احمد اسماعيل Posted فبراير 23, 2009 Report Share Posted فبراير 23, 2009 (edited) المزدوجون الحلقه الاولى مشهد 1 منزل سعيد نهار دخلى *يظهر سعيد شابا اماراتيا اقترب من الثلاثين من عمره ذو قوام رياضى شيك وملامح جذابه وهو يصلى صلاة الفجر فى بيته *يتسع الكادر ليظهر طفل صغير فى الثالثة من عمره جميل الملامح ...خمرى البشره تعشقه العين من اول مرة تراه ..يبدو عليه خفة الدم وهو يقف بجوار والده وهو يقلد والده ويصلى بجواره *تظهر الام منال زوجه شابه جميلة الملامح رشيقه لها وجه ذو ملامح اخاذه وعيون بريئه .ووجها ابيض بياض اللبن الحليب ...وشعرها اسود كسواد الليل ينساب فوق اكتافها وهى تنظر لزوجها وابنها وعلى وجهها ابتسامه رقيقه وهى ترفع يديها للسماء شاكرة نعمة ربها ان من عليها بزوج حنون وابن جميل قطع مشهد 2 شقة احمد نهار داخلى *يظهر شاب ليس بالقصير ولا بالطويل .. .واخذ الصلع يزحف تدريجيا فى شعر راسه ذو ملامح طيبه وهو يصلى وتدخل زوجته فينان وهى مرتديه روب نوم مخطط ليس فيه اى نوع من الانوثه وتحت الروب فانله برقبه ونكشت شعرها وتبدو انها مشغوله بالف حاجه وحاجه وهى ترتب السرير بعصبيه وتضرب السرير بقوه واحمد يلمحها بطرف عينيه وهو يصلى بعصبيه فينان : قلت ميت مره كل واحد فى ام البييت دا يرتب حاجته هوه انا هاعمل ايه ولا ايه!! *احمد يختم صلاته وينظر لفينان بخوف وضيق يرفع يديه للسماء احمد : اللهم انى لا اسالك رد القضاء بل اسالك اللطف فيه..اللهم حوالينا ولا علينا ..اللهم اكشف عنا عزابك وغضبك وسخطك *فينان تنظر اليه بدهشه وهو مندمج فى الدعاء وتتركه وتخرج قطع مشهد3 منزل سعيد نهار داخلى حجرة الطعام *تظهر منال وهى تعد ساندوتشات لمحمد وتعطى له بيضه لياكلها بضيق محمد : ماباغى بيض يا ماما!! بتاكيد بمنال : ثانى وثالث ورابع يا محمد يا حبيب قلبى *يتسع الكادر ليظهر سعيد وقد ارتدى ملابسه وظهر فى غاية الشياكه متسائلا بضحك سعيد : ليش محمد حبيب بابا يصيح؟ بزعل محمد : ماما تريد توكلنى بيض بزعل منال: ما يريد ياكل بيض بتمثيل سعيد: لا ..لا.يا محمد كيف تريد تكون بطل كاراتيه ولاعب كوره من غير البيض متسائلا البيض دا فيه ايه؟ بحزن محمد : كالسيوم بمكر سعيد : وايش فايدته؟ بزعل محمد : يخلى العظام قويه..عارف بتمثيل سعيد : كداك ممكن تهزمنى بحديه محمد : بجد يا بابا!! -سعيديهز راسه بالايجاب بابتسامه فيبدا ميدو فى اكل البيض بحماس سعيد : برافو ميدو بطل الابطال اللى اسرع من سابق مكملا محمد : ولاحق بهمس لبانسيه سعيد : مين لاحق دا؟ بابتسامه منال: لا دا انت معلوماتك على قدك..دا فيه سابق ولاحق ومارتن وبات مان مكملا محمد : وسبيدر مان وتويتى بمكر سعيد : ياه انا كدا لازم اقعد معاكى علشان اتعلم بهمس منال: بجد!! بهمس سعيد: اه والنعمه بهمس منال :تتعلم ايه بالظبط؟ بهمس سعيد: كل حاجه من الاف للياء ايه رايك ما تيجى ناخد اجازه النهارده وتقعدى تعلمينى تبتعد عنه منال : لا دا انت صاحى رايق مقاطعا محمد : تعاللى يا بابا وانا اعلمك *الاثنان ينظران لمحمد بدهشه بدهشه سعيد : تعلمنى ايه يا حبيبى ؟ ببراءه محمد: الالف والياء *الاثنان ينفجران فى الضحك ويمسكان محمد بحنيه وينهالان عليه تقبيلا ويستغلها سعيد فرصه ويحاول ان يقبل منال قبله سريعه ولكنها تبتعد بسرعه وبخفه وقد تعالت ضحكاتها.... قطع مشهد4 شقة احمد نهار داخلى *يظهر احمد وهو مشغول بالانتهاء من الباس ابنته همس وهى طفله فى نفس عمر محمد *وتقترب فينان وعلى وجهها علامات الجديه وهى تحاول ان تاكل فينان بالعافيه بضيق همس : كفايه يا ماما بجديه فينان : ما اسمعش صوتك قولى حاضر يرد احمد: حاضر بضيق فينان : هى اللى تقول فاهم *يهز احمدراسه بخوف بخوف همس : حاضر ..حاضر حاضر.استريحتى يا ماما *احمد ينظر لفينان بشماته وهو يكتم ضحكاته وتنظر اليه بغضب فيكتم ضحكاته قطع مشهد 5 حضانة اطفال نهار خارجى *تقف سيارة احمد وهى سياره معقوله ليست بالموديل الحديث جدا جدا وبجواره فينان وهمس بالكرسى الخلفى بامر فينان : معاكى ساندوتشاتك؟ بضيق همس :ايوه متسائله فينان : كام واحد؟ بضيق همس : زى كل يوم؟ بجديه فينان: انطقى ايه هم؟ بضيق همس : فول وطعميه وجبنه وبيض بضيق اتهريت بيض دا انا اصفريت احمد: اه والله يا همس ابوكى اتهرى من المقرر دا بعصبيه فينان : بنت!! بضيق همس : حاضر حاضر حاضر بهمس لهمس احمد: ما علهش يا حبيبتى دا كورس بهمس همس : انت كمان يا بابا؟ بخوف احمد: ايوه يا روح قلبى بحزن همس : يا حرام بهمس ما تطلقها ونخلص بهمس احمد : ما اقدرش يا روحى بعصبيه فينان : بتقولوا ايه؟ بتمثيل احمد: تخلصى الساندوتشات دى كلها فاهمه!! *يغمز احمد لهمس بعينيه فتغمز له وهى تنزل من باب السياره وتتجه الى باب الحضانه *يتسع الكادر ليظهر سعيد بسيارته موديل حديث وبجواره بانسيه ومحمد فى الخلف وهما يقبلانه وينزل محمد متجها الى الحضانه بينما تتبادلان فينان وبانسيه تحية الصباح باشاره معينه احمد: سعده ما تنساش باشاره معينه سعيد : وانا اقدر لبانسيه فينان : وانت موافقه على كدا؟ باببتسامه بانسيه :ما باليد حيله سيبيهم على راحتهم بياس احمد : شويه افراج بضيق فينان : ليه محبوس !! بتمنى احمد : يا ريت دا المسجون عارف هيطلع امتى مؤيدا سعيد: تابيده يا صاحبى بخوف احمد: سلام لانك هتودينا فى داهيه *ينطلق سعيد بالسياره ومنال تضحك بينما تنظر فينان بضيق لاحمد بضيق فينان : مؤبد ..ماشى ماشى بخوف احمد: يا مه قطع مشهد 6 سيارة سعيد نهار داخلى *سعيد ينطلق بسيارته وبجواره بانسيه وهى تنظر اليه بابتسامه بمكر منال : بس ايه ايه الشياكه يا حماده مبتسما سعيد : بعض ما عندكم يا باشا بمكر منال : يا بخت عملاء البنك برومانسيه سعيد: يا ريتنى تلميذ شقى عندك بدلع منال : يا سلام!! بمكر سعيد : اه بس بشرط . بابتسامه منال: ايه هو؟ بمكر سعيد: اكون فى التخته الاولى بمكر منال : اشمعنى!! بمكر سعيد: لا دى حاجات سريه ضاحكه منال : شكلك كنت تلميذ مكار وشقى وبتاع مشاكل بتمثيل سعيد : لا دا انا مسكين والله بابتسامه منال : طب سوق وبص قدامك يا غلبان قطع مشهد 7 سيارة احمد نهار داخلى *احمد يقود سيارته وفينان بجواره تاكل فى ساندوتش فول و طعميه. احمد ينتبه الى سياره موديل حديث تقودها فتاه رائعة الجمال ومثيره جدا جدا *احمديبدا ياكل فى اصابعه واظافره من الغيظ بحسره لنفسه احمد: جتنا نيله فى حظنا الهباب *فينان مشغوله بالاكل وتنتبه الفتاه المثيره اليه فتبتسم ابتسامه رائعه بابتسامه احمد : صباح الفل والياسمين وهى تاكل فينان :ما تنساش تجيب الخضار بابتسامه احمد : هو القمر بيطلع بالنهار وهى تاكل فينان : واللحمه بابتسامه احمد : يا بخت امه ابن المحظوظه *تضحك الفتاه ضحكه عاليه مثيره وتنطلق بسيارتها *تنتبه فينان الى تلك الفتاه فترتسم على وجهها علامات الغضب بتمثيل احمد: قلة ادب ومسخره بهدؤ فينان : خلاص خلص علشان اوصل المدرسه بتمثيل احمد : شفتى قلة الادب وايه اللى لبساه وعملاه فى نفسها!! بعصبيه فينان : هو انت كنت بتسوق ولا بتبصص!! بهدؤ احمد : انا ابصص ليه!هى المياصه والمسلوعه دى تملى عينى!! اناعينى مليانه للاخريا فينو انت يا فينو وهى تاكل فينان : طب سوق ضاحكا احمد : هسوق يا فينو يا مشبعنى بهمس يا مطفحنى بدلع فينان:دا هى حتى شبه زعزوعة القصب بحسره احمد: مهما كانت قصب وهو ينظر اليها مش جميز!! قطع مشهد8 بوابة مدرسه نهار خارجى *عرض لمنال وهى توقع حضور وهى واقفه امام المنسقه التخينه ولها وجه جميل ولكن حظها قليل فى الحصول على عريس فتطلع عقدها على زميلاتها ولكنه ما ان تغضب حتى تهدى من اول كلمه طيبه لان قلبها طيب جدا جدا *منال تقبل هدى على خدها قبله واحده بابتسامه منال : صباح الخير يا هدى بابتسامه هدى : كيفك وكيف محمد؟ توقع ثانيه منالك بخير يا هدى بخير بعصبيه هدى : وقعت حضور لمين يا منال!! بتردد منال: انا...لا ..مين.ازاى بعصبيه هدى: انا خبرتك ما توقعى بدلا من اى حد يا منال *تدخل فينان وهى تنظر لساعتها ومعها اثنان من زميلاتها يتبادلان تحية الصباح مع منال وهدى بابتسامه الجميع :صباح الخير يا احلى هدى *بجديه تسحب هدى دفتر الحضور ولا ترد التحيه وعلامات القلق على وجوه الموظفات وهى تضع دفتر التاخير بجديه هدى : تاخير ....تاخير... *ما ان تسمع فينان تلك الكلمه حتى يتحول وجهها الى الحاله الخطيره من الغضب وتلمحها منال فتسحبها من يدها بقوه وتبعدها عن هدى وتهمس لها فترتسم الضحكه على وجه فينان بينما تدخل هدى فى حاله من الجدال مع باقى المدرسات قطع مشهد 9 بوابة مدرسة نهار خارجى مدرسة احمد *يظهر احمدوهو يدخل من بوابة المدرسه وهو يحمل كيس به الساندوتشات *ويلمحه خليفه العامل بالمدرسه وهو رجل نحيف الجسم تعدى الاربعين من عمره خفيف الحركه وخفيف الدم مبتسما خليفه : كيف حاللك استاذ احمد سعيدبابتسامه احمد : ازيك يا عبده بابتسامه خليفه: بخير طول ما انت بخير يا استاذنا بهمس احمد : شكلك مستحمى يا عفريت ضاحكا خليفه : ياللا حسن الختام يا استاذنا ضاحكا احمد : يار اجل يا عكروت بطل عفرته بمكر خليفه :البركه فيكم انتم يا شباب بحسره احمد: شباب !!ربنا يسامحك يا طيب *يتركه احمد وهو يدخل الى مبنى المدرسه لنفسه بحسره احمد : قال شباب قال!! *خليفه ينظر للاستاذ احمد بدهشه ويقلب يديه كفا بكف بحسره عبده : يا الف خساره على الرجاله قطع مشهد 10 البنك نهار داخلى *سعيد يدخل البنك ويسلم على الجميع بحب وبصوره تعبر عن حب الجميع له *ويسلم على احد رجال الامن متسائلا بهمس سعيد:ايش اخبار الامن يا قاسم؟ بابتسامه وثقه قاسم: الامن مستقر والحمد لله يربت سعيد على كتف رجل الامن بابتسامه سعيد: دى فلوس ناس...بين ايديكم بخوف يا خوفى لتسرقوا البنك انت وعصابة الامن اللى معاك يا قاسم -ترتسم الابتسامه على وجه قاسم بثقه وابتسامه قاسم: فكره زين استاذ سعيد .. ايش رايك نسرقه سوا!! -ينظر اليه احمد بدهشه ثم ترتسم ابتسامه على وجهه مكان الدهشه بتفكير سعيد: والله فكره زين ...هفكر فيها ورد عليك بس جهز العصابه قطع فوتومونتاج *لقطه لاحمد وهو فى الفصل يشرح بكل همه وجديه والطلبه مندمجين معه فى الشرح والاجابه *عرض لاحمد وهو يوزع اوراق الاسئله على الطلبه *عرض له وهو يصحح اوارق الاجابه *عرض له وهو يوزع اوراق الاجابه على الطلبه ويهنىء الطلبه المتفوقين ويمسك بودان الطلبه الضعفاء ويحثهم على المذاكره *عرض له وهو فى طابور المدرسه يوزع الهدايا على الطلبه المتفوقين ومعه السيد مدير المدرسه -عرض له فى غرفة المدرسين وهو يتناول القهوه مع المعلمين وهو فى حاله من الالفه والاخوه مع طاقم المدرسين قطع مشهد 11 فصل بنات نهار داخلى *تظهر فينان وهى تشرح داخل الفصل لبنات فى المرحله الاعداديه وهى تمسك عصا فى يدها وتشرح بكل جديه وتلمح طالبه سرحانه وهى مهتمه بشىء ما فى الدرج فتتقدم منها فينان بخفه وتنقض عليها وتخرج الورقه من الدرج وتنظر للطالبه نظرات غاضبه والفتاه فى حالة رعب قطع مشهد 12 فصل بنات نهار داخلى قاعة الرسم *تظهر بانسيه وهى موزعه البنات فى مجموعات وهن يرسمن وهى تقوم بالاشراف والمرور عليهم برقه وحب وحنيه والبنات يعرضن رسومهن على مس بانسيه وهى تشجعهم وتمدح اداءهم وتقدم النصح بطريق غير مباشره وحاله من الحب والفرح على وجوه الطالبلات وهن فى حالة انسجام مع معلمتهم قطع مشهد 13 البورصه ن/د يظهر رجل الاعمال المعروف طلال وهو يتابع بقلق واهتمام اخبار البورصه المحليه والعالميه ومعه وكيل شاب مصرى هو القائم على اعماله بالبورصه بقلق طلال:ايش الاخبار ياصلاح طمنى!! بهدؤ صلاح: اطمن يا طلال باشا...الاسهم اللى اشتريناها ارتفعت قيمة السهم بحوالى 10الميه بابتسامه طلال: ربنا يطمنك يا صلاح... بقلق بس انا لن امشى انا جالس لاخر اليوم حتى طمئن قلبى قطع فوتومونتاج *عرض لسعيد وهو يعمل على جهاز الحاسوب بكل همه ونشاط *عرض له وهو يوقع على بعض الاوراق *عرض له وقد لمح ان هناك مشكلة بين عميل وموظف فى البنك فيتدخل برقه وبهدؤ ويحل المشكله بسلاسه *عرض له وهو يستلم درزن من الجاتوهات من سالم العامل فى البنك والذى يحمل وجه رجل طيب وقد تعدى الخمسين من عمره ويبدو عليه التعب فيساعده سعيد فى حمل الجاتوهات وتوزيعها على الموظفين فى البنك بكل حب واخوه *عرض له وهو يوزع مشروبات بارده على زملائه *عرض لحاله من الحب والاخوه التى تربط بين سعيد وزملاءه والعمال فى البنك قطع مشهد 14 بوفيه البنك نهار داخلى *يظهر سالم وهو جالس بالبوفيه لوحده ويتسع الكادر ليظهر سعيد حاملا قطعة جاتوه وزجاجه بارد بحب سعيد : كيفك يا راجل يا طيب بحب سالم: بخير طول ما انت بخير يا استاذ سعيد بدهشه ايه دا يا استاذ سعيد!!انت بنفسك جاى لغاية هنا!! بحب سعيد: اه انا بنفسى ..فيها ايه يا راجل يا طيب بدهشه سالم: بس دا كتير يا استاذ سعيد بحب سعيد: سيبك من الكلام دا وقولى اخبار بنتك ايه؟ بحب سالم: بخير والحمد لله *يظهر سعيد د رزن جاتوه بابتسامه سعيد: هذى ليها .. *يخرج سعيد من البوفيه ويترك خليفه وهو يتابعه بنظرات كلها حب بحب سالم : ربنا يحبب فيك خلقه يا سعيديا بنى قطع مشهد 15 محل خضار نهار خارجى *يظهر سعيد وهو فى سوق الخضار وهو يشترى بعض الخضار الطازج ويحاول ان يكون ناصح ويختار الخضار الجيد وبجواره سيده جميله يبدو على ملامحها اناه شاميه وهى تشترى خضار بعنايه وتنظر اليه بدهشه وهو ينقى الباميه ويختار الطويله منها فيبتسم اليها بدهشه السيده : ايش بتعمل ايه؟ بابتسامه سعيد : بنقى بطيخ قصدى باميه بدهشه السيده : وهادى اللى انت نقيتها!! بعفويه سعيد : اه بابتسامه السيده: كلها طويله!! بمكر سعيد : اصل انا بموت فى كل حاجه طويله *ينظر سعيد بمكر الى قوام السيده وساقيها الطويلتين بمكر السيده: مش فى كل حاجه الطول زين بمكر سعيد : معلومه جديده بمكر السيده : فى الباميه نقى القصيره تبقى الز واحلى فى الاكل بابتسامه سعيد : الوالده هتشكرك قوى بدهشه السيده : ليه هو مش بتنقى لمراتك ضاحكا سعيد:مراتى!!لسه شويه على سجن الزوجيه قصدى عش الزوجيه ضاحكه السيده : شكلك مكار ودمك خفيف يعرف نفسه سعيد : سعيد اسمى سعيد تسلم عليه السيده: سها مجدى *يتسع الكادر ليظهر بائع الخضار وهو يراقب الموقف بدهشه لنفسه البائع : كل دا من الباميه وانا طول عمرى ببيعها الا ما فيش معزه او جاموسه عبرتنى قطع اخواتى الاعزاء من يريد ان يتواصل معى ليغرف احداث المسلسلportsaid55@yahoo مشهد 16 محل فرارجى نهار داخلى *يظهر احمد وهو فى محل دجاج وهو يشترى فرخه ويتاكد بحرص انها تمام التمام والا فينان هتنغص عليه عشته ويخل فى الكادر بائع الدجاج وهو عوضين صعيدى من مصر ولم ينذل البلد منذ اكثر من عشر سنوات وهو يختار دجاجه احمد: مش هتنزل البلد يا عوضين؟ بابتسامه عوضين: لسه ربنا ما اردش يا استاذ احمد بدهشه احمد: عشر سنين وربنا ما اردش!! ناصحا بشده ارحم نفسك بقى يا عوضين وانزل شوف الحرمه والعيال تلاقيهم اتجوزوا وخلفوا -ترتسم ابتسامه كبيره على وجه عوضين وهو يتابع احمد *احمد يمسك بالفرخه ولا تعجبه فيرجعها للبائع بضيق عوضين : مش عجباك دى يا استاذ احمد!! *احمد يهز راسه بالايجاب ضاحكا عوضين : الظاهرالحكومه عندك شديده جوى يا ا/احمد بلهجه صعيدى احمد:جوى جوى يا عوضين ضاحكا عوضين: ربنا يكون فى عونك يا ا/احمد يقدم له اخرى دى كويسه جوى متاكدا احمد : اوعى تسلمنى يا عوضين ضاحكا عوضين: عيب يا ا/احمد ..انا عارف النوع دا كويس بيورد عليا منهم كتير جوى بدهشه احمد: من مين؟ بتلقائيه عوضين: من اللى بياخدوا اومر عسكريه من حريمهم *ينفجر عوضين فى الضحك الشديد بضيق احمد : طب ادبح الفرخه وخلصنى ضاحكا عوضين : مش لم تدبح انت الجطه *عوضين ينفجر فى الضحك واحمدينظر اليه بضيق يتحول الى دهشه ثم الى حاله مماثله من الضحك الشديد هو وعوضين ويتسع الكادر ليظهر زوج تسحبه زوجته من يده وكانه تابع لها وهما ينظران لعوضين واحمد بدهشه وما ان يراهما عوضين واحمد عى هذا الوضع فينظران الى بعضهما البعض وينفجران فى الضحك مرة اخرى والزوجان ينظران اليهما بدهشه بغضب الزوجه : قلة ادب لزوجها ياللا بينا مطيعا الزوج : وراكى يا حبيبتى وراكى عرض لوقوع عوضين واحمد من الاندماج فى الضحك قطع مشهد 17 امام حضانة نار خارجى *يظهر احمد وسعيد وهما ينتظران خروج ميدو وهمس من الحضانه بجديه سعيد: ما تتاخرش الليله بابتسامه احمد : هخلص اخر مجموعه واجيللك هوا *يتسع الكادر ليظهر كلا من مودى وهمس وهما يخرجان من الحضانه وهما ممسكان بايدى ايديهما البعض بابتسامه سعيد : هبلغ عنك الضرايب بابتسامه احمد:تبيع اخوك يا احمد *احمد يهز راسه ضاحكا ويحتضن احمد ميدو وسعيد يحتضن همس بابتسامه لميدو احمد: حافظ الفاتحه يا محمد ببراءه محمد : حافظها يا عمو بمكر سعيد: انسى تريدنى ازوجه بنتك محمد هيتزوج اماراتيه ببراءه همس : انا حفظاها يا عمو *سعيد يحتضنها ويرفعها فى الهواء بحب ضاحكا سعيد : علشان خاطر القمر دا بس وربنا يصبرنا على ابوها و.. بتهديد احمد :وايه؟ما تكمل لو راجل؟ بخوف سعيد: لا يا عم من خاف سلم مودعا سلام حاكم انتم يا مصريين فراعنه ببكاء تمثيلى احمد: دا كا ن زمان...كنا فراعنا بجد وعملنا احلى مسلات فى الدنيا متسائلا بقلق سعيد: وكيف الحال الان؟ بياس وتمثيل احمد: عليه العوض ومنه العوض خلاص خلصنا وما عدش ولا فرعون واحد يعمل حتى مسله واحده بهمس لميدو احمد: شفت يا ميدو ابوك خواف ضاحكا سعيد: سبتيلك الشجاعه كلها يا سبع الفلا لمحمد ياللا يا محمد قبل ما تشوف عمو وهو بيتاكل *عرض لاحمد وهو يقبل محمد وهمس ومحمد يتبادلان التحيه والاشارات ويتجه كل واحد بابنه وابنته للسياره وينطلقا قطع مشهد 18 شقة سعيد نهار داخلى المطبخ *منال مشغوله باعداد الغداء ويقترب سعيد ممسكا بتفاحه وهو يغنى لها مغنيا سعيد: وانا والنعمه دى بحبك قد النيا دى بحبك *تبحث بانسيه عن شىء تحلف عليه فلا تجد الا بصله مغنيه بانسيه : وانا والنعمه دى بحبك قد الدنيا دى بحبك *يتسع الكادر ليظهر محمد وهو ممسكا بعلبة ايس كريم مغنيا محمد: وانا والنعمه دى بحبكم قد الدنيا دى بحبكم *عرض لهما وهما يحتضناه سويا وهما فى منتهى الفرحه والسعاده قطع مشهد19 شقة احمد نهار داخلى المطبخ *يظهراحمد وهو مرتدى المريله ويساعد فينان وهى فى المطبخ وهو يقطع بصل وامتلات عيونه دموعا بجديه فينان: خلصت تقطيع البصل!! بمعاناه احمد : لسه ..انا قلت اغسل وبلاش حكاية تقطيع البصل يا فينو بجديه فينان : شهل... شهل..عايزين نخلص ورايا شغل كتير متسائلا احمد: عندك كام مجموعه!! وهى تطهو فينان :خمسه ...وانت؟ بمعاناه احمد : سته بجديه فينان: اظبط المنبه لكل مجموعه 60دقيقه بالتمام والكمال ما تزودش ولا دقيقه وهو يقطع البصل احمد: ممكن اقلل يا فينو!! وهى تطهو فينان: فى دى ممكن قطع مشهد 20 شقة سعيد نهار داخلى السفره *تظهر الاسره الصغيره وهى تتناول طعام الغداء *يمسك سعيدبقطعه من الدجاج ويعزم بها على منال ضاحكا سعيد : من هياكل هدى!! ضاحكا محمد : ماما رافضه منال : ما اجدر يا سعيد بالحاح سعيد : ومن اجل خاطرى ضاحكا محمد: وخاطرى انا كمان *تهز منال راسها بالنفى والرفض وهى تكتم ضحكاتها بغضب سعيد : شفت ماما يا محمد ...ماليش خاطر انا وانت عندها بزعل محمد: ليش ماما ليش!! *تهز راسها بالنفى بالحاح سعيد : يارب اموت لو ما اكلتيها.. يارب اللى ياكلها غيرك يموت *تنظر اليه منال بعتاب وامام الحاحه تضطر الى ان تفتح فمها وما ان تفتح فمها لكى يضع فيه سعيد الاكل يفاجئها سعيد بوضع الاكل فى فمه هو بلا مبالاه مع ضحكات محمد وهى تنظر اليه بضيق وسعيد يتبادل اشارات بيده مع محمد دليلا على انتصاره على منال قطع منتظر رد الفنانه شيماء ودود من الاعضاء ************ Edited فبراير 24, 2009 by Mis GoGo Quote Link to comment Share on other sites More sharing options...
Mis GoGo Posted فبراير 24, 2009 Report Share Posted فبراير 24, 2009 يعطيك العافيه خيو ع العمل الفني لكن للحين اونه موفاهمه ع العموووم تسلم Quote Link to comment Share on other sites More sharing options...
روح الـورد Posted فبراير 24, 2009 Report Share Posted فبراير 24, 2009 تسلم خـيو بـس مآفهمت شي للاسف شـديد Quote Link to comment Share on other sites More sharing options...
whenever Posted فبراير 24, 2009 Report Share Posted فبراير 24, 2009 مي تو ما اعرف شسالفة ..؟؟ ويعطيك العافية Quote Link to comment Share on other sites More sharing options...
بسكوتة منهوشة Posted فبراير 27, 2009 Report Share Posted فبراير 27, 2009 لآنة بعد ما فهمت ولا شيء عالعموم يعطيك العافية ع الجهد المبذول Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.