my love Posted أكتوبر 15, 2008 Report Share Posted أكتوبر 15, 2008 السلام عليكم ورحمة الله وبركاته،، (((صداااااااااااقه من القلب ))) -------------------------------------------------------------------------------- سلااام حلوووين,, تفضلوا شوفوا القصهـ وانشاءالله تعجبكم ,, كان في كويتي وسعودي زملاء يدرسون فـي بريطانيا وبعد انتهى فترة الدراسة قرروا أن يرجعوا لأهلهم فقـال الكويتي للسعودي تعال معي للكويت وبعده روح للسعودية فوافق السعودي وهم طالعين للطيارة رايحين للكويت دق اخو الكويتي من الكويت وقال لاخوه جدتي توفت فقال الكويتي لأخوه أنا معي زميلي من السعودية وعازمه لا تقولوا له شي حتى ما يضيق صدره ولا أحرجه، نصلي على الجنازة وكنها لأحد من جماعتنا ، وفعلا صارت الأمور كما يريد الكويتي . جلس السعودي له مدة في الكويت وأعجب ببنت جيران الكويتي وقال لزميله أنا ودي أتزوجها فراح الكويتي وقال أنا مستعد أخطبها لك وفعلا خطبها له وخبر السعودي أهله وعملوا الزواج ورجع السعودية وبعد مدة طويلة كبرت تجارة السعودي وطلع تاجر وغنى والكويتي خسر كل أمواله وتجارته فقال مالي إلا أروح لصديقي السعودي أكيد راح يساعدني . وفعلا راح للسعودية وهو منتظر شوفة زميله بفارغ الصبر لما سال عنه ووصل لبيته لقاه مو بيت صار ساكن في قصر وكان الوقت متأخر فقال للبواب قل لراعي البيت إن زميلك من الكويت فلان بن فلان عند الباب وانه محتاج لك مرة وان حالته كذا وكذا لان الوقت كان تأخر . وبعدما رجع البواب صرف الكويتي وقال خويك نايم تعال بكره ، فضاق صدر الكويتي وقال هذا جزاء الصداقة.. المهم وهو راجع على رجليه في الطريق لقي رجــالين من رجال الأعمال ، يتراهنون على مليون ، وأول إنسان يقابلهم بيعطوه المليون وكان من حـظ الكويتي انه هو اللي جـاهم الأول وأخـذ المليون . وتاجر الكويتي بها في السعودية وقبل ما يرجع للكويت لقي عجوز معاها بنت وقالت له العجوز أبي اخـلي البنت عندك وأروح أحج وإذا ما رجعت تزوجها وخلاها عند أهله ولما طولت العجوز عقب الحج أتزوجها وسوا حفلة الزواج با الكويت ، وفي أثناء الزواج وكان من ضمن المدعوين زميله السعودي لما شافه الكويتي غضب وقال للحضور اطردوه خاين العشرة والصداقة تخيلوا ، انه لما جا معي للكويت وكانت جدتي ميته ما قلت له عشان ما يضيق صدرة وخطبت له بنت الجيران اللي كانت في الأساس خطيبتي وفضلته على نفسي ولما جيته محتاج حتى ما سلم علي قال السعودي : اسمعوا واحكموا علي .. أنا يوم جاني وهو محتاج ما حـبيت أشوفه على حالته هذي عقب ما كان تاجر وكبير أشوفه صغير ومحتاج واتفضل عليه بشي من عندي ولا طاوعتني نفسي إني أشوفه محتاج لأحد فقلت للبواب ما اقدر أشوفه قول له إني نايم ، وبالنسبة للتاجرين اللي متراهنيين على مليون هذول إخواني أنا أرسلتهم له عشان يفكون ضيقه ، أما با النسبة للعجوز اللي معاها البنت فهاذي أمي والبنت هذي طبعا أختي وش رأيك يعني ما احضر زواج أختي ..؟؟ وهـ بس فديتهم ,, للأسف ما نلقى مثل صداقتهم بزماننا ,, تحيآآآآآآآآآتي لكمـ ,, Quote Link to comment Share on other sites More sharing options...
عاشقة العين Posted أكتوبر 16, 2008 Report Share Posted أكتوبر 16, 2008 والله صـــدقــتي ... نااارد ماتلقيين نفس هالصداقات بهالزمن ... عقوولت شاعرنا حامد زيد (( حتى الخوي بهالزمن احذره )) سلمتي يالغاليه ع القصه الحلووه .... وفي انتظاار يديدج .. Quote Link to comment Share on other sites More sharing options...
my love Posted أكتوبر 20, 2008 Author Report Share Posted أكتوبر 20, 2008 اي ووالله يسلموووووو على المرور Quote Link to comment Share on other sites More sharing options...
كابوس بحريني Posted أكتوبر 21, 2008 Report Share Posted أكتوبر 21, 2008 أي واللهـ قليـلة هالصداقـة في زمنـآ هذا الكـل يفكـر في نفسهـ وبـس يعطيـج العآفيـة خيتؤو يسلمـؤو ع القـصهـ Quote Link to comment Share on other sites More sharing options...
حسن يوسف Posted أكتوبر 25, 2008 Report Share Posted أكتوبر 25, 2008 السلام عليكم ورحمة الله وبركاته الله يعطيج الف عافيه عزيزتي ღ my love ღ على هالموضوع الحلوه والقصه اتشد الواحد . انا اقول ترى والله الصداقه حلوه لكن منوا الي يستاهل في الوقت الحالي ... تحياتي لكم جميعا Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.