بنت الحداده Posted فبراير 6, 2009 Author Report Share Posted فبراير 6, 2009 لأني وعدتكم قلت مو عدلة ما انزل شي,, بنزل نص البارت اليوم والنص الثاني باجر ان شاء الله ,, لأن بجري عليه بعض التغييرات ,, ام سلطان ,,: يــة الحين هاذي يزاي الي اريحج ام ابراهيم ,,: استريحي أنا مرتاحه هلون اكيد حبيبي اهقى علي ,,,:: ههههههههه والله ان قعدتكم مافي شراتها ,, الصبح ,, في بيت بو طارق .... ام طارق موصية اخوها وأختها وولدها اييون يتريقوون عندهم ,,,,, جاسم ,,: ها يمة احد يعزم على ريوق ام طارق,, : الريوق احلى من الغدى شوف الشمس شزينها والهوى شحلوه وأكل خفيف وسوالف حلوة جاسم ,,: والله حلاته الأكل ثجيل ولهت عليه بنت اخوج ميوعتني اتريقني زيتون وتغديني سلطة وتعشيني جبن وخبز وحليب هاذي حالة! ام طارق ,,: هههههههههههههههههههههههههههههههههههههههههههههههههههههههههههههههههههههه جاسم ,,: اي ضحكي يمة شوراج شوفيني آكسر الخاطر بطني يصاوي بو طارق, ,:ههههههههههه زين تسوي فيك سلمى ,, : شوفيه خالتي مو ضعفاان؟ ام طارق ,,: امبله ضعفاان وصاير شزينة جاسم ,,: بس يمة هلون زين لا الحين لازم ارد آكل مثل الناس بو طارق ,,: لا وينك وييين بعد يبي لك سلمى ,,: قلت له يوصل وزنك خمسة وسبعين نوقف جاسم ,,: يبة يرضيك! اصير من المجاااعة بو طارق ,,: الا بيصير جسمك شزينه شتبي بعد جاسم ,,: ومن قالكم ان المتن مب زيين والله خوش شي ,, قطع كلامهم الخال سلمان معاه بنته مروة ,, سلمان ,,: السلام عليكم ,, الكل ,,: وعليكم السلام بس الي صدم الكل شي ثااني ,, كانت سمر ناازلة من الدري !! أمس ردوا البيت بدون ما احد يشووفهم عشان يخلونها مفااجئة ,, بوطارق شافها ابتسم ! ,, : سمر! سمر ,,: اييي سمر بشحمها ولحمها ,, باست راس ام طارق وبوطارق ,, بو طارق ,,: تعالي قعدي حذااي ام طارق !! ,,: عيل طارق وينه سمر بمزحه : ههههه تبادلنا اهو راح بيتنا وأنا ييت هني طارق ,, : ههاهاهاهاي تنكتين سمور من الصبح سمر : هههههه حرام؟ طارق باس راس امه وسلم على خاله ,, بو طارق ,, : الله يدوم هالحال علينه سمر ,, : وينها هيوووم ام الرقااد بو طارق ,,: وين تبينها تقوم واليوم اليمعة سمر ,, :عيل انطرها تقووم قامت هيام من رقادها على صوت مسج من بتلكو هيام وهي مو قادرة تفتح عينها ,,: بتلكو المتفرغين كالعادة يختارون الوقت المناسب للمسج ماشاء الله عليهم قامت اغسلت ويها ,, لمة شعرها بكليب ونزلت ,, شافت العالم متيعمة على الطاولة ولمحت سمر ,, هيام ,, بصوت عالي ,,: سمووووووووووووووووووووووووووووور سمر التفت لها , هيام انزلت لها ركييض واحضنتها هيام ,,: وحشتييييينيييي يالدبببببةةةة سمر ,,: انتي اكككثثثررر هيام ,, : فديييتج متى ييتي سمر ,,: امسسس هيام ,, وشلة ما قلتي لي!! سمر ,,: قلت اسوييها مفااجئة ,, قطعت تحقيق هيام ,, ام ناصر واهي فاتحة الباب ام ناصر ,,: السلام عليكم الكل ,,: وعليييكم السلاام دشت معاها شيخة بس ,, شيخة شافت سمر شقت الحلج ,, شيخه ,,: واااااي سمسم هنييييييييييي راحت واحضنتها ,, ام طارق ,,: وين باجي العيال ام ناصر,,: ما رضو يقومون من رقااادهم هيام اسحبت سمرر, هيام ,, يازعم ما تعرف ,,: شلوون ترااضيتوو سمر ,, : ياني ياب لي ورد لبسني خاتم لمني خذ مابخاطري وتصالحنا هيام ,,: يه يه ماقدر سمر ,, ببتسامة ,,: واي هيوووم وحشني هالبيت احس ان محد بهل دنيا مستانس كثري هيام ,,: دوووم انشالله سمر ,,: عندي سوااااالف كثر شعر راسي معااج هيام ,, : اووف انا ببعععععععد شيخه ياتهم ,,: اشعندكم اتساسرون من عليه تعقروون سمر ,,: هههه وأنتي بس تضنين شيخة ,,: ما ضنيت انتوا تييبون الحجي لرووحكم سمر ,,: ههه تدرين شيخووو وحشني لسااانج الزفر شيخه ,,: وييي هذي وين اصرفها الحين سبة ولا مديح! هيام ,,,: هههههههه مشكل شيخه ,,: شله عصير وأنا ما ادري سمر ,: بسكم هذره خلونا نروح نقعد معاااهم سمر راحت اقعدت جنب طارق , , سمر ,, : الا هاني وينه ؟ طارق ,, : هاني راقد طليت عليه قبل لا ايي هيام ,,: امس هاني راح الدختر شكله راد وايد احسن ام طارق ,,: اهوه لو يسمع كلامي ,, اقوله اشرب جاي الأعشاب ما يطيعني طارق ,,: يمة جاي الأعشاب هاذي طعمة مادري شلووون حالي ومالح ومر مادري شلوون أم طاررق,,: لكن اييب مفعوول ام ناصر تهمس لأختها ,, : ومحمد اشحقة ما يا؟ ام طارق ,,: اتصلت فيه وما رضى ام ناصر ,,: شله ؟ أم طارق ,,: تبين الصج! انا اتصلت فيه اولشي قالي اوكي ! عقب خمس دقايق اتصل فيني قالي مب ياي أم ناصر ,,: يه ! ام طارق ,,: انتي وأنه عارفين شله ,,,... ام ناصر ,,: يعني ليمته بيضل هلون هاذي! ام طارق ,, : الله يهداه ... في بيت بو راامي,, رامي غسل ايدينه من بعد الريووق ,, وطلع من الحمام " عزكم الله " رامي ,, : انا بطلع شوي تامرين على شي يمة؟ ام رامي ,,: اي يمة ابيك تييب لحم ,, رامي ,,: من عيوني آمري على شي ثاني بعد ام رامي ,,: سلامتك يمة ,, ريم ,,: رامي رامي ,,: هلا ريم ,,: وين بتروح؟ رامي ,,: تبين شي ؟ ريم ,,: لا بس كنت ابي اكلمك رامي ,, : انزين بتصل في عادل شوي وبقولة ينطرني شوي ,.. ريم ,,: لا خلاص لين رديت رامي ,,: ادري بج ما بتعطليني ريم ,,: اوكي رامي اتصل في عادل وقاله ينطره شوي رامي قعد , ,: انا اسمع ريم ,, ,: رامي , , تذكر البنت الي دخلتها البيت قبل لا تروح دوامك؟ رامي ,,: اي ريم ,,: يات وقالت لي ان ذيج البنت الي يات كانت تجذب.... رامي!! ,, : اصلا شسالفة ؟؟ ريم .,, قالت له الي قالته لها شيماء بالحرف ,,, رامي !!!! ,, : من صجج ! هذي صج وقحه! ريم ,,: لولا ان هذي البنت طلعت بنت حلال كانت هالبنت خربت حياتي رامي ,, : حسبي الله ونعم الوكيل في هالناس! ريم ,:المهم تصالحت مع هاني رامي ابتسم لها ,: وأنا اشوف الويه منور ريم ابتسمت بحيا ,, : ما تتصور شكثر مسجات كان داز لي رامي ,, : تلفونج اشتغل ريم ,,: ههه بعد عناااء رامي ,: خلاص انا اشتري لج غيره ريم ,,,: تسلم يالغالي رامي ,,: الله يسلمج ,, يلا تامرين على شي ثاني؟ ريم ,,: ابي سلاامتك طلع رامي ,, رامي ما كان على طبيعته كان متضايق ... لاقى عادل ,, وقعد معاه بالقهوه,,, عادل ,, ,: ولا كأنه ما صار لنا شهر من تزوجنا رامي ,, : ليش؟ عادل ,,: شوي امي وشوي دلال!! وانا اطيح فيها رامي ,,: لازم تكلم دلال وتكلم أمك ,, عادل ,: عيزت رامي ,, : خلاص مالك غير انك اتقلل احتكاكهم في بعض عادل ,,: شلون ؟ رامي ,, : يعني خبر امك اذا تبي شي اتقولك انت واذا اهي تبي شي تقولك انت ماله داعي يحتكون في بعض عادل,, : لمتى بتم هلون .... رامي ,: معليه تحمل ,, انشالله تتصلح الأوضاع عادل خذ نفس وسكت ,, رامي كانت متضايق وايد بس مو لاقي من يشكي له يحس محد بيفهمه ,, الكل يشكي له بس اهو ما يدري لمن يشكي رامي ,,: انزين عادل انا اترخص الحين ,, عادل ,,: وين ما قعدنا شي , , رامي ,, : معلية وقت ثاني , ,, مشى رامي ,, وصل للبيت ,, حس بضيجة كمل طريجة , وراح المسيد الي في الفريج الي جنبهم,,,, دخل وقعد على صوب ,, ما كانت حزت صلاة ومافي وايد ناس بالمسيد تم يفكر ,, ضايقة فيني الدنيا ,, والسبب!,, في الأسبوع الي طاف تم يتذكر!,,, طارق ,, : اهو كان دايماً يقول أنه مب مزوجها الا لريال مافي مثله نسب و مال واخلاق وكلشي ,, رامي ,, : ابوك وايد تهمه المظاهر طارق ,, : اي ,, المشكلة محد يقدر يناقشه.. اناا خايف على هيام وايد رامي بالم ,, : ان شاء الله مب صاير غير الخير طارق ,, وهو يتذكر ,,: تدري ابوي ما يحب حد فينا كثر ما يحب هيام ,, ويخاف عليها بصورة جنونية ,, اذكر يوم كنت صغير كانت ما تطلع بدوني او مع اي واحد من اخواني وين ما تروح لازم معاها احد ,,, رامي ,,,,,,,, طارق ,,: حتى انه فكر يحط لها أمن خااص رامي ,,!: ليش طارق , : ابوي يبالغ في خوفه على هيام ,, غمض رامي عينه ,,,... حلمي ,,.. أي نبضي .. أي حبي ,, اي قلبي ,, لمَ , , كل ما اقتربت منك.. تبتعد .. كنت تبتعد كل مرة .. لكن هذه المرة .. اوشكت على الأختفاء .. عد بالله عليك .. فقد فقدت انفاسي وأنا ,, اعدو خلفك ,, أنا متعب , بل منهك ,, اود البكاء كالطفل الصغير .. احتاج لدفء حنان حبيبتي.. أحتاج لتلك اليدين الناعمتين ,, أن تحتضنان قلبي وتطمناه ., بوجودها,, لقلبي غصاات ,, اعتااد كتمانها منذ الصغر , ولعيني دمووع حبستها منذ سنين اجبرتها على البقاء.. بقسوة! فقد اجبرت على ان اكون رجلاً في عز طفولتي ,, وها أنا اجبر على ان اكون شيخاً وأنا في عز شبابي! فقدانها يعني الموت البطيء! يعني أن تشيخ احلامي لتكون بيضاء باهته ,,,,,, رباه ,, هي حلمي هبني اياه ,,,,! هيام ,, وهي تسولف وقمة في الوناسة ,, مره وحده حست بنغزة بقلبها ,, سمر ,, : اشفيج! هيام ,, : مادري حسيت بنغزة بقلبي!! سمر ,, : ما عليج شر حبيبتي هيام ,,: اول مره احس جذي! شيخه ,,: لو عندج عيال قلنا هاذي الحاسة السادسة.. هيام ,,:بس مو معناة هذا ان في شخص احبه فيه شي؟ سمر,, : مادري احس ماله علاقة شيخه ,,وهي تحرك حوااجبها: ها هيوووم شقصدج هيام ,,بنص عين: مب قصدي شي شيخه ,,: انزيييييييين سمعتي يقولون روب التخرج ذهبي وتركوااز هيام ,,: احس مب شي سمر ,,: بوووه للحين ما وزعوهم عليكم؟ هيام ,, : أهمه اخذوا القياسات متأخر عشان جذي شيخه ,, : بيوزعوونهم بااجر ,, آخر يووم دواام واااي ما بغيينه سمر ,,: يلا عقبال التخرج هيام ,,: شيخوو شعليه مستانسه باجي امتحااناااااات النهائي شيخه ,,: المهم أنها امتحانات التخررج خلاص بنتخرج مو مصدددقة ,, سمر ,, : شنااويين بالجامعة هيام ,,: مادري بصراحة انا ابي ادرس في جامعة البحرين شيخه ,, : تبط جبدي هذي!!!! الحين الجامعات الخاصة تارسة الديرة واهي جامعة البحرين! هيام ,,: ابوي دايماً يقول ان كل الجامعات تدرس بس جامعة البحرين تخرج كفائات سمر ,,: وهو الصاج شيخه ,,,: شكوو كفائاات حبيبتي الدراسة وحددة هيام ,,: لا مب وحده جامعة البحرين غير اصعب شيخه ,,: عشان جذي أنا مابيها سمر ,,: اشفيج شيخوو متعقده منها درسي وبتنجحين كا هنوي تخرج السنه شيخه ,,: لا مابي ابي جامعة سهله هيام ,,: بساااعدج انه شيخه ,,: يه لا ترموا انفسكم في التهلكه اشفيج انتي مب كفاية مدخلتني علمي سمر ,,: هههههههههههههه هيام ,,: الله يهداج بس شزينه العلمي شيخه ,,: ياشيييييينه سمر ,,: انزين هيوم شناوية تدرسين هيام ,,: والله لو علي انا كان خاطري ادرس علم نفس بس مافي ,, وابووي يبيني اشتغل بالشركة تحت عيينه عشان جذي بدرس ادراة اعماال شيخه ,,: شفتي آخرتها دشيتي شي تجاري هيام ,,: بس مب ندماانه لأني دشيت علمي سمر ,,: ههههههه شيخوو وأنتي شناوية شيخه ,,: آآنه بعد ابي ادارة اعماال بس بادرس في AMA هيام ,, : افااا وتخليني برووحي شيخه ,,: اي حبيبتي تبيني تعالي لي هيام ,,,: ههههه يصير خير طارق ,,: سمر بغييتج سمر راحت له طارق .. : انا باطلع الحين عندي شغلة بالشركة اخلصها وياي ,, ابيج تبرزين نبي نطلع نتعشى برع سمر ,,: اووكي طارق ,, : فديت هالأوكي انا سمر,, ابتسمت له ,,: تفداك رووحي طارق ,,: يلا حبيبتي انا بامشي تامرين على شي؟ سمر ,,: ابي قلبك وعيونك وحبك وسلامتك طارق ,, ابتسم لها ,,: كلهم كلهم لصاحبتهم سمر ,,,: اي وابي اوصيك طارق ,,: آمري سمر ,,: لا تزووغ عيوونك طارق ,,: وأنا اقدر!!!! سمر بدلع ,,: مادري فيييك طارق ,,: وعيوونج ماقدر سمر ,,: احبك طارق ,,: أموووت فييج طلع طاارق ,, في صوب ثاني في الصالة ,, ام ناصر ,,: اي شلون يعني حتى خطبة ناصر مب ياي؟ ام طارق ,,: لا مايصير لازم ايي ام ناصر ,,: اقولج صار لي يومين اتصل فيه وما يرد علي واتصل بالبيت تشيله مرته مره اتقولي نايم مره اتقولي طالع ! ام طارق ,,: الله يهداها شهل حركات ام ناصر ,,: وأهوه شله ما يرد! أم طارق ,,: ماادري والله تبين اتصل فيه الحين؟ ام ناصر ,,: بيرد مثلاً؟ ام طارق ,,: انجرب! اتصلت فيه ام طارق ,, وتم يرن ويرن ويرن ,, ومافي جواب ام ناصر ,,: شفتي! ام طارق ,,: ليكون صاير فيه شي! ام ناصر!! ,, : لو صير فيه شي بتقولي مرته! ام طارق ,,: ما ظنتي ! سلمان يا صوبهم ,, : اشعنكم تسولفون بروحكم ام ناصر ..:اخوك محمد ما يتحصل سلمان ,, : محمد متخانق مع زوجته وساكن بشقة ام طارق,,: شلووون؟؟؟؟؟ سلمان ,,: اي والله اتصل فيني وقالي انه ساكن بشقة أم ناصر ,,: وليش شقة وبيوتنا موجودة!! سلمان ,,: لا تبكرين السالفة الله يهداج أهو يبي يتصالح معاها عشان جذي ما قال لأحد ام طارق,,: وشله متهاوشين؟ سلمان , :يقول انها تفتش تلفونه وهدومه وكأنها شاكة فيه قام اهو وتهاوش معاها ام ناصر ,,: مب عوايدة! سلمان ,,: هذا الي قالي اياه انتوا شتبون منه ام ناصر ,,: كنت ابيه يحضر خطبة ناصر سلمان ,,: خلاص انا اقوله في بيت بو ناصر ,, ناصر يتكلم في التلفون ناصر ,,: آدري وأنا افكر اخلي الحفلة وكلشي بعد التخرج ان شاء الله شريفة ,.,: ان شاء الله ناصر ,, : يلا الله يصبرني شريفة ,,: ناصر ,, انت متأكد تبيني؟ ناصر ,,: شريفة شهل سؤال ! اكيد ابيج شريفة ,, : خايفة تكون حاس بتأنيب الضمير علي عشان جذي بتخطبني ناصر ,, : صدقيني يا شريفة انا لقيت راحتي بين يدينج شريفة ,,:.,,,,,, ناصر ,,: شرييفة .. لا تقلبينها هم الحيين لو ما ابيج ما خطبتج شريفة ,, : أكيد؟ ناصر ,,: اكيدين شريفة ابتسمت ,,, : احبك,, ,,,, وفي مكان ثاني رد رامي البيت ,, ريم اول ما شافته حست ان فيه شي راحت له ,, ريم ,,: رامي ,, رامي طالعها بألم ,, : هلا ريم,, : ما تعودت تخش علي شصار؟ رامي بضيجة , ,: مافيني شي ريم ,,: ما تقدر تجذب علي اعرفك زين رامي ,,,,, : انا تعباااان تعبان وايد يا ريم ,, ريم بخوف ,,: اسمالله عليك اشفيك ؟؟ رامي ,, : تعالي نقعد بالميلس وبقولج مو حاب امي وابوي يسمعون دخلوا الميلس وصكوا الباب ,, ريم ,,: قول اشفيك رامي ,,: احس ان هيام مو لي ,, ريم ,,: ليش ؟؟ شلي خلاك تحس بهل شي,, رامي ,,: كلام اخوها عن ابوها انه يبي ريال نسب ومال ومنصب ,,,, وأنه يبالغ في خوفه على بنته وين يزوجني اياها ياريم ريم ,,: صل على النبي اول شي رامي صلى على النبي ,,, ريم ,, : هيام تحبك ,, وأنت تحبها ,, وابوها يحبها ويبي سعادتها ,, اكيد لين شاف ان سعادتها معاك ما بيعارض رامي ,,: ساعات الأهل يشوفون سعادة ومصلحة عيالهم من منظور مختلف يعني ,, اهوه صح يبي سعادتها ومصلحتها بس مو شرط يشوف هالشي فيني ,, لأنه يعتقد ان النسب والمال والمنصب راح يخلقون السعادة والراحة لبنته ,, اعتقاد شخص عن شخص يختلف ريم ,, : بس انت لا اتشائم ما تدري يمكن يغير اعتقاده ,, رامي ,,: يغير اعتقاده الي اهوه يعتقد فيه من سنين لأني انا الي ما اعني له ايشي في حياته ابي اتزوج بنته ؟ ريم ,,: ليش لا .؟ الحب يصنع المعجزات يا رامي ,, رامي ,,: قلتيها المعجزات ,,,, ومو في كل وقت ممكن تصير معجزة ولا ما بتكون معجزة !! ريم ,,: انت متشائم وايد ,, انت مؤمن بأن الله سبحانه وتعالى يختار الأحسن للأنسان وأنه ما يصير شي في حياته الا وهو من مصلحته " وعسى ان تكرهوا شيءً وهو خير لكم" والزواج قسمة ونصيب ,, صدقني اذا انت نصيبها بتاخذها حتى لو أنت شايب رامي ,, : آآآآه والنعم بالله ,, لكن تعرفين الي يحب يصير مثل المينون بتفكيره وخوفه ,,ما اعتقد شي بيكسرني كثر خسارتها ,,, ريم ,,: عين من الله خير ياخوي تره مافي شي مستحيل في هالدنيا ,, رامي ,, : ريحتيني يا خيتي ,, ربي لا يخليني منج ريم ,,: افا عليك تعال بأي وقت مر الأسبوع على عجل يوم الخميس يوم خطبت ناصر,, بو شريفة .. :شرطنه ان البنت تكمل دراستها,, بو طارق حل مكان ابو ناصر لأن ابوه متوفي , , بو طارق ,, : وأحنا موافقين ,, ناصر كان مستانس ,, وهيام ما يات على باله كان مرتاح ويشوف السعادة بعيونه ... عند الحريم , شيخه تساسر شريفة ,,:ماقدر على المستحى شريفة كانت حممممممممره من كثر ماهي مستحية الكل يمدح بجمالها وبأدبها . . غير ذي اهي تمنت هليووم واايد ,, اتفقوا الرياييل على المهر وموعد الحفلة.... Quote Link to comment Share on other sites More sharing options...
● MaRwA ● Posted فبراير 6, 2009 Report Share Posted فبراير 6, 2009 حلووو الباارت يعطيييييج العاافية .. ننتظر البآقي Quote Link to comment Share on other sites More sharing options...
محرقاويه مفتخره Posted فبراير 6, 2009 Report Share Posted فبراير 6, 2009 تسلمين حبابه ع البارت العجوبي وما شاالله عليهم يمعتهم حلوه مو ناقصهم الا اخوهم الي هو سكانه مرته مسكين رامي الله يصبره ان شاالله واتكون هيام من نصيبه والله يهني ناصر ويا شريفه ويعين عادل وياامه ومرته تسلمين حبيبتي مره ثانيه ع البارت تقبلي مرور اختج تحياتي Quote Link to comment Share on other sites More sharing options...
girlheart Posted فبراير 6, 2009 Report Share Posted فبراير 6, 2009 يسلمووو على نص البارت p: ننتظر التكمله ,, مبرررروك حق شريفة تستاهل والله و رامي يكسر الخاطر ,, صار ودي اعرف شبصير في الاخير ,, ابوها شراح يسوي اذا عرف ان اهي تحبه و تبيه و اهو مو وايد غني سمووور غيرت الاجواء في البيت انشالله دووم تبقى سعيده مع طارق ابي اعرف على العشى شراح يسوي لها ,, و جااسم هالدب ضعف والله زين .. صار خاطري اشوفه هههه زين تسوي فيه مرته خل يضعف شوي مو حلو وايد متين نبي مواقف بين علي و شيخة ,,,,هيام و رامي ,, ريم و هاني يسلمو بنتو Quote Link to comment Share on other sites More sharing options...
ولائية Posted فبراير 7, 2009 Report Share Posted فبراير 7, 2009 يسلمووووووو على البارت ننتظر البارت الجاي لا تتأخرين Quote Link to comment Share on other sites More sharing options...
فنكوش Posted فبراير 7, 2009 Report Share Posted فبراير 7, 2009 هههههههههههههه يستاهل جسوووم هالرجيم خله يخف شووي الااااه شقد متشووق حق عرس نويصر و اخيرآ بنجووفه معرس ما بقى للأمانة اختي ,, آنه بقت الخاطره اللي حاطتها و ننتظر البارت الياي Quote Link to comment Share on other sites More sharing options...
دمووع الورد Posted فبراير 7, 2009 Report Share Posted فبراير 7, 2009 أول شـي الحمداللهـ ،، ويعمة العـائله كـاانت حدهـاا حدهـا تونس ،، اللـه يديم علــيهم ان شاءاللـه هالمـحبه و الألفـه ... والحمداللـه إن المـيااه رجعت لـمجاريها بين سمـر وطـاررق امـا عن رامـي وهيـام انا بعد متخوفـه من اللـي راح يصـير عقـب ... لأن بو طـاارق رغم طيبة قلبــه إلا إنه صـارم في اتخاذ بعض القـرارات ،،،، و ريم و هـاني اللـه لـيفرق بينهم ان شاءاللـه ،، وذي كـان درس لـ ريم .. أثبت هـاني لهـاا إن صج كـان عندهـ سوالف لكـنه تغـير بسبب حبــه لهـا ... و سلمـى و جـااسم يحليييلهم ... واللـه حلييوهـ هالسلمى و يـاا بختهم فـ بعض ... مروة مـاافي مواقف عنهـا حسـاافه =( وشريفة و نـاصر إن شاءاللـه يكـونون من أحلـى العرسـان ،، ومافـي شي يكدر صفـو حيـاتهم .. و انـا اعتقد إن نـاصر من صجـه تغـير و مـا عـاد يفكـر في هيـام مثل الأول ... اللـه يتمم عـليهم بـخير ان شاءالله ودلال وعـاادل ما احب اتكـلم عنهم وايد .. لأن دلال وايييييييد تنرفز ... وكل ما احاول اعيش الموقف معـااهم اتضايق و اتنرفز ... بـاررررررت اكثر من روعه بـ انتظار التكمله Quote Link to comment Share on other sites More sharing options...
ShAi5at eLbNaT Posted فبراير 7, 2009 Report Share Posted فبراير 7, 2009 يسلمووو حبوو على النص بارت ننتظر النص الباقي لاتطوليين Quote Link to comment Share on other sites More sharing options...
● MaRwA ● Posted فبراير 7, 2009 Report Share Posted فبراير 7, 2009 Quote Link to comment Share on other sites More sharing options...
● MaRwA ● Posted فبراير 8, 2009 Report Share Posted فبراير 8, 2009 نبي بااارت Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.