قمر موتو قهر Posted أغسطس 26, 2009 Report Share Posted أغسطس 26, 2009 ويينج طولتي علينآآآ Quote Link to comment Share on other sites More sharing options...
girlheart Posted أغسطس 28, 2009 Author Report Share Posted أغسطس 28, 2009 البااارت 34 طلت الشمس بنورها عـ الكل في هالصباح .. فـ الامارات ازهار داقه على اريج ازهار : اريجوو للحين ما قمتي !! اريج : الحين الحين ازهار : اريجوووو يلا اريج : زين بلحق عـ المحاضرة لا تخافين ازهار : اي محاضرة اي خرابيط .. اليوم ملجتج اريج فزت من سمعت هالكلمة: ..... ازهار : الوووو اريجوو اريج بنبرة حاده : نعم ازهار : شبلاج ..!! ليكون نسيتي اريج : لا ما نسيت ازهار : زين عيل انا بس اظهر من المحاضرة بييج اريج : ازهار لا تسيرين الجامعه اليوم ظلي معاي ازهار بتوتر : ليش !! صاير شى اريج : لا .. بس ازهار : بس شنو اريج : ولا شى خلاص ازهار : اوكي الحين انا بسكر لا اتاخر اريج : اوكي مع السلامه ازهار : الله يسلمج اتفقوا على ملجة اريج بعد ما ردوا عـ بو حمد بالموافقه .. صار كل شى بسرعه و بدون ما تحس اريج ولا لها راي بالموضوع ... ازهار و ام مهند فـ جم يوم شروا كل الاغراض الي راح تحتاجها اريج فـ الملجه.. و خذوا الفستان عـ ذووق حمد لان كانت مب راضيه تسير السوق ((بحجه انها تعبانه)) بو مهند كان حاس فـ بنته شى مب طبيعي .. بس ام مهند كانت تطمنه و ما تحسسه بشى الساعة 11 نزلت اريج تحت فـ الصاله ام مهند : صباح الخير اريج و اهي للحين مب مستوعبه ان اليوم ملجتها : صباح النور ام مهند : و هذا الاكل مسويته مخصوص عشانج اليوم اريج : مشكورة يمه ام مهند : العفو .. جم اريج عندي اريج: ..... تمت اريج ساكته و تاكل و امها قاعده معاها ام مهند كانت تنتظر اريج تتكلم .. تسال عن اليوم .. تقول اي شى لكن اريج ما نطقت ولا بحرف عن هالسالفه ام مهند : شفتي فستانج حق الليلة اريج : لا ام مهند : حطيته لج فـ كبت ثيابج .. يهبل .. جربيه بعد شوي اريج : يصير خير ام مهند : عاد ابا رايج فيه بصراحه اريج : ..... ام مهند : يا بنيتي .. البنت في يوم ملجتها اذا ياا الشيخ تتوتر و تخاف .. و تبدي ترجف هذا شى طبيعي و يمر عـ كل بنت اريج ببرود : و ليش تقولين لي هالكلام ام مهند : ما ابا هالشى يأثر عليج .. ولا على ردج و اتمنى ما تقولين شى تندمين عليه و انتي عارفه قصدي اريج باعدت الاكل عنها : يمه انتي ليش مصره تبيني اقبله .. تعرفين اني ما وافقت .. ولا رديت عليكم تصرفوا بكل شى و كأن الشى ما يعنيكم ولا كأني بنتكم ام مهند بهدوء : هالشى لمصلحتج .. و انا ادرى الحين انتي لحينج ياهل و خايفه تضيعين روحج اريج بعصبيه : انا بشيب و انتو تقولون لي ياهل .. انا اعرف شالي لازم اسويه ام مهند : انا اعرف ليش انتي قاعده تتصرفين جيي .. ازهار خبرتني بكل شى اريج انربط السانها و توهقت : ازهار .. شوو قالت ؟ ام مهند : خبرتني ان حمد من قبل يحبج .. و انتي تصدينه .. اريج بررراحه: بس هذا الي قالته ؟؟ ام مهند : ليش في شى ثاني اريج بتوتر : ها .. لا ام مهند : عيل خلاص .. ما عندي راي غير انج توافقين اريج سارت دارها من القهر و تركت امها لحالها فـ الجامعه ازهار قاعده مع علي و بندر ازهار : اي اليوم ملجتها بندر : قولي لها الله يوفقها ان شاء الله .. ازهار حست بغصة اخوها : يعني ما راح تكون موجود بندر : و بصفتي من اكون موجود ازهار : بصفتك اخوي .. و اخو حمد بندر : ازهار .. تكلمت معاج قبل عن هالموضوع .. علي : زين انا بسير لواحد من الربع و راجع لكم ازهار بعد ما علي ابتعد: بندر .. بندر: .... ازهار : انت اليوم لازم تكون موجود معانا بندر يحاول يتماسك مع ان قلبه معصور : ازهار قلت لج ما اقدر ازهار : ليش ما تقدر .. يعني لي متى بظل هالوضع بندر : تبيني اسير اشوف الي احبها مع اخوي !! ترضين تشوفين اخوج قلبه مكسور لان الي حباها ما حبته و الليلة ملجته ازهار و الدمعه بعينها : بس .. بندر : بس شوو ازهار : كنت اتمنى تكون موجود معاي بنفس هالليلة بندر : معليه خيرها بغيرها الحين انا محاضرتي بتبدي يلا استأذن دخل بندر محاضرته و كان علي ينتظره مر الوقت بسرعه .. ظهر علي من محاضرته و ازهار خلصت المحاضرات الي عليها فـ الطريج علي يسوق السياره و ازهار معاه مب مخليته فـ حاله ولا يعرف يسوق منها علي : لا انا ما احب هالاغنية ازهار : انا احبها كييفي لا تغيرها ترى ان غيرتها بنزل من السياره علي و اهو يبدل الاغنيه : و انا اقولك ان غيرتيها الحين ببوسج و ما اوصلج بيت عمج ازهار : ههههه حلوة ذي و انا ما ابا هالاغنية .. ازهار غيرتها .. علي : ازهاروووو متأكده ما ترجعينها ؟؟ ازهار بوثوق : اي و مليون بالمئه بعد علي : زين عيل .. تقرب منها حق يبوسها في خدها فـ الشارع و اهو يسوق ازهار باحراج و بنفس الوقت متفشله : شوو قاعد تسوي الناس تشوفنا علي : خل تشوف .. خطيبتي و حلالي ازهار و اهيه تبتعد عنه : بس مب و الناس كلها تشوفنا علي فقد توازنه و شوي و يدعم في الي جدامه ازهار بخوف : عــــــــليي لااااااااا علي ضرب بريك مرة وحده و وقفت السياره و دعمت جدام علي بخوف : ازهار !!! ازهار و اهي تتالم : نعم علي : تعورني ؟؟؟ ازهار و اوهي تحاول تعدل حالها : لا ما صار شى انزين شوف سيارة الي جدامنا اذا ما صار فيها شى علي نزل من السياره عـ طول الريال : شبلاك انت .. ما تشوف يعني علي بتوتر : مسامحه .. والله ما كنت منتبه الريال حس ان علي متوتر : خلاص حصل خير اهم شى سلامتكم علي : الله يسلمك مشكور الريال : و مرة ثانية حاسب على ركب السياره .. علي : اكيد ما صار فيج شى ازهار ازهار : اي .. بس يدي شوي احس بالم فيها علي بذنب : انا آسف والله ما اعيدها .. ازهار : الحين وصلني بسرعه لا اتاخر على اريج علي : لا اول بنسير المستشفى نتاكد ان ما صادج شى ازهار : علي ما في وقت .. و ما فيني شى الحمدلله علي : اكيييييد ازهار : اي علي وصل ازهار بيت بو مهند .. ازهار دخلت و سلمت عليهم فـ المول ميساء تتغذى مع سعود عند المطاعم و كانت وحدة مقابلتهم و تتمنظر في سعود من اول ما شافته .. ميساء كانت منقهره و ميته من الغيرة .. بس ساكته و تبي تشوف هالبنت لوين توصل .. طبعا طوول ما اهما يتغذوون هالبنت ما شالت عينها من عليهم و شلون سعود يدلع ميساء و يختار لها الاكل .. و يشربها العصير و البنت ذايبه و كانها اهي الي جالسه معاه مب زوجته ميساء : اقول سعود انا شبعت خل نسير هالمكان يمكن في شى عدل سعود : ما كليتي شى حبيبتي ميساء و اهي تقوم : لا انا شبعانه سعود و اهم يسحبها من يدها و يقعدها عـ الكرسي : لا بس انا ما شبعت من شوفتج .. تعالي قعدي شوي بعد ميساء بقهر : من شوفتي ولا شوفتها سعود و اهو رافع حاجبه : شوفة منو ؟ ميساء و اهي ترد تقوم من عـ الكرسي : انت ادرى سعود سار وراها يبا يعرف شوو كانت تقصد سعود : ميساء .. عـ مهلج شوي ميساء : انا داخله هالمحل تبا اتيي معاي حياك و اذا حاب تقعد عند المطاعم اكثر شى راجع لك سعود : لا اكييد بسير معاج .. دخلت ميساء المكان حصلت لها توب مع تنورة و دخلت حق تجربهم فـ غرفه التبديل لبستهم و كانت التنورة شوي ضيقة عليها.. الولاده طلعت لها كرشه ردت ظهرت من غرفة التبديل حق تاخذ لها مقاس اكبر .. بس الصدمه ان شافت هالبنت لاحقة وراهم .. و واقفة تناظر سعود و تطالعه من فوقه لتحته غير الابتسامات و الحاله و سعود كان ملتفت لها .. ميساء عصبت زوود و خذت لها تنورة مقاس اكبر و شرتها حتى من دون ما تجربها من القهر فـ الطريج ميساء كااانت طول الوقت ساكته و حاقره سعود و اهو عارف ليش اهي تسوي هالحركات وصلت البيت و اهي لحينها عـ هالوضع سعود : ميساء ميساء : ....... سعود : ميساء اناديج ميساء طالعته بنظره و ردت رجعت نظرها للي خذتهم الثياب و كانها مب مقتنعه فيهم سعود تقرب منها : ليش تعامليني جيي الحين انا شوو سويت حق ما تردين علي ميساء : ...... سعود بنبرة حاده : ميساء قاعد اكلمج ردي علي ميساء راحت دارها بدون ما تقول ولا كلمة بعد دقايق .. نزلت ميساء بيدها شنطة حامله جيس الثياب الي شرتهم و ظهرت من البيت سعود ظهر وراها : عـ وين ان شاء الله ؟؟ ميساء ما ردت عليه سعود مسكها من يدها بقوة : وين بتسيرين ميساء بالم : قاعد تعور يدي .. بسير بيت ابوي وين بكون يعني سعود و اهو يرخي يده : ميساء ما له داعي كل هالحركات .. ما تعرفين حركات المراهقه و هذي بنت ما تفهم ميساء ظهرت من البيت من دون ما ترد عليه وصلت بيتهم .. سلمت عـ الكل و تطمنت عـ عيالها الي كانوا مع امها و سارت تشوف اريج و احوالها ميساء : هلا اروووج اريج : هلا ميساء : شحالج ؟ اريج : بخير الحمدلله و انتي؟ ميساء بضيق : انا !! اريج : اي انتي ميساء قعدت معاها و قالت لها كل الي صار اريج و اهي تضحك عليها من قلب : حسبي الله عليج يا ميووووس جيي تسويين في زوجج .. ما له ذنب ههههههههههههههه ميساء و اهي تضربها بالمخده : تضحكين علي ها اريج : والله خليتيني اضحك و انا في وسط هالهم ميساء باستغراب : هذا كلام وحده اليوم ملجتها ؟؟ اريج : الله و هالملجه بس لو تدرين انتي ميساء بخوف : شتقصدين بكلامج ؟؟ اريج : والله مادري شقول .. بس متوترة و مب عارفه شلون اتصرف ميساء و اهي تحاول تهديها : لا تخافين كل من يحس بهالشى .. تتذكرين انا يوم ملجتي حتى ما رضيت انزل لكم و انتي بنفسج كنت تسحبيني .. الحين انقلب الدور و صار عليج اريج : بس مادري حمد .. ميساء : حمد شوو اريج : مادري اذا كنت احبه .. اقدر اتقبله .. ميساء : شهالكلام اريج .. خبري فيه يحبج و يبان عليه من تصرفاته ليش بعد كل هالتردد اريج : تهقيين جيي يعني ميساء : اقول لح حل يريحج اريج : قولي ميساء : دامج هالكثر محتارة سوي خيرة اريج : اي والله و انا شلون طافنلي هالشى ميساء : تبين ادق عـ شيخ ؟؟ ولا انتي تكلمينه اريج : لا لا انتي كلميه دقت ميساء ع الشيخ و قالت له عن السالفة قالها دقايق و ترد تتصل فيه حق يرد عليها فـ البحرين ايمان فـ بيت احمد ايمان : شرايك اليوم نطلع احمد : افا عليج حبيبتي انتي بس امري وين تبين .. جم ايمان عندي ايمان بحيا : ههه لا ابي اطلع مع ربعي احمد : مب عدله تطلعون و انا اكون معاكم ايمان بدلع : ترد لي طلب يعني احمد : امووون قلبي ما يصير .. اهاليهم ما يرضون و انا مب عدله علي بعد ايمان : اوكي بس وصلني و خلاص احمد : زعلتي ؟؟ ايمان : لا و ليش ازعل احمد : عيل ليش ماده البوز شبرين ايمان : .... احمد : و شلون تبيني اراضيج بالله ايمان : صج ما منك فايده ولا تفهم بسوالف الحب .. ولا تعرف تدلع الحين الوحده اذا تزعل يقولون لها جذي .. ايبون لها ورده .. يعشونها .. يشترون لها هديه عـ الاقل اغنية احمد و اهو يضحك : ههههههه الحين صرت ما افهم بسوالف الحب ايمان : عيل اكو وحده زعلانه تقول لها و شلون تبيني ارضيج بالله احمد و اهو يمثل برومنسيه : يا زعلان يا زعلان خليت قلبي حيران ما قلت لك يا جبيبي بطل دلع منزمان ايمان : بس هذا الي قدرت عليه احمد : قلتي اغنية و غنيت لج ايمان : زين بس اسكت ولي يعافيك هذا للحين ما تزوجتني و جذي الله يستر بعد الزواج شبتسوي احمد و اهو يطالعها فـ عينها : بذبحج بفترسج بقتلج ايمان : فلحنا احمد : حلالي و كيفي ايمان : ههههههه هذا الي فالح فيه كل كلمة حلالي و حلالي ايمان خبرت نور انهم بطلعون اليوم و نور قالت حق شوق و شوق خبرت اختها اشواق : شوقو عندي فكره شوق : قولي اشواق : انا منزمان ما جفت احمد .. اقول حق امي بطلع معاكم و اخلي احمد يمر علي شوق : الحين تطلعين ويا احمد و احنا تهدينا مب عدله اشواق و اهي تترجى اختها : يلا عاد شوق تعرفين احمد متغير .. يمكن اذا كلمته يحن قلبه شوي و يرد مثل قبل شوق : والله عاد بكيفج اشواق بفرررررحه : عيل بروح اخبره فـ بيت بو مهند ام مهند : ميساء يمه روحي مع اختج الصالون ميساء : ان شاء الله يمه بس اريج بتسبح و بنظهر ام مهند : زين عيل ..... ميساء : اريج رديت دقيت عـ الشيخ و قال ان الخيره وايد زينه و لا تترددين فـ هالشى اريج باستغراب : متاكده اهو قالج جيي ميساء : يعني بجذب عليج اي اهو قالي هالكلام و قال خل تتوكل على الله و توافق عليه اريج بحيره : اها ميساء : يلا بسرعه حق نسير الصالون اريج : ..... فـ البحرين ايمان مرت على نور و بعدها خذوا اشواق و شوق .. احمد وصلهم عذاري اول ما وصلوا عبدالله دق عـ اشواق اول مرة ما ردت عليه .. بعدين تذكرت انها بتطلع مع احمد فخافت و ردت عليه حق تخبره ان ما يدق عليها و تصير لها سالفه مع احمد عبدالله : اشواق لا تسكرين الخط بس ابي اقولج شى اشواق : انت ما تفهم يعني جم مرة بقولك لا تتصل تراك اذيتني عبدالله : سمعيني يا اشواق لازم تتركين احمد تراه يلعب و يقص عليج مثل ما قص على غيرج اشواق : احمد ما يقص علي ولا يلعب و بيثبتلي هالشى الحين لاني رايحة اشوفه عبدالله بخوف : اشواق بذمتج ترى .. ما له امان تكفين بس دليني مكانج و انا اييج لا تروحين له اشواق : يلا باي .. سكرت من عنده الخط و بعدها وصل احمد و راحت معاه فـ السياره احمد بنظرات خبث : حبيبتي طالعه حلوة اليوم اشواق بحيا : انت الي طالع قمر احمد : عطيني يدج اشواق باستغراب : شنو احمد :عطيني يدج وحشتيني ابي احس بقربج .. ابيج تدفيني اشواق بخوف :اول مرة تطلب مني هالشى احمد : تكفين حبيبتي والله بجد وحشتيني اشواق قعدت خايفة .. احمد اخذ يدها بالقوة اشواق سكتت من الخوف احمد وقف سيارته فـ مكان ظلمة اشواق : احمد وين رايحين احمد : ولا مكان اشواق و باين عليها التوتر : عيل ليش موقف فـ هالمكان احمد : بس تعبت و انا اسوق اشواق : احمد يصير تردني لهم عذاري احمد : بشرط اشواق : شنوو احمد : ابي بوسه اشواق و قلبها يدق بقوه : احمد انت فيك شى احمد : ابيج .. من متى وانا انتظر هاليوم والله ودي منزمان اشواق و الدموع بعينها : احمد حرام عليك ردني الحين احمد : شفه عـ الاقل اشواق : والله بطلع من السياره الحين احمد بدى يحرك السياره شوي لان حس اشواق راح تطلع .. و بدى يمشي على مهله .. ما كان ملاحظ ان وراه الدوريه تلحقه من يوم طلعوا من عذاري لين ما تقربوا منه بحيث يقدر يشوفهم و كان احمد متوتر بس يحاول يمسك اعصابه .. اهو يسكت في اشواق عن لا تفضحه و اهو خايف من الصوب الثاني وقفوهم الدوريه .. الشرطي يسال اشواق بعد ما نزلت من السياره: من هذا الي معاج اشواق خايفة و متوترة و باين عليها هالشى .. تبي تقوله ان اهو اخوها حق ما تصير لهم مشاكل و تبي تنقذ روحها منه الشرطي بعصبيه : ما بتجاوبيني ؟؟ عطيني رقم امج ولا ابوج اشواق خافت و الدموع بدت تنزل من عينها : هذااا ... تكفى ردني بيتنا ما ابي اركب معاه و اذا تبي رقم ابوي ****** 39 و كان احمد من الجهة الثانية يسالونه بس قال لهم هذي بنت خالتي و كنت موصلنها .. طبعا ما صدقوه بس سجلوا رقم ابوه و بيتهم و خلوه يمشي وصلوا اشواق بيتهم و عـ طووول راحت دارها و قعدت تصييييح من الخوف و مب عارفه شالي المفروض تسويه ولا شلون تتصرف امها ولا ابوها .. كانوا طالعين احمد ..ظل يسبها و يلعن اليوم الي عرف فيه اشواق وصل البيت و قال حق اخوه محمد عن الي صار محمد اول ما سمع الخبر عـ طووول اتصل في شوق يبي يتطمن على اشواق محمد : شوووق شوق : تعال انت اخوك شمسوي في اختي من اول ما وصلت و اهي تصيح و مب راضيه تقول لي من شنو محمد بخوف : شووق حاولي تهدينها و انا افهمج كل السالفة شوق بتوتر : ليش يعني اشصاير ؟ محمد : بعدين افهمج كل شى الحين انتي حاولي تخلينها تتكلم لج و تقول لج عن الي صار محمد بعد ما سكر الخط راح الى احمد محمد : انت ما تستحي يعني .. البنت حبتك و هذا يزاها حتى ما تأمن تطلع معاك احمد : جب مب فاضي لك و لنصايحك محمد : زين ما خذوك معاهم الشرطة ولا كنت مقطوط في السجن الحين احمد : و انسجن ليش ؟؟ غصبتها انا ؟؟ اهي الي قالت لي تبي تطلع معاي محمد : صج قليل ادب و ما عندك قلب محمد رفع يده و عطاااه كف احمد و يده على خده : ترفع يدك علي عشان وحده رخصت روحها لي محمد بغضب : و اكسر لك راسك بعد احمد طلع من البيت و راح لوحده من البنات الي يلعب عليهم حق تنسيه الي صار .. فـ الامارات وافقت اريج عـ حمد و صوت الاغاني ضاج بالمكان و الاهل متيمعيين بفرحه و الي زاد فرحتهم العمه رحمه الي كانت موجوده مع العايله هناك ظهر الشيخ و حمد كشف عن ويهها و باسها على جبينها و بدى يمتع عينه بشوفتها ..حلاله..و طلته بحلاة القمر خصوصا بالفستان الي كان حمد مختاره لها ما حلا الفستان الا بك كنه مفصل لجل عينيك انتي الطبيب و انا مصابك انا والله ميت(ن) فيك يا اريج كثروا خطابك و انا اللي دونهم بشريك الحلى والله يحلى بك ويالله عسى الموت ينسيك كل الدلع في حسابك كنه موقع لك على جيك انا حمد اموت و احيا بك و قلبي يحبك و يغليك الشاعر عبدالله بن عادل الرويعي اشكر عبدالله عـ الاهداء الي كتبه مخصوص عشان القصة ..و سوري خذينا من وقتك ..((جميع الحقوق محفوظة)) حمد طووول الوقت كان يطالع اريج باعجاب و دهشه مب مصدق الي قاعد يصير و كان كل ما ايي له مهند يقول له ..مهند صج هذي ملجتي و انا المعرس .. لمياء كانت من المستحيلات تفوت هاليوم .. كانت موجوده بالاخص كانت متواجده عشان تمتع نظرها بشوفة مهند الي جذبها بجماله و بعزه نفسه و بكل صفه يتحلى بها هالشاب مهند بالنسبة للمياء الشاب الي تتمناه طوول عمرها يكون لها زوجها .. الوحيد الي اول ما شافته قالت ابيه يكون زوجي مب مثل الباقي تكلمهم عن تسليه و مضيعه وقت .. وسيم و نظراته تسحر اي بنت .. في قمه الجمال و فوق هذا متواضع لكن عمره ما نزل نفسه لشى ما يستاهل .. يتحلى بصفات الرجوله و فيه الرومنسيه الي كل بنت تدور عنها و بنفس الوقت يكون شديد و قاسي وقت الي يلزم لمياء كل ما تشوف مهند تنجذب له اكثر و فـ بالها ان اهو يبادلها هالشعور حتى بعد ما عرفت عن نور .. اهي للحين متعلقة بهالانسان ما تعرف ليش بس من اول ما شافته و اهو شاغل تفكيرها حمد و اهو يهمس فـ اذن اريج : اذا قلت لج ملاك قليلة بحقج اريج : ...... حمد و اهو ماسك يدها بقوة و كأن خايف تروح من يده : قولي انج تحبيني اريج طالعته بنظرة و ردت نظراتها لميساء الي كانت يمها حمد : فديت هالنظرة انا .. مادري انا بحلم ولا بعلم مشى الوقت بسرعه لكن كان بالنسبة لاريج و كأن ثلج و يبذوب بطيئ كل عايلة بدت تظهر من بيت بو مهند بقت ميساء و حمد و عائلة بو مهند ام مهند : ميساء وين سعود ما بين اليوم ميساء و تسوي حالها توها متذكره : ويييي نسيت اعزمه ام مهند : فشله .. شووو راح يقول عنه يا بنيتي ميساء : عادي الا سعود ... ام مهند : عيل اذا بيي ياخذج عطيه هالاكل خليه يتعشى يمكن ما اكل شى ميساء : انا يايه بيسارتي .. اصلا يمكن انام معاكم الليلة ام مهند : و سعود ؟؟ ميساء : ينام لحاله ام مهند : ليش يعني صاير بينكم شى ميساء بتوتر : هاا .. لا مب صاير شى ام مهند : متأكده ميساء : اي يمه ام مهند : عيل سيري بيتج و عطي هذا زوجج و قولي له انج متأسفه ع اليوم ميساء باحباط : ان شاء الله ظهرت ميساء من بعد ما سلمت عـ الكل و سارت الى بيتها كان سعود يتمشى في حديقة الفيله ينتظر ميساء ترد اول ما وصلت شافته لكن ما فيسته و اهو قعد يكابر و ما اهتم .. و اهو قاعد يمشي ما انتبه لحجره فـ الارض و مرة وحدة طاااااح ميساء من شافت هالمنظر ما قدرت تيود روحها و ماتت من الضحك عليه ميساء : ههههههههههههههههههههههههههههههههههههههههههههههههه سعود قام من عـ الارض و شكله تعور : زين تضحكين علي بعد ميساء : هههه هههههههههههه اقول لا ترفع خشمك مرة ثانية زياده عن اللزوم ترى مو بس عظمته تنكسر الا بكبرك تطيح و تتكسر سعود : تطنزي معليه معليه .. ميساء ردت تذكرت سالفه البنت و مشت عنه بعد طالعته بذيج النظرة الي تهز الواحد سعود و اهو يهمس : شكلها ما نست السالفة دخل سعود الفيله وراها .. سعود : ما سألوا عني اليوم ؟؟ ميساء بلا مبالاة : امي سالت عنك و قالت اعطيك هالاكل حق تتعشى سعود : فيها الخير عمتي والله احسن من بنتها الي ما تسال ولا تفكر فيني .. الا وين ياسر و ياسمين ميساء و اهي ماشيه : في الغرفة سعود باستغراب : من امتى ؟؟ ميساء : ........ سعود تقرب منها من ورى و لمها ميساء و تبا تتباعد عنه :اتركني سعود : مب تاركج لين ما تقولين لي رضيتي و مب زعلانه ميساء : .... سعود بدلع : انزين عمري انا شذنبي يعني .. ميساء : ........ سعود راح لها جدامها و طالعها فـ عينها : اهون عليج طول اليوم ما تسالين عني ميساء: اي تهون سعود : ما هقيتها منج بس ميساء: ........ سعود بزعل : و تحرميني من هالجمال يعني ؟؟ ميساء انحرجت بس حاولت ما تبين سعود : يا ويل حالي عـ الي تستحي انا .. ميساء : سعود بلا حركات مراهقة سعود : ههههه شوو .. شوو قلتي ما سمعتج عدل ميساء : بلا حركات مراهقة سعود : الله يا زمن .. الحين اذا اراضي حبيبتي و اتغزل فيها و بجمالها صرت مراهق ميساء : قلتها بنفسك اتغزل فيج سعود : اي اتغزل في زوجتي حبيبتي حرام ... الليلة طالعه قمر و تبيني انحرم منها معقوله يعني اتغزل في ملاك واقف جدامي ميساء بحيا : بس سعوووود خلااص سعود : يا حلاة اسمي و انتي تقولينه عـ السانج ميساء و اهي تلعب بخصلات شعرها : خلاص بسكت سعود : تكفين بس ظلي طووول الليل تسمعيني صوتج ميساء و اهي تتطنز : اي شرايك بس اقعد اغني لك زلزال يخرب بيتك سعود : لا طربيني بسماعي كلمة احبك .. قولي انج تحبيني و تموتين فيني ميساء : احبك و اموت فيك سعود : يا ويل حالي.. ماقدر تذوبيني بهالكلام ميساء : احبك و احبك و احبك .. ذبت ولا للحين سعود : لا بعد بقى شوي ميساء : عيل احبك و امووووووووت موت فيك سعود : بس خلاص ذبت و خلصت بعد ميساء : هههههههههه سعود : احبج ميووس ميساء : و انا بعد .. و اغير عليك و ما ارضى حد فـ الدنيا ياخذك مني ولا يفكر بهالشى بعد سعود حس بالنغزة : تغارين علي يعني .. ميساء : اي موت بعد سعود و اهو يسحب خدودها : فدييييتج انا ميساء و اهي تسحب خده مثل ما سوى لها : و انا بعد فديييييتك سعود و اهو يتالم : بس خلاص قلعتي خدي ميساء : بييي سعود صار احمر سعود و يده على خده : ما احس فيه .. الله يغربل ابليسج مسوي حالج ناعمه بهالمكياج و لابسه و متعدله و تذبحيني جيي ميساء : ههههههه شوو قصدك يعني !! سعود خاف منها : لا لا ما قصدي شى فـ دار اريج .. بعد ما كلهم ظهروا من بيتهم .. دخلت دارها حق ترتاح لان كان يوم متعب بالنسبة لها ما صدقت يخلص هاليوم و يعدي عـ خير غيرت ثيابها و مسحت مكياجها و توها بتغمض حق تنام الا تسمع صوت مسج واصلنها .. فتحت الرساله : بالبركة اريج تستاهلين كل الخير اتمنى لج التوفيق فـ حياتج مع حمد بندر اريج دمعت عينها بدون ما تحس و ما تعرف ليش .. !! ثواني و دق عليها رقم بس هالرقم ما كان غريب .. اريج ردت بتردد : الوو حمد : هلا بهالصوت .. ان شاء الله ما زعجتج اريج فز قلبها يوم سمعت صوت حمد .. تذكرت قبل يوم كان يكلمها على ان واحد ثاني : هااا .. لا عادي حمد : شبلاج ارتبكتي ؟ اريج : لا ولا شى حمد : زين حبيبتي باجر بمر عليج حق نظهر اريج بتوتر : باجر بكون مشغوله حمد : يعني ما تقدرين تفضين شوي من وقتج لي اريج : سوووري حمد باحباط : اريج انتي للحين شايلة فـ خاطرج علي؟ اريج : ....... حمد : اريج كلميني بصراحه .. قولي كل الي بقلبج اريج : ما في شى بقلبي .. او يمكن ما عاد عندي قلب حمد بحزن : شوو هالكلام الي قاعد اسمعه اريج ؟؟ هذا كلام وحده يوم ملجتها اريج : مب بيدي الشى صار حمد باستغراب : يعني ما كنتي موافقه علي ؟؟ اريج : ...... حمد : اريج والله العظيم اذا ما كلمتيني بصراحه اييج الحين لعند باب بيتكم و اخذج حق تتكلمين معاي و جدامي بعد اريج : اريج مب قايلة لك شى حمد : اريج حلفت و لا تخليني اسوي الي قلت لج عنه اريج : ...... حمد : زين عيل انا اراويج هالعناد لوين بيوصلج .. اذا من اول يوم و سويتي لنا جيي عيل اهنيج بالايام اليايه اريج بخوف : الحين بسكر حق انام حمد بقهر : باي صك الخط و عـ طووول ظهر من بيتهم ..ربع ساعه و وصل عند بيت بو مهند طق الجرس ام مهند : خير ان شاء الله من الي عند الباب هالحزه راحت ام مهند تفتح الباب و شافت حمد ام مهند : خير يا وليدي عشى ما شرر؟ حمد : ما شر عمتي بس قلت اخذ اريج و نظهر سوى ام مهند : اي زين تسوي .. حمد : اصير تنادينها لي عمتي اذا ما عليج امر ام مهند : اي حياك دخل حمد داخل .. و ام مهند نادت اريج اريج بملل : اففففف هذا الي بيبلشني معاه .. الحين انا تعبانه ايي لي نزلت اريج بسرعه حمد : وين عباتج ؟ اريج : ليش ؟ حمد : بنظهر .. اريج : بس انا تعبانه و ابا انام حمد : لا تخافين ما راح نتأخر اريج لبست عبايتها السوده المطرزة بالكرستال الناعمه و خذت الشيلة لفتها عـ السريع .. شوي بلشر و حمرة بنفس لون شفايفها و حطت لها عطرر و نزلت له على الرغم من انها ما تعودت عليه و دايما تحاول تحط حواجز بينهم الا انها تخاف على نظرته لها تتغير فكانت دايما تطل عليه بشكلها الناعم الي تعودوا عليه و ما تكثر من المكياج حق تبين ملامح ويهها و جمالها الالهي فكانت تحرص على صورتها جدامه حمد شم عطرها من بعيد و اول ما وصلت له و كأن روحه طلعت من جسمه حمد ابتسم لها و ظهروا من البيت فـ السياااره اريج طووول الوقت سااكته حمد كاان يحاول يتقرب منها لكن للاسف ما كانت تعطيه اي فرصه حمد نزل بعد دقايق مطعم و طلب لهم و خذاه رجع لها اريج باستغراب : ما بننزل في المطعم يعني ؟ حمد : للاسف لا .. باخذج معاي بيتنا اريج بخوف : لا ما اباا اسير بيتكم حمد : و ليش ان شاء الله ما تبين اريج بتردد و مب عارفه شتقوله : امم لان الوقت متأخر شوو راح يقولون عني حمد : ما راح يقولون شى يعرفونج و لا تنسيين انتي صرتي لي اريج : .... حمد : شبلاج سكتي ؟ اريج : حمد تكفى ردني البيت حمد : ...... حمد تم يسوووق السياره بسرررعه و اهو ساكت و اريج كفايه ان قلبها من الخوف يدق بقوه و بعد يسوق مسرع .. بس بعد عاندت و ما تكلمت له وصلوا عند البحر .. حمد نزل و معاه سجاده .. فرشها عـ الارض و حط الاكل لها و قعد حمد : تعالي قعدي اريج كانت تمشي بخطوات بطيئة لين ما وصلت له حمد : اريج اريج رفعت نظرات عينها و صارت تطالعه فـ عينه حمد تنهد بصوت مسموع اريج حست و نزلت راسها حمد : تستحيين مني؟ اريج احمرت و صااارت الدنيا حرر عندها حمد تقرب منها اكثر اريج كان كل ما يتقرب منها تتباعد .. صاروا مثل الياهل الي تهرب من شى تخاف منه حمد و اهو ماسك يدها : حطي يدج على قلبي و بتعرفين شكثر احبج اريج كااانت ترتجف و دقات قلبها من الخوف تحسها بدت تنسمع .. سحبت يدها اريج : حمد ترى ما خذيتك و انا راضيه عن هالشى حمد باستغراب : اريج تجرحيني اذا تقولين هالكلام اريج : صار كل شى بسرعه و اهما ردوا عليكم انهم موافقين و انا ما قلت لهم شى حمد : يعني مب انتي الي قلتي موافقة اريج : لا .. حمد : و الشيخ يوم سالج اريج : ما حبيت اخرب هالليلة و اجرح عمي و مرت عمي حمد بحزن و اهو يرد لمكانه : اها .. هذا العشى اكلي و انا ناطرج بالسياره حمد راح سيارته و كلام اريج كااان مثل الشوك الي يغرس اليد ..لكن الفرق ان ما انغرس في يده انغرس في قلبه بعد ما كان مستانس و حس ان ملك الدنيا و ما فيها لانها صارت زوجته اتيي تطعنه بكلمات يمكن ما تأثر فيها كثر ما تأثر فيه .. حمد اكتفى بدمعه كانت بطرف عينه و جرح بقلبه يتمنى يتداوى اريج جلست لحالها تطالع البحر و تتأمله .. شكثر البحر كبييير لكن تحسه ما يستحمل الهم الي بقلبها .. تفكر في بندر الي انجرح بسببها و حمد الي بعد ما قبلته قالت له كلام ما تعتقد ان راح يرجع يحبها مثل قبل جلست عـ هالحال و حمد ينتظرها فـ السياره و اهو كان مسند راسه على يده و يفكر... بعد نص ساعه ركبت اريج السياره اريج : حمد حمد : ...... اريج : تتذكر بندر حمد زاد ضيقه يوم قالت له هالاسم : بعد اتيبييين طاريه و انتي صرتي لي اريج انربط السانها و سكتت ... حمد وصلها بيتهم و رجع بيتهم فـ البحرين فـ شقة نادر هيا و اهي تتقلب عـ السرير : نااادر نادر و اهو مغمض عينه : نعم هيا : ما فيني نوم نادر : غمضي عينج و بتييج هيا : صااار لي ساعتيين مغمضه و ما ياني نادر : بعد حاولي هيا : انا مب صغيره تقص علي .. احاول و مادري شنو نادر فتح عينه : انتي غمضي عينج و بتجوفين هيا : ما ابي نادر و اهو يغمض عينها : اشششش يلا نامي هيا ردت فتحت عينها : ما بنام نادر : هيووو لا تيننيني قلت لج نامي احسن لج نادر رد غمض عينها هيا توها بتفتحها نادر رد حط يده على عينها و ما خلاها نادر : ان فتحتيها بحط لج لصاق و اخليج ما تفتحينها طول عمرج هيا : الله و اكبر عليك .. كل هذا حق ما اجوفك تغازل غيري نادر : انا تعمى عيوني قبل ما افكر اطالع غيرج هيا : اي اي علينا نادر : تقولين هالكلام لانج ما تعرفين اشكثر احبج هيا و اهي مغمضه عينها : اي كثر يعني ؟ نادر : امممم هالكثر هيا : زين انت قلت لي لا افتح عيوني .. شلون تبيني اشوف اي كثر نادر : اي احسن لا تفتحينها هيا : اي لان شوي تحبني نادر : تتوقعين جذي؟ هيا : اي ليش لا نادر : لانج يا قلبي اول حب بحياتي .. اول وحده اتعلم منها الحب انتي و اخر وحده بعد .. انتي خذيتي قلبي و ماعتقد تردينه هيا : الله .. هالكثر تحبني نادر : و اكثر بعد هيا : اممم يصير افتح عيني شوي نادر : ليش هيا : صار خاطري اجوف ويهك نادر : تتطنزين مع ويهج هيا و اهي تضحك : لا صج والله نادر : نامي احسن لج لا تجوفيني ولا شى هيا : تصدق الحين صارت فيني النومة نادر : اعرفج عياره بس تبيني اقولج احبج و بعدها تنامين هيا و ويها صار احمر : لا مو عشان جذي نادر : حبيبتي عرفتج انا .. تبين واحد يدلعج و يحبج و يتغزل فيج 24 ساعه و يقول لج احبج طول ما اهو معاج هيا : لا .. نادر : زين عيل نامي نامي هيا : تصبح على خير نادر و اهو يبوس جبينها : و انتي من اهله هيا ابتسمت ابتسامه خفيفه و بعدها نااامت نادر غطاها باللحاف و نام بعد ما تأكد ان اهي نامت Quote Link to comment Share on other sites More sharing options...
هبله وتهبل Posted أغسطس 28, 2009 Report Share Posted أغسطس 28, 2009 حمد وآريج بينفصلون بمآ آنه حمد عرف انها ماتبيه آشوآق بتعرف ان احمد يلعب عليها وبتتركه هيونه ونادر الله يوفقهم ويسلمو يا قمر ع البارت Quote Link to comment Share on other sites More sharing options...
دمووع الورد Posted أغسطس 29, 2009 Report Share Posted أغسطس 29, 2009 اريج طلعت لهـا الخيره زينه فـ / المفروض تستهدي بالله و حده غلط الحجي اللي قالته اشواق مصييييبه ! ليحيين و عقب اللي جافته و مو مصدقه عليه !! الله يهدااها .. لو السالفه وصلت لي بيتهم شبتسوي هيا و نادر يحلييييلهم ايننون Quote Link to comment Share on other sites More sharing options...
البنوتة الصغيرة Posted أغسطس 29, 2009 Report Share Posted أغسطس 29, 2009 مشكووورة . Quote Link to comment Share on other sites More sharing options...
مينونة ومخرفة ومخرخشة Posted أغسطس 29, 2009 Report Share Posted أغسطس 29, 2009 احمد : حده تافه صج صج ان مايستحي ع ويهه .. البنيه وثقت فيه وتحبه يسوي لها جذي .. محمد : عجبني وايد لان واقف مع الحق .. كبر في عيني وايد .. اشواق : ع كل اللي صار لحين متعلقه فيه .. زين جذي يابت المشاكل لي بيتها .. الله يعينها ع اللي بيصير .. اريج : ليش سوت جذي من اول ليله حرام جذي .. حتى لو ماتبيه الكلام اللي قالته قوي .. حمد : معني ماحبه بس كسر خاطري حرام اللي صار له .. هيا ونادر : حدهم فن الله يوفقهم ان شاءالله .. بندر : حده كاسر خاطري .. كلش صعب يحب وحده وبعدين ياخذها اخوه وااايد صعب هالشي الله يعيينه .. سعود و ميساء : يحليلهم جنهم مراهقين بس زين سوت فيه ميساء هع هع .. نور و مهند : وينهم في ذي البارت ماجفناهم .. مشكووره حبيبتي .. البارت حده حلو مثلج .. يعطيج العاافية حبي .. ناطرينج .. Quote Link to comment Share on other sites More sharing options...
دلوعة مووت Posted أغسطس 30, 2009 Report Share Posted أغسطس 30, 2009 ننتظر الباارت الي بعده Quote Link to comment Share on other sites More sharing options...
أسيرة الورد Posted أغسطس 30, 2009 Report Share Posted أغسطس 30, 2009 (edited) قوووووووووووووووووة شخبارج اشلونج شمسوية الحمدلله على السلامة فديتج هالبارت كان روووووووووووووووووعة لكن بصراحة افتقدت نور و مهند ما بينهم مواقف كلش احمد :حقير نذل منحط لابعد حد اشواق : غبييييية اشلون تركب مع واحد الله يهداها بس عبدالله : والله هالصبي طيب اشلة مو ماعطته وي؟ ميساء :عمرررررررررري الي تغااااااااااااااااار سعود : ما اقدر على العاشق الولهان شوق و محمد :الله لا يغير عليهم ان شاء الله حمد :حقق حلمه و في النهاية انصدم اريج :يا غبييييييييييية يااااااااا غبية اللحين خلاص ريلج اتقولين له هلوووووون يحبج اشفيج ما ادري ايي امصع رقبتج؟؟ بندر :ايه عليه حب و ما انحب ازهار و علي : عصافير الحب و الشقاوة الله لا يغير عليهم هالمحبة شخبار ياسمينةويسوري؟ وحشوني علاء ام راس مالها حسسسسسس غرييييييييبة؟؟ لمياء: يا ذابح يا مذبووووووووووح و الحمد لله انتبهتي اني ما ارد كنت انطرج اتحجين بس هلون اتغلى عليج ما فيني شي و القصة دايم تحلى لا تفكرين ف العكس أتمنى اجوف مواقف بين مهند و نور و اترياج في البارت الياي Edited أغسطس 30, 2009 by أسيرة الورد Quote Link to comment Share on other sites More sharing options...
a7la 7o0ob Posted أغسطس 30, 2009 Report Share Posted أغسطس 30, 2009 هاللمياء ماداانيها انا هبله ذي تصدقه قالها امشي وياي الحين شتبستفيد يوم طلعت وياه لو رايحه ويا ربعها و مستانسه وياهم احسن من البلوى الي حطتها فوق راسها هالمره مهند ماله حس أريج ماعندها سالفه تتكلم عن الماضي حدام ريلها كلش غلط موققفها وموب عدله اتكلم الريال هلون ماله ذنب و هم الاهل غلطوا يوم اجبروها علي وين قاعدين احنا في العصر الحجري سعود و مرته المفروض ما تغير من وحده في لمجمع انزين قاعده تشوفه خير ياطير ماعندها سالفه بس مسكين كسر خاطري يوم يشدخ بدل ماتقوله اسم الله عليك قاعده تتضحك عليه صج ماعندها سالفه ويالله لا تطولين علينا نبي نعرف اشصار هالمره البارت وايد احسه بسرعه خلص Quote Link to comment Share on other sites More sharing options...
soft lips Posted أغسطس 30, 2009 Report Share Posted أغسطس 30, 2009 ثاااااانكس ع البارت حبوبه حده فن ومتى بتنزلين البارتاللي بعده ننتضرج لا تطولين علينا يعطيج العافيه Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.