فنكوش Posted ديسمبر 20, 2008 Report Share Posted ديسمبر 20, 2008 تيك يور تايم اختي ,, ما يحتاي تعتذرين و الغايب حجته معاه و انا عن نفسي ما وراي شي راح انتظرج بس هالله هالله في البارت الراهي يعطيج العافيه Quote Link to comment Share on other sites More sharing options...
AnG3L Posted ديسمبر 22, 2008 Author Report Share Posted ديسمبر 22, 2008 آسـفه وآيـد عـ التـأخير سـامحـوني وهـآي بـآرت طويل لعيونكمـ منصـدمة .. مذهـولة .. مجروحـة .. تبي الأرض تنشق وتبلعـها .. لكنـها قامت من الطـاولة وخذت شنطتها وقـالت بصوت مايل للأنكسار : يلا يا محمـد خلنا نقوم . محمد رفع راسه بثقل يطالعها مستغرب يبي جواب حط عينه بعينها لفترة لقى شوية دموع ماسكتهم ندى لكنه قام وقـال : براحتج .. يلا ركبوا السيـارة .. هدوء تـام .. كل واحد منهم بعالم .. كل واحد يفكر بمشكلته . نـدى [ ظنت انه بيغير معاملته معاها وما فكرت انه مغصوب عـ الزواج ، عشمت نفسها بأشيـاء مالها أي معنى ، اعجبت فيه من قبل .. وحبته .. لكنه ما يدري عنها .. مو من نصيبها .. يا ترى منو الي حازت على قلبك يا محمد ؟؟.. آآآهـ هنيالها يا محمد هنيـالها ] محمد [ انسانة غريبة هالندى .. يا ترى بشنو تفكـر .. شنو ردت فعلها .. آآه تعبان .. لكن من يحس ] وصلوا لعند بيت ندى ، فتحت الباب ندى بتنزل ، مسكها محمد من يدها وفرت ويها التقت عينها بعينه لكنها تحاشتها لأنها تضعف لما تتلاقى بعينه محمـد بصوت آسـر: أنا آسـف يا نـدى نـدى تتصنع البسمة : لا تتأسف يا محمد ، يلا مع السلامة . محمـد : الله يسلمج . صكت الباب وتحس قلبها يعورها ما تقدر تصبر نفسها اكثر مشت ودموعها تسيل من عينها مسحتهم ودخلت داخل البيت طلعت المنظرة وعدلت شكلها ودخلت الصالة لقت أمها وأبوها وأخوها سلمان قاعدين سلمت وراحت لعندهم أبوها حس ان بنته فيها شي سألها : يبه نـدى شفيج حبيبتي ؟؟ نـدى تبلعمت : لا يبه ما كو شي بس راسي يعورني وتعبانه ، بصعد الدار برتاح شوي . أبو سلمان : سلامتج يا بنيتي ، ألا شلونه محمد ؟ ما نزل ليش ؟ نـدى دق قلبها لما سمعت اسم محمد : لا يبه اهو مستعجل شوي وما يدري انك هني لو يدري جان نزل . أبو سلمان : اها عيل سلمي عليه يا بنيتي وقولي له نبيه اييينه . نـدى : انشاء الله يبه ، يلا عن اذنكم . صعدت ندى دارها وقطت روحها عـ السرير وقامت تبجي ، ليش كل هذا يصير لها ليش ؟؟ بعد ما ركبت ندى افترت ام سلمان لبو سلمان وقالت : والله شكلها مب تعبانه ولا راسها يعورها ليكون بس متهاوشة مع محمد يا بو سلمان ما جافيت عينها شلون متفخه وحمره ؟. نط سلمان : لا شدعوة يمه ما تدرين بنتج دلوعه اقل شي قامت تصيح ، وبعدين حتى لو بينهم مشاكل يمه احنا مالنا شغل ، اهم توهم متزوجين ولازم تصير هالمشاكل بينهم . بو سلمان : عدل كلام سلمان يام سلمان ، وخليها على راحتها اذا يات وقالت لج خير وبركه اذا ما يات خليها . ام سلمان : انشاء الله . بعد ما سكرت الباب ندى غمض عينه ورجع راسه لورى وقال : آآه ، يا ترى شبصير ؟؟ مشى السيارة بسرعه جنونية ووصل لبيت فراس دق عليه فراس : هلا والله وينك ما بينت ؟ محمد : انا هني جدام باب بيتكم يلا انزل بسرعه . فراس استغرب : انشاء الله بس ثواني . طلع فراس من بيتهم و لقى محمد صج يم باب بيتهم وقاعد بالسيارة راح وركب السيارة مشى محمد السيارة بسرعه جنونية فراس : حمـــــود شفيك هد لا تمشى بهالسرعه ؟؟ محمد ضرب على الستيرنغ : تعبان يا فراس بموت فراس خاف : لا تقول جذي ، قول لي شصار مع ندى ؟ محمد خبره بكل شي صار وشلون كانت ندى لما عرفت بالسالفه فراس : يحق لها يعني شتبيها تسوي تصفعك جدام الناس مثلاً ؟؟ محمد : انا ما قلت جذي ، تصور فراس ما نطقت ولا بكلمة ولا قالت اي شي بخصوص الموضوع ، اهي ليش تعذبني ، كفايا اللي فيني ، محد يحس فيني ليش ؟ فراس : افا لا تقول جذي يا خوي واانا وين رحت ، هد بالك ، وانشاء الله لكل شي حل لا تخاف . محمد : يا ربي شسوي احس نفسي مخنوق يا فراس مخنوق ، الله يسامحك يا يبه الله يسامحك . وظلوا يفترون بالسيارة . قاعده بدارها تنطر تلفون من اخوها محمد تبي تتطمن تبي تعرف شسوى ، رن تلفونـها وكـآنت نـوال متصله نـوال بصوت كله فرفشة : هـلا باللي ناسيتنه سـاره ابتسمت على خبال نوال : هلا بيج نـوال : فديتـج وحشتيني انتي وعنـودوه ، الا قولي لي شونج ؟ وشخبـارج ؟ سـاره : وانتي بعـد وحشتيينا ، احنـا بخير نسأل عن اخبـارج يالغـلا نـوال : انا بخير دامكم بخير ، الا اقـول ما تبونه نتيمع ترى من زمان ما تيمعنا سـاره : والله ما ادري بس لازم نتيمع بعد جم يوم عنوده بتسافر وبنظل انا وانتي نـوال : اي والله ، خلاص باجر تيون بيتنا ، اوكي ؟؟ سـاره : بجوف عنـوده وبرد عليج نـوال : اوكي ، سأليها ومب على كيفكم ما تيون سـاره ضحكت تحب خبال نـوال : هـهـهـ ، انشاء الله واحنا نقدر نرد لج طلب نـوال : هـهـهـ ، اوكي سأليها وردوا علي بالمسن أنـا كردت مالي عـ الحافه ، الا اذا يتشحنون ليي سـاره : هـهـهـ لالا نلتقي عـ النت نـوال : ول ول زطيه سـاره : هـهـهـ يلا باي نـوال : بايات يالغـلا سكرت سـاره من نـوزال واتصلت في عنـود كـانت قـاعده بدارها مجابله دفترهـا اللي تحب تكتب فيه وهدوء مسيطر عـ الغرفه قطعها صوت رنة تلفونها جافت سـارونـه المتصله ابتسمت ابتسامه عريضة عنـود : هلا توج على بالي سـاره : هـهـهـ اجوفج اتصلتي عنـود : هـهـهـ ، شخبـارج غلآي ؟؟ سـاره : بخير ، اند يو ؟؟ عنـود : يخير دامج بخير سـاره : دوم انشاء الله ، سمعي عنـوده توني مسكره من نوال تقول تبينه نتيمع باجر في بيتهم هـا شرايج ؟؟ عنـود : يدوم حـالج قلـبوو ، اي والله يبيلها من زمان ما تيمعنا يمعه حلـوه سـاره : اوكي يلا قومي قعدي عـ المسن خلينا نتفق عنـود : اوكو ، يلا باي سـاره : باي سكرت عنود وخذت لابتوبها ودشت عـ المسن مسوين انفـايت ثلاثهم أنثى يعتريهـا خجـل لا ينتهي (( نـوال )) : هـلا والله ، هلا بالغاليين p: ســـــارونـه الحلـوهـ (( سـاره )) : هـلا بيج الْشُوُقّ يَآ مَحْبُوُبّ فِيّ نَآظِرِيّ { شَآب (( عنـود )) : هـلا بيكم شباب p: أنثى يعتريهـا خجـل لا ينتهي (( نـوال )) : شنـو شباب شجايفتنا جدامج عنـوده ؟؟ ســـــارونـه الحلـوهـ (( سـاره )) : هـهـهـ الْشُوُقّ يَآ مَحْبُوُبّ فِيّ نَآظِرِيّ { شَآب (( عنـود )) : لـوووول ، المهم متى الملتقى بكـره ؟؟ ســـــارونـه الحلـوهـ (( سـاره )) : والله مـآري ، مـتى نـوووووووووووول أنثى يعتريهـا خجـل لا ينتهي (( نـوال )) : بـرآحتكـم البيت بيتكم اي وقت تيون ســـــارونـه الحلـوهـ (( سـاره )) : السـآعه 4 عنـوده هـا ، مب تأخريني الْشُوُقّ يَآ مَحْبُوُبّ فِيّ نَآظِرِيّ { شَآب (( عنـود )) : أفـا أونـــــه أخرج أنثى يعتريهـا خجـل لا ينتهي (( نـوال )) : هـهـهـ وقعـدوا يسـولفون سوالف عـاديه ويتذكرون أيـامهم بالمدرسة واستهبالهم بالصف ، أذن أذآن المغرب وقـامت كل وحده منهم . رآح المسيد صلى المغرب ورجع بيتهم لقى أمه وأبـوه وسـاره قـاعدين سلم عليهم وكان بيصعد داره نادته أمه : يمـه محمد تعال اقعد معانا شوي محمـد : بروح دآري يمه اخذ لي شـاور أم محمـد : على راحتك يا وليدي سـاره : محمد محمـد : هـلا سـارونه آمـري سـاره : بتطلع بعدين محمـد : لا سـاره : قلت آنه متملله يا ريت تطلعني محمـد أهو يبي يقول لها ويفضفض لها عن الي صار : أوكي خليج ياهزة عـ الساعه 7 سـاره ابتسمت بامتنان : أوكي محمـد ابتسم : عن أذنكم طـول هالوقت ولا كأنه موجود يتحاشى يحط ويهه بويه ولده ، حـاس فيه بس مب قادر يسوي شي ، يفكر لو يصير شي بينه وبين ندى ، شراح يصير مع أبو سلمان صديقه وشريكه ورفيج دربه ؟؟ صعـد دآره تعبـان .. محتاج للشـاور .. ومحتاج شي يهدأ أعصابه .. متوتـر .. قلق .. خـايف .. دخل الحمام وخذ له شـــــــاور طـويــــل بمـآي بـارد نعنشه شـوي ، طلع من الحمام طالع السـاعه لقاها بعدها السـاعه 6 بـاجي سـاعه على ما يطلع مع سـاره لبس شورت وفانيلة ومشط شعره وخلاه على ورا . خذ لابتوبه وقعد يتصفح بالمنتديات ، ملان وزهقانه بس كان يفرفر فيه ، ويجوف آخـر الأخبـار قعدت من النوم لقت نفسهـا متكوره فاتتها صلاة المغرب راحت بسرعه غسلت ويهها وتيددت وصلت المغرب ، جسمهـا متكسر .. افكارها متشتته .. خذت لابتوبها وقعدت عـ المسن لقت منـال قاعده تـوني عرفت أن الوفي في هالزمن جـاهل (( منـال )) : هـلا والله ، شفيج ما بينتي اليـوم لا miss call ولا مسج ولا شي ؟؟ آلحَظ عّودنْي على ../..قفلـة البآإْب..،،وآلعمّر يجْرٍي بي../ ..ولآآقـدر آجآإْريه (( نـدى )) : هـلا منـول ، سـامحيني مب يدي تـوني عرفت أن الوفي في هالزمن جـاهل (( منـال )) : افا نـدوش شفيج ؟؟ آلحَظ عّودنْي على ../..قفلـة البآإْب..،،وآلعمّر يجْرٍي بي../ ..ولآآقـدر آجآإْريه (( نـدى )) : تعبــــــــــــــــــــــانـه تـوني عرفت أن الوفي في هالزمن جـاهل (( منـال )) : وشنو اللي متعبج ؟؟ قولي علميني ؟؟ شفيج ؟؟ وشصـار مع محمد ؟؟ آلحَظ عّودنْي على ../..قفلـة البآإْب..،،وآلعمّر يجْرٍي بي../ ..ولآآقـدر آجآإْريه (( نـدى )) : قـالت ندى شصـار من أول شي لي اللحين تـوني عرفت أن الوفي في هالزمن جـاهل (( منـال )) : :l [ مصدومـه ] آلحَظ عّودنْي على ../..قفلـة البآإْب..،،وآلعمّر يجْرٍي بي../ ..ولآآقـدر آجآإْريه (( نـدى )) : اذا انتي جذي عيل أنـا شقـول :'( تـوني عرفت أن الوفي في هالزمن جـاهل (( منـال )) : واللحين شبتسوين ؟؟ آلحَظ عّودنْي على ../..قفلـة البآإْب..،،وآلعمّر يجْرٍي بي../ ..ولآآقـدر آجآإْريه (( نـدى )) : مـو عـارفه منـال أنا تعبانه وآآآيد تـوني عرفت أن الوفي في هالزمن جـاهل (( منـال )) : مريني وخلينا نطلع ونفكر بحل آلحَظ عّودنْي على ../..قفلـة البآإْب..،،وآلعمّر يجْرٍي بي../ ..ولآآقـدر آجآإْريه (( نـدى )) : مب قـادرة اقوم جسمي متكسر ، تعالي انتي البيت تـوني عرفت أن الوفي في هالزمن جـاهل (( منـال )) : أوكي مسـافة الطريج وأنـا عندج ، يلا باي آلحَظ عّودنْي على ../..قفلـة البآإْب..،،وآلعمّر يجْرٍي بي../ ..ولآآقـدر آجآإْريه (( نـدى )) : بـاي قـامت منـال ولبست عبـاته ونزلـت أم منـال : هـا يمه وين بتروحين ؟؟ منـال : يمه أنا بروح بيت عمي ، يمكن مـا أرد ابات مع نـدى أبو منـال : ليش يبه ؟؟ عسى ما شر تصنعت الضحكة منـال عشـان ما ينشك فيهم : لا يبه بس اشتقنا لذيج الأيـام أم منـال : هـهـهـ ، الله وياج يا بنيتي تحملي بروحج يمه منـال : انشاء الله يمه ، يلا مع السلامه . [ منـال بنت طيبه وحبوبه وخلوق مثل ندى وتقريباً مثل السن ، وحيدة امها وأبوها ندى مثل اختها واكثر يعزون بعض وايد والله لا يفرقهم ] طلعت منـال وركبت سيـارتها وبعد 5 دقايق وصلت بيت عمها دق قلبهـا لما جافت سيارته لكنها فكرت بندى ونزلت بسرعه وطقت الجرس وصدفه انه طلع لها سلمـان : منـال منـال تبلعمت : اي هلا سلمان شخبارك ؟؟ سلمان مب مستوعب : انا انا بخير حياج حياج [ سلمـان شـاب حلـو ووسيم ، 20 سنة ، حنطـاوي طويل ومعضل ، يحب بنت عمه منـال ، يربكها بتصرفاتها ، اهي تحبه بعد لكنها مخبيه بقلبها هالحب ] منـال دخلت البيت لقت عمها ومرت عمها بالصاله سلمت عليهم واهي منحرجه وايد من سلمان الي تسبه من لما جافها ، قـامت تسولف معاهم شوي وتضحك لما راح سلمان المطبخ منـال : عمي انا اليـوم بنام عندكم وعلى كلمة بنام عندكم طلع سلمان من المطبخ وطار من الوناسة أم سلمان : الساعه المباركه يا يمه البيت بيتج منـال : مشكوره مرت عمي ، عن اذتكم انا بصعد لندى فوق أبو سلمان & أم سلمان : الله وياج يا بنيتي صعدت منـال الدار واهي ما فيها روح نظرات سلمان تربكها طقت الباب ودخلت راسها جافتها ندى وركضت لها وحظنتها نـدى واهي تبجي : منـوووول منـال : بس حبيبيتي لا تبجين وسكروا الباب وادخلوا منـال : خلاص ندوش لا تبجين ، اوعدج انا بنام الليله معاج وما اي الصبح الا الحل عندنا نـدى : الله يخليج لي ولا يحرمني منج منـال ابتسمت : انا يـوعـانه خلنا نطلب لنا شي وبعدين نفكر نـدى : اوك على راحتج طلبـوا لهم معجنات واشياء خفيفة كلـوا وقعدوا يسولفون منـال : الحين يا ندى بسألج سؤال ووقولي لي شنو جوابج نـدى : تفضلي منـال : ترضين تآخذين واحد يعيش معاج جسد بلا روح ؟؟ نـدى : أكيـد لا منـال : افهم من كلامج انج ما تبين محمد ؟؟ نـدى : مـا ادري هل انا ما ابيه أو انا خايفه من ردت فعل ابوي وابوه منـال : امممممم لازم تفكرين هذا مستقبلج يا ندى نـدى : لو كنتي انتي بمحلي شتسوين ؟؟ منـال : امممم ، هذا مستقبلي وانتي تعرفين انا ما احب اجبر احد يقعد معاي مهما كانت الظروف نـدى : من رايج اقول لأبوي انا حنا مب متفاهمين ؟؟ منـال : ما ادري ، يمكن هذا الحل ، وبعدين ابوج مستحيل يسوي شي انتي ما تبينه نـدى : امممممممم ، باجر الصبح يصير خير الحين خلينا نقعد نسولف وقولي لي شنو آآخر أخبـارج ؟؟ قعـدوا يسولفون وبدت شوي ندى تنسا محمد والهم اللي كانت شايلته السـاعه 7 سـاره يـاهزه وتنطر محمد نزل محمد لابس وكاشخ سـاره : يه يه يه شحهالحلاه يا خوي ؟؟ محمد بغرور : طول عمري حلو سـاره : اقول عدال ها محمد : هـهـهـهـ ، انتي من زمان تنطريني ؟؟ سـاره : لا والله بس صار لي ساعه محمد : أوووه سوري اختي العزيزه بس شسوي لزوم الكشخه سـاره : عدال يا بو كشخه محمد : الا وين الناس ما كو حد بالبيت سـاره : ماكو ابوي بمكتبه وامي بالميلس مع رفيجاتها محمد : اها يلا مشينه سـاره : يلا ركبـوا السياره شغـل محمد عـ Bahrain FM وكـانـوا حـاطين أغنية منى أمرشـا [ معجبه ] وكـانت سـاره تقول معـاها ومحمد يضحك على حركاتها وخبالها : لا عيوني لمـحـت له لا هـلا ولا مرحبـا مدري من وين اطلعت له فكرت اني معجبه براحته سوى الحكاية انه شخصتية تنـحـب شكلي والله بالنهاية بكتشف اهوا اللي معجب وصدقـوه حتى صحابـه وقالوا اني معجبه فيه روحوا قولوا له عقـابه حتى لو عاجبني ما ابيه خلصت الأغنية وطت سـاره عـ الصـوت سـاره : محمـد محمـد : نعم ؟؟ آمـري سـاره : ما قلت لي شصـار بينك وبين ندى محمـد : آآه يا سـاره شقول لج قـال محمد السالفه لسـاره ، وسـاره كسرت خاطرها ندى بس شتسوي سـاره : ومتى بترد عليك ؟؟ محمـد : ما ادري والله يا سارونه سـاره : الله كريم يا خوي قـاموا يفترون وبعدها راحوا السيتي سنتر وافتروا بجم محـل وشرت سـاره لها تنورة على ذوق محمد وعلى حسابه لـووول وبعدها تعبوا وراحوا بالمطاعم يتعشون كلـوا وشبعوا وبعدها طلعـوا من المجمع ورجعـوا للبيت عـ السـاعه 10 ونـص وراح كل واحد منهم لداره . يومـ جديد .. اشـراقة شمس جديده .. أخبـار جديده .. أحـداث جديده . قعدت على اشعة الشمس اللي تسللت من ستارة الغرفه فتحت عينها لقت الساعه 8 التفت جنبها عـ السرير لقت منـال نـايمه ابتسمت .. شكثر حلمت تكون عندها اخت لكن الله عوضها بمنـال .. منـال أكثر من أخت بالنسبة لها .. منـال توأم روحهـا .. تتذكرت شقاوتهم مع بعض قبل .. الكل اللي كان يجوفهم يقول انهم خوات .. ابتسمت نـدى وقالت بقلبها : لا خلا ولا عدم منها ، وقامت تآخـذ لها شـاور ، واهي بالحمـام كانت تفكـر بمحمد ، تفكـر بالكلام اللي بتقوله له ، ابتسمت يوم تذكرت محمد وقالت الله يوفجك يا محمد من كل قلبها ، نوت تطوي هالصفحات اللي مرت عليها الا صفحة محمد كانت أحلى وأجمل صفحه بحياتها ، نوت تبدي حياتها من جديد تكمل دراستها وتجوف مستقبلها واذا فكرت تتزوج تتمنى يكون زوجها طبق الأصل محمد ابتسمت مره ثانية ، وخذت الفوطه ولفتها عليها وطلعت لغرفة التبديل ، خذت لها تنوره طويله زيتيه ملمسها مثل المخمل وفيها شرايط باللون الأخضر الفاتح مع بلوزه خضره فاتحه ، لمت شعرها ورفعته بربطه زيتية ورشت لها عطر . طلعت من الغرفه ما حبت تصحي منـال المسكينه البارحه سهرانه معاها ، لقت سلمان بوييها استغربت سلمان والساعه ثمـان ..! نـدى : هـلا سلمـان ، شعندك من الصبح سلمان تخرع : هـا بسم الله الرحمن الرحيم ، ما عندي شي اصلاً انا لحين ما نمت نـدى : هـهـهـ ، وشعندك للحين ما نمت ؟؟ سلمان بقلبه آآه منها : ولا شي بعد اجازة شتبيني اسوي نـدى مو مصدقته : امممم .. اهاا سلمان حس روحه بينكشف : يلا عن أذنج ومشى نـدى : هـهـهـ كـاشفتك نزلت تحت لقت أمها وأبوها قاعدين سلمت عليهم وباست راسهم بـو سلمان : هـلا هلا والله .. وينج من زمان ما جفتج نـدى : هـهـهـ يبه كآني وين بروح يعني أم سلمان : إلا وينها منـال ؟؟ نـدى : منـال راقده يمه امس سهرنا وتعرفينها منفاخ رقاد أم سلمان : هـهـهـ ، وانتي شمقعدج من الصبح نـدى : حبيـــت أصبح بويوهكم يعني ما يصير ؟؟ بـو سلمان : لا يبه يصير شلون ما يصير وقعـدوا يسولفون وبعدها استأذن بـو سلمان نـدى : وين يبه ؟؟ اليـوم إجـازه بـو سلمان : لا يبه مواعد بو محمد نمر المزرعه شوي نـدى دق قلبها ابتسمت : اهاا يعني بـو سلمان : يلا يبه مع السلامه أم سلمان و نـدى : الله يسلمك وقعدت نـدى مع امها شوي ، صارت الساعه 9 وندى ملت صعدت دارها بتقعد منـال عشان يطلعون . نـدى : منـوووول منـال : امممممم خليني أنـام نـدى : يلا قومي زهقانه من الصبح أنـا بروحي منـال : يعني الساعه جم اللحين ؟؟ نـدى : الساعه 9 يلا قومي وتسحب عنها اللحاف منـال : نـدووي خليني الا يقول اللحين الضحى صار خرعتيني نـدى ابتسمت ابتسامه شريره : خلاص براحتج وأنـا اللي أقول بوديها محل سنع نتريق فيه وعلى حسـابي ، بروح أجـوف وحده من الربع تروح معاي منـال نطت : افا نـدوش تروحين مع ربعج وأنـا موجوده نـدى فطست من الضحك عليها : آه يالعيــــــاره منـال ضحكت وقامت خذت ملابسها وبدلت وندى بدلت ملابسها وخذت شنطتها ، ونزلوا تحت ثنتينهم لقوا أم سلمان مع سلمان ، اهني منـال صار ويها حمـر وتقول من الصبح وسلمان رحت فيها . منـال : صبـاح الخير أم سلمـان : صبـاح النـور يا بنيتي سلمـان تسبه ولاحظت ندى هالشي وضحكت على اخوها نـدى : يلا يمه عن أذنج حنا بنطلع ويمكن ما نرد عـ الغذى أوكي يمه ؟؟ أم سلمان : الله وياكم يا بنيتي منـال : يلا مع السلامه أم سلمان : الله يسلمكم طلعوا من البيت وندى فاطسه من الضحك منـال : شفيـــــــــج ؟؟ نـدى : هـهـهـ ما فيني شي بعدين اقول لج يلا امشي منـال رفعت حواجبها وقالت بقلبها ليكون لاحظت تصرفات سلمان ؟؟ يالله شفكني من ندوش الحين قطع تفكيرها صوت نـدى : يلا منـــــوول دخـلوا السيـارة واتجهـوا للـ SEEF MALL في السيارة كان هدوء والموسيقى ماخذه هالجو كل وحده تفكر بحالها للين ما وصلوا وبركنت نـدى فروا ويهم عند بعض وابتسموا نـزلوا واتجهـوا عـ طـول لعند ستـاربكس وخذوا كابتشـينوا بـس قعدوا وشربـوا وبعدها قـاموا بفترون بالمجمع نـدى : منـول ؟؟ منـال : هـلا نـدى : اطرش مسج له أو ادق ؟؟ منـال : امم طرشي مسج نـدى : اممم أوكي قعدت منـال تطالع ثياب في FOREVER 21 وندى طلعت برع المحل وقعدت عـ الكراسي تكتب المسج : هـلآ محمـد .. صبـآح الخـير .. شلـونكـ ؟؟ .. عسآك طيب ؟؟ .. يا ليت نتلاقى اليوم .. اذا تقدر .. نـدى وصلـه المسج كـآن نآيم وعلى صوته صحى فتح عينه ومد يده بيآخـذ التلفون خذآه لقاه مسج فتح المسج ما طالع من المرسل قراه ورد سكر عيونه ورد فتحها مذهول ورد قراه قام من السرير رآح خذى شـاور وغسل ويهه ولبس قال خل اتصل فيها . رن تلفونها وكانت مع منال نـدى : منــول كآ اتصل منـال : انزين بتنقعينه شيله لا نـدى : انزين انزين سكتي محمـد بصوت آسـر : هـلآ نـدى صبـآح الخيـر نـدى : هلا محمد .. صبـآح النـور محمـد : شـلونج نـدى ؟؟ نـدى مرتبكه : أنـا بخير .. انت شلونك ؟؟ محمـد : أنـا بخير الحمدالله ، متى تحبين نلتقي ؟؟ نـدى دق قلبهـا : برآحتك الوقت الي ينآسبـك محمـد : الساعه 4 العصر يناسبج ؟؟ نـدى : أوكي محمـد : يلا نلقتي مع السلامه نـدى : مع السلامه سكرت ندى وما فيها روح يالله شلون بستحمل لي الساعه 4 ، راحت عند منـآل اللي كـآنت تقايس بغرفة القياس طلعت منـال تدور : حـلوه التنوره ندووش ؟؟ نـدى : زويـنه منـال : شفيج ؟؟ نـدى : الساعه 4 انا شنطرني لي الساعه اربع منـال ابتسمت : لا تضايقين روحج نـدوش يلا نـدى ابتسمت لها : انزيـن يلا خلينا نمشي تمللت منـال : هـهـهـ انشاء الله بس بآخذ هالتنوره نـدى : أوكي دفعـوا الحساب وطلعوا من المحل وقعـدوا يفترون بالمجمع وتشرون بعض الأشيآ . بلآميزون دو كآفيـه قآعديـن عـ طآوله لشخصين بـو محمـد & بو سلمـان ، بو سلمان ملآحظ أن بو محمد هاليومين مو أوكي حاله متغير حزين وكله يفكر بـو سلمـان : شفيك يآ خوي بو محمـد عسـآ ما شر بو محمـد تصنع البسمه : مآ كـو شي بس تعبآن شوي بو سلمـان : أفـا يا خوي شنو اللي متعبك ؟؟ بو محمـد شقول لك يا بو سلمان اقول ان صدآقتنا بتنتهي : لا مآكو شي بس يمكن من ضغوطات الشغل بو سلمـان : يعطيك الف عافيه وبعطيك إجاوة ترتاح فيها يا بو محمـد اهم شي عندنا صحتك وبعدين ولدك محمد انشاء الله يدير بدالك في إجازتك بو محمـد : لا يا خوي انا ما احب قعدت البيت وانا ارتاح في شغلي بو سلمـان : على رآحتك يا خوي خـذ له شـآور طـويـل يفكر شنو ردها .. وطرت على بآله عنـود .. مشـتـاق لهـا حيل يبي بس يجوفها ، حس نفسه تأخر بالحمام طلع ولبس له جينز أزرق قآتح معاه فانيله بنيه ومخططه ببرتغالي وحط جل ومشط شعره وتعطر وخذا مفتاحه و تلفونه معاه ، واهوا ينزل من الدرج رن تلفونه كآن فرآس محمـد : ألـوووووووو فـرآس : ألـووووين وينك يالحبيب ما تبين محمـد : هـهـهـ كآني بالبيت توني قاعد من النوم فـرآس : انت ما تشبع نـوم يلا أنـا أنطـرك محمـد : تنطرني ويـن ؟؟ فـرآس : يم بيتكم يالغآلي محمـد : اها اوكي يلا كآني طآلع وصل الصـآله لقى أمه مع سـآره قاعدين محمد : صبـآح الخيــر سـآره و ام محمـد : صبـآح النـور أم محمـد : تأخرت يمه بالنوم محمـد : أي يمه شسوي سهرت البارح مع الفلم ونسيت نفسي ، يلا انا أستـأذن فرآس ينطرني أم محمـد : الله وياك يا وليدي سرحت بفرآس تتذكر ملآمحه ، اهي من زمان معجبه فيه ، معقـوله حبته ؟؟ ، انتي شتقولين يا سآره ، لالا هـذآ مجرد أعجاب .. بعدت هالأفكـار من بالها واستأذنت من أمها وقالت : يمه أنا اليـوم العصر الساعه 4 بروح مع العنـود بيت نوال أم محمـد : انزين يمه تبين السايق يوصلج لو محمد ؟؟ سـاره انصدمت : لالا يمه بنروح مع السايق يلا انا بصعد الدار أم محمـد : برآحتج يمه صعـدت الـدآر زهقـآنه الساعه بعـدها 10 خـذت اللاب توب تطقطق عليه متملله قعـدت عـ المسن ما لفت حد تسولف معاه شوي الا الباب ينطق سـاره : تفضـــــــل مـروه : هـلـوو سـآرونه ، شـونج ؟؟ سـاره مستغربه معقـول هذي مـروة ؟؟ مب من عوايدها : هلا مراوي الحمدالله أسأل عنج ؟؟ مـروه : سألت عنج العافيه أنا بخير دامج بخير سـاره : مروه من الآخر شعندج ؟؟ مـروه : اهاا يعني جاكتني ؟ سـاره : أعرفج زين أنا مـروه : بصراحه بصراحه وبدون لف ولا دوران ، ابي تنـورتج الحمـره سـاره : هـهـهـ ، تدلين الكبت حظرتج ليش تستأذنين بعد ؟؟ مـروه واهي تفتح الكبت وتآخـذ التنوره وتسكر الباب : فديتج أختي بـآي سـاره : هـهـهـ مينونه هالبنية يوم نفسها بخشمها ويوم حبوبه لكن مب لله قعـدت سـآره تفرفر بالمنتديات عـن الملل وتقرآ أخبـار الديـره قعـدت من النوم تعبـآنه بالليل مآ ترقد عدل كل ما تعرف ان سفرها قرب يزيد خوفها بـآقي ثـلآث أيـام سندت راسها ورى عـ السرير وتنهدت غمضت عيونه لثواني ياها طيف محمد نزلت دمعه بـارده .. دمعة شوق .. دمعة حسـرة .. على خدها مشتـآقه له مـوت ، قامت بسرعه وكأنها تتهرب غسلت ويها وبدلت بيجامتها مالها خلق تنزل تحت قعدت بالدار خذت اللاب توب وأول شي سوته شغلت أغنية مشتـاق لك مـوت : مشتاق لك موت يا اللي طول غيابك ذبحني الشوق وانته عني مو داري اتذكرك كل يوم واموت واحيابك واقوول وينك ؟؟ تجي تسآل عن اخباري مشتاق لك موت والله عوود ارجوك يا حب غالي عووود مالك بدالي وانا مالي بدالك اتذكر ايام حبك يا اللي ناسيني يزيد الشوق يهل الدمع من عيني ياخذني الليل لك واصحا اناديلك محـتاج لك يا حبيبي لا تخليني تسالني الناس عني كيفها احوالي اقول بخير وماني بخير يا الغالي تعبان انا يا حبيبي راحتي قربك والخير ما اشوفه الا شوفك قبالي دخلـت عـ المسن appear offline لقت سـاره قـاعده عـ طـول كلمتـها الْشُوُقّ يَآ مَحْبُوُبّ فِيّ نَآظِرِيّ { شَآب (( عنـود )) : هـلآ والله .. هلا بالغـآليه .. صبـآح الخيـر ســـــارونـه الحـلوهـ (( سـاره )) : بسم الله الرحمن الرحيم من وين طلعتي ، صبـاح النـور والنـوير ، تو النـآس جـان نمتي بعـد الْشُوُقّ يَآ مَحْبُوُبّ فِيّ نَآظِرِيّ { شَآب (( عنـود )) : هـهـهـ ، شفيج ؟ ســـــارونـه الحـلوهـ (( سـاره )) : مـافيني شي ، بس مليت وأونـه قـاعده بروحي الْشُوُقّ يَآ مَحْبُوُبّ فِيّ نَآظِرِيّ { شَآب (( عنـود )) : بـعد شسـوي البـآرحه مـآ يـآني نـوم ســـــارونـه الحـلوهـ (( سـاره )) : ليـــش ؟؟ الْشُوُقّ يَآ مَحْبُوُبّ فِيّ نَآظِرِيّ { شَآب (( عنـود )) : السفر جرب ،، سـارونه خآيفه ســـــارونـه الحـلوهـ (( سـاره )) : مـو هآي رغبتج ؟؟ الله كريم يا عنـود الْشُوُقّ يَآ مَحْبُوُبّ فِيّ نَآظِرِيّ { شَآب (( عنـود )) : آآآه الله كريم الْشُوُقّ يَآ مَحْبُوُبّ فِيّ نَآظِرِيّ { شَآب (( عنـود )) : سـآرووه يوعانه ســـــارونـه الحـلوهـ (( سـاره )) : هـهـه ما تريقتي ؟؟ الْشُوُقّ يَآ مَحْبُوُبّ فِيّ نَآظِرِيّ { شَآب (( عنـود )) : لا انا زين مني غسلت ويهي وبدلت وعـ طول قعدت مالي بـارض انزل تحت ســـــارونـه الحـلوهـ (( سـاره )) : اهاا انـزين يلا قومي لا أكلي لج شي الْشُوُقّ يَآ مَحْبُوُبّ فِيّ نَآظِرِيّ { شَآب (( عنـود )) : انزيـن يمه يلا BRB ســـــارونـه الحـلوهـ (( سـاره )) : TYT نـزلت العنـود تحـت لقت أخـوها فـوآز بصـآله مجـآبل التلفزيون يطآلع فـلم عنـود : قـوه فـوآز فـوآز : يقويج عنـود : شعندك قآعـد من الصبح مب عوآيدك ؟ فـوآز : من قـآل اني نمت ؟؟ عنـود : يعني لي اللحين سهران ؟؟ فـوآز : أي شفيج ؟ عنـود : ما فيني شي ، إلا وين أمـي وأبوي فـواز : حد قالج أنا البواب والله ما أدري عنـود : زين زين حشى محد يقدر يسألك سؤال عن إذنك حقرها فواز قامت وراحت المطبخ واهي تتحلطم على أخوها بقلبها : شنو هذا ما يهمه شي طـآق الدنيا جوتي الأخ وقامت تدور بالمطبخ أكـل لقت سندويتشات بالجبن أمها مسويتهم وخذت عصيـر وقعدت تآكـل كانت يوعآنه وايد كملت وعطت الصينية الشغالة وراحت دارها ردت للاب توب لقت سـاره قامت سكرت المسن وقعدت تحوس بالفوتوشوب . صـار الضحى وأذن أذان الظهر ورحوا يصلون بالمكان المخصص للصلاة بالمجمع وبعدها طلعوا من المجمع ورآحـوا ليم يم تري وأكيــد طلبوا باسـتـا قعدوا ينتظرون الطلب نـدى : تصدقين شكله محمد يحب الباستا ذآك اليوم حتى ما سألني عـ طول يابني هني منـال : هههه وفي أحد ما يحب الباستـا ؟؟ نـدى : شدراني أنا احبها بس يعني مب كلش قطع سوالفهم الطلب وصل قعدوا يآكلون ويضحكون ويسولفون خلصـوا الأكل ودفعـوا الحساب وطلعوا وصلت ندى منـال بيتهم ونزلت تسلم على عمها ومرت عمها منـال & نـدى : السلام عليكم ابو منـال & ام منـال : وعليكم السلام ندى تبوس رآسهم : شلونك عمي وشلونج خـآلتي ؟؟ ابو منـال & ام منـال : بخير الله يسلمج نـدى : يلا انا استأذن ام منـال : الله وياج يا بنيتي نـدى : يلا باي منـول منـال : بايات وخبريني بلي يصير نـدى : اوكي طلعت نـدى من بيت عمهـا وتوجهت لبيتهم كانت السـآعه تقريباً 3 وصلت البيت نزلت بسرعه ودخلت البيت كان ما في أحد عـ طول صعدت دارها خذت لها شـآور سريع وطلعت لبست تنوره طويله مع بلوزتها موردة بالأخضر مع الوردي جففت شعرها وخذت شيلتها الوردية ولبستها حطت كحل وقلوس وتعطرت وخذت شنطتها وتلفونها وطلعت من الغرفه ونزلت تنطر محمد يدق عليها بالصاله . رجع بيتهم بسرعه كـانت الساعه 3 ونص خاف يتأخر خذ له شـاور سريـع وطلع لبس بنطلون جينز رصـاصي وخذ فانيله بنفسجيه فيها كتـابه بالرصاصي وحط جل وخله شعره على وره تعطر وخذ مفتاحه وتلفونه وبوكه وطلع راح لغرفة سـاره طق الباب ودخل راسه نصه شافه واقفه بالمنظرة سـاره : حيـاك محمد محمـد : لا متأخر بس أدعي لي هـا يلا باي سـاره : انشـاء الله بايات نزل سريع من الدري وصل لعنـد الباب فتحه بسرعه التقت عينه بعينها لحظــــــــة صمـــت كل واحد منهم ضاع بعين الثاني . { محمـد مشتاق لها مـوت عيونها فيها لمعه كأنها دموع متجمعه } { عنـود واحشها يا ناس تبيه وما تبي غيره وما تبي تبعد عنه } نزلت راسها عنـود بعد ما بقت تفضحها دموعها وتباعدت مشى محمد وأهو يمشي قـالها : أحبــــج تجمد دمها .. قلبها يدق دق الطبول .. صدى هالكلمة تردد بأذونها .. نزلت دمعه حسـره عـلى هالكلمه لكنها مسحتها لأن سـاره كانت نـآزله من الدري . توقعـآتكمـ للبـآرت اليـآي Quote Link to comment Share on other sites More sharing options...
فنكوش Posted ديسمبر 22, 2008 Report Share Posted ديسمبر 22, 2008 يعطيج ستين الف عافية اختي اينجل صج صج بارت طوويييييييل حدده و من طول الغيبات جاب الغنايم اففففففف متلهف اعرف شبصير في لقاء ندى و محمد ,,, اتوقع بالبارت الياي ان محمد و ندى راح يوصلون لحل يرضي الطرفين لأن اعتقد ان مافي امل ان محمد يرتبط بالعنود و لازم يرضى للأمر الواقع ادري ان روحه و قلبه و عقله عند العنوود ,, بس حرااام يظلم ندى و انا احسها خووش بنيه و تدش القلب يسلمووووو خيوو على البارت الكشووخي من قلللللب و بإنتظار بارتات احلى و احلى Quote Link to comment Share on other sites More sharing options...
دمووع الورد Posted ديسمبر 23, 2008 Report Share Posted ديسمبر 23, 2008 اففف حدي اندمجت مع البارت وقـاعدهـ اقراه و عيني تلاقط يمين و يسـار فيهـ ... مسكينه ندوش كسرت خـاطري .. بس شسوي محمد الأمر مو بيدهـ .. و فـرااس و سـارره مادري ليش كلش ماحسيت في كونكشن مابينهـم .. و سلمـان و منـال ان شاءاللهـ ياخذون بعض احس سلماان وايد رومـاانسي و بيدلعهـا وايييد .... وابو محمد اللهـ يهدااه لازم يحاول يتوصل لـ حل ولا يخسر ولدهـ ... وان شاءالله ندى تلاقي اللي يحبهـا من قلبهـ و يخلص لها ... الصرااحه مادري شاقول وشاخلي متشوقه حدي للقاء .. بـ انتظاار البارت اليـاااي وتسلم يدددج Quote Link to comment Share on other sites More sharing options...
Thunder Jet Posted ديسمبر 26, 2008 Report Share Posted ديسمبر 26, 2008 وه يـــآ البـــي .. حلــوه آلقصصـــه وآبـــي آعررف شبيصيير .. يعطيييج العافيــــه .. مآحبيـــت محمــد موليــه سو سلفش >< !! لاهنتــي ،، وننتتظــرج بشــوق =* Quote Link to comment Share on other sites More sharing options...
بنوته آخر شقاوة Posted ديسمبر 31, 2008 Report Share Posted ديسمبر 31, 2008 نسينااا القصة خيووووووووووووووووووووووووووو Quote Link to comment Share on other sites More sharing options...
كوهجية Posted يناير 1, 2009 Report Share Posted يناير 1, 2009 ننتضر البارت الياي ويسلمو على القصة Quote Link to comment Share on other sites More sharing options...
es7a8ey Posted يناير 21, 2009 Report Share Posted يناير 21, 2009 يعطيج العافيه وننتظر البارت الياي Quote Link to comment Share on other sites More sharing options...
Joker2008 Posted يناير 21, 2009 Report Share Posted يناير 21, 2009 يسلمــو ع قصه Quote Link to comment Share on other sites More sharing options...
أسيرة الورد Posted يناير 31, 2009 Report Share Posted يناير 31, 2009 نسينا القصة نبي باااااااااارت Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.