أسيرة الورد Posted يناير 30, 2009 Report Share Posted يناير 30, 2009 انا مثلجـ خخـ فيـ اليـ طلعت منهمـ مستانسة و اليـ طلعتـ منهمـ اصيحـ هههههههـ الشهايد بتقولـ اشسوينا فديتجـ Quote Link to comment Share on other sites More sharing options...
girlheart Posted يناير 30, 2009 Author Report Share Posted يناير 30, 2009 الباارت 17 بعد ما خبر خالد ميساء ان اهو معجب في رغد كانت تفكر بطريقة حق يتعرفون على بعض و رغد منها و من نفسها بعدها تخبر ميساء ان اهي معجبة في خالد مو يروحون يقولون لها ان اهو يبيج... منها يعرفها اكثر و يعرف تصرفاتها اذا تعجبه ولا لا ,,, بعد تفكير طالت مدته قررت ميساء انها تطلع مع رغد و يكون معاهم سعود و اخوه خالد ميساء تدق على رغد ميساء : اففف شتسوي هذي !! ليش ما ترد بسرعة رغد ردت ع الموبايل و اهي تسمع ميساء و تضحك عليها : ههههه صج صج للحين انتي هبلة ولا تغيرتي الحين المفروض انتي تزوجتي و عقلتي للحين كأنج ياهل ...تكلمين من انتي !!! ميساء : تتطنزين يعني !! والله لو انتي عاقلة المفروض من تشوفين ملكة زمانج متصلة على طووول تردين علي فهمتي ...!! رغد : عداااال شقلتي ؟؟ ملكة زماني !! هذا الي ناقص ميساء : اي و عمتج بعد و اذا شفتيني تقولين لي امري و راسج في الارض رغد : هي انتي حدج عاااد اشوفج استحليتي السالفة قلنا تزوجتي عاد مو لهدرجة سويتي روحج ما فوقج فوق الا يسمع متزوجه لي احم احم هذا ميساء : اي متزوجة احم احم و ريال غصب عنج رغد : يلا عاد الحين تزوجت و شافت روحها علينا .. شفكنا من كلامج الحين .. ميساء : انزين سمعي عندج شى اليوم ؟؟ رغد : لا , ليش بتطلعيني يعني ؟؟ ميساء : يقولون .. رغد : من وين طالعه الشمس اليوم ... لحظة لحظة بروح اشوف ... و راحت تشوف الشمس و ردت لميساء الي قاعدة تنطر على الخط رغد : انتي من صجج ولا تمزحين ؟ ميساء : ليش يعني اول مرة بطلع معاج ؟؟ رغد : لا بس من تزوجتي و انتي ما تطلعين معاي شنو طاري عليج اليوم ! ميساء : زين مني قلت اطلعج عن لا تتمللين بروحج في البيت والله رغد : بس انشالله هذا ريلج مب معانا لان الصراحة ماعرف استحي اكل جدامه اذا بنتعشى و انا الصراحة ابي اكل ما ابي اجذب و اقول مسويه رجيم ميساء : حسبي الله على بليسج هههههههههههههه آي بطني ذبحتيني من الضحك رغد : و شلي يضحك الحين في كلامي تراني اتكلم من صجي !! ميساء : لا حبيبتي انا ما اطلع من باب البيت الا ريلي على ريل زوجي ولا ما اطلع من البيت ,,, رغد : اي اي ,, زين ..سبحان مغير الاحوال ميساء : انزين ذكريني اذا شفتج اقولج شى ضرووووري رغد : انزين قولي الحين ميساء : لا لازم فيس تو فيس رغد : انشالله يا ام فيس ميساء : يلا مع السلامة رغد : الله يسلمج و يسمنج قطعت رغد الخط و ميساء للحين تكلم روحها : تقول يسمني ههه ما باقي شى و تشوف فيني البيبي شسمني بعد اكثر من جذي !! في هالاثناء كان سعود واقف عند الباب و يشوف ميساء تكلم روحها .. سعود : ميووس ؟؟ ميساء تسوي روحها تغني: نعم ! سعود : تكلمين من ؟؟ ميساء : ما كنت اتكلم ؟؟ اغني ما تسمعني سعود ما حب يحرجها : اها سعود كان في باله هذي اعراض الحمل ولا شى جذي ,,, قال يمكن الوحدة اذا تحمل تخرف ولا تقعد تكلم البيبي .. ميساء : سعود .. سعود : امري حبيبي ميساء : انا دقيت على رغد و قلت لها ان احنا نبي نتعشى الليلة و مرة وحدة خل خالد ايي معانا حق يتعرفون على بعض بس اهي ما تعرف ان اهو راح يكون معاك لان ما قلت لها السالفة خل كل شى طبيعي لان يمكن بعدين يغير رايه ولا شى سعود : اذا من ناحية خالد لا تخافين ما راح يغير رايه اصلا اهو من شافها و اهو مادري شفيه تقولين عايش في حلم .. ميساء : هههه الاهبل سعود : محد غيرها ياب له الهبالة والله ... ميساء : يعني انت بعد اول ما تعرفنا على بعض كنت مثله ؟ سعود : اقول حبيبتي خلج من هالسوالف و تعالي ابيج بسالفة !! ميساء : اوكي راحت ميساء و قعدت يم سعود ع السرير : آمر ! سعود : ما يآمر عليج عدو ,, خل نروح قبل ما نمر على رغد المستشفى ميساء : ليش ؟؟؟ سعود : ابي اعرف اذا بنت ولا ولد ميساء : و ليش تبي تعرف ؟ سعود : يعني انتي ما تبين تعرفين ؟ ميساء : بصراحة ,,, لا ما ابي ... سعود بحزن : ليش ؟ ميساء : تكون مفاجأه احسن و ثاني شى يمكن الحين ما يقدرون يقولون لي لاني للحين في بداية الاسابيع سعود : لا انا ابي اعرف ,, شلون اشتري ثياب ,, العاب ,, داره اي لون ؟؟ ميساء : انا الام الي لازم تهتم بهالاشياء ولا انت .. لاحقين على هالسوالف سعود بحزن : اها .. خبرتي اهلج ؟ ميساء : لا للحين بخبرهم اليوم ولا اذا شفتهم سعود : دقي على امج الحين قولي لها ميساء: لا خله حق اذا شفتها ودي اشوف ردة فعلها اذا سمعت بعدين بتصير جدة سعود : هههه ميساء : انت خبرتهم ؟ سعود : لا للحين ..بس اكيد خلود خبرهم ميساء : دق انت على امك و قول لها سعود : انشالله بعدها راح سعود و خبر امه و كاااانت سعادتها لا توصف و اخيرا راح تشوف احفادها و من ولدها الغالي سعود ... طبعا ام سعود خبرت بو سعود و هم كاان وايد فرحان بهالبشارة ... في البحرين ** محمد قرر و اخيرا ان يخبر ايمان ان الي قاعدة تسويه خطأ و خصوصا اهي تعرف ان اهو يجب شوق و المفروض ما تسوي هالحركات محمد : السلام ايمان بخوف : و عليكم السلام محمد : ايمان ؟؟ ايمان : النمرة غلط محمد : لحظة لا تقطعينه ... انا اعرف ان انتي ايمان ايمان بصدمه : اممم محمد : انتي ما تستحين تسوين هالحركات .. مو انتي الي معرفتني عليهم ؟؟ شلى تسوين بعد هالحركات ؟؟ تبيني اخبر اخوج عنج ولا اقول الى شوق ؟ ايمان ظلت ساكته و ميته من الخوف محمد : انا ما ابي اخبر شوق عن السالفة لان اهي تعتبرج اقرب وحدة لها و ما ابي هالثقة تروح لكن صدقيني ان دقيتي على هالرقم مرة ثانية ما تلومين الا نفسج ايمان : باي محمد بعدها حس براااحه غير طبيعية ايمان ما كانت عارفة شتسوي !! كانت خايفة فقررت انها تقول حق شوق عن كل الي صار لان اهي الي قالت لها الفكرة و اهي الي لازم تتصرف شوق : صج !! ايمان : شوفي شوووقووو انا سمعت كلامج بس انا ما ابي تصير لي مشاكل تصرفي معاه اذا درى اخوي صدقيني ما بظل شى ما بسويه فيني لا و مع محمد صديقه ...خصوصا ان اهو يدري ان محمد يحبج يعني شنو بكون موقفي شوق بفرح : هههههههههههههه محمد يحبني محمد يحبني ايمان بعصبية : حباج برص روحي كلميه لا ييت لج بيتكم الحين و ذبحتج شوق : و انتي ليش خايفة ؟ ايمان : لان الله يسلمج هذا حبيبج مفكر ان انتي ما تعرفين بالسالفة و انا صج ابي اتعرف شوق : و شلون عرف ان هذا رقمج ؟ ايمان : مادري بس يمكن لان رقمي مثل رقم اخوي والله ماعرف شوق : يالغبية و انتي ليش ما فكرتي فيها ؟ ايمان : شدراني انا !! شوق : انزين لو مسوين هالجريمة من رقمج الثاني ما بيعرف ان انتي ايمان ايمان : الحين هالكلام ما يفيد ... روحي دبري لي صرفه معاه شوق و اهي تضحك : انشالله عمتي ايمان : يلا بااااي شوق : بباي بعدها شوووق على طووول دقت على محمد و قالت له السالفة كااامل محمد بصدمه: شوووقووو انتي من صجج ولا تمزحيين ؟ شوق : ههههههههههه والله ما اجذب عليك انا قلت لها نسوي هالحركة محمد : الله يغربلج يا شوقو على هالسوالف خليتيني اقول حق البنت كلام عمرها ما سمعته .. شوق : سوووري بس كنت ابي اعرف اذا تكلم بنات غيري ولا لا !! محمد يقلد على شوق : و عرفتي الحين الجواب ولا لا ؟ شوق بحيا : اي عرفت محمد : و شنو الجواب !!! شوق : انك تحبني و تموت فيني بعد محمد : يعني ما كنتي تعرفين هالشى من قبل ما تسوين هالحركة شوق : بلى بس حبيت اتأكد محمد : توعديني انها تكون اخر مرة ؟؟ شوق : وعد محمد : انزين قولي حق ايمان اني اسف اذا ضايقتها بكلامي شوق : يوصل ... *في دار نور كااانت قاعدة تفكر في مهند و شكثر تغيرت علاقتهم من بعد سفرة البحرين الي كانت تتوقع انها راح تخليه يكون اقرب لها و يزيد حبهم لبعض بس تبين لها ان الي قاعد يصير عكس الي كانت تتمناه .. نزلت دمعة من عينها و تمت على هالحال فتره تفكر في هالسالفة و ليش مهند متغير و مب قاعد يهتم فيها كثر قبل ,, حتى و اهو يكلمها ما تحسه معاها و شلي قلبه لهدرجة ,,, قررت انها تدق عليه ,, مهند بتعب : هلا نور نور بحزن : هلا ,,, ناايم ؟ مهند : امم لا عادي نور : مبين انك كنت نايم يلا انا اخليك ترتاح مهند :اوكي مع السلامة نور : الله يسلمك اف يعني ما يحس هذا ما يشوفني متضايقة ,,النوم اهم مني يعني !! قبل حتى لو اهو في وين كااان يهتم عساه لو في سابع نومة يوتعي و الحين يقولي جذي لا و بعد يبي يقطعه بسرعة يقهر والله يقهر في الامارات ** ازهار قاعدة في دارها و الملل ذابحها ,, قررت انها تدخل ع الجااات ( الشيطان و ما يسوي اوقات الملل) كااانت بس تتكلم في العام و تسولف مع الكل كتب لها واحد ايميله ع الخاص قررت انها تضيفه و تتكلم معاه عن صداقة ,,,,تذكرت ان باسورد ايميلها عند اخوها و ما تقتدر تضيف احد و يشوفوها حمد انها تكلم صبيان و بيسكت عنها .. فتحت الهوتميل و سوت لها ايميل ثاني و ضافة الايميل ,,, azhar:هاااي Ali:halla azhar:شخبار؟ Ali:ok,, you ? azhar:الحمدلله بخير ,, Ali: enty eli fee el chat ? azhar:اي انا الي كتبت لي ايميلك Ali: aha how old r u ? azhar:انا 17 و انت ؟ Ali: im 19 azhar:العمر كله ,, انت بتظل تتكلم بالانجليزي على طووول ترى انا بعد اعرف اتكلم Ali: الحين اوكي ؟ azhar: اي الحين اوكي Ali: هههه انزين ليش يعني تبيني اتكلم بالعربي azhar:بس,, لان انا اكلمك عربي اذا تكلمت بالانجليزي تكلم مثلي بس الحين لا Ali:انزين صج اسمج ازهار ولا بس نك نيم azhar:لا صج اسمي ازهار Ali:عاشت الاسامي azhar:عاشت ايامك و ظلوا يسولفون و يتعرفون على بعض ,,, ع الساعة 7 سعود يتصل في خالد سعود : اففف شفيه ما يرد بسرعة بعد فترة رد عليه خالد : هلا بسعود سعود : ليش بعد رديت خليتني انطرك اكثر خالد : كنت قاعد مع الاهل سعود : انزين يلا برز روحك و تعال معانا السينما خالد : ايي معاكم ليش من معاك اصلا ؟ سعود : انت تعال و بعدين تعرف كل شى خالد: اوكي يلا مع السلامه سعود : الله يسلمك خالد بعد ما صك الخط كاان حاس انهم راح يسوون شى و هالشى له علاقة برغد فقال يتكشخ حق يمكن يلفت انتباها و في الاثناء دقت ميساء على رغد و خبرتها انهم راح يمرون عليها حق يروحون يتعشوون بعدها يشوفون فلم وصلوا بيت رغد و طلعت لهم و راحوا الموول اول ما وصلوا كاان خالد ينطر سعود ,, تلاقوا مع بعض و خالد طووول الوقت ما شال عينه من على رغد قرروا انهم ياخذوون من مطعم معين و راح سعود حق يطلب و ظلت ميساء و رغد و كان خالد معاهم ميساء : رغد ! رغد كااانت وايد مستحيه اهي قالت حق ميساء من قبل الطلعه انها ما تبي ريلها مب بعد تييب اخوه معاهم ,, رغد : نعم ؟ ميساء و اهي تطالع خالد بنظرات: تعرفين من هذا ! رغد : اي اتذكر اني شايفته من قبل يوم نروح لكم ميساء : اي هذا اهو عاد تعرفين من ؟ رغد و اهي ترفس ريل ميساء : ههه لا شعرفني !! ميساء بخبث: شقاعدة تسوين ؟؟؟ عورتيني رغد صاار ويهها احمر من الفشلة وما قالت لها شى ميساء : رغد هذا اخو سعود (خالد ) رغد رفعت عينها و طالعته : تشرفنا خالد حس ان الدنيا تدور و مب قادر يصدق,, من قبل ساعه اهو ميت بس يبي يشوفها و الحين تتكلم معاي لا لا ما اقدر استحمل انا خالد :الشرف لي والله رغد ابتسمت في ويهه خالد ما كان قادر يستحمل كل هذا مرة وحدة يقعد معاها يسمع صوتها تبتسم في ويهها ,,,, بعد فترة وصل سعود و معاه الاكل ,, تعشوا و بعدها قالت ميساء حق رغد انها حامل في البداية كاانت رغد مب مصدقة و تفكرهم يجذبوون عليها بس بعدين حست ان الشى صج ,,, باقي يمكن نص ساعة على ما يبدي الفلم و ما كانوا عارفيين شسوون فقالت ميساء حق سعود انهم بدورون شى حق البيبي ,,, استأذنوا رغد : هي انتي شنو وين بتروحين ؟؟ ميساء : بروح مع زوجي رغد : و انا نسيتيني ,, ليكون بتخليني مع هذا خالد ماعرف شمسه ميساء : اي شفيها ؟؟ رغد : حلفي بس !! شنو شفيها شبقولون الناس عني ميساء : عيل روحوا اخذوا لكم اكل دخلوا قاعة السينما رغد : لا عيوني ,,, شنو اروح السينما معاه بروحنا ....وراج وراج ميساء : انا والله ابي اروح مع حبيبي ما ابي احد يزعجنا رغد : ميوووس تكفيين شنو تخليني معاه بروحنا ميساء : بشرط ما تمشيين معانا ولا تسمعين ولا كلمة من الي بنقولها رغد : الي يسمع بتقولين له وين الكنز والله ميساء : بدينا ترى اخليج بروحج و امشي عنج رغد : حاااضر عمتي كل شى ولا زعلج كااانت ميساء مع سعود غرقانييين في اماكن ثياب اليهال و كل واحد يقول باخذ هذا و هذا و ساعات ميساء تقول يمكن بنت و سعود يقول ولد و بس هذي سالفتهم اما عند رغد كااانت تسب اللحظة الي قالت بتيي معاها قطع افكارها صووت خالد : شفيج تمشيين بروحج ؟ رغد : لا بس ميساء تدور مع سعود ثياب للبيبي و قلت ما ابي ازعجهم خالد : الا ما قلتي لي انتي وين تشتغلين ؟ رغد : للحين ما اشتغلت خالد : انزين ما ودج تشتغلين ؟ رغد : الصراحة ما فكرت فيها ماخذة اجازة من بعد الدراسة خالد : ههه شكلها مطوله ,, رغد : هو الصراحة انا ودي بس مادري خالد : ترى حاضرييين اي وقت تبين خبريني ولا خبري سعود و راح نوظفج في شركتنا رغد و الفرحة تبان عليها : من صجك ؟ خالد : اي من صجي رغد : عيل من باجر خالد : افا عليج تامرين امر رغد : ترى امزح شنو من باجر خالد باحباط : اها رغد : توني ما مداني اتهنى في اجازتي خالد : اقولج شكلها مطولة مع الوقت بدت رغد تتعود على خالد ,,, خالد : رغد ترى ما باقي شى ع الفلم انا اقول نروح ندخل و اذا تبين popcorn ولا شى تشربينه ,, رغد : لا شنو نخليهم و نروح يعني خالد حس من كلام رغد ان ما ودها تروح معاه بروحهم رغد : بدق على ميساء بشوفها لان مادري وين راحت دقت رغد عليها لكن ميساء ما كانت ترد رغد : اففففف ما ترد علي خالد : تبين اجرب ادق على سعود ؟ رغد : لا بس خلهم على راحتهم خالد : ها تبين نروح السينما ؟ رغد : اي انا بروح خالد : ياي معاج اذا ما عندج مانع رغد : لا عادي راح خالد معاها و دخلوا السينما كان الفلم باقي عليه خمس دقايق تقريبا كان خالد في هالاوقات تفكيره كله في رغد و الي صار بينهم ,,, مر الوقت بسرعة و بدى الفلم و يات ميساء مع زوجها و ارتاحت رغد الي كان بالها مشغول على ميساء ,,,, بعد الفلم ميساء : هاا شصار ؟؟ رغد : شنو شصار ؟ ميساء : بينج و بينه رغد : شفيج انتي خرفتي؟ شقاعدة تخربطيين شكله الياهل مأثر عليج ميساء : انزين شصار ؟ رغد : ماكو شى ,, بس قال اذا ابي اشتغل راح يوظفني عندهم بالشركة ميساء : احم احم ما نقدر والله مب هين يا خلووود رغد : شقاعدة تقولين انتي .؟؟ ميساء : لا ولا شى ,, بس تذكرت الاهل و قلت ادق عليهم حق اخبرهم اني حامل لان للحين ما قلت لهم رغد : ما قلتي لهم للحين شقاعدة تنطريين ؟ ميساء : ماعرف بس احس ابي اشوفهم و اقولهم الخبر ,, رغد : توج تقولين بتدقيين عليهم ,, تدرين شرايج نروح لهم الحين و تخبرينهم ميساء : الحين !!! رغد : اي الحين و شفيها يعني بيتكم لو بيت احد غريب ميساء : امم مادري ,, انزين بكلم سعود رغد : تعالي شنو بعد بتكلمينه ما بتكلمينه,,, ليش السالفة يبي لها كلام الحين اذا برجعنا يوصلنا بيتكم و تخبريين اهلج و اخلي اخوي يمر علي ولا احد ,, ميساء : شنو يمروون عليج احنا نوصلج رغد : انزين الحين روحي خبريه حق يوصلنا في طريق ميساء: اوكي راحت ميساء خبرت سعود و طبعا وافق و وصلهم اول ما دخلوا البيت ام مهند: هلا يمه ,, وحشيتيني,, راحت ميساء لامها و لمت بقوة : و انتي اكثر يا يمه ام مهند: وينج ,, ما تيين تسالين عن امج ولا شى ميساء : تعرفين يمه زواج و حاله ,, و سعود شغل ام مهند : وينه هذا زوجج خليني عليه ميساء : هههه برى ينطرنا ام مهند : ما يصير يا يمه تخلينه ينطر برى ناديه خل يدخل البيت نسلم عليه ميساء : انشالله ... الحين رايحة راحت ميساء حق تنادي سعود الي قاعد ينطرها ام مهند : مسامحة يا يمه ما شفتج رغد : لا عادي يا خالتي ,,, شخبارج ؟ ام مهند : الحمدلله بخير ,, شخبار الاهل ؟ رغد : الحمدلله ,, الا وين اريج و الاهل ام مهند : الحين بروح اقولهم اييون يقعدون معاكم راحت ام مهند تخبر بو مهند و الاهل ان ميساء مع زوجها في البيت حق يسلموون عليهم قعدوا الاهل كلهم في الصالة و كانت ميساء مع سعود قاعدين معاهم و ما بننسى رغد الي كانت قاعدة يم اريج,, ميساء : يمه عندي لج خبر بفرحج ام مهند : قولي يا يمه فرحينا و فرحي العايلة ميساء بحيا : يمه انا حامل بو مهند راح و حظن بنته : مبروووك يا بنتي ام مهند و الدموع في عينها : صج يا يمه ؟ ميساء : اي ام مهند : مبروووك سعود كان قاعد يم مهند و يشوف في عين ميساء الفرح ,,يشوف شكثر اهي مستانسة و وده السعادة يشوفها دوم في عين حبيبته في البحرين ,,, شوق قاعدة في دارها و الملل ذابحها خلصت من سالفة محمد و تدور لها سالفة ثانية تشغل روحها فيها ... مرة وحدها تذكرت سالفة نادر و الرقم الي خذته ,,, ع طوول كتبت الرقم في يدها و راحت لدار هيا ... شوق : هيووونه هيا : هلا شوق : ابي رنتج واايد عاجبتني هيا باستغراب : و شنو الي عاجبج فيها يعني ؟!! شوق : مادري تمللت من هالاغاني قلت ابي موسيقة رنتج هيا كانت تحاول تصدق الي قاعدة تقوله شوق.. شوق خذت الموبايل و سوت مس كول من رقم هيا لنادر ... شوق و اهي طالعه من الدار : ثاانكس هيوووونه ,, توها بتطلع شوق من دار هيا الا و موبايلها رن ... هيا: من ذي رقم غريب !!!! شوق : ردي انزين ,, شدراني انا هيا : متأكدة هذي مب لعبه من لعباتج لان غريبة انتي تتمللين من الاغاني اشكـ ,, و بس عطيتيني الموبايل رن .. شوق : انتي بلا هرار ,, ردي ترى الي قاعد يدق تملل و اهو يسمع طوووط طوووط هيا و اهي تطالع شوق بنظرات : سكتي انزين شوي هيا : الو نادر : من معاي ؟ هيا : انت الي داق ,,, من انت ؟ نادر : اختي انتي توج متصلة على رقمي شلون انا الي داق ؟؟ هيا عرفت الصوووت و راحت لشوق و داست فووق ريلها : مسامحة خوي النمرة غلط.. نادر : لحظة ,,, انتي هيا !!! هيا بتوتر : اي نادر : زين دقيتي علي هيا : مب انا هذي شووقوو السوسة سوت مس كول و انا ماعرف نادر ما حب يحرج هيا ((كان يفكرها جذبة حق ما تقول ان اهي الي داقة و تبي تكلمه بس سكت عنها)) هيا : الحين انا مشغولة يلا باي و قطعته حتى بدوون ما يقول نادر باي هيا بعد ما قطعته على طوول راحت حق شووق دارها هيا : فتحي الباب احسن لج شوق : ما بفتحه شبسويين يعني !! وييييووو هيا : اقولج فتحييه ولا اكسره فووق راسج شوق بخوف : انزين انا دقيت له عشانج هيا : شووقوو ما له داعي تسمعيين البيت كله ,,آخر مرة اقولج فتحي الباب و اذا ما فتحتييه راح اقول حق ابوي عن الي سويتيه شوق : فتحته .... استانستي الحين !! هيا دخلت و صكت الباب وراها : انتي بأي حق تدقيين ع الريال ,,و من وين لج رقمه ؟؟ شوق : رقمه ,, امم من الميلس ذاك اليوم بعد ما قلتي لي السالفة رحت خذيته هيا : هذي يزاتي اني اقولج الي يصير فيني تروحين تسوين جذي شوق : انزين انا سويت هالشى عشانج والله هيا : شنو عشاني ما عشاني انتي شدراج انا شنو في بالي و شنو مصلحتي ؟؟ شوق بتوتر : لو تعرفين تصرفتي بروحج هيا : و يايه تعلميني شنو مصلحتي و وينها ,,, شوق بدت تدمع : والله لو تعرفينها ما ظليتي على هالحال فترة و منزمان نسيتي هذا الي ما يتسمى و اذا رفيجه ياي يتقدم لج المفروض ما تفكرين حتى في السالفة ع طووول توافقين ,, ها اعرف مصلحتج ولا لا ,, تفكرين روحج انتي كبيرة و تفهميين يعني .. ياما ناس كبار و ما يعرفوون يتصرفوون و منهم انتي ,, لو تعرفيين ما خليتيه يطلقج دام تحبينه هذا لو تعرفيين تتصرفين و يايه تزفيني ليش اني ابي مصلحتج و اطلعج من الهم الي عايشة فيه ,, كلام شوق آثر على هيا واايد و خصوصا ان هالكلام طلع من وحدة اصغر منها ,, الكلام الي قالته شوق المفروض ينقال لها منزمان لانها مو توها على هالحال يمكن يوعيها اذا انقال لها ,, هيا و عيونها مليانه بالدمووع :بس ما ابي اسمع اكثر ... انا ابي امووت و افتكـ من هالعيشة ,, ليش قاعدة اتعذب انا على واحد ما يسوى ليش شوق شافت اختها في هالوضع ما حبت تتكلم و تقول كلام يجرحها اكثر من الجرح الي فيها ,, شوق راحت لهيا و لمتها بقوة ,, هيا حست ان في احد موجود معاها يساعدها اذا تحتاجه حست بمعنى الاخوة ,, و في احد يخاف عليها و يبي مصلحتها ,, يبي ينسيها الهم و الغم و يخليها تعيش سعيدة مثل ما كانت و احسن ... هيا : شووق انا آسفة شوق : لا تقولين جذي انا الي اسفة اعرف كلامي كاان وايد قاسي ,, هيا : بالعكس كلامج بغير من حياتي واايد من اليوم و رايح هيا راحت دارها بعد الي صااار و تمت فيها ولا طلعت هيا كاانت في الليل ع الساعة 2 تقريبا ,, تحاول تنام بس مب قاادرة ,, كان تفكريها كله في نااصر و شلون راح تتزوج واحد غيره و اهي الي وعدته قبل الزواج انها ما راح تحب غيره طوول عمرها و لا راح تفكر حتى انها تاخذ واحد ثااني ..و في نفس الوقت تفكر في الكلام الي قالته شووق الي مب قادرة تنسى ولا حرف منه كااانت تبجي من الحرقة الي تحسها في قلبها .. خايفة من الي قاعد يصير لها .. بدوون حواس خذت موبايلها و اتصلت على طووول الى نادر .. نادر ما كان راقد في هالوقت لان من بعد هالسالفة و اهو حياته منقلبه .. اول ما شااف رقم هيا استغرب لا ما كان متوقع انها راح تدق عليه من بعد آخر مرة كلمها ... رد عليها و بتردد : السلام هيا و باين على صوتها انها تبجي : و عليكم السلام نادر بخوف : شفيج هيا ؟؟ هيا : ماعرف يا ناادر انا وايد تعبانه .. تعبانه من الي قاعد يصير فيني .. هالعالم كلهم مرتاحيين ما في الا انا تطيح في راسي المشاكل ,, انا عمري ما فكرت اضر احد ليش يصير فيني كل هذا ,,انا شسويت حق كل هالاشياء تصير لي في حياتي ,, شسويت انا .. ذنبي اني حبيته ,, الناس كلها تلموني و على شنوو !! على اني حبيت زوجي و للحين احبه ..ليش الحب في هالزمن صار عيب و غلط ؟؟ ليش يا ناااصر سويت فيني جذي .. ليش ؟؟ نادر :,,,,,,,, هيا و اهي تمسح دموعها : من يوم ناصر طلقني و انا مب عارفة شسوي في دنيتي .. من يوم خلاني و راح راحت احلامي معاه و كل شى انتهى,, ما عدت ابي شى من هالدنيا .. ابي بس ارتاح اصلا ما بقى لي في هالدنيا شى ,, ناصر يحس قلبه قاعد بتقطع من الكلام الي قاعد يسمعه : صبري يا هيا و حاولي تنسيين الي صار انا بعد مب مرتاح ,, هيا باستغراب : و ليش انت مب مرتاح ,, انت ما تقدمت لي يعني من رضاك ؟؟ابي اعرف انت ليش تبيني !! و انت اكثر واحد تعرف ان انا احب ناصر و اهو يحبني و ثاني شى انا وحدة مطلقة و انت ما فيك عيب ,, كل بنت تتمنى ياخذها واحد مثلك نادر بحسرة : يا هيا لا يغرج شكلي ترى كل من يبين عليه شى و داخله شى ثااني لو بتشوفيين شداخل الناس كلها راح يشيب راسج من الهموم الي كل واحد شايلها ,, صج الدنيا صعبة و اوقات يتمنى فيها الواحد لو ان ما انخلق لكن بعد تبقى هذي الدنيا حلوة ,, و الواحد لازم لو يوم واحد بس حس روحه مستانس فيها ,, بس انتي خلي ارادتج قوية و حاولي قد ما تقدرين تنسيين كل همومج و فكري باليوم و باجر ,, بعد ما قال نادر لهيا هالكلام حست بخوف شوي هيا : شتقصد يعني لا يغرج شكلي ؟؟ نادر بتوتر : لا ما اقصد شى هيا : اذا فيه شى يا نادر قوله لي من الحين ترى انا مو ناقصة بعد مشاكل الي فيني كافيني ,, نادر : ما في شى يا هيا و انا اوعدج بس تفكرين في السالفة و توافقيين علي ما راح اخليج تتضايقيين بعد ولا راح ازعلج بشى طووول ما انا عايش هيا ما كانت تقدر تقول له شى ولا ترد عليه الحين خصوصا انها متشتته من الافكار الي في بالها ,,, هيا بعد لحظات سكووت : نادر انا الحين بروح نادر : فيج شى ؟؟ هيا : لا بس برتاح شوي نادر : اوكي ,, مع السلامه هيا : الله يسلمك بعدها تمت هيا تفكر في الي صار بينها و بين نادر ,, انا ليش دقيت عليه ,, شبقول عني !!! جــــانــــي صـــاحـــب حـــبــيـبــي و هــو يدري بكـــل ماجــرى وصار تطلقت من صــــاحــبه وعـزيـــزهـ واهــو يريد يداوي الجــــرح بخيانــه بس شلون ياربي هذي موعادة محب يـــــترك حبـــــيـــــــبه بــــيــــــــوم و يــــرافـــق صــديـــــق عــــمـــره مــــــاهـــــو وفـــــى يــــا نــــــاس هــــــذي مــذلــــة وخـــــيانة الاقدار اما بالنسبة لنادر فتم يفكر في هيا و حالها و شلون بكون موقفها اذا درت ان اهو يبيها حق يطلقها و ياخذها ناصر ,, اكيد راح تتضايق و حالتها تزيد اكثر و اكثر من ما اهي عليه الحين ,, البنت شكلها حلوة و مستعدة تتغير و لو ما كان هالشى في بالها ما دقت علي .. انا لازم الحين اخذ موقفي من هذا كله و اعرف انا شقاعد اسوي و ما اورط روحي بهالسالفة اكثر ,, نادر كان كل ثانية و اهو يكلمها يحس باحساس غريب اول مرة يحسه .. صج هالبنت وفيه ,, و اذا حبت تحب من كل قلبها .. على الي سواه فيها ناصر و للحين تبيه ,, والله يا هيا قلبج ابيض و صج الي يبي يعرف الحب يعرفه و يتعلمه منج .. حس بغيرة كاان وده لو شخص يحبه كثر ما هيا تحب ناصر .. اهو ما جرب الحب ولا مرة بحياته لكن من كلام هيا حس ان الحب شى عظييم حس ان الحب يغير طعم حياة الواحد حس باحاسيس غريبة اول مرة يعرف ان الحب غير عن كل هالاحاسيس الي كان يحس فيها ... كان يحس براحة و في نفس الوقت متضايق على حالها .. يحس انه وده يتقرب منها عشان تفتح له قلبها و ترتاح و اهو الي يحمل عنها كل هالهموم الي شايلتهم في قلبها .. وده و وده و وده ,,,,,ما يعرف شصار فيه يحس جسمه يرتعش ,,,,اول ما سمع صوتها و اهي تبجي كان خاطره يقولها انشالله فيني ولا فيج ,, في نفسه يقول انتي ما تستاهلين كل هذا يا هيا الي انتي فيه اكبر من سنج و من عقلج انتي ما تقتدرين تتحملينه .. Quote Link to comment Share on other sites More sharing options...
أسيرة الورد Posted يناير 31, 2009 Report Share Posted يناير 31, 2009 حلاااااااااااااااااااا حلااااااااااااااااااااااااااااااااااااااااااااااااااااااااااااااااااااااااااااااااااا اشهالزيييييييييييييييييييييييييييييييييييييييييييييييين كلللله اشهالحلااااااااااااااااااااااا صج صج صج صج ابدعتييييييييييييييييييي الامتحانات لها تاثير قوي عليج صج صج صج بااااااااااارت و لا اروووووووووووووووووووووووووووووع ميوووس و سعود عليهم سوالف خخخخ الا يخلون رغد تتعرف عخالد باي طريقة يضحكون يهال مو كبا رو معرسين اما ايمان كسرت خاطري بس اشوة محمد عرف السالفة مهند و نور حالتهم ما تسر و المواقف عنهم قليلة نبي اكثر مواقف ابي اعرف شنو نهايتهم هيا و ناصر و ناادر اشبيصييييييييييييييييييييييييييييير كاسرة خاااطري هيوو ازهاار؟؟؟ شنو بيصير فيها؟؟ اريييج و حمد؟؟ وينهم مشكووووووووووووووووووووووورة حبيبتي على الباااارت الحلوو ذي بصراااااااااحة ابدعتي من قلب اتريااااج ع احر من الجمر الحين عطلة لا تطولين عاد اختجـ اسيرووو Quote Link to comment Share on other sites More sharing options...
danat aldonya Posted يناير 31, 2009 Report Share Posted يناير 31, 2009 يسلمووووو بارت رائع من بعد غياب طويل يسلموووو Quote Link to comment Share on other sites More sharing options...
Black Pearl Posted يناير 31, 2009 Report Share Posted يناير 31, 2009 بااااااااااااارت حددددده عجيب !! مشكووووووره الشيخه !!!!!!! Quote Link to comment Share on other sites More sharing options...
maiooo Posted فبراير 1, 2009 Report Share Posted فبراير 1, 2009 ثااااانكس عل بااااارت كشوووووخي.. الصرااااحة لو انا مكاااان ايمااان جااان حدي تفشلت !! الموقف واااايد محرج !! ومسكيينة هيااا تكسرر الخااااااااااطر.. وحرااام ان بعد نااادر يطلق هياا عشاان نااصر.. يعني صج الي فييهاا كااافييهاا... والبنية مو لعبة في يدينهم !! ورغد احسهاا واايد انحرجت من خاااالد.. كله من ميوووس ولييش مااافي مواااقف بيين نووور مهند؟؟! بس يقهر بعد ليش متغير علييهااا؟؟؟َ ثانكس عل بااارت.. وننتظر الباارت اليااي.. Quote Link to comment Share on other sites More sharing options...
girlheart Posted فبراير 1, 2009 Author Report Share Posted فبراير 1, 2009 حلاااااااااااااااااااا حلااااااااااااااااااااااااااااااااااااااااااااااااااااااااااااااااااااااااااااااااااا اشهالزيييييييييييييييييييييييييييييييييييييييييييييييين كلللله اشهالحلااااااااااااااااااااااا صج صج صج صج ابدعتييييييييييييييييييي الامتحانات لها تاثير قوي عليج صج صج صج بااااااااااارت و لا اروووووووووووووووووووووووووووووع ميوووس و سعود عليهم سوالف خخخخ الا يخلون رغد تتعرف عخالد باي طريقة يضحكون يهال مو كبا رو معرسين اما ايمان كسرت خاطري بس اشوة محمد عرف السالفة مهند و نور حالتهم ما تسر و المواقف عنهم قليلة نبي اكثر مواقف ابي اعرف شنو نهايتهم هيا و ناصر و ناادر اشبيصييييييييييييييييييييييييييييير كاسرة خاااطري هيوو ازهاار؟؟؟ شنو بيصير فيها؟؟ اريييج و حمد؟؟ وينهم مشكووووووووووووووووووووووورة حبيبتي على الباااارت الحلوو ذي بصراااااااااحة ابدعتي من قلب اتريااااج ع احر من الجمر الحين عطلة لا تطولين عاد اختجـ اسيرووو هذي مو تأثير الامتحانات,, تأثير العطلة الامتحانات تأثيرها بعد الشهادات الله يستر بس الصراحة انتي الي شهالحلا رد صراحة يرد الروح يسلمووو اسيروو يسلمووووو بارت رائع من بعد غياب طويل يسلموووو ثااانكس ع الرد 'danat aldonya' بااااااااااااارت حددددده عجيب !! مشكووووووره الشيخه !!!!!!! يسلمووو على المتابعة حبيبتي ثااااانكس عل بااااارت كشوووووخي.. الصرااااحة لو انا مكاااان ايمااان جااان حدي تفشلت !! الموقف واااايد محرج !! ومسكيينة هيااا تكسرر الخااااااااااطر.. وحرااام ان بعد نااادر يطلق هياا عشاان نااصر.. يعني صج الي فييهاا كااافييهاا... والبنية مو لعبة في يدينهم !! ورغد احسهاا واايد انحرجت من خاااالد.. كله من ميوووس ولييش مااافي مواااقف بيين نووور مهند؟؟! بس يقهر بعد ليش متغير علييهااا؟؟؟َ ثانكس عل بااارت.. وننتظر الباارت اليااي.. يسلموو مي على الرد وينج وحشتييني بحاول انزل لكم بارت بأقرب وقت ,,, ابي توقعات اكثر ,,, Quote Link to comment Share on other sites More sharing options...
غرٌورُ آنُثَىُ Posted فبراير 3, 2009 Report Share Posted فبراير 3, 2009 بآرت ولا آروع } ابدعتي .. Quote Link to comment Share on other sites More sharing options...
girlheart Posted فبراير 3, 2009 Author Report Share Posted فبراير 3, 2009 (edited) البارت 18 تمر الايام بسرعة و كلن عايش في دنيته المدارس بدت الامتحانات و ما باقي شى على السنه و يتخرجوون ايمان تتصل في نور ايمان : هلا شخبار نور : هلا والله,, هلا باموووون حبيبة قلبي وينج انتي ؟ ايمان : شعندج ؟؟ من وين طالع كل هالحب ؟؟ نور : بس حرام ادلع رفيجتي و حبيبتي ايمان : اقول بس لا يسمع مهند و يذبحنا من الغيرة نور بضيقة : اها ,,, الا ما قلتي لي شخبارج ؟ ايمان : الحمدلله بخير ,, و انتي؟ نور : اوكي ايمان : شفيج ؟ نور : ولا شى شفيني يعني ؟ ايمان : اكيد ؟؟ نور : اي ليش؟ ايمان : مادري احسج متضايقة و فيج شى ... صاير شى بينج و بين مهند ؟ نور : لا ايمان : اكيييد ؟ نور : اي ايمان : اها براحتج ,, بس تعرفين رقمي و اذا تبين اي شى دقي علي و قولي لي ,, نور : لا ما ابي شى ايمان : بنسوي 3 لاينز ويا اشواق شرايج ؟؟ منزمان ما كلمناها نور : اوكي ولا يهمج و شبكوا مع اشواق الي كانت مسويه الموبايل سبيكر و يمها شوق اشواق :هلا نور شخبارج؟ نور : بخير الحمدلله,, انتي شمسويه مع اختج؟ اشواق : كالعادة اعاني منها نور : الله يساعدج عليها صراحة شوق نطت اول ما سمعت اسمها: الله يساعدها علي ها !! زعلت انا خلاص ايمان : حبيبتي شوقو ما حصلتي الا يزعلونج و انا موجودة ,,, لا لا حشى من الي زعلج خليني عليه ,, اشواق و اهي تقلد ايمان : حبيبتي نووور ما حصلوا هالناس الا احنا يبون يفوشرون علينا ان اهما ربع الحين شوق : ايمان ما عليج منهم محترييين ليش انتي رفيجتي و اعز وحدة لي و ما ترضين علي نور : بسكم من الهرار ,, درستوون ولا للحين ؟ ايمان : الصراحة بعد شوي ببدي نور : ايمانو يالهبلة شنو بعد شوي للحين ما درستي شى ؟؟ ايمان : اي في وايد وقت نور: اي بنشوف من الي بصيح في الليل شوق : اقول نور ,, سكتي ولي يعافيج مادري من الي يلعب طووول الوقت و ينام و اذا قعد الصبح يصيح و يغيب ,, اشواق : الا بسألج نور ما غبتي السنه ايمان : سملى على رفيجتي لا تدعيين عليها ,, شوق : اي معليه خلها تغيب حق تعيد الامتحان ويا الراسبين هههه بعدين من بغششها نور : وايد واثقيين ,, من قال لكم ما غبت !! ايمان : حللللفي؟ نور: ههه والله امتحان الكيم كنت طالعه لان و ما مداني ادرس فقلت اغيب اشواق : و شلون اقنعتي امج ؟؟ نور : من قالج اني قلت لها ,, لان اهي موصيتني من بداية الامتحانات ان غبت يا ويلي فقلت اسوي جريمة ,, شوق : شسويتي ؟؟ نور : احم احم اتصلت في راعي باصنا و قلت له بروح معاه اليوم اشواق : انزين نور : بس اول ما ركبت البااص قعدت العب في اعصاب البنات قبل الامتحان شوي و اخوفهم و اقولهم ان الماده سهله و ما له داعي بعد افتح الكتاب و قاعدة انكت لهم في الباص و يوم وصلنا للمدرسة قلت لهم السالفة كامل و اني ييت الباص بس حق امي ما تقول لي لا تغيبين ايمان : انزين شسوى راعي باصكم نور : شبسوي يعني ,,, هههه قعدت يضحك على هبالتي ,, ايمان : بس شلون قلتي الى امج بعدين نور : دقيت عليها,, الصراحة حاولت اصيح بس ما قدرت مادري ليش بالذات هالمرة ما يتني الصيحة ,,, المهم مشيت الجذبه و قعدت اغير صوتي و امي على اعصابها و تقولي سمي بالله و ادعي و انشالله تسوين زين انتي دارسه ,, قلت لها اخاف و ما ابي بعدين قالت لي براحتج شوق : طلعتي مب هينه يا نوووروو من الي معلمنج مهند ولا فكري بيك ايمان :هههههههه لا لا شريفة خانوم و انتي الصاجة اشواق : بييي انتو مغبريين مال اول الحين صار مهند ,,قولوا عمر قولوا منار نور بعد ما قالوا اسم مهند و اهي ساكته تذكرت الي بينها و بينه و ما قدرت تقول ولا كلمة ايمان : شفيج نور سكتي مرة وحدة ؟ نور : هااا ,,, لا ولا شى ,, اقول يلا انا الحين بروح اكمل ايمان : اي يلا روحي لا تغيبيين بعد باجر و تسوين لنا سالفة نور : اوكي باااااااااااااااااااااااااي شوق و اشواق و ايمان : الى اللقاء في الامارات ** ازهار قاعدة عل المسن من ايميلها الثاني لان الايميل القبلي من بعد ما اخذ الباسورد حمد مادخلت عليه ,, حذفت كل ربعها و عطتهم الايميل اليديد و منهم اريج بس قالت لها انها للحين تفتح ايميلها القديم حق ما تعرف انها متفقة مع اخوها ,,, Azhar : اشوفك اون لاين,, ما عليك امتحان ؟؟ (( علي للحين مواصل دراسه)) Ali : الناس تسلم بالاول Azhar :الي ما يسلم علي ما اسلم عليه Ali :مسامحة ,,, هلا والله هلا ازهار ,, هلا بالورود ,, هلا بالحديقة بكبرها Azhar :تتطنز يعني ,, ترى ما تعرف تنكت Ali :هههه انزين مسامحة .. حقج علي و انا آسف ... امري شتبين اسوي بعد Azhar :سلامتك ,, الا ما رديت علي .. ما عليك امتحان ؟؟ Ali :بلى بس كنت ماخذ بريك لان معاي رفيجي .. Azhar :اها ,, ما عرفتنا عليه Ali :عيب ما يصير عمرج سمعتي اخو يعرف اخته على صبيان Azhar :ليش من قال ان انت اخوي ؟ Ali :ليش يعني شايفتني ابوج ولا عمج Azhar :لا هذا ولا ذا Ali :من يعني حبيبج ؟ Azhar :اسملى علي شتقول انت تفاول علي Ali : لهدرجة يعني ما انحب Azhar : لا مب هذا قصدي ,, بس Ali :بس شنو ؟؟ Azhar :ماعرف انت اوكي و تحب بس مادري Ali :اي اي قصي علي الحين بالكلام الحلو Azhar :ههههه انزين شقلت تعرفنا عليه ولا لا Ali : ازهاروو قلت لج تركي عنج هالسوالف ترى اطلقج فهمتي!! Azhar :تطلقني لا لا انا احبك تتركني بعد كل هالفترة ,, ما توقعتك تنكر كل الي صار بينا بس عشان وحدة ما تستاهل عشان وحدة رخصت روحها لك افا يا علي وين ثقتي فيك ؟؟ وين ؟؟ Ali : سويتيها مسلسل مكسيكي ,,,,خلاص يا يبا ولا يهمج اعرفج عليه لكن لو ما اعرفه ريال و محترم نفسه ما امنت عليه تراج غاليه عندي Azhar :احم احم اول ما قال علي حق ازهار انها غاليه بالنسبه له ما تعرف شصار فيها اول مرة تسمع هالكلام من حد غريب Ali :ازهارووو وين رحتي الحين ما تبين تسلميين عل الريال ,, Azhar : لا بلى بكلمه علي قال حق رفيجه بندر ان يكلم ازهار Ali :هلا ازهار Azhar :هلا ,, مداك عرفت اسمي Ali :ههه اي علوي ما يخش عني شى Azhar :فضيحة هذا رفيجك,,, ما قلت لي شنو اسمك؟ Ali : بندر ...لا تقولين هلون عنه تراه وايد يعزج و دوم يتكلم عنج اول ما قال بندر حق ازهار هالكلام حست دارها صارت حر من الفشلة (مسكينه البنت توها على هالسوالف ) ما تتقدر على هالكلام Azhar :اممم ,,, Ali :يلا بنروح نكمل دراسه و انتي بعد روحي درسي و ما عليج من سوالف علي ترى دراستج اهم من كل شى Azhar :اوكي Ali :فرصة سعيدة Azhar : رجع علي يكلم ازهار Ali :ارتحتي الحين ؟ Azhar :اي ارتحت Ali :الحمدلله كل شى ولا تخلين شى في خاطرج انتي بس امري Azhar : امم ابي بعد رقمه Ali :حلفي بس ,, كأني وايد عطيتج ويه يلا روحي درسي Azhar : ههه و انت صدقت يعني .. امزح معاك Ali : شدراني عادي عندج Azhar :لا حبيبي شنو عادي من قالك Ali : انا حبيبج ؟ Azhar :لا انت عدوو مو حبيب Ali : انا عدو لكن معليه زعلت خلاص Azhar : تفكر براضيك يعني ,,, من جهة ثانية اريج ع المسن تكلم حمد على انه ازهار Areej : ازهارووو انتي ليش فاتحة ايميلاتج ثنينهم يدور راسي انا ماعرف اكلمج من هذا ولا الثاني zoOZ:برب شوي راح حمد لاخته حق يشوف شسالفة الايميل الثاني الي تقول عنه اريج دخل دارها على طووول من دون ما يطق الباب لان كان شوي مفتوح ازهار اول ما شافته ارتبكت و صكت المحادثة على طول حمد : شفيج ؟ ازهار : لا ولا شى ,, حمد : اكييد ؟ ازهار : اي ليش ؟ حمد : لا ولا شى بس كنت ابي اسالج عن ايميلج اليديد لان اريج تقول ما تعرف تكلمج من اي واحد ازهار : اها ,, حمد : انزين انا بقول لها تكلمني على هذا على طوول لان الثاني بس حق ربعج و انا بخبرج اول باول بلي قاعد يصير ازهار : اوكي راح حمد داره و قعد ع السرير مقابل الاب توب ( باقي شوي و يدخل فيه ) zoOZ:باااك Areej :ولكم zoOZ:روحي درسي باجر امتحان Areej :قولي حق روحج zoOZ:خلصتي دراستج ولا للحين Areej :لا باقي علي شوي zoOZ:درسي عدل حق تيبيين علامات كاملة Areej :ههه شفيج تنصحيني اشوف الدور منقلب اليوم zoOZ:يعني حرام اقولج درسي Areej :لا قولي براحتج حبيبتي بس انتي طبقي هالشى بعدين تعالي قولي لي zoOZ:اها ,, بعد شخبارج ؟ Areej :الحمدلله و انتي ؟ zoOZ: الحمدلله بخير ,,,اي زين تذكرت ,, شسالفتج آخر مرة يوم شفتي اخوي اريج توترت اول ما قال لها حمد هالكلام ,,, بييي والله طلعت فضيحة يا حمد Areej :شنو شسالفتي ؟ zoOZ:يعني ما بتقولين لي ,,, Areej :هذا اخوج فضيحة ما يسكت zoOZ:اخوي ما يخش عني شى Areej :اها الله يخليه لج عيل ,,, الصراحة اول ما شفته فكرت روحي اتخيل بس بعدين عرفت ان اهو صج في البيت حمد في قلبه :: والله و قمتي تفكرين فيني لدرجة من كثر ما تفكرين فيني تبين تشوفيني ,,, آيي عليج يا ارووج هذي عادتي احبك و احبك ,,, لكن عادتك تصدني و تبعدني,,, لا تفـــكر انك بــــيـوم تهجرني,,, دام حبي تربع في وسط قلبك,,, تمنيتك ترجيتك تردني بالعناد,,,, بعد بعدي و فراقي ترجع تحبني,,, تـــحــــبــنـــــــي اي تحبـــنــي ,,, كلامك و افعالك تشهد انك تحبني,,, Areej :وين رحتي ؟ zoOZ: معاج ,, Areej :انزين ما قال لج شى عني ؟ zoOZ:شى مثل شنو ؟ Areej :لا بس ما عليج مني قمت اخربط zoOZ:شرايج باجر اخلي اخوي يمر علينا و يطلعنا مطعم ولا شى تعرفين باجر اخر يوم Areej :لا ليش اخوج نقول حق مهند ,, zoOZ:براحتج ,,,, بس ردي علي حق اعرف Areej :اوكي يلا انا الحين بروح اكمل دراسة zoOZ:اوكي مع السلامة Areej :الله يسلمج بعدها راح حمد يخبر ازهار عن الطلعه و كاانت وايد متحمسة و ودها ايي باجر بسرعة حق تطلع ,,, ازهار: انزين ما قالت لك الحين من الي بوصلنا حمد : قلت لج قالت بتشوف مهند و بترد عليج ...... اليوم الثااني كاان بالنسبة لمدارس الامارات اخر يوم ,,,, سيتخرجن الفتيات من المدرسة و بعدها ستبدأ العطلة الصيفيه,, p: طلعوا ازهار و اريج من الامتحان و الابتسامه ما فارقتهم ,, كان هاليوم بالنسبة لهم حلم ,,و اخيرا خلصوا من شى اسمه مدرسة و تنتظرهم حياة ثانية غير الي تعودوا عليها ,, بيتغير عليهم الروتين الي يوميا كانوا متعودين عليه ,,, ازهار: اريجوو خبرتي اخوج عن الطلعة اريج : اي ,, قال لي ادق عليه اذا خلصت امتحان و بشوف اذا يقدر ازهار : دقي عليه بسرعة ,, حق اذا ما قدر اخلي اخوي يمر علينا اريج : اوكي بعدها على طوول اريج طلعت الموبايل و قعدت تدق على مهند بس للاسف ما كان يرد ,, ترد تدق عليه ,, و تدق ,, لكن الاخ كاان نايم و الموبايل سايلنت اريج : افففف شفيه هذا يقهر ,, هذا و مخبرتنه امس ازهار : اقول حبيبتي خلاص ,, بقول حق اخوي لان اخوج ما في امل ايينه ازهار : حمد تعال لنا المدرسة حمد : ليش وين مهند ؟ ازهار : مادري بس مب قاعد يرد على اريج حمد :انزين مسافة الطريج و ياينكم ازهار : اوكي بباي حمد : لحظة .. ازهار : نعم حمد :اذا وصلت تعالي السيارة قبل اريج بقولك شى ازهار : اوكي حمد : مع السلامة ازهار : الله يسلمك وصل حمد المدرسة,, ازهار راحت بسرعة حق تركب السيارة , اريج : ازهاروو شفيج تركضيين ,,نطريني ازهار مشت عنها ولا كأنها تسمع راحت السيارة حق اخوها و قال لها بالشى الي يبيه و وافقت يات اريج بعدها ,, حمد كان قاعد يشوفها و اهي تمشي الى السيارة و منزلة راسها ,,, مــــــــلاك قـــــلبــــــي يمشي و يدق قلبي بكل خطوه يخطيها وصلت عند السيارة و اهي ملاحظة نظرات حمد لها ,, دخلت و سلمت ,, حمد ما رد السلام ,, بس ازهار اريج حطت في خاطرها على هالموقف ,,خصوصا هالايام اهي صايرة وايد حساسة من سالفة حمد و تاخذ منه موقف على اقل شى يصير بينهم ,, في السيارة كااانت اريج عينها عل المنظرة لانها قاعدة ورى حمد مباشرة ,, بس اهو ما كان عاطنها ويه ولا كأنها موجوده ,, حمد : ازهار وين تبين تروحين ؟ ازهار : امم مادري ,, اريج وين نروح .؟ اريج : براحتج ازهار : امم ودنا اي مكان على ذوقك حمد : يمكن ذوقي ما يعجب الكل ازهار : شتقصد يعني ؟ حمد : لا ولا شى اريج تضايقت اكثر من سمعت حمد يقول هالكلام و عرفت ان اهو يعنيها ,,, اريج بقهر : ازهار خل نرد البيت احسن ازهار : لا وين نرد البيت نبي نطلع ,, حمد : دام تبي نرد البيت نرد ليش لا!! و لف عل الشاارع حق يوصل اريج البيت ازهار : حمد تكفى خل نروح مكان قطع كلام ازهار رنه حمد ... حمد : هلا حبيبي ؟؟: هلا حمد : وينج الحين ؟ ؟؟: راده البيت كلها دقايق و اوصل حمد : اوكي ناطرج انا ,,,قعدي عل المسنجر ابيج في شى ضروري ؟؟: اوكي حمد : باي ؟؟: باي كااان حمد مرفع على صووت الموبايل حق اريج تسمع صوت البنت الي يكلمها ,,و بالفعل هذا الي صاار .. كان صووت البنت ينسمع كاانت اريج تحس بغيرة و قلبها ناغزها ,, يكلم بنت ,, لا و يقول انها حبيبته ,, مب يقول ان يحبني و يبيني ليش يكلم غيري حست اريج بغصة و كان ودها تطلع من السيارة بس لو ما اهي في الشاارع ,, و حمد كان يعاند و يمشي بطيئ في الشاارع يبي يشوف رده فعل اريج اريج : ازهار ولي يخليج قولي حق اخوج يردنا البيت بسرعة ازهار لفت حق تشوف اريج و كان وييها احمر و ملامحها متغيرة ازهار : فيج شى ؟ اريج : لا بس حسيت ان راسي يعورني ازهار : عسى ما شر ,, توج بخير شفيج ؟ اريج : ازهار تكفيين بسرعة ,, ازهار طالعت حمد بنظرة ان يسرع و يردها البيت ,, لان كاانت اريج صج باين عليها القهر و خصوصا حمد متعمد يسوي هالحركات لها .. نزلت اريج بسرعة من السيارة و دخلت بيتهم حتى من دوون ما تسلم و راحت دارها ام مهند : شفيها اريج ؟ مهند : اوووه نسيت !! ام مهند : شنو الي نسيته ؟ مهند : اهي قالت لي تبيني امر عليها اليوم حق تطلع يمكن الحين متضايقة من هالشى .. ام مهند : روح يمه شوف شفيها و راضها بكلمتيين ,, راح مهند لاريج عند دارها ,, مهند : اريج ممكن ادخل اريج : لا تعبانه ابي انام مهند : فيج شى ؟؟ اريج : لا مهند : آسف نسيت امر عليج اريج : ليش تتأسف اصلا هالشى ما يهمك لان لو تهتم ما نسيت مهند دخل دارها ,,, كانت اريج تطلع لها ثياب حق تبدل ثياب المدرسة ,,, مهند : شفيج ؟؟ اريج كانت تحاول تخش وييها حق ما يشوفه مهند ,, اريج : هاا ,, لا ولا شى مهند : اكييد ؟ اريج : اي قلت لك ما فيني شى مهند : انزين و الي يقولج بطلعج الحين اريج : ما ابي قلت لك تعبانه و ابي ارتاح مهند و اهو طالع من دارها : براحتج بس الي علي خبرتج ,, اريج راحت تقفل الباب ,, اففففف اكره والله اكره ما يستحي بعد يقول هلا حبيبي,,, شنو هذا ما يحس يفكر البنات لعبه يعني كل يوم مع وحدة لا و ينطرها عل المسن يقول عنده سالفة ضروري مالت عليه و عليها شهالسالفة الضرورية ,, عساها ما تتوفق في دنيتها و تموت يا رب ,, شفيها يعني احسن مني .... يقهر والله يقهر راحت اريج حق تنام لها شوي يمكن تنسى الي صار ,,, توها غافية الا قعدت على صوت المسج ,, فتحت المسج الي كان من ازهار ارووج شفيج طمنيني عليج ,, انا ناطرتج اون لاين راحت اريج على طووول فتحت الاب توب Azhar : هلا اريج شفيج طمنيني عنج ؟ Areej : الحمدلله بخير Azhar :اكييد ؟ Areej :اي اكيد Azhar :يسلم عليج علي Areej :الله يسلمه خليني معاكم في المحادثة ابي اغير جوو شوي Azhar :افا عليج ضافت ازهار علي معاهم في المحادثة ,, Ali: هلا والله اشوف الجماعه مع بعض .. خلني اضيف بندر معانا Bandar :السلام Azhar :و عليكم السلام Areej :هلا Ali : بندر هذي اريج بنت عم ازهار Bandar :تشرفنا ,, انتي مع ازهار في صف ؟ Areej :اي ,, انت جم عمرك ؟ Bandar :انا 21 اريج ياتها فكرة انها ترد لحمد الي قاعد يسويه فيها و قالت تتعرف على بندر Azhar :شخباركم شباب صبايا؟ Areej :انا الحين الحمدلله Azhar :سبحان مغير الاحوال Bandar :بخير الحمدلله Ali: تمام نسال عنج Azhar :سألت عنك العافية Ali:الله يعافيج ظلوا يسولفون مع بعض فترة ,,,, بعدها بندر خبر علي ان راح يضيف اريج عل الايميل لان اعجب بطريقة كلامها و اسلوبها ,,, اريج ما كانت تقدر ترفض هالشى لان اهي كانت تبيه يصير حق ترد حركة حمد له ,, في البحرين ** بعد العشا .. ايمان متصلة حق نور تخبرها ان محمود (اخوها ) راح يتزوج ايمان : هلا نوور نور : هلا والله ايمان : سمعي عرس اخوي بعد يومين نور بفرحة : صج!! مبروووووووك ايمان : الله يبارك فيج نور : ودي اشوف ساره احسها الحين ميته من الوناسة ايمان : سكتي ,,, بس ميته ههههه مب مصدقة انها راح تتزوج نور : اي من حقها من متى و اهي تحبه ايمان : انزين انتي معزومة و راح اييب لج البطاقة لباب بيتكم شتبين اكثر ,, لا تقولين ما تقتدرين اتيين فهمتي ؟ نور : افا عليج ,, بس ايي قولي بتعدل و بتكشخ و بصير احلى من ساروو ايمان : هههه بس حاسبي لا يطلقها اخوي يوم العرس و ايي لج نور : استحي على ويهج ايمان : احم احم لو يسمعني مهند ياكلني الحين نور : اممم ايمان : يلا بباي نور : باي نور ياا في بالها مهند و قالت خلها تدق عليه تشوفه نور : السلام مهند : و عليكم السلام نور : شخبارك ؟ مهند : الحمدلله بخير ,,و انتي ؟ نور : اوكي .. وينك ما تدق ولا تسأل مهند : تعرفين شغل و هالسوالف نور : يعني ما يمديك حتى تدق علي ولا تطرش مسج مهند : آسف نور والله اعرف اني مقصر بحقج بس مشغول والله حتى ما اقعد عل المسن كثر قبل لان ما في وقت ,, نور : اعذار اعذار اعذار ولا تخلص مهند : مب مصدقة يعني نور باحتقار: لا ليش ما اصدق ,, اصدق ليش لا يعني ؟؟ مهند : لا تكلمني هلون نور: في شى كلامي يعني ,,,اكلمك عادي !! مهند : الحين انا مشغول يلا باي نور : اوكي باي نور صكت المكالمة و اهي منقهرة منه و في نفس الوقت تحبه ما تقدر تقول بتهده لان الشى مو بيدها ... مهند فكرها راح تقعد اون فراح فتح المسن ,, اول ما فتح الايميل معقـــــــــــــــ كل هذا وماوحشتك ــــــوله(لمياء) إاختصار بكلمتين ... أشتـ‘‘ـقت لكـ... (مهند) معقـــــــــــــــ كل هذا وماوحشتك ــــــوله:هااي مهند ما كان له بارض ,, فسكت عنها قعد ينطر نوور لكن ما قعدت فقال يرد على لمياء بعد دقايق ,, إاختصار بكلمتين ... أشتـ‘‘ـقت لكـ...: هلا لمياء اول ما شافت النك نيم فكرت انها المقصودة ياااااي اشتاق لي ,, والله انك ريال تنحب ,,, معقـــــــــــــــ كل هذا وماوحشتك ــــــوله:شخبار D: إاختصار بكلمتين ... أشتـ‘‘ـقت لكـ...:الحمدلله بخير ,, و انتي ؟ معقـــــــــــــــ كل هذا وماوحشتك ــــــوله:انا بخير دامك بخير إاختصار بكلمتين ... أشتـ‘‘ـقت لكـ...:دووم معقـــــــــــــــ كل هذا وماوحشتك ــــــوله:خلصت اريج مدرسة ؟ إاختصار بكلمتين ... أشتـ‘‘ـقت لكـ...:اي اليوم خلصوا معقـــــــــــــــ كل هذا وماوحشتك ــــــوله:ما راح تزورونه في العطلة ؟ إاختصار بكلمتين ... أشتـ‘‘ـقت لكـ...:مادري على الاهل ,,بس يمكن انا ايي بروحي مع حمد.. معقـــــــــــــــ كل هذا وماوحشتك ــــــوله:اكيد راح تزورونه صح ؟ إاختصار بكلمتين ... أشتـ‘‘ـقت لكـ...:انشالله لمياء كاانت واايد فرحانه مهند راح ايي البحرين جريب ,,, و اخيرا راح تشوفه بعد كل هالمده ما شافته الحين بتشووفه خلاص يا لمياء ما في بعد اليوم سهر ولا تفكير الي تنتظرينه ياينج ولا عاد كل ليلة اشوف صورته ,,, راح اشوفه في الصج اي انا بعلم مو بحلم مهند ياي حق يشوفني ,, يمكن يبي يتقدم لي بس هالمرة ياي يكلمني قبل ما يتخذ قراره ,, من جهة ثانية حلفت وقلت لك غيرك..محد بالحب يستاهل(حمد) كلهم دمعتين بذرفهم وبنسااك(اريج) حلفت وقلت لك غيرك..محد بالحب يستاهل: السلام كلهم دمعتين بذرفهم وبنسااك: هلا بأزهار هلا بقلبي حمد يوم قالت له هالكلام فكر انها تقصده ما يدري ان اريج تفكر ان اهو ازهار حلفت وقلت لك غيرك..محد بالحب يستاهل: هلا حبي شخبارج؟ كلهم دمعتين بذرفهم وبنسااك: شنو حبي يلا انا لا حبج ولا هرارج حلفت وقلت لك غيرك..محد بالحب يستاهل:انزين شفيج اليوم بسيارة مرة وحدة ماعرف شصار فيج ؟ كلهم دمعتين بذرفهم وبنسااك:قلت لج راسي ليش تسالين منساعة مكلمتج و قلت لج صرت اوكي ؟ حلفت وقلت لك غيرك..محد بالحب يستاهل:انا اعرف ان انتي قلتي تبين ترديين مب عشان راسج ليش دايما تخشيين علي تفكريني ما اعرف ,, كلهم دمعتين بذرفهم وبنسااك:ازهار ما ابي اتكلم عن هالموضوع حلفت وقلت لك غيرك..محد بالحب يستاهل:تحبينه ؟ اريج اول ما شافت هالكلمة دقات قلبها بدت تتسارع و عينها بدت تدمع و صاار ويهها احمر كلهم دمعتين بذرفهم وبنسااك:اكرهه اكرهه تعرفين يعني شنو ,, اكرهه كره عمري ما كرهت احد كثره ,, كان يحسسني ان يحبني و يبيني ليش الحين يسوي فيني جذي انا شسويت له دايما يضايقني و يجرحني هذي ثاني مرة انصدم منه ولا اعرف اهو ليش يسوي جذي حمد طرش الى اريج دعوه حق يكلمها عل المايك و اخيرا قرر ان يقول لها الصج حلفت وقلت لك غيرك..محد بالحب يستاهل:اقبلي كلهم دمعتين بذرفهم وبنسااك:ليش؟ حلفت وقلت لك غيرك..محد بالحب يستاهل:ما بتقبليين ؟ كلهم دمعتين بذرفهم وبنسااك:اوكي اول ما قبلت اريج ,, تمت ساكته و تنطر ازهار تكلمها حمد : اريج ؟؟ اريج كااانت علامات الاستغراب و الصدمه في ويهها اول ما سمعت صوته يقول اسمها بطريقة غير يقول اريج بكل احساس ,, بكل نعومة حمد غنى لها اغنية راشد الماجد تكرهيني شايلة هالقد في قلبك علي ,, ريحني قولي عني لا تخبي أي شى كل هذا وسط قلبك ما دريت اني اعذبك ,,سامحيني توني افهم اكرهك يعني احبك حمد : اعرف انج ما ما كنتي متوقعه هالشى ,,ارجوج لا ترفضيين ابي اكمل كلامي بعدين سوي الا تبينه اريج بدت تنهار و دموعها على خدها مثل المطر ما قدرت تتحمل اكثر ,, بس تسمع صوته جسمها يرجف قلبها يدق ,, بعد يغني لها اريج على طووول بعدها بندت الاب توب و راحت تبجي مثل الياهل ,,, معقولة هذا يلعب علي كل هالوقت اكلم حمد على انه ازهار و شلون ازهار تجذب علي انا وثقت فيها تسوي فيني جذي ,,كانت الافكار تاخذها و توديها فكرة تقطع فكرة مب عارفة شلون تتصرف ,, شكثر عذبها حمد بسوالفه مرة يقول ان اهو خالد مرة يحرجها بوجوده ,, قررت انها تدق على ازهار ازهار : هلا ارووج اريج بقهر : سمعي ما ابي اشوفج ولا ابي حتى اسمع صوتج ولا تدقيين على رقمي مرة ثانية فهمتي ؟ ازهار باستغراب : اريج شفيج ,, توج اوكي معاي !!! اريج : الي ما يكون قد الثقة و المكانه الي الناس تعتبره فيها عمره ما كان انسان ولا يستاهل حتى احد ,, ازهار تقاطع كلام اريج الي كان قاسي و يجرح : وايد قطيتي علي كلام ,, انا ماعرف شسالفة .. يصير تفهميني ؟؟ اريج : خلي اخوج يفهمج باي قطعته اريج ,,,, بالنسبة لازهار فراحت الى حمد تشوف السالفة لانها كانت متوقعة,,, متأكدة ان اريج متضايقة منه ,, كان حمد في داره و مقابل الاب توب كان ينتظر اريج تدخل وده يقول لها كلام وده يصارحها بحبه لها وعى على صوت ازهار بعد ما كان يفكر في الي صار بينه و بين اريج ,, ازهار بعصبية : حمد حمد ببرود : نعم ازهار : انت شسويت ؟ حمد : ما سويت شى ازهار : اريج يايه تقط علي كل هالكلام و تقول ما سويت شى حمد : ليش شقالت لج ؟ ازهار : مادري شفيها تخربط ,, شصار بينها و بينك ؟؟ حمد : قلت لها الصج ؟ ازهار بخوف : قلت لها انك كنت تكلمها من ايميلي ؟؟ حمد : لا ,, بس فتحت المايك و كلمتها ازهار : يعني قلت لها بس بطريقة غير مباشرة ,, عفيه عليك يا خوي ,, انت وعدتني انك ما تقول لها و الحين ياي تقول لي انك كلمتها عل المايك شتبيني اسوي .. البنت ما عادت تثق فيني و السبه سوالفك و حبك الي مادري لوين بوصلك شلك بأريج ليش حبيتها خلصوا البنات حق تحبها حمد بدى يفقد اعصابه : لا تتكلمين عنها جذي ولا اراويج شى عمرج ما شفتيه ازهار : زين يا حمد تقول لي هالكلام بعد ما ساعدتك و سويت الي انت تطلبه مني هذي يزاتي معليه ,,, طلعت ازهار من دار اخوها و كاانت ندمانه على كل شى سوته حق اخوها .. بعد كل هذا و خانت ثقة رفيجتها عشانه ايي يقول لها هالكلام ,, حمد قفل على روحه باب داره و قعد يتذكر كل كلمة و كل موقف مر بينه و بين اريج آخ ياني احب هالبنت بتينني لا هي راضية تقول انها تحبني ولا راضية تروح من بالي والله ماعرف شسوي بخسر كل هلي و السبه اهي ,,, عند اريج كااانت واايد متضايقة كان ودها تقول كل الي في قلبها حق احد و يكون محل ثقة ... فكرت انها تكلم مهند بس شتقول له ؟؟ ما بساعدها في هالموقف لا حمد اقرب واحد له و مثل اخوه فبتصير بينهم مشاكل ... ما كانت تدري ان حمد مكلم مهند و الوالد عنها ... قعدت تفكر يمكن نص ساعة تقريبا لين استسلمت و قالت تدخل المسن تكلم بندر و تشكيله همومها يمكن يقدر يخفف عنها و خصوصا ان اهو مب من العايلة ولا يقدر يقول لها اي شى ولا يفضحها لان ما يعرف اصلا عنها وايد اشياء .. دخلت و بالفعل بندر كان اون لاين .. كلهم دمعتين بذرفهم وبنسااك:هلا بندر Bandar:هلا بارووج كلهم دمعتين بذرفهم وبنسااك:شخبار؟ Bandar:انا بخير و انتي ؟ كلهم دمعتين بذرفهم وبنسااك: ماعرف متضايقة شوي Bandar:من الي مزعلج ,, توج الظهر شحلاتج كلهم دمعتين بذرفهم وبنسااك:ولا شى Bandar:ما ودج تقولين لي؟ كلهم دمعتين بذرفهم وبنسااك:ما ابي اتكلم عن الموضوع بس ابي انسى الي صار بندر كاان خايف حاس ان فيها شى بس شنو ما يعرف ما حب يضغط عليها اكثر فقال احسن شى ان ينسيها ,,, دخل فراس (اخو بندر ) اصغر منه بــ 3 سنوات دار بندر ,, فراس : بندر الوالده تبيك بندر : انشالله الحين بروح لها فراس : بسرعة ,, Bandar:برب اروج دقايق ما راح اتأخر,, كلهم دمعتين بذرفهم وبنسااك:تيت راح بندر يشوف امه شتبي ,, ام بندر : يمه ابوك باجر بتعشى عندنا بندر : شصاير ,, شطاري عليه والله زين تذكرنا ,, ام بندر : لا تقول عن ابوك جذي ,, اهو دايما يتصل فيني يسال عنكم بندر : يمه ابوي من اول ما فتحنا عينا على هالدنيا ما شفناه الا جم مرة ,, بس نسمع صوته و يعطيج فلوس حقنا يفكرنا محتاجيين للفلوس ولا الفلوس بتعضونا عنه ام بندر : ليكون تقول هالكلام جدامه ترى ما تلوم الا نفسك ,,, ابوكم يحبكم و يعزكم فراس : يمه انتي دايما تدافعين عنه ما مليتي من هالعيشة ,, ام بندر : اسمع انت و اخوك ابوكم مب مقصر عليكم في شى و اذا يه ما ابي تحسسونه بأي شى فهمتوا فراس : انشالله يمه ام بندر : ابيك باجر تروح تشتري اشياء حق البيت و عشا بندر : حاضر يمه ام بندر : اي جذي يا وليدي ,, خل قلبك ابيض ولا تشيل في خاطرك على ابوك ترى مهما يكون ما لنا غنى عنه بندر : انشالله Bandar:بااك كلهم دمعتين بذرفهم وبنسااك:ولكم Bandar:اريج الحين انتي خلصتي مدرسة شناويه تسويين في العطلة ؟ كلهم دمعتين بذرفهم وبنسااك:والله مادري للحين ما خططت Bandar:امم ليش ما تروحين مع ازهار باجر السينما ولا مكان تغيرون جوو كلهم دمعتين بذرفهم وبنسااك:بندر اصير ما تييب طاري اسم هالبنت مرة ثانية جدامي Bandar:اريج انتي شفيج ؟ شصاير لج اليوم ؟ازهار من اهلج و رفيجتج اكيد صار سوء تفاهم كلهم دمعتين بذرفهم وبنسااك:تعرف احساس انك تكون بين ناس و اقرب الناس لك و يعتبرونك ولا شى ,, تثق فيهم تعيش معاهم لحظة بلحظة و على كل هذا بعد ما يهتموون لمشاعرك ,, هذا الي فيني اليوم و من جذي ما ابي اسمع اسم هالبنت مرة ثانية يصير ؟ بندر حس باريج و فهم ان في بينها و بين ازهار خلاف.. Bandar:اروووج يلا عاد لا تكدريين روحج والله ما في حد بالدنيا يسوى تزعلين روحج عشانه شوفيني انا الي توني اعرفج اقولج هالكلام يعني شلون اهلج اكيد ما بيرضون على هالشى ,, ظلوا يسولفون مع بعض بندر عجبته اريج البنت الي تشكي همها له الي وثقت فيه على انها ما وثقت في اقرب الناس لها ييت تكلمه اول ما تضايقت يرتاح اذا يكلمه يحس ان اهو موجود و له كلمه و كلمته تأثر على الي معاه ,,, و اريج بعد واايد ارتاحت من بعد ما كلمت بندر و كانت تعتبره اخوها الثاني ,,, في البحرين** ناصر داق على نادر ناصر : هلا نادر نادر: هلا فيكـ ناصر: شخبارك ؟ نادر : الحمدلله بخير ,, عسى ما شر ؟ ناصر: لا ماكو شى ,, شصار على سالفة هيا و شلونها ؟ نادر : الحمدلله بخير ,, على حطت يدك ما تغير شى من يوم تقدمت لها ناصر بغيرة : كلمتها نادر بتردد : اي ,, دقت علي ناصر باستغراب : شقالت لك ؟؟ نادر بقهر : تحبك يا ناصر ما اقدر اجرحها اكثر من جذي ناصر : انت سوو الي اتفقنا عليه و لا تحاتي بتكون اسعد وحدة في الدنيا ,, نادر : اتمنى هالشى ,, ناصر : خبرني اول بأول نادر : انشالله مع السلامه ناصر : الله يسلمك اليوم الي بعده الساعة 9 الصبح ** هيا نزلت لأمها ,, هيا : يمه وينج ! ام شوق : بالمطبخ تعالي يمه هيا : امم يمه ,,شرايج انتي في نادر ام شوق : والله انا اشوفه ريال و يخاف ربه و بيتحمل فيج هيا : يعني اوافق ؟ ام شوق : براحتج حبيبتي بس انا اقول وافقي و على الله هيا : بس خبري ابوي اني موافقة ام شوق: كلولولولولولولولولوش هيا : ههه يمه للحين ما صار شى دقت ام شوق على زوجها و خبرته ان هيا موافقة و طبعا فرح لبنته لان حس انها راح تردها لحياتها الطبيعية ,,, في هاليوم البحرين خلصوا مدارس و بدوا العطلة الصيفية طلعوا ايمان و شوق و اشواق و علا من الامتحان و اهما مستانسيين (تجاري ما وراهم شى ) ايمان متصلة في نور ** ايمان: هلا نور نور : هلا ايموو ايمان : شخبارج نور : الامتحان صعب و ما في وقت ,, ايمان : ههه والله مساكين نور : افف الله يغربل الي حط الامتحان ,, ما يحسون والله,, الله يراويهم في ولادهم انشالله ايمان : لا تدعيين عليهم ما لنا دخل ترى الدعوة تلف و تدور و ترجع لينا ,, نور : اي والله و انتي الصاجة كل ما ندعي ما نشوف يصير فيهم شى ,, احنا الي نتأذى ايمان : انزين وين بنروح اليوم ؟؟ نور : امم مادري تعالي بيتنا و بنشوف ايمان : اي انا و شوق و اشواق راح انيي علا : اي مو انا بنت البطة السوده لازم ما تقولين اسمي , نور سمعتها : هههههههههههه و انتي ليش ما تقولين اسمها الحين يلا عاد علا : عطيني نور بكلمها ,, علا سحبت الموبايل من يد ايمان : هلا نور شخبارج حبيبتي نور : الحمدلله و انتي ؟ علا : انا الحمدلله ,, يقولون امتحانكم صعب نور بحزن : اي علا : يلا انشالله تعوضوون الكورس الياي نور : انشالله ايمان قالت حق شوق تسوي مس كول على موبايل ايمان حق علا ترده لها لان لو ما سوت هالحركة علا بتظل تكلم نور ولا بتخلص سوت شوق مس كول و ردت علا الموبايل حق ايمان .. راحوا كلهم و معاهم علا بيت نور ,, اول ما وصلوا سلموا على ام نور و راحوا دار نور بدر ما يقدر يشوف ربع نور في البيت وما يسوي حركات (تعرفون اليهال ) كانوا الربع في دار نور كلهم قاعدين ,, بدر ايي يطق الباب و يشرد ,, يرد ايي يقط شى على الباب و يرد يروح المرة الثالثة نور اوقف عند الباب تبي تشوف شبسوي ,, بدر شاف جدامه مفتاح و يقطه على ويه نور نور : آآآآآآآآآيييي عيني كانت صج الضربة قوية و نور تعورت حتى ايموو طلعت تشوف شفيها ,, ما كانت نور تقدر تفتح عينها من الضربه و عينها بدت تصير حمرة اشواق : نور خل نروح المستشفى لا يصير فيج شى نور : لا ما له داعي علا : شنو ما له داعي ,, يلا قومي راحت شوق تخبر ام نور عن الي صار و كااانت وايد خايفة عليها شوق و اهي طالعه من البيت : كله منك ,, تفكر فن الحين يلا استانس بدر : من قوة بدر وقوة عضلاته خلع الباب ورماه على نور حيث اصاب عينها مما ادى إلى وقوع جرحى (متأثر بالاحداث الي تصير في غزة) ام نور صج ما تستحي على سواد ويهك و بعد تتكلم خذوها المستشفى الدكتور(مصري):ايه الي حصل لك يا نوور ؟؟ نور: اخوي الثور رمى علي مفتاح ,, فتح الله مخه انشالله ام نور :سكتي فشلتينه الدكتور بدهشه : مفتاح!! دا مجنون والله ايه نور تهمس : محد مينون غيرك شكلك بتعميني الدكتور : بلاش تحكي فيها حاديكي غسول عين استخدميه مرتين لليوم ام نور : انشالله دكتور ,, مشكور الدكتور : العفو دا واجبنا و لا تأربي من اخوكِ الاهبل ده شوق حست ان الدكتور وايد مصخها : اهبل ويهك يا ويه النحس صج ما تستحي جدامنا و يقول اهبل ام نور : ما عليج منه ما يدري شيقول الله يهديه طلعوا من المستشفى و اهما يضحكون عليه .. و اهما رايحيين الباركات للسيارة كان في واحد قاعد يطالع نور بنظرات نور : يــه شفيه هذا اول مرة يشوف وحدة ضاربيين عينها اشواق: ههه علا : يلا الحمدلله اهم شى ياات سليمه ايمان : اي سليمه بط عينها تقولين لي سليمه ؟؟ نور بقهر : بط عيني عسى راسه البط ان شالله ام نور : بس عاد وايد اشوفج سبيتي اخوج ايمان : تدرين نور من شنو صادج كل هذا نور : من شنو بعد من هذا ,, ايمان : لا لانج دعيتي على الي سوو الامتحان مو قلتج لج تروح تروح و ترد ترجع لج الدعوة نور : و الله و انتي الصاجة عساااهم يا رب ,, ايمان تقاطعها : سكتي بسج عاد ما كفاج الي الحين صادج بعد تبين شى اكثر رجعوا البيت كلهم مع بعض ايمان : الحين شناويين تسوون علا :نطلع ايمان : سكتي انتي شنو نطلع البنت عينها تعورها و تقولين لي نطلع اشواق : امم انا عندي فكرة ايمان : قولي يا ام افكار اشواف : نروح البراده ,, ناخذ لنا اكل و بعدها انيي نطالع لنا فلم شوق: انزين ليش ما نطلب لنا اكل احسن اشواق : لا نبي نطلع نغير جوو شوي نتمشى,, شى ايمان : اي مو لله ,, تبين احد يمر و يغازل شى مني مناك اعرفج انا قرروا الربع يسوون الي قالت عنه اشواق و يروحون البراده و عل العشا يطلبوون لهم .. و اهما يتمشوون في الطريق .. اشواق : نور شوفي هذا ,, كأن الي كان عند المستشفى ,, نور : اي والله هذا هو ,,, شلي يابه هني ؟ شوق : اقووول يمكن معجب نور : ههه شقلتي ؟؟ ايمان : قالت معجب نور : امشوا عنه ما عنده سالفة ,, واحد فاضي صراحة في البرادة ... ميننين الهندي ما يسوى عليه بياخذون من عنده اكل كل دقيقة و يسالونه عن شى طفش منهم ايمان : اقول بيياا ... انتي في بيبي ؟ شوق : فشلتينه ما يقولون بيبي ,, يقولون بجاا الهندي : انت مجنون ما في مخ والله ,, ايمان : عساك الينوون انت بروحك صج ما تستحي ياين لك و تقول عنه ميانيين روح زين روح نور : ايمانوو يعني بتحطيين بالج معاه سكتي عنه ,,, اشواق : من حقه يقول عنكم ميانيين لان صج مسكين طلعتوه من طوره كان الصبي الي يلاحقهم واقف برى يطالعم من الدريشة ,,, شوق : شوف هذا للحين ينطر ,, الله يهديه بس نور : لا تطالعونه بعدين يصدق عمره و يفكر روحه ملك جمال ردوا البيت بسرعة و قعدوا ياكلون و يطالعون افلام ,, في الامارات * ميساء تدق على سعود ميساء : هلا سعود سعود : هلا والله ميساء: رغد داقة علي تقول عن الشغل ,, سعود : اي شغل ؟؟ ميساء : ويي ما قالك اخوك سعود : شنو ؟؟ ميساء : الحين يعني تبيني اقولك السالفة كلها ,, روح لأخوك و خله يفهمك كل شى و قول له ان رغد وافقت ,,, راحت بعدها سعود الى خالد المكتب و قاله ان ميساء وافقت و طبعاا كااان خالد فرحان بهالخبر ,, و اخيرا بتكون جدامه و يشوفها طوول اليوم Edited فبراير 3, 2009 by girlheart Quote Link to comment Share on other sites More sharing options...
danat aldonya Posted فبراير 4, 2009 Report Share Posted فبراير 4, 2009 يسلمووووووو بارت روعة صج انج مبدعة في الكتابة بالانتظار Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.