هبله وتهبل Posted أغسطس 5, 2009 Report Share Posted أغسطس 5, 2009 متى بتنزلين البارت؟؟ Quote Link to comment Share on other sites More sharing options...
girlheart Posted أغسطس 5, 2009 Author Report Share Posted أغسطس 5, 2009 بااااجر قلبوو .. و السموحه عـ التأخير Quote Link to comment Share on other sites More sharing options...
girlheart Posted أغسطس 6, 2009 Author Report Share Posted أغسطس 6, 2009 البااااارت 32 مر شــهــر مهند هذي حالته مع نور .. ما تغير ولا شى .. كل الي تغير انه الحين في اجازة فـ الامارات لان حمد و ابوه خبروه عن سالفه خطبة اريج ميساء رجعت لبيتها مع زوجها و اعيالها .. ازهار انخطبت و كاااانت ليلة ولا اروع صارت ملجة ايمان و احمد عبدالله ظل يكلم مريم .. و علمته عن كل الي صار بينها و بين احمد اشواق للحين بحيرتها ,, و احمد مب مفتكر بـ حالها هيا و نــادر بدت الامور تتحسن شوي شوي بينهم .. فـ البحرين و بالذات فـ دار نور .. نذير مطرش لها مسج من بعد ما ردت من المدرسة مساء الخير معطر بالجوري ... مساء كل الورد والزهر فيه مساء الخير عليج يانـــوري ... مساء كل الحلى محــتويه نور كانت تعبانه فما ردت عليه .. بعدها اتصل حق يتطمن عليها نذير : هلا والله .. نور بتعب : هلا نذير : خير.. سلامات !! اشفيه صوتج جذي؟ نور : ولا شى بس لان المدرسة و تعب جذي يعني نذير : عيل مسامحة ازعجتج نور : لا عادي نذير : نور عندي لج خبرر بفرحج نور : تكفى قوله بسرعة .. منزمان ما سمعت شى يفرح القلب نذير : انا تعرفت عـ اخو لمياء .. و تقربت منه و عرفت ان مهند ساافر الامارات قبل فترة نور بحزن : هذا الي بفرحني يعني !! نذير : بس انا يفرحني نور : اشقاعد اتخربط انت ؟ نذير : ما عليج مني .. المهم اذا رجع مهند البحرين .. دبري لج صرفه تجوفينه نور : اهو خلـ يرضى يكلمني حق اجوفه نذير : يعني ما تقدرين اتدبرين روحج نور : بالله عليك .. شلون يعني قولي؟؟ نذير : والله مادري ,, انتي الي المفروض تعرفين نور : انزين خلنا الحين من هذا ... و اذا جفته شاقوله ان شاء الله نذير : بعدين انا اخبرج .. كل شى بوقته حلو .. يا حلو نور : اها .. بنجوف شنهي اخرة هالسالفة معاه .. نذير : ان شاء الله خير .. مستعد اسوي اي شى المهم اجوفج مرتاحه .. حتى لو كان هالشى بخليني اتضايق نور : شلون يعني ما فهمت .. شالي بضايقك ؟ نذير تم يفكر .. :: ولا شى نور : ترى انت ساعات كلامك كله يصير الغاز نذير : يعني تبيني اقولج شالي بضايقني ؟؟ نور : اي و شالي يمنع يعني ؟ نذير : الي يمنع اني احبج و انتي ما تحبيني عرفتي شالي يمنع نور اول ما قالها ان يحبها .. احمرت و توهقت بشنو ترد عليه و شتقوله !! فـ الامارات ام مهند تكلم اريج.. ام مهند : اريج الليلة بيووون بيت عمج بيخطبونج اريج اول ما سمعت هالخبر انصدمت و فتحت عينها شبريين : هاااااااا ام مهند : بيون يخطبونج اريج بعصبية : و من قال اني ابا انخطب ام مهند استغربت من رده فعلها : ليش يعني في بحياتج احد اريج توترت : هاا .. لا بس للحين ما خلصت دارسه ام مهند : انزين يا بنتيتي ما فيها شى لو انخطبتي و كملتي دراستج .. كاهي ازهار انخطبت و شزينها اريج طلعت منها بعفويه : بس انا ما ابا حمد ام مهند باستغراب : و ليش ما تبينه .. ريال و شاريج و ماعتقد في احد غيره بخاف عليج كثره .. ولد عمج و مبين عليه يحبج اريج بضيق : اي يمه بس انا ما اباه .. ماحبه ام مهند : عاد تدرين الا علي اني خبرتج .. و عندج ابوج روحي قولي له رايج .. لان ما احس قاعده تقولين لي سبب مقنع يخليج ترفضينه الا اذا .. اريج تقاطعها : الا اذا شوو يمه!! مب واثقة فيني ؟ ام مهند : لا يمه ما قلت جيي بس حمد فرصه و المفروض ما تضيعينه من ايدينج ...... اريج ظهرت من دارها و اهي معصبه .. مهند جافها بهالحاله مهند : شبلاج ؟ اريج : تعال ابا اكلمك بموضوع مهند و اهو داخل داره : آمري اريج صكت الباب : مهند انا ما ابا حمد مهند : كلمتج امي بالموضوع اريج : اي كلمتني و انا مب موافقة عليه مهند : ليش ؟ اريج : بس .. ما يعجبني مهند : تدرين لو يسمعج تقولين هالكلام يموووت .. انتي شكلج ما تعرفين حمد اشكثر يحبج و يبيج اريج انحرجت من كلام اخوها .. : .... مهند : حمد منزمان مكلمني عنج .. و انا قلت له اذا اهي ما عندها مانع انا اكيد ما برفض لا انت اخو و غير كل هذا يحبج من قلب اريج : كلمك من قبل ..!! مهند : اي قال لي قبل سنه يمكن اريج بصدمه : اهااا مهند : اريج فكري زين فـ السالفة والله حمد ريال و النعم فيه ما بتلقين الي يسعدج كثره اريج انربط السانها بعد الكلام الي قاله لها مهند ... رجعت دارها و اهي محتارة .. ما تعرف الي المفروض تسويه .. ترفض ولا تقبل !! يمكن يكون سوى هالشى عناد لان شافني مع بندر ؟؟ لا لا مو معقوله لان كلم مهند من قبل ..بس اذا اهو يحبني ليش يعذبني و يسوي لي هالحركات ؟؟ كانت الافكار شالغه بالها .. بندر ... حمد .. قلبي ولا عقلي رست في الاخير عـ انها تخبر بندر بالي صار دقت عليه .. اريج بنبرة حزن : الو بندر : هلا والله .. هلا بهالصوت اريج :هلا بندر : خير ان شاء الله ..شبلاه القمر زعلان اليوم اريج : بندر .. اليوم بيتقدمون لي بندر حس الدنيا دارت فيه .. و مب قادر يستوعب الي اريج قاعد تقوله : ,,,,,,, اريج : بندر وينك ؟ بندر و اهو فـ عالم ثاني : هااا اريج: اتوقع منو !! بندر : اريج و الي يعافيج بقولج شى قبل ما تقولين ولا كلمة اريج : لا خلني اول بقولك من بندر و اهو يقاطعها : انا احبج والله العظيم احبج يا بنت الناس تكفين و الي يرحم والديج عساه لو من يكون .. لو ولد الملك بعد رفضيه مستعد اخليج تعيشين احلى عيشة و ما عمرج تزعلين ولا تنزل دمعه من عينج اريج كاانت منصدمه من الي يقول .. اهي حاسه ان اهو يحبها بس ما خبرها بهالشى من قبل اريج : بس .. بندر : آسف .. بس ما كنت اقدر اقولج هالكلام من قبل كنت كل ما اشوفج احس روحي اضعف انسان بهالدنيا .. ماعرف شيصير فيني ارتبك اذا اكلمج .. اتوتر .. ماعرف كل هذا ليش بس الي اعرفه اني احبج اريج : حمد الي متقدم لي بندر يوم قالت اسم حمد حس و كأن احد عطاااه كف ما عمره انصدم كثر هالصدمه بندر و اهو يهمس : اخوي ما غـيـره !! اريج : شوو ؟؟ بندر : و لا شى تحملي بنفسج و الله يوفقج اتمنى لج كل الخير باي اريج : لحظة بندر طووووط طووووط اريج ما كانت فاهمه شسالفة .. تمت تفكر لحالها و مب عارفه شوو راح تسوي الليلة .. خطرت عـ بالها ازهار .. قالت ما في الا اهي تخبرها اريج : هلا ازهار ازهار : هلا اريج : اليوم .. ازهار و اهي تقاطعها: اي قالوا لي اريج : اترجاج ازهار اتفهي موقفي اعرف انه اخوج بس ما يصير ازهار : هونيها و تهون يا اريج .. انتي اهم شى تقولين رايج اذا رفضتيه اهو لازم بيتقبل هالشى و اذا وافقتي بعد هذا شى يفرح القلب اريج : دقيت عـ بندر و قلت له و مادري اهو الثاني صدمني ازهار : الله يكون فـ عونه صراحه .. الصراحه لا اهو ولا اخوي يهونون علي اريج : زين و انا شوو ؟؟ ازهار : ؟؟؟؟ اريج : شبلاج ساكته .. ما تردين علي ازهار : الصراحهـ مادري .. انتظري الليل و بتعرفين كل شى اريج : و انا شصبرني لليل .. انتظرهم ايوون بيتنا و يكلمونهم و اانا جيي ساكته ازهار بحزن : مادري بس اتاكدي اي شى راح تتخذينه بكون واقفة معاج اريج : مشكووورة ازهار و ما تقصرين الحين انا مضطرة اسكر باي ازهار : باي ازهار : هذي اريج .. معورة قلبي والله علي : ليش معورة قلبج ؟ ازهار : اليوم بيتنا بسيرون يخطبونها علي اول ما سمع هالخبر عـ طووول فكر فـ بندر : و بندر ؟؟ ازهار : اي هذي المشكلة علي : اهي ما تحبه ؟؟ ازهار : الصراحه انا مادري شوو الي بينهم بالضبط علي : بس بندر يحبها .. يموت فيها مستعد يبيع الدنيا فداها ازهار : مادري يا علي علي : انا بدق عليه علي ظهر و دق عـ بندر حق ما تسمعه ازهار علي : بندر .. بشر شوو صار؟؟ بندر بضيق : بشو ؟؟ علي : بندر شبلاك يا ريال .. ليكون بس ما دريت بالخبر ازهار كانت رايحه لعلي بتخبره انها بتسير بيت اهلها .. توها بتدخل عليه الغرفة الثانية .. سمعت علي : بس يا بندر حمد اخوك ازهار حطت يدها عـ شفايفها من الصدمة !!!! و ظلت جامده مكانها و ما تحركت علي : انزين يعني شوو !! بتخبرها ان حمد اخوك ؟ بندر : المفروض اقولها هالشى .. و لازم انساها ..مهما يكون هذا اخوي علي : بس انت قلت لي بنفسك ان اهي ما تباه ولا تحبه بندر : ...... ظل علي يكلم بندر دقايق و سكر الخط .. فتح الباب بيظهر .. و شاف ازهار قااااعده عـ الارض يم الباب علي توتر و خاف ازهار سمعت شى من الي قاله : ازززهار ,, ليش جالسه عـ الارض ازهار كانت ساكته و منصدمه علي حس ان فيها شى متغير : ازهار !! ازهار : ...... علي : ازهار اكلمج ؟ ازهار : بندر اخوي ؟؟؟ بعد ما سمع علي هالسؤال قلبه قبضه : هااا ازهار : منو بندر ؟ علي اخذ ازهار بهدوء .. و جلس معاها يفهمها السالفة كلها .. ازهار : ابوي متزووج وحده غير امي ؟؟ علي :انا قبل قلت لج السالفه ازهار : بس الي كلمتني عنه .. واحد ما يدري عن عياله و ابوي مستحيل يكون بهالقسوه علي: ازهار قلبي .. ابوج يعزكم واايد و لو ما كان يحبكم ما اتخلى عن عياله الي من ام بندر عشانكم .. معن كان يحبها قبل امج ازهار مب قادره تتخيل ان ابوها متزوج غير امها .. ازهار : بس امي ما عمرها قصرت بحقه .. دايما توصينا ما نزعجه و تخاف عليه اكثر من حالها ليش يسوي جيي؟؟ علي: ازهار عمري .. ابوه متزوجنها قبل ما يتزوج امج ازهار : الحين اشبصير ؟؟؟ حمد يحب اريج موووووت والله ما تعرفه انت مستعد يسوي اي شى بحاله لعيونها .. بعد لحظات .. ازهار : انا لازم اخبر حمد بهالشى علي : ازهار تكفين لا تزيدين الهم همين .. كفايه الي بصير اليوم لبندر ازهار بضيق و الدموع بعينها: علي .. ابوي ماخذ وحده غير امي و عنده عيال منها و تباني اسكت ؟؟ علي : ازهار و غلاتي عندج بس اليوم ازهار : انا ماقدر اسير بيت عمي اليوم جيي ... الــو الـو .. هذا جديد وذا حلو كل همهم الو الو هذا جديد و ذا حلو بـــرجك اســد بــرجي دـلو والله بنـات اخر زمن عشـنا و شفنا يا زمن تبغـى تحب واحد كيوت معه يرن سـاعة بـرجوت والصيف ما عمره يفوت بـاريس لندن و بيروت عشـنا و شفنا يا زمن رنة موبايلها ديجي والي يدلعها تبي والي تغلى نومنيه فرصة سعيدة اشواق كانت طالعه من المجمع و فـ الباركات احمد مشغل عـ الاغنية و معلي الصوت عـ الاخر تضايقت من المنظر الي شافته .. من امتى احمد هلون حركاته!! عـ طووول دقت عليه اشواق : احمد وينك ؟؟؟ احمد : طالع من المجمع اشواق : امم .. ليش ما خبرتني انك بتطلع احمد : لان ما كان له داعي اقولج اشواق بقهر: انت اشفيك ؟؟ متغير و ما تهتم لشى احمد : الحين عااد.. لا تعورين راسي اشواق و الدمعه بعينها : الحين انا صرت اعور راسك ؟؟ احمد: خلصيني .. اشواق : و الاغاااني بعد لو تعلي الصوت اكثر يكون احسن ترى احمد ارتبكـ : وينج انتي اشواق : ما لك علاقه فيني .. ولا وين اكون احمد : و انتو صج شالي يهمكم اهم شى واحد كشخة و كيووت مثل ما تقولون اشواق : انا ما عمري اهتميت لشلكـ .. انا حبيت احمد الي يخاف علي .. يغار علي احمد : ههه ياما سمعت هالكلام اشواق بصدمه : شنووو ؟ احمد توتر : هاا اشواق : ياما سمعت هالكلام من منو ؟ احمد يحاول يعدل السالفة : اشفيج انتي نسايه .. قلت لج كنت اكلم بنات قبلج اشواق تضايقت بس سكتت .. مرت الساعات بسررعه فـ الامارات ام حمد تدق عـ ازهار .. بس ما كانت ترد عليها ام حمد : بو حمد ازهار شبلاها ما ترد عـ التلفون بو حمد : ردي دقي عليها ام حمد : صار لي فترة الحين .. ليكون بس فيها شى بو حمد : ما فيها الا العافيه .. انا بشوفها لا تحاتين بوحمد دق عـ ازهار .. علي: ما بتردين ؟؟ ازهار : لا علي : بس جيي تخلينهم يفكرون .. و يخافون عليج ازهار : ماقدر اكلمهم .. شاقول لهم !! علي : عـ الاقل ردي و طمنيهم ازهار خذت الموبايل .. توها بترد لكن شافت رقم ابوها و ردت قطته علي : ليش؟؟ ازهار بقهر : هذا ابوي علي : زين هذا موبايلي اخذيه و دقي عـ عمتي طمنيها ازهار سوت مثل ما قالها علي بعد ساعه تقريبا .. الكل وصل بيت بو مهند ملاك جالسه مع اريج .. و تحاول تدور لها حل ام مهند تحت تبخرر البيت بو مهند جالس ينتظرهم مهند غير ملابسه و راح دار اريج مهند : انتي للحين ما جهزتي ؟؟ اريج : حق شووو اجهز ؟ مهند : اريج شبلاج انتي !! توني اتكلم معاج بهالموضوع يعني اريج : بس انا مب موافقة عليه قلت لك مهند : معليه عـ الاقل غيري ملابسج .. و نزلي لهم اريج : ما ابا مهند : اريجووو ليكون انت ياهل و احنا ما نعرف مب عدله تفشلين ابوي مع اخوه يلااا بسرعه غيري ملابسج الحين بيووون اريج بقهر : اففففففففففف اريج لبست لها ثياب عاديه .. لحظات و امها يات تتاكد .. اذا كانت جاهزة ولا لا ام مهند باستغراب و اهي تطالعها : هذا الي عندج ؟؟ ام مهند ما حبت تطول السالفة ولا تقول شى و اريج تعاند اكثر : زين حطي لج من هالمكياج الي عندج .. اريج : ليكون عرس ؟؟ ام مهند : شبلاج يا بنتيتي والله مب عدله شوو تبين يقولون عنه الناس اريج : .... اريج ما كثرت من المكياج .. حطت لها شى يناسب الي لابسته و رفعت شوي من خصلات شعرها على جهة .. كلهم وصلوا بيت بو مهند .. عدا ازهار الي قالت لامها انها راح تتأخر شوي ام مهند : عيل وينها ازهار ام حمد : الحين يايه بالطريج عند الريايل .. بو مهند : هههههه انت اخوي العزيز .. مالي غيرك و انت تعرف هالشى بو حمد : تسلم .. و احنا لو نلف الدنيا كلها ما بنلقى اطيب و احسن منكم يا خوي بو مهند : كلك ذووق بو حمد : يعني افهم من كلامك انك موافق ؟ بو مهند : عـ بركه الله .. بس انشوف راي البنت بعد و نرد عليكم بو مهند من قال راي البنت حمد حس بقلبه نغزة .. بو مهند : الا ما سمعنا صوتك يا حمد بو حمد : هههه مستحي يمكن حمد ملامحه تغيرت .. انقلب ويهه احمر اخضر ازرق : ههههههه مهند كان جالس يمه و مب مخليه في حاله .. :: ها ها معرس بعد ما نقدر حمد باحراج : جب فضحتنا فضحك ربي مهند و اهو يعلي صوته : فضحتك عـ شوو بعد فترة من القعده و السوالف صار وقت العشى .. انقلبت القعده الى قعده عائلية .. و صار كل شى عادي تيمعوا الاهل عـ الطاوله وصلت ازهار فـ هالاثناء .. و سلمت عـ الكل ما عدا ابوها الي كانت نظراتها كلها قهر و حقد عليه.. اريج و اهي تهمس لازهار: شبلاج .. وين كنتي ازهار: بعدين اخبرج بكل شى .. اريج : والله الوضع ما يطمن .. احس ان بيزوجوني غصب ازهار بصوت عالي: شووو ؟؟ مب كيفهم الكل التفت لها ..!!! ازهارا حست بالوضع .. بس كانت للحين متأثرة بالخبر الي سمعته اريج : ازهارووو سكتي خليتي الكل يلتفت ازهار و اهي تهمس : التفتوا ما التفتوا والله هذي حياتج حمد كان جالس مقابل اريج و الاهل كانوا يحاولون يقربونهم اكثر من بعض على الرغم صد اريج له حمد و اهو يتقرب منها : قمر.. قمر ما شاء الله اريج تباعدت عنه .. حمد رد تقرب منها : بتقبليني !! اريج طالعته بنظرات كره و حقد حمد : فديت هالعيون والله اريج عصبت و تركته لحاله حمد رد ظهر لها من جهة ثانية اريج : افففف حمد : صج صج تبيني؟؟ اريج استحت لان عينه فـ عينها اريج : بتعرف الجواب بعد جم يوم حمد ارتاح يوم قالت له جيي حس ان في امل توافق ام مهند : ميساء شبلاج ساكته ما لج حس ميساء : ههههه لا بس منزمان ما جلسنا مع بعض جيي ام مهند : اي والله صدقتي سعود بعد لحظات : ميساء ..ربع ساعه و احنا ظاهرين ميساء : اوكي بو مهند : ما صار لكم شى .. قعدوا اكثر ميساء : لا يبا لازم انسير حق اخلي ياسمين و ياسر يرقدون بو مهند : عـ راحتكم ..... بعد نص ساعه ما بقى فـ بيت بو مهند غير ازهار ..و امها و عايلة بو مهند حمد مع ابوه ردوا البيت ازهار فـ دارها تقول لاريج عن الي صار .. اريج باستغراب و اهي رافعه حاجبها: شوو قاعده تخربطيين!! ازهار : اريجو شبلاج مب قاعده اتطنز اريج : يعني شوو بندر اخوج؟؟ ازهار بضيق: يعني ابووووي متزوج وحده عـ امي فجأه و دخلت عليهم ام مهند كانت تبا تخبر ازهار انهم بيسيرون ازهار ارتبكت .. و اريج اكثر ام مهند باستغراب : ازهار امج تنتظرج ازهار بخوف : امم الحين بسير لها ام مهند : عن شوو كنتوا تتكلمون ؟؟ ازهار بتوتر : هاا .. لا ولا شى اقولها عن صديقتي ام مهند : اها .. يلا نزلي لا تتأخرين ازهار : اوكي يلا مع السلامهـ نزلت ازهار حق امها و ظهروا من بيت بو مهند .. بعدها عـ طووول ام مهند نادت اريج .. ام مهند : اريج .. اريج بخوف : نعم يمه ام مهند : صج الي سمعته ؟؟ اريج دقات قلبها بدت تتسارع : عن شوو ؟ ام مهند : ترى سمعتكم و انا داخله .. اريج بخوف : لا ما عليج منها هذي تخربط ام مهند :اريج انا امج بتخشيين علي يعني ؟؟ قولي لي ام مهند قعدت تكلم اريج .. و مصره تقول لها السالفة اريج : انا ما اعرف شسالفة .. بس الي سمعتييه سمعته لا اكثر ولا اقل ام مهند باستغراب : معقوووله يعني؟ اريج بحيرة : والله مادري يمه ام مهند : ...... اريج : يمه لا تخبرين احد .. ما نبا تصير مشاكل اكثر ام مهند : بس هالشى ما ينسكت عنه اريج : اي بس احنا ما لنا علاقه بالسالفه ام مهند : و عنده عيال منها ؟؟ اريج : عـ كلام ازهار .. عنده ولدين .. ام مهند بصدمه : و وينهم الحين ؟؟ اريج : عايشيين بعد وينهم ام مهند ظهرت من دار اريج و اهي علامات الصدمه و الاستغراب باينه فـ ملامح ويهها فـ البحرين نادر كاان طالع .. برغبه هيا ( قالت له لا ترد الا بعد ساعتين ) فـ هالساعتيين هيا تعدلت .. و كانت المرة الاولى لها من بعد وفاة ناصر .. لبست فستان وردي نااعم قصير .. كحل اسود مبين جمال عينها و سوادها .. بلشر وردي فيه شوي لمعه و روز بنفس لون شفايفها عدلت الشقه مع ام ناادر و ام نادر بخرتها و عطرتها.. سوت لهم اكل حلو من يدينها .. ( اكله نادر المفضلة )..و هيا سوت له كيك قبل ما ايي نادر بربع ساعه .. رشت لها عطر .. امم اقصد خلصت العطر كله بمعنى اصح وصل نادر بعد ما دزت له مسج .. و كانت حاطه له ثياب عـ ذوقها عند الباب و ورقة كاتبه فيها غير ثيابك و انا انتظرك فـ الغرفه و ورة حمرة مع الورقة و اهو يمشي .. بعد كانت في ورقة و مع ورده .. فتحها : اتمنى تنسى كل الي صار و نبتدي من اول و جديد وصل عند الباب و بعد فـ ورقة : اذا فتحت الباب يعني راضي بالي قلته و من هاللحظة ابي اقولك .. انت زوجي و كلي و حياتي بالي فيها .. احبك نادر فتح الباب و كااان متوتر .. و بنفس الوقت مرتاح و يحس بسعاده و بالحب الي ما عمره حساه غير مع هيا .. اول ما فتح الباب كانت في يده 3 وردات .. الي كانوا مع الاوراق عطاهم هيا و باسها قعدوا عـ الطاولة .. تعشوا بعدها اكل الكيك من ايدين هيا .. و يقول عجبته (( لكن ما يندرى)) تموا يسولفون و يضحكوون سهروا و اهما يطالعون تلفزيون و بعدها ناموا و كان هاليوم بالنسبة لهم ثنينهم احلى من يوم عرسهم الباااارت 33 اليوم الثااني سعود جالس من صباح الله .. رااايق ..مزاجه زي الفل ميساء : شبلاه بو ياسر اليوم ؟ سعود:زلزال يخرب بيتك ميساء باستغراب : وي وي اسم الله علينا .. زلزال يخربك لحالك سعود و اهو يطالعها فـ عينها : كيك و حلاوه بشكلك ميساء و اهي تضحك : شكلك يوعان .. سعود : نص الخطر في عينك و الباقي كله بزينك اموووت بين ايدينك .. ساعه لقاك ووصلك ميساء : الله يهديك بس .. حالم في وليد الشامي من الصبح ههههه سعود : لا فـ تامر .. ميساء : هه اي عـ طاري تامر نزلوا فلمه اليديد سعود : ههه قديمه حياتي .. منزمان شفته ميساء و تسوي روحها زعلانه : بدوني سعود و اهو يغني: عارفه ايه .. الي اخرني و الي كان مسهرني مش تفكيري فيك زي كل يوم .. الي دايما مسهرني انا خنتك مبارح و البي مش مسامح ..مش مسامح نفسي ولا عارف ازاي دا حصل مني ميساء و اهي تقط عليه المخده : اقول سير دوامك احسن.. بلا خيانه بلا بطيخ سعود : بغير عليها .. لما تسلم عـ الناس ميساء و اهي تغمز له : ها ها بعد تغير علي هههه سعود : يمه يمه منه يغمز لي بعيونه ..ماقدر على ذي الحنيه انا مجنونه ميساء بحيا : بسك تراك زودتها يلا تأخرت سعود : احبه و ما يحبني .. اوده وما يودني طير بحبه شدني شسويله بعد .. ميساء و اهي قايمه : شتسويلي بعد .. انا اعلمك الحين سعود : اي شسويله بعد... تعبت و ما تعب .. ولا همه العتب سويت العجب شسويله بعد ميساء : سعووودووو لا تقعد اليهال .. يلا يلا من غير مطرود سعود و اهو يسحبها معاه : تعالي .. تعالي ميساء : شبلاك انت اليوم .. شارب شى ؟؟ وين ايي لك يعني سعود : تعالي تعالي ارويج بحناني .. ميساء : سعووودووو تراك طفشتني سعود : احبج ميوووس ميساء بحيا : و انا اموت فيك سعود : تعرفين ليش غنيت لج ؟؟ ميساء: من الهباله و الينوون الزايد سعود : اهبل و مينون فيج يا قلبي ميساء احمرت و نزلت راسها سعود رفع راسها باطراف اصابعه .. باسها عـ خدها بكل حنيه و ظهر من دون ما يقول لها ولا كلمة اول ما وصل سعود الشركه .. دز لميساء مسج : حبيبتي اليوم بنظهر عـ العشى .. شوفي اذا عمتي تقدر تتحمل في يسور مع ياسمين فـ مكتب خالد .. رغد : اي حبيت اياد .. ظليت معاه تقريبا 3 سنوات بس اتضح لي ان .. خالد : ان شوو ؟؟ رغد : ما صار نصيب يعني .. خالد : كنتي تحبينه ؟ رغد اتغيرت ملامحها يوم سالها هالسؤال .. رغد : لا خالد و اهو يضحك : جذااااااابه حدج .. لو ما حبيتيه .. ما تغيرت ملامحج يوم سالتج عنه ههه ويييييووووو رغد : خالد ممكن تسكر الموضوع خالد : لا ابا اعرف اكثر عنج .. عن حياتج رغد : احنا فـ شغل خالد : للحين ما ابتدى الدوام عادي يعني رغد : سبحان مغير الاحوال خالد : اي والله سبحانه فـ الجامعه .. اريج خبرت ازهار عن الي صار .. و ان امها سمعت كل شى ازهار : ارييييج اريج : والله ماعرف ازهار : دقيقه بس ازهار نادت علي .. و قعدوا عـ الطاولات يتكلمون علي : ترى بندر ما يعرف انكم تدرون بالسالفه ازهار : ما خبرته يعني ؟ علي : لا ازهار : اها .. بس خلاص انا ماقدر اسكت اكثر .. علي : ازهار .. ردينا عـ هالموضوع ازهار بعصبيه : علي شوو اسوي يعني .. هذا ابوي تفهم يعني شوو علي تضايق من طريقتها معاه ... اريج : معليه ازهار هدي شوي ازهار تطالعها باستغراب : شوو اهدي ما اهدي ما تحسوون لان الشى مب فيكم علي : تعرفين .. انا الغلطان لكن علي توى بيسير .. ازهار مسكت يده ازهار : علي سامحني بس الشى مب بيدي علي : .... علي بعد لحظات : هذا بندر لحظة بناديه بندر من شافهم متيمعيين اتباعد .. علي تم يمشي وراه : شبلاك بندر اناديك بندر : ولا شى علي : تعال اجلس معانا بندر : شوي مشغول علي : مب كيفك وصل بندر عند طاولتهم سلم عليهم و جلس يم علي .. لكن مب معاهم علي : بندر .. بندر !!! بندر : ... هااا .. هلا علي : سرحان في شوو بندر : ولا شى علي : اقولك .. ازهار تعرف بندر : تعرف شوو علي : بندر ما له داعي اللف و الدوران بندر : علي ليكون بس علي : الشى غصب عني .. سمعتني و انا اكلمك .. و كاهي جدامك اسالها الي تباه بندر تضايق من حركه علي .. بندر : زين انا الحين بسير اريج : لا .. ابا اكلمك بندر : ما ابا اكلم حد اريج حست بالاهانه : اها.. بعدها .. اريج دخلت المحاضرة بعد ساعتيين تقريبا .. بندر كان ينتظر اريج تخلص محاضرتها الثانيه ظهرت اريج .. و كان بندر واقف قبال الباب .. اريج ما اهتمت له و مشت بندر : اريج انا آسف اريج : ,,,,,, بندر : اصير اكلمج اريج : تفضل بندر : ماقصد بالجامعه اريج : مسامحه بندر : اريج ما راح انطول والله اريج : ماقدر اتاخر عـ البيت بندر: خبريهم انج بتتغذين مع ازهار و انا راح اكلم علي اريج و اهي تفكر .. بندر : اريج ما بنطول حلفت لج اريج : اوكي فـ البحرين نور تكلم مهند بعد ما رجعت من المدرسة نور بحزن : مهند ليش ما ترد علي مهند : ...... نور : مهند والله حرام الي قاعد تسويه مهند : و انتي مب حرام الي سويتيه نور بنبره الم : ما سويت شى صدقني مهند : اي اي اوكي صدقتج نور و الدموع ماليه عينها: يعني ما وحشتك !! ما صار خاطرك فـ هالايام الي مرت تكلمني مهند بألم: لا نور بحسرة : لااا .. جذي سهله تقولها ؟؟وين حبك لي ..مو كنت تقول ما تقدر يوم ما تكلمني وين كلامك .. وعودك مهند : خلاص انا تغيرت نور : انا ما ابيك تتغير .. ابي مهند الي كان يحبني مهند : مهند خلاااص نور : لا تقول هالكلام والله قلبي يعورني اذا تقوله مهند : نور انسي تفهميين يعني شوو .. انسي نور بغصه : انساك ..؟؟ مهند بتردد: اااي..ليش ما تنسيني .. عندج من ينسيج نور : ليش ما انساك ؟؟ مهند : اي نور دموعها تنزل : لان احبك مهند حس قلبه يتقطه يوم سمع هالكلمة .. نور سكرت الخط لان ماقدر تمسك نفسها اكثر .. و بدت تصيح مهند دز لها مسج : انا بغير رقمي .. حق تقدرين تنسيني بعد و ما اتدقين علي مرة ثانية نور دزت له : سوري قلت لك احبك بس وعد ما بتصل ولا بضايقك و اذا تبي اتغير رقمك غيره ..يعني انا من حق تهتم فيني .. و انساني انت بعد مو تطلب مني انساكـ.. مهند : انتي ما يعنينج نسيتج ولا لا .. نور ردت عليه : ما يعنيني ..!! عـ فكره ما في شى اسرع من الموت اليوم انا معاك باجر لا فالاحسن انك تكلم الي تبيها و ترتاح لها و خلك مني .. لانك ما ترتاح لي ولا اعجبك و انا الخاينه مو هذا كلامك مهند دموعه كانت تنزل بكل كلمة يكتبها لها .. و كل جملة يقراها :: احبج يا نور والله اني اكابر .. و لو بيدي قلت لج هالكلمة بكل ثانية و كل دقيقه .. قلبي ينعصر بكل يوم ما اكلمج فيه و وحشتييني بجد هالمرة .. ما عدت اتحمل اكثر فـ المطعم بندر : اريج انا ما عرفت هالشى منزمان .. يوم ملجت ازهار انا شفت ابوي و عرفت كل شى اريج : يعني معقوله ما انتهبت من الاسماء بندر : ما كان في بالي ازهار ما غيرها اختي اريج : انزين انت ليش الحين ما تبا تكلمني .. بندر : لان حمد اخوي شبلاج اريج .. انا ماقدر اخون اخوي .. اريج : بس انا ما احبه بندر : يعني تحبيني ؟؟ اذا تحبيني مستعد اقولهم و كل شى راح اسويه اريج : لا انا اعتبرك مثل اخوي بندر : فـ هالحاله انا ماقدر اسويلج شى .. غير اني اقول الله يوفقج معاه اريج : انت متضايق مني ؟ بندر و الدموع بطرف عينه : اريج انا حبيتج حب عمري ما حبيت احد كثره ولا راح احب .. عزيتج فوق كل من خليتج فوق راسي و ما طلبت منج غير انج تكلميني في البدايه و بعد كل هذا تقولين لي اخوي اريج : ...... بندر : الحين انا مو ياي اعاتب حد بس ياي اقولج ان كل الي بينه انتهى و اذا قبلتيين حمد مسامحه بس ما ابا اكلمج اريج : اها بندر: لا تزعلين من كلامي .. لان انتي مهما تضايقتي ما بتتضايقيين كثري انا الي حبيتج مب انتي .. يمكن انعجبتي فيني ولا انجذبتي شوي لكن ما حبيتيني اريج : بس ما ابي اخسرك بندر و الدمعه بخده: اخليج الحين ماقدر اطول معاج اكثر .. الله يهنيج و يوفقج انا ماعرف حمد كثر ما انتي تعرفينه ولا هلج بس ان شاء الله يقدر يسعدج بندر توى بيمشي .. علي دق عليه علي : بندر الحين احنا يايينكم بندر : بس انا الحين بسير علي: دقايق و انا و ازهار بنوصل بندر : ..... علي: لا تظهر بندر ترى والله ازعل عليك بندر : اوكي باي دقايق و وصل علي مع خطيبته ازهار : هلا اريج : هلا والله علي : ازهار كاهو بندر جدامج قولي الي تبينه ازهار كاانت منحرجه من بندر .. نفس الابو و ما يعرفون بعض .. ابوها ظلمهم .. ما كان يزورهم ولا يهتم فيهم .. كان الموضوع حساس شوي اريج استأذنت .. لان ما ظل فيه شى من بعد الكلام الي سمعته و لازم ترد البيت و علي خلاهم لحالهم .. ازهار : ........ بندر : خير ازهار ازهار باستغراب : انت يعني صج اخوي !!! بندر : اي انا اخوج من ابوج الي ما تعرفين و لا يعرف عنج شي ازهار و الدموع بعينها : ليش ابوي سوى جيي بندر و بدى يقول كل شى بقلبه : لان انتو اهم منا انتو عياله من ام حمد .. ازهار : و انتو هم عياله بندر : تفكرين ابوي .. اقصد ابوج .. كان يدري عنه !! في السنه حسنه يزورنه ازهار : و ليش امك ما قالت له شى ؟؟ بندر : و حتى لو قالت .. ياما كلمته و اهو يعصب و يظهر من البيت ازهار : يعني اهي كانت راضيه يتزوج عليها ؟؟ بندر : راي امي ما كان يهمه و يأثر عليه كثر ما كان ابوه و امه مصرين ان يزوجونه امج ازهار : ..... بندر : يا ازهار احنا معنى الابوه ما حسيناها .. يمكن انتي تكرهيني الحين ولا ولا ولا بس صدقيني .. ابوج بظل يحبكم اكثر منا مهما صار ازهار من بعد هالكلام انربط السانها بندر : انا ما ابا تتغير نظرتج لابوج .. مهما يكون هذا ابوكم صح بتتضايقين بس لا تخلين هالنظرة تتغير ولا تنزلين من مقام ابوج ازهار : و بعد تدافع عنه بندر : لان ابوي و بظل احبه مهما قصر في حقنا .. الحمدلله امي ما قصرت معانا و علمتنا مهما سوو الاهل لازم نحبهم لان مردنا للتراب .. فـ ذاك الوقت ما يفيد اي شى و اذا كانوا مب راضيين عنج يعني شراح تكون حالتج ازهار : والله ان قلبك ابيض و ما تستاهل الي قاعد يصير لك بندر : اذا صج تخافين عـ امج و هلج لا يفترقون لا تخبرين امج بشى ازهار : بس ما يصير يا بندر بندر : الله كريم ازهار : بندر انا ماقدر اسكت بعد اكثر حاسه حالي بختنق .. محد حاس بالي قاعد يصير محد مجرب هالاحساس ..ماعرف شلون اتصرف ولا عندي حد اقوله كل الي بقلبي بندر : انتي اختي .. و منزمان كنتي فـ هالمكان .. اي وقت تحتاجيين شى بس قولي لي و انا حاضر ازهار قامت تصيح .. لمته و اهي مب مصدقة انه فعلا اخوها.. ازهار و الدموع عـ خدها : انت اخوي ؟؟ بندر : ههههههه اي انا اخوج ازهار كانت الابتسامه عـ ويهها .. بندر : اخوج و صديقج و كل شى ازهار : .... بندر الحين صار علي الموقف اصعب بندر : فـ شووو بالضبط ازهار : انت .. اريج .. حمد بندر : خلاص انسي هالسالفه ازهار : و اشلون انساها بندر : انا كلمت اريج ,,, و قلت لها ... ( بندر قال لها كل الي صار ) ازهار : بندر .. بندر : نعم ازهار : كبرت فـ عيني .. بطيبتك .. باخلاقك .. بكل شى فيك ماعرف اشلون كنت بعيد عنا .. و ابوي ما عرف ان ولده بندر ولد ما يتعوض بندر : ههههه لا تجامليني وايد ازهار : لا والله مب قاعده اجامل هالقعده .. نست بندر شوي اريج .. خلته يحس بجوو العائلة الي كان محروم منه طول هالسنيين علي رجع لهم .. ظلوا قاعدين فـ المعطم طووول العصر وناسه و ضحك فــ البحرين عبدالله يكلم مريم عبدالله :مريم انتي لازم تخبريين اشواق عن الي صار فيج مريم : عبدالله تكفى ما ابي مشاكل مع هالي اسمه احمد عبدالله : بس يا مريم .. انا ما ابي اشواق تنضر .. يعني انتي ترضين يصير فيها الي صار فيج ؟ مريم بقهر : الله لا يوفقه .. الله لا يخليه .. عسى الله يراويه في الي يحبهم .. الله يحرق قلبه مثل ما حرق قلبي و خرب حياتي عبدالله : بس يا مريم مو زين اتدعين عليه مريم : الا هذا .. زين زينة الزين بعد عبدالله : انزين و الحين اشقلتي مريم : مسامحه عبدالله ... باجر بعد اتروح اشواق و اتقوله انا الي خبرتها و يرد ايي لي عبدالله :انا اضمنها لج مريم : لا عبدالله ما ابي مشاكل عبدالله : يعني تبيني انا الي اخبرها ؟ مريم : عبدالله هذي يزاتي اني امنتك على سري عبدالله : و انا ما قلت لج شى .. بس خايف عليها مريم بغيرة : يعني انت تحبها عبدالله : اي انا احبها بس اهي تحب احمد مريم : اذا تحبها ليش كلمتني عبدالله : تتتذكرين اول مرة جفتي فيها عبدالله .. عطاج الرقم و خذيتيه .. بعدها بعد واحد قط عليج الرقم تتذكرين !! هذا انا مريم باستغراب : هذا انت ؟؟ عبدالله : اي هذا انا مريم : بس غير شكلك مريم : لان يالبنات همكم المظاهر .. ما تدرون ان المظاهر مو كل شى مريم بندم : خساااره والله خساره عبدالله : سمعيني يا مريم .. انتي فكري فـ الموضوع و ردي علي اوكي مريم : انا قررت عبدالله : معليه انا اطلب منج تردين تفكرين في الموضوع .. ممكن ؟؟ مريم : يصير خير عبدالله : يلا عيل انا الحين ماشي بباي مريم : باي فـ بيت بو مهند بو مهند : ها يا بنتيني ما قلتي لي رايج ؟ اريج : والله مادري بو مهند : يعني شوو ما تدرين .. موافقة ولا لا اريج : ما عندي راي بو مهند : انا ابوج و اقول من مصلحتج انج توافقين اريج : ....... ام مهند بعد ما راحت بنتها ام مهند : .. شوو قالت ؟ بو مهند : امم يمكن مستحيه .. بس ما في سبب يخليها ترفضه و ما ردت علي ام مهند : امتى بترد عليهم بو مهند : بالكثير باجر .. ام مهند : و شوو راح تقول لهم بو مهند : اذا ظلت جيي ساكته بوافق .. مب عدله لان نرفضهم فــ دار شوق مشغله الاغاني عـ الاخر .. و قاعده ترقص جدام المنظره ..و الحاله حاله داخله فيلينق و متحمسه في الرقص .. يمين .. يسار .. و اسبح .. و اسبح ... و افترررررررررر ....و فجأه تدخل عليها امها شوق انحرجت و وقفت مكانها جامده : ...... ام هيا و فيها الضحكه : اشقاعده تسوين شوق بتوتر : هااا .. ولا شى بس رياضه ام هيا ما قدرت اتيود رحها اكثر : هههههههه خوش رياضه شوق ما عرفت شترد عليها و كفايه امها ضحكت يعني شافتها و اهي بهالحال شوق اتفلشت و طلعت من دارها و راحت تقول حق اشواق عن الي صار فــ الصاله شوق و ويهها احمر : اشواقوووو حر حر بمووت بقه اشواق : هههه وي وي اشفيج هلون .. اشصاير ؟؟ شوق : امي جافتني اشواق : شنو جافت .. و ليش ويهج جذي حمر شوق : جافتني و انا ارقص .. حدي متفشله و احس الدنيا تدور اشواق ما قدرت تسكت من الموقف : ههههههههههههههههههههههههههههههههههههههههه شوق و اهي تضربها : سكتي فضحتييني اشواق : هههههههه لان حدج تضحكيين شوق : شاسوي الحين اشوق شبتسوين يعني .. شوق : مادري الصراحه اشواق: ههههه روحي نامي عن الفشله شوق : اي والله صدقتي فــ الليل .. (الامارات) سعود خذ ميساء السينما (فلم عمر و سلمى ) الي كانت تبا تدخله ... و كل ربع ساعه يأذيها .. يقط عليها pop corn ولا ينغز لها .. و تطفر هع هع بعدا تعشوا .. و خذوا ياسمين و ياسر من بيت ابوها و ردوا البيت سورررري بتأخر عليكم في الباارت الي بعده لاني بساافر .. Quote Link to comment Share on other sites More sharing options...
هبله وتهبل Posted أغسطس 6, 2009 Report Share Posted أغسطس 6, 2009 يسلمو عآلبآرتين آتوقع نور ومهند يردون لبعض نذير ونور مابيتحجون مع بعض وايد وآحمد وشوق بيفترقون آزهآر مابتصير علآقتهآ زينه مع آبوهآ وتروحين وتردين بآلسلآمه آنشآلله Quote Link to comment Share on other sites More sharing options...
دلـوعـــة محرقيــة Posted أغسطس 7, 2009 Report Share Posted أغسطس 7, 2009 يسلمـوو ع البارت حده فن .. بس مسكينه نـوور كاسره خاطري .. حرام مسكينه خل يفهم الموضوع منهـآ .. اريج الصراحه ماينعرف لها اهيـا تقول ماتحب بندر .. فـ مافي سبب يخليها ترفض حمـد .. بندر الله يعينـه مسكين .. بس الله يعوضه ان شاءالله .. وفديييتها ميسااء اهيا وريلها .. محلين القصه والله .. ولا يوم اول ما يقعد يغني لها .. ههههههههه .. واحمد صج صج ما توقعته جذي .. يعني ما تبي البينه خلهـآ في حـآلها .. وهيـا فديتها زين اللي بدت خطوه يديده .. لان نادر صج يحبها .. الله يخليهم حق بعض .. تسلمين ع البـارت .. Quote Link to comment Share on other sites More sharing options...
مينونة ومخرفة ومخرخشة Posted أغسطس 7, 2009 Report Share Posted أغسطس 7, 2009 نور ومهند : احسهم برجعون حق بعض .. حرررررررررررام اللي يصير بينهم .. متى راح ترجعينهم حق بعض .. نذير : كاسر خاطري .. اصعب شي لما تحب حب من طرف واحد .. ان شاءالله يقدر يرجع نور حق مهند .. شوق : حدها هبله ههههههه ترقص وبعدين تتفشل .. مسكينه هههههه .. اشواق : انه لو منها اخلي احمد يولي لان مايستاهل الحب .. احمد : حده نذل ماحبه .. بنات الناس لعبه عنده عباله .. هيا ونادر : حدي استانست لهم .. الله يوفقهم في حياتهم .. اريج : اتمنى انها ماتوافق ع حمد .. لان مايستاهل .. بندر : كبر في عيوني .. هذي الاخووان .. خله الانسانه اللي حبها عشان اخوه .. حمد : اذا عرف ان اخوه بندر يمكن يتاثر وايد .. وخصوصا ان يعرف ان بندر يحبهاا .. ازهار : في موقف صعب اخوانها ورفيجتها .. والخبر اللي سمعته صعب .. سعود وميساء : هالاثنين حدهم يهبلون .. سعود عجيب حده خريش .. اختي تسلمين ع البااارت الحلوو .. تروحين وترجعين بالسلامة ان شاءالله .. Quote Link to comment Share on other sites More sharing options...
الدمعه المقهوره Posted أغسطس 16, 2009 Report Share Posted أغسطس 16, 2009 وين البارت اختي ؟؟ ننتظرج يعطيج العافيه Quote Link to comment Share on other sites More sharing options...
أسيرة الورد Posted أغسطس 16, 2009 Report Share Posted أغسطس 16, 2009 البنت مسافرة ان شاء الله جريب ترجع وحشتنا الله يردها بالسلامة Quote Link to comment Share on other sites More sharing options...
الدمعه المقهوره Posted أغسطس 17, 2009 Report Share Posted أغسطس 17, 2009 الله يردها بالسلامه انشاءالله Quote Link to comment Share on other sites More sharing options...
girlheart Posted أغسطس 21, 2009 Author Report Share Posted أغسطس 21, 2009 يسلمو عآلبآرتين آتوقع نور ومهند يردون لبعض نذير ونور مابيتحجون مع بعض وايد وآحمد وشوق بيفترقون آزهآر مابتصير علآقتهآ زينه مع آبوهآ وتروحين وتردين بآلسلآمه آنشآلله ثااااانكس حبو عـ التواصل يسلمـوو ع البارت حده فن .. بس مسكينه نـوور كاسره خاطري .. حرام مسكينه خل يفهم الموضوع منهـآ .. اريج الصراحه ماينعرف لها اهيـا تقول ماتحب بندر .. فـ مافي سبب يخليها ترفض حمـد .. بندر الله يعينـه مسكين .. بس الله يعوضه ان شاءالله .. وفديييتها ميسااء اهيا وريلها .. محلين القصه والله .. ولا يوم اول ما يقعد يغني لها .. ههههههههه .. واحمد صج صج ما توقعته جذي .. يعني ما تبي البينه خلهـآ في حـآلها .. وهيـا فديتها زين اللي بدت خطوه يديده .. لان نادر صج يحبها .. الله يخليهم حق بعض .. تسلمين ع البـارت .. فن فن ردج والله اتمنى تتابعين القصة و تردين علي عـ طوووول نور ومهند : احسهم برجعون حق بعض .. حرررررررررررام اللي يصير بينهم .. متى راح ترجعينهم حق بعض .. نذير : كاسر خاطري .. اصعب شي لما تحب حب من طرف واحد .. ان شاءالله يقدر يرجع نور حق مهند .. شوق : حدها هبله ههههههه ترقص وبعدين تتفشل .. مسكينه هههههه .. اشواق : انه لو منها اخلي احمد يولي لان مايستاهل الحب .. احمد : حده نذل ماحبه .. بنات الناس لعبه عنده عباله .. هيا ونادر : حدي استانست لهم .. الله يوفقهم في حياتهم .. اريج : اتمنى انها ماتوافق ع حمد .. لان مايستاهل .. بندر : كبر في عيوني .. هذي الاخووان .. خله الانسانه اللي حبها عشان اخوه .. حمد : اذا عرف ان اخوه بندر يمكن يتاثر وايد .. وخصوصا ان يعرف ان بندر يحبهاا .. ازهار : في موقف صعب اخوانها ورفيجتها .. والخبر اللي سمعته صعب .. سعود وميساء : هالاثنين حدهم يهبلون .. سعود عجيب حده خريش .. اختي تسلمين ع البااارت الحلوو .. تروحين وترجعين بالسلامة ان شاءالله .. الله يسلمج حبيبتي .. توقاعتج وايد تفيدني و تشجعني اني اكتب البارت الي بعده ... ثااانكس و لا تحرميني من هالرد الحلو وين البارت اختي ؟؟ ننتظرج يعطيج العافيه البنت مسافرة ان شاء الله جريب ترجع وحشتنا الله يردها بالسلامة الله يردها بالسلامه انشاءالله طوووولت عليكم سوري بس بحاول اكتب البارت في هالجم يوم و انزله لكم .. لان توني اليوم راجعه Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.