ريم الإمارات Posted يناير 4, 2009 Report Share Posted يناير 4, 2009 حبايبي الأعضاء بما أني اليوم مستااااانسه واااااايد بعد أبغيكم تستانسون وتضحكون معاااي هالموضوع بيكووووون بعيد عن ماما طيف فديييتها وعن الفن فاكييييد ماما طيف لو دخلت رااااح تموووووت ضحك على هالموضوع الموضوع بيكون فرفشه ونااااسه وفرحه وضحك .. بس هااااا أبغي الكل يشارك مو أثنين او ثلاث علشان نضحك على بعض شوي فرفش نطلع من جو الإمتحاااان ومن جو الدراااااسه والدواماااات .. موضوعي هو كل واااحد حبايبي يقول لنا موقف مضحك تعرض له مو معقوله كل هالسنين اللي عشناها وما تعرضنا لموقف مضحك لحينه في ذاكرتنا مانسيناه .. أكييييد في موااااقف مضحكه تعرضتوا لها صح .. لا تقولون لا .. أعرف كلكم تعرضتوا .. لا تستحون وقولوا موقفكم الحلوه وخلونا شوي نضحك مع بعض ونفرفش .. أنا ببدأ علشان بس أشجعكم شوفوا هالموقف أنا تعرضت له من كنت طالبه في أول ثانوي ومستحيل أني أنساه ,, وكلما أشوف العدس أتذكره .. ولحينها الوالده فديييتها تذكرني فيه .. وهذاك اليوم استويت أنا وماماتي توم وجيري يالله بسم الله نبدأ في يوم كنت انا طابخه للبيت صالونه عدس وعيش ..فمسكت جدر الصالونه بحركه من على النار الى الجهه الثانيه فاول ما شليت الصالونه انزلقت لان كان تحتي ماي .. طحت انا الجدر على الارض وانصبت الصالونه على الارض .. في هاي اللحظه دخلت الوالده الله يحفظهاوكانت امعصبه ليش بعدنا ما جهزنا المائده فنزلقت هيه الثانيه على الصالونه ما تعرف شو السالفه.. أنزلقت على العدس زلقه عدله بس الحمد لله ما استوى لها شي عاد أنا لما شفت الوالده طايحه على الصالونه عاااد انا قمت بسرعه وفليت من المطبخ .. ما شوف وراي الا والوالده تركض وراي توم وجيري .. ههههه ما عرفت وين اسير كان أدخل الصاله على الوالد الله يحفظه يشوف التلفزيون واندسيت وراء .. فعاد الوالد لين شافنا اوشاف ملابسنا متوسخه صالونه عدس قام يضحك علينا ضحك.. ولحد اليوم الوالده تذكرني بهالموقف وتضحك علي . وبس .. وسلامتكم وبعد عندي مواقف ثانيه بقولها لكم بس من بعد ما اشوف مواقفكم الحلوه .. ويعطيكم العافيه حبايبي Quote Link to comment Share on other sites More sharing options...
نجمه الليل Posted يناير 4, 2009 Report Share Posted يناير 4, 2009 تسلميييين حبيبتي ريموووووه ع الموضووووع الحلووووو ممممم بقول الموقف أللي أنا مريت فيه... مره أنا وأختي كنا طالعين رايحين المحمصه عشا أشتري قهوه للوالده الله يذكرها بالخير وأذكر بها اليوم كنا في رمضان دشينا المحمصه وبعد ما أشتريت القهوه طلعنا والشوارع زحمه وااااايد وأنا طبعا كنت لابسه بريولي عزكم الله كعب عالي وأنا أمشي وكنت أتكلم في التلفون ومن غير ما أنتبه فجأة طحت وأنا أمشي وجدام الناس وأختي قاعده أدورني وأتناديني بأسمي وأنا من كثر ما كنت مستحيه ما قدرت أتكلم غير أني كنت أضحك ع نفسي وأختي أدورني وأتقول وين راحت والمسكينه ما تدري أني طحت تحت بس رفعت أيدي أأشر عليها والمصيبه أني يوم طحت في واحد يه صوبي يقولي سلامات أختي في شي وأنا أضحك ههههه ههههه هههههه وعقب أتيني أختي أتقولي قومي فضحتينا الله يفضحج قومي ومن بعدها كل ما أروح المحمصه أتذكر ها الموقف وأقعد أضحك... Quote Link to comment Share on other sites More sharing options...
عـــذاااب الـمـزااايـيـن Posted يناير 5, 2009 Report Share Posted يناير 5, 2009 (edited) هههههههههههههههههههه مواقفكم كلها طيحات وااااااااااااااااع... إلا على طاري الطيحات...أذكر في يوم من الأيام (اللي أعتبره من الأيام السوداء في حياتي) رحنا انا وخويي السوق...والله مدري أحس ذاك اليوم مو طبيعي ....لأننا في البدايه جينا بندخل محل عطورات وعلى بالنا الباب مفتوح ....مادرينا إلا وصوت خبطتنا بالقزاز واصله لآخر السوق...وكل الناس قاموا يطالعون ويضحكون....وحنا بوقتها ضيعنا وطلعنا فوق للكوفي...وكل واحد فينا وده يحك جبهته من الوجع..بس تعرفون مانبغى نبين للناس إننا توجعنا....المهم جلسنا لين هدا الوضع شوي...قال خويي وش رايك نروح المحل ....قلت يالله.....عاد وحنا نازلين مع الدرج الكهربائي...وكان خويي حاط يده على كتفي ويسولف.. فجأه زحلق خويي ...ومن خباثته سحبني معه...وانا من خباثتي سحبت ثلاثه (ماأعرفهم) وطحنا لين نص الدرج بس والله طيحتنا جامده ...احس وحنا طايحين جاني كم بقس ورفس على بطني...وانا بعد ماقصرت رفست وااااااااااااااااجد المهم بعد ماطحنا عم السكوت على المكان...خويي منحرج مني وانا منحرج من الثلاثه والثلاثه مدري هم منحرجين من الناس ولا من من..؟!! المهم كل واحد فينا عطى الثاني نظره حقد وكره...وتفارقنا بدون مانتكلم...بس انا سحبت خويي بقوه لين طلعته برى المحل ....وقلت يكفي فضااااااااااااااااااااااااايح ياعبدالله... Edited يناير 5, 2009 by عـــذاااب الـمـزااايـيـن Quote Link to comment Share on other sites More sharing options...
هدوء الفجر Posted يناير 5, 2009 Report Share Posted يناير 5, 2009 فديتكم ع المواقف ههههههههههههههه يوم كنت بصف الثالث او الرابعة صار لي هالموقف كنت رايحة من اختي المستشفى و قطنا اخوي ومشى قال بروح و بيرجع لنا احنا كنا ننتظر يجي دورنا اتصل اخوي الا يقول طلعوا انا وصلت قالت لي اختي بسرعة طلعي قولي له ينتظر الحين بجي دورنا بعدنا ما كملنا وانا قمت رايحة اركض بسرعة لاخوي و ادعم بالباب اوووووف الا هناك قاموا يطالعون وانا صغيرة وبريئة قمت اصيح جت لي اختي قومتني و راحت هي قالت لاخوي و كملت الصياح على الصياح بعد ما طلعنا اختي و اخوي قاموا يضحكون عليه و انا اصلا ميته صياحه للحين اتذكره Quote Link to comment Share on other sites More sharing options...
روح الـورد Posted يناير 5, 2009 Report Share Posted يناير 5, 2009 هههههههههههههههههههه اذكر لكم موقف يوم كنت صغيرهـ الله يسلمكم كنه مسافرين رايحين المدنيه و تعرفون المبزرهـ لآزم تجبون لهم هديه واحنـآ ذآك اليوم رآيحين السـوق والله يسلمكم الوالدهـ والوألد الله يحفظهم كانوآ دآشـين السوق وانا واختي واقفين برهـ ننتظرهـم جآن يم المحـل فيه العآب للبزرآن جآن اخذ وحدهـ بروح ارويهـأ امـي اقـول لهـأ بـشتريهـأ حق بنت عمي والبآب كانه زجاج ميبين الا وجهك وانا رايهـأ اركـض واصدم في البآب ااااااخ يـعـور وجان يستوي فلم الهندي جات الوادهـ والوالد الله يحفظهم وخواني حتى الهندي جآ ولا وبعد عطاني قرشة مآي يآزعم اني صقعة بس صآرة زرقه على احمرهـ تعـور اااااااخ .... مواقف ضحك خخخخخخخخخخخخخ Quote Link to comment Share on other sites More sharing options...
ريم الإمارات Posted يناير 5, 2009 Author Report Share Posted يناير 5, 2009 هههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههههههههههههههههههه واااااااااااااااااااااي ياقلبي بموت بموت ضحك .. حرام عليكم قلبي عورني فدييييييييييييييييتكم والله .. بس خلاص مو قااااادره اتحمل ضحك .. بعد بعد حبايبي قولوا لنا مواقف ثانيه .. واللي ما قال يقوووووول .. فديييييييييييييييييييييييييتكم والله وفدييييييت روحكم Quote Link to comment Share on other sites More sharing options...
عـــذاااب الـمـزااايـيـن Posted يناير 6, 2009 Report Share Posted يناير 6, 2009 فيه موقف صار لي وكنت أحاول إني ماأعلمكم....لكن بماإنكم إخواني وراح تسترون علي بقوله.. وهذي فرصه مناسبه للي يبون يتشمتون في بو صلوح قبل تقريباً ثمان سنوات سافرت مع أربعه من أخوياي لسوريا (وهذي كانت أول سفره خارج السعوديه) سافرنا عن طريق البر ووصلنا دمشق الساعه 11 بالليل وكنا تعبانين ...ماصدقنا لقينا شقة علشان ننام لأنها كانت أيام إجازه وماشاء الله نص أهل الخليج هناك ....وخصوصاً السعوديين... طبعاً هناك معروف في كل شقه لازم يكون فيه شغاله سوريه أو لبنانيه...وحنا ماكنا ندري...!!!! يوم أخذنا الشقه جلست معانا شغاله لبنانيه...وحنا نبي ننام...وكنا حريصين على أنفسنا وخايفين.. طلبنا منها ماتجلس معانا...وتروح تنام برى....ويالله وافقت...بعدها راحوا أخوياي ينامون...وانا كنت منسدح بالصاله وقاعد أتفرج على التلفزيون...مافيه إلا قناة إم بي سي والسعوديه <<مدري ليش حاطين قناة السعوديه المهم راحت علي نومه وانا على هالحال...والشغاله الخبيثه جت الصباح ومعها مفتاح ومدري من اللي جاء معها وأخذوا شناطنا...على بالهم بيلقون فيها فلوس (مادروا إن كل واحد حاط محفظته تحت راسه) قام واحد من اخوياي الصباح وصحاني من النوم... قال وين الشناط قلت يمكن في السياره..قال روح جيبها (هو مايقدر يطلع لأنه لابس فنيله وسروال قصير نسميه سناوي يوصل لنص الفخذ) وكانوا كلهم لابسين هاللبس إلا أنا كنت لابس سروال طويل..طلعت للسياره ومالقيت الشناط.. علمتهم وجوا كلهم يفتشون السياره..وهذا الكلام كان الساعه تقريباً 11 الظهر...بعد ماتأكدنا إنهم سرقونا جينا راجعين للشقه لقينا الباب تسكر علينا...المشكله فيه مدرسة مدري ثانويه ولا متوسطه للبنات بجنب الشقه قعدنا عند الباب ننتظر حل وكل واحد يلوم الثاني...فجأة.....!!!!!! طلعوا البنات من المدرسة....ههههههههههههههههههههههههههههههههه أخوياي المساكين تفشلوا <<< عاد عليهم سيقان اللهم لاشماته تجمعوا علينا البنات وقعدوا يضحكون وأخوياي صايره وجيههم حمر وانا قاعد أضحك عليهم شوي جونا شباب سوريين قاموا يتكلمون علينا...ردينا عليهم وصارت هوشه بيننا...أذكر بوقتها كنت أتهاوش وعيني على واحد من أخوياي ...إثنين قاعدين يطقونه وشقوا فنيلته وهو كان ماسك سرواله خايف لايشقونه هههههههههه المهم ماأبي أطولها عليكم...رزقنا الله بشباب سعوديين كانوا قريبين من شقتنا وماقصروا فزعوا معنا ... بعد الهوشه قعدت أطالع في اللي فنيلته مشقوقه وأشوف على ظهره آثار ضرب ومخش أظافر ..وانا أضحك المفاجأة اللي ماكنت متوقعها...واحد من السعوديين طالعني وقعد يضحك قلت شفيك قال سروالك مشقوق من ورى يوم اللتفت لقيت شيء يفشل...على قولة خويي (لو مالبست سروال كان أحسن) Quote Link to comment Share on other sites More sharing options...
bent q8 Posted يناير 6, 2009 Report Share Posted يناير 6, 2009 هههههههههههههههههههههههههههههههههههههههههههه ههههههههههههههههههههههههههههههه اكثر موقف يفشل ما انساه لما كنت رايحة المعطم اتعشا مع اهلي وبعد ما خلصنا طلعنا ونسيت احنا وين موقفين السياره دورت ابوي وتميت امشي وراه تعبت من المشي جان اقوله يبا انت وين موقف السياره حدي تعبت من المشي دار ويها جان اكتشف ان هذا مو ابوي طلع واحد ثاني ما اعرفه ... الله ع الفشيله ويهي قام يعطي الوان من الفشيلة هههههههه من بعدها قمت امشي اول وحده وهم يمشون وراي لوووول Quote Link to comment Share on other sites More sharing options...
روح الـورد Posted يناير 7, 2009 Report Share Posted يناير 7, 2009 (edited) هههههههههههههههههههههه رجـعت لكـم بـموقـف يموت ضحك هـآع الله يسلمكم كـنـآ رآيـحـين السـوق عشآن المدرسـه بنـآخذ شوية اقرآض وانـآ مانتبهـت حـق امـي رآحـت عـنـي وجآن حرمـه جنبي وانا عبآلي امـي جآن اقـول لهـأ يـآمـه شـوفي هاذا دفتر زين ولا مآردة علي الحرمـه اقـول فـي خآطري يؤ ليه امي مترد علي بعدين قـلت اوف يآمـه وش فيج قآعدهـ اكـلمج دفتر ذا زين ولا جآن الحرمـه تلف علي وتقـول انـآ موب امـج يآلللللله انحرجت ولقطة وجهـي ومشـيت ادور امـي ويوم لقيتهـأ اقـول يآمـه وينج خلتيني اكـلم الحـرمـه انحرجت ههههههههههههههههههههه Edited يناير 7, 2009 by روح الـورد Quote Link to comment Share on other sites More sharing options...
عـــذاااب الـمـزااايـيـن Posted يناير 7, 2009 Report Share Posted يناير 7, 2009 ههههههههههههههههههههههههههه روحوه دائم تصير معي هالمواقف...إذاوديت أهلي السوق أضيعهم...وكل شوي تلقيني ماشي مع عائله على بالي هم...وماأدري إلا أنواع السب (ياقليل الأدب ياللي ماتستحي ماعندك خوات إنت) وقتها أعرف إني غلطان وأطيح بعائله ثانيه..عاد انا على قولة هلي كله مسرح في السوق أمشي وانا مدري وين رايح... Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.