أسيرة الورد Posted نوفمبر 24, 2008 Report Share Posted نوفمبر 24, 2008 (edited) السلاااااااامـ حبوبة شخبااارجـ ما شاء اللهـ عليييييييييييييييييجـ ابدعتييييييييـ فيـ هالبااااااااارتـ بشكلـ مو طبيعيـ ربيـ يحفظجـ كسرررتـ خاطريـ العنوووود و حمووود يعووور القلبـ اللهـ يعيينهمـ ندى ذيـ خلـ تتحجى دامـ حاسة انـ ما يبيها افـ بو محمد يبط الجبببببببببببد اللهـ يهداااهـ يلا عاد نتريااا البااارتـ اليااايـ نبيهـ طووووووووويلـ ايـ احسنـ خليهـ كلـ ويد اند لانـ خبرجـ مدراس و قربـ النهائيـ لا حد يززززززززعلـ و اييـ يكفخنيييييـ بسـ عشانـ نضمنـ وقتـ نزوـ الباارتـ و فيـ نفسـ الوقتـ نركز فيـ الدراسة ^_* تريااجـ هالويد اند و بالتوفيقـ فيـ دراستجـ خيتوو اختجـ أسيرة الورد Edited نوفمبر 24, 2008 by أسيرة الورد Quote Link to comment Share on other sites More sharing options...
AnG3L Posted نوفمبر 24, 2008 Author Report Share Posted نوفمبر 24, 2008 السلاااااااامـ حبوبة شخبااارجـ ما شاء اللهـ عليييييييييييييييييجـ ابدعتييييييييـ فيـ هالبااااااااارتـ بشكلـ مو طبيعيـ ربيـ يحفظجـ كسرررتـ خاطريـ العنوووود و حمووود يعووور القلبـ اللهـ يعيينهمـ ندى ذيـ خلـ تتحجى دامـ حاسة انـ ما يبيها افـ بو محمد يبط الجبببببببببببد اللهـ يهداااهـ يلا عاد نتريااا البااارتـ اليااايـ نبيهـ طووووووووويلـ ايـ احسنـ خليهـ كلـ ويد اند لانـ خبرجـ مدراس و قربـ النهائيـ لا حد يززززززززعلـ و اييـ يكفخنيييييـ بسـ عشانـ نضمنـ وقتـ نزوـ الباارتـ و فيـ نفسـ الوقتـ نركز فيـ الدراسة ^_* تريااجـ هالويد اند و بالتوفيقـ فيـ دراستجـ خيتوو اختجـ أسيرة الورد تسـلمـين والله حبـوبه هـهـهـهـ لاـآ عدمنـاـآج ولاـآ عدمنـاـآ طلتـج دمـتِ متـاـآبعـهـ Quote Link to comment Share on other sites More sharing options...
ذكرى ! Posted نوفمبر 25, 2008 Report Share Posted نوفمبر 25, 2008 في انتظاار البااارت Quote Link to comment Share on other sites More sharing options...
أسيرة الورد Posted نوفمبر 27, 2008 Report Share Posted نوفمبر 27, 2008 ويييييييييييتنقـ اليومـ الخمييييييييسـ Quote Link to comment Share on other sites More sharing options...
a7la w3hdanya Posted نوفمبر 27, 2008 Report Share Posted نوفمبر 27, 2008 يعطيج العافية حبيبتي ننتظر باقي الاجزاء Quote Link to comment Share on other sites More sharing options...
m!ss M Posted نوفمبر 27, 2008 Report Share Posted نوفمبر 27, 2008 (edited) كششششخة البارت يسلموووووو وبسرررعه نبي البارت اللي بعده Edited نوفمبر 27, 2008 by m!ss M Quote Link to comment Share on other sites More sharing options...
لط لط Posted نوفمبر 27, 2008 Report Share Posted نوفمبر 27, 2008 حلو البااارت بس حسيته قصير و لكن كمضموون حلو و محزن انا احس انه الامور بتنقلب في البارت الياي ..والله أعلم وش حاطة لناا من أحداااث يعطيج ألف عافية أختي فــ الإنتظــار Quote Link to comment Share on other sites More sharing options...
AnG3L Posted نوفمبر 27, 2008 Author Report Share Posted نوفمبر 27, 2008 تسـلمـون حبـاـآيبي عـ المـرور كتبت شوييية من البـاـآرت وايـــد مشغوله وتعرفون عيـد وشغلاـآت لكـن بأقرب وقت راـآح يكـون عندكم البـاـآرت Quote Link to comment Share on other sites More sharing options...
أسيرة الورد Posted نوفمبر 28, 2008 Report Share Posted نوفمبر 28, 2008 نقعـ الباااااااااااااااااااااااارتـ ابييييييييييهـ Quote Link to comment Share on other sites More sharing options...
AnG3L Posted ديسمبر 1, 2008 Author Report Share Posted ديسمبر 1, 2008 هـاـآي شعب شـونكمـ ؟؟ شمسويـن ؟؟ سـوري والله عـ التـاخير بس كنت مرضـاـآنية شوي سـاـآمحونيوهـأـآي بـاـآرت وطويل مب تقولون بعد مب طويل قـعد من الصبـح راسه يألمه يحس بدوره لكنه قاومهـا وراح يآخذ له شور ، دخل الحمام خـذ له شـاور طويـل وكل هذا يفكر بالكلام اللي بقوله لنـدى ، يتصور ردت فعلها ، يا ترى بتعصب او بتزعل اكيد بتزعل وعلى هالأفكار صـار له نص ساعه بالحمام بعدها صحصح شوي وطلع من الحمام ، راح يم المنظره قام يلعب شوي بشعره وبعدها عدله وحط شوية جل راح للكبت خذ جينز أزرق لويست مع فانيلة زرقه وخذ البوك والمفاتيح وطلع من الغرفه . كان البيت هدوء الساعه 8 كلهم نايمين وعطله نزل تحت لقى أمه قاعده راح لها وصبح عليها وباس راسها وقعد . أم محمد : شلونك يمه ؟ محمد : الحمدالله يـا يمه ، انتي شلونج يالغاليه شمسوية ؟ أم محمد : بخير دامكم بخير يا وليدي ، إلا أقول محمد شكان يبي منك أبوك البارحه ؟ محمد تكدر لما يابت أمه هالطاري وبان هالشي على ويهه لكنه : ماكو يمه يسألني الوالد العزيز عن أحوالي مع زوجتي أم محمد حست ان محمد فيه شي عيل ليش كل هالضيق على ويهه : وأنت شقلت له إلا طلع معصب ؟ محمد بسخرية وغصة : أكيـــــد قلت له تمام ومستانس مو انتي تشوفيني الدنيا مو سايعتني من الفرح يا يمه ( ما قدر يكمل حس انه بيبجي ، لكنه ما يبي يبين انه ضعيف ) أم محمد كسر خاطرها ولدها قامت ولمته وقعدت تبجي : بس يمه بس أنا حاسه فيك يا يمه بس شاسوي أبوك ما يسمع كلام أحـد ما باليد حيله يا وليدي والله لو بيدي جان منعت هالموضوع . محمد : خلاص يمه خلاص ، خلوني اتصرف . أم محمد خافت : لا يا يمه لا تأذي بنت الناس أهي مالها ذنب . محمد: يمه انا ما راح أأذيها أنا أبيها تدري بكل شي وأهي تقرر ، أنا مستحيل أظلمها وانا ادري اهي مالها ذنب. أم محمد : سو اللي تشوفه يا محمد لكن لا تتهور يا وليدي ، ولا تزعل أبوك ترى هذا أبوك مهما سوى . محمد باس يد امه : انشـاء الله يمه ، وانتي ادعي لي يا يمه أدعي لي انا محتاج لدعائج يالغاليه . أم محمد : الله يوفقك يا وليدي ويخليك لي . محمد ابتسم يحب يجوف أمه تدعي له يحب يجوفها راضيه عليه : يلا يمه انا بروح . أم محمد : وين يمه من صباح الله خير . محمد : ماكو يمه بس بمر رفيجي فراس و بنطلع نتريق برع وبنتمشى شوي اليوم أجازه بعد . أم محمد : أها الله يوفقك يا وليدي في أمانة الله يالغالي . طلع محمد من البيت وركب سيـارته طلع تلفونه ودور بين الأرقام وقفه رقم غلآي لحين ما امسحه ولا راح يمسحه آآه مشتاق لج يا عنود مشتاق فر راسه يجوف بيتهم راحت عيونه لعند غرفتها تذكرها لما كل يوم يرد توقف لها عند الدريشة يكحل عينه بجوفتها ، نفض دموعه الي كانت بتنزل وراح لعند رقم فراس دق عليه فراس بصوت كله نـوم : امممممـ ... محمد فقعها ضحك على فراس : هـهـهـهـهـهـ فراس اوتعى شوي : يالله صباح خير شعندك قضيت اذوني مع ويهك انت محمد : صبـاح الخير يلا يلا قوم لك 10 دقايق وانا عندك تكون جاهز . فراس : ليـش بعد اليوم اجازة يا أخي خلني ارتاح انت حد مسلطنك علي محمد : هـهـه حسبي الله على بليسك ، انا عازمك على أحلى ريوق أنت بس قوم . فراس : مدام على حسابك شوراي أنا لـوووول محمد : يا حبك للأكل يلا 10 دقايق وأنا عندك لا تتأخر ترى اهون فراس : لا تكفى خمس دقايق وأنا جاهز هههه محمد : ههه يلا باي فراس : بايات يالغالي . قام فراس وخذا له كويك شاور وطلع لبس له بنطلون جينز وفانيلة صفره وراح يم المنظرة وعدل شعره ، [ فراس شـاب حـلو وحبوب خفيف دم ينحب ، حنطاوي وعيونه عسلية طويل شوي ومعضل ، يشبه محمد بكل شي وكأنه أخـوه و أزيد من أخوه ] سمع طق الباب قـال : تفضــــل . دخلت أخته ( نـوال ) : يه يه شهالكشخه فـروس ، على ويــن ؟ فـراس : هههه بمرني حمـود رفيجي وبطلعني معاه حياج معانه نوال : والله يلا انا جاهزة وبعد مره وحده أجوف سارونه وحشتني حيل اكلمها بالنت والمسنـ .. فراس قاطعها : حشى حشى يا حبج للهذرة يلا انا ماشي نوال : الله وياك وقول لحمود رفيجك يسلم على سارونه و ( كانت بتقول عنود لكنها تذكرت انه الحين متزوج يعني ما راح يقدر يكلمها ) اي قول له يسلم عليها وايد ويقول لها وحشتني فراس : ويي الا يقول انتي ما تكلمينها بالتلفون اربع وعشرين ساعه * قطع كلامه صوت الرنة والهرن اللي طقاه محمد * وقال لها يلا سلام لا يفزعني الأخ نوال ضحكت : مع السلامه ( نوال أخت فراس ورفيجت ساره وعنود مثل سنهم ، تشبه فراس وايد لكن بشرتها بيضة وحلوة ) طلع فراس من بيتهم وركب السيارة ، قال محمد : حشى هذا اللي بخمس دقايق اهو جاهز فراس : اعذرني انا من زمان جاهز بس عندي سندارة في البيت كله تهذر ما تسكت ضحك محمد وعرف انها نوال لأن فراس دايم يسولف عنها ولأنها رفيجت اخته ساره : هـهـهـ فراس : اي ضحك شعليك ، اي يبه قبل لا أنسى سلم على اختك وقول لها تقول لها نوال وحشتها وايد محمد : الا يقول اللحين سنين ما جافوا بعض فراس : شنسوي بعد دلع بنات يا خوي . محمد : ههههههه واتجهـوا لكوستـا كـافيه قعدوا على طاولة لشخصين وطلبوا خفايف ما يبون يثقلون لـووووول وقاموا يسولفون وبعـد سـاعه طلعوا وراحوا يتمشون على البحر ، موتهم شي اسمه بحر كانوا يسولفون ومحد يسأل فراس شلون يفاتح ندى بالموضوع بعـدها فراس طلـب من محمد يغني محـمد : احم عاد على كيفي الأغنية ؟ فراس : يبه على كيفك خلصنا تراك ذليتنا على صوتك العذاب . ضحك محمد على فراس وقـال : شرايك بالحرف العنيد لسلمان حميد : أرقصي مع نبض قلبـــي والقصيـــــد وداعبي بحـــــر الشــعـِر قبل الـرقــاد بالانامل طـــــوَّعي الحــــرف العنــــيــد وأرسمي بلوحـــة حــــروف الـــوداد حرفي ينبع مــن خــفـــوقي للوريــــد ينسج الاحســــاس مــع خــــط المـــداد ينثني لـه رمش عــن عـينــــي بعــــد رمش سارق من جـدا اليل الســــــواد طله لعيون ٍلـــــــــــها لـحــــظ فريـــد ناعسات كنــــــي يـــفـشـــاه النـــــواد وان نظـــرت لـــــحسنها شوقي يزيد كان تبعـــــد الـــوله والشــــــوق زاد تلني برق النحر والجــــيد جيـــــــــد التمـــانــــي لي ع المشــــراف عــــاد لجلـــــها ولعيــونــهـــا صغت الجديد والحـــروف اســـتسلــمت عقب العناد بيـت نـدى أم ندى : ندى يمه قومي مليت من القعده بروحي . ندى : يمه خليني أنا ، الساعه جم يعني ؟ أم ندى : 9 ونص يا يمه ندى : بعد وقت يمه خليني أنام أم ندى : بس يا يمه انا قاعده بريحاتي قومي قعدي معاي حتى أبوج طلع من صباح الله خير نـدى كسرت خاطرها أمها : انشاء الله يالغاليه وقامت . أم ندى : يلا يمه بروح ازهب لج الريوق على ما تاخذين لج شاور بس مو تطولين ندى ابتسمت : انشاء الله تامرين أمر ويعطيج ألف عافيه . قامت ندى وراحت الحمام خذت لها شاور وكانت تفكر محمد شيـبي يقول أهي من أمس تفكر طلعت من الحمام لبست لها تنورة جينز قصيرة وفانيلة وردية وسوت شعرها وربطته بربطة وردية ونزلت لأمها لقتها مجهزة لها الريوق ابتسمت وراحت قعدت وقالت : الله شهالريوق اللي يفتح النفس ، يعطيج العافيه يمه والله يخليج أم ندى : بالعافيه يمه ويخليج يلا اكلي يمه أنا بروح الصالة واذا كملتي لحقيني والله مليت من القعده بروحي نـدى : انشاء الله من عيوني يالغاليه أم ندى : تسلم عيونج يمه قعدت تآكل واهي تفكر هالموضوع وايد شاغل بالها يالله متى اتي الساعه 1 أحس روحي بتطلع أموت واعرف شيـبي ، وعلى هالأفكار كملت أكلها وقامت غسلت وراحت لأمها تقعد معاها . أم ندى : هـا يمه شبعتي ؟ نـدى : اي تسلم يدج يالغاليه . أم ندى : بالعافية يمه . سكتـوا شوي بـعدها قالت أم نـدى : يمه ما عندج شي الحين ؟ نـدى : لا يمه ما عندي ، تآمرين على شي ؟ أم ندى : يا يمه بغيت جم غريضه من الـسوبر ماركت جان توديني . نـدى : أفا عليج يمه من عيوني ، وقفت أنا بقوم داري ابدل عشان نروح أم ندى : وانا بقوم اييب عباتي . راحت نـدى دارها ولبست ثيابها وعدلت شعرها ما حطت Meak up ما لها خلق وتعطرت وخذت شنطتها ومفتاح سيارتها ونزلت ، كانت امها جاهزة عـ طول طلعـوا راحـوا السوبر ماركت القريب منهم ونزلوا خذوا عربه وقعدوا يفترون ويشترون اللي يبونه من أغراض . في بيت عنـود قـعدت الساعه 10 نفسيتها مثل كل يوم متمللة وزهقانة تحس حياتها بلا معنى ، قامت وخذت لها شـاور وطلعت لبست بنطلون رصاصي وبلوزة طويلة صفره وعدلت شعرها وربطته بربطه صفره وتعطرت و خذت تلفونها ونزلت تحت ، لقت أمها وأبوها قاعدين ومعاهم عـزوز و أمونه بنات أختها نادية سلمت قـالت : صباح الخير وباست راس امها وأبوها ، شونك عزوز شوونج أمون ؟ ردوا اليهـال : حنا بخير دامج بخير خالتي ضحكت عنود عليهم وقرصت خدودهم : فديتكم أنا أم نواف: يمه ما تبين ريوق ؟ عنـود : يمه حشى من الصبح ماني مشتهية أم نواف : وأنتي متى اشتهيتي الله وكيلك يا بو نواف من أمس العصر ما كلت شي بو نواف : ليش يا يبه حنا نبيج يلا قومي اكلي لج شي عنـود : يـبـه ماني مشتهية والله بو نواف : انزين كوب عصير على الأقل عنـود : امري لله كوب عصير كوب عصير أم نواف: انا عيل بقوم ايبه لج ما صدقت توافقين عنـود : ههه لا عاد يمه راحت ام نواف تيـب العصير وراحت وراها أمون وظل عزوز يلعب بألعابه . عنـود : الا يبه شسويت عن موضوع دراستي ؟ بو نواف : اي يبه خلاص كل شي تمام وانشاء الله عـ الأسبوع الياي انتي بالأمارات عنـود انصدمت بس ما بينت : اي انشاء الله ، مشكور يبه بو نواف : العفـو يا بنيتي عاد ها ما أوصيج ابيج ترفعين الراس ابتسمت ابتسامه مجامله : أفا عليك يا يبه طول عمرنا رافعين راسك أم نواف سمعت أنه الأسبوع الياي بتروح عنـود وتجضرت ما تحب يكون أحد ولادها بعيد عنها بس مدام رغبتها جذي راح تحاول تتأقلم مع هالشي وصلت بالعصير وعطته عنـود لاحظت عنـود أن أمها فيها شي عـنـود : يمه شفيج ؟؟ أم نواف : لا يا يمه ماكو شي بس يعز علي فرقاج أنتي شمعة البيت نزل فـواز على كلمت شمعة البيـت وقـام يقـول بصوت شبه مرتفع : أي شمعت البيت مسكين أنا والله ضحكـوا على هبالته وقالت أم نواف : وي كلكم معزتكم وحده بس عاد بـو نواف : الناس تسلم بالأول تقول صباح الخير فـواز يساسر روحها بدت المحاضرة بو نواف : شتقول ؟؟ فـواز : ولا شي يا يبه وراح باس راسه سلامتك ، ولا تزعل صباح الخير يا أحلى أبو بالدنيا بو نواف : قص علي قص فـواز يضحك : مشكلك انك دووم تجكني هههه بو نواف : استح على ويهك يا صبي ههههه ضحكـوا كلهم وبعدها سأل فـواز : وانتي ليش بتشطين روحج وبتدرسين برع قعدي بالبحرين عنـود : والله بكيفي أنت مالك شغل بو نواف : والله هاي الناس العقال مب انت فـواز : يالله عاد يبه الحينن بس عنود عاجل وانا لا بو نواف : وهاي الصح يبه عنـود ضحكت وفـواز انقهر وقال : انا طالع بـاي بو نواف : هههه حتى مع السلامه ما يعرف يقول ضحكوا كلهم وفـواز انقهر وطلع بس مو من قلبه يعرف انهم يمزحون معـاه . خذت عنـود تلفونها ودقت على سـاره سـاره : ألـووو عنـود : ألويـن هي بعدج نايمه يلا قومي صار الضحى ساره تخرعت : صج والله عنـود : ههههههه أمزح معـاج ، انزين قومي تعالي لي سـاره : شنو شنو يلا يلا انا اييج تبيني انتي تعالي عنـود : لكن اوريج سـاره : يلا خليني انام عنـود : شنو تنامين ابي اقول لج شي سـاره تخرعت شصاير بعد : شنـو ؟؟ عنـود : خمس دقايق وانا عندج باي سـاره : اوكي يلا باي سكرت عنـود وقامت قالت لأمها وأبوها انها بتروح لساره ووافقوا بس أنها ما تتأخر ، ركب الدري بتروح غرفتها تذكرت لو محمد بالبيت وقفت يالله شلون نسيت بس يالله الله يستر انشاء الله مب هناك وراحت غرفتها طلت من الدريشة ، سيارته مب هني اكيـد طالع وراحت خذت لها شيلتها و شنطتها وتلفونها وطلعت وراحت بيت سـاره . سـاره بعد ما كلمتها عنـود قامت من السرير وغسلت ويها وبدلت ثيابها ونزلت تنطرها بالميلس رن الجرس ونطت ساره وراحت الباب وفتحته ودخلت عنـود بسرعه خايفه ايي محمد و تبي تعرف شسالفه . عنـود : السلام ، شوونج سـارونه ؟؟ سـاره : هلا وعليكم السلام ، انا بخير حياج قعـدوا سـاره نطت على عنـود : قـولي لي شسالفه ؟؟ بسرعه عنـود : يمه منج انزين سمعي غصت شوي وبغت تنزل الدمعه لكنها تماسكت وقالت : الأسبوع الياي أنا بسـافر ، وحضنت سـاره وقـامت تبجي بتوحشيني سـارونه ما اعرف شبسوي بدونج سـاره منصدمه ما توقعت بالهسرعه سـاره بجت : ليــــــــش بسرعه ؟ عنـود : لأن لازم اروح قبل لا تبتدي الجامعه عشان أكمل الأجراءات هنـاك سـاره : بتوحشيني عنـود : وانتي بعد لكن أوعدج كل يوم أكلمج سـاره : بس بعد راح افقدج واايد عنـود : آآه يـا ســاره بعد شنسوي سـاره : الله كريم وقامت تبجي وعنود تهدأ فيها رن تلفون عنـود طلعت أمها تبيها ترجع بيطلعون يشترون لها اغراض للسفر . عنـود : يلا انا لازم اروح الحين بروح اشتري اغراض للسفر سـاره : الله وياج عنـودتي تذكرت عنود كان محمد دايماً يناديها عنودتي بغت تفضحها الدمعه لكنها يودتها : يلا اجوفج على خير يالغالية سلمي على خالتي وايد وقولي لهم اني بسافر وسلمي عليهم كلهم [ كانت تقصد محمد ] سـاره : انشاء الله يوصل أكيـد طلعت ساره الصاله لقت أمهـا وخواتها قاعدين قعدت معاهم لاحظا ان فيها شي أم محمد : يمه ساره شفيج نـوره : سارونه شفيج آيـه : خالتي شفيهـا زعلانه ؟ ضمت ساره آيه وقامت تبجي حتى آيه قامت تبجي معاها ومروة مستغربه سـاره مسحت دموعها وسكتت آيه : ما فيني شي بس عنـود دخل محمد الصالة على اسم عنود اللي وقفه سـاره ما انتبهت له وكملت : عنـود الأسبوع الياي بتسافر بتكمل دراستها برع راح افقدها وايد أم محمد : وي يا يمه بعد هاي مستقبلها نـوره : خلاص سارونه حبيبتي لا تبجين كل واحد يعرف مصلحته واهي اكيد مصلحتها بالسفر برع مروة : خرعتينه قاعده تبجين حسبنا فيج شي طلع هالسبب خالد قال لي انها بتسافر وخير يا طير سـاره حقرتها وقامت راحت دارها ولحفها محمد اللي من سمع هالكلام ومخه موقف أم محمد : انتي ما تعرفين تسكتين ، ليش تقولين جذي لأختج حرام عليج مروة : شنو حرام علي يا يمه صبت قلبنا وآخرتها عنودو بتسافر وخير يا طير يعني نوره : بس يا مروة استحي عاد على نفسج مروة انقهرت وراحت دارها تكلم خـالد . طق الباب وما نطرها تجاوبه على طول دخل محمد : شهالكلام يا سـاره الي سمعته شـلون ؟ سـاره : محمد أهدأ ، انت منو قال لك ؟ محمد : انا سمعتكم تحت ، ليـش قام محمد يبجي ليش تسوي فيني جذي ؟ سـاره : محمد اهي مخنوقه وتبي تكمل دراستها ، اهي لما تجوفك يتخربط كل كيانها تبي تبعد عن حياتك تبيك تعيشها ، انت ما تعرف العنود اهي ما باعتك بس اهي ما راح تقدر تدرس وتتفوق بالهجو . محمد : .............. سـاكت ما رد ولا شي بس يبجي سـاره : تكفى يا محد رد ، شفيك ؟؟ ، شبتسوي ؟؟، شتفكر فيه ؟؟ محمد : مو قادر انا من يوم ما زوجني ابوي وانا ميت مو قـادر ، لكن انا لازم اقول لندى ، لازم أوقف عنـود ، ما ابيها تضيع مني آآآآهـ سـاره : مو فاهمه ، انت شتقول محمد قال لسـاره كل شي بقوله لندى سـاره : وافرض قالت لأبوها وصار مشاكل ؟ محمد : هالمشاكل صايره صايره يا سـاره ، انا مو قادر سـاره : الله يساعدك يا خوي محمد : آآه يا ساره مشتاق لها ميت على شوفتها ميت على ما اسمع صوتها سـاره : اهي تسلم عليك محمد: اهي قالت لج سـاره : اهي قالت سلمي عليهم وقولي لهم وكانت تقصدك ادري فيها محمد : يلا انا بروح ابدل واصلي وامر ندى يالله يا ساره ما اعرف شلون ابتدي سـاره : الله يوفجك يا خوي محمد : انشاء الله يلا انا رايح سـاره : الله وياك اذا كملت قول لي شصار أوكي محمد : اوكي يلا سي يوو راح محمد المسيـد صلى ورجع البيت خبر أمه انه ما بكون عـ الغذى موجود وصعد داره يبدل ملابسه لقى ساره تطالع تلفزيون بالصاله ابتسم لها وراح داره طلع له جينز أزرق وخذا قميص أبيض مخطط باللون البرتقال الفاتح يده قصيرة ولبسه حط جل بشعر وتعطر وخذه نظارته وتلفونه وبوكه والمفتاح وطلع مر على سـاره محمد : أدعي لي سـاره : انشاء الله الله يسهل دربك . نزل لقى الساعه وحده قعد شوي يلعب مع ولاد اخته وعلى 1 وربع طلع ممن البيت متوجه لبيت ندى عنـد ندى ردت البيت مع امها ودخلت الـخدامه الأغراض نـدى : اي صج يمه انا اليوم ما راح اتغذى بالبيت بطلع مع محمد . أم ندى : اها انشاء الله يمه يلا روحي صلي وتزهبي لا ايي الريال وانتي بعدج نـدى : انشاء الله يمه صعدت دارها وتيددت وصلت وبعدها طلعت جينز بنفسجي سكيني وبلوزه طويلة رصاصية وعدلت شعرها وحطت شوي ميك آب وتعطرت وخذت شنطتها ونزلت واهي تنزل رن تلفونها محمد كان متصل دق قلبها وردت: ألـو محمد : هلا ندى ، شلونج ؟ ندى : الحمدالله وانت ؟؟ محمد : انا تمـام ، يلا مشينـا أنا يم البيت انطرج بالسياره . ندى : أوكي كاني طالعه باي محمد : باي طلعت ندى له كان المفروض ينزل يسلم على عمته لكن ماله بارض دخلت ندى وسلمت رد السلام ومشى السيارة وكالعاده هدوء لكن محمد قطع هالهدوء بـ Bahrain FM كـانوا حـاطين أغنية يسألني مكانه وين لميريام فارس : يسـألني مكانه وين جوى القلب وإلا العين ؟ ما يدري حبيـب الروح أنه ساكن الأثنـين يسألني مكـانـه ويـن ؟ ولما يه هالمقطع اللي تحبه العنود طول محمد شوي و استغربت ندى وقالت بقلبها : يالله هالأنسان حده غريب أحبـه حب هالكنـي سكـن فيـني تملـكني أنا لـو أتـركه لحظـة أحس الروح تـتركنـي ويسألنـي مكانـه ويـن ؟ يسـألني مكانه وين جوى القلب وإلا العين ؟ ما يدري حبيـب الروح أنه ساكن الأثنـين يسألني مكـانـه ويـن ؟ يبـي يعرف يبـي يدري مكـانه وين في عمـري وأنا بداخـل أحساسي أحبـه مـوت من بدري أحبـه موت من بـدري ويسألنـي مكانـه ويـن ؟ خلصت الأغنية بعد ما كان محمد مندمج بكل كلمة ووصلوا للمطعم كـان يم يم تري لأن محمد يمـوت بشي أسمه باستـا حتى ما اخذ راي نـدى ، نزلوا وكان طبعـا هدوء بينهم قعدوا على الكراسي وسأل ندى شتآكلين قالت له أي شي ، طلب أثنين باسـتـا وأثنين كولا نـدى : شنـو الموضوع الا بتكلمني فيه يـا محمد ؟ محمد : بعـد الغذى يا ندى استغربت ندى وكانت بتموت على ما تعرف شسالفه وصل الطلب بسرعه وقاموا يآكلون بهدوء وندى مستحيه تآكل جدام محمد كلت شوي واشبعت وكملـوا دفعـوا الحسـاب ، قرر محمد يروح لا شوكولا منها يحلون ومنها يقعد يكلمها ، اتجهوا للاشوكولا وخذوا اثنين جيز كيك وكلوا بعدها قال محمد : أكيـد مستغربه يا ندى ليش أنا أبيج بموضوع على الرغم ان ما صار فترة من خطوبتنا نـدى : بصراحه أيي وودي أعرف شالموضوع ؟ محمد دق قلبه بس صمم يقول الكلام : قبل لا أقول اي شي ابيج تسمعيني وتعيشين كل لحظة وما تقاطعين وتسمعيني للآخر وفوق كل هذا أبيـج تسـامحينـي ندى خـافت لكنها هزت راسها بمعني (( انشـاء الله )) محمد : يـا ندى انا عمري ما عرفتج ولا شفتج الا مرتين او ثلاث بالشركه مالت أبوج و أبوي ما احتكيت فيج وايـد مجرد اعرفج انج بنت شريك ابوي ، بنت خلوقه ومأدبه وبنت أخلاقها عاليه الكل يمدح فيج ما شاء الله ، لكن عمري ما تصورت الصدفه يوم جفتج تجمعني فيج وتصيرين زوجتي ، بـصـراحه يـا ندى أنـا ما كنت موافق على الزواج ،لكن أبوي مشى قراره علي وكأني يـاهل أو بنت ، غصبني على هالزواج بس عشان المصلحه ما فكر فيني ، حتى ما سألني اذا كنت ابي بنت معينه ، البنت اللي أحبها وتحبني البنت اللي بعد 5 سنين حب من طرف واحد احبها حبتني وصار لها سنتين من حبتني فجأة يه أبو وبقرار هدم كل شي ، هدم احلامنا ، هدم مستقبلنا ، دمرني بهالقرار ، وانا ما اقدر اظلمج معاي يا ندى ، حرام انتي بعد مالج ذنب ، أعرف ان بتصير مشاكل بين أبوي وأبوج ويمكن يتفرقون ويفضون الشراكه ، بس أنا ما اقدر اعيش جسد بلا روح ، مو حاب أظلمج معاي ، انتي عندج القرار يا نـدى ، أنا ما اقدر اكمل ونزل راسه يحاول يمنع الدموع تتوقعون شنو ردت فعل نـدى ؟ شبصير بين أبو محمد وأبو ندى ؟ بيصـر مشـاـآكل أو عـاـآدي ؟ انـتظـروني بالبـاـآرت اليـاـآي تشـاـآو [/b] Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.