تضحڪ و انآ لجلڪ أمـوٍِوِت ..! «

[شاربه ديتول]

الـ 40

 

• الامارات ..

 

جعفر يلف بالسياره

 

فلك تمسك راسها بوجع : آآه والله رجيت راسي من هالدواره ..

 

فطوم : إإيي والله مب دال خلاص رجعنا البيت ..

 

يسفه لهم ويبطل الدريشه : لو سمحت تدل بيت خالد سيف الـ....

 

الريآل : خذ الدوار .. ولف يمين بعدها بتجوف بيت ابيض عـود .. هذاك بيتهم ..

 

جعفر : يعطيك العافيه

 

سكر الدريشه وهو متووونس وبسرعه وصل للبيت طالعه بتأمل : هذا هو

 

فلك : صصصصصصصصصج @@ ..؟

 

فطوم : يآآي شكله من داخل اينن

 

جعفر : يلا فلك وفطيم انا بصف وره البيت بنتظركم ..

 

فلك تمسك قلبها : يمممهههه !! خايففههه

 

فطوم : والله حتى انا يلا يلا فلييك

 

فلك توها بتنزل الا وتلف على فطوم وتعقد حواجبها : فليك ؟ كافي عندج انا ؟!

 

فطوم : ههههههههههههههههههه نزلي نزلي

 

نزلو وهو قلقين وراح جعفر وهو مرتببببك ...

 

فطوم : انتي طقي الجرس ..

 

فلك : لا .. انتي !!

 

فطوم : انتيي

 

فلك : بليييز فطيييييييييييييييم مو ناقصتج !

 

فطوم بتردد : ز..زين ..

 

تطق الجرس مره ومرتين وثلاث بعدها طلعت خدامهـ

 

الخدآمه : ميين ؟

 

فطوم : هذا بيت منو ؟!

 

فلك : هيي لا تفشلينآ .. هذا بيت امنووو < تتكلم اماراتي

 

فطوم تطالعها بنظرات سخافه ..

 

الخدامه : انت يبي منوو ؟

 

فطوم : جفتي قالت منو .. انا يبي حوراا حوراا هني ؟

 

الخدامه : حورا فوق ..

 

فلك وفطوم دشوا البيت ..

 

 

 

 

دخلو من الباب الرئيسي .. كان البيت حدهـ فخم .. !

 

فلك : جووفي ماشالله !

 

فطوم : اي والله بعدين لا تطالعين جي ! جنا ما جايفين خير

 

فلك : ههههههههههههه ..

 

فطوم ( تكلم الخدامه ) : وين بابا ؟!

 

الخدامه : مافي بابا !

 

فلك : شلون .. اقصد .. كيف يعني ؟! وينهـ ..؟

 

الخدامه : مايدري انا من يجي حق هذا بيت مافي يجوف بابا كلش !

 

فطوم : غريبهـ !!

 

فلك : زين روحي نادي حورآ احنا يننتظرها تحت في الصالهـ ..

 

فطوم : هيي بيت ابوج هذا ..

 

الخدامه : جين ماما ..

 

فطوم وفلك راحوا اقعدو ع الكنبه ينتظرونها ...

 

تروح الخدامه فوق وتطق الباب على حورآ اللي قاعده ع السرير مالهـآ وتشتغل ع اللاب

 

الخدامه : ماما هورآ في بنات اسنين ينتزر انتي تحت << اللغه خربانه عندها لوول

 

حورا تعقد حواجبهـآ : من هذولي ؟!

 

الخدامه : مايدري !!

 

حورآ : خلاص طيب انا ببدل وبنزل ..

 

الخدامه تطلع برا وتسكر الباب

 

خلوني اعرفكم على حورآ :

 

جمييييييييييييييييييييييله جمييييييييييييله بشكل ماتتخيلونهـ .. جسمها يجنن وطويله اشوي كتوفها عراض شوي وجسمها مخصر عدل بس مو ضعيفه ضعيفه .. خشمها طويل وضعيف وشفايفها ضعاف .. عيونها وساع وبنيييييييين عدل .. حنطيهـ وشعرها طويل واسود كثيييييييييييف وناعم مدرررج وقصة شعرها تهبل عليهـآ .. ملامحها مرسومه .. اللي يجوفها يشك اذا هي رسمه ولا صج .. اكثر من واحد عشقها واكثر من 4 اخطبوها بس هي من بعد جعفر عافت الحب ^^ .. وحييدهـ امها توفت يوم اولدتها عشان جي ابوها مدلللللللعها .. طيــبــه وحدهـآ خفيفة دم وغشمرجيه .. عيبها انها دايمـاً تعايب ع الناس هههههههههههههه .. بس عمرها ماصارت مغروره وجايفه نفسهـآ .. 19 سنـه .. ربـعهآ وآيد .. وماتحس بالنقص ابداً ان ماعندها خوات ولا اخوان .. ^^

 

ــــــــــــــــــــــــــــــــــــــــــــــــــــــــــــــــــــــــــــــــ

ــــــــــــــــــــــــــــــــــــــــــــــــــــــــــــــــــــــــــــــــ

 

• بيت بو جآسمـ ..

 

 

يعقوب قاعد ع الكنبهـ هو وامه وقاعد يحن عليهـآآ

 

يعقوب : يمــــــــــــــــــــــآآ والله صبرت بما فيه الكفايه ..

 

ام جاسم : اففففف .. يا الله منككككك ! المشكله ماقدر ارد لك طلب خلاص اليوم اليوم

 

يعقوب يطفر من ع الكنبهـ : قولي والله !

 

ام جاسم : الحين انا بتصل بيتهم وباخذ منها موعد ...

 

يعقوب يقوم ويبوس راس امه : احبببببببببببج

 

ام جاسم : اييه مب لله ..

 

تروح عند التلفون

 

وتتصل على بيت العمهـ اسمهـ ..

 

 

انجود : مرآآآآآآآآآآآآآآآآآآآآآآآآآآحححححب << عبط انجودوهـ ..

 

ام جاسم : هلا والله بـ أنجود

 

انجود : يمرحباااااااااااااا بالزين و الغلا والبرستييييج

 

ام جاسم : ههههههههههههههههههههه اي برستيج انتي

 

انجود : والذوق والرقققه والحلاااااااااااااااااااا !

 

ام جاسم ( تكلم يعقوب ) : قاعده تغازلني هذي !

 

انجود : ههههههههههههههههههههه اسفين يالخاله

 

ام جاسم : انتي الخاله اكلي هواج وروحي نادي امج عطيناج ويه عاد

 

ايعقوب : ههههههههههههههههههههههه والله عبيييطه انجودوه هذي

تروح انجود وهي تضحك وتدش على امهآ والجوهرهـ

 

انجود : يمه التلفون

 

العمه اسمهـ : من يبيني؟

 

انجود تهز حواجبها وتطالع الجوهره : يعقووووب .. اقصد ام يعقوووب ..

 

الجوهره استحت وقامت راحت غرفتها ..

 

العمهـ اسمهـ : ايي هلا ام جاسسم

 

ام جاسم : هلا بالزين والغلا والحلا كله

 

العمهـ اسمـهـ : عههههههههههه عادتج انجودوه ؟

 

ام جاسم : هههههههههههههههه .. اي والله هالخبله هذي

 

العمهـ اسمهـ : هههههههههههههه ..

 

ام جاسم : زين يا ام جعفر .. أنا بدش على طول في الموضوع بدون مقدمات .. ابي اخطب بنتج حق ولدي يعقوب

 

العمهـ اسمهـ تهلهل ويههـآ وابتسمت : هذي الساعه المباركهـ ..

 

ام جاسم : اعتقد انكم رفظتونا لاول مره .. انا اليوم يايه بيتكم عشان اتفاهم معاج ع السالفه هذي ..

 

العمه اسمه : والله حتى انا ابي اقولج ليش وماليش .. متى راح تيون ؟

 

ام جاسم : انشالله ع الساعه 8 ..

 

العمه اسمه : حياكم الله في اي وقت ..

 

 

ــــــــــــــــــــــــــــــــــــــــــــــــــــــــــــــــــــــــــــــــ

ــــــــــــــــــــــــــــــــــــــــــــــــــــــــــــــــــــــــــــــــ

 

• بيت بو حمد

 

ريم << قديمه منزمان ماذكرناها في القصهـ .. صح ؟! خلاص بييبها وايد ..

 

ريم صآرت في الشهر الـثآمن .. ودبتهـآ كبييرهـ صـآآرت .. قاعدهـ في الصآله بروحهـآ تطالع التلفزيون .. شوي الا ويرن موبايلهـآ ..

 

ريم : هلا ..

 

العنود : هلا والله !!!!!!!!!!!!!! ريمووو شقدمججججججججج ! منزمان ماجفتج والله

ريم : والله اشتقتلج يالحقيييييييييييييره .. ماتسألين عني ولا شي .. بس محكوره في هالغرفه الصغيره مالتي ..

 

العنود : والله كل مايي بيتكم تقولي فلك انج راقدهـ ..

 

ريم : شسوي ! بموت من النوم .. والله مرات اشك ان بنام ولا بقوم ..

 

العنود : الله لا يقوله .. انزين انا الحين بييج عادي ؟

 

ريم : اكلي خراج عاد .. قالت عادي ؟ اكيد عاااااادي .. بعد خلي اسراءوه والجوهره اييون خاطري اسولف مع احد ! ( بهم ) تعبت من الوحده !

 

العنود : خلاص ياينج لا تتحركين من مكانج خلج رابخه .. قود باي

 

ريم : هههههههههههههههههههه باي ..

 

ــــــــــــــــــــــــــــــــــــــــــــــــــــــــــــــــــــــــــــــــ

ــــــــــــــــــــــــــــــــــــــــــــــــــــــــــــــــــــــــــــــــ

 

• في الاماررات

 

تنزل حورآ من ع الدري كانت لابسهـ فستآن بسيط .. لونهـ اسود كمومهـ قصآر شوي لتحت الركبه بشوي وحرير .. مخصصر عليهـآ .. سآدهـ ولابسهـ عليهـ سلاسل فضيهـ وفيها نجوم وجمام وحركات وخرابيط لوول ..

 

وفاله شعرهـآ الطويل وحاطهـ كحل اسود وقلوس طالعه تجنن ..

 

تموآ فلك و فطوم يطالعونهآ بـدهــشــه !

 

فطوم بصوت واطي : والله عرف يختار هالجعفــــر ..

 

فلك : اصص سكتي ..

 

حورآ تبتسم : حيالله من يآنـآ ..

 

قآموآ سلموآ عليهـآ واقعدوآ ع الكنبهـ ..

 

فلك بتبتسم : اكيد ماتعرفين من احنآ ..

 

حورآ : اكيد .. من انتوآ ..؟

 

فطوم : انا فطوم وهذي فلكـ ..

 

فلك : انا .. بنت عمج .. وهذي بنت عمتج ..

 

حورآ انصدمت وفرحت في نفس الوقت وماحبت تبين لهم انها منصمهـ فبتسمت : انا سمعت ان عندي عمام وعمات بس عمري مافكرت اني ازورهم ولا اتعرف عليهم ..

 

فطوم : وليش ؟!

 

حورآ : ما أدري .. بس .. احسهم بعاد عني .. ( تبتسم ) ولا يمكن اني اجوفهم في يوم من الايام ..

 

فلك : لا بالعكس .. انا وفطوم يينآ هني عشان نتعرف عليج .. و..و..نفاتحج بموضوع ..

 

فطوم : الا وين ابوج .. اقصد خالي ..؟

 

حورآ بحزن : توفـى من سنتينـ ..

 

فلك وفطوم انصصصدموا وارتبكوا وماعرفوا شيقولون : الله يرحمه انشالله ..

 

حورآ تبتسم : المهم ماعلينآ ..

 

فلك : اي ماعلينا الموضوع اللي ابي افاتحج فيهـ .. أكيد بتفرحين عشانهـ ..

 

حورآ : قولي .. منزمان مافرحت ..

 

فلك : فطوم .. انتي قولي ..

 

فطوم : لا انتي حبييتي ..

 

فلك : فطوم حبي انتي حياتي قولي ..

 

حورآ : هههههههههههههههههههههه يلا عاد ..

 

فطوم: افف منج زين .. انا بقولـ .. ! امممم بصـرآحهـ .. جعفر يبيج !

 

حورآ علامات الانصدام والخجل و الارتباك والحزن و الكئآبه كلها فيهـآ .. تمت ساكته ومبطله عيونهـآ .. وفطوم نزلت راسها

 

فلك : القصد .. ان يبي يجوفج ويسلم عليج .. هـو .. لحينه عآشقج ..

 

حورآ تمت ساكته بلعت ريقهـآ بحزن على فرح وعظت على شفايفهـآ بعدهآ نزلت دمعه من عيونها ومسحتها بسرعه ..

 

فطوم تبتسم : المفروظ تفرحين .. انت لحينج تحبينه ؟

 

حورآ بيأس : إي ..

 

فلك : انزين وليش تصيحين عيل ؟!

 

حورآ : لان ابوي مب راضي ..

 

فطوم تقاطعها ؛ :أبوج توفىـآ الله يرحمه ولا تنسيين انج بنت خاله وهو ولد عمتج ! يعني لو واحد غريب بنقول اوكي ! بس هذا من العيلهـ ..

 

حورآ : واهلهـ .. بيوافقون ؟

 

فطوم : ترىـآ انا اختهـ على فكره يعني ..

 

حورآ : صصصصصصصصصصصصصصصصصصصصصصصصصصصصصصصج !!!!!!!!!!!!!!!!!!!!!!!!

 

فلك : ههههههههههههههههههه مفهييييه

 

فطوم : ها اشبهه ( تهز حواجبهآ )

 

حورآ : ما ادري انا منزمان ماشفتهـ ...!

 

فلك : انزين احنا فـ الليل انا وفطوم بنروح دبي لاند .. طبعـاً انتي بتيين معانا فـ هناكـ تجوفينهـ ..

 

حورآ فررررررررررررررررررررحت من خااااااااااااااااااااااااااااااااااااااااااااااااااااااااااااااااطرهـآ ..

 

شوي الا ويتصل جعفر عللى فطوم .. فطوم ابتسمت وتمت تطالع فلك و تطالع حورآ بخبث ..

 

حور آاستحت واعرفت ان هو ..

 

فطوم : هلا جعفر .

 

جعفر : فطووم بسرعه خليها تطلع عشان اليوم بنمشي قطر

 

فطوم : نعــــــــم بنمشي اليوم ؟!! ليششششش !

 

جعفر : أففففففف اقولج في الطريق .. تكفين خليهـآ تطلع لي انا في الحوش

 

فطوم بحزن : انزين انزين .. باي

 

جعفر : باي ..

 

فطووم تلف على فلك : الحقير تدرين يقولي ( تعايب على صوته ) " اليوم بنمشي بعد شوي .. " اقوله ليش يقولي " خلاص انتي خلي حورآ تطلع وانا اقولج في الطريق "

 

(( هني حورآ استحت وتصوفق ويههـآ ))

 

فلك تطق يدها على ركبتهآ : أأأأأأأأأأأأأخ يالقههههر مب مخليته يمشي الحقير اييبني ويقولي ان بيوديني دبي لاند و ابن بطوطه ومادري وين ويغريني جنه شيطانٍ رجيم

 

فطوم : آآه آآه يالقهر يكفيني آآه الهم في كل اتجآآه امشي واعووفر

 

فلك : ههههههههههههههههههههههههههههههههههههه اي اعووفر بعد

 

فطوم بقهر : أيي من القهر اللءي فيني اعوفر

 

حورآ مستحيه وقاعده وسآكته

 

فطوم : حورآ حووبي روحي جعفر في الحوش بس بيسلم عليج ..

 

حورآ : أستحي !

 

فلك : رووووووووووووووووووحي بس بيسلم عليج وبتدشين داخل موب بياكلج

 

حورآ بترردد : أ..اوكي

 

قامت حورآ على طولهـآ رقت فوق يابت عبآتهآ ونزلت لبستهآ ولبست الشيله وقلبها يدق بقوووه تحسه بينجلع من مكانهـ .. بطلت الباب بتردد وتمت تمشي وهي منزله راسهـآ .. وقفت فجأه .. وجافت جعفر جدامها بالظبط شعره وتصقع فيه زين وقفت ..

 

حورآ بخرعه تحط يدها على قلبهآ : بسم الله !

 

جعفر يتم يطآلعهآ بصـدمـه وهي تطالعهـ بعد بعيون تلمعععع ..

 

.. هذي هي حورآآآآآآآآآآآآآآ !!!!!!! يـآ الله شلون السنين تركض !! صج كبررت !! واحلوت زادت جمال فوق جمالهآ .. تم قلبه يرقع بسرعه وبالقوه وزادت انفاسه سرعه .. كان شوي ويصيح .. يآ الله شقد مشتاق لهــــــــــآ ..

 

حورآ منصدمه ومرتبكهـ بس مب قادره تشيل عينهآ عنهـ .. حــده صآر جمييل ويينن ويهبل وكلشي ! معقوله هذا جعفر اللي اخبرهـ !!!!!! شكثر مشتآقتلهـ ....!!!

 

انتبهوآ لنفسهم وكل واحد نزل عينهـ ..

 

حورآ بـقلق وتوتر : ألـ..الحمدلله ع ال..سلامه ..

 

جعفر ( حتى صوتها خيآلي يآربي شسوي بعمري ) : الله يسلمج ( يرد نظره لها ) شحالج حورآ ..

 

حورآ تبلع ريقها : أنا بخير .. وانت شحالك ..؟

 

جعفر : بخير الحمدللهـ ( بتوتر اكثر من اللي اهو فيه ) كب..رتي واحلويتي ..

 

حورآ بتوتر : انت بعد كبرت ..

 

جعفر : ممكن .. أطلع معاج .. مطعم .. لأن .. في كلام وايد .. أ...أبي أ..أقوله ..

 

حورآ : لآ .. أسفهـ قول الكلام اللي تبي ترمسه الحين ..

 

جعفر يتنهـد مب قآدر يحط عينه في عينهآ يذوب : حورآ .. وينهـ خآلي ؟

 

حورآ تسكت شوي .. وبحزن عميق : توفى

 

جعفر انصصصصصصصصصصصصصصصصصصصصصصصصصصصصصدم ومب عارف شيقول ولا شيسوي ماقدر يحس بأي شي في هاللحظه غير الفرح .

 

لحظآت صمت دآمت 10 ثوآن ..

 

جعفر : أ..ألله يرحمه .. إ..إذآ ..... خطبتج الحين توافقين ؟!

 

حورآ خلاص بعد فوق الفشيله اللي اهي فيها يزيد الطين بله ! سكتت وتمت تحوس في اظافرهآ ..

 

جعفر : أنآ آ..آسف .. أدري ان الخطبه لها اصول .. بس .. انا لحيني احبج .. ورافظ الزواج من اي وحده .. ابيج انتي .. ارجوج تفهميني .. مآ أقدر اعيش .. والله مآ أٌقدر بدونج .. سألي فطوم ولا فلك عن حالتي قبل لا ايي الامارات ..

 

حورآ ارتبكبت بعد كلمـة " احبج " خلاص البنيه راحت فيهــــــــــــــــــــــــــــــــــــــآآ .. بلعت ريقها وعظت على شفايفها وتمت تتنفس بسرعه .. تنهدت بأرتبآك .. خصوصـا ان جعفر قاعد يطآلعهآ .. وسرحآن فيهـآ ..

 

جعفر : قولي شي ..

 

حورآ بقلق : انت .. انت تعرف اني .. وحيدهـ هني .. و..ماقدر اقرر .. و..

 

يقطاعها : وبتيين معانا قطر وتبسكنين هنآك . انتي بنتنا .. و العم بو حمد بيخليج عنده .. خصوصـاًُ ان عمج وكبير العيلهـ ! وبيكون بحسبة يدج .. او ابوج .. ارجوج حورآ فهميني .. انآ .. أح..

 

تقآطعه بأرتبآآك وتبي تضيع السالفه : اوكي خلاص انا اصلاً كنت مقرره منزمان اني بيي الدوحه .. ماقدر اعيش طول حياتي وحيده جي ..

 

جعفر بفرررحه من اعمااااااااااق قلبه : خلاص يلا بنمشي بعد شوي روحي زهبي كل اغراضج ..

 

حورآ تبتسم : اوكي ..

 

 

ــــــــــــــــــــــــــــــــــــــــــــــــــــــــــــــــــــــــــــــــ

 

 

 

• الدوحهـ ..

 

• بيت بو جآسم *

 

ام جآسم : يعقققققققققوب يآ يعققققققققققققوب !

 

يعقوب فوق في غرفتهـ ينزل لهـآ وفي هالوقت يطلع بو جاسم من الـميلس ..

 

بو جاسم : شفيج تصارخين ؟

 

يعقوب وهو ينزل من ع الدري بسرعه : هلا يماه

 

ام جاسم : والله هذا ولدكـ يبي يخطب الجوهره

 

بو جآسم : انت لحينك تبيها ؟

 

يعقوب بحيآ بس يسوي نفسه عادي : إيي يبه ..

 

ام جاسم : واليوم بنروح وبنخطبها لهـ ولمآ ياخذون رآيهآ وتوآفق بتكون خطبهـ رسميهـ طبعـاً بيتيمعون الريآيلـ ..

 

يقاطعها بو جاسم : ريض ريض على هالحجي ريض ...!

 

يعقوب شو ويطيح في ابوه طق :يبببببببببببه ! شالحجي شنو ريض انا ابي املج عليها الحين .. شنو رامي احسن مني يعني ؟!! والله شوي واصير كبرك ولحين ماعرست لو اني موب ولدك جان انا اكبر منك بعد ..

 

بو جاسم ببرود : طقني .. لالالا انا ابيك تطيح فيني ظرب..

 

ام جاسم : يابو جاسم خلني اروح بعد شوي واخذ رايهآ .. والله الولد يبيها منزمان واحنا نأجل ..

 

يعقوب : أيي ! اسمع ترآ اذا ماخطبتولي الحين بنحرف ..

 

بوجآسم + ام جاسم : هههههههههههههههههههههههه

 

ــــــــــــــــــــــــــــــــــــــــــــــــــــــــــــــــــــــــــــــــ

 

• بيت العمه اسمهـ ..

 

تروح وتبخر البيت وتعدله وتكشخهـ شوي الا ويرن الجرس وتدش ام جاسم وام حمد ويكلمونها في الموضوع وحآلهـ .. المهم الجوهره ماكانت تدري عن السالفه طلعت ابـبجامتها ههههههههههههههههههه البجآمه بيضه ومرسوم عليهآ قرود ومحديين بالاخضر .. حاطهـ يدينهآ في مخآبيهـآ وماسكهـ قلآص النسكآفيهـ .. حاطهـ كحل غآآمج في عيونهـآ .. و رآفعه شعرهآ الطويييييييييييل بعظآآظهـ وطآيحه خصلات على ويههـآ ومنزله قذله ع الجنب وموديتها وره اذنها كان شكلها ايينن بس لابسه شي مو في محله ههههههههههههههههههه ..

 

الجوهره بملل : السلام عليكم ..

 

ام حمد + ام جاسم : وعليكم السلااااااااااااااااااااام ياااااااااااااااااااااااهلا ومسهلاااااااااااااااااا

 

العمه اسمه تعظ على شفايفها وتأشر على الجوهره بعيونها انها تنثبر في غرفتها ..

 

 

الجوهره : لييش ؟!!

 

لفوا ام حمد وام جاسم على العمه اسمه وتموا يطالعونها وفي ويوهم علامات استفهام

 

العمه اسمه تضحك بوهقه : ههه .. ايي نكمل ..

 

تموا ام جاسم وام حمد يتكلمون ويهذرون على كلشي و العمه اسمه تبي الجوهره تدش داخل لا تفشلهم ... اتفقوا على المهر وكلششششي .. بعدها راحوآ ..

 

العمهـ اسمه : غغغغغغغغبيه ! يايين يخطبونج تطلعين جي !!!!!

 

الجوهره انصصصصصصصصدمت وتمت تطآلع امها ججي @@ : يخطبوني انا لمنو ؟!

 

العمهـ اسمهـ : يعني حق منوو ؟!! تعالي قعدي خ اقولج السالفهـ ..

 

الجوهره اقعدت ع الكنبهـ وهي مصدومهـ : بس يمهـ انا قلت رايي من اول اني ..

 

العمه اسمهـ : حبيبتي هذا شي غلط انتي موب عقيم ولا شي ! انا كنت بفهمج السالفه بس انتي ماعطيتيني فرصه وانا ماكن عندي وقت اقولج هالشي .. انا وياج باجر بنروح وبنكلم الدكتورهـ اصلاً شلون انتي عقيم وانتي مو متزوجه ..؟!!

 

تمت الجوهره تفكر وهي مبتسمه وفرحااانه : صج يمه ؟!

 

العمه اسمه : أيي .. باجر الصبح بنروح نجوف شسالفتهـآ هذي الغبيه شلون تقولج انج عقيم وانتي حظرتج ترفظين كل الريايل عشان هالسبب .!! وانتي اصلاً مو متزوجه !

 

الجوهره : صح كلامج !

 

العمه اسمهـ بأبتسآمه : وانتي موآفقه على يعقوب ؟!

 

الجوهره اسسسسسسستحت وتمت ساكته وويهها محمر ..

 

العمهـ اسمهـ : يعني إي ..؟!

 

الجوهره بحيآ : بس مو الحين ..!

 

العمهـ اسمهـ : بس ملجهـ مثل مآسوىـآ رآمي ..

 

الجوهره ابتسمت وهي مستحيه من امهآ .

 

ــــــــــــــــــــــــــــــــــــــــــــــــــــــــــــــــــــــــــــــــ

 

• رآمي & سآرهـ في مطعم

 

رآمي بكل حب يطآلعهـآ : لحين ماتعودتي علي ؟!

 

سآرهـ : أمبلا يعني ..

 

رآمي : آآه ياسآره لو تدرين بغلاتج ..

 

سآره تبتسم بحيـآ وتحط اصبعينهآ على جبهتهـآ وتلعب في اظافر يدها الثآنيهـ

 

رآمي : أتحبيني ؟!

 

سآره : عيل ليش وافقت عليك ههههههههههههه

 

رآمي : ادري بس ابي اسمعها منج ..

 

سآره بخجل : اوكي بعدين ..

 

رآمي : لالا الحين ..

 

سآره : رآآمي عآآد .. لمآ ارد البيت ..

 

رآمي : زين شيصبرني انا ..

 

سآره : تبي ردني الحين واقولكـ .

 

رآمي : ههههههههههههههههه اردج واللهـ ..

 

سآره : من صجك ؟!

 

رآمي : اييي !

 

سآره : هههههههههههههههههههه مب صاحي انت ..

 

رآمي يقرب ويهه من ويههـآ : مب صاحي لما اجوف ويهج ..

 

سآره : هي رامي احنا في مكان عام ...

 

رآمي يبعد : عيل يلا قومي

 

قامت سآره وردت البيت .. وبالموت انطقت " أحبك " ههههههههههههههههههههه وهو صار مينون من قلب

 

 

ــــــــــــــــــــــــــــــــــــــــــــــــــــــــــــــــــــــــــــــــ

 

• في الطريق ..

• السآعهـ 9 ونص الليلـ ..

 

فلكـ وفطوم قاعدين يستهبلون ويضحكون وحورآ و جعفر سآكتين طوول الـوقت ...

 

فلك : واللهـ فطييييم اقووولج طاحت على ويههـآ من الضحك جدام الدكتور موتتنا من الضحك ..

 

فطوم : ههههههههههههههههههه الهبله عاد جان زين تضحك على شي يسوىـآ ..

 

فلك : ايي السخيفه ...

 

فلك تلف على حورآ اللي مسندهـ رآسهـآ على الدريشه وسرحآنهـ .. ماحبت تكلمها ولا تزعجها لان شكلها تعبانننه ..

 

فطوم : آه بطني قآم يعورني من هالطريق الـغـبـر .. جعفر متى نوصل ...؟

 

جعفر : ...

 

فطوم : هييي جعفــــــآآر ..

 

جعفر : هاه ..

 

فطوم : كم باقي ونوصل

 

جعفر : ساعه الا ربع

 

فطوم تطق على راسها : الله !!! .. انزينن تعاال صصصج ! ماقلتلي ليش ماخليتنا نقعد في الامارات عشان دبي لاند ..؟؟؟؟

 

جعفر تملل من اسألتهـآ : اوووووووه فططططططوم ! خلاص بقولج في البيت ..

 

فطوم : افففففففف انزين وانت شله معصب ..؟؟!

 

جعفر يطق يده ع السكان : ولا شي اسكتي بس وانا اكون بخير ..

 

حورآ انصدمت من عصبية جعفر بس سوت نفسها موب مهتمه ..

 

فلك تبطل لابهـآ .. وتقعد تطقطق ..

 

فطوم تلف لها : يستوي عندج النت ..؟ << فطوم راكبه جدام ..

 

فلك : ايي .. فلله ..

 

فطوم : شلللللللللللللللللللون @@ ..

 

فلك : انا عندي اشترآآك لمدة سنه ان يستوي عندي النت ..

 

فطوم : ففففلللللللهه ..

 

فلك : بدش المسن الحين بجوف عيآل عمآمي اون ولا لا ..

 

حورآ ( واخيراً بتنطق ) : ليش انتوآ عآدي عندكم تكلمون عيال عمامكم وجي ؟!

 

فطوم : ونطططططق الحجر هههههههههههههههههههه

 

فلك : ههههههههههههههههههههه ايي عااادي .. حتى حجاب مانتحجب عنهم ..

 

حورآ : صصصصصصصصصصصصج ؟!

 

فلك : ايي عااادي , احنا جيي مربيينا من صغرنا يعني هم بحسبة اخوانا موب شي ثاني ..

 

فطوم : مرات انا استحي والبس شيله و عبايهـ ..

 

حورآ : اهآ ...

 

فلك : فله بتحبين عيلتنآ .. كلهآ بنات وشبآب ووونااسسه

 

حورآ تبتسم .. وترد نظرهآ للـدريشه ..

 

فلك : فطططوم خلوود اوون ..

 

فطوم : الحين الغبي بيسألج منو انتي ؟!!

 

فلك : ايي غبي مايحفظ الايميلااااات وكل مره استهبل عليه وما اقدر واعترفلهـ اني فلك

 

فطوم : ههههههههههههههه عطيني عطيني ابي اكلمهـ ..

 

فلك : سوي نفسج اللي خبري خبرج ...

 

فطوم الغبيه : من لولوه !!

 

فلك تحط يدها على شفايفها المدورهـ : ياحقيرره !

 

جعفر يلف على فطوم : خالد يحب لولوه ؟!

 

فطوم : اسكت وانا اكون بخير << تردله الحركه النذله هههههههههههههههههههه

 

 

فلك : شيقوولج خآآآآلد ؟

 

فطوم : الحيوان يقولي اعرفج انتي فلك حفظت

 

فلك + حورآ : ههههههههههههههههههههههههه

 

 

ــــــــــــــــــــــــــــــــــــــــــــــــــــــــــــــــــــــــــــــــ

ــــــــــــــــــــــــــــــــــــــــــــــــــــــــــــــــــــــــــــــــ

 

 

 

• بيت بو جآسم ...

 

يعقوب : أنزييين وشصــــــــــــآآر ؟!!

 

ام جاسم : ولا شي .. حددنآ المهـر .. و يوم الملجهـ .. وبس !

 

يعقوب : وسألتيهـآ على العقم !!!!!

 

ام جاسم : أيي تقوول انسوآ هآلسآآلفه لانه هالشي غلط من المستشفىـآ و الجوهره صدقت ..

 

يعقوب : انزين وبعدين ؟!

 

ام جاسم : آآوه ذبحتني بالأسئله ولا شي ! بس الملجه عقب اسبوع ..

 

يعقوب : آآآآه الحمدلله مشكوووووووووووووووووووووووووره يمــــــــــــــــــــــــــه

 

يروح يبوس رآسهـآ ..

 

ام جاسم : واخيراً بفرح فييييييك يآوليدي ..

 

تنزل لولوه من ع الدري : سلاامن عليييكم ..

 

ام جاسم + يعقوب ( مشتط ) : وعلييييييييييييكم السلام ..

 

لولوه : شسالفه بفرح فيك وما بفرح فييك ياوليدي وضناايه و يااحبيبي ..

 

ام جاسم : بيعررررس اخووج

 

لولوه تطفر : صصصصصصصصج !

 

يعقوب : إيي .. يلا يمه انا بروح ارقد ( بسرعه يصعد الدرج وينسدح على سريرهـ )

 

لولوه : منهي هذذذذذذذذذذي !

 

ام جاسم : يعني من الجوهره ..

 

لولوه : صصصصصصصصصصصصصصصصصصصصصصصصصصصصصصصصج ؟!

 

ام جاسم :أييي ..

 

 

ــــــــــــــــــــــــــــــــــــــــــــــــــــــــــــــــــــــــــــــــ

 

وأخيراً وصلوآ الدوحهـ .. ونزلت حورآ مع فلك ..

 

 

جعفر يبطل الـدريشه : مع السلامهـ حورآ ..

 

حورآ استحت : الله يسلمك ..

 

وفطوم ماسكه ضحكتهـآ .. هي وفلكـ ..

 

المهم توهم بيدشون البيت ..

 

حورآ : فلك ..

 

فلك : اشفيج !!

 

حورآ : اخاف ..

 

فلك : من شنو !

 

حورآ : اخاف من عمي ..

 

فلك تمسكها من ذرآعهآ : ســـــــــخاااااااففففففففففففففففتج !

 

المهم دشوآ دآخل بتردد .. ودشوآ الصآلهـ الرئيسيهـ ..

 

الكل لف ع الباب كآن في الصآلهـ ( ريم & العنود & إسرآء & الجوهرهـ )

 

ريم مآسكهـ دبتهـآ : هلا هلا بـفلك ورفيجتهآ تفضلوآ ..

 

فلك : سلاااامووه

 

الكل : وعليكم السلام ..

 

العنود : عرفينآ على هالبنت الجمييلهـ ..

 

حورآ ساكتهـ وقاعده تطالعهم بعدها نزلت رآسهـآ ..

 

فلك : دشي حورآ ..

 

رآحوآ واقعدوآ ع الكنبآت معآهم ويآت الخدامه وشالت الشنط وودتهم غرفة فلك ورتبت كلشي ..

 

فلك : اممممم .. هذي مو رفيجتي وبس ..

 

الجوهره : هذي اختي وحبيبتي .. نعرف سوالفكم انزين ؟

 

اسرآء : هههههههههههههههههههههههههه ..

 

فلك : لا .. هذي بنت عمنآ ..

 

ريم عاقده حوآجبهـآ :شلون يعني بنت عم ابوج وابوي ولا شسالفهـ ؟!!

 

فلك : لا .. بنت عمنا بنت عمنآ ..بنت اخو ابوي ..

 

العنود : ههههههههه يلا عاد عن الهررج ..

 

قآلت لهم فلك السالفه كللللللللللها و حورآ مستحيه وطول الوقت ساكتهـ ..

 

البنات انصصصصصصصصصصصصدموا في البدايه ماصدقوا بس بعدين تقبلوآ الفكره وسلموا عليها وتمو يسولفون مع بعض وشوي شوي طاحت الميآآنه بيينهم .. ورآحوآ فوق غرفة فلك .. وشغلوآ اغاني ويابو اكل وحاله .. الكل مستخف دم حورآ كانت سوالفها حدهااااااا عجيبه ههههههههههههههههههه ..

 

ــــــــــــــــــــــــــــــــــــــــــــــــــــــــــــــــــــــــــــــــ

 

اليوم الثآني .. الكل رآآح لدوآآمآآتهـ .. إلآ فلك قاعدهـ مع حورآ .. نزلوآ تحت عشآن يتفطرون .. انصدمت حورآ بوجود " بو حمد " هي اعرفته لان ريآآل عوود ويبين عليه ان ابو فلك .. توهقت واهمست لفلك : فللووك اكآآ عمي ..

 

فلك : إي .. بس انا بقولج انج رفيجتي مابي اقوله السالفه من صبآآح الله خير ..

 

حورآ : أي أي زين اتسوين .. بس صبري بروح البس عباتي وشيلتي عشآن مآيقول رفيجت بنتي قليلة ادب

 

فلك : إي إي بسررعه ..

 

رآحت حورآ فوق ولبست عبآتهآ الحرير اللي فيهآ كرستآلآت عند اطرآف الكموم .. ولفت شيلتهـآ ..

 

فلك : هلا يبهـ صبآح الخير ..

 

بو حمد ابتسم : صباح النور ..

 

حورآ تنزل من ع الدري : السلام عليكم ,

 

بو حمد : هلا وعليكم السلام ؟!!

 

فلك : يبه هذي رفيجتي نآيمه عندي امس ..

 

بو حمد يبتسم : حيآج يابنيتي ..

 

حست حورآ بالحنان يوم سمعت " يابنيتي " من بو حمد .. وحسته ابووهـآ مو عمهـ ابتسمت وهي تطالعهـ بعدهـآ قعدت ع الكرسي يم فلكـ ..

 

قام بو حمد على طولهـ : يلا انا رايح اجيكـ على اوضآع الشركهـ

 

فلك : أوكي يبـه .. مع السلامهـ

 

طلع بو حمد من البيت ..

 

حورآ : ايييييييييييييييينن عمييييييييييييييييي

 

فلك : ههههههههههههههههههههههه

 

حورآ : تعالي شركة شنو ؟!

 

فلك : شركة عمآمي كلهم .. ولا عم فيهم يشتغل بس عيال عمامي وبنات عمامي وعماتي كششششششخه حدهآ كشخه .. انا لما اخلص جامعتي بشتغل فيهـآ ..

 

حورآ : صج فله .. انزين .. الحين لما تخلصين فطورج وين بتروحين ؟!

 

فلك : اليوم انا ماعندي جامعهـ .. بروح معاج فيلاجييوو .. نتمشى وناكل ..

 

حورآ تبتسم : ايي وبالمره بعد ابي اشتري فستان حق عرس العنود ..

 

فلك : ايي .. بعدين تبين نمر الشركه ونروح نستهبل عليهم ؟!

 

حورآ : اي اي ههههههههههههههههههههههه

 

 

 

ــــــــــــــــــــــــــــــــــــــــــــــــــــــــــــــــــــــــــــــــ

 

• جامعة فرجينيـآ ..

 

 

• جآمــ ع ـــة فرجينيـآ ..

• السآعهـ 10 ونص ..

 

اثنآء المحآظرهـ فطومـ تسولف مع رفيجتهـآ " شجون " .. !!

 

فطوم : هيي شجوننووهـ

 

شجون : وقسم بالله الدكتوره بتلعن خيري وخيرج .. سكتي ولا تفشلينا جدام الشباب

 

فطوم : بس بقولج هالسالفه بعدين سمعيهاا ..

 

شجون : افففففففففففف قولي .

 

الدكتورهـ : فـآآطـــــــــــــــمه !!

 

فطوم : هلا والله دكتوورهـ ..

 

الدكتورهـ تصآآرخ : دي مش مدرسه .. عايزه تتكلمي اخرجي برآ انا مش عارفه ئئول محاضرتي وانتي بتتوشوششششي مع زميلتيك ..

 

"" الفشيله ان الكل يطآلع فطوم ""

 

فطوم بأرتباك : لآ خلاأص ..

 

• عقب المحاظرهـ

 

تطلع فطوم ومعآهآ شجون

 

شجون : زين جي فشلتينا مع الويييييييي

 

فطوم : ههههههههههههههه والله انا اللي اتفشلت موب انتي ..

 

شجون : اقوول فطوومووه .. ليش ماتصيرين معاي في السكن الجامعي ..

 

فطوم : نعم @@ اكون معاج ! ليش انا ماعندي بيت يعني ؟

 

شجون : بلا بيااخه .. بيتكم بعييد كليوم بتطقين مشوار لـ بيتكم !!

 

فطوم : والله كلامج صح ! بس انا ما ادري !! بشآور هلي وبجوف ..

 

شجون تصفق : ونااسه لو بتصيرين معاي بنكون في نفس الغرفه يسسس !

 

فطوم : لا تتأملين واايد ترى ابوي متشدد يمكن مايرضى ..

 

شجون : لالا انشالله يرضى

 

فطوم : زين اباخذ اغراضي من اللوكر وبتصل في جعفر ولا شسمه هذا رامي .. اييبوني .. وطبعـاً بتيين معاي ..

 

شجون : لااااااااااااااااااااا والله ؟!!

 

فطوم : ايي والله !!

 

شجون : اتخسين والله انا استحي .. بعدين عييب يعني !

 

فطوم : بتيين وريلج فوق رقبتج انا قلت حق امي اني بعزمج ع الشسمونه الـغدى وقالت اوكي .. يعني حسبانج !

 

شجون : بـس ولو يعني انآ ....

 

تقاطعها فطوم : جب ولا كلمه .. لاني بعزم فلك بعد وبتتعرفون على بعض

 

شجون " هاجت " : حلففففففففففففففففففففففي !!!!!!!! انا سبق وقلتلج ان فلك اكثر وحده استحي منها في عيلتكم تنجلعين ..

 

فطوم : افففففففففففففففففففففففف !! بروح اجوف لوكري احسن من مقابل ويهج ..

 

تروح فطوم وتبطل اللوكر وهي مكشره انصدمت بوجود رساله ملفلفه بـشريطه حمره ويمها هديهـ مكعبه ومجلدهـ بترتيب .. اعقدت حواجبها و خذت شنطتها و مفاتيحها واغراضها بعدهآ تمت تطالع في الرساله وتقلبها على اساس تجوف اسم ولا شي ..!! لاكن مو مكتوب شي قالت اكيد مكتوب داخل الرساله .. بطلت الشريطه بعدها افتحت الرساله ..

 

[[ يـآليـت ان الهـدآيـآ تعبـر عن جزء بسيط من حبي وإعجآبي ..

 

المرســلـ المعـجب السـري ~]]

 

افتحت عيونها ع الآآآآآآخر !! من الصدمهـ .. واضحكت بأستهـزآء ..

 

فطوم تنادي : شجوووووووووونووووووووووووووووه

 

شجون : صبري اشوي .. ايي عفووف ..

 

عفاف : اقولج طاح فيها ظـــــــــــــــــرب ! تقولين جنها مرتبكه جريمه !

 

شجون : ههههههههههههههههههههه

 

فطوم تروح لهم : بسكم من حركات اليهال هذي .. شجونوه اخذي هديتج ورسالتج وانجلعي عن ويهي ترى مالي خلق !

 

شجون : اي هديه ؟؟!!!!

 

فطوم : يلا عاد بلا تغيشم .. ومشكووره بس انا موب ماخذتها

 

عفاف تحط يدها على شفايفها وتضحك : ههههههههههههههههههههه خبله وربيي

 

شجون : هيي شفييج ! اي رساله واي هديه ؟!! تستعبطين ؟؟

 

فطوم تمسكها من ذراعها : تعالي جوفي ..

 

يروحون صوب اللوكر وتطلع فطوم الهديه والرساله : هاه ؟

 

شجون : اشدخل هذي موب مني والله !

 

فطوم : لاا تقولين شجونوه !!!!!!!!!!!!!

 

شجون : والله انها مب مني !!!!!!!!!!!!!!!!!!!

 

عفاف :شسالفتكم ؟

 

فطوم : مادري بطلت اللوكر جفت هالرساله وهالهديه !

 

شجون تاخذ الرساله وتقرآهآ وتفطس من الضحك : ههههههههههههههههههههههههههههههههههههههههههه قال معجب سري قال ههههههههههههههههههههههههههههههههههههههههههههههههههههههههههه

 

عفاف تروح عند الرساله وتم تقراها : ههههههههههههههههههههههههههههههههههههههههههههههههههههه

 

فطوم : سخافتكم ادري ان انتو ..

 

عفآف + شجون : والله مب انا !!!!!!!!!!!!!!!

 

فطوم : عيل اكيد حركات الشباب الغبيه .. المهم انا بخلي الهديه ولا مبطلتها ..

 

شجون تمسك الهديه وتوها بتبطلها .. فطوم : هيييييييييييييييي لا لا لا

 

تمسك الهديه وتدخلها في اللوكر هي والرساله وتسكر باب الخزانه بسررررعه وتتسند عليه : لا يعني لا

 

عفاف و شجون يطالعونها بصدمه

 

 

شجون : هههههههههههههههههههههههههههههه جفتيها شلون تخرعت !

 

عفاف : هههههههههههههههههههههههههههههه والله مصدقه روحج انتي يافطيم

 

فطوم : مب على بس انا ابي اعرف من صاحب هالهديه عشان اردها له ..

 

ــــــــــــــــــــــــــــــــــــــــــــــــــــــــــــــــــــــــــــــــ

ــــــــــــــــــــــــــــــــــــــــــــــــــــــــــــــــــــــــــــــــ

[كيفي متسببه]

شووووووووووووووكرن فديييييييييتج وااااااااايد رووووعه البااارت والاحلى اني اول وحده قريته لوووووووووول P:

[كيفي متسببه]

شووووووووووووووكرن فديييييييييتج وااااااااايد رووووعه البااارت والاحلى اني اول وحده قريته لوووووووووول P:

[M!$$ MeMO]

حلوو البااارت

 

 

بس قصير =(

 

 

يعطيج العافية

 

 

[ذكرى !]

يسلموووو حبيبتي ع الباارت الكشووخي

 

وننتظر الباارت اليااي

 

ذكرى!

[المــلاكــ الحــزينــ]

فدديتج تسلمين على هالباارت

 

يعطيج ربي الف الف عاافيه

 

منتظررين الباارت بس لااطوولين

 

تحيااتي

[m!ss M]

يسلمووووووووو ع البارت الرووووعه

[شاربه ديتول]

^^ يعطيكم العآفيهـ ,

[ابـي حـبـكـ مـعـيـ يـكـبـر]

سلمت يددداكـ

انمتضر البارت الجاي

[هويتـ حبكـ..]

مشكووووووووووووره اختي ع البارت الاربعيييييييين

والحمد لله خلصت من القصصصصصصصصصصه

>>احس براحه نفسيه وقف مايشارك عشان بس يخلق منها والحين البارتات الجديده بسرعه اخلص منهاخخخخخخ

بس شكلك تحبييين الثوب الاماراتي لنه اذا احد كشخ قلتي لبس ثوب امارتي

حرام ترى حتى القطري والكويتي حلوووووين بس بعد اضافات بعض التعديلات على الكويتي خخخخخ

>>ادري طووولت بس لازم اكتب لني تعبت وانا اقرا يالله برب