evil cat Posted يوليو 21, 2008 Report Share Posted يوليو 21, 2008 الحمدالله ع سلامتج حلوووي ومشكووره ع البارت بس كان وايد قصير بس معلي ان شالله البارت الياي اطول وتحطينه لنا بسرعه <<<وايد تتشرط وجود حلا بحياة يوسف بتغير نظرته للزواج؟؟؟ اي ساره بتم مخبيه على احمد ماضيها؟؟؟ لا راح يعرف في النهايه شبتكون حياة فواز من غير غلا ولا نواف؟؟؟ ...... ماري خالد راح يتعالج ويسامح ابوه ولا بيتم كرهه له موجود؟؟ راح يسامح ابوه Quote Link to comment Share on other sites More sharing options...
بو محمـــد Posted يوليو 26, 2008 Report Share Posted يوليو 26, 2008 مشكورين علموضوع Quote Link to comment Share on other sites More sharing options...
حوريه المحرق Posted يوليو 26, 2008 Report Share Posted يوليو 26, 2008 شكرا على القصه وشكلها وااااااااااايد حلوووة وانشاء الله ماتطولين علينا بالبارتات Quote Link to comment Share on other sites More sharing options...
evil cat Posted يوليو 29, 2008 Report Share Posted يوليو 29, 2008 وينج حلوووي وطولتي ان شالله المانع خير Quote Link to comment Share on other sites More sharing options...
وجوجو Posted أغسطس 1, 2008 Author Report Share Posted أغسطس 1, 2008 مشكورين علموضوع ثانكس عالمرور شكرا على القصه وشكلها وااااااااااايد حلوووة وانشاء الله ماتطولين علينا بالبارتات هلا والله بالغاليه حورية المحرق ...تسلمين حبيبتي من ذوقج ...يا ليت ما تحرميني من توقعاتج لي نهاية القصه وينج حلوووي وطولتي ان شالله المانع خير سوووري يا قلبي ادري تاخرت السموحه منكم كنت مسخنه ...تسلمين غاليتي عالمتابعه لا تحرميني من وجودج بالبارت الياي الجزء التاسع مر شهر على الاحداث الي طافت ناديه تمت على حالها من بعد الي صار لولدها نواف وسميره واهي ما انطقت بولا كلمه والاطباء حضرو فواز انها أن طولت بالسكوت احتمال تنطرم للابد..بس ناديه مصره على الصمت ،وفواز حاول معاها وايد بس مافي فايده..فواز فقد اخوه الي رباه وكان بالنسبه له كل شي بحياته وغياب غلا عنه متعبه اكثر اما حسن فبدا يتغير رجع يداوم ويا ابوه لان صار محتاج لمعاش بعد ما وقفه عنه عصام...ولما الحين مهم قادرين يوصلون لغلا....طيبه طول الوقت كانت لاهيه مع ناديه وحالتها النفسيه تعبانه بعد وفاة سميره واختفاء غلا... غلا للحين بمرحلة العلاج الاخيره وبدت تذكر اشياء واول شي نطقت فيه اهو فواز وهذا مسبب شك لعبدالرحمن سلوى للحين تحب عبدالرحمن وابراهيم مصر على أن عبدالرحمن وغلا يسكنون عنده أن رجعو الكويت..وسلوى كرهها يزيد لغلا يوم عن يوم قبل لا تشوفها حنين للحين ويا مشاري خناق ونجره يوميا...ومشاري لاهي مع رهف الي صار يحبها حب\ جنوني بدرجه كل ما تطلب منه شي ينفذه...حنين حبها لمشاري خلاها تحس بغيره عليه وبدت تحس انه يكلم وحده غيرها محمد اخو ايلاف كلم ابوه عن موضوعهم وفهمه أن راح يشتغل العصر بالشركه ويصرف عليها من المعاش وابوه ما رفض لأنه مالا خلق محمد وحنته خالد تأخر بالعلاج شوي وهذا سبب تاخيرهم برده للكويت....ويوسف نسى عذاري لأنه وايد كان مشغول بعلاج اخوه خالد ساره بشهرها وبين انها حامل بنت ...واحمد وايد مستانس و ينطر بنته تيي علشان يسجل كل شي باسمها هدى وايد احتكت في مايا وصارت تسمع كلامها بكل شي تقوله...وعماد بدا يمل من هدى ومن المشاكل الي تسويها يوميا بس اهو كان يصبر عليها لان يحبها و كفايه انها حامل بيت (ناديه) كانت طيبه قاعده ويا ناديه بالصاله تحاول تخليها تتكلم طيبه:حبيبتي ناديه تكفين قولي أي شي؟ ناديه :.................. طيبه:لي متى يا ناديه الله ما يرضى على الي تسوينه ...سميره اختي توفت ولا شفتها وما سويت الي سويتيه...وبنتي غلا مادري وينها ناديه:...................... طيبه :حراااام عليج يا ناديه...فواز ولدج محتاجلج ناديه دمعت عيونها:.............. طيبه:ولي متى بتمين على هالحال ...يا ناديه لو نواف حي جان ما رضى بلي تسوينه بنفسج ناديه تمت تبجي:................... طيبه تلمها:بس يا ناديه حراااام عليج والله قطعتي قلوبنا ناديه بصوت مبحوح:را..ح يا طيبه راح طيبه مو مصدقه انها سمعت صوت ناديه ...ولا فواز توه داش الصاله..واول ما سمع صوت امه راح ركض صوبهم فواز بصدمه:خالتي طيبه الي سمعتها صج؟؟؟ امي تكلمت!! طيبه بفرح:الحمدالله يا فواز امك انطقت فواز يبوس راس امه:واخييييييييرا يا يمه ناديه تبتسم له:حبيبي ول..هت عل..يك فواز يلمها:انا اكثر يا يمه ناديه:وين نو..اف؟ فواز وطيبه انصدمو من الي سمعوه مو عارفين شيردون عليها ناديه تطالعهم:شفيكم سا..كتين...ولدي نو..اف وينه فواز وطيبه:.................... ناديه تضحك:ايييييي صح نسيت اهو قالي انه بيسافر ويا مرته سميره شهر العسل...ههههه شلون نسيت طيبه:ذكري الله يا ناديه..وتعوذي من ابليس ناديه عيونها تغورق:بس اهو قالي انه بيرد...وينه ليش ما رد فواز:يمه تكفين خلااص ناديه تبجي:انت شنو ما تفهم اخوك من زمان ما رد البيت ...ليش ما رحت سالت عنه فواز يبجي:يمه تكفين خلاااص الله يخليج خلااااااص ناديه :اهو قال بيروح اييب لنا العشا وللحين ما رد...ما تقولي وين راح ؟؟ طيبه تهديها:ذكري ربج يا ناديه ... نواف راح حق الي يحبه وهذا يومه ناديه توخر عنها:انتي جذابه ولدي نواف ما مات ...اهو راح اييب لنا عشى ويرد فواز :بس يا يمه خلااااااااااص ناديه تصارخ:انتو شفيكم ...انا قاعد احاتي وليدي ما رد للحين...وين سميره اهي الوحيده منكم الي تحب نواف..سميره سمييييييييره طيبه تبجي:بس ناديه حرام عليج ...سميره ماتت الله يرحمها ناديه تبجي:سكتي انتي...انتي مو فاهمه شي سميره حامل والحين بتفاجئ نواف اهي راحت تزهب له حق المفاجأه فواز:خلااص يا يمه انتي هدي شوي ناديه:شلون تبيني اهدي ونواف تأخر...حرام يا فواز سميره صارلها مده تنطره ..يا حبيبي يا نواف شكثر راح يستانس أن درى أن سميره حامل...ب..س بس اهو الحين مات مااااااااااااااااااااااااااااات شلون بيعرف...ماااااات وقبل لا يدري أن سميره حامل..مات وخلاني فواز يلم امه ويهديها:افا عليج يا يمه وانا وين رحت طيبه:خلاص يا فواز انت روح زهب سيارتك وانا اييب لها عباتها ونوديها المستشفى ماراح تهدى إلا بمهدئ ناديه تصارخ:نوااااااااف وينك نواااااااف...سميره نواف رد تعالي قوليله المفاجأه ...سمييييييييييييره شفيج ما تردين فواز يبجي:صاجه خالتي شكلها ماراح تهدى إلا اذا وديناها المستشفى راحت طيبه ويا ناديه وفواز المستشفى، وهناك عطوها مهدئات لان اثر الصدمه للحين مأثره عليها بيت(ايلاف) كانت ايلاف قاعده بغرفته تراجع دروسها ومحمد كان قاعد بالصاله يشوف فيلم ....والام كالعاده مع رفيجاتها 24 ساعه والابو بالشركه رن تليفون الصاله ورد عليه محمد بكسل محمد:الووو حنين بصوت ناعم:السلام عليكم محمد من سمع صوتها عدل قعدته:وعليكم السلام حنين:شلونك محمد؟ محمد بفرح:بخير ،انتي شلونج شخبارج؟ حنين:بخير..ايلاف موجوده محمد بعد تفكير:ايي موجوده لحظه اناديها لج محمد يسوي نفسه ينادي على ايلاف محمد:الحين تيي...شلونج مع الدراسه؟ حنين:بخير انت شلونك؟ شد حيلك هالسنه علشان تتخرج محمد:من عيوني حنين استحت:وين الوف تأخرت محمد:تعرفين رفيجتج تقول كاني يايه وتاخذ لها سنه يلا توصل حنين:ههههه حرام عليك محمد:يعني ما ترضين عليها؟ حنين:اكيد هذي رفيجة الطفوله محمد:حتى انا رفيج الطفوله، ولا غلطان حنين مستحيه:لا مو غلطان محمد:شلون عمي ابراهيم حنين:بخير لاهي مع مزرعتنا الي بالوفره محمد:الله تذكرين حنين..ايام ما كنا نروح واحنا صغار حنين:اييه ايام ..انشالله هالاسبوع بنروح..وانتو عاد لا تخلون تعالو محمد بفرح:اكيد ..والله اني ولهت على يمعاتنا حنين:اييه...مو جنه الوف تاخرت وايد محمد حس انها بتشكه:لحظه خل اروح ازفها لج حنين:هههه يلا انطرك ...بس يا ويلك أن زعلتها محمد:شبتسوين يعني حنين استحت:لا بس كنت اتغشمر محمد:حنين شفيج حتى انا اتغشمر معاج...سوي فيني الي تبين انا راضي حنين:هههه انزين روح ناد الوف ...ولا اقولك قولها اني دقيت عليها محمد:افا مليتي مني حنين:لا محمد شالكلام بس عندنا امتحان باجر وبدرس له واهي شكلها مطوله محمد:الله يوفقج ..خلاص انا اقولها تتصل عليج حنين:مشكور يلا باي محمد بحزن:باي سد منها ولا ايلاف توها نازله الصاله ايلاف:حمود منو كنت تكلم مساع!! محمد بسرحان:حنين ايلاف:نعم !!! وليش ما ناديتني؟ محمد:مينون اناديج..قعدت اسولف وياها ولهان عليها ايلاف:حمود شالكلام محمد:والله عاد بكيفي..وانشالله راح اتزوجها وبتشوفين انها بتوافق علي ايلاف:ما اظن محمد يقوم من مكانه:اووه انتي محد يتكلم معاج انا طالع ايلاف:ليش اقول الصج تزعل محمد ما رد عليها سكر الباب بويها وطلع...اما ايلاف دقت على حنين وتمو يسولفون ويا بعض على التليفون فرنسا (المستشفى) وغلا بدت تجاوبت للعلاج بتنويم المغناطيسي وردت لها الذاكره خاصة عندما تذكرت فواز صارخت بصوت عالي باسمه فواااااااااااااااااااااااااااااااااااااااااااااااااااااااااز قعدت من النوم مخترعه ...وكان وقتها عبدالرحمن عند الدكتور يساله عن غلا...شوي ويدش عبدالرحمن الغرفه وقال لغلا عن كل الي صارلها وقعد معاها وبدو يسولفون عن حياتها لما تذكرت كل شي...رخصها الدكتور من المستشفى وخذاها عبدالرحمن للشقه ترتاح.. كانت غلا وايد تعبانه من العلاج ..كانت واهي نايمه كانها ميته ما تتحرك ...صارلها مده ما نامت طبيعيه كانت تحت المهدئات والاجهزه قعدت غلا من النوم حزت المغرب...وكان عبدالرحمن ينطرها بالصاله ...وبعدها عزمها على العشى بهالمناسبه الحلوه عبدالرحمن:واخير حبيبتي ..ردتلج ذاكرتج غلا بفرح:الحمدالله عبدالرحمن: شلونج الحين بعد ما عرفتي كل الي صارلج غلا مستانسه:مستااانسه يا عبدالرحمن مادري شكنت بسوي من دونك الله لا يحرمني منك بس...بس خايفه عبدالرحمن:من شنو؟؟ غلا:انت يا عبدالرحمن فاهم أن فواز كان ماضي و عرفت شكثر كنا متعلقين بعض عبدالرحمن:اييه وانشاالله أن ردينا الكويت انا راح افهم فواز الموضوع غلا براحه وابتسامه:مشكور يا عبدالرحمن وصدقني انت الوحيد الي بقلبي الحين وفواز يعتبر ماضي عبدالرحمن:واخيرا يعني اعتبرج مرتي غلا:هههههههههه عبدالرحمن:تضحكين ها...الحين طول ما احنا بالسفر محترم رايج أن ما نعتبر متزوجين لما تتعالجين ،واحين خلاص مافي فكه انا بمدد سفرتنا شهر علشان نقعد ويا بعض ويكون شهر عسل غلا:عبدالرحمن تكفى بطلبك لا تردني عبدالرحمن:انتي تآمرين غلا:مممم لا تمدد سفرتنا خل نرد الكويت واشوف اهلي وبعدها نسوي حفله صغيره بين الاهل وبعدها نسافر ،شقلت؟؟ عبدالرحمن طار من الفرحه:صج ...صج هيونه غلا استحت:ايي شفيك...بس ترا اسمي غلا مو هيا عبدالرحمن:ههههه شسوي تعودت اناديج هيا..المهم ماراح تغيرين رايج أن شفتي اهلج غلا:انت اهلي يا عبدالرحمن عبدالرحمن:وانتي حبيبتي وحياتي وكل شي لي بهالدنيا غلا تبتسم له:الله يخليك لي عبدالرحمن:ويخليج لي يا حبيبتي غلا:اقول عبدالرحمن عبدالرحمن:قولي يا عيون عبدالرحمن غلا:تسلم لي عيونك،انت شتصير حق خالتي هند عبدالرحمن: الله يعافيج خالتي هند رفيجة امي روح بالروح غلا:انت ليش عايش بروحك بالامارات عبدالرحمن:هذي قصه طويله تبين تسمعينها غلا:ايي اكيد عبدالرحمن:الله يعافيج انا ابوي كويتي وامي فرنسيه ابوي تزوجها وقت دراسته بره ولما تخرج يابها الكويت و محد من العايله تقبلها سافر الامارات واشتغل هناك وفتح له شركه وولدتني وبعدها تمت مده ويابت اختي حنين عمرها الحين19 سنه تقريبا بعدها المشاكل بدت تزيد بينهم خاصة ان امي ما كانت ترضى بعاداتنا وتقاليدنا وابوي كان شوي متشدد عليها وفي يوم طلبت من ابوي الطلاق ومثل ما تعرفين انهم من عاداتهم انهم يطلقون الرياييل يعني كانت العصمه بايدها غلا باندماج:كمل وبعدين.. عبدالرحمن: سافرت ولا عرف عنها ابوي شي من ذاك اليوم وكان وقتها حنين اختي ياهل عمرها سنه تقريبا وامي كانت تعرف هند عليها طول ما احنا بالامارات واهي كانت تعتني باختي غلا:وابوك شصار له؟؟ عبدالرحمن:الله يرحمه ويغفر له غلا مصدومه:مات!!! عبدالرحمن:بعد ما هجرته امي صار مثل المينون الي ما يفكر بشي غيرها...كان يحبها حب جنوني وبعد الي سوته فيه صار 24 يسكر مو بوعيه حتى خالتي هند خافت علينا منه خذتنا عندها في بيتها ،وبعد جم يوم يالنا خبر من المخفر عن موتت ابوي بسبب نسبة الخمر الكبيره في جسمه ، ولما عرف عمي بالخبر ما رضى نتم عند حرمه غريبه خذانه عنده غلا:وعسى عمك طيب؟؟ عبدالرحمن يبتسم لها:ما في اطيب من عمي بهالدنيا غلا:وبعدين شصار؟؟ عبدالرحمن:ردنا الكويت وعشنا معاه بيته وكان عنده بنتين وولد ،بنت سلوى بنفس عمر اختي حنين وبنت اكبر مني متزوجه و ولده اكبر من حنين بسنتين غلا:ومرت عمك شلونها وياكم؟؟ عبدالرحمن:مرت عمي متوفيه من زمان غلا:الله يرحمها عبدالرحمن:تربينه عنده وما قصر علينا بشي ولا يوم فرق بينا وبين عياله وانا وايد احترمه غلا:بس انت قلتلي انك عشت بفرنسا وكنت تشوف امك!! عبدالرحمن:ايي...لما تخرجت اضطريت ايي الامارات علشان امسك شركة ابوي عن عمي واخلص الشغل الي فيها علشان اسكرها وافتحلي شركه خاصه فيني بالكويت غلا:شكله عمك وايد طيب عبدالرحمن:وايد..وايد غلا سرحت شوي تفكر باهلها وبفواز الي نسته وما تدري شلون قدرت تحب عبدالرحمن وتنساه عبدالرحمن:غلا..غلا وين رحتي؟؟ غلا:ها...كاني اهني عبدالرحمن يمسك ايدها:ولهانه على اهلج غلا تهز راسها بالايجاب عبدالرحمن:تذكرين رقمهم؟؟ غلا:لا مو عدل عبدالرحمن:انزين اسمج الكامل غلا:ايي اكيد..اسمي غلا عصام خالد الخالد عبدالرحمن منصدم:عيدي الاسم!!!! غلا مستغربه:غلا عصام خالد الخالد عبدالرحمن مصدوم:ما اصدق مو معقوله؟؟؟؟ غلا:حبيبي شفيك؟؟؟ عبدالرحمن:انتي عندج اخو اسمه يوسف الخالد غلا:اييه يوسف اخوي ، ليش تعرفه؟؟ غبدالرحمن:مو بس اعرفه اهو رفيجي الروح بروح غلا:مستانسه:صج !!! يعني تدل بيتنا عبدالرحمن:اييه اكيد ادله بس انا انقطعت بالفتره الاخيره عن يوسف شوي وعن كل ربعي حتى احمد غلا:ايي صح ذكرت احمد رفيج يوسف وكان يتكلم عنك بعد..بس ليش قطعتهم عبدالرحمن:بسبب سالفة ساره الي قلتلج عنها غلا:مممم الي تزوجت رفيجك احمد عبدالرحمن:ايي بس الحين انا تزوجت زينة البنات غلا مستحيه :من ذوقك عبدالرحمن:خلاص انشاالله ان وصلنا الكويت اوديج عند اهلج غلا:مادري شلون اردلك الي سويتلي اياه عبدالرحمن يبتسم له:بشي واحد غلا:شنو!!! عبد الرحمن:توعديني انج تكونين معاي للابد غلا ابتسمت :اوعدك وبعدها ردو الشقه.... يرتاحون علشان باجر طيارتهم يردون الكويت وخلاها مفاجأه لعمه الكويت (الفير) وصلو غلا وعبدالرحمن الكويت وراحو فندق حتى ما يزعجون عمهم ابراهيم صار الصبح قعدت غلا من النوم وراحت دقت على خالتها هند طمنتها انهم وصلو بسلامه بعدها طلبت غلا ريوق من الفندق وغيرت ملابسها... لبست قميص نوم حرير لونه كحلي ماكسي وفوقه روب وفلت شعره وحطت باند كحلي و بعدها وصل الريوق وراحت تقعد عبدالرحمن غلا:حمني..حبيبي قوم عبدالرحمن بكسل:تعبان ابي انام غلا:يلا عاد حمني ما يمدينا ،راح نتاخر على اهلك عبدالرحمن بطل عيونه وتم ساكت يشوف غلا غلا:حبيبي شفيك؟؟ عبدالرحمن انتبه لنفسه:ما فيني شي غلا:ليش طالعني جذي؟ عبدالرحمن يقرب منها: محلوه اليوم شسالفه؟؟ غلا مستحيه :بسك من هالكلام وقوم خل نتريق عبدالرحمن:حبيبتي طالبتلي ريوق!! غلا رايحه صاله:أيي يلا قوم ولا باكله عنك عبدالرحمن:لا والله تقعديني من نومي وتنحاشين ،الحين اغسل واييلج تريقو وبعدها غيرو ملابسهم وعبدالرحمن اصر على غلا أن يروحون عند اهلها قبل بس اهي ما رضت لان باجر يمعتهم في بيتهم فالكل راح يكون موجود ،فاتفقو انهم يزورون ابراهيم وصلو بيت ابراهيم ودقو الجرس افتحت لهم الخادمه الباب عبدالرحمن:هاااااي ، سوبنا شلونج؟؟ سوبنا(الخدامه):انا زين بابا انت شلون؟؟ عبدالرحمن:انا زين، منو موجود بيت سوبنا:بابا مشاري روح كليه وماما حنين وماما سلوى روح مدرسه بعد بس بابا ابراهيم اكو فوق نايم بعد شوي اكو يقعد من نوم يروه دوام مال اهو عبدالرحمن:خلاص سوبنا روحي شوفي شغلج وانا مع غلا نقعد بالصاله ننطر بابا يقعد من نوم سوبنا بلقافه:منو غلا بابا عبدالرحمن؟؟؟ عبدالرحمن وغلا يضحكون على لقافتها عبدالرحمن:هذي مرتي سوبنا تبتسم:ما شاءالله واجد هلوه غلا:هههههههههه مشكوره وبعدها راحو الصاله وخذاها عبدالرحمن يجولها بالبيت ويواريها غرفة كل واحد منهم و بعدها ردو الصاله يقعدون لما ينزل ابراهيم ابراهيم واهو نازل الدري:سوبنا ......يا سوبنا أول ما سمع عبدالرحمن صوت عمه راحله عبدالرحمن:هلا عمي شلونك ابراهيم يلمه:عبدالرحمن وليدي ،حمدالله على سلامتك عبدالرحمن:الله يسلمك عمي ابراهيم مستانس:شلونك؟؟وشلون مرتك غلا؟؟ وليش ما قلتلي انكم يايين عبدالرحمن:ما حبينه نكلف عليكم..وقلنا نسويها لكم مفاجأه ابراهيم:آه من مفاجآتك..شلون سفرتكم؟؟؟ وسويتو بالعلاج؟؟؟ ....إلا وين مرتك؟ عبدالرحمن:ههههه عمي جم سؤال سالتني ابراهيم ودمعه بعينه:من فرحتي بشوفتك تقرب غلا من عبدالرحمن عبدالرحمن:هذي غلا يا عمي ،سلمي غلا على عمي ابراهيم غلا تبوس راس ابراهيم:شلونك عمي؟ ابراهيم يبتسم لها بكل حنيه:الحمدالله بخير يا بنيتي،ماشاءالله يا حمني عرفت تختار غلا مستحيه:من ذوقك عمي عبدالرحمن يساسرها:اصلا انتي احلى بنت بالعالم غلا حمر ويهها وابراهيم سمعه واستانس أن ما حرم عبدالرحمن من الي يحبها ابراهيم:تفضلو ليش واقفين وقعد عبدالرحمن يم غلا وابراهيم على القنفه الي مجابلتهم ابراهيم:حيل الله من يانا...تو ما نورت الكويت غلا:بنورك عمي ابراهيم:تسلمين...الا متى وصلتو؟ عبدالرحمن:اليوم الفير بس ماحبينا نزعجكم ارتحنا بالفندق وقلنا أن صار الصبح نيي نسلم عليكم ابراهيم:وانتي يا غلا انشاالله مرتاحه مع عبدالرحمن غلا:الحمدالله عمي مرتاحه ابراهيم:يا بنيتي اعتبريني بحسبة ابوج اذا ضايقج حمني تعالي علميني وانا اواريج فيه عبدالرحمن:افا عمي من اولها جذي غلا:صدقني ياعمي لو الف الكويت كلها ما القى مثل عبدالرحمن ابراهيم مستانس من كلامها:الله لا يحرمكم من بعض عبدالرحمن يرفع ايده:آآآآآآمين ابراهيم:اقول حمني عبدالرحمن:خير عمي ابراهيم:وين ناوين تسكنون عبدالرحمن:احنا الحين ماخذين لنا سويت في الفندق لما ألاقي لنا شقه ابراهيم:افا وانا عمك بيت عمك موجود وتسكنون بالشقه ليش؟؟ عبدالرحمن:والله عمي ما نبي نضايقكم ابراهيم:اصلا انا ما اخذ رايك ،غلا يا بنيتي ترضين تسكنون عندي؟ غلا بابتسامه:افا يا عمي ما يبيله جواب انت الي تبيه يصير..والي يقول عليه عبدالرحمن يصير ابراهيم:كفو والله ببنيتي غلا مو حمانوه عبدالرحمن:افا عمي شفيك علي اشوفك من أول يوم بديت تغلب علي غلا:هههههه تغار؟؟ عبدالرحمن يقرب منها وبصوت واطي:مو اغار منج اغار عليج غلا احمر ويهها ونزلت راسها ابراهيم:وانت وبعدين وياك ،لا تحرج البنت ،قومو معاي عبدالرحمن:وين عمي؟؟ ابراهيم:مسويلكم مفاجأه راحو معاه وعبدالرحمن كان مستغرب لأن عمه كان رايح صوب السطح ومو عارف شسالفه ابراهيم ياشر بايده:هذي يا عيال شقتكم عبدالرحمن طارت عيونه ،كان عمه بانيله دور كامل له واول ما دشو انبهرت غلا من الديكور والاثاث،كان تصميم الشقه امريكي وكانت طالعه روعه عبدالرحمن بفرح:مشكور يا عمي وما قصرت غلا:مشكور عمي الله لا يحرمني منك ابراهيم:العفو ....ما سويت شي هذا كله تصميم حنونه وسلوى عبدالرحمن:انا حسيت انها سلوى لاني اعرف ذوقها ما تدري غلا ليش حست بغيره وحست أن في شي بينهم ابراهيم:الحين اطرش سايق يروح الفندق ييب اغراضكم وانتو تمو اهني ارتاحو عبدالرحمن يبوس راس عمه:مشكور عمي ما قصرت ابراهيم:تحب الكعبه انشاالله،يلا خل ننزل الصاله ونكمل سوالفنا نزلو الصاله وتمو يكملون سوالفهم ،وماراح ابراهيم الشركه ، قرب موعد ردت البنات ومشاري من الدوام وصلو حنين وسلوى قبل أول مادشو الصاله كانو ميتين ضحك على سايقهم لأنه كان يتقرطم عليهم بالهندي لانهم اخروه واهم مو فاهمين شي، واول ما شافو الي بصاله انصدمو ،تمو واقفين بمكانهم ومبحلقين عيونهم ابراهيم:بسم الله عليكم ،شفيكم؟؟ حنين ركضت صوب اخوها ولمته، اما سلوى تمت واقفه بمكانها حنين تبجي:عبدالرحمن حبيبي اخوي ولهت عليك عبدالرحمن يمسح على راسها:وانا بعد حبيبتي ولهان عليج وايد سلوى كانت ماسكه دمعتها لانها مو قادرة تستحمل انها تشوف عبدالرحمن مع وحده ثانيه ودها لو تكون بمكانها ابراهيم:يبا سلوى شفيج منتي مسلمه على اخوج عبدالرحمن سلوى انجرحت من هالكلمه:حمدالله على السلامه عبدالرحمن عبدالرحمن :الله يسلمج والله اني فقدتكم سلوى استانست:واحنا بعد غلا حست بغيره عجيبه تشوف شي بعيون سلوى مو فاهمته ابراهيم:شفيكم يا بنات ما تسلمون على مرت اخوكم غلا حنين مستانسه:مبروك مرت اخوي ...ماشاالله شحلاتج غلا غلا:من ذوقج حبيبتي انتي بعد حلوه سلوى بصوت واطي:مبروك غلا غلا:الله يبارك فيج وبعدها قعدو وتمو يكملون سوالفهم،عبدالرحمن ويا عمه يسولفون عن الشغل والشركه اما حنين وايد حبت غلا وغلا بعد وتمو يسولفون..... اما سلوى ما استحملت الوضع استأذنت منهم وصعدت دارها بعذر انها تعبانه وتبي ترتاح شوي ويدش مشاري أول ما شاف عبدالرحمن هد الي بايده وراح صوبه لمه ودمعت عينه لأنه يعتبره اخوه الكبير ورفيجه وولده عمه واهم وايد ويا بعض مشاري بفرح:انا اقول الكويت منوره عبدالرحمن دمعت عينه:بوجودك ..ولهت عليك مشور مشاري:علينا هالكلام تزوجت ونسيتنا عبدالرحمن:حرااااااام عليك يا ريال مشاري:ههه اتغشمر معاك منت معرفنا على مرتك عبدالرحمن ياشر على غلا:هذي مرتي حبيتي غلا مشاري:عيب يا ريال هالكلام في مراهقين معاك، شلونج غلا؟ غلا:الحمدالله انت شلونك؟؟ مشاري يبتسم لها:الحين صرت تمام غلا:ههههههههه الله يخليكم حق بعض عبدالرحمن ومشاري:آآآآآآآآآآمين تغدو ويا بعض بس سلوى ما نزلت على غدا كانت بدارها تبجي صعدت لها حنين تناديها حق الغدا حنين تطق الباب:سلوى....سلوى بطلي الباب سلوى بصوت واطي:مابي...تعبانه ابي انام حنين:لا تجذبين علي انتي ما فيج شي قصي على احد غيري سلوى :حنين الله يخليج خليني بروحي حنين:ماراح اتحرك من مكاني إلا لما تبطليلي الباب سلوى امسحت دموعها وبطلت لها الباب وانسدحت على الكرفايه وغطت عمرها باللحاف حنين:سلوى حبيبتي شفيج؟؟ سلوى تبجي بصوت واطي:.......... حنين تتل منها اللحاف:سلوووو شفيج؟؟ليش تبجين!!! سلوى:ما فيني شي بس متضايقه شوي من الدكتور حنين:أي دكتور!!! سلوى:دكتور التصميم ، اليوم ما اعجبه تصميمي و ما حطلي درجه زينه حنين تقعد يمها:سلووو حبيبتي لا تجذبين علي ...انا حنون سلوى:أوووووووه شفيج انتي ..هذا الي صار حنين:لا مو هذا صج ...انا وياج بالجامعه نفسها وكنت وياج لما رحتي حق الدكتور وما قالج شي بالعكس امدحج سلوى ما قدرت تمسك نفسها اكثر لمت حنين وتمت تبجي من قلبها الي يسمع بجيها يتقطع قلبه حنين بحزن:سلوى حبيبتي ليش تسوين بنفسج جذي حراااااام سلوى:مو بايدي يا حنين مو بايدي حنين بصوت واطي :للحين تحبينه سلوى تبجي :حاولت يا حنين والله اني حاولت بس ماني قادره انساه ولا اظن اني بنساه طول عمري حنين:يا سلوى يا حبيبتي صدقيني عبدالرحمن لو يدري انج تحبينه جان تزوجج بس اهو يعتبرج مثل اخته سلوى:مو هذا الي زايدني قهر انا احبه يا حنين ما كنت اشوف احد غيره بحياتي ما كنت اتخيل انه يكون لغيري حنين تحاول تهديها:صدقيني يا سلوى انتي ما تحبينه سلوى توقف بمكانها:انتي شتخربطين ؟؟؟ حنين :هدي يا سلوى وسمعيني عدل انا قصدي اقولج انتي كنتي وايد متعلقه فيه من انتي صغيره وعبدالرحمن حنون وايد وهذا الي خلاج تفكرين انه يحبج بس اهو يعتبرج مثل اخته وقريبه منه وايد وانتي بعد صدقيني راح تلقين من يحبج وتحبينه سلوى:لا يا حنين انا ماراح اتزوج بعد عبدالرحمن وماراح احب غيره حنين:يا حبيبتي يا سلوى عبدالرحمن الحين تزوج وغلا بنت طيبه واذا صج تحبينه لازم تتمنين له الخير وانتي انشالله بتحبين الاحسن من اخوي سلوى تمت تبجي بحضن حنين:بحاول انساااه...بحاول حنين:الحين غسلي ويهج وغيري ملابس الدوام ونزلي تحت تغدي ويانا ترا كلهم ينطرونا سلوى تمسح دموعها:تكفين حنين مالي خلق انزل حنين:وبعدين معاج ، شتقول غلا الحين من أول يوم لها في البيت جذي سلوى:صدقين حنين كرهتها من قبل لا شوفها حنين:حرام عليج سلوى البنت طيبه سلوى:بس اهي خذت مني عبدالرحمن وماراح اغفر لها حنين:لا يا سلوى مو انتي الي تشيلين بقلبج على احد ما سوالج شي سلوى تبجي:مو بايدي حنين..اهي جبرتني اصير جذي حنين:انتي لاحظتي الحزن الي بعيونها..كفايه انها تمت مده فاقده الذاكره ما تعرف عن اهلها شي..وصدقيني عبدالرحمن ما يصلحلج سلوى:الله يساعدني يا حنين حنين:انتي ادعيلهم وانشالله الله بيرزقج الاحسن من اخوي سلوى بحزن:آمييين حنين :من قلبج سلوى؟ سلوى بابتسامه:ايي من قلبي واوعدج اني انشاالله انسى هالموضوع انا مو لي هالدرجه شريره حنين:هههههههه ادري فيج طيبه مثل هدى سلوى:وييي تعالي عن طاري هدوي ترا ما قلتلها امس عن الوفره حنين:زين تذكرتي خلاص بعد الغدا ندق عليها ونقولها تيي اهي وعصام سلوى:خلاص اوكي وبعدها راحت سلوى غسلت ويهها وغيرت ملابسها ونزلت تحت وكانت تحاول بكل قوه انها تسيطر على مشاعرها وتعامله معاملة اخو بعد الغدا استاذنو عبدالرحمن وغلا علشان يروحون بيت غلا ويفاجئونهم ، اما الباجي كل واحد راح حق شغله بيت (عصام) كانت طيبه قاعده مع ناديه وفواز وريلها عصام وحسن وبدر يشربون جاي العصر عصام:ها يبا فواز شلون الشغل معاك فواز من بعد سفر غلا واهو دايما حزين حتى البسمه الي كانت دايما على ويهه اختفت فواز:تمام عمي حسن:عساه دوم ،الله يعطيك العافيه ويرزقك بنت الحلال فواز تم ساكت ويفكر بغلا ناديه:قوله يا حسن فهمه ،ذبحني بهالموضوع كل ما ايبله سيرته يهدني ويطلع طيبه:افا يا وليدي ليش ،الزواج نعمه واستقرار فواز يتنهد :انشالله أن ييت العروس الي ابيها ناديه معصبه:بس فالح لي بهالجمله كل ما اكلمه يقولي لما ترد عروستي وبعدين وياك طاع صار عمرك جم وانت للحين ما تزوجت الي بعمرك عندهم عيال بيتخرجون من الجامعه طيبه:سمي بالله يا وخيتي وهدي اعصابج عصام:يبا فواز في بنت ابالك تبيها؟؟ ناديه بصوت واطي:منو غيرها يا بوحسن غلا حسن بحزن:بس يا فواز غلا ماندري عنها شي من مده ويمكن الحين تكون تزوجت فواز بعصبيه:انتو شفيكم كل واحد يقولي تزوجت وتزوجت..احنا مواعدين بعض انا نكون لبعض طيبه:بس يا حبيبي الظروف تغيرت الحين وما يصير اتم جذيه فواز :بس خلاص حرام عليكم خلوني بحالي مو كل ساعه مبطليلي الموضوع والله ترا اهد لكم البيت واطلع ناديه:لا فواز تكفى لا تهدني وتروح كفايه كلهم خلوني وراحو فواز يبوس راس امه:يا يمه انا ماراح اخليج بس علشاني لا تبطلين هالموضوع مره ثانيه جدامي ناديه:خلاص يمه والله ماني متكلمه فيه مره ثانيه بس لا تخليني بروحي انت الي بقيتلي بهالدنيا فواز يبتسم لها:انشالله يمه ماراح اخليج اصلا انا ما اقدر استغنى عنج طيبه دمعت عينها:الله يخليكم حق بعض بسيارة عبدالرحمن عبدالرحمن:حبيبتي شفيج ساكته غلا:مادري عبدالرحمن خايفه عبدالرحمن:من شنو!!! غلا:من ردت فعل فواز احس اني ظلمته عبدالرحمن يرزم بريك قوي ويوقف السياره على كتر:شقصدج؟؟ غلا بخوف:حبيبي لا تفهمني غلط انا كان قصدي اني طول هالمده كنت ظالمته اهو واهلي ما دقيت عليهم وطمنتهم علي عبدالرحمن بصوت واطي:للحين تحبينه؟ غلا:احب منو؟؟؟ عبدالرحمن:فواز غلا:شالكلام عبدالرحمن انا قلتلك من أول ما رجعتلي الذاكره فواز صار ماضي وانت الحاضر والمستقبل ولو كنت احبه مثل ما تقول جان طلبت منك الطلاق وقت ما كنا تونا عالبر عبدالرحمن:عيل ليش خايفه وتحاتينه؟؟ غلا:حبيبي مهما كان انا مادري مشاعره شلون الحين باتجاهي وشلون بتصير اذا عرف سالفة زواجي ،ومثل ما قلتلك كنا بنتزوج أول ما ارد الكويت بس الظوروف احكمت اني اشوفك واحبك واتزوجك ..انت يا عبدالرحمن صرت كل شي بحياتي ما تدري شكثر احبك عبدالرحمن :آسف غلا على الكلام الي قلته بس مو مني من الغيره الي بقلبي غلا:عاذرتك حبيبي،بس انا خايفه على فواز يسوي بروحه شي انت ما تتخيل شكثر متعلق فيني من انا صغيره عبدالرحمن يمسك ايدها ويرص عليها بحنيه:لا تخافين حبيبتي انا بكلمه وبتصرف معاه غلا:شلون!!! عبدالرحمن:الحين انتي تنزلين عندهم وتسلمين عليهم ....واهو تسلمين عليه عادي وبعدها تقوليلهم كل الي صارلج بس بدون ما تقوليلهم انج تزوجتي غلا:يعني اقولهم اني فقدت ذاكرتي وعالجت!! عبدالرحمن :ايي غلا:وان اسالوني من سافر وياج عبدالرحمن:قوليلهم ولد المره الي خذتج عندها الي اهي خالتي فاطمه بس لا تقوليلهم اني انا غلا :وبعدين عبدالرحمن:انتي جذي تكونين عطيتهم مبرر الي ما خلاج تسالين عنهم طول هالسنين وبعدها تطلبين من ابوج وحسن ويوسف ونواف وفواز انهم يون لي بالمطعم على العشا وانتي تقولين حق الحريم السالفه غلا:وان اسالوني منو الي ينطرنا بالمطعم؟؟ عبدالرحمن:قوليلهم الولد الي سافر معاي غلا:اها وجذي يكونون خذو فكره عنك شلون عرفتك فتكون صدمه مو قويه على فواز عبدالرحمن:اييه جذي قصدي غلا بفرح:والله يا حمني مادري شلون اردلك جمايلك عبدالرحمن:انج تمين يمي طول العمر غلا :اوعدك يا حبيبي..اوعدك وصلو بيت اهل غلا....نزلت غلا وعبدالرحمن مشى راح الشركه، تمت واقفه متردده دش ولا لأ ...دقت الجرس كانت الخدامه مشغوله فاضطر فواز يقوم يفتح الباب أول ما افتحه انصدم من الي شافه مو مصدق عيونها تم يسكره ويرد يبطله علشان يتاكد من الي يشوفه اما غلا انصدمت من شكل فواز شلون ضعف وشكله تعبان ويكسر الخاطر فواز بصوت واطي:غ...لا.. غلا عيونها دمعت:ايي غلا شلونك فواز؟؟ فواز مو مصدق:ليش يا غلا ليش؟؟؟ غلا:غصبن عني يا فواز صدقني قصبن عني فواز:آآآآآآآآآآآه يا غلا شكثر فقدتج غلا أول مره ما تحس شي باتجاه فواز تاكدت أن حب عبدالرحمن سيطر عليها ونساها حب فواز الاولي غلا:وين امي وابوي واهلي؟ فواز:كلهم داخل دشت غلا داخل وركضت صوبهم وكانوا مو مصدقين أن غلا جدامهم تمو كلهم يصيحون ،اما فواز تم مكانه منصدم من ردت فعل غلا وتصرفها معاه من بعد هالمده الطويله يوسف:فواز ..فواز شفيك واقف عند الباب فواز انتبه له:لا ما في شي بس قاعد اشوف الجو وايد حلو طيبه لامه غلا وتصيح:وينج يا بنيتي ليش ما كلمتينا ؟؟ليش قطعتينا؟؟ غلا تبجي:غصبن عني يا يمه غصبن عني عصام:شلونج غلويتي شخبارج...ما ولهتي على ابوج غلا تلم ابوها:بخير يبا... لما شفتكم صرت بخير فواز طول الوقت ساكت ومنزل راسه يفكر بردة فعل غلا أول ما شافته كلها برود خاليه من المشاعر ناديه:وين كنتي يا غلا ؟؟ وليش ما دقيتي سالتي عنا؟؟ غلا تمت تقولهم كل السالفه وكانو كلهم منصدمين من الي صار لغلا ، وكلهم انعجبو بهند الي ما قصرت ويا غلا وبولدها الي سافر وياها وساعدها على العلاج عصام:والله انهم عيال حلال..وولدها خوش ريال غلا:أي والله يا يبه ناس ونعم فيهم فواز حس بغيره من الولد الي تتكلم عنه غلا..حس انه اهو سبب ردة فعل غلا معاه حسن:الحمدالله انج رديتي لنا بالسلامه ناديه مستغربه من فواز الي قاعد يسمع واهو ساكت ومنزل راسه ولا يتكلم واهو الي كان ميت على انه يشوف غلا ناديه:يما فوازي شفيك؟؟؟ فواز بصوت حاد:وباي صفه كان مسافر وياج!!! غلا منصدمه من سؤاله :...........!!!!!!! ناديه:يمه فواز شفيك؟؟ غلا:ما كنت اقدر يا فواز اسافر بروحي وامه كانت مشلوله... كثر الله من خيره الي هد شغله وسافر يعالجني ولا جان للحين ما رديت لكم طيبه:أيي والله يا بنيتي والله انه ولد حلال ويستاهل كل خير فواز يوقف من مكانه :انا استاذن ناديه:وين رايح حبيبي تو الناس فواز:بروح البيت ارتاح احس اني تعبان غلا توقفه:فواز فواز استانس لما نادته باسمه من زمان ما سمعه على لسانه بس موقفها معاه مضايقه فواز بحزم:نعم غلا عارفه ليش يعاملها جذي:لو سمحت فواز انت وابوي وحسن ويوسف ونواف معزومين على العشا فواز بحزن:نواف...من وين اييبلج نواف؟ غلا مستغربه:شقصدك؟؟؟ ردت فعل غلا اذا عرفت بوفاة نواف؟!! موقف فواز من عبدالرحمن؟!! سلوى بتسبب مشاكل بين غلا وعبدالرحمن؟!! انتظر توقعاتكم بشوووق Quote Link to comment Share on other sites More sharing options...
evil cat Posted أغسطس 3, 2008 Report Share Posted أغسطس 3, 2008 ماتجوفين شر ابوي الحمدالله ع سلامتج الباارت كااان وايد حلوو ولو كاان اطول كاان احلى بس معلي ان شالله البارت الياي اطول وبسرعه تنزلينه وتوقعاتي ان ردت فعل غلا اذا عرفت بوفاة نواف؟!! اممم ماري بس بتكون صدمه قويه لها موقف فواز من عبدالرحمن؟!! لا تعليق ماري سلوى بتسبب مشاكل بين غلا وعبدالرحمن؟!! في البدايه يمكن اي بس عقب لا راح تحب غلا Quote Link to comment Share on other sites More sharing options...
MISS GREENZ Posted أغسطس 10, 2008 Report Share Posted أغسطس 10, 2008 ween al part??? Quote Link to comment Share on other sites More sharing options...
§°ˆ ˆ°§ღ♥ღبنت المنامة ღ♥ღ§°ˆ ˆ°§ Posted أغسطس 12, 2008 Report Share Posted أغسطس 12, 2008 نبي بارت Quote Link to comment Share on other sites More sharing options...
وجوجو Posted أغسطس 13, 2008 Author Report Share Posted أغسطس 13, 2008 هذا البارت وان شاء الله يعجبكم وسامحوني عالتاخير الجزء العاشر فواز دمعت عينه:نواف يا غلا مااااااااات غلا منصدمه:شلووووووون!!!!!!! وقالولها كل الي صار لنواف وسميره..غلا لما درت أن خالتها سميره توفت اغمى عليها وراح فواز يابلها قلاص ماي وطشر عليها لما صحت..وتمت تبجي مده مو مصدقه الخبر وخاصه لما درت أن سميره قبل لا تموت كانت حامل ...غلا تهدي شوي..وترد تبجي واهم يهدونها غلا تبجي:خالتي سميره ماتت...ونواف ..وانا مادري؟ عصام:طلبيلهم الرحمه يا بنيتي..ما عليه انا الحين بمشي وراي شغل مهم اشوفج بعدين غلا:بس يبا انت معزوم عصام:ما عليه حسن اخوج يروح عني..يلا مع السلامه طلع عصام والكل مستغرب من ردة فعله...المفروض يكون صوب بنته بس اهو خلاها وطلع..لانه ما يحب يواجه مثل هالمواقف الي تبين فيها حنيته غلا:ويوسف وينه؟؟ طيبه:يوسف حبيبتي مسافر مع اخوج خالد علاج غلا بفرح:لقيتو اخوي خالد!! حسن:ايي وانشالله قريب رادين الكويت غلا:انزين فاطمه وينها ما اشوفها؟ حسن بحزن وكأن فتحت عليه غلا موضوع بدا ينساه:فاطمه الله يرحمها غلا تشهق:ماتت!!!!! شلون؟؟ حسن:واهي تولد يا غلا.. غلا تبجي:كل هذا يصير فيكم وانا مادري فواز بعتب:علشان تعرفين يا غلا شكثر غبتي عنا طيبه:الحمدالله على كل حال..هذا يومهم يا بنيتي غلا تبجي:الله يرحمهم وتمت غلا تبجي مو مستوعبه كل الي سمعته ...وكل الي صار لاهلها واهي ما تدري عن شي حسن يحاول يغير الموضوع:انزين شسالفة العزيمه؟؟ غلا بحزن:هذا الريال الي ساعدني،حلف علي إلا يعزمكم فواز:انا ماني ياي مالي خلق عزايم غلا تمسك ايده:فواز لا تفشلني مع الريال اهو ما قصر معاي لولا الله ثم اهو جان ما رديتلكم حسن:صح كلامج ،عيب علينا يا فواز ما نروحله على الاقل علشان نشكره على الي سواه مع غلا فواز:خلاص حسن انت روح ويا عمي غلا:لا اهو يبيكم كلكم حسن: انا امر عليك بليل يا فواز ونروحله فواز:خير انشاالله غلا تبتسم له:مشكور فواز فواز للحين مضايق منها :العفو غلا:عيل وين ولدك حسن؟؟ حسن:بدوري يلعب بالحديقه وبعدها طلع فواز وتمو الحريم يسولفون ويسالون غلا عن الي صار وياها وحسن صعد غرفته يرتاح له شوي قبل العشا بالمطعم وصلو فواز وحسن المطعم مثل ما قالتلهم غلا وبعدها دقت غلا على عبدالرحمن يروحلهم عند الباب ووصفتله اياهم عبدالرحمن:السلام عليكم حسن وفواز:وعليكم السلام عبدالرحمن يأشر عليهم:الاخ فواز والاخ حسن حسن:ايي نعم... عبدالرحمن:معاك عبدالرحمن فواز :أي عبدالرحمن!!! حسن:انت الي كنت مع اختي غلا عبدالرحمن بابتسامه:ايي نعم تفضلو انا حاجز لنا طاوله وراحو قعدو على طاوله وطول الوقت فواز يشوف عبدالرحمن بنظرة احتقاروهذا الي مخلي عبدالرحمن خايف يفاتحه بالموضوع عبدالرحمن:حي الله باهل الكويت والله اني ولهان على الكويت واهلها فواز بنظره:يعني انت مو من اهل الكويت؟ عبدالرحمن يبتسم له:افا فواز لي هالدرجه شكلي وكلامي مو كويتي حسن:هههههههه ... فواز ما يقصد جذي بس يمازحك عبدالرحمن:ادري يا حسن، وانا بعد اتغشمر معاه فواز انقهر منه وتم ساكت...حاس انه بينه وبين غلا شي حسن:احنا يا خوي لما قالتلنا غلا انك تبي تقابلنا ما رفضنا لان كنا بنقابلك ونشكرك على كل الي سويته لها والله انك ريال ولد ريال عبدالرحمن بفرحه:مشكور حسن من ذوقك والله وانا ما سويت غير الواجب وغلا بنت ديرتي كنت لازم اوقف وياها فواز:وباي حق سافرت وياهها؟ عبدالرحمن حس بغيرة فواز وعرف شكثر يحبها وان راح ياخذ وقت على ما يتقبل السالفه عبدالرحمن:انا اليوم عازمكم لهالسالفه حسن:خير شصاير؟؟ فواز:اذا قصدك عن الفلوس الي دفعته طول ما كانت غلا عندكم راح نردها عبدالرحمن بعصبيه:شالكلام يا فواز حسن عصب من كلام فواز:عيب يا فواز هالكلام الريال ما قصر ويانا عبدالرحمن:خله على راحته ...بس الي تظنه غلط يا فواز وانا مابي منكم ولا فلس لاني كنت اصرف عليها برضاي مو قصبن عني حسن:ونعم فيك .... والله انك خوش ريال عبدالرحمن:مشكور...وانا مو بيني وبينكم شي ودي اكسبكم اخوان دنيا لاني منحرم من الاخوان فواز تذكر اخوه نواف ونزلت دمعه من عينه بس مسحهها بسرعه عبدالرحمن حس بشي ضايق فواز فحب يغير الموضوع عبدالرحمن:تصدقون عاد انا أول ما شفتكم ارتحت لكم خاصة فواز فواز حس بندم من كلامه وان ظلمه بطريقته وان ريال ما قصر ويا غلا حبيبته :سامحني يا عبدالرحمن غلطت بحقك عبدالرحمن:افا عليك يا فواز احنا خوان...وهالكلام ما ينقال بين الاخوان ((ويغمزله بعيونه)) فواز يبتسم له:مشكور حسن: شكنا نقول عبدالرحمن تضايق لأنه ما صدق كسب فواز وخلاه يهدي شوي الحين اذا درا بزواجه من غلا شراح يسوي عبدالرحمن:ممممممم صدق يا حسن نسيت شكنت بقول!!! حسن:ههههههه فواز:اكيد من كلامي طيرلك عقلك عبدالرحمن:هههههههه وبعدها طلبو العشا وتمو يسولفون اما عبدالرحمن فضل انه ما يقولهم الحين خاصة أنه حس انه فواز بدا يعامله زين ، وكان حسن وايد مستانس من عبدالرحمن لأنه ريال ونعم الاخلاق وبعد العشا راح حسن البيت حتى ينوم بدر للمدرسه باجر... اما عبدالرحمن طلب من فواز انه يطلع وياه يبيه بموضوع ودز حق غلا مسج وقالها انه ما قال حق حسن الموضوع علشان تقوله واهو كفايه عليها فواز ،خذا عبدالرحمن فواز وراحو على البحر وفواز كان وايد مرتاح من عبدالرحمن خاصة انه يملك نفس طيبة اخوه نواف الله يرحمه ونفس اسلوب الكلام ، نزلو من السياره وقعدو على البحر فواز:اتصدق يا عبدالرحمن.... عبدالرحمن:خير فواز:وايد فيك من صفات اخوي نواف الله يرحمه (ودمع عيونه) عبدالرحمن انصدم لما عرف انه مات لان غلا ما قالتله ،يطقطق على ظهره:افا يا فواز ليش تبجي؟؟ فواز يبجي:راح اخوي وابوي ورفيجي ...راح ..عني عبدالرحمن:افا عليك يا فواز وانا وين رحت ؟؟ فواز يبتسم له وينزل راسه عبدالرحمن:صدقني يا فواز اني اعتبرك اخوي ومن كلام غلا لي عنك حبيت اني اتعرف عليك فواز يمسح دموعه ويبتسك له:حتى انا يا عبدالرحمن ارتحتلك وايد وانشاالله نكون ربع عبدالرحمن:وعلشان نبدي صداقه صافيه انا بفاتحك بموضوع وابيك تسمعه للآخر وتفكر عدل بموقفي وبعدها تقولي رايك فواز:خير عبدالرحمن شسالفه!!؟؟؟ عبدالرحمن:السالفه تخص غلا فواز بدا يحاتي:غلا شفيها؟؟؟ عبدالرحمن:انا يا فواز ابيك تحط نفسك مكاني ومكان غلا وبنفس الظروف الي مرينا فيها وتحدد موقفك فواز مستغرب:شتقصد!!! عبدالرحمن:غلا فقدت ذاكرتها يعني ما كانت تعرف حتى اسمها ولو الله ما دز لها خالتي هند لها جان الله يعلم صار فيها فواز يفكر بكلامه:ايي والله الحمدالله انها طاحت بايد ناس طيبين مثلكم...لحظه لحظه هند مو امك؟؟؟!!! عبدالرحمن:لا خالتي هند،رفيجة امي الله يرحمها اهي الي اهتمت فينا من بعدها فواز:بس غلا قالت لنا انها امك !! عبدالرحمن:لاني اعتبرها بمقام الوالده فواز:اها..انزين كمل عبدالرحمن:فواز غلا كانت ما تدري عن شي ولا تذكر أي احد منكم وانا كنت وياها لان خالتي هند مشلوله وما تقدر بروحها عليها فواز حس بغيره:وبعدين؟؟ عبدالرحمن:انا كنت احاول اساعدها انها ترد لها الذاكره بس مافي فايده ولما عرفنا أن لها علاج بره اضطريت اسافر معاه ومثل ما انت عارف يا فواز أن ما يجوز اسافر وياها واسكن معاها بنفس الغرفه واهي ما تحل علي فواز وقف بعصبيه وعينه حمرت :يعني شنو .... عبدالرحمن يهديه:يا فواز يا حبيبي انت وعدتني تسمعني للآخر ..هد شوي وحط نفسك بمكاني شكنت بتسوي؟؟؟ فواز بعصبيه:ما كنت ارضى اني اسافر وياها عبدالرحمن:يعني تتخلى عن بنت ديرتك وتخليها في الشارع حق الذيابه فواز تم ساكت وبدا يفكر بعقله وفجأه شهق:لا يكون ....لا يكون .... عبدالرحمن فهم أن فهمه:لا يكون شنو يا فواز!! فواز بصوت واطي:ت..ز..وج..تها عبدالرحمن يهز راسه بالايجاب ،فواز انهار من البجي ومسك عبدالرحمن من دشداشته صوب رقبته فواز:وشلون قدرت تتزوجها عبدالرحمن يشيل ايد فواز ويقعد فواز يمه:انت بنفسك يا فواز لما حطيت نفسك بمكاني شفت أن الحل انك تتزوجها حتى اهي كانت تتوقع أن هذي حياتها خاصة انها مو مذكره شي فواز يبجي:وانا...وانا وين رحت؟؟ شلون نستني!!!!!!! عبدالرحمن:يا فواز انا لما تزوجت غلا كانت فاقده الذاكره ولما تزوجتها مو علشان عطف عليها لا ....انا حبيتها ولما ردت الذاكره لها أول ما نطقت فيه اسمك وبعد ما صحت قالتلي انها كانت تحبك وتذكرت آخر كلام صار بينكم بس اهي الحين متزوجه فواز منصدم:كا..نت كانت تحبني!!!!!!! عبدالرحمن:يا فواز اسال غلا اني أول ما دريت انها تحبك سالتها اذا تبيني اطلقها خاصة اني وعدتها انها تم بنت لما ترد لها الذاكره لاني كنت اخاف انها تكون متزوجه بس كنت لازم احل عليها علشان اقدر اساعدها بمرضها بس اهي رفضت الطلاق فواز ميت من البجي:وانا... انا وين رحت ...خلاص نستني نست الحب الي كان بينا عبدالرحمن:والله يا فواز لي يومك هذا وانا محافظ على غلا كبنت لما اقولك السالفه... لاني احس اني ظلمتك وظلمتها واذا انت وياها تبون تردون لبعض انا مستعد اطلقها وتردلك غلا الي حبيتها فواز منصدم من موقف عبدالرحمن لو ريال غيره جان ما همه وقدر يخلي غلا مرته قصبن عليها بس صج طلع ريال عبدالرحمن:فواز...شفيك ساكت ما ترد علي..قول شي لا تم ساكت فواز يرفع راسه ويشوفه:غلا شنو ردت فعلها لما قلتلها انك تطلقها؟؟؟ عبدالرحمن:اخاف ما تصدق كلامي فوازبابتسامه خفيفه:لا قول يا عبدالرحمن بصدقك عبدالرحمن:انا افضل انك تدق على غلا وتسمع الرد منها فواز:بس.... عبدالرحمن:لا بس ولا شي علشان محد فينا ينظلم اذا طلبت الطلاق بطلقها ...وبتم اخت دنيا وانت صديق عزيز ، اما اذا رفضت الطلاق انا بحطها بعيوني لانها اهي اصلا بقلبي وبحافظ عليها وانت هم بتم صديق عزيز فواز ارتاح من كلامه وحس فيه عدل لهم اهم الثلاثه ورد غلا اهو الي بيحدد مصيرهم اهم الثلاثه عبدالرحمن يدق على غلا و يمد التليفون حق فواز عبدالرحمن:يلا يا فواز رد فواز برجفه:ا..ل..و غلا شافت رقم عبدالرحمن:هلا بهالصوت هلا بحبيبي فواز:......... غلا بدلع:حمني شفيك ما ترد علي ،زعلان مني حبيبي فواز عيونه دمع بغزاره:.......... غلا:حبيبي شفيك ما ترد، صار بينك وبين فواز شي؟؟ فواز يزيد بجيه وصوته بدا يعله غلا بخوف تظن عبدالرحمن:حبيبي شفيك ليش تبجي ، انا ماراح اتخلى عنك...الو رد علي فواز ما قدر يستحمل اكثر عرف أن غلا تحب عبدالرحمن وان صار بالنسبه لها ماضي ، سكر الموبايل وعطاه عبدالرحمن وابتسم بويهه فواز:مبروك يا عبدالرحمن والله يوفقكم وانا ادري أن غلا ماراح تلقى احسن منك عبدالرحمن :فواز انت متاكد من كلامك؟؟؟ فواز:ايي يا عبدالرحمن والله يسعدكم واوعدك أن غلا بتكون من يوم ورايح بحسبة اخت مو اكثر وانت بتكون بحسبة صديق واخو لاني ماراح القى واحد مثلك باخلاقك وطيبتك عبدالرحمن يلم فواز:الله يسعدك يا فواز ويرزقك بنت الحلال الي تحبك وتحبها فواز بحزن:ما اتوقع بحب مره ثانيه عبدالرحمن:لا يا فواز لا تقول جذي...انشاالله بتحب والواحد مو عيب أن حب مره او مرتين والله اهو الي كاتب جذي فواز:ونعم بالله...بس بعد هالحب ماراح يكون في حب ثاني بحياتي عبدالرحمن:ما ابيك يا فواز تكرهني وتظن اني خذيت الي حبيتها منك فواز:افا عليك يا عبدالرحمن انا ماني من هالنوع الي يكرهون واليوم شفت حبك الكبير لغلا والدليل انك فضلت سعادتها على سعادتك وانا كنت اناني حتى ما فكرت بسعادتها ، المهم سعادتي وبس عبدالرحمن:لا يا فواز محد يلومك على موقفك، بس ابيك توعدني انا نتم ربع واخوان فواز يبتسك له:اوعدك عبدالرحمن يردله الابتسامه:عيل يالله خلنا نروح بيتكم اسلم على الاهل فواز:يلا مشينا وراحو بيت عصام وكانو كلهم هناك ، دش عبدالرحمن وسلم عليهم وكانو كلهم مستانسين بس مضايقين على فواز لانهم يعرفون شكثر يحبها بس اعذرو غلا ...اما ناديه تفهمت موقف غلا وان الي صار الله كاتبه ،اما حسن كان وايد مستانس لانه ارتاح حق عبدالرحمن،وفواز كان يكتم بداخله ويبتسم ابتسامه مزيفه تدل انه مو مهتم بلي صار ، غلا قالت لابوها عصام واهو بالاول عصب وكلب انها تطلق منه بس لما عرف انه ولد تاجر معروف غير رايه ورحب فيه،غلا كانت تتعامل مع فواز بحدود الاخوه ما تتعدى هالشي وبعدها استاذن عبدالرحمن وغلا وراحو بيتهم اما فواز وناديه استاذنو بعدهم بشوي وراحو بيتهم و طيبه وعصام نامو واهم مرتاحين بعد ما تطمنو على حفيدتهم غلا عند ريال طيب وخلوق بيت (ابراهيم) حنين وسلوى تمو بالغرفه يدرسون ويخططون حق الوفره حنين:اقول سلوووه سلوى مندمجه بالدراسه:هاااااااا حنين:ليش ما نقول حق ابوج يقول حق اهل غلا ييون معانا الوفره ونتعرف عليهم سلوى تلف عليها:وهذي عندها اهل حنين:سلوى شالكلام..احنا شتفقنا عليه سلوى بحزن:مو بايدي حنين حنين:صدقيني بايدج ...انتي حاولي تلهين نفسج باي شي سلوى:احاول حنين:خلاص عيل لا تنسين نقول حق عمي اليوم سلوى:اوكي وكل وحده حطت عينها بكتابها..واندمجت بدراستها لما صرخت حنين حنين:سلوووووووووه سلوى مخترعه:بسم الله شفيج!!! حنين:تذكرت، نسينا ندق على هدوووووي سلوى:ويييييييه صح امشي خل ندق عليها ونزلو تحت الصاله ودقت سلوى على بيت هدى عماد:الوو سلوى:الو هلا عماد عماد:هلا منو سلوى؟ سلوى:ايي سلوى،شلونك عماد عماد:والله بخير انتو شلونكم؟ سلوى:كلنا بخير واليوم عبدالرحمن ومرته ردو عماد:لاه زين حمدالله على سلامتهم سلوى:الله يسلمك،هدى يمك عماد:ايي لحظه اناديها سلوي:اوكي راح عماد ينادي هدى الي كانت تطبخ العشا هدى:هلا سلووووووو سلوى:هلا هدوي شلونج؟ هدى:بخير صج حمني وصل سلوى :بسمالله انتي شدراج!!! هدى:عماد حبيبي قالي سلوى:وااااي متى لحق يقولج انا توني قايلتله صج وكالة كونا هدى:بسم الله على ريلي لا تقولين عنه جذيه سلوى:روووحي الله يعافيج هدى:سلووه وبعدين!! سلوى:يبه خلاص محنا متكلمين عن ريلج خلي حقج هدى:أيي يكون احسن سلوى:انزين سمعي يوم الخميس الياي بنروح الوفره ويا حمني ومرته تعالو هدى:ممممم الخميس..الخميس ،ويييييييه ما اقدر سلوى:ليش!!! هدى:معزومه عند رفيجتي مايا سلوى معصبه:من صجج انتي تبدين رفيجتج على طلعتنا هدى:بس انا وعدت رفيجتي وعماد رضى لي فبروح سلوى بعصبيه:طقاق الي يطقج هدى:أوووووه سلوو كل شي عندج بالقصب (حنين تسمع اسلوب سلوى مع هدى بالكلام وكانت دايما ما يعجبها اسلوبها حتى عبدالرحمن وهذا شي الوحيد الي مو زين في سلوى انها وايد متسلطه على هدى ومشاري) حنين تاشر حق سلوى انها بتروح المطبخ سلوى:اففف انزين رووحي اخلص واييلج هدى:تكلميني!!! سلوى:انتي منو كلمج الحين قاعد اكلم حنون هدى:اها سلوى:الحين شوفي بتيين ولا لأ لأنه بنقول حق ابوي انه يعزم اهل غلا معانا علشان نتعرف عليهم هدى:والله سلوه ما اقدر عطيت البنت كلمه وانشالله نتيمع مره ثانيه سلوى معصبه:افففف عليج هدى: بعد شسوي سلووه يمكن نحاول نييلكم انتو لي متى بتقعدون؟ سلوى:بروح الاربعا وبنقعد لما اليمعه..ابوي بنى غرف على عددنا هدى:الله ونااااااسه ..انشالله نحاول نيلكم انا وعماد الجمعه سلوى:ايي احنا قاعدين لي الجمعه المغرب هدى :خلاص اقول حق عماد واردلج خبر سلوى بفرح:ايي هذي هدى الي اعرفها هدى:ههه انزين سولفيلي عن غلا مرت حمني سلوى:انتي ريلج وينه قاعد تقرقين معاي هدى:عماد عطاني تليفون وطلع سلوى:اها عيل خل اسولفلج صار اليوم وتمو يكملون سوالفهم وسلوى نست انا حنين تنطرها بالحديقه حنين راحت المطبخ سوتلها نودلز وخذت وياها عصير وطلعت الحديقه وكانت حديقتهم داخليه بس حنين ما بطلت الليتات وقعدت بظلمه وتشوف القمر وتفكر بامها بهالحظه رد مشاري من الطلعه وكان يكلم رهف حبيبته كانت الحديقه ظلمه ما يبين اذا في احد ولا لأ... تم مشاري يحوس بالحديقه واهو يكلمها وحنين قاعد تسمع كل شي مشاري:ايي حبيبتي معاج،بس كنت اسكر باب السكه رهف:اها،انزين حبيبي انا ما اقدر اطول معاك مشاري:ليش عمري؟ رهف بدلع:رصيدي بيخلص واخاف يسكر بويهك مشاري:افا عليج من باجر احول خطج فواتير وانا الي ادفعهم رهف:اخاف اكلف عليك حبي مشاري:افا عليج يا رهوفه شالكلام حلالي كله لج رهف:تسلم لي مشاري:انا الحين اسده وادق من موبايلي علشان ينحسب علي رهف:اوكي حبيبي على راحتك مشاري:يلا عمري باي رهف:بايااات ويرد يدق عليها من موبايله، وحنين منصدمه من الي تسمعه عمرها ما توقعت مشاري يكلم اهي من قبل ما تحبه وكله تتخانق معاه والحين كرهته اكثر ، تمت قاعده بمكانها تسمع شيقول مشاري:هلا بهالصوت ولهت عليج رهف:يلا عاد حبيبي ما صارلي دقيقه من سديته منك مشاري بدلع:يعني ما ولهتي علي؟؟ رهف:شالكلام الي تقوله..اكيد ولهت عليك مشاري:عيل ابي اشوفج رهف:شتقول مشاري احنا مو متفقين على جذي مشاري:بس انتي تعرفيني يا رهف انا احبك وراح اتزوجج بس ابي اشوفج رهف:ما اقدر يا مشاري ما اقدر مشاري:انتي شعندج يوم الخميس؟؟ رهف:احنا كل خميس نروح مزرعة خالي مشاري:خوش مزرعتكم وين؟؟ رهف:بالوفره مشاري:صج ..خلاص نحلت المشكله رهف مستغربه:شلون!!! مشاري:احنا بروح مزرعتنا بالوفره نتلاقى هناك بسوق الوفره رهف:مممممممم مادري مشاري:صدقيني يا رهف ماني مكلمج ولا راح اسويلج شي بس بشوفج رهف:خلاص اوكي بس ما تقرب يمي وتكلمني ،لان حتى انا ابي اشوفك مشاري مستانس : يس ..يعني الخميس بشوفج رهف:ايي انشاالله انا اخليك الحين حبيبي امي تناديني مشاري:اوكي حياتي لا تنسين دقي علي قبل لا تنامين رهف بدلع:وانا اقدر انسى مشاري:الله يخليج لي رهف :ولا يحرمني منك،يالله باي مشاري:باي سده مشاري ودش داخل وحنين متصلبه بمكانها منصدمه من كلام مشاري ((معقوله ..معقوله الي سمعته مشاري من هالنوع ما كنت اتوقع ابد انه من هالنوع، ولي هالدرجه جريء يبي يشوفها بالمزرعه انا اعلمك يا مشور ..يصير خير)) وراحت سلوى عند حنين وتمو يسولفون،وحنين ما قالت حق سلوى السالفه لأنه مهما يكون هذا اخوها وماراح تصدق حنين واهي وايد تحب مشاري بعدها الكل نام واهو مرتاح، ماعدا حنين الي تمت سهرانه طول اليل تفكر بمشاري ما تدري ليش حست بغيره في شقة غلا وعبدالرحمن ،قعدت غلا من النوم وكانت الساعه 9 الصبح راحت عند عبدالرحمن تقعده غلا:حمني..حمني عبدالرحمن:ههممممم غلا:حبيبي قوم تاخرت على الدوام عبدالرحمن يقعد مخترع:جم الساعه الحين؟؟ غلا اخترعت:الحين 9 ..شفيك خرعتني؟؟ عبدالرحمن:تاخرت على الدوام ويقوم من الكرفايه بسرعه على الحمام يغسل ويلبس غلا:منت متريق؟؟ عبدالرحمن:لا ...لا ما يمدي لازم اروح الحين غلا بحزن:على راحتك عبدالرحمن:اوكي يالله انا ماشي تبين شي؟؟ غلا:ابي سلامتك..بتيي على الغدا؟ عبدالرحمن بمكر:لا ما اتوقع حتى على العشا لا تنطريني غلا ماسكه دمعتها:اوكي على راحتك عبدالرحمن:يالله باي غلا بحزن:باي طلع عبدالرحمن ودشت غلا الحمام تبجي على راحتها من القهر انه مخليها من أول يوم ونازل شغله لبست غلا ملابسها واستشورت شعرها وحطت مكياج خفيف ونزلت الصاله كان الكل رايح دوامه واول ما وصلت لقت الخدامه تشيل الريوق غلا:وين بابا ابراهيم سوبنا (الخدامه):بابا راح شغل غلا:من زمان؟؟ سوبنا:لا ماما اهو توا يروح بابا عبدالرحمن يقول اهو مايبي ريوق وانتي بعد غلا منصدمه:عبدالرحمن قال جذي!!!!!! سوبنا:ايي ماما يعني انا سوي جذب على انتي غلا(يا ربي هذا شفيه علي اليوم؟؟؟ معقوله زعلان من فواز؟؟)) سوبنا:ماما...ماما انا كلم انتي غلا:ها ..ها سوبنا شفيج؟؟ سوبنا:انا يسأل انتي تبي ريوق غلا:لا مابي...بس سويلي كوفي سوبنا:انشالله ماما تمت غلا بالصاله مو عارفه شتسوي لا شغل ولا مشغله ، تمت تفر بالتلفيزون بس مافي شي وقرت الجريده وبعدها دقت على امها تطمن عليها وعلى خالتها ناديه بعدها حاولت تدق على عبدالرحمن تستاذن منه انها تطلع تروح لامها بس محد يشيله ملت غلا من القعده.... شوي ولا تنطفي الكهرباء وكانت درايش بيت ابراهيم كلها مسكره بالشتر يعني مافي منفذ حق ضوء الشمس خافت غلا وتمت تنادي سوبنا بس ما ترد عليها ، قعدت بمكانها وتمت تقرا قرآن بصوت واطي ، وفجأه سمعت صوت خطوات تقرب منها غلا بخوف:س..وب..نا ............................................. غلا:منو...منو!!!!!!! قرب صاحب الخطوات منها لما حست انه اهو صار وراها بضبط وما وعت إلا ايد من وراها تسكر عينها، قرب من اذونها وقالها (كل عام وانتي بخير يا احلى زوجه في العالم) واول ما شال ايده وفتحت غلا عينها ولا البيت كله بالونات وكيكه كبيره مكتوب عليها شعر((اقسم بربي الي خلقني وسواك اني اشيل بداخلي روح تغليج ،كل عام وانتي حبيبتي)) غلا دمعت عينها ولفت وراها ولا عبدالرحمن واقف ويبتسم لها ابتسامه كلهاحب عبدالرحمن:هبي بيردي حبيبتي غلا تلمه وتبجي:ليش سويت فيني جذي؟؟ عبدالرحمن يمسح على شعرها:هههههههه يعني من صجج تبيني اخلي احلى بنت في العالم بالبيت وانا اداوم غلا:بس..حبيبي ليش كلفت على نفسك؟ عبدالرحمن:هذا ولا شي بالنسبه حق الي بقلبي لج غلا:الله لا يحرمني منك ، تصدق اني ناسيه أن اليوم عيد ميلادي عبدالرحمن:بس انا انسى كل شي إلا شي يخص حبيبتي غلا:الله لا يحرمني منك عبدالرحمن باسها على خدها :حياتي غمضي عينج غلا:ليش؟؟ عبدالرحمن:انتي غمضي غلا تغمض عينها :ها ابطل عيني!! عبدالرحمن يلف وراها ويلبسها العقد على رقبتها عبدالرحمن:بطلي يا عيون عبدالرحمن غلا بطلت عينها وشافت العقد:مشكور حبيبي ،شحلاته ينن عبدالرحمن:مو احلى منج غلا نزلت راسها مستحيه عبدالرحمن:للحين تستحين مني،ويلوموني ليش احبج غلا تبتسم له:حتى انا احبك عبدالرحمن بابتسامه:حبيبتي روحي غيري هدومج عشان باقي ربع ساعه على الفيلم غلا:أي فيلم؟؟ عبدالرحمن:حاجزلج الفيلم الي تحبينه مال شارو خان غلا:صج وناااااسه عبدالرحمن:يالله حبيبتي روحي غيري ملابسج انا جاهز غلا:اوكي لبست غلا ملابسها وخذاها عبدالرحمن للسينما ، وكان الفيلم الهندي روعه ((السعاده والحزن)) و قضو احلى وقت وغلا وايد استانست ويوم عن يوم حبها لعبدالرحمن يزيد اكثر فاكثر ،وبعدها ردو البيت علشان يتغدون مع الاهل بيت ناديه (ام فواز) فواز ما قدر يروح الدوام ، طول الليل ما نام كان يبجي ويفكر بالسنين الي ضاعت من عمره من اجل عيون غلا وآخرتها تنسى هالحب وتتزوج واحد ثاني امه خافت عليه سالت الخدامه قالتلها ما قعد حق الدوام فراحت غرفته تشوف شسالفته ناديه طق باب غرفته :فواز...فواز فواز يسمعها بس ما يرد ناديه:يمه فواز حبيبي فج الباب ابي اكلمك فواز بصوت واطي:يمه ابي انام ناديه:حبيبي بطل الباب ابي اكلمك فواز يقوم من السرير ويمسح دموعه ويبطل الباب لأمه فواز:خير يمه ناديه تشوفه:شفيك يمه ؟ليش ما رحت دوامك؟ فواز:مالي مزاج اداوم ناديه تمسكه من ايده وتقعد عالكرفايه:فواز انت للحين تحبها؟؟ فواز ما قدر يستحمل محتاج حق أحد يشكيله ...يوسف رفيجه لاهي مع خالد وعلاجه، ونواف اخوه مات وحسن لاهي مع بدر ،بدت دموعه تنزل مثل البحر ولم أمه وتم يبجي بحضنها ناديه دمعت عينها:يا يمه يا حبيبي لا تسوي بعمرك جذي فواز ميت من البجي:ما اقدر يمه ما اقدر احبها احبها ناديه:يا فواز انت عرفت شلون غلا تزوجت ما كانت بوعيها فواز منهار:جان تطلقت منه لما عرفت الصج بس خلاص نستني حبته ونستني ناديه تهديه:فواز حبيبي هذا مكتوب انه يصير وغلا مو من نصيبك يمكن تكون انت ما تحبها بس لانها اهي كانت دايما جدامك فواز يبجي:لا يا يمه انا احبها واهي تدري بس اهي فضلت الغريب علي كنت اتمنى انها ما رجعت ولا اني اشوفها حق واحد غيري ناديه:لا حول ولا قوة إلا بالله ما يصير جذي يا فواز ما يصير مهما صار اتم بمكانة اختك فواز يصارخ:عيل شنو الي يصييير انها تنسى الرياال الي حبها وضحى بكل شي على شانها هذا شي عادي يصير ناديه تمسح على راس ولدها:فواز حبيبي هد شوي استغفر ربك فواز يهدي شوي:استغفر الله ..اعوذ بالله من الشيطان ناديه تمسح له دموعه:صدقني يا فواز الله مو كاتب انها تكون من نصيبك وانشالله الله يرزقك بلي احسن منها فواز:ما اتوقع يا يمه اني بحب غيرها ناديه:لا يا حبيبي انشاالله بتحب وحده غيرها وبتتزوجها وتسعد وياها فواز:بعد هالحب يا يمه ..والعذاب الي عشته ماني حاب مره ثانيه ناديه تبتسم له:الحين قوم غسل ويهك وصل ركعتين وتمنى الخير لها ويا عبدالرحمن ترا خوش ريال طيب وما ينعاب فواز:وانا اشهد يا يمه انه خوش ريال ،تصدقين موقفه معاي اهو الي مهون علي ناديه:شلون؟؟ فواز:لو كنت انا بمكانه ما كنت راح اخلي غلا ترد حق الي تحبه حتى لو اهي تبي ،بس اهو خلاها على راحتها واحترم مرضها لما تشافت منه ناديه:ما شاالله عليه ونعم التربيه فواز بحزن:الله يسعدها وياه ناديه:هذا فواز ولدي الي اعرفه الي يحب لغيره ما يحب لنفسه فواز:اوعدج يا يمه اني بحاول انسى غلا وما اقرب صوبها ابد ناديه:لا يا ولدي ما بيك تنساها ابيك تعتبرها بمثابه اختك فواز:انشالله يمه احاول ولا انها صعبه بس بحاول،انا عندي اغلى من امي حبيبتي ناديه تلمه وتبوسه على راسه:الله يخليك لي وبعدها راح فواز وغسل ويهه وصلى له ركعتين ونزل الصاله يقعد ويا امه بيت (ابراهيم) بعد الغدا راح ابراهيم مع عبدالرحمن الشركه.،وتمو حنين وغلا ومشاري بالصاله يسولفون، وسلوى صعدت غرفتها حنين:اقول غلا غلا بابتسامه:هلا حبيبتي حنين:بطلب منج طلب ما ترديني غلا:انشاالله اقدر عليه حنين:باجر انشالله بروح الوفره كلنا غلا:ايي قالي حمني حنين:ليش ما تقولين حق اهلج اييون ويانا غلا:والله خوش فكره حنين بفرح:صج غلا:ايي حنين:عندج بنات خالات او خوال ..عمام او عمات كبرنا غلا:هههههه، لا والله عندي ولد بنت خالة امي بس يعتبر بمثابة اخوي واهو بعمر عبدالرحمن تقريبا...وكان عندي خاله بعمري تقريبا بس توفت حنين:الله يرحمها مشاري:صج غلا عندج احد من عمر حمني غلا:ايي اسمه فواز وعبدالرحمن يعرفه مشاري:خلاص غلا اكدي على اهلج ييون ويانا ومره وحده نتعرف على فواز غلا:انشالله اليوم اذا بمرهم المغرب اقولهم ويرن موبايل مشاري ويشوف الرقم ولا رقم رهف فقام من مكانه علشان يرد عليها وحنين عرفت انها رهف، وحلفت انها لازم توقفه عند حده لان بنات الناس مو لعبه سلوى كلمت ايلاف واتفقت انهم يروحون معاهم الوفره كلمت غلا اهلها وافقو على انهم يروحون معاهم باجر الوفره و خالتها ناديه بعد ما رفضت وفواز بالبدايه رفض بس عبدالرحمن اكد عليه فوافق الامارات الساعه 11 بليل كانت هند قاعده بالبيت بروحها مع الخدامه يشوفون تلفيزون ...رن جرس الباب، استغربت هند منو يكون ياي هالحزه بطلت الخدامه الباب ودخلت الحرمه داخل البيت هند منصدمه:جسيكااااا جيسيكا ام حنين وعبدالرحمن تعرف تتكلم عربي بحكم عيشتها بالامارت 15 سنه...ردت امس من فرنسا وراحت لهند لانها الوحيده لتعرف اخبار عيالها .. كانت جيسيكا متغيره عن قبل ضعفت وجمالها راح صار ويهها كلا ضربات لانها تزوجت واحد فرنسي بس كان دايما يسكر ويطقها وما كانت تقدر تطلق منه لانها ما عندها مكان تعيش فيه جيسكا تنزل لهند:ايوه هند انا جيسيكا..شنو حالج؟ هند تسلم عليها:انا بخير..شو حصل لج جيسيكا جيسيكا بحزن:لقد تطلقت يا هند ...وانني ندمانه على ما حدث لسالم زوجي وانني قد بعت اطفالي من اجل صديقي جورج والآن قد طلقني بعد ما اخذ كل شيء مني وكان يضربني ليل ونهار هند:حبيبتي...ليه استحملتي كل هذا، ليه ما جيتي عندي جيسيكا تبكي:كيف آتي اليك وانا قد ظلمتكم جميعا...وظلمت بنتي حنين التي لا اعلم عنها شي هند:ما عليها لا تبكين ..حنين طيبه وراح تسامحك جيسيكا:لا أظن يا هند لقد اهملتها...ولم اسأل عنها طول هذه الفتره...اما عبدالرحمن فكان يزورني في فرنسا ويعطف علي، انه ولد طيب على والده سالم هند:الله يرحمه، وايد تعذب لما تركتيه جيسيكا تبجي ندمانه:انني ندمانه يا هند...واريدكم أن تسامحونني هند:انا مسامحتك جيسيكا ...وصدقيني حنين بعد راح تسامحك جيسيكا:اريد أن اراها ..عبدالرحمن قال لي انها في الكويت مع عمها هند:ايي صح...واهي وايد مرتاح معاهم جيسيكا:اريد أن اراها هند:قلتي لعبدالرحمن انك بترجعي لهم جيسكا:لا خفت أن يرفض هند:لا تقولين جذي، عبدالرحمن طيب وانا الحين اكلمه واقوله جيسكا بفرح:اشكرك هند هند تبتسم لها:ما سويت شي وتتصل هند على عبدالرحمن وتقوله كل شي ...وعبدالرحمن فرح لما عرف أن امه بترجع وقرر يسويها مفاجأه لحنين واتفق مع امه انها توصل الكويت واهو ياخذها من المطار ويروحون بيت عمه ابراهيم بعد ما يقوله استانست جيسيكا وايد ...ونامت عند هند لان عبدالرحمن ما لقى حجز للكويت الا باجر العصر ابراهيم ما رفض واستانس أن حنين بتشوف امها بعد هالمده لطويله ...ومحد عرف بالبيت غير عبدالرحمن وغلا وابراهيم، وقررو انهم يسوونها مفاجأه لهم بالوفره ، أن عبدالرحمن وغلا يتمون بالبيت ويروحون لهم الوفره بعد ما يبون جيسيكا من المطار بالشقة (عبدالرحمن وغلا) كانت غلا وعبدالرحمن نايمين....وفجأه قعدت غلا واهي مخترعه... عبدالرحمن قعد من صرختها وبطل ليت الابجوره.... عبدالرحمن بخوف:شفيج حبيبتي؟؟ غلا تناهت:اب..ي ما..ي راح عبدالرحمن يابلها ماي وشربها اياه....وقرا عليها آيهة الكرسي عشان تهدى عبدالرحمن بابتسامه:شلونج الحين؟ غلا بخوف:اعوذ بالله من الشيطان...حلمت حلم مو زين...آٍسفه حبيبي صحيتك من نومك عبدالرحمن:أفا عليج شهالكلام...خير انشالله شحلمتي فيه غلا:حلمت بخالتي سميره الله يرحمها عبدالرحمن:الله يرحمها غلا:حلمت فيها تناديني.... عبدالرحمن بخوق:شلون يعني تناديج؟ غلا :كانت تناديني واهي كانت بعيده واقفه ويمها نواف الله يرحمه ويبتسمون لي وكل ما اقرب منهم الف وراي القاك تبجي وتناديني بس تكون انت قريب مني اذا كان ويهي ناحيتهم وان التفت عليك تكون بعيد عني... عبدالرحمن:ما عليه حبيبتي..هذا حلم والصج اني دايما قريب منج غلا دمعت عيونها:مادري يا عبدالرحمن احس اني بروح عنك..خالتي سميره كانت تناديني... عبدالرحمن يلمها:حبيبتي هذا حلم..واالله يطول لي بعمرج ويخليج لي غلا:ولا يحرمني منك بيت (ناديه) فواز كان يتقلب على السرير مهو قادر ينام...لانه باجر بيشوف غلا ومهو عارف شلون بيتعامل معاها....تم يفكر بحياته وليش يسوي بنفسه جذي...اهي الحين مستانسه مع عبدالرحمن، ليش يضيق خلقه ويعذب حاله على شي يدري انه خلاص ماراح يكون له..تم يفكر بكلام امه...ما شاف نفسه غير رايح صوب صورة غلا الي على مكتبه وتم يلقط كل الاغراض الي تخصها ...نفس صورهم وهم صغار والرسايل الي كانت تكتبهم لها...ودخل على ايميله ومسح كل ايميلاتها..وقرر انه يتخلص من كل شي يذكره فيها.... عشان يبدي حياة يديده من غير غلا....ويعيش حياته مع انه متاكد انه هالشي صعب بس بيحاول.... راح يقدر فواز يتأقلم مع قراره اليديد بخصوص غلا؟؟؟؟ حنين بتتقبل وجود امها بعد هالسنين؟؟؟ شلون بيكون تعامل حنين لمشاري بعد ماعرفت علاقته مع رهف؟؟؟. شبتكون ردة فعل مشاري بعد ما تصارحه حنين؟؟؟ سلوى بتقدر تنسى عبدالرحمن؟؟؟ وراح تتقبل غلا ؟؟؟ ما بعد حب محمد لحنين؟؟؟ انتظر توقعااتكم Quote Link to comment Share on other sites More sharing options...
evil cat Posted أغسطس 15, 2008 Report Share Posted أغسطس 15, 2008 مشكووووووووووووووووووره حبيبتي ع البارت في نتظار البارت الياي Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.