخ وانادي يمااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا لا تخلينييييييييييييييييييي بروووووووووووووووووووووووووووووووووووووووووحي لا لا لااااااااااااااااااااا شلون اعيييييييييييييييييييييييييييييش من دونج سمع دكتور صراخي ودش علي يهديني بس ما رضيت اطلع إلا لما اشوف ابوي ورحت صوب السرير الثاني رفعت الشرشف شفت ويه ابوي محترق من جهه وحده و الجهه ثانيه باينه ملامحه بس شوي جروح قمت ابجي واصارخ لا لاااااااااااااااااااااااا حتى انت يا يباااااااااااااااااااااااااااااااااااااااااااااااااااااااااااااا حراااااااااااام عليكم انا شسوي بروحي بهالدنيا شلون اعيش ما عندي احد غيركم . وهزيت جتفه كنت اتمنى الي اشوفه حلم وانه راح يرد علي بس الواقع انه هذا اهو ابوي الي جدامي مات وخلاني راح رفيجي واخوي وابوي راحو اعز الناس عني وخلوني كنت اصرخ واناديه :يبااااااااا تكفه رد علي انا ولدك احمد باجر بيوزعون الشهادات وراح ارفع راسك واطلع الاول نفس كل مره وتحضر حفلتي وتفتخر تكفا يبااا رد علي ، لييييييييييييييييييييييييييييييش ما ترد حراااااااااااااااام عليك،بس ما كانو يردون علي لانهم ماتو وخلوني يا يوسف خلوني وانا صغير ما اعرف الشر بهالدنيا تعلمت منهم الحب والحنان والسعاده يوسف:الله يرحمهم يا احمد ، اذا ما تبي تكمل لا تقول شي احمد:لا يا يوسف ابي اقول كل الي بقلبي ابي ارتاح يوسف يبتسمله:كمل يا احمد انا اسمعك احمد:انا من عقب الي صارلي والي شفته انهرت الدكتور خاف علي اني انهار اكثر ،نادى السسترات ياخذوني ويعطوني مهدءات مر اسبوعين على وفاة امي وابي وانا بالمستشفى بسبة حالتي النفسيه الدكتور:لا الحمدالله يا احمد اليوم انت احسن بوايد احمد:.............. الدكتور قعد يمي على السرير ويمسح على راسي:يا احمد الي صار الله كاتبه وانته ما تقدر تتعترض عليه انته اذا تحبهم صج لازم تكون اقوى من جذيه وتدعيلهم و تحقق حلمهم فيك احمد واهو مغمض عيونه ويبجي يذكر ابوه لما كان يتمناه انه يتخرج ويي يساعده بشغله حس الدكتور انه تذكر موقف من امه وابوه فحب انه يغير الموضوع الدكتور : اقول احمد احمد بحزن:نعم الدكتور:انته باي صف؟ احمد:انا الحين أول سنه لي بثانوي الدكتور :انزين يا احمد تذكر اذا في احد من اهلك تعرفه احمد:ما اعرف احد كل الي اعرفه انه امي وابوي تزوجو بعض عن حب وبدون رضا اهلهم فعاشو بعيد عنهم بعد ما تبرو منهم الدكتور واهو يحاتي حال احمد:انزين يا احمد انته كبير وراح تفهم الي بقولك عليه احمد:شفيك دكتور؟؟؟ الدكتور:احمد ابوك الله يرحمه...... احمد :الله يرحمه ((ويقعد يبجي)) الدكتور: يا احمد ما يصير جذيه لازم تكون اقوى علشان تسمع الي بقولك اياه احمد مسح دموعه وقوى نفسه:خير شصاير الدكتور:ابوك الله يرحمه كان عليه ديون وكان راهن بيتكم الي ساكنين فيه وشركته للبنك ، والحين كل املاكه راحو للبنك إلا شقه على ما اعتقد قالولي انها مكتوبه باسم امك الله يرحمها اهي الوحيد الي باقيه لك احمد واهو يتنهد:ايه هذي الشقه ابوي شاريها حق امي بمناسبه عيد زواجهم علشان تسوي مشغل خياطه بس ما تهنت فيييييييييييه أميييييييييييييي خلااااااااااااااااااااااااااص ماااااااااااااااااتت اهي وابووووووووووووووووووووي و خلوووووني بروحي بهالدنيا مابي اعيش خلاص مابي الدكتور يحضن احمد:خلاص يا احمد لا تقول جذيه انشاالله تعيش وترفع راس امك وابوك وتخليهم يرتاحون احمد:شلون اعيش يا دكتور من وين اعيش شلون شلون!!!!!!!! الدكتور:يا احمد انته لا تحاتي شي انته انشاالله بتسكن بالشقه وانشاالله الدوله راح تمشيلك مبلغ يساعدك بحياتك ، وانشاالله تروح المدرسه وتحقق حلم امك وابوك تكمل دراستك احمد:ماراح اروح المدرسه خلاص انا مابي شي من هالحياة الي احبهم راحو عني ما في شي يستاهل الدكتور:لا يا احمد لا تقول جذي لازم تكمل دراستك علشان ماما وبابا يرتاحون احمد:.................... (يبجي بصوت خفيف) دكتور:وبعدين يا احمد ...يعني انت ظن أنك لما تبكي بترد ماما وبابا احمد يهز راسه بنفي:...دكتور تكفى ابي اطلع من اهني متى اطلع؟ الدكتور :باجر انشاالله احمد:مشكور دكتور تعبتك وياي الدكتور:لا يا احمد لا تقول جذيه انته بحسبت ولدي بعدين هذا رقمي اذا تبي أي شي دق علي لا تتردد احمد:مشكور وما قصرت الدكتور:العفو والحين يالله ارتاح احمد:انشاالله طلعت من المستشفى وصلني الدكتور الشقه أول ما دشيت وشفت اغراض الخياطه الي كانت امي مزهبتهم انهرت وقمت ابجي بدا الدكتور يهديني ويقرا علي ولما سكت وتطمن علي خلاني بالشقه ارتاح وراح الجمعيه يشتري لي اغراض واكل يوسف:والله انه خوش ريال احمد:أيي والله يا يوسف الله دزه لي كان كل يوم ايي يسال عني ويبلي الي احتاجه وكان يحاول يقنعني اني ارد المدرسه بس انا رافض هالشي ومر شهر وانا على هالحال بس مثل ما تعرف شغل الدكتور متعب بدت زياراته تخف تدريجيا لما اختفى وما عرفت عنه أي شي سالت عنه بالمستشفى قالولي سافر عنده دوره بالخارج يوسف:كل هذا صارلك يا احمد صج انك ريال وقدرت تتحمل احمد:لا يا يوسف انا من راح عني الدكتور ما كنت اعرف شلون بعيش ولا من وين بصرف عمري ما خذيت فلس حرام وابوي رباني على هالشي بس الحاجه يا يوسف قص علي الشيطان وخلاني اسمع كلام ماجد حسبي يالله عليه يوسف:منو ماجد؟؟ احمد يتنهد:ماجد الله يسامحه ويهديه ، هذا كان معاي ايام الدراسه قبل لا ايي عندكم واتعرف عليكم، كنت اعرفه من قبل وفاة امي وابوي كنت دايما اتجنبه لان اخلاقه مو زينه بس اهو دايما يغار مني ليش كل الاساتذه يمدحوني ويذمونه و بعد وفاة امي وابوي و تركي المدرسه يالي يوم الشقه ((ماجد:شلونك احمد؟؟ احمد منصدم:!!!!!!!!!!!! ماجد:احمد شفيك انا اكلمك احمد:تفضل ماجد حياك ماجد:دام فضلك احمد:خير ماجد ليش ياي؟؟ ماجد:ياي اسال عنك انا توني دريت بلي صارلك وقلت ايي اسال عنك ،شلونك الحين؟ احمد منصدم:الحمد الله الله يعلم بالحال ماجد:الله يصبرك يا احمد احمد مستغرب من الادب الي نازل على ماجد فتم ساكت ماجد(يتصنع الحزن والادب):يا خوي يا احمد الموت حق علينه انته انسان مؤمن لازم ترضى بقضاء الله وقدره احمد منصدم من كلامه بس شيسوي محتاج حق واحد يكلمه احمد بدا يصيح:راحو يا ماجد راحو وخلوني بروحي ماجد(يسوي نفسه بيبجي):افا يا احمد واحنا وين رحنا انته لا تحاتي شي أي شي تبي انا موجود اعتبرني اخوك الكبير،شقلت؟؟ احمد منصدم من كلامه، ويحس انه بحلم ماجد:ادري يا احمد انته مستغرب من كلامي شلون يايلك للبيت واقولك هالكلام وانا الي كنت اذيك بالمدرسه وسويلك مشاكل بس انا يا احمد تغيرت وابيك تسامحني احمد بطيبته:سامحتك يا ماجد، ونفتح صفحه جديده ماجد واهو يبجي:مشكور يا احمد وانشااللله بعوضك على كل الي سويته فيك احمد:خلاص انسى الماضي ومر شهر وكان ماجد يوميا عندي يسولف وياي وييبلي اغراضي ويحاول يقنعي اني ارد المدرسه بس كنت ارفض ، كنت اظن ان خلاص ماجد تاب وعرف غلطه ما كنت ادري ان هذي خطه من خططه يكسبني بعدين يدمرني بعد ما صار ماجد رفيجي حيل بدا يطلع ماجد على حقيقته شوي شوي، كنا يوم رايحين نتعشى باحد المطاعم احمد:اقول ماجد ماجد:قول احمد:انا مليت يا ماجد ما يصير جذيه قاعد بطالي يوم انته ويوم الدكتور تصرفون علي ماجد:يعني!! احمد:ابي اشتغل ماجد:من صجك انته!!!!!!!!!! احمد:أي ماجد:منو بيشغلك بشهادة متوسطه احمد:مادري أي شغله بس مابي اتم عاله عليكم ماجد:ممممممممم ما اتوقع في شغله لك خاصة انك متوسط مو ثانوي احمد:الحين شلون ، محتاج حق فلوس ماجد:انا عندي لك شغله بس ما اتوقع انك بترضى احمد:بالحلال!! ماجد:مو قلتلك ماراح تنفعك احمد:شنو اهي ماجد:ما عليك إلا تاخذ شي وتوصله حق ناس احمد:وشنو هالشي الي اوصله؟؟ ماجد:انت مالك شغل ...توزع وبس احمد:لا يا ماجد ما يصير اوزع شي وانا ما اعرف شنو اهو ماجد:ويلييي...خلاص بقولك احمد:شنو!! ماجد يقرب منه ويساسره:بطول خمر و حشيش احمد يوقف معصب:من صجك انت!!!شقاعد تخربط؟؟؟ ماجد يمسك ايده ويقعده:ويليييه تعال وين رايح احمد:ظاهر انك ما تغيرت يا ماجد ماجد:خلاص يا احمد عندي لك شغله ثانيه احمد:شوف يا ماجد انت فاهمني انا هالسوالف ما احبها ماجد: يبا درينه خلاص ...ماراح اكلمك بهالمواضيع مره ثانيه احمد:ايي خلك ريال ماجد بعد تفكير:ممم ..انت عندك كمبيوتر بالبيت؟ احمد:لا ماجد:ويي حسافه احمد:لا لا ..تعال عندي كمبيوتر امي كان ابوي شاريه لها قبل الحادث علشان المشغل ماجد بفرح:خلاص انحلت المشكله احمد مسغرب من كلامه:شلون انحلت!!!!!! ماجد:شوف يا احمد انا بقولك هالطريقه وانا مجربها وطلعت من وراها آلاف الدينانير احمد:آلاف مره وحده ،الله يعافيك شنو هيه؟؟ ماجد:شوف يا احمد انا بقولك اياها انا ادري انها غلط بس ما عندنا حل ثاني احمد: وييلييييه تونا شتفقنا؟؟ ماجد:لا اهي مو حرام بس غلط احمد:لا والله وانشالله في فرق بينهم !! ماجد:انته اسمعني واذا عجبتك سوها واذا ما عجبتك خلاص كانك ما سمعت شي احمد:اوكي قول ماجد: شوف يا احمد،تتعرف على بنات من الانترنت وجذب عليهم وتاخذ منهم فلوس احمد منصدم:شتقووووول انت... شتخربط!!!!!!! ماجد:احمد اسمعني ليه الآخر تقول حق كل بنت تكلمها انك من عايله غنية وتوهمها انك راح تتزوجها أول ما تخلص دراستك وبعد فتره ترد تكلمها وتطلب منها صوره لها لأن ابوك مو راضي تتزوج وحده انت ما شفتها، فراح دزلك صورتها بهل وقت..تقوم انت و تركب عليها اجسام عاريه و تبدي تهددها بانك تفضحها اهي راح تترجاك انك ما تسوي هالشي فهالوقت اطلب منها فلوس مقابل انك تتنازل عن الي بتسويه . وتسوي هاشي مع اكثر من بنت صدقني ماراح تخسر شي وانته ماراح تأذي البنت ... تاخذ من كل بنت المبلغ الي انته تبيه وخلال شهر شوف جم بتيمع. احمد منصدم من تفكير ماجد:من صجك انت شلون اسوي بنات ناس جذي ماجد:هذا الحل الوحيد بس صدقني ماراح تخسر شي احمد:لا يا ماجد انت ما عرفتني عدل ...انا انخدعت فيك عبالي تغيرت بس ظاهر بو طبيع ما يوز عن طبعه ماجد:الحين هذا يزاي اني بساعدك احمد:مابي هالمساعده ومشكور ما قصرت انك وقفت وياي والحين انا استأذن مع السلامه ماجد:احمد اصبر تعال خل اكلمك (بس احمد ما وقف خلاه ومشى عنه) من عقب الي صار قمت اتجنب ماجد وحاولت ادور على شغل شريف اعيش منه بس ما حصلت لان شهادتي متوسط ،كانت تمر ايام علي ما اشرب فيها غير الماي ،و كلام ماجد كنت افكر فيه يوميا لما قص علي الشيطان وقدر يسيطر علي يوسف منصدم:يعني سويت الي قاله لك ... سويته في بنات الناس احمد واهو يبجي:ما كان ودي اسوي جذي بس الشيطان شاطر، وكنت محتاج حق فلوس اعيش منها يوسف:لا حول ولا قوة إلا بالله انزين والفلوس الي تعطيك اياها الدوله؟؟ احمد:كنت ادفعها حق ايجار الشقه وما يبقى منها شي ، والله يا يوسف عشت حياة ما اتوقع احد عاشها بعت كل ماكينات الخياطه والاثاث وكل شي حتى القنفه الي كنت انام عليها بعتها ما بقى غير الكمبيوتر بعد كلام ماجد قلت اهو شي الوحيد الي يمكن يعيشني يوسف:الله يغفرلك يا احمد احمد يبجي:صدق يا يوسف أول شي كنت متردد بس الحاله الي كنت فيها جبرتني على اني اسوي و بمدة شهر يمعت 4000 دينار ما صدقت يا يوسف انه في هالسهوله تيي الفلوس ،قمت اطلب منهم مبلغ اكبر يوسف:لا اله إلا الله شلون كنت تقدر تسوي بنات الناس جذي !!!! احمد:كنت كل يوم اخذلي اسم وابدي اجذب عليهم يوسف:وتميت لي متى جذي احمد:تقريبا سنه وشوي يوسف:شلون...مو مصدق الي تقوله ..شلون كانو البنات يصدقونك احمد:اكثر واحد احس اني ظلمتها بنت كنت اكلمها اسمها دلال وكنت مسمي نفسي طلال ((احمد (طلال):هلا بالغاليه توا نور المسنجر دلال: منور بوجودك حبيبي طلال:شلونج دلولتي دلال:الحمدالله بخير حبي انتا شلونك طلال: تمام دلال:اقول طلال طلال:هلا دلال:صار على موضوعنا طلال:أي موضوع حبيبتي دلال:افا طلال شلون تنسى موضوعنا انت تدري انت أول واحد اكلمه على المسنجر وقدرت علي وخليتني اكلمك بالموبايل بعد وهذا كلا لاني احبك وانت وعدتني انك راح تخطبني مو هذا اتفاقنا حبيبي طلال:أي يا عمري انا ما نسيت كنت بقولج بس انتي سبقتيني شلون اقدر انسى دلال:سوري حبيبي مو قصدي طلال:لا عادي ما اقدر ازعل من قلبي دلال:انزين شصار؟ طلال:ماكو مثل ما وعدتج كلمت الوالد بس قالي ما يصير تتزوج وحده انتا ما شفتها.. قلتلا ما اقدر اطلع وياها إلا لما تكون على ذمتي لاني احبها واخاف عليها دلال: ويي حبيبي مو مشكله اذا هذا الي مأخر موضوع الخطبه ادزلك صورتي طلال: أي والله حياتي بعد هذا شرط ابوي وانشا الله أول ما دزيلي الصوره اواريه و اردلج احلى خبر باجر دلال:خلاص حياتي انا الحين ادزها لك طلال:اوكي و دزت لي الصوره بالمسنجر المسكينه ما كانت تدري أن قصدي شي ثاني...و مر يوم وشبكت علشان أردلها الخبر الي راح يكون مصدر فضيحه لها و لعايلتها. طلال:هاي دلال:هايييييييييييييييييييييييييييين بشر صار طلال:على شنو حبيبتي دلال:يلا عاد طلولي مو وقته غشمرتك البايخه طلال:أي غشمره ترا مو فاهم قصدج دلال: يلا عاد حبي قصدي عن الخطبه طلال:أي خطبه دلال:خطبتنا طلال شفيك؟؟؟؟؟؟؟؟؟؟؟؟؟؟ طلال:الحمد الله ما فيني شي انتي الي شفيج قاعد تخربطين على راسي أي خطبه أي خرابيط!!!! دلال:من صجك قاعد تتكلم؟ طلال:أيي من صجي دلال:مو انت امس قلتلي ادزلك صورتي وتواريها ابوك علشان تيون تخطبوني طلال:لوووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووول دلال:شقصدك!!!! طلال:صج انج مينونه من صجج صدقتي؟ دلال:انت شقاعد تخربط طلال:انا يا مدام اذا فكرت اخطب بنت ما خطب من اشكالج ،لأن الي نزلت عمرها تكلمني يعني مكلمه 100 واحد قبلي ،واذا عن صوره انا ما عندي إلا صوره وحده لج وافضل اني ما اواريج اياها دلال:طلال حبيبي شقاعد تقول حرام عليك انت تدري انك الوحيد الي كلمته بحياتي واني احبك ودليل اني دزيتلك صورتي طلال:أي صوره قصدج هذي طبعا كنت مركب عليها جسم عاري ودزيتلها صورتها دلال:@@أي النذل يالخسيييس يالحماااااااااااااار هذي مو انا طلال:لا عيل انا ....هههه...سوي زوووم وتاكدي دلال:حرام عليك ليش تسوي فيني جذي هذا يزاي اني صدقتك وحبيتك طلال:محد طقج على راسج وقصبج وبعدين الحين لازم تعرفين انا صورج الي عندي يمكن باي لحظه توصل حق خوانج دلال:أي صور انا مو معطيتك إلا وحده طلال:صج انج مسكينه انا بواريج اياهم بس قبل لما اواريج ابيج تعرفين اني مو نذل نفس ما ظنين وماراح انسى الوقت الي ضيعته وياج علشان جذي بعطيج خيارين عقب ما تشوفين صور اما انج تحوليلي على حسابي 5 الاف دينار لانهم 5 صور وكل صوره بالف او انج ما تدفعين لي بس الله يعينج على الي راح يصيرلج اذا وصلو حق ابوج واخوانج فانا الحين بدزلج اياهم شوفيهم وقوليلي شخترتي دلال:نذل نذل نذل طلال:ههههههههههههههههههههههههههههه يلا شوفيهم ودزيتله صورها وطبعا كانت صور اباحيه مركبه دلال @@:شنو هذا مو صوري انت جذااااااااااااااااااااااااب طلال:هههههههههههههههههههههههههههههههه يحليلج مو عارفه شكلج دلال:الله يخليك طلال حرام عليك طلال:حرمت عليج عيشتج انا خيرتج وعندج 5 دقايق تختارين واحد منهم دلال:خسييييييييييييييييييييييييييييييييييييييس .................نذل نذل دلال:حقيييييييييييييييييييييير وجباااااااااااااااااااااااااان طلال:دلوله حبيبتي باقي دقيقتين شقلتي ادزهم على ايميل خوانج دلال:لاااااااااااااااااااااااااااااااااا طلال تكفى خلاص بعطيك الفلوس طلال:5 الاف دينار لمدة 3 ايام تكون بحسابي على هالرقم************* دلال:خلاص اوكي انشاالله يكونون عندك طلال:أيي جذي عفيه على دلولتي الحلوه دلال:ماني دلولتك ولا حلوتك طلال:ههههههههههههههههههههههههههههههههههههههههههههههههههههههههههههههههههه دلال:انزين شيضمني ما دزهم حق اخواني!!!! طلال:عيب عليج يا دلوله ما تثقين فيني دلال:عقب الي سويته مينونه اثق فيك طلال:هههههههههههههههههههههههههههههههه انا مابي الا الفلوس موفاضيلج ولا فاضي حق اخوانج دلال:وشيثبتلي كلامك طلال:يا حبيبتي انا مو فاضيلج لا تقعدين تتشرطين خلصيني ماراح ادزهم لهم أن سلمتيني الفلوس يلا شقلتي دلال:شقول بعد حسبي الله ونعم الوكيل فيك وانشاالله ما تتوفق طول حياتك طلال:مشكوره على الدعوه الحلوه انا الحين بطلع خلال 3 ايام أن ما شفت 5 الاف بحسابي انتي عارفه شراح يصير دلال:أي عارفه طلال:حبيبتي انا الحين بطلع و سامحيني بصكج بلوك مع اني راح اوله عليج دلال:صج انك مو صاحي ومعقد نفسيا طلال:مشكوره على المدح يلا باي دلال:............... طلال:ترا أن ما رديتي بدزهم الحين دلال:لا الله يخليك خلاص يلا باي طلال:يا حلاتج وانتي منذله ههههههههههههههههههههه باي دلال:باي)) سلمتلي دلال 5 الاف ، وبعدها فكرت اني ارد ادرس فرحت منطقه ثانيه قريبه من الشقه وتعرفت عليكم وبعدها سافرت امريكا بالفلوس الي يمعتها واشتغلت هناك وصرفت على نفسي يوسف منصدم:يعني حياتك كلها حرام احمد :يا يوسف انا عشت الفتره الي طافت بفلوس حرام ودرست وكملت دراستي بفلوس حرام بس كنت ادرس واشتغل بامريكا ويمعت الفلوس من شغلتي وتعتبر فلوس حلال وقررت ابدي حياة يديده وانا انشاالله رديت وببدي حياة يديدة يوسف:والله يا احمد مادري شقولك ما اقدر الومك على الي سويته كنت صغير وغيرك يمكن ضاع بالمخدرات بس انته فكرت صح لما قررت تبدي حياة يديده والله يوفقك انشاالله استانس احمد ولم يوسف:الله لا يخليني منك، الله العالم يا يوسف شكثر ارتحت لما قلتلك والله انك اكثر من اخو يوسف:افا عليك يا احمد اعتبرني اخوك العود ولا اقولك اخوك الصغير علشان ما تكبرني احمد يمسح دموعه:هههههههههههه يوسف:ههههههههههه اقول احمدو مو يوعان احمد:إلا ميت يوع ، وين بتعشينا يوسف:مادري والله خل اشوف حمانوه الي بييي ..بموت من اليوع احمد:بعد عمر طويل انشاالله يوسف:طاع هذا... يبا اضحك وياك قلبتها جد احمد:كفايه يا يوسف الي فقدتهم بحياتي يوسف:يلا يلا قم جدامي خل نروح نتعشى انا ميت يوع وانت تمثلي فيلم هندي احمد:هههههههههه فيلم عاد مره وحده يوسف:الحين وبعدين بنطلع نتعشى ولا لا احمد:امبلى بروح بس دق على حمني شوفه وينه ودقو على عبدالرحمن واتفقو على المطعم اتلي بيتعشون فيه ، واهم سبقوه هناك وبعدها اهو يالهم (بيت ابراهيم) اليوم خطبة هدى على عماد ،واليوم بيون يشوفونها وكانت وايد خايفه وخاصة أن هدى شخصيتها ضعيفة وايد بسبب طيبتها الزايدة ودايما تشاور سلوى وحنين على كل شي، واعتمادها الكبير على سلوى بحياتها ، كانت قاعده مع حنين بالغرفه ترتب عمرها قبل لا تنزل وسلوى قاعده تحت مع اهل عماد حنين: يلا يا هدى شفيج جذي الناس تحت ينطرونج وانتي قاعدة في دارج!!!! هدى:حنون انا ما ابي اتزوج توني صغيرة حنين: يا هدى يا حبيبتي المرة مالها الا بيت ريلها وانتي مو صغيرة ولا تحطين في بالج هذا الشي, تعوذي من الشيطان و نزلي تحت ولا تنسين ان سألنا عن الريال عدل وطلع خوش واحد وولد ناس انعرفهم . هدى: مادري حنون خايفه . حنين: يلا عاد سمي بالله ونزلي هدى:اوكي بنزل،الله يستر نزلت هدى تحت وكان ام عماد واخت عماد الكبيرة وخالته موجودين ،لما دشت الصالة سلمت بكل خجل على اهل المعرس وطبعا الكل مستانس عليها لانها جنتهم اليديدة قعدت سولفت وبعد ساعة دش عماد مع مشاري وابوها ابراهيم ، هدى من كثر ما اهي منحرجة ما ردت على السلام لما سلم عليها عماد ... عماد:السلام عليكم هدى:............ عماد:شلونج هدى ؟؟ هدى : زينة (بنبرة كلها حيا) قعد عماد مع هدى على جنب و تناقشوا بامور تهم مستقبلهم مع بعض مر الوقت سريع، بس الحمدالله هدى ارتاحت من عماد وحبته واهو بعد بعد ما طلعو راحت سلوى لهدى عشان تناقشها بالموضوع..... سلوى :ها هدوي شرايج بعماد؟؟ هدى ابتسمت ابتسامة عريضة :سلووه الصراحة اهوا خوش ريال بس انا ماني عارفه!! انتي شرايج؟؟ وشراي ابوي ومشاري فيه؟؟ سلوى:انا بصراحة عاجبني الولد خوش ريال والنعم فيه وفي اهلة بس في هالشي الامر يعود لج انتي ،يلا يا هدى قوليلي شرايج عشان اقول حق ابوي ويبلغ الناس.. هدى بخجل : انا......انا .... ما عندي مانع سلى تيبب : لللووووش هذي السااااااعة المبااااااركة ، الله يكتب اللي فيه الخير والصالح, خليني اروح حق ابوي ابلغة عشان يستانس بيت ناديه(ام فواز) ناديه بنت خالة طيبه (ام حسن) بس علاقتهم وايد قويه بعض كأنهم خوات، ريلها متوفي وما عندها غير فواز ونواف نواف الكبير عمره 27 سنه يحب اخت طيبه (سميره) اهي بنفس عمر غلا وطيبه اهي الي مربيتها بحسبة بنتها وكانت مخطوبه لنواف من هم الصغار بس قبل ملجتها على نواف باسبوع اغمى عليها وسوت فحوصات وبين انها مصابه بمرض السرطان اصرت انها تفسخ خطوبتها وسافرت لندن تعالج وطلبت منهم أن محد ايي وياها والحين صارلها شهر تعالج بره ، ونواف حاول بكل الطرق طول الفتره الي طافت لم لقى عنوانها اما فواز 25 سنه ،وايد متعلق بغلا لانها كانت دايما وياه من اهم الصغار وتضايق لما عرف انها بتكمل دراستها بره بس كان متاكد انها تبادله نفس الشعور كانت قاعده ناديه وفواز بحديقة البيت ، وكان الجو روعه اما نواف فسافر امس الصبح رايح لندن ناديه:اقول يمه فواز فواز:هلا يمه ناديه:يمه امس رحت عرس بيت ييرانا واخت العروسه ماشاالله عليها جميله اخلاق وجمال ودلال فواز فاهم امه شتقصد:الله يخليها لاهلها ناديه:عاد انا سالت عنها ..عمرها 22 سنه توها متخرجه من كلية التربيه وماشاالله عليها حبوبه...فا... فواز :فا شنو يمه؟؟؟ ناديه:فا انا اقول ليش يعني ما ..اخطبها لك فواز يقوم من مكانه:انا استأذن تعبان وابي انام ناديه:بس انا ما خلصت كلامي فواز:يا يمه يا حبيبتي انا قلتلج 100 مره غير غلا ماراح اتزوج ناديه:بس غلا صارلها 4 سنين بره الديره ومو بعيد الحين حبت لها واحد هناك فواز بعصبيه:يمه شلكلام انتي تعرفين أن غلا مو من نوع هالبنات وبعدين انتي تعرفين انا احنا متفقين على زواج أول ما تخلص دراستها وترجع الكويت ناديه بحنان:يا فواز يا حبيبي هذا الكلام من قبل 4 سنين تقريبا ما تدري شلي صار للبنيه هناك ..ما تقدر تمنع مشاعرها وهالكلام وقت ما كنتو يهال فواز يبتسم لامه:يا يمه يا حبيبتي انا يوميا اكلم غلا على المسنجر وعلاقتي فيها ما تغيرت واهي تعتبر كل الي وياها مجرد زملاء مو اكثر ناديه دمعت عينها:يعني لا انت ولا اخوك اقدر افرح فيكم فواز:الحين ليش البجي!!! ناديه:تسأليني ليش!!! انت قول انشاالله بعد جم شهر وابلغ فيك معرس بس اخوك الكبير نواف الي قرب يصك 30 وللحين ما تزوج ، سافر يكمل دراسته وللحين مارد ...مادري أي دراسه الي يبي يكملها فواز يدري أن اخوه مو مسافر للدراسه مسافر علشان يكون ويا سميره بعلاجها فواز:يا يمه يا حبيبتي انتي تدرين شكثر نواف يحب سميره واهي بعد ناديه:بس سميره مريضه..مريضه بالسرطان تدري يعني شنو السرطان فواز:يا يمه وايد ناس تعالجو منه وسميره لها فرصه انها تتعالج منه وانشاالله بترد لنا متشافيه ويتزوجون ناديه باستغراب:وانت شدراك أن ناديه تعالجت...اذا طيبه اختها ما تدري عنها شي من سافرت صارلها شهر ،محد يعرف مكانها ولا رقم تليفونها فواز:لا...لا يمه انا اتمنى انها ترجع متشافيه ناديه:الله يسمع منك يا ولدي ...بس الي يسويه اخوك غلط ما يصير يضيع عمره علشانها فواز:يا يمه اخوي سافر علشان يدرس وانشالله راح ينساها ناديه:الله يسمع منك انا مادري شراح يصير بخوك اذا صار فيها شي فواز:لا انشالله ما يصير إلا كل الخير بلندن وصل نواف لندن واخذ له تاكسي وراح شقة سميره على طول طق الباب عليها ، وتم مده واقف عند الباب لما افتحت له لانها كانت بالحمام سميره بصدمه:نواااااااااااااااااااااااااااااااف!!!!!!!!!!! نواف بابتسامه:ايي نواف سميره ما قدرت تكبت الي بقلبها لمته وتمت تبجي بحضنه:خلااااااص ...انا بموت يا نواف بمووووووت نواف يمسح على راسها و يحط ايده على حلجها:اووووش ما بي اسمع هالكلام .،ممكن ادخل ...ما يصير نتكلم واحنا واقفين دشو الصاله ، و سميره تشاهق من البجي ونواف يحاول يهديها سميره واهي تبجي:نوااااف ...ما..ف...ي امل خلا..ص يا نواف انا راح اموووووووووت نواف يهديها:سمور حبيبتي لا تبجين منو قال هالكلام انشاالله راح تتعالجين ونرد الكويت نتزوج سميره بجيها يزيد: ما راح يصير خلاص يا نواف انا انتهيت نسبة نجاح العمليه 20% يعني ما في امل كلش نواف:منو قالج ماكو امل!! سميره بعصبيه:شفيك يا نواف اقووووولك 20% النجاح ما في امل خلااااااااص تم نواف يهديها ويمسح على راسها و يابلها من الثلاجه بطل ماي وطلب منها تشربه علشان تهدي نواف:ها حبيبتي هديتي سميره هدت شوي:نواف انا آسفه على الي صار نواف:شصار!! سميره مستحيه:ممممممم الي صار عند الباب نواف فهمها:لا عادي مو انا ريلج سميره مستغربه:بس ..بس احنا انفصلنا نواف:بس قلوبنا ما انفصلت (ويغمز لها) سميره استحت من كلامه، ونزلت راسها نواف:اقول سموره سميره بالغلط:هلا حبيبي نواف استانس:صج سميره ما اعرفت شتقول:سوري نواف مادري شلون قلت جذي نواف:سميره شفيج كل شوي تقوليلي سوري وسوري سميره:............... نواف:سميره انتي حبيبتي وتمين حبيبتي سميره تبجي:نواف انا ...انا نواف يمسك ايدها:انتي شنو؟؟ سميره يزيد بجيها:نواف أن..لا ..ليش..ليش ياربي (وتحط ايدها على ويهها وتبجي) قرب منها نواف وشال ايدها ومسح دموعها ومسك ايدها) نواف:ادري يا سميره انج تحبيني وانتي تدرين شكثر احبج وابيج تحطين بالج اني ماراح اتخلى عنج وماراح نفقد الامل بتتشافين وبنرد حق بعض ونعيش احلى حياة نسافر ونستانس ونيب عيال سميره تمت تبجي من كلامه :لا يا نواف ..لا ..لا نواف:شنو لا؟؟ سميره:ماراح يصير الي قلت عليه انا خلاص يومي قرب نواف عصب من كلامها وشد على ايدها ورفع راسها وخلاها مجابلته نواف:سمعي يا سميره الكلام الي قلتي بسوي نفسي ما سمعته وانشاالله باجر راح نروح طبيب ثاني انا اعرفه، ام رفيجي كانت فيها نفس المرض وتشافت ومابي اسمع منج والله كلمه سميره :بس... نواف:لا بس ولا شي ...الحين ابيج دشين داخل تغسلين ويهج وتغيرين هدومج علشان نتعشى برا سميره امسحت دموعها وابتسمت له وقامت من مكانها علشان تروح الحمام تغسل ويها ولا يمسك نواف ايدها نواف:سميره انشاالله راح تتشافين ونرد الكويت ونتزوج سميره نزلت راسها وحاولت تفج ايدها علشان تروح بس نواف شد عليها ومنعها نواف:وين رايحه؟؟ سميره:بروح اغسل والبس مثل ما قلتلي نواف:انزين ما نسيتي شي؟؟ سميره تفكر:لا ..شنو؟؟ نواف:ما تبين تقوليلي الي كنتي بتقولينا مساع(يغمز لها) سميره:......... نواف:ترا ماراح اخليج لما تقوليلي سميره:نواف الله يخليك خلني اروح نواف:نوووووووو سميره:نواف تكفى فج ايدي نواف :واذا قلت لااا سميره:ممممم مو مشكله نتم جذي لما تتعب نواف:اوكي عيل انا بالنسبه لي مرتاح سميره تضحك على حركاته:وبعدييين يعني ..قول انك ما تبي تعشيني بره نواف:من قال!!!! سميره: يلا عاد نواف نواف:انزين قوليلي اياها مو صعبه سميره بحزن:بعدين ...بعدين يا نواف اقولك اياها وفلت سميره ايدها بسرعه وراحت الحمام غسلت و صلت لها ركعتين تحمد ربها أن دز لها نواف بعد ما كانت فقدت الامل بالحياة،البست وطلعت كان نواف ينطرها بصاله أول ما شافها ارتاح لان كانت وايد احسن وكان شكلها روعه نواف:سميره شالحلات سميره نزلت راسها مستحيه نواف:ههههه تستحين مني سميره:نواف شلون ييت هني؟؟ شقلت حق الاهل؟؟ نواف:نروح الحين المطعم وهناك اسولفلج بالمطعم طلبو بالمطعم، وكانو قاعدين قبال بعض نواف:سموره شلونج الحين؟؟ سميره :الحمدالله نواف:سميره ليش خليتينا ننفصل ،جان انا الحين ريلج واحل عليج سميره نادمه على هالشي:.............. نواف:شوفي يا سميره انا اوعدج اني ماراح اتخلى عنج وانا قلت حق الاهل اني مسافر اكمل دراستي بس انا يايلج انتي وانشاالله تتعالجين ونرد الكويت و نتزوج سميره:نواف انا بقولك شي وابيك جاوبني بصراحه نواف:آمري سميره:اذا فقدنا الامل بالعلاج شراح تكون ردت فعلك؟؟ نواف:ماراح تتغير راح تمين حبيبتي وراح نتزوج ونعيش ويا بعض و الي الله كاتبه بيصير سميره :لا يا نوااااف انا مراح ارضى نواف:لييييييييييييييش؟؟؟ سميره بحزن:نواف ابيك توعدني نواف:بشنو حبيبتي سميره:أول اوعدني انك راح تسويه نواف :انشاالله سميره:اذا مت ابيك تكمل حياتك وتستانس تتزوج وتعيل ما ابيك تحزن بلحظه نواف:بس يا سميره...... تقاطعه سميره:ما بيك تقول شي ابيك توعدني اذا كنت تحبني صج نواف:بس ... سميره بتبجي:تكفى نواف ريحني اذا كنت تحبني وافق نواف:لا يا سميره مستحيل سميره تبجي:حرام عليك ..قولي خلني ارتاح نواف بحزن:يعني هالشي بريحج؟؟ سميره:بشكل ما تتصوره نواف:انشاالله يا سميره انشاالله سميره:الحمدالله ...ريحتني نواف:انزين حبيبتي باجر راح نروح منطقه ثانيه هناك موجود الدكتور الي قلتلج عنه سميره:وشلون الفندق والمستشفى الي اهني نواف:راح انكنسلهم وباخذ شقه فيها غرفتين وصاله ومطبخ غرفه لي وغرفه لج لان لازم اكون قريب منج علشان الادويه وعلشان ...(ياشر على قلبه) سميره بحيا:الله لا يحرمني منك كملو عشاهم وبعدها راحو الفندق لمو اغراضهم ومرو على المستشفى كنسلو الموعد وراحو محطة القطار الي تنقلهم حق المدينه اليديده ، مرت 4 ساعات ووصلو شقتهم كل واحد راح غرفته ينام وباجر موعدهم مع الطبيب قعدو من النوم غسلت سميره وتيددت للصلاة ودعت ربها أن يشافيها وتتعالج ويسعدها ويا نواف وبعدها لبست هدومها وطلعت الصاله ،كان نواف ينطرها منزل راسه يلعب بتليفونه:ها سموره خلصتي؟ سميره:أي خلصت نواف يلعب بتليفون:لازم تكونين صايمه حق التحاليل سميره:أيي لا تحاتي ما اكلت شي نواف سكر موبايله و رفع راسه وتم ساكت يطالعها سميره:نواف شفيك؟؟ نواف:............ سميره قربت منه:نواف انا اكلمك،شفيك؟؟ نواف انتبه عليها:ما فيني شي بس سرحت سميره بحزن:ليكون مليت!! نواف :مليت من شنو؟؟ سميره:من قعدتك وياي نواف:انتي الظاهر يبيلج غسيل مخ على الكلام الي تقولينه ،ليش مو راضيه تفهمين اني احبج سميره تبجي:خايفه يا نواف ...خايفه أن ما في امل للعلاج نواف:انشاالله فيه انا متفاؤل سميره:الله يسمع منك نواف:يلا مشينا سميره:نواف تريقت؟؟ نواف:لا تحاتين آكل أي شي بالمستشفى سميره:الله يخليك لي ما كنت ادري شبسوي من غيرك ابتسم لها نواف وراحو المستشفى وسوت سميره التحاليل والاشعه ، والحمدالله طلع في خطأ في التشخيص اهي للحين ما انصابت بمرض السرطان بس الورم الي فيها حميد مو خبيث ويقدرون يسيطرون عليه بانهم يستأصلونه وتعيش حياة طبيعيه ما صدقت سميره لما سمعت الخبر تمت تحمد ربها وتشكره ، ونواف طاير من الوناااسه و خذو اقرب موعد للعمليه وانشاالله علاجها ما ياخذ اكثر من 3اشهر بيت( عصام) كانو كلهم قاعدين بالصاله يتغدون ، رن تليفون وكان قريب من يوسف فرد عليه يوسف:الوووو غلا:الو هلا يسووف شلونك؟؟ يوسف:هلا والله هلا بغلويتي شلونج؟ غلا:تمام ،انتو شلونكم....امي ..ابوي حسن ...وفاطمه وبدوري؟ يوسف:تمام كلنا بخير غلا بحزن:وخالد ما عرفتو عنه شي؟؟ يوسف ما يبي يخرعها:لا والله للحين ما عرفنه عنه شي غلا:انزين وشلون حبيبة القلب يوسف بصوت واطي:واااااي غلوي لا ذكريني بس انطرها تتخرج وبخطبها على طول غلا:الله يوفقك...امي وينها؟؟ يوسف:افا والله مليتي مني غلا:ههههههه حرام عليك بس ولهانه على امي وانت كل يوم اكلمك بالمسنجر يوسف:انزين غلوي للمره الالف اطلب منج ايميل عذاري..تكفين غلا:من صجك انت ..ترضى عطي ايميلي صبي ما اعرفه يوسف:بس انا مو أي احد وتدرين اني راح اخطبها..مثل ما اتني تكلمين فواز بالمسنجر غلا:لاااااا يا يوسف عذاري مو من هالنوع وبليييز سكر الموضوع و بعدين انتو تدرون اني اكلم فواز واحنا مخطوبين لبعض من احنا صغار ...والحين عطني امي اكلمها يوسف :افففف...انزين يوسف نادى امه وعلى طول قامت من مكانها وحسن وفاطمه ركضو وراها ...اما عصام فتم بمكانه يكمل غداها ولا كان هامه اتصال بنته غلا طيبه:الوووو هلا حبيبتي غلا:هلا يمه شلونج شخبارج؟؟؟ طيبه:مو بخير مدام انتو بعاد عني غلا:خلاص يا يمه كلها جم شهر ورادتلكم انشاالله طيبه:الله يسمع منج يا بنيتي غلا:انزين يما شلون خالتي سميره وخالتي ناديه طيبه:والله يا غلا خالتج سميره من سافرت واحنا ما ندري عنها شي ...وخالتج ناديه الحمد الله بخير بس ولدها نواف سافر غلا مستغربه:وين سافر؟؟ طيبه:يقول يكمل دراسته غلا:الله يوفقه... طيبه:وفواز منتي سائله عنه؟؟؟ غلا باحراج:يمااااااااااااا طيبه:وييييه يعني تستحين مني غلا تغير الموضوع: وين حسن ولهانه عليه تعطي طيبه حسن سماعة التليفون حسن:هلا بغلويتي غلا:هلا والله شلونك..وشلون فاطمه وبدوري والبيبي الياي بطريج حسن:والله كلنا بخير ونسال عنج غلا:انا بخير وااااايد فاقدتكم حسن:انشالله تردين ....ومعاج الشهاده غلا:الله يسمع منك....انا الحين اخليكم سلملي على ابوي وعليهم كلهم حسن:يوصل انشالله غلا:يالله مع السلامه حسن:مع السلامه وبعدها ردو يكملون غداهم بيت (ابراهيم) دق عبدالرحمن على رفيجه سعد بفرنسا علشان يسال عن ساره الي حبها والي ما يعرف عنها شي سعد:الوووو عبدالرحمن:هلا سعوووود شلونك سعد:هلا والله من وييييييين طالعه الشمس عبدالرحمن:ههههههههههه شلونك سعوود؟ سعد:والله بخير انت شلونك؟؟ عبدالرحمن: تمام ...سعود شصار على موضوعنا سعد بضيق:والله يا حمني البنيه ردت الكويت عبدالرحمن بصدمه:شتقووووووووووووووول!!!!!!! سعد:مثل ما قلتلك ساره ما كملت دراستها سحبت آخر كورس وردت الكويت عبدالرحمن:ليش!!!!!!!!!!! سعد:والله مادري عبدالرحمن بحزن:انزين...ما عرفت اسمها الكامل او عنوانها سعد:لا والله يا حمني اهي سحبت كورسها وخذت ملفها وياها وما عرفت عنها شي عبدالرحمن خنقته العبره:انزين سعد انا الحين بسده سعد:اوكي بس حط بالك على نفسك والبنت بداله 100 عبدالرحمن:انشالله...يلا مع السلامه سعد:مع السلامه انتظركم بشوووووق Quote Link to comment Share on other sites More sharing options...
دلوعة مغرورة Posted مايو 5, 2008 Report Share Posted مايو 5, 2008 يسلمو ع القصه في انتظار التكمله حبوبه Quote Link to comment Share on other sites More sharing options...
بوجاسم المحرقي Posted مايو 11, 2008 Report Share Posted مايو 11, 2008 ثانكس على القصة .. Quote Link to comment Share on other sites More sharing options...
شوق بحرينية Posted مايو 11, 2008 Report Share Posted مايو 11, 2008 ثانكس على القصة Quote Link to comment Share on other sites More sharing options...
زورو العجم Posted مايو 14, 2008 Report Share Posted مايو 14, 2008 thnx n need the complete Quote Link to comment Share on other sites More sharing options...
شقى الليل Posted مايو 14, 2008 Report Share Posted مايو 14, 2008 ثانكس في انتظار التكمله Quote Link to comment Share on other sites More sharing options...
الحب الضياع Posted مايو 18, 2008 Report Share Posted مايو 18, 2008 يسلمووووووووفي انتظار التكمله Quote Link to comment Share on other sites More sharing options...
وجوجو Posted مايو 18, 2008 Author Report Share Posted مايو 18, 2008 يسلمو ع القصه في انتظار التكمله حبوبه هلااا والله دلووعه شخبارج حبيبتي ؟!! ولهت عليج اللحين بنزل لكم البارت الثاني اتمنى يعجبج ..تابعيني للنهايه مثل ما عودتيني بقصة اغلى ناسي ثانكس على القصة .. العفو اخووي بو جاسم تابعني للآخر ثانكس على القصة تسلمين حياتي عالمرور انتظرج بالبارت الثاني thnx n need the complete welcomoo see u ثانكس في انتظار التكمله تسلمين عالمرور ...تابعيني للنهايه يسلمووووووووفي انتظار التكمله الله يسلمج حبيبتي ...اتمنى البارت 2 يعجبج الجزء الثاني الكويت (فندق هيلتون) بعد مرور شهر تقريبا ، قرر احمد يشتريله بيت احسن له من الفندق . قعد احمد على ساعه 4 العصر دخل الحمام غسل و تيدد و صلى ولبس هدومه وطلب له اكل في الغرفه، بعدها نزل و خلص اجراءات خروجه من الفندق ،و بعدها خذا تاكسي وراح اجرله سياره علشان يروح لمكتب مقاولات يدور له على بيت صغير وراح وياه يشوفون البيوت وكان من ضمن البيوت بيت ابوه ،البيت الي عاش فيه اسعد لحظات حياته ما صدق لما شاف البيت ، تلقائيا دمعت عيونه احمد ودمعه بعينه:هذا البيت للبيع؟؟؟ الدلال:أي نعم هالبيت للبيع توه عارضينه هالشهر يقولون انه بيت ورثه فيبون يبوعونه ، بس هالبيت وايد كبير مو نفس المواصفات الي طلبتها احمد:انا ابي اشتري هالبيت الدلال مستغرب:بس توك قايلي بعد ما شفنا آخر بيت انك تبي بيت دور واحد وهذا دورين وكبير!!! احمد:مو مشكله غيرت رايي انا ما ابي إلا هالبيت الدلال استغرب من احمد ،احمد قطع تفكير الدلال احمد:ابي اشوف البيت من داخل الدلال:أي من حقك البيت ما في احد تفضل واول ما دشو البيت نزلت دمعه من عين احمد والدلال استغرب وحس أن احمد له صله بهل بيت ،احمد خانقته العبره ماسك دموعه جدام الريال احمد:لو سمحت ممكن تخليني شوي بروحي الدلال مستغرب من طلبه :على امرك يا الاخو أن بغيت شي انطرك بسياره بره احمد:مشكور أول ما طلع الدلال وسكر الباب وراه انهالت دموع احمد جنها مطر وقام يمشي بكل انحاء البيت ولما وصل حق غرفه امه وابوه نهارمن البجي ،تم احمد اكثر من ساعه داخل، مل الدلال وخاف يكون صارله شي ،دخل الدلال البيت و بطل الباب ما لقاه ......ظل يناديه بس محد يرد عليه صعد الدور الثاني ودش غرفه غرفه ولما قرب صوب الغرفه الي فيها احمد توه بيفتح الباب ولا يسمع صوت احمد متقطع من البجي واهو يقول(ولهت عليكم ....خليتوني بروحي....انا الحين حققت امنيتك يا يبه وانشاالله بصير تاجر مثلك...آآآآآآآآآآه وييييييييييييينكم ...) الدلال كسر خاطره حال احمد وفهم من كلام احمد أن هالبيت له فيه ذكريات، فرجع شوي وره وبدا يصوت عليه علشان يفهم احمد أول ما سمع احمد صوته شاف الساعه عرف أن اهو طول على الريال ،مسح دموعه وبطل الباب والدلال كان بويهه احمد:آسف اخوي تاخرت عليك الدلال:لا مو مشكله ، شرايك بالبيت انشاالله اعجبك؟؟ احمد(بخاطره شلون ما يعجبني وانا تربيت فيه):أي عجبني الدلال:ترا صاحبه يبي يبيعه باسرع وقت و السعر ماهو غالي احمد:ما يهمني السعر المهم اشتريه وراح احمد ويا الدلال و كمل اجراءات البيت وصار البيت ملكه ، وبعدها راح دور له على محل صغير علشان يبدي فيها تجارته بيت(ناديه) كان فواز قاعد بحديقة بيتهم وشابك من اللابتوب يكلم غلا غلا:هاااااااااااي فواز:هلا وغلا بغلا غلا:هههههههه حلوه هذي فواز:ههههههههه غلا:شلونك؟ فواز:والله تمام ،انتي شلونج؟ غلا:بخير ..بس ولهانه على الكويت فواز: بس غلا:وعلى اهلها فواز: غلا:وعلا واحد اسمه!!!مممممممم ف..و...ا...ز فواز: وانااااااا اكثر غلا:؛) فواز:متى بتردين غلا؟؟؟ غلا:انا شابكه علشان اكلمك بهالموضوع، انا امس كلمت اهلي وقلتلهم فواز:شصاير!!! غلا:انت تدري مو باقيلي غير شهر وجم يوم واتخرج فواز:ايي غلا:الجامعه بيدزوني دوره الامارات لمدة شهر فواز:وبعدين؟؟ غلا:سلامتك...اذا نجحت بهالدور بتقدير زين اتخرج وارد الكويت فواز:ونتزوج غلا:الله يكتب الي فيه الخير فواز:متى تردين يا غلا متى؟؟ غلا:غريب انشالله،انا الحين لازم اطلع فواز:ليش!!!!! غلا:عندي محاضره وبعدها بزهب جنطتي حق السفر باجر بسافر فواز:يالسلامه انشالله غلا:الله يسلمك.see you soon .bye فواز:باي =* بيت (ابراهيم) قامت هدى الصبح على صوت اختها سلوى سلوى :هدووووووو قومي هدى :شتبين واللة العظيم تعبانة امس طول الليل ما نمت سلوى: من شنو بلا!! لا يكون تفكرين بحبيب القلب؟؟!!! هدى : ............ سلوى:هدوووو بتتحجين ولا شلون؟؟؟؟!!!!ترا ادري ان دق عليج امس حنون قالتلي هدى: حنون شدراها؟؟!!! سلوى:سمعتج وانتي تكلمينه هدى : يعني تجسسون علي!!! سلوى: يلا عاااااد قوليلي شنو صار امس بالضبط هدى: بقولج كل شي لا تخافين,بس ادق عليه لان قالي من اول ما اقوم ادق عليه (بخجل) سلوى: هههههههاي يا عيني يا عيني والله وكبرنا يا هدوويه يلا دقي على حبيب القلب... وما اوصيج كشتي فينا ولا تنزلين هدى: بس عاد سلووو ما راح اطول لا تخافين !!! طلعت سلوى من دار هدى ,ودقت هدى على عماد هدى :الووو عماد: هلا والله .. هلا بالزين كله هدى بخجل: اهليييين عماد: اقول حبيبتي هدى :عمااااد شقلنا!!!! عماد:شقلنا حياتي !!! هدى:وبعدين....يعني تبي تزعلني عماد: هدويه حبيبتي يبا حقج علينا ولا تزعل القمر هدى: ردينة!!!!!!! عماد:اي ردينة مراح افكج مني ههههه هدى:اوكي عيل انا اخليك الحين اهلي ينطروني تحت تآمر على شي؟؟ عماد باستغراب ونبرة حزن ممزوجة بالعصبية : لا ما ابي شي!!!!!!!!!!!!!!!!!!!!!!! هدى :اوكي مع السلامة عماد :هدى لحظة هدى :هلا عماااد عماد: انا ضايقتج بشي, ليش مزعوجة مني لي هالدرجة والله انا ابي اقرب منج اكثر قبل الملجة موو اكثر ولا اقل وبعدين الكل عرف انج خطيبتي وما خذ رقمج من ابوج ؟؟!!! هدى:سووري حبيبي مو قصدي اضايقك بس اهم ينطروني وانا تاخرت عليهم عماد بفرح : ياااااا واخيييرا قلتيها ...ياااااااااااااااو شنو انا محظوظ هدى:هههههههههههه عماد:فديت الضحكة و راعيتها سلوى تنادي هدى عشان ابوها يناديها هدى:عماد سلوى تناديني تقول ابوي يبيني..شكلي اخرتهم عماد:ايي عاد الا عمي هدى:اوكي يلا اكلمك بعدين ...مع السلامة عماد:مع السلامة هدى نزلت تحت ولا كل العايلة متجمعة على الريوق هدى :السلام عليكم الكل : وعليكم السلاااااام هلا بالعروسة هدى بخجل :اهلييين ابراهيم:يلا حبيبتي هدى سمي هدى :ان شاء اللة يبا قعدت هدى مع اهلها على الريوق ولا يدق تلفونها عماد اللي داق..الكل ابتسم وهدى وايد انحرجت ما ردت عليه حنين تغمز لها:شفيج هدوي ردي على تلفونج؟؟ هدى : بعدين بعدين (بتوتر) حنين تساسر سلوى وتمو يضحكون بصوت عالي هدى منقهره:ليش تضحكون؟؟ حنين:ما في شي هدى تقوم من مكانها وتصعد دارها، واهي صاعده تناديها حنين حنين: هدوي لا تنسين... دقي على عماد شوفي شيبي. ههههههه هدى واهي تسكر باب غرفتها بقوه :مليييييقه مليقه تمو حنين وسلوى ميتين من الضحك وابراهيم يضحك على خبالهم ابراهيم اهو يبتسم لحنين:زين سويتي فيها ....هههههههههه حنين:ههههههههههههههه مشاري معصب:ما تقوليلي شلي يضحك يا مدام حنين؟؟ حنين منصدمه:وانت شكو سلوى:مشاري شفيك!! مشاري يوقف معصب ويكلم حنين بصراخ:انتي يالمليقه بملاقتج خليتي هدى ما تكمل ريوقها عبالج اضحكين ابراهيم معصب:مشاااااري عيب هالكلام حنين ما قدرت تسمع اكثر صعدت غرفتها وقفلت الباب عليها وتمت تبجي ابراهيم:مو عيب عليك ،ريال شكبرك حاط دوبك دوبها مشاري:ما حبها يبا دمها ثقيل ومليقه سلوى معصبه:مشور عيب تقول جذي عن بنت عمك واهي ما سوت شي كانت تتغشمر ويا هدى مشاري:أووووووووووه كلا تدافعون عنها ابراهيم:الي سويته غلط والبنيه خلت ريوقها وصعدت غرفتها واكيد الحين تبجي..واذا ييه عبدالرحمن من الدوام ماراح يرضى على الي صار مشاري:احسن خل تحس شوي...بعدين عبدالرحمن راح يعذرني سلوى:يعذرك على شنو ...صراحه ما عندك سالفه على الي سويته انت ماسك عليها كل صغيره وكبيره ...وتدري ان هالشي يضايقها ...الحين تعال وياي و تأسف منها مشاري بغرور:نعم حبيبتي غلطانه ابراهيم:غصبن عليك تصعد تراضي البنيه وتخليها تنزل تتريق مشاري:يبا... ابراهيم:وحطبه .... حمني مخلي البنت امانه عندنا وانت ما يعدي يوم الا مبجيها مشاري حس بلي سواه غلط وان بجاها على غير معنى سلوى:يلا تعال معاي علشان تتاسف منها مشاري:لا ما يحتاج تيين انا بصعد لها ابراهيم يبتسم له:عفيه على وليدي ، هذي بحسبة اختك والبنيه يتيمه وكفايه اخوها كان مسافر عنها مده طويله و امها الي ما شافتها من اهي صغيره ، ويمكن تعتبرك بمثابة اخوها حمني ..... مشاري يبوس راس ابوه:انشاالله يبا ما يصير خاطرك الا طيب وصعد لها مشاري الغرفه ، تم يطق الباب بس محد يرد مشاري:حنين,...حنين بطلي الباب حنين:مابي... شتبي!!! مشاري:حنين بطلي الباب بقولج شي حنين :مابي اشوفك ولا اسمع منك شي ...اكرهك مشاري انكسر خاطره لما سمع منها كلمت اكرهك مهما كان اهو مو قصده يبجيها وان يخليها تكرهه مشاري بصوت خفيف:حنين وغلات عبدالرحمن بطلي الباب حنين مسحت دموعها و بطلت له الباب بعد مده :نعم!!! مشاري:حنين انا آسف حنين:وليش تتأسف!! مشاري:حنين تكفين لا تقوليلي جذي ، انا ما كنت اقصد بس كنت اتغشمر معاج حنين:وليه متى يا مشاري بتتأسف كل ما ضايقتني أوقلت علي كلام مثل السم ترد تقولي انا مو قصدي...وانا آسف مشاري :آسف حنين ، سوي فيني الي تبين بس لا تزعلين مني حنين باستهزاء:يعني يهمك زعلي؟؟ مشاري يبتسم لها:طبعا يهمني ،يلا عاد سامحيني حنون حنين:ممممممم على شرط مشاري بابتسامه:انتي تآمرين حنين:توقف بره بالشمس بدون جوتي ساعه كامله مشاري يشهق:حراااام عليج،من صجج حنين تضحك عليه:ههههههههههه مشاري تم ساكت يطالعها واهي تضحك وغمزاتها شاقه خدها حنين استغربت:مشاري...مشاري وين رحت!! مشاري انتبه: ها....كاني بس سرحت بعقابج حنين:ههه لا اتغشمر معاك مو هذا العقاب انا ماراح استفيد شي ،عقابك انك تيبلي كرت رصيد بو 20 دينار مشاري :هههههههههههههه من عيوني يا حنون جم حنين عندي ايبليج بو 50 مو 20 حنين بفرح:صج!!! مشاري:ايي صج حنين:خلاص رضيت عليك مشاري:هههههه اه منج انتي ، الحين خل ننزل قاعد ينطرونا حنين بابتسامه: اوكي غرفة هدى اول ما دشت هدى غرفتها خذتلها شور وبعدها نشفت شعرها وتذكرت انها ما ردت دقت على عماد عماد: الوو هدى :قوة عماد عماد: هلا والله بلي ما ترد علي هدى:سوري عماد .... كنت اتريق عماد: بالعافية حبيبتي هدى :اللة يعافيك عماد: هدى ممكن ايي بيتكم اشوفج هدى:ليش؟؟ عماد: شنو ليش !!!حياتي ابي اشوفج نقعد نتكلم وانا قلت حق امي تطلب من سلوى اختج تقول حق ابوج هدى : اذا ابوي رضى انا ما عندي مانع عماد: عيل انا اليوم عندج على العشا هدى: حياك الله بأي وقت عماد: الله يحييج هدى: انا عيل لازم اخليك عماد: ليش حياتي تو الناس!!! هدى: عشان اتزهب عماد: اهاااااااا امووت على اللي بتتزهب حق خطيبها هدى:ههههههههه (بخجل) عماد: حياتي توصين على شي اييبلج وانا ياي هدى: لا سلامتك عماد:اللة يسلمج هدى:باااااااااااي عماد:بايات صكت هدى التلفون وعلى طول طارت حق سلوى تزهب لها هدوم تلبسها حق عماد بعد ما وافق ابوها انه ايي بيت (ناديه) كانت ناديه قاعده بالصاله تقرا مجله.،سمعت صوت فواز يصارخ يناديها بالدور الثاني فواز:يماااااااااااا ....يمااااااااااااااااااااا ناديه مخترعه:خير يمه ...انا تحت بالصاله وينزل فواز ركض الصاله حق امه علشان يبشرها فواز واهو يتنهد من الركض:ي..م..ه ي..مه ناديه مخترعه:فوازو شفيك !!!! فواز بفرح:يما بشااااره ...بشااااااااااره ناديه:خير يا يمه ..بشرني فواز:نواف يا يمه باجر بيرد الكويت ناديه بفرح:صج...ليش ما دق وقالي!!! فواز:يقول دق على البيت كلا مشغول ناديه:ايي صح كنت قاعد اكلم طيبه فواز:صج يمه ..شلون غلا؟؟؟ ناديه:والله انك فاضي...الحين قولي صج اخوك بيرد باجر فواز:ايي يا يمه صج ناديه مستغربه:بس شلون ما كمل سنه من سافر امداه كمل دراسته فواز توهق لان نواف موصيه ان ما يقول شي حق اي احد ناديه:هو فوازو شفيك...نواف اخوك فيه شي!!!!!!! فواز:لا يا يمه ما فيه شي بس اهو اذا رد بيقولج كل شي ناديه تحاتي:فواز يمه اذا اخوك في شي لا تخش عني فواز:يا يمه والله مافيه شي ...باجر يرجع وسأليه ناديه:الله يستر..ويرجع لنا بالسلامه فواز:آمين بيت (عصام) كانو حسن ويوسف قاعدين بالصاله والحريم بالمطبخ يزهبون العشا لما يوصل عصام من الشركه حسن بصوت واطي:اقول يوسف يوسف:خير... حسن:الحين شنسوي بعد ما عرفنا مصيبة خلوود يوسف:والله مادري يا حسن بس ما في حل غير الي قلتلك اياه انطر موعد طلعته من السجن يقرب وانا اروحله بنفسي حسن:برايك ما نقول حق ابوي يوسف:لاااااااااا الا هالشي ...انت تعرف ابوي مو بعيده راح يتبرا منه حسن باستهزاء:يعني اهو ما سواها يوسف:الله يهديه انشاالله...تكفى غير الموضوع اخاف احد يسمعنا حسن:انزين...انت مو مفكر ابد بالزواج يوسف يهز راسه بالايجاب قرب منه حسن حسن:أفا والله تحب وانا مادري يوسف مستغرب:وانت شدراااااااك!!!!!!!!!!!!!!! حسن:هههه من عيونك مبين.... اسال مجرب ولا تسال طبيب يوسف:مادري يا حسن خايف حسن :خايف من شنو!!!! يوسف:أخاف افقدها يا حسن وانت تدري انا ان فقدت شي احبه صعب احد يعوضني اياه حسن :شالكلام يا يوسف...ليش تفقدها؟؟؟ يوسف:مادري خايف تنخطب وتطير من ايدي حسن:تاخذ بنصيحتي؟؟ يوسف بابتسامه:اكيد.. حسن:فاتح امي بالموضوع الليله خل تكلم ابوي عن هالموضوع قبل لا تطير البنت من ايديك....الا تعال ما قلتلي منو اهي؟؟ يوسف: خمن.....انت تعرفها زين حسن:ممممممم حنين اخت عبدالرحمن؟؟؟؟ يوسف:لااااااااا وايد صغيره علي حسن:مممممممم عيل هدى او سلوى يوسف:هههههههه انت سالفتك على اهل عبدالرحمن؟؟ حسن:ما ادري لانهم اكثر ناس نعرفهم يوسف:لا يا معود بعيد عنهم وعمري ما فكرت بوحده منهم لان هدى اكبر مني بوايد وبعدين سلوى وحنين ما شفتهم الا مره وحده بحياتي لما رحنا البر معاهم واعتبرهم بمثابة خواتي حسن:عيل منو؟؟؟؟ يوسف:عذاري حسن:منو عذاري!!!! يوسف:حسن شفيك...عذاري بنت ييرانا حسن:ايي عرفتها رفيجة غلوي ما غيرها؟ يوسف:ايي اهي حسن:والله ونعم فيها خوش بنت واهلها ناس طيبين ...ابوها واخوانها دايما اشوفهم بالمسجد يوسف بفرح:يأني تأيدني؟؟ حسن:الا اوافقك...الله يوفقك فاتح امي بالموضوع اليوم قبل لا طير البنت من ايديك يوسف بفرح:شورك وهداية الله وصل عصام من الشركه، وتعشو كلهم بعدها طلب يوسف من امه ان يكلمها بروحهم ، خذا امه غرفته وسكر الباب علشان يكلمها بموضوع عذاري طيبه:خير يمه شفيك؟؟؟ يوسف منزل راسه:يما..انا...انا طيبه:انت شنو!!!! يوسف:يما انا ابي اتزوج طيبه بفرح:صج ...صج يا يوسف يوسف:ايي يمه ابي اتزوج واستقر طيبه:افا عليك يا يوسف من باجر انشالله ادورلك بنت الحلال يوسف:لا يما لا تعبين نفسج طيبه تشوفه بنص عين:شقصدك؟ يوسف:يمه حبيبتي ما بيج اتعبين عمرج البنت موجوده طيبه:منو يمه؟؟ يوسف يقرب منها:يمه عذاري طيبه :منو عذاري؟؟ يوسف:يماااااا شفيج عذاري بنت ييرانا نسيتيها رفيجة غلوي!! طيبه:ونعم والله فيها بنت اياويد وماشاالله عليها جميله يوسف مستانس:يمه يعني موافقه طيبه :وليش ما اوافق..... انشاالله اكلم ابوك اليوم يوسف:أي يمه الله يعافيج ما بيها تطير من ايدي طيبه:ههههههه تحبها يوسف مستحي:إلا اموت فيها صدقين يمه غير عن كل البنات بالرغم أن جيران بس عمرها ما حطت عينها بعيني طيبه:هذول البنات المتربيات مو بنات هالزمن يوسف يبوس راسها:الله يخليج لي يا يمه طيبه:وانت وين شفتها يوسف بابتسامه:يما نسيتي انها رفيجة اختي غلوي طيبه:لا..ما نسيت بس اختك صار لها الحين 4سنين بفرنسا تدرس وعذاري ما قامت تيي لنا يوسف:ادري يمه، بس انا من أول يوم شفتها حبيتها من قبل لا تسافر غلا فرنسا... بس قلت اتخرج واتزوجها طيبه:الله يكتب الي فيه الخير يوسف يبوس راس امه:الله يطول لنا بعمرج يا يمه ويخليج لي بعدها راحت طيبه تكلم عصام، دشت الغرفه كان عصام توه خالص من صلاته ، قعدت على الكرسي القريب منه طيبه:تقبل الله منك يا بو حسن عصام:منه ومنج طيبه:اقول عصام عصام:خير طيبه:تعرف بو عيسى يارنا عصام:ايي ونعم فيه خوش ريال طيبه :وعياله؟؟ عصام: وعياله ما شاالله عليهم متربين احسن تربيه طيبه:الحمدالله عصام:خير يا طيبه ليش تسالين!! طيبه:الله يسلمك ..بو عيسى عنده بنت اسمها عذاري ويوسف يبي يخطبها عصام بعصبيه:نعم!!!!شقلتي!!!!عيدي الي قلتيه!! طيبه بخوف:بسم الله شفيك بو حسن عصبت عصام:تبيني انا عصام رجل الاعمال المعروف اناسب بو عيسى الفقير طيبه:نحمد ربنا يا بو حسن وبعدين الفقر مو عيب وانت توك مادحهم عصام بعصبيه اكثر:انا ما قلت شي عن اخلاقهم بس انسو ان اناسبهم اهم مو من مواخيذنا طيبه بحزن:بس يا عصام ولدك يوسف يحبها عصام بعصبيه:شالخرابيط يحبها وتحبني ..انا ما عندي هالكلام كلمتي تمشي بهالبيت زواجه من عذاري ما يتم طول ما انا حي طيبه تبجي:يا عصام حرام عليك فكر بمصلحة ولدك ولدك يحبها عصام:انتي الكلام وياج ضايع....... ويطلع من الغرفه واهو يصارخ ينادي يوسف باعلى صوته عصام:يووووووووووسف.....يسوووووووووووف طلع يوسف من داره مخترع من الصراخ، وفاطمه وحسن فزو من مكانهم وصعدو لهم فوق يوسف:خير يبه شفيك عصام :صج الي قالتلي اياه امك يوسف :شقالتلك يبه!!! طيبه:يا بو حسن هد نفسك حرام الي قاعد تسويه والله حرام عصام بعصبيه:شوفي يا طيبه والله العظيم اذا نطقتي بكلمه يا ويلج مني فاهمه حسن:خير ..شفيكم ..شصاير؟؟؟ عصام:تعال يا حسن شوف اخوك يسوف يبي ينزل روسنا بالقاع حسن:يبه هد...(يلتفت على يوسف)خير يا يوسف شصاير؟؟ يوسف:مادري يا حسن والله اني مو فاهم شي انا كل الي قلته حق امي أني ابي اتزوج عذاري بنت ييرانا بس هذي كل السالفه حسن يلتفت على ابوه:يبا الله يهديك بو عيسى ريال ونعم فيه شلي مخليك معصب عصام بصراخ:انتو الظاهر ينيتو محد منكم صاحي تبيوني على آخر عمري اناسب عيسوو الفقير يوسف:يبا الفقر مو عيب المهم الاخلاق عصام معصب:اسمع يا يوسف كلمه وحده انقالت زواج من عذاري ما يتم و من باجر امك اتدورلك على وحده ثانيه اذا معزم تتزوج يوسف بدا يعصب من تسلط ابوه:بس انا ماراح اتزوج غيرها عصام عصب اكثر:وانا قلت ما في زواج يوسف يتحداه:وانا قلت غير عذاري ماني متزوج سواء رضيت ولا لا عصام رفع ايده وصفعه على ويهه :اطلع بره البيت مابي اشوفك لا انت ولدي ولا اعرفك طيبه:لا ..لا يا يوسف لا تطلع وتخليني كفايه خالد حسن:يبه الله يهديك شالكلام عصام يشوف يوسف بنظرة احتقار:وانت لما الحين اهني اطلع بره البيت وراح يوسف داره ولم اغراضه ولحقوه امه وحسن يهدونه اما عصام دش الدار وقفل عليه الباب ، وفاطمه منصدمه من الي صار واقفه بمكانها بغرفة يوسف طيبه:يما يوسف مالك شغل بكلام ابوك..اهو الحين معصب مو عارف شيقول يوسف ميت من البجي ، وآثار الطراق على ويهه حسن:يا يوسف تعوذ من الشيطان...وصدقني ابوي ما يقصد يوسف بعصبيه:ليه متى يا حسن يقعد تتعذر له ...ابوي ضيع خالد اخوي واهو سبب ادمانه ودخوله السجن والحين ناوي يضيعني ...ريااال شكبري يطقني طرااق طيبه ما صدقت الي سمعنه عن خالد ، حست بدوار براسها ، قعدت على القنفه الي قريبه منها ، قرب منها حسن حسن:يما ..شفيج !! طيبه:اخو..ك خا..لد بالس..جن حسن يلتفت على يوسف ويطالعه بنظرة تأنيب ان قال جدامها يوسف:لا يا يمه اخوي خالد ما فيه شي طيبه تبجي:لا تجذب علي يا يوسف اخوك خالد بالسجن .. حسن:يا يمه...لا تحطين بالج أي شي اهم ما علينا صحتج طيبه :يعني الي قاله اخوك عن خالد صج!!!...يا ويلي عليك يا خالد ضاع شبابك حسن يهديها:يا يمه حرام عليج لا تسوين بنفسج جذي طيبه تبجي:اخوكم ضااااع...اخوكم ضاااااااااااااااااااااع يوسف يقرب من امه :يا يمه خالد ما ضاع انشالله راح يتعالج ويرد لنا طيبه تمسك ايد يوسف وتترجاه:تكفي يوسف لا تخليني وتروح...شسوي من غيرك...كفايه اخوك خالد ضاع مني يوسف :بس يا يمه.... حسن:يا يوسف خلاص لا تعور قلب امي كفايه الي فيها يوسف:يا حسن ابوك طردني من البيت ...وطقني كاني ياهل طيبه:ما عليه يا يمه ...يتم ابوك مهما سوى يوسف:بس شلون اقعد بالبيت واهو طردني حسن:ما عليه يا يوسف انا اكلمه وصدقني اهو الحين متحسف على الي صار طيبه:ان كان لي معزه بقلبك لا تطلع يا يوسف يوسف يبوس راس امه:انتي الكل بالكل يا يمه حسن يبتسم له:عيل ما في طلعه من هالبيت يوسف:بشرط طيبه:انت تآآآآآمر يوسف:ريوقي وغداي وعشاي بروحي ..كأني مو بالبيت ، وماراح اشتغل مع ابوي بالشركه..وانشالله اشتغل وايمع فلوس واتزوج عذاري حسن:خلاص يا يوسف...المهم انك ما تطلع من البيت طيبه بفرح:الله يخليكم لي ويردلنا اخوكم سالم يا رب...وانا بكلم ابوك وبفهمه انا ماله شغل فيك يوسف:وترا يا يمه كلها شهرين مسافر امريكا حق اخوي خالد طيبه:ليش؟؟؟ يوسف:حق علاجه حسن:وانا انشاالله الي بتكلف بعلاجه طيبه بفرح:الله يوفقكم يا عيالي بيت(ابراهيم) صار خطبة عماد من هدى رسمي و صارت خطبة الرياييل والحين صارت هدى مرت عماد سلوى :مبروووووووووووووووووووووووووووك هدوووووويه والله اني فراحنه بشكل موو طبيعي وبنفس الوقت زعلانة انج بتروحين عني هدى :اللة يبارك فيج يلا عاد سلوو بروحي انا احاتي هالموضوع وو انتي تذكريني فيه سلوى : أي شعلييييييج صار عندج خطييب شتبين فيني هدى : شلون شبي فيج... انتوا كل شي بالنسبة لي ما ادري شلون راح اقدر اخليكم بس بقول حق عماد نأجر شقة يم بيتنا سلوى :أي والله يا ريت حنين دشت عليهم بالصالة هدى :هلا حنون هلا حبيبتي هلا بالغالية حنين:هلا واللة بالعروسة ...... مبروك هدى: اللة يبارك فيج حنين :ما تبون تتعشون ،العشا جاهز هدى+سلوى: امبلا حنين:هههه ما صدقتو على الله......عيل يلا قومو نتعشى وراحو يتعشون وطول ما هم يتعشون كانو حنين وسلوى يطفرون هدى لما خلوها تقوم من العشا ودش دارها في غرفة هدى الساعة 1 بليييل دق تلفونها رقم غريب، ردت عليه يطلعلها صوت اغاني حب...و تليفون ما سكت من كثر ما يرن . هدى احقرته وما ردت عليه.، سكت التليفون مده واهني هدى غفت ...جان يرد يدق ..ردت واهي معصبه لان قعدها من النوم هدى بعصبيه:الوووووو الريال:هلا والله هلا بالغاليه هدى :صج قلت ادب...منو انت ؟؟؟؟؟؟؟؟؟؟؟؟؟؟؟؟؟؟ الريال:افا ما عرفتيني!!! هدى:لا اخوي النمره غلط ،مع الس... الريال يقاطعها:لحظه هدى لا تسكرينه هدى مستغربه:شلون عرفت اسمي!!! الريال:افا عليج شلون ما اعرف اسم حبيبتي هدى معصبه:وبعدين يعني بتقولي منو ولا اسده بويهك ...صج قلت ادب الريال:هههههه لا خلاص لا تسكينه بقولج منو هدى:منو؟؟ الريال يطفرها:انا حبيبج هدى:وبعدين يعني ...بتحترم نفسك وتسكه ولا ترا بتشوف شي ما شفته الريال حب يطفرها اكثر:يعني شبتسوين؟؟؟ هدي:اخوي عيب عليك هالكلام انا مره متزوجه وريلي كاهو يمي ان ماسديته بخليه يشرشحك الريال :ههههههههههههه هدى مستغربه:ليش تضحك!!!!!! الريال:ههههههه....انتي متزوجه...ههههههههه هدى:صج قلت ادب......(وتسده بويهه) رد دق مره ثانيه اهني هدى فولت هدى:وبعديييييين يعني منت محترم نفسك عماد:الو هدى هدى:لا تنطق اسمي على السانك...ما بيني وبينك شي عماد:امبلا هدى:ويليييييييه وبعدين معاك؟؟؟ عماد:افا هدى ما عرفتيني انا عماد خطيبج هدى منصدمه:ع..ععع..مااااد عماد:ايي عماد ...سوري بس كنت اتغشمر معاج وانتي الله يهداج بسرعه عصبتي هدى بخجل: اهليييين عماد..ليش سويت فيني جذي! عماد : والله مو قصدي كنت اتغشمر معاج ..ليكون زعلتي مني؟؟؟ هدى:لااا بس اتنرفزت عماد:سوري حبيبتي مو قصدي هدى:لا خلاص عاااادي انسى الموضوع عماد:اوكي....شلونج شخبارج ؟؟؟ هدى :الحمد الله زينه ,انت شلونك ؟؟ عماد : انا تمام دام انتي زينه هدى :تسلم, انت شلون خذيت رقمي عماد:خذيته من ابوج هدى:اها عماد:كنت داق اسال عنج هدى بحيه:الحمدالله تمام عماد: صوتج كنتي نايمه هدى:ايي والله كنت نايمه بس انت طفرتني بالدقه الي سويتها فيني عماد:هههههههه سوري حبيبتي ما اعيدها..بس احلا شي سويتيه لما هددتيني بريلج ...ههههههه هدى مستحيه:شسوي فيك نرفزتني...قلت مافي الا اهددك عماد:هههههه بس بصراحه خوش تهديد هدى:هههههههه عماد:اوكي حبيبتي انا اخليج الحين ترتاحين..اكلمج باجر هدى :ان شاء الله تآمرني على شي ؟؟ عماد:ابي سلامتج وراحت قلبج هدى بخجل: تسلم عماد:تصبحيييييييين على الف خير حبيبتي هدى :وانت من اهله عماد:هدى!! هدى :هلا عماد:دير بالج على نفسج هدى : ان شاء الله ,مع السلامة عمااااد:لحظة هدى !!!!!!!! هدى :هلا عماد عماد:لازم اسده يعني هدى:ههههه يقولون وراي ملجه باجر عماد بفرح:كلها 18 ساعه بالكثير وتصيرين مرتي هدى و حمر ويها من الخجل: انشالله...يلا عاد خلني انام ولا تروح علي نومه وما ايي الملجه عماد مخترع:من صجج انتي!!!!!!! هدى:ههههههه ..تخيل عماد دش وما تلقاني عالكوشه عماد:امووووووووت هدى:بسم الله عليك بعد عمر طويل انشالله عماد:عمري وياج هدى:عماد حبيبي ..لازم انام باجر وراي صالون عماد:اوكي حبيبتي بس من باجر محد راح يفكج مني هدى:هههههه عماد:باي هدى:باي اول ما سدت هدى من عماد ، حطت راسها على المخده ونامت على طول ... يوم الملجه كانت الملجه في بيت اهل هدى وكانوا مزهبين الصالة الكبيرة حق هالمناسبة وحاطين مدرجات و ورد وكان ذوق حنين وسلوى وايد راقي وكانت منقية افخم اكل وافخم مدرجات واحسن واشهر دي جي... الساعة 7 بليل,,في غرفة هدى اللي كانت مزحومة بالكوافيرة ومالت المكياج.. هدى:حنون والله العظيم خايفة احس ماراح اقدر امشي عدل ؟!! حنين:ههههه...يا حبيبتي يا هدى هذا الاحساس اللي فيج عادي يا قلبي وبعدين جم مرة سويتي بروفه ؟؟!!!! هدى:ايي ادري....انزين شلون شعري وايد مسويته بف و شلون المكياج.... والله احسه وايد قامج ؟؟ حنين تخصرت لها:...... سلوى: بس خلاااااص مليت من كثر ما تسالني والله حلووووووووووو حنين:يالله هدى حبيبتي باقي 10 دقايق وتنزلين المعازيم ينطرون تحت !!!! هدى:لا تخلوني بروحي حنين وسلوى:انشاالله سكتت هدى فجأه ونزلت راسها، قربت منها سلوى سلوى:هدوووووووي شفيج؟؟؟ هدى دمعت عينها:كنت اتمنى تكون امي معاي بهاليوم سلوى ما قدرت تمسك نفسها اكثر تمت تصيح...وحنين تذكرت امها جسيكا الي عايشه بفرنسا والله مره شافتها مع انها حيه وتمت تبجي...والكوافيره تهدي فيهم الكوافيره:يا بنات ما يصح كده ...مكياجكم حيخترب سلوى مسحت دموعها:هدوي حبيبتي امي معاج قاعد تشوفج...لا تصيحين مكياجج اخترب هدى تبتسم لها:اوكي الكوافيره:بالوقتي مضطره اعدلكم الميكاب ليكم عدلت الكوافيره لهم مكياجهم...وكانو روعه كااان شكل هدى وايد حلو مع نفنوفها اللي موديلة كوكتيل وولونة وردي فاتح لانها ما تبي تلبس ابيض الا للعرس وكان وايد تصميمة حلو وراقي ووشعرها مرفوع بتسريحة وايد حلوة والكوافيرة ماخذه ورده وردية من الورد اللي كانوا حاطينة وحطتها بطريقة وايد حلوة.... ومكياجها الخفيف اللي مبين ملامح ويها الجميل.... وبالاخير طلع شكلها جنااان ) صارت حزت نزلت هدى واشتغلت اغنية (شيخة الزينات) لراشد الماجد... انزلت وكل الناس عيونهم عليها والحريم الكبار يسمون عليها وسلوى دمعتها حايره بعينها واختها اللي تنطرها على الكوشة خانقتها العبرة والكل يقول يا حظ ريلها فيها واهية ترجف من الخرعة كانت وايد خايفة ,,,,واخيرا وصلت الكوشة وتيمعوا بنات خوالها وخالاتها وحنين ورفيجاتها يلفحون لها واكيد اختها سلوى الوحيدة ,,وبعد هذا كل اهلها صوروا معاها بالكوشة وارقصوا واستانسوا وكان الدي جي روعة,,,, ويت حزة دخلة المعرس,,طبعا هدى ميته من الخوف موو قادرة تمسك روحها كانت ترجف بشكل مو طبيعي...حست فيها سلوى فراحتلها سلوى:هدووووي ليش ترجفين!!! هدى:سلوى اوقفي يمي لا تروحين سلوى:هدى حبيبتي انتي من صجج لازم انتي تكونين بروحج بالكوشة !! هدى:انا قاعدة اقولج لا تروحين سلوى:شفيج جنج ما تعرفين عماد و ولا مرة شفتيه!!! هدى:انزين بس ييبيلي ماي بسرعة سلوى:اوكي,,حبيبتي بس لا ترجفين والله شكلج مبين خايفه ....لازم تبتسمين دايما هدى بتوتر:اوكي اوكي دش عماد مع ابوه و ابراهيم ومشاري وعبدالرحمن وخوال هدى عماد كان طاير من الفرحة وما كان خايف بالعكس كان متونس حيل خاصة لما شاف هدى قاعدة بالكوشة وكان شكلها يعقد ,,وصل عماد الكوشة وحب راس هدى ووقف يسلم على خوال هدى وابوها واخوهاوعبدالرحمن طلعوا الرياييل وبس اللي بقه عماد اكيد و كانت هدى ترجف جان عماد يمسك اييد هدى حيل عشان يهديها عماد بحنيه:هدى ليش ترجفين هدى بتوتر:لا ما فيني شي عماد:حياتي محلوه اليوم هدى بتوتر((هذا الي بيزيدني)): من ذوقك بعدها يابوا العصير ...عماد شرب هدى وهدى شربت عماد ، يابوا الدبله لبسها ولبسته بعدها يابوا الشبكة ولبسها.... كانوا حاطين اغنية انت (عندي حاجة غير) حق حسين الجسمي اما هدى رفضت انها ترقص لانها استحت ...ففضلت ترقص بالعرس مر الوقت بسرعه بس بطيء على هدى...بعدها طلعو وغيرت هى ملابسها و راحو يتعشون بالمطعم بيت(احمد) كان احمد عنده اجتماع مهم الصبح بس اهو تأخر في القعده، لبس ملابسه بسرعه و ركب سيارته بسرعه وكان سايق فوق 120 واهو بطريج صادفته اشاره حمرا بس اهو طافها ودعم سياره من ورا بس ما كان في اصابات بس تعورو السيارتين، احمد كان عارف أن اهو الغلطان نسى أن عنده اجتماع ونزل يشوف السياره الي دعمها كانت سياره جيب لكزس عنابي والي كانت تسوقه بنت احمد:آسف اختي كنت مستعيل البنت (ساره) كانت منصدمه من الي صار والي يشوف سيارتها وسيارته ما يصدق انا طلعو سليمين احمد اهو يحاتي (ليكون صار فيها شي):اختي فيج شي ساره مصدومه:........... احمد يقرب منها:اختي...اختي ساره لما الحين بحالة صدمه ،اضطر احمد انه يدق هرن علشان تصحى من صدمتها،أول ما سمعت صوت الهرن انقزت من مكانها احمد:آسف اختي مو قصدي اخرعج بس حبيت اتاكد انج بخير ساره مخترعه:شصار بضبط!!!!! احمد اهو منزل راسه عارف انه اهو الغلطان:انا آسف اختي طفت الاشاره الحمرا كنت مستعيل ودعمتج بس الحمد الله ان ما في اصابات واذا على السياره انشاالله بصلحها لا تحاتين ساره:لا الحمد الله انا ما فيني شي انته تعورت؟؟ احمد استغرب من هالبنت يعني أي وحده بمكانها لازم تزفا وتصارخ عليه بس هذي غير تكلمه بكل ادب وهدوء احمد:اختي اتاسف لج مره ثانيه انا غلطان والحين الشرطه بيون وانا اتكلف بكل شي ساره:لا يا خوي مو مشكله السياره ، سياره بدالها 100 سياره المهم ما صارلنا شي محد فينا تعور هذا اهم شي وانا الحين ادق على ابوي يكمل معاك الاجراءات ساره كانت بنت مؤدبه بنت تاجر مشهور... كانت ساره بنت حلوه وهاديه كانت حنطاويه بس عينها وساع ولونهم زيتي وكان ويهها طفولي، وكان ادبها اهو الي محليها وكانت من عايله غنيه عايشه بالبيت مع امها وابوها وكانت وحيده ما عندها خوات ولا اخوان واهل ابوها عايشين بالسعوديه عمرها ما شافتهم دقت ساره على ابوها الي أول مادرى أن بنته مسويه حادث هد كل الي بايده وراحلها حسب ما اوصفتله مكان الحادث احمد كان طول الوقت يتابع حركات ساره ويتامل هدوءها وادبها وجمالها شوي وصلت الشرطه ،بعدها يه ابوها وكملو الاجراءات احمد:انا آسف يا عمي واعترف لك اني انا الغلطان وأي شي تبيه انا حاضر وانا مستعد اتحمل تكاليف تصليح السياره بو ساره ريال طيب اهم شي عنده بهالدنيا رضا ربه وراحة مرته وساره الي اهي اغلى شي عند ابوها بو ساره:يا وليدي الحمدالله السياره مو شي ضروري المهم سلامتكم ، وانت يا وليدي حط بالك مره ثانيه ولا تسرع.... السياره أمانه وانته مسؤول عن ارواح هالناس احمد يبتسم له:انشاالله عمي انا آسف وماراح اعيدها... بس كنت ابي الحق على اجتماع مهم تاخرت عليه بو ساره يبتسم له:خلاص يا وليدي صار خير احمد:بس يا عمي ....انا بصلح السياره بو ساره:يا وليدي مو مهم السياره ، انا بصلحها احنا تنازلنا عن القضيه وكل واحد بيروح بحال سبيله احمد:يا عمي ما يصير جذي انا سبب الحادث وانتو ما قصرتو معاي تنازلتو عن القضيه بس خلني اتحمل المسؤوليه واصلح السياره بو ساره:مممممممم على راحتك يا وليدي اذا بيريحك هالشي خلاص مع أن شي ما يهمني اهم شي سلامتكم احمد مستانس:مشكور يا عمي والله انك ريحتني بو ساره:هههههه على خير انشاالله ، هذا رقمي واذا خلصت السياره دق علي احمد:انشاالله ،(ويلتفت على ساره)آسف اختي مره ثانيه ساره واهي تنزل من السياره علشان بيشيلونها :لا ما عليه بس حط بالك هذي ارواح ناس مو لعبه احمد يبتسم لها:انشاالله بحط بالي مره ثانيه واوعدج اني ما اسرع ساره ابتسمت له وراحت ركبت سيارة ابوها بو ساره:يلا يا وليدي نخليك الحين روح شوف شغلك احمد:على خير انشاالله.... انا انشاالله اذا خلصت السياره ادق عليك بو ساره:خير انشاالله ، مع السلامه احمد:مع السلامه ركب بو ساره سيارته وراح يوصل بنته البيت وبعدين راح شغله اما احمد راح كمل اجراءات السياره وبعدها راح شغله أول ما وصل المكتب السكرتيره:صباح الخير استاذ احمد احمد اهو تعبان يقعد على كرسي المكتب:صباح النور سلمى سلمى: خير استاذ احمد ليه ما حضرت الاجتماع احمد يتنهد:آآآآآآه يا سلمى اليوم ربي كتبلي عمر يديد سلمى واهي مبحلقه عيونها@@:خير استاذ شو صار؟؟؟ احمد:سويت حادث ، دعمت وحده سلمى تشهق:يما متى حصل ايه بالبنت؟؟؟لا تقولي ماتت؟؟ احمد:لا لا الحمد الله ما صار فيها شي لا تفاولين سلمى:الحمدالله وانت زيك؟؟ احمد:لا انا بخير ما في اصابات بس السيايير تعورو سلمى:ما علش اذا عالعربيه ممكن تصلحها احمد تذكر:إلا ما قلتيلي يا سلمى صار على الاجتماع سلمى تبتسم له: ما تخافش يا استاذ احمد انا عطيتهم فكره عن المشروع وخذيت معاهم موعد بكرا الصبح احمد واهو مستانس من الي سوته سلمى:عفيه عليج يا سلمى دايما اقول عنج احس سكرتيره سلمى مستحيه:متشكره يا فندم احمد:ههههه يلا روحي شوفي شغلج سلمى:حاضر وراحت سلمى تكمل شغلها واحمد تم يفكر بساره ما يدري ليش جذبتها هالبنت بذات مر اسبوعين من الي صار وخلصت سيارة ساره ودفع احمد التكاليف واتصل على ابوها علشان يستلمون السياره بو ساره:الوو احمد:السلام عليكم بو ساره:وعليكم السلام احمد:شلونك عمي؟؟ بو ساره:بخير ، سامحني ما عرفتك احمد بخجل:لا عادي معاك احمد ...الي دعم بنتك بو ساره:هلا بولدي احمد شخبارك؟ احمد:الحمدالله بخير...حبيت ابلغك أن سياره خلصت وين تبوني اسلمكم اياها بو ساره:والله يا ولدي انا اخلي بنتي تيي مع السايق وترد فيها،انا مشغول....انت وينك؟؟ احمد استانس أن بيشوف ساره :والله انا يا عمي بشويخ عند شركة لكزس نفسها بو ساره:خلاص انا ابلغ بنتي تييلك الحين ،مشكور ما قصرت يا وليدي احمد:تشكرني على شنو يا عمي انا الي دعمت بنتك وهذا واجب علي لازم اسويه كفايه انك تنازلت عن القضيه لو غيرك جان ما سوى الي سويته بس هذا دليل طيب اصلك بو ساره ارتاح حقه من اسلوب كلامه مبين عليه مؤدب بو ساره:والله هذا من ادبك يا وليدي انا ماراح استفيد شي لما اسوي قضيه على الفاضي بعدين الحمدالله ما صارفي بنتي شي ...وانا ما كنت حاب انك تكلف على نفسك وتصلحها بس انت لزمت احمد:ولو يا عمي هذا واجبي بو ساره:تسلم يا.... احمد:احمد بو ساره:ونعم يا احمد، الحين ادق على ساره علشان تيليك احمد(الله اسمها حلو مثلها):خلاص عمي انا انطرها هذا رقم موبايلي اذا وصلت خل دق علي علشان ايبلها السياره بو ساره:على بركت الله احمد:مع السلامه بو ساره:مع السلامه سكر بو ساره التليفون من احمد ودق على ساره وقالها وعطاها رقم تليفونه علشان تدق عليه استأذنت ساره من الدوام ، بعدها راحت شويخ أول ما وصلت دقت على احمد علشان اييبلها السياره احمد استغرب من الرقم لأنه أول مره يشوفه رد عليه احمد بصوت رجالي حازم:الوو ساره استحت تكلمه:......... احمد:الوووووووو ساره:.............. احمد بدا يعصب:عيب هالحركات بتردون ولا اسكره ساره:ا...ل..و احمد سمع صوتها بس مو قادر يميزه عدل لانها قطعت بالكلام احمد:منو معاي ساره:الوو... أخ احمد معاي احمد طار من الفرحه ما يقدر ينسى هالصوت، بس سوى نفسه ما عرفها ساره:أيي نعم معاج احمد منو حضرتج ساره:اخوي انا الي دعمتها حبيت اعرف وين استلم سيارتي احمد:أي انا واقف جدام الشركه بالضبط عند الباب الرئيسي ساره:خير اخوي الحين ايي احمد بصوت كله شوق:انا انطرج لا تتاخرين علي ساره مستغربه:نعم اخوي!!!!! احمد استوعب الي قاله:لا قصدي لا تتاخرين علشان وراي اجتماع ساره:اها،لا كاني يايه احمد:اوكي وسكرت منه ساره ،شوي جان توصل انزلت عنده كان قاعد ينطرها بسيارته الرنج الي استلمها امس من الكراج احمد بابتسامه:هلا والله ساره (شفيه هذا ) سكتت وما ردت عليه احمد استوعب (انا شفيني!! اركد شفيك):اختي ساره هذا سويج سيارتج والسياره هناك(ياشر على مكانها) ثالث سياره على اليمين ساره انصدمت أن يعرف اسمها:مشكور ماقصرت احمد:ما سوينا شي ساره بابتسامه خفيفه خلت احمد يذوب:اوكي عيل مع السلامه احمد:ويين؟؟؟ ساره مستغربه:!!!!!!!!!!!!!! احمد(شفيني انا... اركد شوي ):قصدي لازم اوصلج لي السياره علشان اطمن انها ردت مثل ما كانت ساره:لا ما لا داعي احمد:لا في داعي لازم اتاكد ساره بملل:اوكي..كيفيك مشى احمد ورا ساره واهو لو وده ما تروح ويتمنى تكون السياره خربانه علشان يتم وياها اكثر بس السياره كانت زينه وجربتها ساره وكل شي اوكي ساره:خلاص اخوي السياره زينه ما قصرت احمد سرح بجمالها وتم يفكر أن يخطبها ساره حست بخوف أول مره تحس فيه ....نظراته لها مو طبيعيه وكلامه الي يقول لها يربكها اكثر ..سكت الباب علشان بتمشي ..اهني حس احمد احمد:ها وين؟؟ ساره:يا خوي خلاص جربنا السياره وطلعت اوكي بروح دوامي تاخرت عليه احمد حس أن مسخها:أي على بركة الله يعني كل شي اوكي ساره:أي الحمد الله يلا مع السلامه احمد بحزن باين على ويهها :مع السلامه ساره ما فهمت تعابير ويه احمد وطريقة كلامه وياها وتصرفاته ،بس احمد تاكد أن اهو يحب ساره وان يبي يتزوجها مر يومين واحمد دايما في باله ساره ما اختفت عن تفكيره ولا لحظه بيت(عصام) مر شهر ويوسف على هالحال ما يكلم ابوه ولا يقعد معاه بنفس المكان وقدم اوراقه حق الوظيفه لأنه قرر ما يشتغل ويا ابوه قعد يوسف من النوم ، نزل الصاله لقى فاطمه قاعده بالصاله تشوف تلفزون يوسف:صباح الخير فاطمه بابتسامه:صباح النور..،كل هذا نوم يوسف يقعد على القنفه:شسوي ...ماكو شغل..الحين بروح حق احمدو رفيجي فاطمه بحزن:يعني كلش مافي فايده يوسف:بشنو!!! فاطمه:يوسف انت فاهمني يوسف يتنهد:لااااا يا فاطمه شغل مع ابوووي انسيه فاطمه بتعب:الله يوفقك يا يوسف يوسف:إلا وين امي فاطمه تعب زاد عليها:بيت خالتي ناديه يوسف حس فيها:فاطمه شفيج!!!!!! فاطمه عوار بدنها قام يزيد:مادري...مادري يوسف احس بعوار بطني يوسف مخترع:اخاف بتولدين!!! فاطمه:مادريييييي يا يوسف ...بس انا الحين مو في شهري توني بالسابع يوسف:عيل يلا قومي اوديج المستشفى فاطمه بتعب:اخاف اخرك عن شغلك يوسف:أي شغل يمعوده... قومي معاي اوديج المستشفى وادق على حسن بالطريج ويابت فاطمه عباتها ولبستها ، وبطريج دق يوسف على حسن... ردت طيبه البيت وما لقت احد ...سالت الخادمه قالتلها أن ماما فاطمه وايد تعبانه وراحت مع يوسف المستشفى دقت طيبه على يوسف بس ما يرد عليها لان من العيله نساه بالسياره ...دقت على حسن تم مده يلا رد عليها حسن:الوو طيبه بخوف:هلا يمه حسن ...خير شفيكم؟؟؟ حسن يبجي:فاطمه يا يمه ..فاااااطمه طيبه:شفيهاااااااااااا؟؟؟؟ حسن ميت من البجي:يما فاطمه واايد تعبانه...يما انا خايف فاطمه تموت وتخليني طيبه:لا يا يمه ...انشالله ما فيها إلا الخير..انتو بأي مستشفى حسن:مستشفى دار الشفا طيبه :خلاص الحين يايتلك حسن:ايي يمه تكفين انا محتاجلج طيبه:خلاص يا يمه الحين يايه..انت اذكر ربك وانشالله بتقوم بسلامه حسن:الله يسمع منج سدته طيبه من حسن ..ودقت على السايق علشان يوديها المستشفى ولا اهو بزحمة حولي..مالها إلا عصام ..دقت عليه على موبايله عصام:الو طيبه تبجي: عصام الحق علي عصام:خير شفيج!!! طيبه:فاطمه بالمستشفى وحسن يقول انها وايد تعبانه عصام ببرود:شفيها؟؟ طيبه:مادري...بس ظاهر ولاده مبكره عصام:الله يهداج خرعتيني عبالي صاير شي جايد طيبه منصدمه:من صجك انت!!! والي صاير شنو؟؟ عصام:الله يهديج يم حسن نسيتي انج والده غلا ولاده مبكره والحمدالله ما صارلج شي طيبه:بس مو كل مره تعدي على خير عصام :المهم..الحين شبقيتي مني؟؟ طيبه بعصبيه:انت شفيك...اقولك مرت ولدك بين الحيا والموت وانت تكلمني بابرد ما عندك عصام:والييييييييه ...يعني تبيني اهد شغلي واكنسل اجتماعاتي واروحلها المستشفى اوقف عند الباب واقعد اتبجبج مثل الحرمه طيبه تبجي:عصام تكفى ابيك توديني لها المستشفى البنت وحيده وما عندها غيرنا لازم اكون يمها عصام:والسايق وينه!! خل يوديج طيبه:السايق بزحمة حولي ..يبيله وقت على ما يوصلي عصام:ولييييييه ..والله بتلشت...انزين وشغلي!! طيبه بعصبيه:طقاق الي يطق شغلك ...فطومه اهم منه ..بتيي توديني والله اخذ لي تاكسي عصام بعصبيه:بعد هذا الي ناقص مرت عصام التاجر تركب تاكسي....أنا الحين اييلج خليج جاهزه طيبه:احنا ماراح يودرنا غير غرورك وكبريائك عصام بعصبيه:مسكي لسانج...ولا ترا والله اهون طيبه:لا ..لا خلاص بس انت تعال بسرعه عصام:قلت انزين..الحين يايلج (سكرالتليفون بويهه) وصلت طيبه وعصام المستشفى، وعلى طول طيبه ركضت صوب غرف الولاده حق فاطمه لقت حسن ميت من البجي ويوسف قاعد يهديه، اما عصام لقى رفيجه صوب الاصنصير وتم يسولف معاه ولا هامه شي طيبه بخوف:ها يمه ..بشرو صار على فاطمه كان شكل حسن يقطع القلب من كثر البجي حسن:يما راح اموت أن صار حق فاطمه شي طيبه تلمه وتمسح على راسه:انشالله بتقوم بالسلامه ...انا باختك غلا جذي بس الحمدالله قمت بالسلامه حسن يبجي:يا يمه فاطمه غير...شكلها وايد تعبان ودكتور ما رضى يدخلني عندها الغرفه ...يما ابي اشوفها طيبه:يا وليدي ما يصير دش عليها...انشالله تولد بالسلامه وندش لها كلنا شوي ولا يطلع الدكتور الدكتور:منو فيكم زوجها؟؟؟ شنو مصير فاطمه؟!! ساره واحمد بيتلاقون؟! علاقة يوسف ويا عصام؟! انتظر توقعاتكم Quote Link to comment Share on other sites More sharing options...
بوجاسم المحرقي Posted مايو 19, 2008 Report Share Posted مايو 19, 2008 ثانكس على القصة.. Quote Link to comment Share on other sites More sharing options...
مينونة ومخرفة ومخرخشة Posted مايو 23, 2008 Report Share Posted مايو 23, 2008 القصة وايد حلووة واحنا ناطرين البارت الياي بس لاتطولين علينا يالغلا Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.