ريكو الوحش Posted مايو 4, 2009 Report Share Posted مايو 4, 2009 انا قادر ادير اموري عدل مع ان اواجهه مشاكل وايد لي عوده حق التفصيل Quote Link to comment Share on other sites More sharing options...
بنـــ الحد ـــت Posted مايو 4, 2009 Report Share Posted مايو 4, 2009 موضوع وايد حلووووو .. ثانكسـ ع الطـــرح انا عن نفسي اشتغل وراتبي لي .. مثل ما يقولون شايله مصاريفي المشكله اخذ الراتب تاريخ 26 يخلص تاريخ 10..... ليش ما ادري ؟؟؟ وين يروح بعد ما ادري ؟؟ بس اخيراً اكتشفت ان العيب ياي من ناحيتين وهما : * البيزات رايحه ع الاغراض الشخصيه .. لوازم كل شهر .. عطور وشامبو و كريمات هالسوالف * اسعار الاشياء صارت غاليه " بس انا متعوده اخذها شهرياً ما احس بهذي الغلاء " غير طبعا الي ما تشبع ابداً السياره .. البتروووووووووووووووول بروحه يبيله راتب ثاني احس العيب مو فينا ... حتى لو بوفر في البنك وقت ما افلس باروح اسحب ما سوينا شي الجمعيه عن نفسي ما احبها تقيد وايد .. اعيش حياتي احسن .. بس الحمدالله ما احب السلف Quote Link to comment Share on other sites More sharing options...
برشلوني حتى النخاع Posted مايو 4, 2009 Author Report Share Posted مايو 4, 2009 شكراً جميعاً على ردودكم ومشاركاتكم .. نورتونا الصراحة ومازلنا نطلب من جني المصباح .. حل لمشكلة الأفلاس يا جماعة أبي ردكم وتعليقكم بعد على آخر نقطتين في هذا الرد .. الى جانب الرد على الأسطر اللي كتبتها عن ردودكم موضوع خطيير منك يالبرشي كالعااده والله وانك ظربت عالوتر .. ما امده يودنه المعاش إلا خذيت لي هالعطر إلا مادري شعجبني في هالترجيه إلا هالجوتي وانت بكرامه و وو ووو ومانوصل لثالث يوم من المعاش إلا وافلااااااس !!! يه شهالسالفه بعد ومساكين بيتنه مايقصرون عني معنهم توهم ماعطيني بس شي يحز بالقلب انك ماتقدر تيمع لك فلوس وتشتريلك شي عدددل انا وايد كنت اتمنى اني اشتريلي اشيه بس الفلوس ما اتم في يدي .. معني لو ايود يدي اشوي كان ممكن اني اسوي إلي في بالي كله شريت لي حصاله بس مانفع .. مافيها إلا جم فلس ففكرت بطريقه راح اسويها .. اني افتح لي حساب خاص واحط فيه الفلوس وانسااااااااااااااااه وكل ماجوف عندي شي في يدي اروح احطه فييه .. حابه يكون عندي شي احتاجه لليوم الاسوود وان شاء الله تنجح هالطريفه وحابه اسمع راايك ورايكم يا اعضاء للي عنده افكار شلون انه نقدر نقتصد بمصروفنه يعطيك العااافيه اخوي البرشي على الموضوع الفنتقي تواجدج بروحه فنتق يا جمااااااالي حيا الله حيا الله .. سمعي يا ام المصرف تحطين لج خطة أختي جمالي ؟؟ تقولين أبي هالمصروف يتم عندي لي هالحزه الفلانية ؟؟ جربي بأن تحطين لج تاريخ معين .. وعيشي على القليل ومنعي روحج وحرمي نفسج .. الدنيا تجارب وهاذي مجرد تجربة نبي نبرهن لأنفسنا أنا اذا صج بغينا الشي نقدر نسويه في حال انج قدرتي .. صرفي نصه .. وادخري نصه وفي حال ما صار .. لا تأيسين الشهر اللي عقبه عيدي العملية امممم اعتقد لو تخلين جزء منهم عند الوالدة بيكون بعد أحسن سالفة تقسيط الراتب الشهري من الأهل .. بعد فكرة طيبة ويسلمووو على الرد الخطير منج .. وحصالتج امممممم لو تقطين فيها كل يوم 100 فلس (شنو 100 فلس ؟؟!! ولا شي ) راح تطلعين لج بمبلغ بعد فترة معينه .. استخدمي سالفة الحصالة ليس كنوع من التجميع .. انما التجميع والعد .. يعني واحد من الربع اهني كل يوم يحط له في الدرج ماله باوند .. ويعرف جم وصلو .. يقول احنا صار لنا من وصلنا .... هالقد يوم .. اقول له شدراك؟؟ يقول انه اليوم حطيت الباوند رقم ... في درجي وعرفت ان احنا وصلنا لليوم ... منها يعد ومنها يسلي روحه ومنها بعد ايمع له خرده بالنسبة لى .. حآولت وآيد مرآت ادخر بس فى الآخر اصرف كل اللى عندى .. دآيمآ اقول مدآم عندى ليش ابخل على روحى .. آشترى اللى فى خآطرى .. !! والبيزآت وسيلة مو غآية .. فاستخدم البيزآت عشآن احصل على اللى ابيه ،، بس طبعآ .. لآزم يكون بعقل ويكون الشى يستآهل .. مو مجرد اشترى شى لان على الموضة وبعد جم يوم تروح موضته واقطه وادور على شى غيره .. !! ودآيمآ اذا الشى مآ كنت محتآجة له .. و مآ بستخدمه وآيد .. أحآول اقتنع روحى انى مآ اشتريه .. !! موضووع حلو و يلآمس الوآقع ،، يعطيكـ العآفية برشلونى حتى النخآع ،، حلو .. كلامج عسل اختي وردة حمرة محاولاتج طيبة .. بس ليش دامج ما ادخرتيه كله قبل لا اتصرفينه كله .. ادخري بعد جزء ولو يسير كلش سالفة ضبط النفس مع البيزات وايد صعبة واكيد اليد تاكلنا متى ما طاحت فيها البيزة لكن هل ترى هالقد احنا ضعاف؟؟ ما اعتقد يلا يا اختي وردة حمرة .. ثبتي حق روحج أن أقوى من جذي يسلمووو على المرور اختي انه اذا اتم فلوس عندي بدون ما اصرفهم تصيدني حكه في يدي واايد ناس هلون .. اذا جفت شي عجبني اخذه حتى لو عندي منه و عندي اشياء شكثر اشتريهم بس آخذ نفس الشي بس لون غير و غير و غير و غير و عن بطاقة الـ GSM مو حلوه واحد يشتغل و مركز و ليحين عنده سمسم حق اللي يبون يخلون شي من معاشهم .. في طريقة اللي من اول ما ينزل المعاش يحطون مبلغ من المعاش سيده يروح ع حساب << طبعا انت تعطي صلاحية حق البنك انه ياخذ من معاشك حق الحساب الثابت و لما الفلوس تروح الحساب عاد خلاص المفروض تنساهم و تصرف اللي عندك بس وهلون تتيمع الفلووس .. حق يوم الاسود ع قولتكم والله لا ايب هليووم ثــــــــــننكس ع الموضوع برشلوني يعطيك العافيييه الحكة يا مس نوره هاذي فينا كلنا وتوني أقول حق اختنا وردة حمرة يعني هاللي فينا .. ما نقدر نسيطر عليه؟؟ نمشي وناخذ ولا نهتم ؟؟ لو مرة صرت طلعه في نص الشهر .. ورحتي قلتي للوالد او الوالدة .. يمه يبه اكو بنات خالتي بيطلعون .. ابي بيزات .. وردوا عليج : بيزاتج وينهم !!!!!!!!!! في هاللحظة ما تتحسفين لأنج خسرتي المبلغ كله؟؟ خلونا نثبت حق روحنا بأننا نقدر نوفق وأحنا كبار .. البيزه ما تمشينا .. احنا اللي نمشيها اما بالنسبة لمسألة gsm .. تمنيت ردج يكون .. اذا بالفعل محتاجها خل يحطها .. احنا مو ضد الحاجة .. احنا ضد الزيادة يعني من الضروري ان يكون صاحب المركز يحمل بطاقة gsm?? سمسم رقم حلو ما يصير؟؟ سمسم مب رقم حلو ؟؟ بيطيح من قدره ؟؟!! ما اعتقد .. احنا خلقنا لأنفسنا سالفة المظاهر صحيح الواحد ما يصك على روحه عاد لازم يتمتع .. بس خل يدرك ويقول ان اللي قاعد اسويه جزء من التمتع .. مو ضروريات .. هني من نفسه يقدر في حزة الحزة يفصل ما بين الكماليات والضروريات الله يعافيج على المرور والتعقيب الرائع الحمدالله عندنآ حسآب في البنك طبعآ لكل شخص الوآلد يحط جزء من مصروفنآ في الحسآب وطبعآ مصروفي ما آصرفهـ كلهـ , امآ اذا بغيت شي اقول للوآلد ويعطيني يعني جزء من مصروفي هم بعد ادخره يسلمووووووووآ على الموضوع*(* رد رااااااااائع جداً جداً جداً .. عجبتني سالفة الأدخار من قبل الوالد الله يحفظه وسالفة الأدخار الشخصي الذاتي هاذي عجبتني وايد .. يعني ما كفاج ادخار الوالد .. هم من نفسج قاعده تدخرين الله يوفقج ويثبتج وردج مثال للادخار المثالي اي والله اني ما احس روحي اشتري أشياء وايد بس ما اشوف البيزات إلا تكمل يعني ما احس بها عدل بس مثلن مرة رحت السوق اصرف أقل شي 50 مستحيل اقل و لين اطلع اي مكان مو تشري بس قشتة و عشا و تكمل البيزات بسرعة و احسن شي في القصة كل ما بغيت اروح لأمي لكن سؤال امي المعتاد توني قبل جم عاطتنش وين راحوا؟؟؟ و جواب ما ادري خخخ و للأسف كل مرة احط ليي ميزانية معينة بصرف على كل شي جم يعني و اشتري بزيادة يعني لازم مو الشي المحدد إلي حاطتنه و يتخربط كل شي بس اختي إلي اصغر مني تعرف تتصرف احسن مني يعني تعرف توفر و تعرف متى تشتري يعني مثلن شافت شي عجبها بس عادي و شافت سعره نار ما يسوى تستغني عنه تقول بتشوفه احسن منه و يطلع صق تشتري اشياء اوكي ساعات بسعر اوكي اني لا اي شي خاطري فيه آخذ ما يهمني البيزات خخخخ باجر بنكبر و بنشتغل و بنفهم و بنعرف نتصرف إن شاء الله قبل جم يوم عاطتنش وين راحوا؟؟؟ شنو يكون شعورج لو جاوبتيها .. صرفت نصهم وادخرت نصهم .. والنص اللي عندي كمل .. اما نص الادخار .. سوري ما أجيسه يمه أبداً ( في حال كنتي تتبعين الادخار ) هني الام بتدرك ان بنتها ما شاء الله عليها .. اذا قالت الكلمة .. تجزم بأن تصير يعني تصير والأهل ابداً ما يوقفون في وجه الأدخار .. شرايج تعطين جزء من مصروفج عند اختج وتخلينها تيودهم لج؟؟ او تقولين حق الوالد ما يعطيج الراتب كامل .. يقسطه لج؟؟ عسى الله يوفقج على الرد الحلوو .. ومب غلط نتعلم من الحين عشان من ايي وقت الشغل نكون جاهزين انا اشتغل تعودت كل شهر لازم اخلي 50 دينار فحسابي لو شنو كنت محتاجه هال50 ماصرفها الا للضروره القصوى اللي كلش محتاجه شئ وضروري وبباقي المعاش اوقات مايي نص الشهر الا طار واطلب من ابوي يووما واااااااايد وااااااايد زيييييييين شغلج .. 50 دينار شهرياً مبلغ اعتقد انه يوفر لج رصيد طيب في فترة معقولة وان شاء الله ايي الوقت اللي تصرفين فيه بدون الحاجة للأستعانة بمساعدة الوالد قواج الله اختي يوووما اية واللّة هذي حال الأغلبية اول مايحطون الفلوس بيدهم سيدة يصرفونها على اشية مالها داعي مع انة نعرف هالشي مالة داعي نشترية اهم شي نعيش يومنا ويكون خير لي باجر هذي اللي نفكر فية مانفكر نيمع او نسوي شي كل اللي نفكر فية شلون نصرفهم وانا وحدة منهم اول ماجوف فلوس بيدي احاتي شلون اصرفهم وشي صعب اخليهم على صوب الصراااااحة الصراااااحة .. جملة قريتها عندج وهاذي زبدة الموضوع نعيش يومنا ونقول يصير خير ليي باجر !!!! باجر شبيفرق عن اليوم يعني .. يا ريت نترك تفكير القلب ونركز على العقل !! يقولون اصرف ما في الجيب يأتيك مافي الغيب .. عاد كل مره بيي هالحظ يا نصيب !!!؟؟ هههههههههههه اشكرج اختي متابعة سنوات الضياع .. وأن كنت اتوق كونج سيدة متزوجة الى مسألة كيف تتفقين انتي وزوجج على مصاريف البيت .. يعني هل فيها تعب السالفة؟ وشلون نقدر نصرف على لابيت بدون ما تنقصنا البيزة ؟ انا لأن اشتغل وادرس فأنا احس نفسي من اللي يصرفون وايد ..... ... لأن على قد ما اتعب..... على قد ما اريح نفسي واللي في خاطري ما ادره بحدود المعقول . كثير الطلعات والعشاء والغداء خارج المنزل وهذا يرجع لأنشغال في الجامعة والعمل , أهم شي شايل روحك .. الشغل والدراسة صعبة خصوصاً في الصرف وأنه معاااك يا اخوووي لكن تقدر تاكل من البيت لو البيت رفعوا لك صحن؟؟ جرب سووها في الأسبوع مرتين ؟؟ بتوفر لك مبلغ حليو قواك الله ووفقك ما بين دراستك وشغلك اخوووي اي ولله انا كلش ماقدر اخلي بيزات عندي .. من يصير عندي مبلغ صرفته على سوق .. وسالفة التلفونات على قوله المثل ‘‘ عندك تآكل قال لا عندك تغرم قال إي ‘‘ .. الناس قامت تصرف صرف ع تلفوناتهه وكلش ما تسوى عليهم يعني يسلموو عندك تاكل يا المحروم ؟؟ اييييي والله صدقت صدقت يا اخوووي المشكلة نعرف وندري لكن مانتوووب .. عدل؟ انزين الحين .. نبي تقول لنا الشهر اللي راح وين صرفت فلوسك عليه؟ انا قادر ادير اموري عدل مع ان اواجهه مشاكل وايد لي عوده حق التفصيل وااااااااااايد زين يا البطل .. هاذي عشمي فيك ريكوو انطر التفاصيل وانطر تقول لي شلون تقدر تدير امورك؟ موضوع وايد حلووووو .. ثانكسـ ع الطـــرح انا عن نفسي اشتغل وراتبي لي .. مثل ما يقولون شايله مصاريفي المشكله اخذ الراتب تاريخ 26 يخلص تاريخ 10..... ليش ما ادري ؟؟؟ وين يروح بعد ما ادري ؟؟ بس اخيراً اكتشفت ان العيب ياي من ناحيتين وهما : * البيزات رايحه ع الاغراض الشخصيه .. لوازم كل شهر .. عطور وشامبو و كريمات هالسوالف * اسعار الاشياء صارت غاليه " بس انا متعوده اخذها شهرياً ما احس بهذي الغلاء " غير طبعا الي ما تشبع ابداً السياره .. البتروووووووووووووووول بروحه يبيله راتب ثاني احس العيب مو فينا ... حتى لو بوفر في البنك وقت ما افلس باروح اسحب ما سوينا شي الجمعيه عن نفسي ما احبها تقيد وايد .. اعيش حياتي احسن .. بس الحمدالله ما احب السلف هاااااذي انه اتفق فيج وياها اختي .. هالنقطتين جداً جداً تكلفان نصف الراتب .. لكن مافي سلبية في التجربة .. جربي ومنذ بداية الراتب ..استقطعي جزء ولو 20 دينار وادخريها وانسيها خير شر ومارسي بعد أمورج عادي .. جوفي تقدرين تواصلين ولا 20 دينار لها أهمية هالكثر؟؟ انزين يا اخواني عندنا الحين نقطتين نبي نركز عليهم.. 1. كل واحد يقول لنا جم حصل في الشهر اللي راح؟؟ وشنو سوى في هالبيزات؟؟ ومن نفسه يقيم شنو الشي الزين وشنو الشي الشين ؟ 2. الأدخار يكون من أول يوم نستلم فيه الراتب .. يني أول ما استلم استقطع منه على طول .. مو في نص الشهر اقول بادخر .. جذي عمرها العملية ما بتنفع .. وبتأيس بسرعه Quote Link to comment Share on other sites More sharing options...
m!ss no0ora Posted مايو 4, 2009 Report Share Posted مايو 4, 2009 يعني هاللي فينا .. ما نقدر نسيطر عليه؟؟ نمشي وناخذ ولا نهتم ؟؟ نقدر نسيطر علييه .. بس اجوف ان احنه قاعدين نحاول يعني لي رحت مجمع و دخلت محل و جفت شي عجبك هني تنسه كل شي و تاخذه .. لو مرة صرت طلعه في نص الشهر .. ورحتي قلتي للوالد او الوالدة .. يمه يبه اكو بنات خالتي بيطلعون .. ابي بيزات .. وردوا عليج : بيزاتج وينهم !!!!!!!!!! في هاللحظة ما تتحسفين لأنج خسرتي المبلغ كله؟؟ الحمدلله ماقد صادني هلموقف .. لان كل ما اطلع اخذ منهم و ارووح بس لو صار لي هــلون اكييد باتحسف اما بالنسبة لمسألة gsm .. تمنيت ردج يكون .. اذا بالفعل محتاجها خل يحطها .. احنا مو ضد الحاجة .. احنا ضد الزيادة يعني من الضروري ان يكون صاحب المركز يحمل بطاقة gsm?? سمسم رقم حلو ما يصير؟؟ سمسم مب رقم حلو ؟؟ بيطيح من قدره ؟؟!! صاحب مركز و وسمسم !! مو حلووه كلش و هذي من رايي .. يعني اكيد لو يشتغل بيكون عنده حق رقم حلو gsm ! صحيح الواحد ما يصك على روحه عاد لازم يتمتع .. بس خل يدرك ويقول ان اللي قاعد اسويه جزء من التمتع .. مو ضروريات .. هني من نفسه يقدر في حزة الحزة يفصل ما بين الكماليات والضروريات عدل كلامك و ان شاء الله نحاول Quote Link to comment Share on other sites More sharing options...
أحلى دليعه Posted مايو 8, 2009 Report Share Posted مايو 8, 2009 آآآمممممممممم،، في مثالين للصرف الزائـد وكل وحده تقول الله يخلي لي أبوي ، الوالد الله يطول بعمــره لكن لو عندنا إحساس اهو بعد عنده متطلبات غير مصروفنا والله عنده فاتوره كهرب / ماء / صيانه منزل / تصليح سياره / مصاريف للبيت / / مصاريف الاخوان بالبيت يعني / حرام نضغط على الوالد والله في زمن ارتفاع كل شي فوق المعقول إذا إبوج يمـد لج الفيزا بعد باجر ماراح يمد لج ريبيه << { وربي الزمن دار } مصروفي قبل قبل قبل يعني..كنت أخذ من الوالد تقريبا بالشهر 100 دينار الى 200 دينار وبتاريخ 20 <<يبه عطني الحين مصروفي بالشهر وراتبي او مـدت يـد الوالد لي { 500 دينار } صدقوني لازم نلقا اقتراح حـلو ...وتركونا من المزح والكلام بس ما يأنبكم ضميركم ع الصرف ؟؟ وأتوقع في آيه قرانيه او حديث عن الاسراف ..لكن ماني متذكره مضمونهـا لاهنت اخوي على هالطرح يعطيك الف عافيه تحياتي احلى دليعه Quote Link to comment Share on other sites More sharing options...
saloof Posted مايو 8, 2009 Report Share Posted مايو 8, 2009 انا عندي مبدأ في الحياة امشي عليه اذا عندي فلووس اصرفها على الاشياء الي احبها وحتى لو فلست ماراح اندم لأن استانست فيها ودايمن اقول الفلوس اذا ما استانستوا فيها في الدنيا ما بتروح معاكم الى الاخرة وهذاما يعني ان ما ندخر لنه قليل من المال للحاجة بدل ما نتسلف ونفج ويهنه على الناس ثنكيو على الموضوع الخطير Quote Link to comment Share on other sites More sharing options...
زنجبيل المملكة Posted مايو 9, 2009 Report Share Posted مايو 9, 2009 اي والله وايدد ناس اول ما يستلمون معاشاتهم يفسفسووونهاااا على خراابيط و لا يفتكروون و ما يفكرون شبيسووون اذا خلصت الفلوووس عقب اشلون بيصرفوون عقب يندمووون و يقول جان زين سوينا وسوينا وسوينا .. الواحد اذا استلم المعاش لا يستلمه كاااامل يخلي اشوي في البنك للضروووورة القصوى اذا كلش محتاج و ياخذ جزء منه و يقسمهم على شهر .., انا الصرف الي اصرفه يعني على كردت او اطلب من المطعم او اشتري من البراده اذا كاااان خاطري .. و الحمد لله على كل حال Quote Link to comment Share on other sites More sharing options...
مخرف وافتخر Posted مايو 9, 2009 Report Share Posted مايو 9, 2009 عدنا اول شي انا من النوع الي اضبط فيه نفسي ! يعني صعب انجر وراء اشياء انا ما ابيها مصروفي الشهري 50 دينار الشهر الي طاف دفعت منها 20 حق النادي والباقي 20 يوم دوام في المدرسة كل يوم اخذ معاي دينار المدرسة تقريباً اصر من 600 الى 700 فلس يعني يرجع معاي كل يوم 400 فلس 4 ضرب 20 = 8 دينار يعني باقي 18 دينار طبعاً يمكن اطلع تقريباً 3 طلعات في الشهر وساعات اكثر كل طلعة تقريباً 10 دينار يعني بصير سالب 12 علشان اعوض ال 12 دينار ساعات مثلاً امي تعطيني 5 دينار اشتري شي لها قيمته دينارين والخردة بالعيارة وجي ! تقول لي خلهم عندك كل شهر يمكن 10 دينار هلون باقي دينارين طبعاً العيادي تغطي تقريباً كل عيد احصل 50 وعيد ميلادي 50 والنجاح بعد 50 تقريباً بدون الهدية يعني 200 دينار تقريباً اقدر اغطي على النقص واوفر بعد ! يعني اذا اوفر صح اقدر اطلع 200 كل سنة ! والكردت ابوي ياخذ لي كل شهر مرتين وااذا خلص تلفون امي ما يقصر والثياب تقريباً كل شهرين مرة اروح اشتري على حسب اخر مرة شريت 5 فانيلات و 2 جينز ب 60 دينار تقريباً والثياب على امي بس بالمجمل العام انا اشوف الفلوس الي احصلها شووي بس مع نهاية الشهر يبقى عندي فلوس حاليا عندي 70 وراح ينظاف عليهم 50 بعد 3 اسابيع يعني هلون Quote Link to comment Share on other sites More sharing options...
لط لط Posted مايو 9, 2009 Report Share Posted مايو 9, 2009 آآنه ما صرف وايد حتى لين اروح السوق خاطري في شي يتم الشي في قلبي ما احب اتطلب ابي ذي و ابي هذاك، توني صغيرة و ما صار عندي الفلوس الي ايودها، يعني يمكن على السنة الياية تزيد مصاريفي انا عندي حساب في البنك و متى حسيت انه حصلت فلوس عدلة رحت و قلت حق ابوي روح حطهم لي في البنك يا يبة، و ما احصل فلوووووس عدلة الا في الاعياد المفروض الواحد يضبط روووحه من ما يجوف شي قام سيدة و شراه !! يفكر اول شي انا محتاج لهالشي؟! في اشياء اولى ضرورية من هالشي؟! و بس لين الواحد فكرفي هالشيين بصير زين و لازم يقتصد ما يصرف وايد و لا يبخل على روحه Quote Link to comment Share on other sites More sharing options...
وردة_حمرة Posted مايو 9, 2009 Report Share Posted مايو 9, 2009 حلو .. كلامج عسل اختي وردة حمرة محاولاتج طيبة .. بس ليش دامج ما ادخرتيه كله قبل لا اتصرفينه كله .. ادخري بعد جزء ولو يسير كلش سالفة ضبط النفس مع البيزات وايد صعبة واكيد اليد تاكلنا متى ما طاحت فيها البيزة لكن هل ترى هالقد احنا ضعاف؟؟ ما اعتقد يلا يا اختي وردة حمرة .. ثبتي حق روحج أن أقوى من جذي يسلمووو على المرور اختي المشكلة مآ عندنآ مسؤليآت ومآ ورآنآ شى .. عشآن جذى نصرف بدون حسآب .. !! بس ان شآء الله نحآول ندخر حق الاشيآ المهمة .. لان سآعآت وآيد عقب مآ نخسر على اشيآ نندم .. لان نحصل اشيآ احسن وارخص .. او نبى حق شي اهم مآ نحصل .. !! Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.