a7la w3hdanya Posted أغسطس 4, 2009 Report Share Posted أغسطس 4, 2009 الحمدلله على سلامتج حبوبة يعطيج الف عافية وبانتظار الباقي Quote Link to comment Share on other sites More sharing options...
saroona1984 Posted أغسطس 4, 2009 Report Share Posted أغسطس 4, 2009 الحمدلله على سلامتج اختي ويعيطج الف عافيه على البارت الحلووو وننتظر البارت الياي وياريت لو يصير اطول Quote Link to comment Share on other sites More sharing options...
سنفوررة Posted أغسطس 4, 2009 Report Share Posted أغسطس 4, 2009 يعطيش العااااافية ربي الحمد لله ع سلامتش بس لاتتطولين خيوة لان ننسى احداث القصة هع ننتظرررررررش Quote Link to comment Share on other sites More sharing options...
بحرانيهـ كول Posted أغسطس 5, 2009 Report Share Posted أغسطس 5, 2009 اول شي الحمدلله على سلامتش وماتشوفين شر نرجع للبارت امل عوووورت قلبي وعلييييييا حسبي الله على بليسك يافصووول احد يسوي بمرته جذي ام فيصل هالعجووز ولاهي متأدبه هالهبله بنت الهبلان طاح حظها الغبيه حووور وعليييييييا لصبي خذا فكرهـ عنها واهوا بعد الغبي شدراه مسكييييييييييييينه مبروووك يادلوول يتربى بعزش ساامي مسكين الله يعينه على معاملة امه هالعجووز وفطوم رفيقتهم ماني ماني ابي اعروووووووووف وش صار فيها يلا هالمرهـ نبي بااارت طووووووووووووووويل عاد يعطيش العافيه عمري Quote Link to comment Share on other sites More sharing options...
ShAi5at eLbNaT Posted أغسطس 5, 2009 Report Share Posted أغسطس 5, 2009 الحمدالله على سلامتج ننتظر البارت Quote Link to comment Share on other sites More sharing options...
manameya Posted أغسطس 5, 2009 Report Share Posted أغسطس 5, 2009 الحمدالله على السلامه وثااانكس ع البااارت ننطر البارت الجديد Quote Link to comment Share on other sites More sharing options...
MaNaM!a Posted أغسطس 6, 2009 Author Report Share Posted أغسطس 6, 2009 الحمدالله على سلامتج اوف يا ربي علييها وعلى دمووع التمااسيح " ام فييصل " خخخ ناااااايس الباااااااارتــ يسلمووووووو يعييج العاافيهـ الله يسلمش انشالله .. تسلمين عالمـرور ... قااهرتتني هاذي البايخه ام فيصل .. عن جـد حقيره يسلمو عالمـرور ننتظر البارت الياي .. مسكينة امل,,!! الله يساعدها ع هالبلوة مشكورة تسلمين.. والحمدالله على السلامة العفوو خيوو .. الله يسلمش انشالله .. منوورة الحمد الله ع سلامتج قلبو وهاي ام فيصل والله قاهرتني الله ينتقم منهاا انشااااا الله تسلمين حبوبه يعطيج العاافيه الله يسلمش حبوبه ..^^ الحمد لله ع السلامة خيتوو منامية .. القصة رووووعة مسكينة أمولة حرام .. لا تطولين عينا خيوو و ما عليج امر طولي البارت شوي تسلمين حبيبتي .. منـورة القصه والله .. بااااااااااااااااااال صج صج قمممة الاحراج اللي صار مع حوراء ,, بس اتوقع ان بحبوون بعض و بعرسوون خخخخخخ آآآه يا فيصل ,, انت تحب امل و تمووت فيها بعد بس طبعآ اكييد بتفضل امك عليها ,, ياريت ما صدقتها و سوييت جذي فيي امل ولله يعني طيبة و مسالمه و عمرها ما أذت احد ما تستاهل اللي صار لها الاااااااااه ,, دلال بتصير ام بعد يه يه من قدها مبروووووووووك و انشالله ولد عااد انا اتوقع ان فيصل و امل بينفصلوون و اعتقد هي اللي بتطلب الطلاق و بتصمم عليه بعد ولا بتغير رايها ,, لأن اللي صار لها مو شويه مسكينه ولله عورت قلبي ,, و انشالله عاااد ما تحمل منه علشان يقدر يطلقها لأن مشكله اذا هي حامل و بإذن الله بتحصل وااحد احسن منه بمليوون مره ,, هي توها بعمر الزهور و الحياة جدامها بل بل ,, ياترى شفيها فطوم؟؟ شصار لها ؟؟ الله يستر الحمدلله على السلامة مناميوووه ما تجوفين شر ولله و بإنتظار البارت الياي تسلم فنكوش عالتعليق الحلوو .. الله يسلمك .. يعطيج العافيه عالقصه الروعه و بأنتظار البارت الياي الله يعافيش انشالله .. الحمدلله على سلامتج حبوبة يعطيج الف عافية وبانتظار الباقي الله يسلمش حبيبتي .. انشالله .. الحمدلله على سلامتج اختي ويعيطج الف عافيه على البارت الحلووو وننتظر البارت الياي وياريت لو يصير اطول الله يسلمش حبوبه .. الله يعافيش انشالله .. يعطيش العااااافية ربي الحمد لله ع سلامتش بس لاتتطولين خيوة لان ننسى احداث القصة هع ننتظرررررررش الله يعافيش عمري ... انشالله من عيوني .. اول شي الحمدلله على سلامتش وماتشوفين شر نرجع للبارت امل عوووورت قلبي وعلييييييا حسبي الله على بليسك يافصووول احد يسوي بمرته جذي ام فيصل هالعجووز ولاهي متأدبه هالهبله بنت الهبلان طاح حظها الغبيه حووور وعليييييييا لصبي خذا فكرهـ عنها واهوا بعد الغبي شدراه مسكييييييييييييينه مبروووك يادلوول يتربى بعزش ساامي مسكين الله يعينه على معاملة امه هالعجووز وفطوم رفيقتهم ماني ماني ابي اعروووووووووف وش صار فيها يلا هالمرهـ نبي بااارت طووووووووووووووويل عاد يعطيش العافيه عمري الله يسلمش حبيبتي .. مشكوورة عمري عالتعليق الحليوو .. انشالله من عيوني .. الحمدالله على سلامتج ننتظر البارت الله يسلمش .. الحمدالله على السلامه وثااانكس ع البااارت ننطر البارت الجديد الله يسلمش حبوبه .. Quote Link to comment Share on other sites More sharing options...
MaNaM!a Posted أغسطس 6, 2009 Author Report Share Posted أغسطس 6, 2009 الجــ السابع عشــر ـــزء ..} في عقب اسبوعين من وصول فاطمه القاهرة .. سكنت في سكن الجامعه عشان يكون اقرب لها ولانها ماتعرف احد اهناك .. تعرفت على وحده ساكنه بالحجرة الي صوبها اسمها وسن .. اصلها مغربيه وتدرس في نفس التخصص الي تدرسه فاطمه بس سنه ثالثه .. المهم هالوسن صارت صديقه فاطمه الروح بالروح والكل استغرب انه وسن تكلم فاطمه .. طبعا وسن لها سوابق في الجامعه وسمعتها بالارض .. بس بحكم فاطمه انها اول مرة وماتدري بشي فماعرفت انه وسن نيتها شينه عليها ... كانت وسن دايم تزور فاطمه بحجرتها وتقعد وياها لليل ضحك وسوالف يعني صاروا اكثر من خوات .. وفي يوم من الايام .. وسن طقت الباب على فاطمه الصبح عشان بيروحون الجامعه .. فاطمه لسوء الحظ ماكانت جاهزة .. فتحت الباب لوسن ببجامتها : هلا حبيبتي وسن .. سوري بتأخر لانه لحين ماجهزت .. وسن بنظره شيطانيه ضحكت : لا عادي حبيبتي انه بنزل بودي كتاب لوحده اعرفها وبرجع لج عشان نروح ويا بعض لا تقفلين الباب اوكي.. فاطمه ابتسمت لوسن : اوكي .. سكرت فاطمه الباب بدون ماتقفله وتوجهت للحمام تتسبح ولما قربت تخلص ولبست الروب سمعت صوت الباب تفتح فحسبت انها وسن رجعت لها .. وقالت من داخل الحمام : وسن ليش تأخرتي ؟؟ ماسمعت رد ؟؟ شكت انه تكون مو وسن بس ماحطت في بالها .. حطت كريم في وجها متعوده تحطه عقب ماتتسبح وفتحت الباب وطلعت من الحمام .. وبحكم انه الغرفه صايرة كبيرة ومنقسمه لمكتب وغرفه نووم بس مفتوحين لبعض والحمام صاير بالجهه الغير مواجهه للمكتب فما شافت فاطمه الي كان جاي .. راحت فاطمه لعند سرير وكان عبالها انه وسن طلعت من الغرفه ... ولما فتحت الروب بتبدل حست بصوت وراها .. التفت بسرعه وشافت واحد واقف شكله مأساه .. وكانو يبتسم لها ابتسامه زادت قباحته .. فاطمه ذيك الحزة حست بأطرافها تجمدت ولسانها انربط .. وعيونها طلعت برى .. وماحست الا بهجمته عليها ويحاول انه يفتح الروب .. ركضت فاطمه لاخر الغرفه وهي تقول : لحقووووووووني ياناااااااااااااااس وسسسسسسسسن ويييييييييينج ؟؟ " قرب منها هالشخص مبتسم ولصق فيها بطريقه بشعه ومخيفه " الشاب وجسمه لاصق في فاطمه ويطالعها بنظره خبيثه : انتي بتصرخي ليه ؟؟ دنه عاوز العب معاكي شويه بس .. حاولت فاطمه تفك روحها منه وتتحرك بس ماقدرت كان لاصق فيها وبوزه على خدها والي خلاها تصرخ لما حست بالعاب ماله سايل على خدها بطريقه مقززة فعلاً.. فاطمه وهي تتحرك بالغضب : لاااااااااا الله يخلييييك اتركنيييييي " وبصوووت اعلى " ساعدوووووووووني يااناااااااااااااااااااس .. بصعوبه طلعت يدها وضربته بأقوى ماعندها على عيوونه هالشي الي خلاه يخفف من مسكه لها .. من حست انه شووي خف المسكه شردت لكنه اوتعى لها وسحبها من رجولها وطيحها على الارض و بحركه سريعه منها ردت قامت وركضت ولما قربت توصل لعند الباب حست بيد على خصرها تسبحبها بقووة وقطتها على السرير .. اهني فاطمه حست انه كل شي صار اسود بعيونها .. حست انها بتمووت لو صار الي صار !!! لكــن !!! الباب انفتح وكانو مجموعه صبيان وبنات ويوم شافوا الصبي قاعد يتهجم على فاطمه ويحاول انه يغتصبها بوحشيه ،، نطوا عليه وشالوه وضربووه ضرب خلو الدم يطلع منه وودوه لاداره الجامعه والجامعه خبرت الشرطه .. وصارت سالفه طويله وبعد تحقيق واجراءات اعترف انه وسن اهي الي محرضتنه وهي ورا كل الي صار .. طبعا فاطمه صارت في حاله نفسيه وانقطعت عن الجامعه لمده اسبوعين تقريبا وكانوا بنات وياها في التخصص ونفس السنه يجون لها ويواسونها .. شيماء والدموع تطيح من عيونها بدون شعور اهي وحوراء لانه التلفون سبيكر : فطوووووووووووم حبيبتي كل هذا صار فيج واحنا ماندري ؟؟ بيتكم يدروون ؟؟ فاطمه وهي تمسح دموعها : الله كريم يا شيماء لا مايدرون ماقدرت اني اقول لاحد .. والله كنت افكر اني ارد البحرين خلاااص لاعت جبدي من الي صار ودائما خايفه ومتوترة .. شيماء : ووسن الجلبه الحقيرة شسو فيها ؟؟؟؟؟؟ فاطمه : آآه لاتذكريني يا شيماء .. وسن بعد انسجنت لمده سته اشهر بس الله يعلم بعد هالسته اشهر شبيصير ؟!! انه فعلا تعبت " وقعدت تصييح " ماقاعده احس بالاماان يا شيماء .. شيماء : إذا تحسين انه اهناك خطر عليج ردي اهني وكملي دراستج اهني احسن لج .. فاطمه : وهذا الي قاعده افكر فيه .. " وتذكرت انه عندها محاضرة بعد ربع ساعه " يالله حبيبتي انه بخليج الحين عندي محاضرة بعد شوي .. شيماء وهي خايفه على صديقتها ومتضايقه عشانها : اوكي فطوم بس تحملي بروحج ولا تأمنين على احد الدنيا مالها امان .. فاطمه تنهدت بقووة : انشالله .. وسلمي على حوراء واموول .. شيماء ماحبت تقول لفطوم عن امل وامها : انشالله يوصل .. يالله مع السلامه وديري بالج على روحج اوكيي فاطمه : انشالله وانتي بعد .. يالله باي .. شيماء : باياات .. لما سكرت التلفون فاطمه قامت بدلت ثيابها وراحت الجامعه .. واهي تمشي ومنزله راسها مرت على بنات سلمت عليهم وراحت وياها وحده لانه عندها نفس محاضرات شيماء .. وكانوا يمشون ويسولفون مع بعض وانتبهت فاطمه انها داست على شي وانسكر !! خافت وبسرعه تباعدت عشان تشوف شنو الي كسرته ؟؟! ********************************************* الساعه 00 .5 المغرب .. عنـد امل وفيصل .. الي وصلوا المستشفى ودخلوا على الطبيب اللي انصدم من شاف شكل امل الي كله كدمات .. وطبعا سالها إذا احد ضربها فقط هـزت براسها وقالت لا .. لكنه كان شاك بالموضوع وقال لها إذا تبي تقدم بلاغ او شي ترى بيكونون واقفين جنبها .. كتبت له في ورقه انها ماتبي تقدم بلاغ وانه اهي طايحه من على الدرج لانه كان في ماي .. ومن طاحت ماقامت تتكلم كلش .. سكت الدكتور وماعلق على كلامها .. عالج لها الكدمات الي في وجهها واياديها وبقيه جسمها .. والحمدالله ماطلع فيها أي كسور بس رضوض من شده الضرب !! .. وحولها على طبيب نفسي لانها كانت منصدمه من شي من جذي ماقامت تتكلم ويبي لها مده عشان ينفك هالشي .. فيصل لما سمع بالي قاله الدكتور انصدم وحس بروحه تطلع !! معقوله مابيسمع صوت حبيبته وزوجته !!! معقوله صادها هالشي من اثر الضرب !! ياربيييي شسوووويت !! شلون بقابل ابوها وانا الي وعدته اني اصونها ؟؟ وبعدين رد وقال .. بس اهي الي جابت هالشي لروحها اهي الي خلتني اتهور واسوي كل هذا !! ياناس هاي امي جنتي وناري ماقدر أي احد يلمسها بشعره !! شلون هاذي الي لا راحت ولا جت تسوي كل هذا بأمي وتنزل دمعتها .. مسح بأيده على وجهه بتعب وتحسس بيده لحيته الي بدت تنمو بخشونه وهو يفكر بالمصايب الي نزلت على راسه .. طلعت بعد شوي امل من غرفه الدكتور ولما جافها مشى قدامها مايبي يشوف وجهها بهالشكل لانه يحسسه بالذنب واهو مايبي يحس بهالاحساس البشع .. اما عند امل الي كانت تمشي ورا فيصل بهدوء ومنزله راسها على الارض و تفكر بحياتها وبمستقبلها !! تفكر بهالانسان الي كان بالنسبه لها الحضن الدافئ والملجئ في وقت حاجتها له .. فجأه يتحول لوحش كاشر مايعرف الرحمه .. وتختفي من عيونه نظره الحنان .. ومن صوته يختفي الامان .. ومن لمسه يده تختفي النعومه !! يالله ارحمني برحمتك .. يا الله صبرني على ماابتليتني فيه يا ارحم الراحمين .. يارب انت تدري اني مظلومه ومكسورة الخاطر يارب انت عالم شنو الي بقلبي .. تدري اني وحيده اهني مالي احد .. ساعدني يارب وواقف وياي .. كانت تدعي ودموعها تنزل بهدوء والناس من حولها يشوفونها مستغربين من شكلها ومن دموعها .. كانت تمشي ولا مهتمه انه احد يشوفها او يعرفها او يقول شي عنها .. تمشي ورا وحش مجبورة تسمع كلمته .. اوتعت من سرحانها على صوت هـرن السيارة .. لانه فيصل ركب السيارة واهي من سرحانه ظلت واقفه وتطالع السما .. انتبهت لروحها وفتحت الباب بهدوء وركبت وصكت الباب .. فيصل حركـ السيارة متوجهه للبيت .. في الطريق الصمت كان موضوعهم .. فجأه قطع هالصمت صوت فيصل الخشن والمرعب : سمعيني يا امل .. من يوم ورايح انتي ماراح تنامين وياي .. مابي اشوف رقعه ويهج جدامي .. " في هاللحظه رفعت راسها امل منصدمه من الي قاله !!! وين بيوديني ؟؟ واهو يعرف اني مالي احد اهني !! " " طالعها فيصل وبنبرة ساخره " ههه !! لا تخافين مابطردج الحين من البيت .. بس مثل ماوعدتج يا حلوة " يغمز لها بعيونه " انتي بتكونين بدال الشغاله .. وراح تقعدين في غرفتها طبعا .. "ويلتفت لها وبنظرة مافهمت معناها " مفهووم !! طبعا امل ماتقدر تتكلم نزلت راسها في حظنها وسكتت وهي تحس بسجاجين تقطع قلبها بكرامتها تنداس ومن من !! من اغلى البشر !! *************************************************** نظـاااااااااااارتي !!!!!!!! بخوف التفت لمصدر هالصوت .. فاطمه بأسف: مسامحه مانتبهت لها .. الشاب وهو شوي معصب : الحين شسوي بكلمه اسف؟؟؟ فاطمه وشوي بتصيح من الفشله لانه شكل النظارة غاليه : والله اسفه مو قصدي .. وإذا تبي بعطيك قيمتها .. الشاب حس انه الموقف مايستدعي لهالعصبيه : ههه لا عادي اختي ماصار الا الخير .. فاطمه متفشله حدها : لا صج تبي بعطيك قيمه النظارة .. الشاب : هههه شفيج اختي اقولج عادي اشتري غيرها مو مشكله .. مسامحه صرخت عليج .. " وابتسم لها " معاج وليد من البحرين <<حلووة يبي يتعرف اشكرى .. شكلج خليجيه ! فاطمه بإبتسامه : تشرفنا .. اوكي عن إذنك .. وليد بإحباط : اذنج معاج اختي .. مشت فاطمه رايحه للسكشن ودخلت وطبعا كانت متأخرة ويالله بالزور اقنعت الدكتور انه يدخلها وقعدت على مقعدها وهي تفكر بالي صار فجأه ابتسمت يوم تذكرت شكل الصبي وطبعا انتبه لها الدكتور وزفها زفه معتبرة هههههه مسكينه .. ********************************************** اليـوم الثاني .. الساعه 7.15 الصبح .. في غرفه سامي .. قعد من صوت المنبه المزعج .. شال اللحاف عنه وفتح عيونه بصعووبه .. ولانه جو المكيف كان بااارد فمد يده وبند المنبه بملل ورد رجع يبي يكمل نومه .. لكن في شي طرى على باله هالحـزة .. حنان .. كان وده يسمع صوتها اول مايقعد . فرد طلع يده من تحت الحاف وهو يدور التلفون وين قاطنه ولما حصله مسك التلفون بتردد .. " اتصل او ماتصل ؟؟؟ اففف يمكن نايمه ؟؟ طالع الساعه لقاها 7.18 دقيقه .. لا ماعتقد عليها جامعه اكيد تقعد من الصبح ... وبعد تفكير ضغط دور رقمها بين الاسامي ولما وصل لاسم " حنان" تأمل اسمها بأبتسامه وهو يفكر !! ياترى شنو نهايتي وياج يا حنان ؟؟ طرى في باله انه بعد مده كل واحد يروح في طريقه !! حس روحه بتطلع .. حس بأنه تعلق فيها من اول يوم شافها عند البحر .. معقووله يا سامي تكون حبيتها ؟؟ بهالسرعه عاد!! .. ضغط على زر الاتصال وحط التلفون على اذونه وهو يفكر بمستقبله مع حنان شلون بيكون ؟ .. استوقفه عن هالاحلام صوت انثوي ناعم وهادئ .. ابتسم ابتسامه كبيرة بينت ملامح وجهه الجميله وقال بصوت كله حنان : صباح الورد والفل .. حنان متفشله من صوتها لانه كله نوم : ياهلا سامي صباح النور .. سامي لف على الصوب الثاني وغطى روحه عدل باللحاف وقال: شخبارج حنان ؟؟ حنان بإبتسامه لهلانسان الي دخل حياتها فجأه وماقدرت انها توقف في وجهه : حمدالله زينه .. وانت شخبارك ؟؟ سامي غمض عيونه وهمس لها بصوت خفيف : دووم يالغاليه .. انا صرت تمام من سمعت هالصوت .. اهني حنان ماتت من الحيا وماعرفت شتقول .. سامي حس فيها واستانس على انها مستحيه ههههههه : تكلمي ابي اسمع صوتج ترى حده حلو وانتي توج قاعده من النوم .. فما بال بشكلج ؟؟ حنان فزت بسرعه تشوف شكلها بالمنظرة وكانت لابسه بجامه بحريه وعليها ورود باللون الفوشي وشعرها منسدل على ظهرها كانت فعلا كيوت .. سامي : هههههه ليش ساكته ؟؟ حنان مو عارفه شتقول: مادري شقوول .. سامي حس انه زودها : ماعليج جامعه ؟؟ حنان : أي علي الساعه 9 .. سامي : أمممممم ممكن طلب .. حنان : آمر خير ! سامي ابتسم: الخير بويهج يا كل الخير .. بس طلبي اهو اني ممكن اشوفج ؟؟ حنان : ها .. هههه مادري .. سامي : ههههه شفيج تضحكين قلت شي يضحك يعني ؟؟ حنان تفشلت : لا بس ولا شي .. سامي : بلييييييييز ممكن اشوفج .. اوعدج ماراح اوقف معاج بس اشوفج من بعيد .. حنان : يصير خير .. سامي : أوكي انا الحين بقوم بجهز ونلتفي بالجامعه .. مو تنسيين ها .. حنان : ههههه اوكي .. يالله باي .. سامي : حنان .. حنان : نعـم !! سامي بخوف مبين من نبرة صوته : ريل امج ماسوى لج شي .. حنان تذكرت حركات ريل امها لكن ماحبت تبين لسامي !!لانه مابيده شي اصلا : لا مالي خص فيه .. وانه دائما في حجرتي وقافله علي الباب .. سامي ارتاح شوي : حنان امانه أي شي يسويه فيج هالنذل تخبريني والله انعل شكله .. حنان ابتسمت لانه في شخص يفكر انه يدافع عنها في وقت حاجتها : تسلم يا سامي ماتقصر .. سامي : يالله يالغاليه تحملي بروحج وهالله الله بالسواقه لاتسوقين بسرعه .. حنان شفيه على كلمه غاليه !! معقوله يقصدها ؟؟ او مجرد مجامله ..: انشالله وانت بعد .. سامي : انه بعد شنو؟؟ حنان : هههههه انت بعد تحمل بروحك ولا تسوق بسرعه .. سامي بسرعه : تخافين علي ؟؟ حنان صار وجها احمــر من الفشيله والاحراج !! ماكانت متوقعه انه سامي بهالجراءة .. سامي : ههههه اوكي اوكي عرفت الجواب .. يالله بااي .. حنان سيده سكرت التلفون وقطته على السرير واهي لحين منصدمه من كلام سامي وياها !! معقوله يكون الي في بالي صح ! معقوله يحبني ؟؟ انه مانكر اني افكر فيه واحس بنبرة صوته الصدق .. لكن !! اني احبه ! هاي الي مافكرت فيه .. *********************************************** في هالوقت في الصوب الثاني بغرفه الخدامه .. أوووه بغرفه امل الجديده .. قعدت امل وهي تحس بتعب من امس .. وخصوصا انه طالع عليها الاالم في كل جسمها .. قعدت على السرير ونزلت راسها تحت وطاحت خصلات شعرها وغطت ملامح وجهها التعبانه .. تفكر في حياتها .. تفكر في انها ماتقدر تتكلم وهالشي الي مخلنها ضعيفه ماتقدر تدافع عن نفسها .. تفكر في امها الي ماتدري عنها .. ياارب ترجع لي امي سالمه يااارب .. بتحمل وبصبر كل الذل والمهانه مو لاني ضعيفه !! بس لما يردون اهلي .. وبعدين يا فيصل ماراح تشوف رقعه وجهي .. وصدقني ماراح اسامحك ابد على الي سويته فيني .. فجأه سمعت صوت باب الغرفه يتبطل وام فيصل تطل منه .. ام فيصل بإستحقار : وانتي لحين ماطلعتي ؟؟ قومي جهزي الريوق الحين بيقومون العيال .. امل قامت بكل هدوء بدون حتى ماتحط عيونها بعيون ام فيصل طلعت لها ثياب " لانه فيصل جابت نص ثيابها تحت " ودخلت الحمام " وانتو بكرامه " تتسبح .. اما ام فيصل فقالت : والله اوريج نجوم الظهر يا امل .. خذيتج لفيصل عشانج طيبه وماعندج لسان ومابتحرميني من ولدي .. لكن طلعتي داهيه ومن اول يوم سحريته .. لكني تغديت فيج قبل ماتتعشين فيني هه !! وطلعت برى وسكرت الباب .. ***************************************************** بالصوب الثاني .. في قسم فيصل .. اوتعى فيصل من النوم بالغصب لانه امس ماقدر ينام من التفكير والصداع الي ملازمنه من الي صار .. اصلا مانام عدل من يوم صارت السالفه .. قام من على السرير وراح الحمام واخذ شور عالسريع حس انه صار نشيط ولما طلع من الحمام راح لعند السرير بس !!! كان متوقع انه يشوف ملابسه جاهزة على السرير .. ضحك على نفسه وراح لعند الكبت وطلع له ملابس ولبسهم وراح عند المنظرة ومشط شعره المبلل واخذ عطره BOSS الي كانت تحبه امل ... بس غير رايه وخذ لكوست ورش منه بالاحرى تسبح من العطر .. وخذ نظارته الديور وبوكه ومفاتيحه وجيك روحه للمرة الالف وطلع برى ... نزل الصاله وراح لغرفه الطعام وشاف منظر تنمى يموت ولا يشوفه بحياته !! شاف امل وهي تحط الاكل على الطاوله وعيونها المليانه حزن وانكسار ووجهها الاصفر .. ماقدر يتحمل شكل امل لانه متعود عليها دائما تقعد له بكشختها حتى لو كانت ببجامه نوم .. نزلت دمعه من عيونه مسحها بسرعه عشان مايبين ضعفه قدامها .. دخل وعشان تنتبه له تنحنح فيصل : احم احم .. " وخشن صوته " والله زين قعدتي من وقت !! امل كملت تعديل الصحون وحطت الاكل ومشت عنه بدون ماترد عليه بكلمه .. فيصل : لما اكلمج توقفين مكانج تسمعيين !!! وليش ماتردين !! " وتذكر انها ماتتكلم " هه !! اوووه نسيت انج غتمه صرتي .. امل كل يوم تنهان اكثر من اليوم الي قبله .. كل يوم تنذل وتنمسح كرامتها بالارض .. يارب الهمني الصبر .. فيصل وهو يصب له جاي .. : روحي روحي كملي شغلج بالمطبخ هههههه مشت امل وراحت المطبخ .. ودموعها تنزل بهدووء .. *************************************************** بعـد شهر من الاحداث .. طبعا خلال هالشهر ماصارت احداث جديده .. يوسف لحين على امل انه يكلم شيماء ودائما يفكر فيها .. حنان وسامي علاقتهم زادت تطور .. وزاد معاها تعلقهم مع بعض .. وبدى ينمو شي داخل قلوبهم وهو الحــب .. بس ياترى هل بيدوم !! شيماء عايشه حياتها عاادي .. بين الجامعه والبيت وساعات تطلع مع حوراء .. طبعا امل ماشافتها الا مرتين وانصدمت من حال امل الي من اردى الي اردى .. وحزنت وايد لهالحال الي وصلت له امل وكانت بتتهور وتروح لام فيصل وتهاوشها لكن امل ماخلتها وكتبت لها انه الايام بتقول لهم الصدق .. وانه اهي في هالفترة محتاجه تقعد اهني لانه محد لها في هالدنيا الا امها وابوها واخوها واهم الحين برى واهي تدعي انه امها ترد لها بالسلامه هذا اهم شي الحين في حياتها .. حوراء هم عايشه حياتها وقدمت الامتحان الي عليها في المدرسه والحمدالله نجحت والحين تفكر انها تسجل في الجامعه السنه الجايه .. طبعا محمد ماشافته من ذاك اليوم المشؤم بالنسبه لها .. بس ماراح من بالها ابدا .. فاطمه قررت انه الكورس الجاي ترد البحرين .. لانها مو قادرة تظل بمصر اكثر الذكريات دائما تلاحقها والخوف مسيطر على قلبها في كل مكان وخصوصا لما تكون بالشقه بروحها .. طيف وليد لحين ماراح من بالها وساعات تشوفه بالجامعه ونظراته لها تخليها ترتكب .. جم مرة حاول يكلمها بس ماتعطيه فرصه لانها تكون مشغوله او عندها محاضرة بالاحرى تتهرب منه ومن نظرات عيونه .. دلال وعلاء عاشوا احلى اسبوعين في حياتهم لما عرفوا انه دلال حامل .. وصارت مهمه حق علاء انه يسافر المانيا واضطرت دلال تسافر وياه وبيقعدون ثلاث شهور اهناك .. وقرروا انهم يجددون شهر عسلهم بعد .. فيصل .. بطل قصتنا .. عايش حياته ولا كأنه عايش .. يشرب وياكل ويروح الشغل ودائما طالع من البيت ... وإذا قعد في البيت قعد ويا امه او راح سمع امل جم كلمه كل ماشاف امه متضايقه منها .. بس قلبه ميت فيها .. عيونه فاضحه حبه وشوقه ولهفته كل ماشافها ماره جدامه .. يتعذب في اليوم الف مرة ويشتاق لها مليون مرة .. وده يروح يرتمي بصدرها ويحضنها بشوق ولهفه ويعبر عن وحشتها ... لكن !! هيهات يا فيصل ... امل .. بطله قصتنا الي تعذبت وانهانت .. مجروحه ومهمومه ودائما حزينه .. ذبحها فيصل بشكوكه وضربه وكلامه الجارح .. طول اليوم في المطبخ تطبخ وتنظف وتخم وتغسل الثياب وتسوي كل شي في البيت بروحها .. صوتها ماقام يطلع ابدا وصار صعب انها ترجعه .. وفي الليل لما تحط راسها على المخده دموعها تطيح وتشاهق من الالم والحسرة الي بقلبها .. تعبها زياده انها ماتقدر تتكلم ماتقدر تعبر عن الي فيها الا بشي واحد .. واهو الصياح .. كرهت فيصل وكرهت اليوم الي وافقت عليه .. كرهت حياتها كرهت ضعفها وفكرت بالانتحار لكن !! لولا ايمانها بالله وتيقنها انها بيوم راح تاخذ حقها ...هو الي خلاها تشيل هالفكرة من بالها .. الي يشوفها مايقول هاي امل البرئيه الطيوبه الحنونه .. امل الي كل من شافها اعجب طيبتها .. ********************************************** يوم السبت .. الساعه 2 الظـهر .. قعدت شيماء من النوم .. لانها امس مانامت من وقت واهي تسوي البرزنتيشن وبعد جهد جهيد خلصته وافتكت .. لانه يوم الاحد الدكتور طالبنه .. قامت وغسلت وجهها وتوضت وصلت واستغفرت ربها انها تأخرت عن الصلاة .. طلعت من غرفتها نزلت تحت .. لكنها تفاجات انه مافي احد بالبيت وهدووء حده .. حتى صوت نور اختها الي متعوده من تقوم تسمع صوتها ... استغربت و راحت المطبخ يمكن امها فيه .. دخلت المطبخ وماشافت الا الخدامه ترتب الصحون .. سألتها : ريتا وين ماما وبابا ونور ؟؟ ريتا : ماما وبابا ونور طلع من صبح وقال حق انا يقول حق انتي انو ماما وبابا يروح ياخذ اغراض حق بيت ويمكن يتأخر شويه .. شيماء : اها اوكي .. سوي حقي كوفي .. ريتا : زين ماما .. طلعت شيماء واهي متملله ماعندها شي تسويه ... قعدت بالصاله وفتحت التلفزيون بس مالقت شي يجذبها فيه فسكرته .. جابت لها الشغاله الكوفي وقعدت تشربه بهدووء وهي تفكر في امل الي وحشتها من قلب .. طلعت تلفونها من مخباها وطرشت مسج حق امل تسأل عن حالها وتسلم عليها .. بعد شوي قررت انها تروح تشتري لها افلام على الاقل تسلي روحها فيه .. طلعت فوق غرفتها ولبست عبايتها الساده ولفت شيلتها بأحكام وحملت شنطتها وحطت تلفونها فيه وطلعت من الحجرة وتوجهت لسيارتها .. ركبت السيارة وراحت اقرب محل افلام فيديو ووقفت قدام المحل ... سكرت السيارة ونزلت منها وراحت المحل .. دخلت بهدووء وتوجهت لقسم الافلام وبحكم انه المحل شوي صغير وصاير قسم سيديات افلام والقسم الثاني سيديات بليستشن 1 و2 و3 .. لفت نظرها على السيديات وتطالع بتمعن تدور فلم يجذبها من اسمه او ممثل اجنبي تحب افلامه .. خذت لها ثلاث سيديات .. وتوجهت للكيشر .. حطت السيديات على الطاوله وفتحت شنطتها وطلعت البوك .. يوم فتحت البوك تبي تطلع الفلوس ماحصلت !!!!! قعدت تدور في شنطتها يمكن فيه في صوب حاطه زود بعد مافي .. شيماء حدها انحرجت من شكلها واهي تدور في الشنطه مو محصله حتى ربيه !!!" ياربييي شهالفشله ؟؟ وين اودي وجهي الحين !! شبيقوولون جايه تشتري وماعندها فلوس اففف مالي الا اروح اسحب من البنك وامري لله " وتوها بتشيل السيديات ماتجوف الا يد واحد وحاط فوق السيديات خمسه دينار ويقول : تفضلي اختي .. شيماء تفشلت ورفعت راسها تبي تقول لها ماتبي !! بس انصدمت من الي شافته !!! اييييييي هذا اهوو الي شفته قبل جم شهر !! ايي نفس العيوون والحواجب ؟؟ امبيييه شهالفشله ياربيي مستحيل اخذ من عنده شيماء بإحراج : لالالا خووي ماقدر اخذهم .. بروح اسحب من البنك .. يوسف الي متشقق انه جافها بعد هالمده وكان لابس ثوب بيضه وغترة حمرة وعقال وطالع معرس بهاليوم كان فعلا جمييل وخصوصا بالسكسوكه الي محليتنه اكثر واكثر .. : لا شنو اختي تروح تسحبين وتردين تاخذينهم مرة ثانيه !! " والتفت للهندي الي يحاسب وقال : احسب هاذلين .. شيماء توها بتقاطعه : لا اسفه اخوي ماقـ .. يوسف يقاطعها وهو يحط صبعته على طرف بوزه ويقول : اشششششش ولا كلمه .. خلاص انا الي بدفع وانتهى الموضووع .. " وعطاها الجيس " شيماء استحت ونزلت راسها .. خذت الجيس منه وهي ميته من الاحراج .. وريحه عطره الي ماليه المكان خلتها تتوتر اكثر : مسامحه اخووي .. يوسف مستانس عليها وعلى خجلها : لا افا عليج اختي حاضرين .. شيماء ابتسمت له ومشت طالعه من المحل وهي تسب في روحها .. ركبت السيارة وانتبهت له انه اهو بعد خلص شغله وطلع وركب سيارته وهو مبتسم لها .. حركت سيارتها ومشت .. بس الي انتبهت له انه طول الطريق واهو وراها .. ماعجبتها هالحركه منه وقالت اكيد انه من هالشباب الصايعين .. اما يوسف الي صمم انه يظل وراها لما يعرف وين بيتهم ويروح يخطبها ولا منه جسووم .. وفعلا وصلت لعند البيت وسكرت السيارة ونزلت ودخلت من باب بيتهم واهو لازال واقف عند البيت .. تأكد من رقم البيت ومشى وهو مستانس والضحكه شاقه البوز .. قام واتصل في جاسم .. جاسم : هلااااااا يسااف .. يوسف وهو يضحك: حبيبي انت والله .. جاسم طالع تلفونه يتأكد من الي متصل !! : يوسف!! يوسف : هههههههههههه نعم يا حياتي .. جاسم مستغرب !: يوووسف شفييك ؟؟ مخرف ؟؟؟ يوسف : آآآآآآآآه قول الا شنو الي مافيني " وصرخ مرة وحده وخلى جاسم ينقز من هالصرخه " جسووووووووووووووووم شفتهااااااااااااا شفتهااا وكلمتهاااااااا مو مصدق والله مو مصدق .. جاسم : انت بتتكلم عدل او اصك التلفون !! ياخي صروعتني !!! تكلم !! يوسف: ههههه السالفه اني شفتها .. جاسم الي فقد اعصابه : وانه شعرفنيييي من شفت بذمتك يعني !! لا يكون كنت وياك وانا مادري ؟؟؟؟ يوسف: هههههه شفيك معصب .. اقصد شيماء صديقه امل زوجه فيصل .. جاسم : اهاااااااااا قول جذي .. وين شفتها ؟؟ يوسف : لالا عاد هاي يبي لها قعده .. تعال بيتنا وانا اعزمك على خوش غدى .. جاسم : اوكي مسافه الطريج وانا ياي .. يوسف: يالله بااي .. جاسم : باي .. وسكر التلفون وفتح الراديو وكانوا حاطين اغنيه " صدفه " <<<صدفه ومن بين كل الناس علقني .. من يوم شفته وعيني جات في عينه حسيت شي في عيونه حيل يجذبني لما ابتسم بانت في وجهي تلاوينه .<<<."هالمقطع ذكره بشكل شيماء لما ابتسمت له بإحراج " وكمل طريقه وهو يدندن ويا الاغنيه ومستانس حده .. ****************************************************** يالله عاد ابي هالمـرة تعليقات حلـوة منكم .. ولا مابحط بارت تحـياتي MaNaM!a Quote Link to comment Share on other sites More sharing options...
manameya Posted أغسطس 6, 2009 Report Share Posted أغسطس 6, 2009 يسلمووووو ع الباااااارت الحلووو صرااااحه امل مسكيينه مايصير جدي لازم ام فيصل تحطين ليها حد ويكون الموقف قوييييي علشان ينكسر راسها ننطر البارت Quote Link to comment Share on other sites More sharing options...
غلاي قطر Posted أغسطس 7, 2009 Report Share Posted أغسطس 7, 2009 رووووووووووعه البارت كسرت خاطري فطوم او هاااااي ام فيصل ان شااااا الله يصير فيهاا شي او تعرف انه الله حق او اموووول فديتهاا عورت قلبي او فيصل حسبي الله على ابليسه اشفيه عليهاا مب صاحي يلا نبي بعد جي احداث اكشن لووووول تسلميييييين حبوبه يعطيييييج الف عااااااافيه Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.