لنا Posted يوليو 31, 2008 Report Share Posted يوليو 31, 2008 قرات الموضوع جاني من واحد مكاوي وعجبني انو لكل اكلة مناسبة خاصة وحبيت اوريكم هيا . طيب يا سيدي انت وهو والكلام للجميع>> الأكلات المكية ترتبط بعادات ومناسبات يعني كل اكلة ولها مناسبة زي أيش ؟؟؟>> هيا خدو عندكم ....>> الرز بحمبص والسقط والمعرق أو المختوم والششني هادي الأكلات خاصة بالعزا وزيادة في التوضيح> اليوم الأول والتاني والتالت يطبخو الرز البحمبص واليوم التالت اللي يسموه قطع العزا يسوو الششني والمعرق والمختوم والسقط>> الكابلي أو الزربيان والسمبوسك والطورمبة هادي يسووها وقت المناسبات والأفراح للرجال> أما الحريم يجيبولهم الميز طبعا زمان أول مافي لا ميز ولا يحزنون ياكلو من نفس أكل الرجال بس يسوو قليل بريك او بف بالجبنة والا باللحمة شغل بيتي يعني واللي تعرف تسوي كيك بالبرتكان او الموز تسوي صينية علشان يحلو بيها> بعدين جانا الميز والشغلات الجديدة هادي>>> المعدوس ( الرز عدس ) هادا يسووه المكاكوة يوم الغيم والمطر ومعاه روبيان مكشن بالقوطة والبصل والفلفل الأخضر وزلطة حمر> وكيف لو كنا ساكنين في بلاد الخواجات على كدة كل يوم معدوس ألين البطن تسير زي الطبلة>> الملوخية الخضرا هادي تتعمل في اليوم الأول من السنة الهجرية الجديدة على الغدا من باب التفائل إنو ربنا يجعلها سنة خضرا وخير للجميع>> الحليب أبو الهيل هادا برضو كمانة ينشرب في صبحية أول يوم في السنة الهجرية الجديدة>> السليق هادا يسووه في المناسبات لمن يكون الجو باااااااااااااااااارد>> الدبيازة معروفة على ما أعتقد للجميع يسووها للفطور أول يوم العيد>> المعمول والغريبة يسووها في أيام الحج>> السمك مايتاكل إلا في الشعبنة علشان في رمضان> الناس ماتاكل السمك بس هيا كدة عادة> شعبنة يعني اضرب سمك وصيادية>> عشرة عاشورا ( 10 محرم ) رز زربيان الحلو> وزلطة لبن أبو الفلفل>> السحلب يسووه في الأيام الباردة علشان يلم العضم ويدفي الجتة بالزات لو فيلو شوية جنزبيل>> القهوة الملوزة (الحلوة) اللي يحطولها لوز بجلي مهروش طبعا هادي وقت البزورة ما ينجحو والا يسقطو يسوولهم هيا قيد ماتفرق> لو البيت فيلو خمسة بزورة ناجحين وتلاتة صاقطين رايحين يلغو القهوة الملوزة>> وغير أكلات رمضان الخشاف والماسية ومكارنة باللبن إزا تعرفوها والقطايف هادي ياكلوها من السنة للسنة>> المجلب ( مجموعة أعشاب مخلوطة عن العطارين ) زماااااان ويمكن دحين مافي حرمة تنفس وتولد إلا يصنجوها مغراف مجلب علشان يكرت وصخ البطن والولادة وينضفها>> الزلابية واللقيمات ( اللنقطة ) أول ما ينقال اسمها نتزكر العيد والفطور حق العيد>>> السلالي والمقلقل واللحم نفتكر على طول عيد الحج يندبح الطلي ومايبقى شي منو تبارك الرحمن> كل شي يتاكل فيه حتى الرجول يسوو بيها مقادم والمفاصل نلعب بيها كبوش والفروه يفرشوه على عتبة البيت زي الدعاسات دحين والديل نشوح البزورة بيه زي البواكير> ههههههههههههه>> زي ماشفتو الأكلات اللي قلنا عليها لها مناسبة أو وقت معينه تتاكل فيها> مع انو يمدينا ناكلها طووووووووووول السنة مو مشكلة ويمكن كتير ناس هجروا> وفلتو تباتيك زمااان الا مارحم الله بس هيا زي ماتقولوا شغلة تعود>> وعلى قولة المثل الله لايقطع العادة إلا بسلااامة>> Quote Link to comment Share on other sites More sharing options...
أنس الجهني Posted يوليو 31, 2008 Report Share Posted يوليو 31, 2008 مشكوووووووور أختي لنا بس سويتي جرم عظييييييييييم نسيتي حلو الهريسة الي لونها بني وبالسمن وعليها لوز وكمان نسيتي حلاوة لدو Quote Link to comment Share on other sites More sharing options...
جدس البأس Posted يوليو 31, 2008 Report Share Posted يوليو 31, 2008 عليهم بالعافية .. شكراً على الموضوع .. , Quote Link to comment Share on other sites More sharing options...
لنا Posted يوليو 31, 2008 Author Report Share Posted يوليو 31, 2008 انس الجهني اشكرك على المرور ولكن انا لم انساها بل لا اعرف مناسبتها احنا عندنا يجيبوها في الشعبنة على ما اعتقد بس المكاوية الله اعلم اسال واردلكم هههههههه جدس البأس اسعدتني بمرورك العطر بعد طول غياب Quote Link to comment Share on other sites More sharing options...
أنس الجهني Posted يوليو 31, 2008 Report Share Posted يوليو 31, 2008 أنا ما أمر على المواضيع يا أختي لنا أنا أقر وأنتقد وأضع ردودي وإذا تبين المناسبة أعتقد أنها توضع في الأعياد Quote Link to comment Share on other sites More sharing options...
عاشقة الجمال Posted أغسطس 3, 2008 Report Share Posted أغسطس 3, 2008 يسلموو على الموضوع اللزيز شهيتينا بالسليق و الدبيازه انا بحب كتير الدبيازه وكانت ليا صديقة الله يذكرها بالخير كانت تجيبلي إياها .. والله ما نسيت طعمها من لذتها .. اما السليق انا بسويه رائع جداً .. يلا تقضلي عندي اسويلك إياه .. تحياتي حبيبتي .. Quote Link to comment Share on other sites More sharing options...
لنا Posted أغسطس 16, 2008 Author Report Share Posted أغسطس 16, 2008 عاشقة الجمال اسعدني مرورك العطر خلاص اكيد بمر عليك ههه Quote Link to comment Share on other sites More sharing options...
عاشقة الجمال Posted أغسطس 16, 2008 Report Share Posted أغسطس 16, 2008 عاشقة الجمال اسعدني مرورك العطر خلاص اكيد بمر عليك ههه اهلا وسهلا فيك بس قوليلي فين هالغيبه افتقدتك كتير عسى ما شر .. يلا ياستي الحمد لله على السلامة .. بس بصراحه ليك وحشه Quote Link to comment Share on other sites More sharing options...
لنا Posted أغسطس 16, 2008 Author Report Share Posted أغسطس 16, 2008 تسلمي عاشقة الله يسلمك وانا مشتاقتلكم اكتر ولكلامكم وقعدتكم الي ماتنمل كنت في جدة (جدة غير )ههه شكرا لسؤالك ياعمري والله اول مارجعت دخلت والمنتدى مو راضي يشتغل شكلوا خلل فني قهرني مرةة Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.