بيــــــرق الــــبحــــرين الــــيـــوم ( التصويت )

[برشلوني حتى النخاع]

بســـم الله الرحمن الرحيم

 

 

أسعدالله صباحكم مسائكم .. أي ما كان الوقت عندكم أحبتي الكرام بكل خير

 

الـــيوم وبما أن المنتدى فجر مفاجآته .. وبما انه وظف كل الأقسام في خدمة حملة ( إبداعك .. قلمك)

 

يحق لقسم القلم الأول .. وقسم الأبداع الأفضل.. القسم الذي يستعين بالأثنين .. حتى يكتمل .. ان يحتفل بهذه الحملة

 

(قـــسم الشعر )

 

 

 

فلا شعر .. الا اذا اقترن الأبداع بالقلم .. فتوج لنا الورق قصيداً تشتاق الأذن لسماعه وترنو العين لقراءته ..

 

الثلاثاء .. 20/4/2009م

 

 

 

مشاهدينا .. زوارنا ومحبينا ومتابعينا

 

اليوم .. راح تنطلق حملتنا والمستمرة 3 أيام ان شاء الله حتى يوم مساء الخميس 22/4/2009

 

راح تجوفون في الأسفل ..

 

نصوص شعرية كتباها وألفها اعضاء وعضوات من منتديات البحرين اليوم .. حصرياً لمنتديات البحرين اليوم ولمسابقة بيرق البحرين اليوم

 

 

والمطلوب ..

 

تصويتكم .. وقفتكم .. واختيار القصيدة الأفضل .. لتتوج صاحبة نقاط تأهله لإعتلاء منصة الأبداع

 

 

ضروري جداً تقرون الشروط قبل التصويت

 

 

شروط المسابقة ..

1. يحق للجميع التصويت بعد قراءة القصائد المشاركة كاملة .. وكما يحق لإصحاب القصائد التصويت لإختيار أفضل قصيدة

2. يرجى الابتعاد عن جميع اساليب الغش والخداع

3. يسمح بنشر أي تعليق يرفع من شان المسابقة والمتسابقين .. دون التعليق على القصائد

4. يمنع منعاً باتاً أن يقوم أي متسابق من المدونة أسمائهم ادناه بنشر وكتابة اي تعليق بتاتاً في هذا الموضوع

 

 

الأعضاء المشاركين ..(نرجو الأنتباه الى ان الأسماء ادناه ليست الا للذكر ولا تمت بصلة بترتيب القصائد)

 

1.طماطة خايسة

2. بثينة السندي

3.بنت حفيت

4. دلوووووعة زوجها وبس

5. دمــعة القــلب

6. البرنسيــــــــــسة

 

نذكر بان القصائد اللي راح تنذكر حالياً مالها علاقة بالترتيب اعلاه ...

 

قصيدة (أ)

 

اجرحت قلبي المسكين

 

بجروح كثيره كنها بسكين

 

ليتها ترجع الحين

 

وتضم قلبي بحنين

 

تعبت آشكي هم السنين

 

قاسيه مثل الحجر ماتلين

 

ودي هالكلام تسمعين

 

كل مره تغلطين

 

لي متى بجروحي مابتحسين ..؟؟

 

وعن دموعي تسكتين

 

حتى عن أخباري ما تسألين

 

تهدديني بأنج تروحين !

 

ترى إذا رحتي ما بانتظرج ترجعين

 

 

 

 

قصيدة (ب)

 

1.يـا عـديـم الـذوق مـنـي وشبـغـيـت..

لا تـقـرب مـنـي انـا طـبـعـي خـجـول..

2.لا يـغـرك مـظـهـري فـيـمـا بـديـت..

وأبصراحة كنت أنا منك خجول..

3.مـا تـلاقـي رغبـتـك فـيـمـا بـديـت..

لا تـسـرع فـي قـرارك يـامـيـول..

4.لـو تصـيـر مـن الـفـرح شـمـعـيـة طـغـيـت

اسأل الي ابتعد عني خجول

5.يـوم اجـامـل سلـوكـك لا مـاسـلـيـت..

لا تـفـكـرهـا مـحـبـة أو تـطـول..

6.رغـم تـعـذيـب الـزمـن فـيـمـا مـضـيـت..

أكره الراحة في وقت الوصول..

7.مـا يـفـيـد الـقـول حـتـى لـو حـكـيـت..

وأعـتـذر مـنـك وأنـا أيـضـاً خـجـول

 

 

قصيدة(ج)

 

جيتك أبكي في مماتك

 

بعد ما غبت عن حياتك

 

أغفر غيابي يا حبيبي

 

ربي يغفر سيئاتك

 

كل ما كان حولي أسود

 

بس أبيض كفنك يا أحمد

 

قلبك بعد أبيض وأبيض

 

فيه السماح عشش و وَرَد

 

 

ليتني كنت ميت مكانك

 

آه يا قسوة زمانك

 

عشت عمري خايف الموت

 

صرت أحبه .. بس عشانك

 

 

رد علي جاوبني قول

 

ما خبرتك أنت ذلول

 

يعني ساكت أنت ميت ؟

 

يعني ما في ايديني حلول ؟

 

بعطيك عمري لو يصير

 

ما يهمني شنهو المصير؟

 

جنة .. نار ولا صراط

 

هاذي حالي في الأخير !!

 

 

قصيدة (د)

 

ببتدي حرفي بااسم محمد النبي الكريم

 

الي عن البشر نزهه ربه الوافي العليم

 

 

يابشر سمعوا قصيدي واهتنوا به

 

من وليف عن البشر عالي مقامه

 

هالقصيدة من حبيب الى حبيبه

 

في ليالي العشق والحب اعتلوا به

 

في ديار العز ياناسي سكنهم

 

ربته امه وهله ومن عشق قلبي سكوبه

 

على الرجولة منشأة والدين دربه يارفوقه

 

 

قلبي اتشربك شبوكة من هواه وابتسامه

 

ضيعت دربي ياعروبة من جماله وابتهاله

 

كنت ويني وانت وينك ياشروقه

 

ياشروقه ياغروبه ياشمس داري

 

 

تذكر الموعد الاول في ليالينا الشروقة

 

اذكره نبضه قليبك يوم تقولي اسمعي دخلج خفوقه

 

من نبض قلبك رهوبه وهذي يدي منه صارت شفوقه

 

قلتلك هالكثر حبي خفف من دقاته لا تعوقه

 

ابتسمت وقلت ويلي خايفة علي يارقوقة

 

ابسمت نظرات عيني وقلت لي انتي سروقة

 

اسرقت قلبي عيونج والشعر على خدج حروقه

 

انحرق قلبي بحبج آآآه ياويلي عروقه

 

ياعروقه ياهمومه ياخفوقي ياعذوبه

 

قلت لي ذوبي بقلبي وانصهر تالي حروفه

 

ياخجولة يا جمالج ياصفاتج يا مملوحة

 

 

قلت لك بسك حبيبي من الغزل فيني رفوقه

 

قلت لي انا طليبج في الهوى كوني رفوقه

 

اقتربت اكثر وقلت لي ضميني انا غريمج

 

في هواج ضايع وحاير وين اروح من دروبه

 

لحت بوجهي من حياي وقلت لي انتي زهوقة؟؟

 

ولا انتي من حياج صرتي وردة ياودودة؟؟

 

ذبت في حضنك وتهت واسكرت تالي طروفه

 

في طروف الحب ضيعنا الدليل وآمنا العقوبة

 

اقربت مني شفاتك واحساس نفسك ياصعوبة

 

ياصعوبة اقترابك ياارتباك نفسي وقلبك وشوقه

 

قلت لك اني تأخرت لازم امشي والسموحة

 

قلت لي ليش لبستي ساعة الوقت الكئووبة

 

ابتسمت من خف دمك وقلت لك هاذي صدوقة

 

لازم البسها حبيبي هذي صديقة مواعيدنا الصدوقة

 

قلت لي لا تروحي وتتركيني في غروبة

 

من بعد هاذي الدقايق كيف أأبات ياحسوفة

 

قلت لك برجع حبيبي وأسعد بوجهك وأشوفه

 

قلت لي عطرج في ثوبي مااغسله وما اعوفه

 

ماابدله اسبوع لو كل الناس تشوفه وتعوبه

 

اضحكت ضحكة شفاتي من تساليك العذوبة

 

قلت لي آآيه فديتج هالضحك دايم وجوده

 

قلت لك خلني اروح لا نذوب من جديد

 

وننسى الساعة وأهلها ومانفوق من جديد

 

قلت لي أأمنتج الله وانا باقي على ذكراج

 

لين الله يكتب لنا موعد جديد ياعشق قلبي وشوقه...................

 

 

قصيدة (هــ)

 

شاعِريّة الهوى والقَلْب وكل الوِصال في حَنِينِي

أَسْكن في رُوحِ الأَمَل وآمال الرُّوح دايم تعتريني

أرسِم أحْلامِي فعيونِي وخْيوط العُمْر مرسومة فجبيني

وأطوِي صَفَحَات الأَلَم وأروِي إحْساسِي بيقينِي

أضْحك وأغرِّد، وأرْفَع راية السّعد لأنافي ونّي وأنينِي،،،

 

تزْحَفْ عيوني وتهتف رموش الوَلَه لك ياماخِذ كل أمنياتِي

أبتدي صَفْحة غرام وأكتبك في بِيضْ صَفَحَات ذكرَياتِي

هذا القلم شامِخ، حامِل أوَّلْ حروف وشادِي لأحْلى أبياتِي

في كل سَطَر أنقِش إسْمك وإسْمك قايد أولويَّات كتاباتي

أشيلكْ بهذا الكَفّ وتبقى داخل اليوف بروحِي محفوف وماتحاتِي،،،

 

شفْت السَّعد في ويهك من أوَّل إخفاق للنَّكَد ومن هذي المَسِيرة

قمْت وإلتفَت يمين ويسار لدوّر عالويه الألِيف في هذي الدِّيرة

عشانِك وإنته عيوني، لقيتك لاهم في شوفك ولا حِيرة

متيقّنة،، متربّعة على عرشك وأنا لك ذِيج الأميرة..

كلّهم يدرون إنّي لك عَرُوْسِ الصُّبح،، وإنيّ الأولى الأخيرة،،،

 

 

قصيدة ( و )

 

بعد ما سامحتها تلومني .....

 

 

هذي جزات إلي يسامح و ينسى

 

يلومونك !!

 

يحسبون أنت واحد مثلهم يقسى

 

يكلمني و يقول لي افهم المغزى

 

يعني هذي جزات الي يسامح و ينسى ؟!

 

أبيك تفهمني عندي لك ذكرى !

 

آلام وجروح و فراق و غير هذا ما ألقى

 

وش فايده أنا بقلبك أبقى

 

بدام أنت كرهت و أنت أدرى

 

متحسف على صحبتي في شئ ينقال أقوى

 

قربك مني تراه فيه قسوى

 

و بعدك عني تراه فيه راحه و نزوى

 

علشان أكون لك قدوى / و ما تلعب بالقلوب و الهوى

 

على رغم أنت غالي و تسوى

 

بتتركني ، بكره راح تصحى

 

مسموح من زمان على رغم الجروح و البلوى

 

مسموح و ما عاد الجرح منك في القلب يبقى

 

راح تتحسف طول عمرك على كل خطوى

 

كلامك القاسي تراه محفوظ للذكرى

 

ما هقيت في بشر محد يقدر الصحبى

 

من فينا إلي ما فيه نخوى ؟!

 

 

وتقبلو فائق التحية والتقدير

 

بيرق البحرين اليوم .. بداوة الامس وحضارة اليوم

 

(ابداعك .. أبيات شعرك ، إبداعك .. قلمك )

 

 

 

اللجنة المنظمة

[نورالصفا]

تم التصويت

بالتوفيق للجميع

يعطيكم العااافيه

[سنين88]

تم التصويت

[برشلوني حتى النخاع]

شكراً على المشاركة اختي وما قصرتي

[Taam00]

تم الصويت وبالتوفيق لكم

 

[حشمه]

تمنيت اشارك بس للأسف مالحقت

 

وللعلم في قصيده مقتبسه

 

عموما موفقين جميعا

 

ويعطيك العافيه اخوي برشلوني

Edited ابريل 21, 2009 by حشمه

[يساف بحريني]

تم التصويت

 

وبتوفيق

 

[بنت حفيت]

لو تحطه في منتدى الديوانية يابرشلوني

 

لانه هني مب وايد الي يدخلون قسم الشعر فقط ناس محددين

 

 

 

وتسلم على ترتيبك للموضوع

[سبيجة بنت الشيخ]

بالتوفيق*(*

 

Edited ابريل 21, 2009 by سبيجة بنت الشيخ

[شيخة بنت الشيخ]

تم التصويت

 

بآلتوفيق

 

*(*