بنووتة كووول Posted أغسطس 20, 2008 Report Share Posted أغسطس 20, 2008 (edited) [/size] السلام عليكم ورحمة الله وبركاته شخباركم ان شاء الله بخير هـآي اول قصة اكتبها وان شاء الله تعجبكم اذا عجبتكم راح اكملها ان شاء الله البارت الاول الشخصيات: عائلة بو محمد تتكون من عبدالله(بومحمد): الابو وعمره في الخمسينات ولكن مايبين عليه لانه كله كاشخ ومحترم وطيب ومثقف ويشتغل مدير بشركة للعائلة. فاطمة ( أم محمد): الام وعمرها في الخمسينات بعد لكن اصغر من ابو محمد ب 3 سنوات طيبة وحنونة ومثقفة ونفس الشي مايبين عليها انها كبيرة وكله كاشخة وعندها ذوق روعة .. تشتغل سكرتيرة في بنك. عندهم 3 صبيان وبنية وحدة محمد: الولد العود عمره 27 سنة متزوج من نورة وعندهم بنت اسمها ملاك عمرها 7 سنوات و ولد اسمه جاسم عمره سنة .. محمد يحب يتغشمر ويمزح وايد ووسيم وجسمه حلو ويشتغل دكتور تعرف على زوجته وحبوا بعض اثناء دراستهم في فرنسا(زوجته بعد دكتورة) يعيشون في فيلا حلوة بروحهم وعلى قدهم .. أحمد: عمره 22 سنة يشتغل في الشركة مع ابوه .. ولد يحب النت والهياتة وكلشي عنده فري في حياته وكل يوم لازم يتأخر على شغله ويحصل زفة محترمة من أبوه ولكنه مسكين وعلى نياته. حسين: عمره 20 سنة يدرس بالجامعة هندسة .. ولد شاطر وذكي ووايد مهتم بدراسته ومايحب يطلع ويهيت وايد الا في الويكند عكس اخوه احمد اللي كل يوم هايت .. ويتسم بخجله و وسامته. وآخر العنقود هي سارة عمرها 17 سنة اخر سنة بالثنوي (توجيهي) .. هالبنت امها وابوها يحبونها وايد لو تبي عيونهم عطوها بدون تردد .. مدلعه وايد واخوانها بعد يحبونها ويدلعونها وكلشي تطلبه تحصله .. سارة بنت جميلة طالعة على امها طولها حلو .. جسمها رشيق .. شعرها طويل بني فاتح وناعم .. عيونها كبار لونهم بني فاتح .. ورموشها تسحر الناظر..وبيضة ..كانت وايد ناعمة ورقيقة وحبوبة واجتماعية وتحس في عيونها البراءة والنقاء محترمة وايد ومدرساتها يحبونها ويمدحون فيها لانها من المتفوقات و عندها صديقات وايد .. في فجر احد الايام ومع اذان الفجر ابتدى يوم جديد رن المنبه في غرفة ابو محمد وام محمد صك ابو محمد المنبه ودار يطالع زوجته لقاها صاحية ابو محمد : صباح الخير ام محمد وهي تبتسم : صباح النور وراح ابو محمد الحمام يغسل ويهه ويتوضأ للصلاة وام محمد في هالاثناء قعدت ترتب السرير .. وكان الكل في البيت نايم لان تو الفجر يعني تو الناس بالنسبة لهم .. حسين يقوم بروحه لكن احمد و سارة لازم امهم تصحيهم .. راحت الام عقب صلاة الفجر وعقب ماتسبحت وتجهزت للشغل عالساعة 6 تقعد العيال .. أول شي راحت حق سارة بطلت الباب بهدوء و راحت صوب سارة و مسحت على راسها بحنان وقالت لها: الام: حبيبتي سارة يلا قومي عشان تروحين المدرسة .. سارة بدلع: ماما خليني انام شوي بس خمس دقايق الام: مايصير بتتأخرين يلا يا روح امج قومي .. قامت سارة وهي تتمغط وتقول : ان شاء الله ماما وباست امها على راسها وراحت تغسل ويهها وتتجهز للمدرسة راحت الام على غرفة الولد الامبالي أحمد ودشت غرفته وريحتها كله سجاير كله يدخن بحجرته مع انه عنده بلكونة .. ام محمد: اووف شهالحالة لي متى بيتم هالصبي جذي ! يلا احمد قوم يمة لا تتأخر على الشغل وتسوي لنا سالفة ويا ابوك يلا قوم .. احمد: ...... لا حياة لمن تنادي ناايم في سابع نومة الام المسكينة تعبت وهي تصحيه لكن مافي فايدة قالت خله ابوه يتصرف معاه واحمد مايقوم عادته هلون لان يسهر عالنت كل ليلة او يكون طالع مع ربعه.. في غرفة سارة الوردية طلعت سارة من الحمام عقب ماخذت شاور سريع صلت ولبست مريولها الكحلي ومشطت شعرها ولفته ولبست شيلة سوده وحطت شوي كحل وحملت شنطتها الناعمة ونزلت تحت تتريق ويا بيتهم.. كانو ام محمد وابو محمد قاعدين على طاولة الطعام يتريقون والا بنزلة سارة سارة : صباح الخير وراحت باست ابوها على راسه ابو محمد : صباح النور .. هلا ببنيتي الغالية ام محمد: سارة حبيبتي قعدي تريقي سارة : مب مشتهية بس بشرب كوبة شاي عن خاطرج ام محمد : بالعافية قلبي بس لا تنسين ريوقج اللي حق المدرسة واخذي مصروفج من شنطتي سارة : ان شاء الله ماما حسين نزل عقب سارة وقال وهو يبتسم : صباح الخير جميعا الكل يرد: صباح النور وقعدوا يتريقون كلهم مع بعض الا احمد ابو محمد: وين احمد ؟! ام محمد : قعدته لكن ماقام تعبت مع هالصبي الكسلان ابو محمد بصوت عالي شوي : لي متى هالسهر والصياعة!! جوفي لج حل مع ولدج اخرتها بفتشه وبخليه يدور من مكان لمكان يدور شغل عشان يحس بالمسؤولية شوي.. ام محمد تهدي بو محمد: يا بو محمد هدي اعصابك ماله داعي العصبية من صباح الله خير .. اصبر عليه توه شباب وكل الشباب هلون وعقب يعقلون .. ابو محمد : اكا حسين شحلاته ماجوفه يسوي هلون .. هذا صايع لكن الغلط منا دلعناه زيادة عن اللزوم.. حسين متشقق: فديتني يمدحوني هههههه الكل يضحك عليه : ههههههههههه سارة بدلع : بابا وانا؟ ابو محمد : انتي بنية مافي مثلج الله يخليج لي سارة استحت: احم احم ابو محمد يبتسم ويقول : يلا حبيبتي سارة قومي اوصلج المدرسة بطريجي .. سارة : ان شاءالله اكاني ياية ابو محمد من عند الباب : فاطمة قعدي هالخبل قبل لا اصدر ورقة طرده من الشغل ام محمد : ان شاءالله ان شاءالله ابو محمد : مع السلامة ام محمد و حسين : الله يسلمك سارة : يالله باااي ام محمد وحسين : بايات وراحت سارة مع ابوها حسين : يلا يمة انا بعد ماشي مع السلامة ام محمد: في امان الله وحفظه الله يرعاك الكل تيسر في طريجه وراحت ام محمد على طول غرفة احمد وهي معصبة وطفشانة منه ام محمد : يلا قوووووووم احمدوووو لا اكت عليك ماي بارد اخليك ترجف من البرد مصختها عاد انت عندك شغل مو لعبة ويقولك ابوك اذا تاخرت اليوم بعد بيفنشك احمد وكشته كشة : زين زين اكو قمت قام وجهز روحه بسرعة وضرب سلف وراح الشغل بسرعة ام محمد راحت الشغل بعد وصار البيت فاضي مافي الا الشغالة تنظف وتطبخ وتغسل يلا ابي رايكم اكمل ولالا تعبت حدي وانا اكتب لا تخيبون املي Edited أغسطس 20, 2008 by بنووتة كووول Quote Link to comment Share on other sites More sharing options...
ام فدك Posted أغسطس 20, 2008 Report Share Posted أغسطس 20, 2008 يسلمووو ع القصه الروعه كملي حبيبتي انه في انتظار البارت لا تتأخرين تحياتي لج Quote Link to comment Share on other sites More sharing options...
ريم المحرق Posted أغسطس 20, 2008 Report Share Posted أغسطس 20, 2008 حلووووووووووووووووووووووة / تسلمين بانتظارررررر البقية Quote Link to comment Share on other sites More sharing options...
بنووتة كووول Posted أغسطس 20, 2008 Author Report Share Posted أغسطس 20, 2008 (edited) تسلمين اختي ام فدك بما انه البار الثاني جاهز بنزله البارت الثاني في بيت محمد من الصبح ملاك تصيح ماتبي تروح المدرسة .. الظاهر طالعة على عمها احمد هههههه محمد : ملاك يلا بسرعة خلي ماما تجهزج عشان اوصلج ملاك: اوف كل يوم مدرسة كل يوم مدرسة متى بفتك من هالمدرسة نورة: حبيبتي في المدرسة بتستانسين مع صديقاتج ومدرساتج اللي تحبينهم ملاك وهي مبرطمة: انزين نورة خلصت من تجهيز ملاك و خلت لها ريوقها بشنطة الاكل نورة: يلا حبيبي ملاك جاهزة محمد : اوكي يلا مع السلامة وباسها على خدها نورة: الله يسلمك .. ملاك لا تصيرين شيطانة في المدرسة اوكي عمري ملاك : انا مو شيطانة انا حليوة نورة : عفية على بنتي الشاطرة ملاك: باي ماما وهي تسوي بوسه في الهوى لامها وراحت مع ابوها نورة : باي قلبي حملت نوره جسووم واغراضه المسكين نايم بس لازم تودي بيت امها لان محد بالبيت معاه .. وراحت الشغل بعد ماوصت امها عليه في مدرسة سارة وصلت سارة المدرسة ابو محمد :يلا تحملي بروحج وركزي في دراستج ابي اجوف صورتج في الجريدة هالسنة سارة: ان شاءالله .. يلا مع السلامة ابو محمد : الله يسلمج وهي تتمشى صوب الباب مال المدرسة جافت رفيجتها الروح بالروح زهرة سارة : هاي زهوور .. شخبارج؟ زهرة: اوكي تمام .. انتي شلونج؟ سارة : وردية .. ههههههه زهرة : هههههه تخيففين من الصبح.. الا بسالج درستي حق اختبار الفيز؟ سارة : ايي درست وانتي؟ زهرة : انا درست بس الصراحة مافهمت شي فهيني جم مسالة سارة : ولا يهمج لين وصلنا اصف بفهمج والله سهل بس يبيله تركيز زهرة : اوكي فديتج و تمو يتمشون لين ماوصلو الصف ودشو مع بعض وقالو : السلااام البنات : عليكم السلام حطو شنطهم وقعدو مع ربعهم يسولفون هم 5 بنات صديقات عدل لكن اقرب وحدة لسارة هي زهرة لان تعرفها من الاعدادي لكن الباقي تعرفت عليهم من اول ثنوي هيفاء: ساروو غششيني في امتحان الفيز سارة : ههههه لا يبة اخاف يصيدوني هيفاء: افاا ترديني سارة قالت : على حسب الوضع اذا كان آمن بغششج زهرة : اي صج مافهمتيني المسائل ولا الجرس يطق سارة : اكو طق الجرس خل ننزل الطابور وعقب بفهمج لان الحصة الثالثة عندنا زهرة : اوكي اما نور و امينة كله ايون متاخرين لانهم في نفس الباص نزلو كلهم الطابور سارة: افف شمس وحررر لاعت جبدي زهرة: اي والله لوعو جبدنا يوقفونا دهر في هالشمس مايراعون احساس البنات الرقيقات هيفاء : هههههههه عدال نانسي عجرم زهرة : وع انا احلى منها المعلمة : بس يا بنات الطابور بيبتدي مابي اسمع مع ولا صوت هيفاء بصون خفيف: بح صوتج ان شاءالله سارة : اشش لا تسمعج وبدا الطابور في شركة ابو محمد وصل احمد متأخر ربع ساعة وراح مكتبه على طول وفتح الكمبيوتر و طلب له كوفي وتم يشتغل شوي ويسولف بالمسنجر شوي ولا بدشه ابو محمد عليه احمد على طول بند المسنجر وسوا روحه يشتغل ورقع راسه و بصوت مرتبك: صــ..صـ.صباح الخير يبة ابو محمد: اي صباح خير وياك .. انت تغث اللي ماينغث .. انت علمني بس متى بتصير عافل مثل الرياييل بتظل طول عمرك جذي ؟ متى تتزوج وتفكنا يمكن تعقل شوي ! أحمد : انا اسفة يبة .. آخر مرة ابو محمد : كل مرة تقول اسف واخر مرة ولا اجوف اي تغيير احمد يقول في قلبه : لاعت جبدي من هالمحاظرات اليومية بو محمد: يلا جوف شغلك أحمد: ان شاء الله طلع بو محمد ولا احمد يقول : اففف اشوة ماصرخ علي وفشلني يعاملني جني ياهل كل اخواني يحترمهم الا انا !! لا يكوون متبنيني وانا مادري لكن انا لازم اتزوج واستقل بحياتي مثل محمد .. اليوم بكلم امي في الموضوع في مدرسة سارة الساعة 10 ونص طق جرس الفسحة سارة : الاختبار كان سهل شسويتي زهرة؟ زهرة : نص ونص هيفاء: صعبببببب وانتي ماتغششين سارو لكن ماعليه سارة: شاسوي كانت المعلمة تطالعني هيفاء: انزين يلا قومو ننزل تحت نور: بنات انا وامينة بنروح الحمام وعقب بنييكم البنات: اوكي الربع هذلين وايد صداقتهم قوية ووكله ويا بعض في الفرح والحزن و في الفسحة يقعدون بمكان محدد يسولفون وياكلون والكل حااسدهم على صداقتهم القوية وهم متعودين بين كل فترة وفترة يسوون عزيمة ببيت وحدة من البنات ويتيمعون كلهم او يطلعون مع بعض يروحون مطعم او مجمع او سينما (الله يخليهم لبعض) صارت الظهر الساعة 1 ونص طق جرس الهدة وكل البنات طلعو من المدرسة عشان يروحون بيوتهم .. وقفت سارة عند الباب تنتظر ابوها يمر عليها .. وعند المدرسة كله يمرون صبيان يغازلون وبنات وايد يتجاوبون وياهم لكن سارة ماتعطيهم اي اهتمام لانها واعية و تفكر بعقلها وتخاف ان ينقص عليها مثل باقي البنات من جذي ماتبي تكلم اي صبي وماتبي تخون ثقة اهلها فيها. وصل ابوها وركبت معاه وويها صاير احمررر من الشمس سارة وهي ميتة من الحر: السلام عليكم ابو محمد :عليكم السلام .. آسف يا بنتي تأخرت عليج بس والله الشوارع زحمة .. جوفي ويهج شلون أحمر هاج شربي ماي بردي على قلبج سارة: مشكور بابا وشربت الماي البارد وبردت على قلبها بعد هالحرارة وصلوا البيت ولا ام محمد واصلة معاهم دخلو البيت مع بعض و ركبو يبدون ثيابهم ويصلون الظهر على ما ايون حسين واحمد عشان يتغدون مع بعض الساعة 2 ونص كان الكل متواجد على طاولة الطعام ام محمد: يلا سمو بسم الله الكل: بسم الله وتموا يتغدون ويسولفون (بالعافية عليكم) أحمد في باله يبي يكلم امه عن سالفة الخطبة لكن مايبي يتحجى جدام احد عقب الغدا ابو محمد راح يرتاح شوي بغرفته وأحمد وحسين وسارة وامهم يطالعون التلفزيون في الصالة سارة: حسين جوف ذي الممثلة تلوع الجبد شمسوية بعمرها احد ينفخ براطمه هلون ههههههههههه حسين: هههههههه الحمدالله والشكر قبل العملية كانت احلى بوايد مادري من اللي قاص عليها وقايل لها ان جذي هي حلوة والله جنه قروص قاصها ببراطمها سارة: هههههههههه ام محمد: بس بسكم عاد تعليقات على البنية كل واحد وحر في نفسه وهي تضحك هههههههه واحمد مو معاهم يفكر في سالفة الخطوبة احمد: يــمة ام محمد: قول حبيبي احمد: ابي اكلمج بموضوع على انفراد سارة: يعني طردة! حسين : انا اوردي بقوم انام شو عشان اذاكر يلا خذوا راحتكم وانتي يالملقوفة(يأشر على سارة) قومي وخليهم براحتهم سارة: انا ملقووووووفة؟ لكن ماعليه صبر انا ااراويك حسين: ههههه امزح وياج وراح غرفته سارة: انا بعد عيل بقوم اروح غرفتي قبل لا انطرد احمد: احسن شي تسوينه لان ابي اتكلم انا وامي براحتنا سارة : انزين انا رايحة ام محمد : يلا احين مافي الا انا وانت قول شهالسالفة اللي ماتبي احد يعرفها غيري؟ احمد: يـمة انا ..! ام محمد: إيه .. شنو؟ احمد: يعني انا تعرفين كبرت وجذي وانتو كله تقولون انا عديم مسؤولية و كسلان وماهتم بشي فقررت بشي يمكن ان يعدل وضعي ويخليني مستقر ام محمد: شنو؟ احمد: ابي اخطب .. وهو مستحي مع ان مايليق عليه الخجل ام محمد وهي مستانسة : وي صج كلووووووولوش احمد: اششش لا تفضحينا ام محمد:مردهم بيعرفون .. اخييرا قلت هالكلمة اللي كنت اتمناها من زمان والله يا وليدي احسن قرار تاخذه وهاي الشي وايد بيفيدك وبيخلي حياتك مستقرة و منظمة احمد: ان شاء الله ام محمد: بس من هذي اللي تبي تخطبها؟ شسمها؟ ومن بيت من؟ وجم عمرها ؟ وو... احمد: لحظة لحظة .. يمة شفيج انا ماقلت لج احب وحدة وابيها الله يهداج.. ابيج انتي تخطبين لي وحدة سنعة ام محمد : هههههههه اها جذي يعني عبالي في بالك وحدة لان الصبيان هالزمن كله يتزوجون عن حب احمد: لالا كلش ماحب هالسوالف حب وخرابيط ام محمد: ولا يهمك من عيوني ادور لك ذيج البنية السنعة بنت الاياويد اللي مافيها مثلها اثنين احمد باس راسها وقالها: تسلمين يالغالية الله يخليج لي بس تعبت انتظرو البارت الثالث راح احطه اذا جفت ردودكم تسلمين اختي ريم المحرق وان شاء الله تعجبج باقي القصة =) Edited أغسطس 20, 2008 by بنووتة كووول Quote Link to comment Share on other sites More sharing options...
بنووتة كووول Posted أغسطس 20, 2008 Author Report Share Posted أغسطس 20, 2008 تسلمين اختي ام فدك ان شاء الله تعجبج باقي القصة تسلمين اختي ريم المحرق =) ان شاء الله تستمتعين بقراءة القصة تسلمون عالمرور Quote Link to comment Share on other sites More sharing options...
Thunder Jet Posted أغسطس 20, 2008 Report Share Posted أغسطس 20, 2008 يلاا يلاا بنوتة .. تحمست مع القصــة.. ننتظــر البـآرت.. يعطيج العافيـة حبيبتي Quote Link to comment Share on other sites More sharing options...
بنووتة كووول Posted أغسطس 20, 2008 Author Report Share Posted أغسطس 20, 2008 Thunder Jet تسلمين عالمرور وان شاء الله جريب بنزل البارت الثالث Quote Link to comment Share on other sites More sharing options...
مينونة ومخرفة ومخرخشة Posted أغسطس 20, 2008 Report Share Posted أغسطس 20, 2008 البداية حلوووه كمليهااا فديتج ... احنا في انتظارج لاطولين علينا .. Quote Link to comment Share on other sites More sharing options...
Thunder Jet Posted أغسطس 20, 2008 Report Share Posted أغسطس 20, 2008 يلااا ف آلآنتظـآآر الغآآليــة Quote Link to comment Share on other sites More sharing options...
ريم المحرق Posted أغسطس 21, 2008 Report Share Posted أغسطس 21, 2008 فديتج ما تقصرين / حلوووة - بانتظار البقية Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.