بياع قلوب محرقي Posted يناير 19, 2009 Report Share Posted يناير 19, 2009 هلا وغلا شلونكم بووووووه من دهر ماكتبت موضوع وقبل لا اكتب الموضوع باعطيكم نصيحه اذا واحد راح محل وجافه توه بيصك على طول خل يخف ريوله ويسئل فاتحين اخوي او فاتح اخوي اذا سئلت فاتحين اخوي وقال اي لاتعطيه مجال يكمل لانه بيقول بنصك فعلى طول قول اها فاتحين وله غامجين ههههههههههههههههه واذا قال فاتح بعد لاتعطيه مجال على طول قوله اها عبالي غامج هههههههههههههههه بس عن جد مالي شغل بالنتايج انه مجرب مع انه طلع السؤال عفوي والله مايستفاد من النصيحه الهروب نص الشجاعه المهم اعزائي المستمعين في كل عائله كريمه لازم تحصلون اشخاص متكررين تكررا التكرير مو المقصود فيه اهني تكرير السكر ولا البترول لاتروحون بعيد متكررين بالخواص اول حاله متكرره على مر العصور الشخص خفيف الطينه والي يخلي القعده حلوه هاذي عادة مايكون لسانه زفر شويونه ولو يقول بس صباح الخير الكل بيضحك كاتب وله شاعر العائله هاي بيكون عود شوي في السن وترى مو المقصود هني بالعود انه عود العصير لا لا ولا السن بالضرس المهم هاذي اليهال يعتبرونه ملل لانه موب عارفين شنهو يقول والكبار بيقعدون يمه يسون روحهم متاثرين في اشعاره بس يتمنون لو يمر عليهم خفيف الدم ويفكهم من محنتهم هههههههههههه عقارة العايله هاي في اغلب الاحيان بتكون زوجة احد الاعمام وله زوجة واحد من عيال العمام مادري ليش لاتسئلوني ليش المهم هذي عندهة اخبار العايله كلهة من طق طق لي السلام عليكم وهذي ماتحس بأهميتها وبدورهة الفعال في العايله الا اذا واحد سئلهة عن اخر التطورات في العايله والاعظم عقب ماتقولك التطورات تحلفك وتخليك اتيدد وتصلي علشان ماتيب طاري اسمهة انيي حق المش موهندسة السي سيده الملككه غنية العايله هاذي الكل حاسدهة على ثيابهة وخدمهة وسيارتهة وبيتهة وغالبا ماتكون مركز النظر حق نسوان العايله عقارة العايله تلاحقهة من مكان لي مكان حق تقول وين راحت وشنهو كلت وشنهو شرت وغالبا ماتحجى من طرف اذونهة مادري خشمهة وسوالفهة كله عن خدامتهة البنغاليه وله عن هوشتهة معا الخدامه الاندونسيه انيي حق مفشل العايله هاذي طاق الدنيا بجوتي الله يعزكم همه بطنه وغالبا مايكون طالع من المدرسه وعاله على العايله من مركز لي مركز من بلوه لي بلوه والكل يخاف من لانه بايع الدنيا وتلاقونه مسوي حزب بس معا خفيف الدم حق التنكيت وبس انيي حق كبير العايله وهذي لين يتكلم لازم اتسدبوزك وتقعد تسمع قصته يوم تهاوش معا اربعين واحد وصفق فيهم الي عادهة ستين مره وحسك عينك بس يصيح تلفونك وترد عليه عادي يصب القهوه على بوزك ويخليك عبره لمن لايعتبر ونص سوالفه شلخ يحب يطلع له بطولات انيي حق عزابي العايله هاذي في اغلب الاحيان يكون حلو وكشخه ورزه اي واحد يبي يجوفه لازم ياخذ له فره على المجمعات الستي سنتر وله السيف يطقون له درب بيتهم بس حقيصيدونه ويسلمون عليه وفي كل قعده معاه لازم يتحجى عن حبيباته وغالبا مايطق عمره 40 ومايتزوج من الديون الي على ظهره انيي حق بنوتة العايله هاذي اتيك صاروخ ارض جو ماتشابه احد جمالهة شي موطبيعي تحب تقعد معا نسوان العايله حق يتحجون عنهة وعن جمالهة ودائما ماتسسب مشاكل بين صبيان العايله الكل يبي يتزوجهة انيي حق كمبيوترجي العايله هاذي سنين وبنين مسبه ومعقد وكله بروحه ومن عقب طفرة الكمبيوتر صارة له شخصيه امه في كل سالفه لازم تقول الحين باطرش لكم خبير الكمبيوتر انيي حق طفل العايله هاذي عاد في صوب الدلع والطلبات اوامر واذا يصيح يعني خلاص وقفت الدنيا تلاقون امه مستانسه عليه كل شوي تقول ماشاء الله عليه كانهة الوحيده الي عندهة ياهل مزاجي اي شي يبيه يعني خلاص باسمه لاتبطل يمه بيبسي ولاتاكل شي يمه لانه في النهايه بيخليك اطالع واهوه ياكل ولا يشرب في اغلب الاحيان محد ياكل او يشرب عقبه يشرب نقطه من البيبسي بطريقه تخليك تراجع نفسك مليون مره قبل لاتشرب عقبه يعتبر روحه سوبر من البيت تسمعه يصارخ بقمة راسه تركض تبي تشوف شفيه الا يقلد لك مصارع وله يبي يركب على الطوفه يازعم سبيادر من عنبوك قعد لايكون بريعصي في النهايه لا احد يزعل الموضوع خيالي بس ممزوج بجزء لو بسيط من الواقع وللاسف انه صارت في عوايل وايد الاقارب = العقارب اتمنى عجبكم الموضوع وهذا ماخطه وماعزفه كيبوردي وتحياتي المحرقيه وبث خلاث Link to comment Share on other sites More sharing options...
Sheeva Posted يناير 19, 2009 Report Share Posted يناير 19, 2009 ابداع رهيب و مش طبيعي يا بياع .. و انا من اليوم بطيّح في الـ سيتي سينتر .. و السيف .. لغاية في نفس يعقوب P: Link to comment Share on other sites More sharing options...
حشمه Posted يناير 19, 2009 Report Share Posted يناير 19, 2009 يعطيك العاافيه بياااع قلوووب موضوعك وااايد حلوو ووفعلا مثل ماذكرت فيه من الوااقع وايد قواك الله شيخهم Link to comment Share on other sites More sharing options...
ام عبادي Posted يناير 19, 2009 Report Share Posted يناير 19, 2009 موضوع رااائع ابدعت الصراحة يعطيك العافية Link to comment Share on other sites More sharing options...
غفران الحلوه Posted يناير 19, 2009 Report Share Posted يناير 19, 2009 يسلمو بياعووووو Link to comment Share on other sites More sharing options...
عاشقة الاخوة 27 Posted يناير 19, 2009 Report Share Posted يناير 19, 2009 كل الاوادم اللي قلتهم اعتقد عندنه منهم في العيلة . الا كبير العيلة الله يرحمه . و بنوتة و طفل العيلة <<<< هالاشكال ما عندنه ولا نتعامل معاهم . Link to comment Share on other sites More sharing options...
* أصداف * Posted يناير 19, 2009 Report Share Posted يناير 19, 2009 هههههههههههههههههه الي عجبتني صج صج سالفة فاتحين وغامجين شكلي باجربها عاد اخاف انطق الكاتب والشاعر شوف احسن حل نسوي اللي باراويك وهو ======= مشكور على الموضوع يا الهذار انت Link to comment Share on other sites More sharing options...
خلاص ببعد Posted يناير 19, 2009 Report Share Posted يناير 19, 2009 ابدااع يسلموو ماقصرت ... Link to comment Share on other sites More sharing options...
me-me Posted يناير 19, 2009 Report Share Posted يناير 19, 2009 هههههههههههه في ناس من الي قلتهم عدنه يسلمووووش بياعوو Link to comment Share on other sites More sharing options...
بنت حفيت Posted يناير 19, 2009 Report Share Posted يناير 19, 2009 اي والله بياع يبتها على الصميم عاد انا اكره شي عندي لما اكون مندمجة في سالفه ومن صجي واحاجيه بجدية وكل شي ويجي مرة وحدة ويقولي صج عاد اذا قتله تلفزيون يقولي تلفزيون ولا طفاية اقوله ازرق يقولي صج عبالي اسود صج صج ينرفزني وهو على باله تره قاعد يضحكني الحين ويتميلح علي وانا صايرة حمراء من الضيقة بس بسال سوال: ليش دايما الي خفيف طينة ويسوي جو لسانه زفر وينقلب العكس يكون حده مليغ؟؟؟ Link to comment Share on other sites More sharing options...
Recommended Posts