][ أتـ ع ـبنــي حــبـه ][

[Duck2007]

[بريق الحزن]

وووين البااارت!!!

واااجد اتأخرتين

[كيوية]

ده ده وين الباااارت
يعني يهون عليج الليل بطلع بدون ماشوف البارررت
بصراحة قيثارة مالج عذر نبي البارت
ان شاء الله الليل اشوفه

صار خاطري اعرف شيصير

[القيثارة الحزينة]

السلام عليكم والرحمة .. .

 

 

مسامحه على التأخير .. ظروف خارجة عن الإرادة ..

 

 

تفضلو البارت اليديد .. قراءة ممتعة

 

الــ ج ــزء التــــاســ ع ــ ع ـــشـــر

 

 

رن تلفون البيـــت .. غــادة انصدمت .. تطالع التلفون وخايفة .. الساعـة 2 في الليل .. من بيتصل هالحزة .. قعدت تفكـــر .. امها و ابوها بغرفتهم نايمين وغزلان بعد اعتقد بغرفتها نايمة .. عيل شصاير ..

تركت التلفزيون ومشت ببطء ترد ع التلفون .. قالت بصوت مرتجف: أألــ ــو ..

المتصل: السلام عليكم ..

غادة زاد خوفها: عليكم السلام ..

المتصل: هذا بيت غزلان ............ صحيح؟

غادة لا راحت فيها : ايه ..

المتصل : ممكن تجون مستشفــى .................. ... لان بنتكم مسوية حادث مرور و اهي عندنا ..

غادة انصدمت انشل لسانها ..طاحت سماعة التلفون من يدها .. وراحت تركض وهي ترتجف .. راحت فوق لغرفة غزلان تبي تتأكد .. هذا يجذب .. اكيد يجذب ..

فتحت الباب و اهني صدمتها يات اقوى .. حطت يدها على بوزها وبدت تبجي : لالا الا اختي..

راحت لعند غرفة امها و ابوها تدق ع الباب وهي تبجي : يممممه يبه ..

فتحو لها الباب وكل واحد منهم مو عارف شيقول من شكلها .. لان باين عليها ان في شي مو هين صاير ..

ام طلال ترتجف ومسكت غادة : غادة يمه شفيج شصاير؟ اخوج طلال صاير له شي؟

غادة مو قادرة تتكلم وهي تبجي : غزلان يمه غزلان ..

راح ابو طلال يركض لغرفة غزلان يبي يجوف شصاير لها .. >>> طبعا مو شي يديد عليهم ما يدرون عن عيالهم بالبيت ولا برا البيت ..

انصدم جاف الغرفة مافيها حد وسمع غادة تقول : المستشفى اتصلو يقولون مسوية حادث ..

ام طلال تبجي : يا ويلي على بنتي .. ياحسرتي عليج .. قوم يابو طلال بسرعه خل نروح نجوفها ..

بو طلال عقله طاير مو عارف شيسوي .. الافكار تاخذه وتوديه .. ركب السيارة .. ومعاه غادة و ام طلال ..

بعد فترة من الخوف والمحاتاة كانو حزتها واقفين مع الدكتور بالمستشفى ..

الدكتور بأسف: للأسف البنات حالتها حرجة .. تعرضت لضربة قوية براسها .. و احنا نحاول نوقف النزيف بالمخ .. ادعو لها ..

ام طلال تبجي : ياويلي على بنتي بتروح مني ..

بو طلال مو مستوعب اللي ينقال .. يحس هو بحلم .. مو حاس باللي حواليه يتكلمون ..

وغادة قاعده على جنب تبجي وتدعي لأختها ..

بعد فترة وصل شرطي وسأل عن بوطلال .. راح لعنده : مرحبا ..

بوطلال يطالعه بانكسار : امر اخوي ..

الضابط: اممم بس حبينا ناخذ معلومات عن الشخص اللي كان مع بنتك بالسيارة .. لانه توفــى .. وموب عارفين نوصل لأهله او احد يقرب له .. اذا كنت تعرفه يعني خبرنا ..

بوطلال بصدمة : شخص؟ منو هلشخص؟

الضابط كأنه فهم شصاير : يا اخوي .. بنتك كانت بسيارة مع شخص لحظة الحادث .. والسيارة سعودية .. عشان جذي مو محصلين أي معلومات عنه .. فقلنا اذا تعرفونه خبرونا..

بوطلال من هول الصدمة قعد مكانه ع الكرسي .. يحاول يستوعب اللي يسمعه .. بنته بحادث وكانت مع واحد بسيارة !!! شهالفضيحة ؟؟؟

قاطع تفكيره صوت شرطي ثاني ياي يكلم الضابط: حضرة الضابط .. لقينا معلومات عن الشخص المتوفي .. ( مد له ورقة فيها جميع المعلومات عنه ) .. اخذناها من اوراق ملكية السيارة بعد ما حصلنا عليها من بقايا السيارة ..

الضابط وهو يقرا الورقة ويهز راسه : اممم شكرا ..

مشى الشرطي وظل الضابط يطالع بو طلال وهو ع الكرسي منزل راسه .. مرت عليه حالات جذي وايد .. اكيد الريال مو مصدق اللي صار لبنته .. وحاس بالانهيار ..

الضابط حب يتأكد أكثر : اخوي .. الشخص اسمه مشاري ...................... ... من السعودية .. تعرفه؟

بو طلال يهز راسه يعني لا ولازال منزل راسه .. مو مصدق اللي يسمعه ..

الضابط فهم ومشى عنه ..

وصلت ام طلال جنب بوطلال لما جافت الضابط راح .. قعدت جنبه وحاسته مو على بعض من كلمه هالضابط للحين ..

قالت بحزن : شعنده ؟ وش يبي؟

بو طلال بحزن و انكسار : بنتنا يا ياأم طلال .. نزلت راسنا بالارض ..

ام طلال منصدمة : لييييش ..

بوطلال ثقيلة عليه وهو يقولها: لما سوت الحادث كانت مع ريال بسيارته سعودي ..

ام طلال شهقت وهي تخلي يدها على بوزها .. تحس الكون كله ضاق فيها وهي تسمع عن بنتها هالكلام ..

غادة سمعتهم يقولون هالكلام وزادت بالبجي .. كانت تعرف عن اختها هالحركات بس ما توقعتها لهالدرجة توصل ..

طلع الدكتور ومعاه الممرضات .. ركضو جنبه يبون كلمة تبرد حزنهم اللي كل شوي يزيد ..

الدكتور وهو يهز راسه : للأسف ما قدرنا ننقذها .. البقى بحياتكم ..

كلهم صرخو مرة وحده بانفجاع .. خبر محد يتووقعه ابد !!

**

 

الجـــوري تصحــي مروى من النوم والدموع متجمعة بعيونها : مروى اصحي .. مرووووى..

مروى تنقلب الجهة الثانية : اووه خليني انام ..

الجـوري قعدت ع السرير وهي تبجي : مرووووى قومي ..

مـروى سمعت صوتها تبجي وا لتفتت عليها بخوف : شفيج الجوري تبجين شصاير ..

الجـوري تمسح دموعها اللي موب راضية توقف : غزلان .. ماتت ..

شهقت مروى بصدمة .. مو مصدقققققققة .. طاحت دموعها بسرعه وحظنت اختها وظلت تبجي .. اهي كانت قريبة منها و احتكت فيها اكثر من مروى .. لانها عاشت معاها بالبيت لفترة .. صحيح ماكانت علاقتهم اوكيه .. بس اذا شخص عشت معاه فترة وبعدها تسمع انه مات اكيد بتتأثر .. وخصوصا انها بنت عمها ..

مــروى بصوت مرتجف من الصياح : وشلون ماتت ..

الجــوري : بحادث سيارة .. اليوم كلمتني غادة وخبرتني .. ( كملت وهي متأثرة) استغفر الله .. كانت مع واحد بالسيارة لما سووا الحادث ..

مــروى رجعت تبجي وحظنت اختها مرة ثانية ..

عقب شوي قامت الجــوري وقالت لمــروى : قومي حبيبتي غسلي وبدلي بنروح لهم ..

مــروى تمسح دموعها : اوكيه ..

راحت الجوري غرفتها ولبست أسود وقعدت تلبس شيلتها عشان بتمشي .. رن تلفونها ..

][ الغـــالـــي ][ calling you

ردت عليه بصوت حزين : هلا ريان ..

ريـــان بوناسة : هلا والله هلا بالغلا .. شخبارج حبي ..

الجــوري ابتسمت على خفيف عشانه : هلا فيك الحمد لله بخير .. انت شلونك ..

ريــان حس ان فيها شي : انا بخير لما سمعت صوتج .. وش فيج غلاي .. احس صوتج مو طبيعي...

الجــوري رجعت بتبجي لما تذكرت .. بس مسكت نفسها .. لكن بان بصوتها : غزلان بنت عمي توفت امس الليل ..

ريان انصدم .. بنت صغيرة !! .. ماعرف شيقول : الله يرحمها .. عظم الله اجرج .. ماكنت ادري ..

الجـوري تمسح دموعها : اجرنا و اجرك .. انه بعد توي دريت من شوي .. اللحين بروح بيتهم ..

ريــان : سوري بس وش كان فيها ..

الجــوري ماحبت تتكلم على بنت عمها حتى لو كان ريان منها وفيها .. البنت ماتت خلاص ما تجوز عليها الا الرحمة : حادث مرور ..

ريـــان : اها الله يرحمها .. كان ودي احضر العزا بس تعرفين يمكن وجودي يسبب مشاكل ..

الجـــوري : ماله داعي .. لان في حساسيات شوي .. عموما بخليك اللحين بروح مع مروى ..

ريـــان: اوكيــه حبيبتي .. خليج معاهم مهما يكون هذول يظلون بيت عمج .. وفي هالاوقات اكيد محتاجين لج معاهم ..

الجـوري : اكيد .. يلا اخليك عيل ..

ريــان: اذا رجعتي كلميني..

الجـوري: اوكيه .. يلا مع السلامة ..

ريان: الله وياج ..

سكرت الجـوري التلفون وطلعت مع مروى...

وصلو بيت عمهم ونزلوووو ..

اول ما نزلو .. وقفو شوي عند الباب .. يجوفون ناس وايد رايحة رادة .. مــروى راحت ركض لداخل تبي تجوف غادة .. اول ما دخلت جافت المكان كله اسود بأسود .. حريم وايد .. وكلهم يبجون .. دورت بينهم عن غادة بعيون حايرة .. مالقتها ..

راحت لفوق تركض .. اول ما وصلت فوق سمعت صوت بجي .. بس من وين؟

لقت باب غرفة غزلان مفتوح .. عورها قلبها وهي تتذكر غزلان بهالغرفة .. نزلت دموعها لكنها تجاهلتها وراحت بسرعه للغرفة .. وقفت عند الباب وهي تجوف منظر لامس الحزن اللي بداخلها ..

كانت غادة ع سرير غزلان تبجي وحاظنة دبدوب اختها اللي ع السرير ..

راحت مــروى بسرعه وحظنتها وقعدو يبجون ..

غادة بصوت يقطع القلب : جفتي؟ راحت اختي وماظل معاي احد بالبيت ..

حظنتها مــروى بسرعه: انا وياج يا غادة ماراح اخليج انا بعد اختج ..

ظلو يبجون الثنتين وكل وحده تواسي الثانية ..

اما تحت دخلت الجــوري وهي خايفـــة من ردة فعــل ام طلال .. لانها تكرهها من قلب .. خصوصا بعد ما صارت سالفة طلال ..

دخلت وسلمت ع القاعدين .. وقربت من ام طلال اللي كانت تبجي ومنزلة راسها .. وشكلها يكسر الخاطر .. كانت تبجي وتقول : اااه على حالي .. ولدي بعيد عني .. و اللحين بنتي تروح مني .. ما ظل لي احد من عيالي ..

الجــوري دمعت عيونها وعورها قلبها على حالها .. راحت جنبها وحظنتها : لا تقولين جذي .. احنا بناتج بعد ..

ام طلال تبجي وتترجى الجــوري: واللي يسلمج يابنتي .. خلي ولدي يرجع لي ..ماقدر جذي يفضى علي البيت من عيالي ..

وزادت بالبجي ..

اما الجــوري عورها قلبها اكثر وظلت تهديها وقاعده جنبها ..

**

 

دخل فيصل الشركة بخطوات مترددة .. يتلفت حواليه .. وبسرعه رهيبة وصل لمكتبه ..

ما يدري ليش ما يبي يجوف ابوه .. يحس جروحه تزداد كل ماجافه يحتقره .. عشان جذي يتحاشى يكون معاه بمكان واحد ..

دخل مكتبه وقعد ع الكرسي ونزل راسه ع الطاولة بين يدينه .. ليمتى بتظل حياته جذي ملخبطة ... مو عارف وش اللي له ووش اللي عليه .. مو قادر يستقر .. تعبان نفسيا وجسديا.. ومو قادر يوفق بين ولده وشغله .. ما يطاوعه قلبه يخليه طول اليوم وما يرجع له الا بآخر اليوم .. على طول مع خالد .. و احيانا يضطر ما يداوم لان خالد يكون مشغول.. اصلا اهو مو عارف شلون يداري الياهل .. ما تعود يتحمل بيهال .. ومو عارف وشلون يتفاهم مع ولده الصغير اللي كل يوم يسأل عن امه .. موعارف شلون يفهمه .. يحسه مو بالنشاط القبلي اللي عرفه فيه .. كله هادئ وساكت .. يعوره قلبه عليه اذا يجوفه بهالحال .. وبدى يتكلم معاه بالعربي وذاك يستجيب له بسرعه لانه توه ياهل وما تعلم الكلام عدل ..

رفع راسه وتنهد من قلب .. سمع دق ع الباب .. رفع راسه ولقى أمــاني واقفة وبيدها كوبين نسكافيه ...

فيصل ابتسم ابتسامة باهتة : تفضلي ..

أمــاني مبتسمة : مرحباااا ( مدت له الكوب ) تفضل ..

فيصل أخذه منها: شكرا .. تفضلي اقعدي ..

قعدت أمــاني وهي تشرب من كوبها .. لاحظت ملامحه الحزينة ونظراته التايهة ..

أمــاني : شفيك ؟

فيصل يتنهد بعمق ويهز راسه( لا ) ..

أمــاني : امبلى فيك شي .. باين عليك ..

فيصل بحزن : فيني كل شي .. خلاص مو قادر اتحمل .. مو عارف شسوي .. أبي ارد لأهلي .. أبي ولدي يظل معاي .. أبي استقر بحياتي و ارتاح ..

أمــاني تحس فيه .. عورها قلبها عليه ما تتحمل تجوف فيصل اللي تغليه تعبان هالكثر ياريت بيدها تساعده : الله كريم يا فيصل كل شي راح يتصلح انت بس اصبر شوي ..

فيصل يطالعها .. لفت انتباهه اللهفة بعيونها وخوفها عليه باين .. مو اول مرة يحس بهالشي من أمـــاني ..

فيصل بدون مقدمات: أمـــاني .. انا من جد ارتاح لج وايد .. مادري وش اسمي هالشي .. بس احب اقعد معاج .. احس بالراحة حتى لو كنت مهموم ..

أمــاني دق قلبها و ارتبكت .. اتبسمت له بارتباك مو عارفة شتقول ..

فيصل قام من مكانه ووقف مقابل الجدار اللي من زجاج يطل على برا .. حاط يدينه بجيب بنطلونه : تدرين .. احيانا لما افكر مع نفسي و انا معاج .. احس نفسي أفكر بصوت عالي .. يعني اي شي يخطر على بالي أقوله .. بدون ما اقعد افكر فيه قبل أقوله .. ( يلتفت عليها ويبتسم ) أول مرة أكون جذي مع أي شخص ..

أمــاني أحرجها كلام فيصل .. تحس بوناسة في داخلها بهالكلام ..

سكتو لفترة عقب قالت أمــاني : تدري فيصل .. صاار خاطري اجوف ولدك ..

ابتسم فيصل ابتسامة عريضة وهو يقعد ع الكرسي اللي مقابلنها: صج ؟ عندي صورته لحظة..

طلع موبايله من جيب بنطلونه .. وقعد يدور بين الصور اللي في تلفونه .. عقب عطاها التلفون : هذا فولدر كامل لصوره ..

اخذت أمــاني التلفون وفتحت الفولدر وقامت تطالع الصور : الله اينن فديييييته .. هههه ودي اكل خدوده ..

ابتسم فيصل لها .. ورجعت اهي تطالع باقي الصور وتعلق عليهم .. دش خاطرها الياهل ..

انتبه لصوتها وهي تقول : ياااااي اينن بهالصورة و اهو نايم .. جوف فيصل اهني وايد يشبهك ..

قام فيصل من مكانه وراح قعد جنبها ع طرف السوفا اللي اهي قاعده عليها .. ميل راسه ع جنب عشان يجوف :هههه اي انا بعد احس جذي ..

أمــاني مو حاسة له شلون وايد قريب منها .. ظلت تطالع في الصور .. وصلت لصورة كان فيها فيصل ياكل وويهه كله مترووووس أكل .. موصخ خدوده وخشمه وشعره ..

ضحكت ورفعت راسها تطالع فيصل بتكلمه .. انصدمت بقربه منها وايد .. وظلت تطالعه .. شيرت ..

اما اهو ما يدري وش جاه .. ظل فترة يطالع بعيونها .. فيها شي يجذبه ..

استحت منه أمــاني ونزلت راسها.. انتبه لنفسه فيصل وبسرعه ابتعد شوي بس حاول يبين ان ما كان صاير شي .. قام من ع الكرسي وقال : ان شاء الله بخليج تشوفينه يوم من الايام ..

قعد مكانه ع مكتبه وقال وهو يفكر : تصدقين .. بالفترة الأخيرة حسيت اني احتاج أم لولدي .. والله ما اقدر اقوم بهالدور كله .. احس نفسي تعبت .. مو قادر أمشي حياتي .. أبي أحد معاي يساعدني ..

رجع راسه على ورا وهو يلعب بالقلم في يده ويضحك بسخرية : بس مستحيل أحصل وحده توافق تتزوجني .. الكل ينظر لي نظرة استحقار .. وهذا اللي شفته من أقرب الناس لي .. فما بالج بالناس الباقين .. ااااه كانت حياتي ماشية على احسن ما يكون .. فجأة تخربط كل شي .. دوام الحال من المحال ..

أمـــاني قهرها التشاؤم اللي اهو فيه : فيصل مو كل الناس تفكر بهالطريقة .. في ناس وايد متفهمة .. وتعرف ان كل انسان يغلط في حياته .. و ان في شي اسمه ندم .. لا يصير تفكيرك سلبي لهالدرجة .. تتعب في حياتك ..

فيصل وهو يطالعها ويفكر بداخله : اي صدقتي .. أولهم انتي ..

أقوووووووووولكم فيصل اذا كان مع أماني ما يعطي نفسه مجال يفكر بالكلام قبل ما يقوله .. يحس نفسه قاعد يكلم نفسه ..

ابتسمت له أمـــاني : وفي غيري وايد لو دققت باللي حواليك ..

فيصل يفكر بجدية : تهقين اذا خطبت وحده .. بتوافق علي؟

أمــاني دق قلبها: ع حسب البنت نفسها .. يمكن توافق ويمكن لا ..

فيصل يتنهد: انا بهالوقت افكر في الزواج بجدية .. قبل ما كنت مهتم للموضوع .. بس بجد احس محتاج احد اكمل حياتي معاه .. شرايج؟

أمــاني تحاول تضبط نفسها .. هزت راسها بإبتسامة : صح .. بس قبلها صحح علاقتك مع اهلك .. مو حلوة تروح تخطب احد و انت بهالظروف ..

فيصل يضرب ع الطاولة بيده: ومو هذا اللي واقف بطريقي في كل شي ..

أمــاني تحط عيونها بعيونه : انت وايد تتجاهل هالموضوع ودليل على هذا تهربك من أبوك .. قلت لك يا فيصل هذا مو حل .. روح كلمه . احتك فيه .. بين له انك هذا انت فيصل اللي يعرفه ما تغيرت .. ومو غلطة وحده في حياتك راح تغيرك ..

فيصل نزل عيونه .. يدري بغلطه : عارف .. بس ماقدر اجوفه يا أمـــاني .. ماقدر اجوف اللوم والاحتقار لي بعيونه .. ما اتحمل ..

أمــاني توقف : اضغط على نفسك .. عشان تجوف النتيجة .. مافي شي يجي بسهولة ..

فيصل : ان شاء الله .. وين رايحة ..

أمــاني: ههه بروح ع شغلي بعد وين بروح .. يلا عطيناك ويه وايد ههههه ورانا شغل ..

فيصـــل يمزح : اصلا انا ابيج تقومين من ساعه للحين بس انتي رازة الويه ههههه ..

أمــاني تقعد ع الكرسي: تدري شلون .. ماني قايمة ..

فيصل يوقف : عيل تدرين شلون .. انا بطلع وبخليج ..ههههههههههه ..

ضحكت معاه اماني ..

وبهالوقت دخل بو عبد الله المكتب .. انصدم فيصل وهو يجوف ابوه.. دق قلبه .. و أمـــاني انصدمت بعد.. خصوصا انه دخل في وقت كانت فيه أمــاني مع فيصل مطيحين الميانة ويضحكون ويسولفون .. تخاف ياخذها نقطة ثانية على فيصل بعد ..

بو عبد الله مرفع حاجبه: ماشاء الله .. قهوى .. ماهي شركة ..

أمـــاني بخوف: آسفين استاذ .. ان شاء الله ماراح تتكرر ..

فيصل بارتباك : تفضل يبه حياك ..

بوعبد الله ينقل نظره بين فيصل و أمـــاني بنظرات حادة وهو يروح يقعد ع الكرسي ..

أمــاني تطالع فيصل عقب قالت : عن اذنكم ..

فيصل : تفضلي ..

طلعت أمـــاني بخوف .. وراحت لمكتبها وقعدت وهي تفكر .. يا ترى وش يبي بو عبد الله .. معقولة بيصالح فيصل؟ امممم .. ياربي وش بيفكر فيني بو عبد الله .. اخاف يفهمنا غلط ..و اخاف ياخذ هالنقطة ضد فيصل ..

اما بمكتب فيصل .. فيصل من داخله يسب روحه .. جية ابوه لمكتبه ابد مو لصالحه .. المفروض اهو اللي يروح له ويتقرب منه ..

ابتسم بارتباك وقعد وقال : تو ما نور المكتب ..

بوعبدالله يطالعه بنظرات حادة : اللحين انت تداوم بالشركة طول هالفترة؟

فيصل يهز راسه : ايه ..

بوعبدالله: وليش ما اشوفك؟ كل الموظفين اشوفهم الا انت ..

فيصل منزل راسه بارتباك : اكون طول اليوم بالمكتب ما اطلع .. لان عندي شغل وايد .. بس كنت ناوي اجيك اليوم وانت سبقتني ..

بوعبدالله : لا الحمد لله ع السلامة .. توك تذكرت ..

سكت فيصل شوي .. يحس بجرحه ينزف كل ما يجوف ابوه يكلمه بهالقسوة .. عمره ما تخيل بيوم من الايام تصير علاقته مع ابوه جذي .. هذا ابوه اللي طول عمره يرفع فيه راسه ويفتخر فيه .. اللحين يعامله جذي؟ ..

بوعبد الله قلبه مو مطاوعه وهو يكلم فيصل جذي .. وحشه ما تحمل بعده عنه .. وجاه لمكتبه .. بس يكابر .. ما يبي يبين له هالشي .. يعرف فيصل أصيل وراح يجيه بس لانه مستحي او خايف منه ماجاه ..

فيصل ما تحمل اكثر هالوضع .. وراح جنب ابوه بسرعه وباسه على راسه .. وقعد جنبه على ركبته ع الأرض ومسك يده وقال والعبرة خانقته : يبه واللي يسلمك سامحني .. احلف لك انها غلطة وما تتكرر .. وش اقدر اسوي عشان تسامحني .. اللي تبيه انا حاضر .. بس ارد للبيت معاك و اظل معاكم .. و ارجع ولدكم فيصل اللي تفتخر فيه يا يبه .. تكفى أنــا اسف ..

بوعبدالله ما تحمل اكثر .. قطع قلبه ولده .. وقف من مكانه وهو يحاول يكابر الشعور اللي داخله .. يبي ولده يرجع لحظنه .. بس مو قادر يسامحه ع اللي سواه .. لانه يحسسه انه تربيته له وتعبه عليه ولا شي او انه ماعرف يربيه عدل ..

طلع من المكتب وهو يضغط على نفسه ما يبي يضعف ..

طلع بوعبدالله من المكتب وظل فيصل بحسرته .. لازال قاعدع ركبته ع الارض .. نزل راسه ع الكرسي ويحاول يمسك نفسه ما تنزل دموعه المتجمعه بعيونه ..

أمـــاني ماقدرت تقعد بمكتبها اكثر .. تموت وتعرف شبيصير .. تحاتي فيصل .. راحت جنب مكتبه وقفت على جنب سمعت ماكو صوت .. يعني اكيد راح ..

دخلت المكتب ولقت فيصل ع نفس الحال .. عورها قلبها عليه وراحت بسرعه جنبه .. ونزلت ع ركبتها ع الارض لمستواه وقالت : فيصل وش فيك ..

رفع راسه لها والدموع متجمعة بعيونه : ما يبي يسامحني ولا يردني للبيت .. ( رجع نزل راسه مرة ثانية ) ااااااه مالي احد .. احس نفسي ضايع ..

أمــاني قطع قلبها فيصل : فيصل الله يخليك لا تقول هالكلام ..

فيصل رفع راسه وطالعها برجاء: لا تتركيني انتي بعد .. كلهم تخلو عني ..

أمـــاني ابتسمت له: ماراح اتركك .. انت بس هدي حالك شوي ..

قام من ع الارض وقعد ع الكرسي وغطا ويهه بيدينه .. يحس بثقل الدنيا كله على صدره ..

أمــاني قامت اخذت كوب ماي وعطته وياه : استهدي بالله .. وريح حالك شوي .. وا ن شاء الله كل شي بينحل ..

فيصل : ان شاء الله ..

أمــاني: انه بخليك اللحين لازم اروح عندي شغل .. بس اوعدني ما تتعب روحك بالتفكير .. خليها على ربك ..

فيصل يهز راسه : ان شاءالله ..

أمــاني ابتمست له وقامت .. طلعت من المكتب وهي تحاتيه .. صار فيصل بالنسبة لها شخص مهم وايد .. !!

اما فيصل ظل يفكر بأماني .. وش هالراحة العجيبة اللي يحصلها في قربها .. يحسها تخفف عليه وايد ..

طرت على باله فكرة خطيرة .. ليش ما اتزوجهااااااا .. اهي الشخص المناسب .. صحيح .. انسانة تعجبني و ارتاح لها وفوق هذا كله فاهمتني .. و اثنينا متفاهمين ..

لالا ما راح اتسرع .. بفكر بعد شوي ..

**

 

طلعت من فيلاتهم الواسعة وهي تفكـــر .. ما شفته !! صار لي فترة ما اشوفه ..

طغـى الحزن على ملامح ويهها وقالت بداخلها : اصلا حتى لو جفته ماراح يفتكر فيني .. من رد من السفر وهو متغير .. اصلا من عرف اني احبه تغير .. معقولة يرد لي الحركة .. هئ هئ انزين انا ماكنت اعرف انه يحبني .. ياربي ليش يسوي لي جذي .. ليش متغير عكس قبل؟ صار يتجاهلني .. ولا يكلمني .. معقولة غير رايه .. ما يحبني؟ لالالالا مستحيل .. لو يسويها اموووت .. انه اللحين احبه وما اتخيل فكرة ان احنا ما نكون لبعض ..

ع هالافكار .. وصلت لبوابة الفيلا الكبيرة بتطلع .. لانها بترجع بيتهم مع سواق بيت لمــى .. و اهو برى ينتظرها .. طلعت وهي تتحلطم في داخلها عليه .. ليش ما دخل بالسيارة لداخل ..

وقفت مكانها وهي تجوف خالــد واقف عند سيارته جنب بوابة الفيلا من برا .. من قهرها عليه تجاهلته ومشت .. سوت له مثل ما يسوي لها ..

خالـــد ارتبك اول ماجافها .. ما يدري شفيه .. وين الجرأة ووين الصراحه اللي كان يتعامل فيها معاها من قبل؟ من حبته خلاص او بالاحرى من عرفت انه يحبها .. بدا يرتبك اول ما يجوفها .. ويستحي .. و يحس نفسه مو عارف يتكلم .. ما يدري وش يجيه ..

بس بهاللحظة حس الله ارسلها له .. لانه واقف متوهق من نص ساعه مو عارف شيسوي ... لكن غصبا عنه بيروح يكلمها ..

راح يمشي جهتها وهي حاسة بهالشي وقلبها يدق .. ناداها: سارا ..

التفتت عليه بحيا : نعم ..

حس نفسه غبي مو عارف وش يقول .. حتى شخبارج ما جى على باله يقولها..

وقف ساكت شوي وهي مستغربة شفيه ..

قال وهو يطالع سيارته : معاي ولد فيصل بالسيارة .. و انا مضطر ادخل البيت و اخذ شغله .. ما اقدر اخذه معاي لداخل .. ابوي هني .. اخاف يسوي لي سالفة .. ومابي اخليه بروحه اخاف يصير له شي .. ممكن تقعدين معاه شوي على ما اروح و ارد .. ما راح اطول .. ثواني بس اخذ شغلة و ارد ..

سارا تسب في روحها : مالت عليج وعلى حظج .. منادني و اخرتها يبي مني ايود الياهل .. حتى شخبارج ما قال ..

قالت بدون نفس : اوكيه ..

راح فتح لها باب السيارة ودخلت .. قام يكلم فيصل: حبيبي فيصل .. بروح شوي وبرجع زين؟

فيصل هز راسه وهو يطالع سارا باستغراب .. نساها .. مع انه جافها من قبل ..

ابتسم خالد وقال حق سارا : شوي بس ها ..

راح خالد لداخل الفيلا يركض .. ويحس الابتسامة غصبا عنه ترتسم على ويهه .. يموت فيها يا ناس .. بس جدامها يصير غبي !! ما يقدر يقول كلمتين على بعض ..

دخل البيت بسرعه و اخذ من غرفة فيصل أغراض موصيها عليه فيصل .. ونزل بسرعه قبل احد يجوفه ورجع للسيارة ..

لما وصل .. ابتسم وهو يجوف سارا حاطة فيصل بحظنها وتتكلم معاه .. تمنى يكون فيصل ولدهم بهاللحظة .. خصوا انه يموت باليهال .. وقف مكانه فترة يطالعها وهو مبتسم ..

سارا بداخل السيارة حست انه تأخر شوي .. لفت ويهها لجهة الفيلا تبي تجوفه .. انصدمت وهي تجوفه واقف مكانه ويبتسم وهو يطالعها .. لكن من جافها تطالعه اختفت ابتسامته .. عصبت عليه وفرت ويهها .. نزلت الياهل من حظنها للكرسي وباسته .. وفتحت باب السيارة ونزلت .. ومشـــت متجاهلتنه لسيارة السواق ..

خالــد : شكرا ..

راحت بدون ما ترد عليه وركبت السيارة ومشـــى السواق ..

خالد استغرب منها وركب السيارة .. صج اني غبي حتى ما قلت لها بوصلج .. بس مادري شفيها احسها متغيرة علي !! الله يستر ..

مشــى لشقة فيصل عشان يعطيه ولده والأغراض لأن بهالوقت يكون رد من الدوام .. وطول الطريق كان يحاتي ويفكر .. شفيها متغيرة .. اف ياربي ما بغيت تحبني .. بعد تتغير؟ اااه ..

وصل لشقة فيصل ووحمل معاه فيصل الصغير ونزل الأغراض وراح لفوق .. فتح الباب بالمفتاح اللي معاه .. ودخل ..

نزل فيصل من يده وحط الاغراض ع الارض : فييييييييييصل .. فيصل وينك ..

طلع فيصل من المطبخ و أول ماجافه ولده راح يركض له : بابا ..

يستانس فيصل اذا ولده يقول له بابا .. هههه صج يحس فيها .. مو مثل لما يقول له دادي ..

اخذه بحظنه وباسه : عيون بابا .. تعال حبيبي .. تعال شوف وش ياب لك البابا ..

خالد : ههه اقول من لقى احبابه ..

ضحك فيصل وهو يعطي ولده الحلاوة اللي يابها له ويقعده بحظنه : حياك استريح ..

خالــد: لا بروح البيت .. بريح شوي .. عندي مباراة في الليل ..

فيصل وهو سرحان هز راسه ..

خالد حس ان فيه شي : فيك شي؟

فيصل يطالع اخوه بنظرات حسرة : ابوي اليوم ياني المكتب ..

خالد : من صجك؟ شقال لك ..

فيصل بحزن : ماقال شي .. بس يسألني ليش ما اجوفك بالشركة .. ( نزل راسه بألم ) تأسفت منه وترجيته .. لكنه ما سمعني .. راح وتركني ..

خالــد: معليش .. مدامه جـى لعندك .. فهذا دليل على انه حاب يسامحك .. بس تعرف يمكن يكابر ولا بعده شوي متأثر باللي صار .. تعرف ابوي .. قلبه طيب مهما صار ومهما سوى ..

فيصل يهز راسه : اتمنــى ..

خالــد يجوف ساعته : يلا انا تأخرت مع اني حاب اقعد اتكلم معاك .. بكرا ان شاء الله ..

فيصل : مي تو .. اممم خالد .. ادري ثقلت عليك بفيصل .. بس اعذرني ..

خالــد : وش هالكلام يا فيصل تزعلني منك ترى .. اخر مرة اسمعك تقول جذي ..

فيصل مبتسم له : سامحنا يالشيخ اخر مرة .. زين بقولك ..( يمسح على شعر فيصل ويبتسم ) بكرا بناخذ الحلو للألعاب .. مسكين من زمان ما طلعته مكان .. وش رايك تجي معانا ؟

خالــد: هههههه حسبالك كل يوم الصبح وين اخذه .. كل يوم مكان يلعب .. ماخليت مكان بالبحرين .. هههههه .. بس معليش .. بكرا ان شاء الله وباخذ معانا لمــى .. صار لها فترة تحن علي تبي تجوفك ..

فيصل ابتسم وهو يتذكرها : احسن بعد ..

خالــد : يلا انا ماشي .. تبي شي؟

فيصل : سلامتك .. سلم لي ع الوالدة واااايد ..

خالــد: يوصل .. يلا في امان الله ..

فيصل: الله وياك ..

طلع خالد .. وظل فيصـــل مكانه سرحان يفكر .. في حياته المتلخبطة ..

قطع سرحانه ولده : باابا ..

فيصل: نعم حبيبي ..

فيصل الصغير ماد يدينه المتوسخين من الحلاوة ..

فيصل ضحك وحمله معاه : تعال نغسل ..

 

اما عند خالد .. فهو طول الطريق كان سرحان ويفكر .. شفيها سارا ياربي ليش تعاملني جذي؟ شكلها زعلانه مني؟ انا شسويت ؟؟ ..

وصل البيت .. ودخل .. لقى ابوه بالصالة قاعد مع امه ..

خالد : السلام عليكم ..

بوعبدالله + ام عبدالله: وعليكم السلام والرحمة ..

خالــد: وين الباقي ماجوف احد ..

ام عبدالله: كل واحد بغرفته .. انت عمرك جفتهم قاعدين معانا تحت ..

بوعبدالله: صار لي فترة ما اجوفك .. من اسال قالو طالع .. شسالفتك ..

خالـــد بارتباك ماعرف شيقول .. و امه بعد .. لانها عارفة ان خالد ع طول مع فيصل .. او يقعد مع ولد فيصل اذا كان فيصل بالدوام او مشغول ..

خالد حب يضيع الموضوع وقعد جنب ابوه وقال شي يفكر فيه من زمان : يبه بغيتك بموضوع..

بوعبدالله: خير ان شاء الله ..

خالـــد : اممممم يبه .. انا ودي اشتغل ..

شهقت ام عبد الله من الفرحة مو مصدقة .. وبوعبدالله مو مصدق بعد .. خالد بنفسه يطلب انه يشتغل ..

ام عبدالله بفرحة : هي الساعة المباركة .. فرحتني يا خالد ..

خالد ابتسم لأمه ولف ويهه لأبوه : ها شقلت يبه ..

بوعبدالله يحس بسعادة : وش بقول بعد .. اكيد بقول لك حياك مكانك موجود بالشركة ..

خالــد : بس يبه انا مابي اشتغل مثل شغلتي القبلية .. احسه شي ممل .. او بالاحرى ما يعجبني ..

ضحك بوعبدالله : اعرف وش تبي تشتغل انت .. ولا يهمك .. انت تعالي بكرا الشركة ولك اللي تبيه .. اهم شي انك بتشتغل ..

خالـــد قام باس راس ابوه : الله يخليك لنا ..

بوعبدالله : بس هاااا .. مابي مثل ذيك المرة .. يوم تداوم وعشرة لا .. ومهمل في شغلك ..و اخرتها تقول لي خلاص بطلع من الشغل .. اذا جذي .. خلك على حالك احسن لنا ولك ..

ضحك خالد وقال بعزم : لا يبه هالمرة غير ان شاء الله ..

بوعبدالله: يلا نجوف ..

قام خالد : يلا عن اذنكم ..

راح لفوق وهو متحمس للخطوة اللي قام بها .. حبه لسارا وعاه شوي انه لازم يعتمد على نفسه ويكون حاله عشان يكون له حياة خاصة .. وبالأحرى في قرب سارا ..

مر عند غرفة لمــى .. وتذكر سارا و معاملتها له .. قال بيسأل لمــى يمكن تدري بشي ..

دق باب غرفتها .. ما ترد .. دق مرة ثانية هم ما ترد ..

خالــد : لمـــى .. لمــــى ..

استغرب ما ترد عليه .. فتح الباب بالعدال وطل براسه .. لقى الغرفة فاضية .. قال يمكن بالحمام ..

دخل الغرفة وقام ينادي : لمـــى .. لمووووه وينج ..

ماكو صوت ..

انتبه لللاب توب شغال ومحطوط ع السرير .. قعد جنبه ع السرير وهو يفكر وينها راحت لمــى ..

لا اراديا فر ويهه جهة اللاب توب .. لقاه مفتوح على محادثة ..

 

الثقل عمره ما فتح للغلا باب .. والصدر يطعن مثل طعن الخناجر says :

وين بتروحين؟

LamoOosh says:

اللحين بيحطون فلم بقوم اجوفه .. ساروه جوفيه والله حلو ..

الثقل عمره ما فتح للغلا باب .. والصد يطعن مثل طعن الخناجر says :

فاضية لج انه .. باقعد اشتغل على الريبورت تبعي ..

LamoOosh says:

كيفج .. برب ..

الثقل عمره ما فتح للغلا باب .. والصد يطعن مثل طعن الخناجر says :

تيت ..

 

ابتسم بخبث وهو يجوف سارا للحين اون لاين ..

 

كتب لها :

بآآآآآك ..

الثقل عمره ما فتح للغلا باب .. والصد يطعن مثل طعن الخناجر says :

بسم الله توج بتجوفين الفلم ..

ضحك خالد وكتب : ما عجبني ..

الثقل عمره ما فتح للغلا باب .. والصد يطعن مثل طعن الخناجر says :

توه كان حلو .. اللحين ما عجبج ..

خالد : والله انج نشبه يا سارو شقول لج احين .. ههههه .. بس وش قصدها بهالنك .. غريبة!! يمكن بس جذي .. لالا ما اعتقد .. خل اسالها ..

كتب له : سارو .. وش قصدج بالنك ..

الثقل عمره ما فتح للغلا باب .. والصد يطعن مثل طعن الخناجر says :

وش قصدي بعد .. اخوج العلة ..

خالد فتح عيونه شكبرها يبي يصدق اللي انكتب عنه .. عقب ضحك : هههههههه الله يغربلج .. عيل انه عله .. بوريج اللحين .. بس شقصدها .. انا شسويت؟؟؟؟؟

قال لها : وييي ليش شسوى بعد ..

الثقل عمره ما فتح للغلا باب .. والصد يطعن مثل طعن الخناجر says :

صج صج لموش بسألج جاوبيني بصراحه .. لا تتطنزين علي ..

خالد جاه فضول وقال : قولي افا عليج ..

الثقل عمره ما فتح للغلا باب .. والصد يطعن مثل طعن الخناجر says :

احس اخوج ما يحبني خلاص .. :$

انصدم خالد : من وين يايبة هالكلام ؟ ليش ما يحبج !!

الثقل عمره ما فتح للغلا باب .. والصد يطعن مثل طعن الخناجر says :

=( مادري احسه مو مثل قبل معاي .. متغير وايد .. اذا يجوفني حتى سلام ما يسلم ولا شخبارج !! انقهر اذا اجوفه يعاملني جذي .. متغير وايد .. احاول افكر انا شسويت عشان يزعل مني جذي .. بس والله ما سويت شي .. بس احيانا اقول اكيد يرد لي الحركة ايام ما كنت اطنشه .. بس وربي ما كنت ادري انه يحبني و انتي عارفة .. يعني اللحين يوم حبيته قام يسوي هالحركات .. اففف والله مو فاهمته ..

خالد كسرت خاطره وبنفس الوقت ضحك عليها .. مالت علي شسوي في روحي اذا انا غبييييي بهالمواقف ..

كتب لها بلهفة: لا حبيبتي .. اهو ليلحين يحبج .. بالعكس اصلا يحبج اكثر من قبل .. لكن من عرف انج تحبينه .. يحس نفسه مرتبك جدامج او مستحي .. خبرج اخوي ما يعرف يعبر عن مشاعره خير شر ههههه .. يعني لا تفسرين هالشي تطنيش .. بالعكس اصلا هو بداخله اذا يجوفج .. يحترررق من داخله .. بس مشكلته ينربط لسانه جدامج هههههه ..

الثقل عمره ما فتح للغلا باب .. والصد يطعن مثل طعن الخناجر says :

هذا صج ما عنده سالفة .. طيح قلبي .. اخرتها مرتبك ومستحي ههههههه ..

ضحك خالد : هههههههه بسم الله على قلبج .. و احب ابشرج بعد .. اليوم سوى شي عشانج انتي بس ..

الثقل عمره ما فتح للغلا باب .. والصد يطعن مثل طعن الخناجر says :

ويه قلبي .. شسوووى فديتووو ..

ضحك عليها خالد وهو يقول : فديييييتج انتي والله ..

كتب لها : اليوم كلم أبوي عشان يرجع يشتغل بالشركة .. خبرج اذا بيي يخطبج لازم بيكون عنده شغلة .. عشان يقدر يكون حياة خاصة له .. اقصد لج انتي معاه احم احم ..

ضحك خالد على روحه و اهو يكلمها جذي ..

الثقل عمره ما فتح للغلا باب .. والصد يطعن مثل طعن الخناجر says :

لالالا حلفي لمووش .. ويلي آآآستحي انه =$

ضحك خالد وقال لروحه : ههههههه صج انج ربشة .. ولا تغيرتي ..

الثقل عمره ما فتح للغلا باب .. والصد يطعن مثل طعن الخناجر says :

بس متى يتحرك على عمره .. P= خخخخخخخ >>>خليها بيني وبينج ..

خالـــد ابتسم من قلبه .. حلاته جذي تتكلم معاه بعفوية ويعرف وش داخلها : قصدج يخطبج؟

الثقل عمره ما فتح للغلا باب .. والصد يطعن مثل طعن الخناجر says :

لالالا .. اففف متى يتحرك على دمه وينطق .. ماحبه جذي ساكت .. تصدقين هههههه قاعده اسمع اغنية .. والله لو بيدي طرشتها له جان يتحرك شوي عاد ..

خالد جاه فضول يعرف وش تقصد: وش هي الاغنية ..

الثقل عمره ما فتح للغلا باب .. والصد يطعن مثل طعن الخناجر says :

لحظة بطرشها لج ..

انتظر خالد شوي .. ووصله ملف .. قبله وقعد ينتظر يوصل ..

قعد يفكر .. صحيح لازم يتحرك ويحسسها بشي ع الاقل .. حتى اهو مو عاجبه تصرفاته معاها.. بس شيسوي بروحه اذا يجووفها يحس نفسه ما يقدر يتكلم .. يضيع الكلام منه ..

وصلته الاغنية وفتحها يسمعها :

http://www.6rbtop.com/listen.php?song_id=24929&type=au&q=hi

 

مقطع من أغنية ميريام فارس :

 

فيها ايه

خايف يقول

و انا مش حاقول

كل اللي حاسة انا بيه

على ايه

كل الغرام حتى الكلام

باين اهو في عينيه

دا حنيني وشوقي ليه

دايما يزيد

من اد ايه بداريه

 

ياغرام انا لو حكيت

عن شوقي ليه

ما يكفينيش ايام و سنين

عمري في هواه

فاتت هواه

عديت ولا الاحلام يا حرام

باين عليه

بلمعة عينيه

بيداري احلى غرام

 

انصدم خالد من الاغنية هههههه او بالأحرى تفشل على عمره ..

تشجع و أخذ نفس عميق وهو يقول هالكلمة اللي حبسها بقلبه سنين ..

كتب لها بيد ترتجف وقلب يدق : أحبج سارا .. أنا خالد ..

سارا بهالوقت انصدمت وهي تجوف الكلام اللي انكتب لها .. مو قادرة تتكلم .. حرارتها ارتفعت وحمرت خدودها .. اصلا خالد وش يابه ووش خلاه يكلمها ..

شكت .. يمكن هذي لموه تقص عليها .

كتبت بيد ترتجف ..

الثقل عمره ما فتح للغلا باب .. والصد يطعن مثل طعن الخناجر says :

لموه بلا سخافة .. قسم بالله طيحتي قلبي ببطني .. حماااارااا .. ان عدتيها بكفخج ..

ابتسم خالد على عفويتها وحركاتها وكتب لها : انا خالد اللي كنت اكلمج مساعه للحين موب لمـــى .. أنــا آسف اذا اسلوبي معاج ضايقج .. بس صدقيني مثل السبب اللي قلته لج .. بس غلاج بقلبي مستحيل يقل .. بالعكس زاد حبي لج .. وبرجع اقولها لج الكلمة اللي تحملت ما اقولها لج من سنين .. أحبــج سارونتي =D

سارا صج اللحين بتطيح من مكانها ع هالجرأة .. صحيح كانت تبي يتجرأ شوي .. لكن موب يخليها تصبب عرق هههه ..

خالد عرف انها مستحية مسكينة وحالتها صعبة .. حب يحرجها شوي وقال لها : مثل ما ميريام فارس تقول : ( فيها ايه خايف يقول) .. تراها بعد تقول : ( يسألني مكانه وين جوى القلب ولا العين .. ما يدري حبيب الروح انه ساكن الاثنين .. يبي يعرف يبي يدري مكانه وين في عمري .. و انا في داخل احساسي احبه موت من بدري) .. شرايج (;

بس تطالع الشاشة وهي في عالم اخر .. مو مصدقة ..

خالد ابتسم وهو ياخذ راحته بالكلام : انا آسف اذا وجودي ضايقج اللحين .. بس صدقيني من زمان و انا انتظر هاالفرصة .. من زمان و انا ابي اعبر لج عن اللي بداخلي بنفسي .. من دون ما احد يوصل لج .. ومن زمان و انا احبج .. ولو بظل اقولها اللحين الف مرة .. ما بتعبر عن حبي و شوقي لج طول الفترة اللي عرفتج فيها .. من اول ما عرفتج دخلتي قلبي .. مادري شلون .. بس بعفويتج وطيبة قلبج وكل شي فيج .. دخلتي قلبي .. وصرت ماشوف غيرج .. افكر فيج ليل نهار .. كنت احاول الفت انتباهج بأي طريقة و اخليج تحبيني .. لكن صج ماعرفت اتصرف .. ليما جى اليوم اللي عرفت فيه انج تحبيني .. حسيت اني اسعد انسان بهالدنيا كلها لاني ملكت قلب الانسانة اللي احبها و اتمنــى تكون زوجتــي بالمستقبل .. انتي شرايج .. موافقة؟

سارا على كثر ما تحس بالحيا و الاحراج .. على كثر ماهي مستانسة وتحس بسعادة لا توصف .. تحس انها بتطير من ع الارض من كثر الوناسة .. وش تبي اكثر من ان الانسان الوحيد اللي حبته يكلمها ويطلب منها الزواج .. ومسوي كل شي عشانها ..

خالـــد ينتظر ردها على نار .. ردي يا سارا .. لمــرة وحده بس ابغي اجوف ردج علي و كلمة حلوة منج لي ..

الثقل عمره ما فتح للغلا باب .. والصد يطعن مثل طعن الخناجر says :

دق الباب وبتعرف الجواب =P

ضحك خالد عليها .. اااخ منج .. يعني ما تعطين جواب .. كتب لها : ها يعني نتوكل وانيي؟

ماعرفت شتقول له ..

الثقل عمره ما فتح للغلا باب .. والصد يطعن مثل طعن الخناجر says :

:$ اللي يريحك ..

خالد بغيى يذبحها افففف ليش ما تقول شي ..

كتب لها : انزين ادري ثقلت عليج وايد .. وودج تشوتيني برا المسن .. بس مو ناوية تبردين قلبي شوي وتقولين لي شي ..

سارا ضحكت بحيا ..

الثقل عمره ما فتح للغلا باب .. والصد يطعن مثل طعن الخناجر says :

مثل شنو يعني ..

خالد : تستهبلين علي ادري .. بس ما اكسر خاطرج؟

الثقل عمره ما فتح للغلا باب .. والصد يطعن مثل طعن الخناجر says :

ههههه كل شي بوقته حلو ..

خالد : اخ منج .. ادري بتذليني .. بس معليش نتحمل .. صابرين من زمان .. ما بنصبر هالفترة القصيرة؟ ..

الثقل عمره ما فتح للغلا باب .. والصد يطعن مثل طعن الخناجر says :

ههههه يعني تبي تكسر خاطري؟ لا تحاول ..

خالد : الله كريم .. طول عمري خاطري مكسور .. ولا احد سأل فيني ..

كسر خاطرها خالد .. صحيح يمزح بس حست فيه .. خصوصا انها عارفة وش اللي مر فيه طول هالفترة ..

الثقل عمره ما فتح للغلا باب .. والصد يطعن مثل طعن الخناجر says :

خخخ زين وش تبيني اقوللك =P

خالد ضحك عليها .. صج ينقص عليها بسرعه : انتي كريمة و احنا نستاهل ..

سارا انصدمت وهي تتذكر وش كانت تقول ليه قبل ما كانت تعرف انه خالد .. حست ويهها احترررررررررق من الفشلة .. ياربييييييي توي حاسة توي متذكرة ..

خالد جافها سكتت مدة .. شفيها .. ليكون تفكر في وش تقول له هههههه ..

خالد: وينج ؟

الثقل عمره ما فتح للغلا باب .. والصد يطعن مثل طعن الخناجر says :

صج انك طماااااااااااااع .. ماكفاك اللي من شوي .. بخليك يلا باي ..

سكرت المسن وقعدت قلبها يدق وكلما تتذكر وش قالت له .. تغطي ويهها بيدينها من الحيااااااا .. ياربيييي ليش سويت لي جذي ياخالد .. وش بيقول عني اللحين ..

لكن في داخلها تحس بسعادة لا تووووووصف ..

اما خالد بهالوقت انسدح ع السرير وغمض عيونه وهو مبتسم.. يحس براحة نفسية .. و اخيرا تنفس وقال اللي عنده .. آآآآه ويازينه من شعور ..

**

 

تتمشـــى بالمعهـــد .. تعودت كل مرة تجوفه .. ويتكلمون .. تحس كلامهم كله شخصي .. من عرفته للحين !! مع انهم مو علاقتهم قديمة وقوية !! لكن هم عرفو بعض بواسطة هالمواضيع الشخصية .. فلابد ان تكون علاقتهم بهالخصوص .. بس اهي تعودت عليه .. تحسه يفهمها بدون ما تتكلم .. فرق شاسع بينه وبين اياد .. صحيح إيـــاد كان قريب منها وايد و ترتاح له وايد .. بس بشار غير .. فيه شي تحسه غير .. كبير وواعي و شخصيته فيها غموض شوي تجذب كل من يتعامل معاه .. الغموض احيانا يكون سر جاذبية الشخص .. وهذا اللي تجوفه في بشار .. وفوق هذا كله تحسه يفهمها ويحس فيها قبل تتكلم .. ويعرف هي وش تبي او وش تفكر فيه .. لكن هي من المحالة تعرف وش فيه او تتوقع وش بيقول اللحين!! .. تنرفزت من نفسها وهي تقارن إيــاد بــ بشار !!

تأففت وهي تجوف ساعتها .. بقى ع الحصة ربع ساعه .. وهو ليحين ما وصل ..

توها ترفع راسها لقته بويهها ياي يمشي بخطاه الواثقة المعهودة .. ورافع راسه ويبتسم لها .. وحاط يدينه بجيب الجينز.. طالعته من فوق لي تحت ورفعت حاجبها .. شعنده كاشخ هالكثـر..

وصل لعندها وقال : مرحبااا ..

ابتسمت له مروى : اهليييين ..

بشار : ههه كأني اليوم متأخر صح ..

مــروى : ايه يقولون ..

بشــار: هههه معليش .. شخبارج ..

مـروى : الحمد لله بخير ..

بشــار مستغرب من شكلها .. ويهها ذبلان .. ومو حاطة فويهها شي مثل عادتها تحط كحل او قلوس .. ولابسة أسود !!!

بشــار: عســى ما شــر .. فيج شي؟ شكلج متغير وكأنج مريضة او شي

مــروى تنزل عيونها للأرض وتقول بحزن : بنت عمــي توفت من كم يوم ..

بشــار انصدم بالخبر ما توقع هيك شي : اممم عظم الله اجركم والله يرحمها ان شاء الله ..

مــروى تداري دموعها اللي تجمعت بعيونها : اجرنا و اجرك ..

بشار حس فيه من نبرة صوتها : سوري ما كنت اعرف .. ( سكت شوي عقب قال ) لا تضايقين عمرج .. كلنا ع هالطريق .. ادعي لها بس ..

مــروى تحاول ما تبجي : الله يرحمها ..

بشـــار يكره المــــوت .. يكرهه لانه ياخذ منه أغلـــى ناســه وعشان جذي حاس بمـروى ..

ابتسم لها يخفف عنها : نروح نقعد؟

الجـوري تهز راسها يعني اي ..

قعدت معاه ع الكراسي الموجودين داخل المبنى .. ظلو ساكتين لفترة ..

قطع صمتهم صوت تلفون مروى برنة مسج .. فتحته بدون نفس .. انصدمت وهي تجوف اسم المرسل !! اخر شخص توقعته ..

( مرحبا الغالية .. شخبارج .. عظم الله اجركم .. ياريتني اقدر اكون معاج او اخفف عنج ع الاقل بكم كلمة .. مثل أيام قبل .. اااه ياليت الأيام ترجع .. طمنيني عليج قلبي يحاتيج .. ) ..

ظلت فترة تطالع المسج مو مستوعبة .. صار له شهر ما بين !! وش اللي خلاه يطلع مرة وحده ويقول هالكلام .. تنرفزت لما تذكرت حركاته معاها ووشلون صرخ عليها وقال لها اطلعي من حياتي ولا تتصلين فيني .. حست بقهر في داخلها وهي تجوفه يناقض عمره بهالكلام .. او بالاحرى يجذب عليها ..

بشــار محتار في تعابير وجهها وهي تطالع التلفون .. صار لها فترة .. اكيد في شي ..

بشار :مروى .. فيج شي؟

مروى رفعت راسها له وهي تتنهد ومدت له التلفون .. اخذه منها وقرا المسج .. على طول عرف المرسل .. بذيك اللحظة كان وده يرمي التلفون ع الأرض ويكسره .. حس بغيرة في داخله .. وخوف عليها منه .. ومن انها ترد له ..

طالعها بشار بهدوء ظاهري يخفي وراه براكين غضب: للحين تكلمينه ..

مروى : لا .. غريبة داز مسج .. من اخر مرة قلت لك عنها كلمته فيها للحين ما كلمته .. تو اليوم داز مسج .. ( تأشر بيدها بلا مبالاة ) مو مهم ..

ريان : انتي ما تبين تكلمينه خلاص؟

مروى ابتسمت بسخرية : ماراح اركض ورا ناس يلعبون فيني .. اصلا يطيحون من عيوني ... وبعدين مستحيل ارجع له بعد كلامك ..

حس براحه في قلبه بس للحين مو متطمن : عيل توعديني مــروى مهم اتصل او دز لج مسجات ما تردين عليه؟

مروى طالعته بغرابة .. وش معتبر نفسه بالنسبة لها عشان توعده في شي خاص فيها !!

بشار حس بنظراتها وفهم عليها .. انحرج انه صرح بمشاعره بطريقة غير مباشرة ..

ارتبك شوي وقال : اممم انا اسف مو قصدي اتدخل او شي .. بس ( تجرأ وحط عيونه بعيونه) انتــي تهميني ..

مــروى لازالت تطالعه بنفس النظرات.. اهمممه؟؟؟؟ وشلوووون؟

بشــار اربكه الموقف .. كلش مو وقته انه يصرح بأي شي .. فأفضل طريقه انه يمشي اللحين..

طالع ساعته ووقف : مابي أعطلج عن حصتج .. اللحين بدت .. انا ماشي .. تآمريني بشي؟

مـروى : بشار لحظة ..

بشار بدون ما يطالعها قال بارتباك : نعم ..

مـروى: مافهمت عليك ..

بشــار : مرة ثانية ان شاء الله نتكلم .. اللحين انا بمشي ..

مـروى لازاالت تطالعه وتفكر بكلامه .. وش يقصد ..

بشار ابتسم يبعد الارتباك عنه : يلا عن اذنج .. مع السلامة ..

مـروى: الله معاك ..

مشـــى بشـــار وراح لسيارته بسرعه وقعد .. تنفس الصعداء: افففففف منك وش خربطت وش سوييييت بس .. بس صج مادري شلون طلعت مني ... ااااه القلب وما يهوى ..

اما عند مروى فهي دخلت الكلاس وتغاضت عن هالموضوع مؤقتا ..

لكن في شخص ثاني عمره ما راح يتغاضى عن مشاعره اللي بدت تفيض .. إيــــــاد .. اللي قاعد ينتظر ردها ع احر من الجمر ..

دخل أصابعه بين خصلات شعره يرجعها لورا و اخرها شدها بقووووة وهو معصب ..

ليش ما عادت تتصل ولا تسأل .. اااااااه يا قلبي .. انا اللي حرقت قلبي بيدي .. كان بإمكاني اكلمها و اعترف لها بحبي .. كانت متمسكة فيني .. انا اللي بعدتها عني .. ياربي ساعدني شسوي عشان ترد لي ..

في شي ثاني في داخله ينبهه ويقول له : لو اهي صج تحبك ما تخلت عنك اللحين وظلت متمسكة فيك وتسأل عنك ..

مسك راسه بيدينه الثنتين ويحس نفسه بيوصل للجنون من كثر التفكير ..

اخذ التلفون مرة ثاني وكتب مسج : مـــروى تكفين ردي علي .. انا ما اتحمل بعادج .. لا تسوين فيني جذي ..

انتظر بعد عشر دقايق ولا ردت عليه .. اخذ التلفون ورماه ع الجدار بقووووووة وصرخ من ورا قلبه : اكررررررررررررررررررررهج .. اكرهج خليني فحالي ..

نزل راسه بين يدينه يحس نفسه تعبااااااان بالحيل .. مو قادر يفكر .. مو قادر يرسى على بر او يعرف هو وش يبي ..

قام بسرعه وطلع من البيت يحس نفسه بيختنق .. طلع يشم هوا ويتمشى ..

**

 

سكر تلفونه وهو مستغرب .. وقعد يفكر لثواني ..

قاطع تفكيره تركي : شفيك ؟

ريان ينتبه عليه وقال له بصوت واطي: داقين علي يقولون طلال يبي يشوفك ..

تركــي فاتح عيونه على كبرها : شنوو؟ طلال؟ ليش؟

ريان يهز راسه وهو يفكر: والله مادري .. بقوم اجوف ..

وقف ريان وراح لغرفته يبدل ملابسه ونزل تحت : يلا انا رايح ..

تركــي: اتصل طمني ها ..

ريان: ماشي ..

طلع ريان وهو محتااار ويفكر وش يبي منه طلال !!!

ظل تركي الثاني سرحان وش السالفة ..

انتبه على صوت بدور وهي تحط يدها على كتفه : حبيبي وش فيه؟

تركــي طالعها و ابتسم وقال: ولا شي ..

بدور تخلي راسها على كتفه : اجوفك سرحان .. قلت يمكن فيك شي ..

تركــي يحوطها بذراعه : ايه سرحان فيج .. ( يأشر ع بطنها بعيونه ) وفي حبيبي اليديد هههههههه ..

بدور تطالعه بعيون كلها شرار بس طبعا تمزح: انت مالك حبيب غيري ..

تركــي: هههههههههه اموت باللي يغارون ..

بدور طالعته بحيا ونزلت راسها .. ضحك عليها تركي .. وقرص خدودها : فدييييييييتهم ..

تركــي : الا يا ام كرش .. كم شهر صار لج ..

بدور تشهق : من صجك ما تدري ..

تركي: هههههههه ادري هالسؤال يعصبج .. ادري ادري بالشهر السابع .. ااااااه يا بدور متى بس متتتتتى .. متشوق حدي اجوفه ..

بـــدور مبتسمة له : مابقى شي ..

 

بهالوقت ريــان بالسيــــارة رايح لعند طلال .. مستغرب وقاعد يفكر وش يبي فيه ..

رن موبايله (إيـــه احبك احبك .. ويشهد الله علي .. ومن أشوفك .. أبتسم لك .. صدقني ماهو بيدي ) ..

.. الجــوري داقة .. مجرد يجوف اسمها ع الشاشة او تطري على باله .. لا اراديا يبتسم ..

رد عليها : هلا بالغالية ..

الجـــوري : هلا ريووون .. شخبارك ..

ريــان: والله دامج معاي انا بخير ..

الجــوري:هههه بسك خف شوي من الكلام الحلو .. اخاف يخلص الكلام وبعدين ما عندك شي تقوله لي ..

ريـــان : طول ما انا معاج مستحييل يخلص الكلام الحلو .. لا اراديا يطلع لحاله ..

الجـوري بحيا: رياااااااان

ريان : يا عيون ريان وقلبه ..

الجوري عرفت انه راح يبدي الحين ولا راح يسكت عشان جذي غيرت الموضوع: شكلك مو بالبيت ..

ريـــان : ايه بالسيارة ..

الجـوري تمزح معاه: تطلع ولا تستأذن مني ..

ريـــان: ههههههه الله يعين اذا تزوجنا شكلي ما باجوف الشارع ..

الجـــوري: ههههههه لا صج وين رايح ..

ريان يتحول صوته لجد: مادري حبيبتي داقين علي يقولون لي طلال يبي يجوفك ..

الجوري بس سمعت اسم طلال دق قلبها بخوف : لييييييييييش ..

ريان : مادري رايح اجوفه ..

الجــوري سكتت شوي .. افكارها متضاربة مو عارفة تحس بخوف او توتر ..

ريـــان يعرف ان الموضوع حساس بالنسبة لها: حبيبتي شفيج ..

الجـوري: ولا شي ..

ريان : انزين حياتي انا وصلت بكلمج بعدين ..

الجــوري : دق علي اول ما تطلع ها ..

ريان: ان شاء الله ..

الجــوري: لااااازم تدق علي .. لا تنسى ..

ريان : ان شاء الله ماراح انسى .. يلا مع السلامة ..

الجوري: الله وياك ..

سكرت الجوري التلفون وقعدت على اعصابها .. مافي بالها شي تتوقعه ..

اما ريان سكر التلفون ونزل من سيارته ودخل .. طول الوقت يحس بإنه ماراح يقدر يجوف الشخص اللي اذى حبيبته وممكن ان يصير بينهم شي ..

وصل لعند الضابط وتفاهم معاه و اخذه على غرفة صغيرة قال له انتظر شوي ..

قعد ريان على اعصابه ينتظر ..

بعد دقايق .. دخل عليه طلال .. انصدم وهو يجوفه .. هذا طلال؟؟؟؟؟؟؟ هيئة ثانية .. شكل مختلف .. نظرات مختلفة .. ملامحه تغيرت !!!!!

كان صاير ضعيف وايد وايد .. وموب حالق لحيته .. وشعره شوي كبير .. وملامحه غير .. نظراته نظرات حزن و انكسار ..

وقف ريان فترة يطالعه .. مشاعر متناقضة في داخله .. تعاطف مع حقد .. ابدا ما تجتمع هالمشاعر مع بعضها .. بس بداخل ريان كانت صج موجودة ..

بدا طلال بالكلام لما جاف ريان واقف مذهول وهو يطالعه ..

قال بصوت ضعيف : مرحبا ريان .. شلونك ..

ريان حاول يقسي قلبه .. مهما كان هذا أذى أغلى انسانة عنده بيوم من الايام : اهلا .. وش تبي؟ ليش مناديني ..

طلال قعد جنبه بانكسار وهو منزل راسه .. عقب رفع راسه وطالع بريان وعيونه تلمع بالدموع و الحزن .. اما ريان استغرب و انصدم من شكله ..

طلال برجاء حار : اترجاك ريان تسوي لي حل .. تكفى طلبتك ..

ريان تأثر بشكل طلال وكلامه .. حتى لو كان عدوه .. ريان قلبه مو صخر لهالدرجة .. بالعكس طيب ..

ريان يبعد ويهه عنه عشان ما يجوف ملامحه اللي تسبب له ضعف : وش تبي ..

طلال طاحت دمعته وقال بصوت يترجف : أبي اجوف أمي .. أبي اروح لها البيييييت .. كفايا انحرمت من اختي .. راحت وما جفتها .. راحت و انا بعيد عنها .. أبغي اكون مع امي .. اعرفها حالها ما يسر ..

ريــــان حس بغصة داخله .. طلال وضعه يكسر الخاطر .. حس فيه ..

التفت عليه وقال بكبرياء عشان ما يبين انه تعاطف معاه : وش تبيني اسوي لك ؟

طلال يمسك يده برجاء: تكفى .. جوف لي حل معاهم اي شي اي طريقة بس ابغي اروح .. يقولون امي تعبانة وايد .. الله يخليك .. تعبت اكلمهم ... بس دقايق اروح اجوفها ..

ريان وقف من مكانه : انت تعرف ان هذا شي مستحيل .. و انا ما بيدي اي شي .. ولا لي دخل بشي .. ماقدر افيدك ..

طلال تحطم زوووود .. ونزل راسه ومسح دمعته اللي سالت : تسلم ما قصرت ..

ريان وقف مكانه يحس بتعاطف كبير معاه .. بس عن جد هو ما بيده يسوي شي .. لكن مرة وحده حس بالقهر اللي كان ياكل قلبه بالحرة بالحززززن بالألم اللي يعتصر قلبه كل ليلة .. العذاب اللي ذاقه .. بسبب طلال ..

طالع طلال وحس الحقد عمى قلبه وقال له : اللحين حسيت فيني؟؟؟ حسيت باللي حسيته انه؟ حسيت وش كثر انا عانيت وتعذبت .. حسيت بالألم اللي داخلي شنو كان لما سويت فيني اللي سويته .. نسيييييييت ولا اذكرك؟؟؟ تبيني احس فيك؟؟؟ احس فيك و انت ما حسيت فيني؟؟؟

طلال بحزن يقطع قلبه قام وقف بضعف جنب ريان : ادري أسف الدنيا كله ما راح يغفر لي عندكم انت والجوري .. انا حسيت بغلطتي و اتمنى من كل قلبي تسامحني الجــــوري .. و انت بعد سامحني .. انا صج الندم اكل قلبي ع اللي صار .. اتمنى تسامحوني ..

ريان طالعه باحتقار : من اللي يسامح ع فعل مثل هذا .. عموما اسمحلي انا ما بيدي اسوي لك اي شي .. عن اذنك ..

مشى ريان وهو كلما يقدر يقسي قلبه اكثر وا كثر .. وترك وراه شخص منهار ..

ركب سيارته وقعد لفترة يفكر .. ما يبي يتعاطف مع احد ما يبي .. بذيك الفترة محد عرفه ولا تعاطف معاه ولا واساه ..

رن تلفونه .. الجوري تتصل .. تنهد ورد عليها : هلا جوري ..

الجــوري بخوف: ها بشر .. وش يبي ..

ريان قال لها كللللل اللي صار بالتفصيل ووش حس فيه هو ..

الجـــوري تعاطفت معاه من قلب : ياحراااااام ليش قلت له جذي ..

ريان بصدمة ما توقع انها تتعاطف معاه : وشو حرام ؟؟؟ هذا يستاهل يعفن هناك ومحد يسأل فيه ..

الجـــوري وهي تتذكر شكل مرت عمها وحالتهم .. حست نفسها بتبجي : حرام ريان .. انت تعرف وش الظروف اللي هم فيها؟ ما تحس؟؟؟

ريان بحرقة قلب: وليش هو ما حس فيني طول ذيك الفترة اللي كنت احتررررررررق فيها .. كنت اموت باللحظة الف مرة ..

الجــوري تمسح دموعها : بس بعد .. نكون احسن منه .. ونقابل السيئة بالحسنة واللي نسويه لوجه الله وعشان امه المسكينه ..

ريان عصب : انتي وش تقولين .. انتي ناسية اللي سواااااه .. ناسية اللي صار فينا؟ مستهينة بالشي؟

الجــوري غير مبالية لعصبيته: انا يمكن اروح اتنازل .. باين عليه صج تحسف .. وبعدين ما تستاهل امه ولا اهله اللي يصير لهم ..

ريان يصرخ : وش تخربطين انتي .. من كل عقلج تتكلمين؟؟؟؟؟ هلو جوري انتين بوعيج؟

الجـــوري تبجي: ايه .. حرام نتركهم جذي .. ومهما يكون هذول اهلي انا مالي بهالدنيا اهل غيرهم ..

ريان بقهر : انا اهلج انا كل شي لج .. بس لا تسوين هالجنون هذا ..

الجــوري: ريان الله يخليك افهمني ..

ريان معصب وموصل حده : مابي افهم احد مابي .. اللي ابيه شي واحد .. انج تشيلين هالجنون من مخج .. انتي صاحية؟ تبينه يطلع عشان نرجع لمعاناتنا القديمة ؟ تبينا نرجع للعذاب هذا؟ حرام عليج اذا ما بترحمين حالج ارحميني انااااااا ما اتحمل ..

الجـــوري : كل شي بيكون اوكيه انت لا تحاتي .. ماراح يصير شي من اللي ببالك ..

ريان بهالحزة ما عرف وش يقول: هذي اللي بتجنني اليوم .. الجوري افهميني ..

تقاطعه: ريان .. خلاص قلتلك ماراح يصير شي .. وحرام يظل وضعهم جذي وهذي ظروفهم .. لازم بساعدهم ..

ريان : انتي ناسية وش سوو لج .. نسيتي كل شي ..

الجــوري تتنهد بحزن: كل شي فات .. احنا نتكلم عن اليوم .. وربي انت ما جفت حالهم .. مستحيل في شي في يدي اقدر اسويه لهم وما اسويه ..

ريان يصرخ: سوي اللي تبينه انا مالي شغل .. باي ..

سكر التلفون وقطه على جنب .. أعصابه تلفت .. كل ما يحاول يبني شي .. يرجع يتهدم ..

مستغرب من الجوري وتفكيرها شلون .. مو مصدق انها هي تقول هالكلام ..

اما الجـــوري .. كانت متعاطفة وايد ويا طلال و اهله .. وخصوصا لما خبرها ريان عن حالته هناك وشلون ترجاه وتأسف منه .. بس شلون يفهمها ريان .. شلوووووووون ..

**

 

 

في امان الله ..

[لط لط]

WoOoW

بآآآآآآآرت روعـــــــــــــــــــــــــــــــــــــــــــ ــــــــــــــــــــــة

ما اقدر اقوول غير برافوو عليج يا مبدعتنا

شي شي الباارت

كسر خاااطري طلال و مثل ما يقولوون كما تدين تدان، و ان شاءالله تساعده الجــوري و يتفهم ريااااان

يعطيج ألف ألف عافية على البااارت الحلــــــــــــو

[أم حماني]

الباااارت ابدااع

ومن كثر ما الاحداث تشوق اقرا بدون مااحس

اهو البارت طويل بس احسه قصير لول

بس صج الجوووووري تقهررررررررررررررر

وبانتظار البارت الياي لاتصيفين

يعطيج العافيه

[● MaRwA ●]

حلوو الباااارت ^^

 

 

يعطيج العافية

 

 

 

[وردهـ جوري]

إبدآآآآآآآآآآآآآآع يآآآآآآحلوووووهـ

يعطييييج آلعــآآآفيــــــــــــــــــه

[h_lo0ove]

صراحة ابداع ها البارت

ان شاء الله ريان يتفهم الوضع

يعطيج العافية اختي عـ البارت الفن

[كيوية]

كل اللي اقدر اقوله الباارت((بلااااااااااااااااااااااااااااااااااااااااااوي))

تسلمين حبيبتي ع البارت

ويعطيش الف عافية..