][ { قصـهـ خيــــوط الامــــل ..} ][

[MaNaM!a]

الجــ الثالث والعشرين ـــزء ..}

 

وصلوا العياده وامل طول الوقت ساكته تحاول تضبط اعصابها وتوترها من مسج فيصل ..

دخلت عند الكتوورة

الدكتوورة : يا هلا والله امل ..

امل تبتسم لها غصب عنها : اهلين فيج دكتورة ..

دخلت وراها حنان وسلمت على الدكتوورة ..

الدكتورة : ها امل جاهزة للفحص ..

امل : أي دكتوورة ..

الدكتورة : يالله عيل ..

 

***************************************************

انصدمت حوراء من كلام امها واخووها !!

حوراء : شنوو ؟!!

محمود : حبيبتي حوراء احنا ماراح نغصبج على شي بس حبيت اقولج انه محمد صديقي حاب يتقدم لج على سنه الله ورسوله .. فكري بالموضوع وردي علينا خبر ..

حوراء تطالعه بعيوون حايرة وساكته ..

ام حوراء : والله محمد خووش ولد وطيب..

حوراء : بس انه وافقت على خالد مو محمد !!

محمود يبي يقنع حوراء : انزين شرايج بمحمد ..

حوراء ساكته مو عارفه شتثقوول .. تحس دموعها بتنزل بأي لحظه .. يهينها ويهاوشها ويتقدم لها !؟!! وين صارت هاذي ؟

حوراء : مابيه .. قلت لكم انه وافقت على خالد مو محمد شفيكم ؟!!

ام محمود حست انه حوراء ماتبي محمد : بس حبيبتي خلاص الي تبينه بيصير ..

سكتت عنهم حوراء وركبت غرفتها وصكت الباب بقووة وانبطحت على سريرها تفكر بمحمد !! مزاجي وحقود!! وفوق كل هذا متقدم لي ؟ شيبي ؟ يبي يعذبني يبي يدمرني ؟!! بس مستحيل اوافق عليه مستحيل ! بعد الكلام الي قاله لي وكان مثل السم يقطع قلبي .. مستحيل اخليه يكمل لعبته معاي .. غمضت عيونها بألم ودمعه نزلت منها وهي تتذكر الي صار لها بالمستشفى يوم الي راحت تشيل الشاش من على يدها ..

 

"دخلت الغرفه وهي مرتبكه واخوها وقف ينتظرها برى مثل ذيك المرة .. اما اهو فرفع راسه يتأمل بشكلها الخجوول والمتوتر ..حس بإحساس يجذبه لها بإحساس يقول له هاذي الي كنت تنتظرها من سنين .. هاذي الي تعذبت عشان توصل لها .. هاذي المفروض تكون حبك وحياتك كلها ..

 

حوراء : السلام عليكم ..

محمد ينتبه لها : يا هلا والله وعليكم السلام تفضلي .. " واشر لها تقعد على السرير المخصص للفحص "

قعدت على السرير واهو جهز الاغراض اللازمه حق يشيل الشاش من يدها .. مد يده ليدها عشان يشيله واهي بدورها عطته يدها ..

مسك يدها وحست برعشه تسري بجسمها .. حست بخشونه يده وحرارتها .. بالغلط وبدون مايدري ألم يدها بالمقص ..

وصرخت حوراء صرخه خفيفه تعبر عن المها : آآآي ..

فز قلبه من صرختها ورفع راسه يطالع عيونها وهي مغمضتنها وخايفه تشوف شكل يدها بعد الجرح ..

محمد : تدرين وانتي معصبه تطلعين احلى ..

حوراء ولعوا خدودها وماعرفت شتقوول .. نزلت راسها وظلت ساكته ..

محمد عقب ماشال الشاش من يدها ابتعد عنها عشان تاخذ راحتها .. وراح على المكتب يكتب لها نوع من الكريمات الي المفروض تستخدمها عشان يروح اثر الجرح يوم بعد يوم ..

وهو منشغل يكتب بالورقه رفع عيونه وطالعها وابتسم ابتسامه ذوبتها وخلتها مو عارفه شتسووي ..

وعقب ما خلص رن تلفونه بمسج ..

ترك القلم من يده ووشال تلفونه وفتح المسج .. فجأه تغيرت ملامح وجهه من الراحه الى العصبيه وتجمعت بملامح وجهه كل انواع الكره والحقد .. حوراء بهاللحظه حست بخوف واهي تطالع ملامحه ..

قام من مكانه وكسر التلفون على الارض لين ماصار كل قطعه بروحها ..

حوراء من خوفها لصقت بالجدار وشهقت بالقووة ..

طالعها محمد واهو يتخيل شخص كرهه شخص تمنه له الموت .. شخص دمر حياته وخلاها بلا معنى ..

محمد بعصبيه : شتبين انتي ها ! ليش واقفه اهني بعد .. ماتطلعين برى وحده مثلج المفروض تستحي على ويهها .. ولا تقابلني .. بس كلكم نفس الشي كلكم خيانات وتلحقون ورا الفلوس .. " ورص على اسنانه بقووه واخذ ورقه الوصفه وقطاها على الارض " اخذيها واطلعي برى مابي اشوف رقعه ويهج مرة ثانيه ..

 

بدون حتى ماتلتف له فتحت الباب بقووة وطلعت من الغرفه ودموعها متجمعين في عيونها .. مشت في ممرات المستشفى ومحمود يلحق وراها مو عارف شفيها .. تمشي وتحس انه تبي تطلع من المكان الي اهو فيه .. تبي تشم هوا نقي ..حست بكرهه تجاه هالشخص الي كل يوم بحال .. "

 

*****************************************************

وصلت البيت واهي تحس روحها تعبانه حدها .. اليوم من الصبح واهي طالعه عشان تدور لها شغل من بدل قعدتها بالبيت هالسنه هذي .. وراحت تشتري اغراض حق امها وتأخرت بزحمه السيارات ..

دخلت الصاله وسلمت على امها وفصخت شيلتها وعبايتها وقطتها على الكرسي الي يم التلفزيون .. ونادت بصوت عالي على الشغاله تجيب لها قلاص ماي لانها حدها عطشانه ..

 

فطوووم شفييج يمه ؟ تعبانه !!

فاطمه وهي تقعد على الكرسي بتعب : اييييه يمه حدي تعبانه متكسرة حدي ..

جابت لها الشغاله الماي واخذته منها : روحي نزلي الاغراض من السيارة مال ماما ووديهم المطبخ ..

الشغاله : انشالله ماما ..

فاطمه وهي تشرب الماي : يمه شنو الغدى ترى حدي جوعانه ابي اكل وعلى طول انام ..

امها : تبين احط لج الحين ؟!!

فاطمه : ياريييت والله يمه ..

دخلت عليها الشغاله واهي حامله تلفونها واهو يرن ..

انتبهت فاطمه له وقامت بسرعه : اوووه نسيته بالسيارة ..

ولما اخذته منها وشافت رقم وليد يضوي الشاشه ارتبكت وماعرفت شتسوي ..

بسرعه حطته على السايلنت ودخلته شنتطها وطلت على امها الي راحت تحط لها الغدى : يمه انه بروح ابدل وبنزل اوكي ..

ام فاطمه : انزين يمه بس لاتتأخرين ..

فاطمه : من عيووني ..

ركضت بسرعه لغرفتها وسكرت الباب وبسرعه راحت لسريرها وفتحت شنتطها بلهفه وتوها بتضغط على رز الاتصال الا يرن تلفونها مرة ثانيه واهو المتصل طبعا ..

ظلت تطالع الرقم وتقول بقلبها " مابرد بسرعه بعدين يقول هاي ملهووفه " ضحكت على افكارها المجنوونه وردت قبل لا يسكر مرة ثانيه ..

فاطمه : الووو ..

وليد : يا هلا والله ..

فاطمه : اهليين ..

وليد : شخبارج انشالله تمام ؟!

فاطمه : حمدالله اوكي .. وانت شخبارك ؟!

وليد : انا بخير دام انتي بخير ..

فاطمه ابتسمت بخجل : تسلم والله

وليد : امممم فطووم ..

فاطمه : هلا ..

وليد: بس هلا عااد ؟؟

فاطمه : هههههه شنو اقول بعد !

وليد : مافي آمر حبيبي تفضل . عيوني لك ..

فاطمه : هههههههه لالا استحي ..

وليد : فديت الي يستحون والله ..

فاطمه تبي تغير السالفه : هههه انزين شنو بغيت !

وليد : احم الي بغيت اقوله اني بعد شهرين راح اكون بالبحرين .. وانشالله راح اكلم بيتنا واخليهم يتقدمون رسمي لج ..

فاطمه منصدمه ومو مستوعبه الي يقوله : ها !

وليد : ههههههه من قال ها سمع ..

فاطمه سكتت مو عارفه شتقوول ..

وليد خاف بهاللحظه .. : فطووم شفييج ؟! لايكون ماتحبيني وماتبيني !!

فاطمه ردت بسرعه : لالا احبك ..

وليد تشقق من سمع هالكلمه : عيديها !!

فاطمه عضت شفايفها بخجل : اعيد شنو !

وليد : الكلمه الي قليتها من شوي بليز عيديها ..

فاطمه : مابي استحي ..

"تسمع صوت امها من تحت تناديها "

فاطمه : وليد مضطرة اسكر الحين امي تبيني ..

وليد : قوليها اول وبعدين سكري ..

فاطمه تقوم من على السرير تبي تسكره بسرعه : ولييد بعدين اكلمك اوكي ماقدر اطول ..

وليد : لا قوليها اول .

فاطمه : ماقدر الحين بلييز بسكره اوكي ..

وليد : اووكي براحتج بس بعدين تقولينها لي ..

فاطمه : من عيووني يالله باااي ..

وليد: بايات عمري ..

 

سكرته واهي مستانسه بس صوت امها خلها تنقز وتروح بسرعه تفتح كبتها وتطلع لها بيجامه وتبدل عشان تنزل تتغدى ..

 

***************************************************

 

الساعه 12.30 رجع يوسف من الجامعه لانه عنده بريك 3 ساعات ...

وقف السيارة عند بيتهم واخذ كتبه واغراضه ونزل منها وتوجهه لباب بيتهم ...

دخل بيتهم وقط كتبه بالصاله وبسرعه راح لامه بالمطبخ وفتح الباب بهدووء ومشى بدون مايطلع أي صوت عشان امه لا تنتبه له وحط يده على عيونها لانها كانت تغسل المواعين وظهرها مقابل الباب ..

نقزت من الخووف : بسم الله الرحمن الرحيم ..

يوسف وهو يشيل ايده من على عيون امه : ههههههههههههاي شفيج يمه طلعتي خوافه ..

التفت امه له ويدها كلها صابون وماي .. وترش بالصابون والماي واهي تضحك على حركاته واهو يناقز مايبي يتلعوز بالماي والصابون : ههههههه الحين من الخواف طلع هااا !

يوسف وهو يطالع ثيابه الي كلها ماي وصابون وبوجهه حزين : يمه حرام عليييج جوفي شسويتي !

امه تضحك عليه : ههههههه عشان تتأدب مرة ثانيه وماتسوي لي هالحركات ..

يوسف : هههههه والله وطلعتي مو هينه يا ام يووسف ..

ام يوسف : هههههههه ايي بعد شنوو .. يالله يمه روح بدل ثيابك وانزل اقعد معاي على مايجهز الغدى ...

يوسف وهو يأشر على عيونه : من هاذي العيون قبل هاذي العيون .. انتي تامرين امر يا ام يووسف ..

ام يوسف : هههههههه شعندك اليوم صاير مؤدب بالحجي ! اكيد تبي شي ..

يوسف واهو يحك راسه : والله اشوى فهمتيني يمه ..

ام يوسف : تربيتي واعرفك ! قول يمه شبغيت ناقصك شي ؟! محتاج شي ..

يوسف : لا والله يمه بس ..

ام يوسف : بس شنو يمه ؟!

يوسف : اممممممم تدرين خل ابدل ثيابي واصلي وبنزل بقولج اوكي ؟!

ام يوسف : اووكي ..

يوسف وهو فاتح عيونه ويصفق بقووه :اووووووووووووه اووووووووووه من متى وامي تقول اووكي ! ها يمه من ورانا ..

ام يوسف : ههههههههههه شسوي فيكم كل واحد كلمني قال لي اوكي واوكي .. قلت خل اقولها انه بعد ..

يوسف : هههههههه يالله يمه بروح فوق انا ..

وطلع من المطبخ وراح فوق غرفته .. اخذ له دوش منعش عالسريع وطلع وبدل ملابسه لبس له بيجامه رصاصيه ووقف جدام المنظرة يطالع شعره المبلل نازل على عيونه بطريقه مو مرتبه .. بيده وبحركه سريعه رجعه على ورا وابتسم لما شاف النتيجه مرضيه بالنسبه له ..

مشى وقعد على طرف السرير وقعد يفكر بالحجي الي بيقوله لامه .. وشلون بيفاتحها بموضوع خطوبته .. وخصوصا انه امه لها فترة تنغز له بالموضوع لانه مابقى شي على تخرجه والشغل بيكون جاهز له في شركه صديق ابووه الله يرحمه .. فقرر انه يفاتحها بالموضوع هالفترة عشان لا تدور له بنت على كيفها ويتورط اهوو ..

ابتسم لما مر طيف شيماء جدامه وتخيل لو كانت اهي الحين زوجته !! شكثر بيكون فرحان ومستانس بيكون اسعد انسان بالدنيا ..

قام وطلع من الغرفه واهو يحس بإحساس جميل وتشجع اكثر انه يقول لامه عنها ومتأكد انها بتحبها مثل ما اهو حباها من اول نظرة ..

 

*****************************************************

 

طلعوا من العياده وعلى محياهم ابتسامه رضى للي قالته الدكتوورة لكن في قلوبهم خوف من المستقبل .. ومن الي بيصير ..

ركبوا امل وحنان السيارة ..

حنان تطالع امل واهي تفتح السيارة . : امل ..

ألتفت لها امل وهي تعرف شبتقول لها : حنان إذا بتقولين شي يخص فيصل مابي اسمع ..

حنان : ههههه لا مابقول شي يخص فيصل لا تخافين ..

امل : عيل شنو ؟!

حنان : شرايج نروح كوفي شوب !!

امل والي عجبتها الفكرة طالعت حنان واهي مبتسمه : والله خووش فكره ..

حنان : ههههههه عاد بشرط ..

امل : شنو هالشرط !!

حنان : على حسابج يكوون !

امل : ههههههههههههه طالع الرزيله ! ههههههههه لكن ماعليه على حسابي ولا يهمج ..

حنان : ههههههههه الفكرة من عندي والفلوس من عندج ..

امل : هيييك لكاان ..

حنان : ههههههه ايي ياللبنانيه ..

 

******************************************************

في هاللحظه وفي بيت ابو سلمان ..

كان فيصل قاعد بالمجلس ويهز رجووله بتوتر وخايف من الي بيصير ...

دخل ابو سلمان على فيصل وسلم عليه ببرود عكس كل مرة يزوره فيها ..

ابو سلمان قعد مقابل فيصل : حياالله فيصل ..

فيصل : الله يحيك عمي ..

ابو سلمان : تشرب شي ؟!

فيصل والتوتر زاد عنده : لا تسلم عمي ..

ابو سلمان : خير يافيصل !! مو قلت لك اخر مرة انه ابي توصلني ورقه طلاق بنتي بدون مشاكل وهواش ! ماشوف شي وصلني ..

فيصل مسح على جبينه حبيبات العرق إلي متجمعه اثر التوتر : والله ياعمي انا مابي اطلق امل .. وحاب اني ارجعها ..

ابوسلمان : شنو !! ليش اهي لعبه ! تطردها ويوم ثاني تردها ..

فيصل ويحس بسجاجين تقطع قلبه كل مايتذكر الي سواه في حبيبته : عمي والي يخليك تسمعني .. عمي انا مريت بظروف صعبه .. صرت بين نارين نار امي ورضاها ونار زوجتي ..

ابوسلمان عصب : انا ماقلت لك اعصي امك !! بس الشي الي سويته غلط بنتي عطيتك اياها امانه تقوم تطردها من بيتك في الليل !! من بيرضاها ها قولي من الي بيرضاها ..

فيصل : عمي صدقني انا ندمان قد شعر راسي ..مستعد اني اسوي أي شي تبيه بس ارجوك عمي مابي اطلقها انا احبها والله احبها وابيها ..

ابوسلمان كسر خاطره فيصل بس مابيده شي ! بنته انهانت وايد وماتبي تشوف رقعه ويه فيصل : مابيدي شي يا فيصل .. امل رافضه انها تشوفك او تتقابل معاك .. الشي الوحيد الي تبيه اهو ورقه طلاقها ..

فيصل : لا عمي ارجووك لا مابي اطلقها .. ابي اشوفها ارجوك خلني اشوفها واتكلم معاها .. وبعدين مابيصير الا كل خير .. ولا تنسى عمي انها ام ولدي ..

ابو سلمان : انشالله يافيصل .. بكلمها وبشوف شنو تقول .. بس إذا مارضت مستحيل اجبرها على شي ماتبيه .. كفايه الي صار لها ..

فيصل وهو يظن انه امل موجوده بالبيت : انزين عمي ممكن تناديها شووي ابي اشوفها ..

ابوسلمان : مو اهني امل .. عندها فحص ..

فيصل ويدق قلبه : فحص شنو ؟!

ابوسلمان : فحص دوري على الطفل ..

فيصل غمض عيونه بألم .. آآه ياامل كنت اتمنى اني اروح معاج حق ولدنا الاول .. كنت اتمنى انه تبشريني وتقولين لي حبيبي انه حامل .. آآآخ يا القهر ..

فيصل بغصه : بروحها راحت ؟!

ابو سلمان : لا والله راحت مع حنان صديقتها ..

 

في هاللحظه وصلت امل لعند باب بيتهم وانتبهت لسيارة فيصل ..

ظلت قاعده بالسيارة وتطالع السيارة الي جدامها .. مرت ذكريات جميله ومؤلمه في مخيلتها .. لمعت عيونها بدمعه ابت النزول .. خفق قلبها بنبضات الحب والاشتياق .. تحركت مشاعر الشوق والوله .. حست بأنها ودها تشووفه .. ودها تحضنه وترتمي بصدره .. تعاتبه على الي سواه .. تحكي له عن معاناتها والالمها ..

 

حنان احترمت سكوتها ونزلت من السيارة بهدووء ودخلت البيت .. وصار في ويهها فيصل وابو سلمان ..

ابوسلمان : ها وصلتوا بنتي .. وين امل ؟!

حنان : أي عمي تونا واصلين .. امل بالسيارة ..

فيصل من سمع اسم امل وانها بالسيارة تركهم وطلع برى بسرعه يبي يشوفها ..

فتح الباب وطلع ولف وجهه لسيارة امل الواقفه ورا سيارته والتقت عيونها بعيونه ...

فيصل واهو يطالع امل وبقلبه نسج هالحروف

..

اشتقت لك كثر الغياب الي ملى صمتي..

اشتقت لك كثر الدموع الي بكت هجرك ..

اشتقتك لك كثر الالم الي ملت صدري ..

 

امل صدمتها خلتها تايهه وحايرة .. ماتدري هل تروح له وترتمي بإحضانه وتسامحه على الي سواه .. او تدوس على قلبها وتشتري كرامتها ..

طالعته بنظرات ألم .. كأنها تقول له .. تأخرت في جيتك هاذي ..

 

لما حست انه فيصل قرب صوب سيارتها .. بدون ماتحس رجعت على ورا ومشت بسرعه من جدامه وكانها تقول له .. { .. صعب ارجع لك ..} ..

 

اما فيصل صرخ بأعلى صووته وماهمه الناس والي حوله : امـــــــل سامحيني ارجووووووووووووج ..

 

امل والي سمعت الجمله وزادت نبرة صياحها وونتها ..

لكنها قوت قلبها واصرت على الفراق والهجـر ..

 

ابو سلمان طلع على صراخ فيصل ولقى فيصل طايح على الارض ويصيح بصوت يقطع القلب وهو يتكلم بكلام مو مفهووم ..

فيصل من شاف عمه زاد صياحه : عمي ارجوووك ارجووك عمي قول لها احبها ابيها والله ابيها لا تخليها تتركني ارجوووووك ..

ابو سلمان عووره قلبه على حاله وحاول انه يقومه من على الارض : انشالله ياوليدي بس انت قووم لا تسوي بروحك جذي خلك قووي ..

فيصل وبمساعده عمه قام من على الارض ودموعه تطيح : عميي ارجووك ابيها مابي اطلقها ..ماقدر اعيش من دونها مااقدر ..

ابوسلمان التفت على حنان الي واقفه واهي منصدمه من الي صار ماتوقعت فيصل يحب امل جذي !! : حنان بنتي جيبي لي قلاص ماي بسرعه ..

فيصل : مابي مااي مابي شي عمي .. ابي امل تسامحني بس ..

ركضت حنان داخل البيت وصبت لفيصل قلاص ماي ويدها ترتجف من الخووف .. وبسرعه راحت لابوسلمان وعطته القلاص الي نص الماي طاح من ركضتها ورجفه يدها..

ابوسلمان يشرب فيصل الماي : اشرب يافيصل ..

فيصل بالغصب شرب الماي واهو يحس بحرارة تسري بجسمه ويحس انه حياته انهدمت خلاص .. وانه امل مستحيل ترد له ..

 

***************************************************

بع ـــد شهــر من الاحـداث ...

 

امل لحين على قرارها .. ماتبي ترد لفيصل وتتعذب في اليوم الف مرة من تسمع طاريه او إذا الجرس يندق .. مشتاقه له ولكل شي يذكرها فيه لكن صعب انها ترد صعب ..

بطنها بدى يكبر ويبين عليها .. لانها بالشهر الخامس ..

 

فيصل الي حالته زادت سوء وخصوصا من ذاك اليوم الي مشت عنه امل وماشافها .. صار كل يوم وترك يوم بيت عمه ويقعد بالساعه والساعتين وامل ولا ترضى تطلع له .. نفسيته تعبت وشغله ماصار يهتم فيه .. جاسم صديقه صار كله يطلع وياه يحاول يطلعه من جو الكئابه الي سجن روحه فيه بس بدون فايده .. لحين على امل انه امل ترد له .. وشكله بيطول انتظاره ..

 

حنان الي لحين عايشه في بيت امل ومرتاحه معاهم ويعاملونها احسن معامله .. وشوقها لامها يزيد يوم بعد يوم .. تعلقت بسامي وصار جزء لا يتجزء من حياتها اليوميه .. وكل يوم تدعي ربها انه الله يفرج عنها وتشكره لانه وهبها عائله طيبه تحبها وتحترمها وشخص يموت عليها ..

 

شيماء الي لحين المتصل المجهول يتصل فيها ويلاحقها من مكان لمكان ... واي مكان تروحه يعرفه ويخبرها انها سوت جذي وجذي .. صارت ماتنام الليل من الخووف .. ماتركز في دراستها ولا تهتم لها .. صار شغلها الشاغر انها توصل لهالشخص الي قلب حياتها فوق تحت ..

 

يوسف كلم امه بموضوع الخطوبه وفرحت له واايد وعجبتها شيماء من كثر مايسولف عنها .. وصار خاطرها تشوفها .. والحين ينتظر يخلص الامتحانات الي عليه ويتخرج وسيده بيتقدم لشيماء ..

 

حوراء الي خلاص وافقت على خالد .. عناد في محمد .. وكل يوم تحس انه الي سوته خطأ بس لازم تتحمل نتيجه قرارها .. وبعد يومين بيروحون حق نتيجه الفحص الي سووها .. عشان عقبها يبتدون يجهزون للملجه والخطوبه ..

 

محمد من عرف انه حوراء رافضتنه وحياته منقلبه فوق تحت وحلف انه لازم مايخلي هالزواج يتم .. لانه بنظرة انه حوراء له واهو لحوراء ..والله يستر من الي قاعد يفكر فيه ..

 

بقيه الشخصيات مرت حياتهم عاديه طول هالشهر ..

 

 

************************************************

الساعه 5 الفجــر ..

نايمه بهـدوء بغرفتها والظلام عام المكان .. الا بصوت المكيف الخفيف ..

رن تلفونها وخـرب هدوء المكان .. واصدر صوت مزعج بسبب الاهتزاز على الطاوله .. مع الرنين المتواصل فتحت عيونها بصعووبه ومدت يدها من تحت اللحاف وسحبت التلفون وردت بدون ماتشوف مـن المتصل ..

هـلا والله حياتي ..

بسرعه عدلت قعدتها وشافت الرقم وطلع انه هذا الشخص المجهول الي كله يتصل فيها ..

ارتفعت صوت انفاسها مع دقات قلبها .. بسبب الخوف الي يصيبها من تشوف الرقم ..

شيماء : نعـم !!

المتصل : الله ينعم بحالج .. اول شي صباح الخير ..

شيماء ترفع شعرها من على عيونها : خير شتبي ؟!! خلصني ..

المتصل : جم مرة لازم اعيد كلامي يعني ؟!!

شيماء : اوكي بسكر الحين ..

المتصل : الساعه8 عندج محاضرة يعني لازم تقومين من وقت..

شيماء الي خلاص باقي شوي وتصيح .. كل شي يعرف عنها كل صغيرة وكبيرة .. : شتبي مني !! ياخي خلني في حالي ..

المتصل : شنو !! اخليج في حالج ؟!! ليش ليش اخليج في حالج ! خلاص انتي لي وانه لج ..

شيماء : انت منوو ؟ انه ماعرفك !ولا مرة جفتك من انت قووولي من انت !!

المتصل بهدووء: اسمي علي

شيماء : علي ! أي علي ! ماعرف احد بهالاسم ..

علي : شيماء انه اعرفج واشوفج كل يوم واتعذب باليوم الف مرة .. وانتي ولا حاسه فيني ..

شيماء ساكته ومو عارفه شتقوول ..

علي : بس الي ابيج تعرفينه .. انج لي وانه لج .. محد يقدر ياخذج مني .. من يوم وانتي صغيرة وانه احبج وافكر فيج .. من يوم انتي صغيرة وانتي املي بهالحياه .. من يوم انتي صغيرة ودائما فكري معاج .. بليييز خليني اعيش باقي حياتي معاج .. حبيتج ولا يمكن اتخلى عنج ..

شيماء صدمتها قويه .. من هالشخص الي يعرفني من يوم انه صغيرة من ياترى ! ماعرف احد بأسم علي مااااااااااعرف !! ماتذكره حتى .. ياربي شيبي مني ماقدر احبه ماااقدر احب شخص ماعرفه !! فجأه طرى على بالها يوسف ..حبها الصامت .. حبها الي يوم عن يوم يكبر .. والي تأكدت منه انه من طرفين ..

شيماء : بلا هالحجي الي مامنه فايده ... روح بطريقك ياخي مابيني وبينك أي شي عشان احبك او اتعرف عليك .. خلني بحالي .. وانه احب واحد ثاني ومستحيل اخونه ..

علي والي جن جنوونه : لااااااااا مستحيل تكونين لغيري مستحييييييل بعد كل الي سويته عشان اوصل لج تروحين لغيري مستحيل تعرفين يعني شنو مستحيل .. مستعد اسوي أي شي بالدنيا عشان ماتكونين لغيري تفهميييييييييييييييييييين ! وراح اظل وراج وراج في كل مكان" وسكر التلفون في ويهها واهي لازالت في دوامه من الافكار ..

 

**************************************************

الساعه سبع في بيت ابو فيصل الله يرحمه ..

ام فيصل كانت قاعده تجهز الريووق على الطاوله مع الشغالات ..

ام فيصل : ميري روحي جيبي عصير برتقال .. وحطيه على الطاوله بسرعه يالله .. وقولي حق سوزن تجي لي ابيها بعد

ميري : انشالله مدام ..

 

في هاللحظه نـزل سامي من فوق ..

سامي : صباح الخير ..

ام فيصل بدون نفس : اهلا ..

قعـد سامي على الطاوله وبدأ ياكل بهدوء بدون مايتكلم مع امه بأي كلمه لانه من ذيك السالفه وعلاقته اهو وفيصل مع امهم متوترة حدها ..

نزل فيصل عقبه بس ماتكلم مع امه بأي كلمه ..

قعد يم اخووه : سموي عطني الخبز ..

مـد يده سامي للخبز بس قبل لا ياخذه اخذته امه منه وعطته حق فيصل : هاك يمه اكل حبيبي ..

فيصل بدون أي نقاش ترك الاكل وقام بدون مايعطي امه أي كلمه ..

ويوم وصل لعند باب الصاله بيطلع .

ام فيصل والدمعه بعيونها : فيصل ليش تعاملني جذي ؟!!

فيصل : لااا والله ! وشلون تبيني اعامل الي هدمت حياتي !!

ام فيصل : انه ماسويت شي ماسويت شي .. املوو الحمارة اهي الي وزتك علي انه ادري ..

فيصل رص على اسنانه يبي يمنع روحه من انه يعصب او يقط كلام على امه لانه مهما يكون بتبقى امه بس لازم تحس بالي سووته في حياة ولدها : امل ماسوت شي ولا عمرها سوت شي ولا بتسوي شي .. وانشالله بترد لي وإذا ردت راح اعوضها عن كل الي سويته لها .. وبعدها ماراح اصدق أي كلمه تنقال عنها لانها اطهـر مخلوق شفتها بحياتي ..

ام فيصل صرخت بطريقه هستيريه : امل ماااااااااااااابيها مااااااابيها تفهم يعني مابيها لا انت ولدي ولا انه امك ان رجعت امل تفــهم !!!

فيصل : هه ! قولي الي بتقولينه يايمه .. امل بردها يعني بردها .. " وطلع عنها وصفق الباب بقوووة "

ام فيصل والي حرتها زادت من عرفت انه فيصل خلاص نوى انه يرد امل .. التفت لسامي الي كان ساكت طول الوقت ..

ام فيصل : كله منك انت كله منك ..

سامي طالع امه مستغرب : شنو كله مني ؟؟

ام فيصل وتطالعه بنظرات كره : انت السبب في كل شي .. فيصل بيكرهني والسبب انت !!

سامي الي طفش من معامله امه له : يمه انه مو ولدج !! انه مو قطعه منج ! ليش تعامليني جذي ليييييييش ؟؟ ليش تكرهيني انه من بد اخواني لييش ؟!!

ام فيصل صرخت عليه : هاي الي قاصر تعلمني شلون اعاملكم بعد !!

سامي : انا اسف يمه .. " وقام من على الطاوله وشال كتبه وطلع من البيت وقلبه منكسر .. دائما اهو الي مو صح دائما اهو الغلطان دائما اهو الي لازم ياكلها بالنهايه حتى لو ماله خص بالسالفه .. "

ركب السيارة وشغلها ومشى .. واهو بالطريق رن تلفونه ..

{ غــلا الـروح } يتصل بكـ ..

رغم ضيقه الا انه ابتسم وحس براحه .. حس انه في احد بهالدنيا يفكر فيه ويسال عنه ..

ضغط زر الرد وحط التلفون على اذونه اليسار واهو يسوق بيده اليمين ..

سامي: صباح الخير حياتي ..

حنان : صباح النوور حبيبي .. ها خلاص طلعت من البيت ؟!

سامي : أي حبيبتي توني طالع وبروح الجامعه .. وانتي متى بتروحين ؟!

حنان : بعد شووي بطلع من البيت لانه اليوم محاضرتي تبتدي الساعه 9

سامي : اهاا زين زين الله يعطيج العافيه حبيبتي ..

حنان : وياك انشالله .. أمممم سامي ..

سامي : عيون سامي .. آمـري حنونتي تدللي ..

حنان توردوا خدودها من الخجل : ههههه تسلم حبيبي .. بس بغيت اسألك عن فيصل شخباره ؟!

سامي : آآه والله عايش ومو عايش ..

حنان : والله قلبي معورني عليهم هالاثنين .. امل وايد تعبانه نفسيتها وكاسرة خاطري عدل ... يعني لازم يلاقون حل لهالسالفه ..

سامي : والله يا حنان انا كلمت فيصل .. وقايل انه فكرة الطلاق شايلنها من باله .. وانه بيرد امل سواء اليوم ولا باجر بيردها ..

حنان : وإذا امل مارضت ؟؟ وانت تعرف انه ... " سكتت وماعرفت شتقول "

سامي : انه شنو حنان!!

حنان : لا ولا شي بس سلامتك .. يالله الله يهديهم ..

سامي وبإصرار : حنان قولي الي كنتي بتقولينه ..

حنان : بس ماكنت بقول شي ساامي ..

سامي : حنـــــــــــان بزعل ترى !!

حنان : اممممم انزين .. قصدي انه امك ماتبيها ..

سامي : امي اصلا بتدمر الكل بحقدها على الناس .. امي تبي فيصل يكون تحت جناحها طول العمر .. وفيصل هالمرة عقل وفتح عيونه على الواقع الي عايش فيه ..

حنان : بس هاي امك يا سامي مايصير تقول عنها جذي ؟!

سامي : أي ام حنان أي ام !! ام ماتحب ولدها ! ام تكره اخوان ببعض ! ام تدمر مستقبل ولدها مع زوجته ؟!؟!! أي ام الي تتكلمين عنها ؟؟

حنان عورها قلبها على حال سامي : ماعليه حبيبي مهما يكون تبقى امك ولازم تتحملها ..

سامي : آآآخ يا حنان .. مو هذا الي مصبرني انه اهي امي ومجبور اتحملها .. يالله الله كريم .. عالعموم حبيبتي انه مضطر اسكر الحين لانه في مرور جدامي ومابيه يشوفني اتكلم بالتلفون وانا اسوق ..

حنان : اوكي حبيبي تحمل بروحك وحط بالك على الدراسه عدل .. ولا تشيل بخاطرك .. كل شي بيتصلح مع الايام ..

سامي : والله محد مريحني بهالدنيا غيرج انتي يا نور عيوني والله ..

حنان : هههههه تسلم لي والله يالغالي .. يالله عمري باااي

سامي : بايات حنونه ..

 

 

 

تحــياتي

MaNaM!a

 

[لـيت الزعـل مـمنوع]

 

بل بل ,, الله يستر من محمد ,, شبسووي يعني علشان يمنع هالزواج

بعد حوراء هالنحيييسه اشكره تحبه ليش هالنحاسه و العناد بعد !!! و بعدين هذا زواج مو لعبه و اذا تزوجت خالد و صارت من نصيبه بعدين بتخوون خالد بتفكيرها بمحمد و هالشي اكبر غلط و هي متزوجه و على ذمة ريال

في نفس الوقت اجووف ان من الافضل ما تتزوج محمد ,,, لأن الاخ متعقد و من اللي فهمته من هالبارت انه تعرض لخيانة من حبيبته السابقة و في نظره كل البنات خاينات و بعدين في كل دقيقه بشك فيها و بتصير حياتهم الزوجيه لا تطاق و بصير طلاق مبكر !!!! اقوول الاحسن ما تاخذ محمد ,, ما اجووف انها اخطأت في اختيارها

 

ياعيييييييينيييييي على الحب بين وليد و فطووووم ,, يله الله يوفقهم و يهنيهم و يسعدهم مع بعض

 

 

انا بالبدايه عبالي اللي يتصل في شيماء و يجننها هو يووسف بس الحين اتضحت الرؤية و طلعت شخصية يديدة اسمها علي !! ياترى من هالشخص ؟؟ و شيصير لها بالضبط ؟؟ ,, غرييب امره ولله حتى هي ما تعرفه و لا حتى تتذكره

انا اقوول يمكن كانوا جيرانهم قبل و انتقلوا و راحوا مكان ثاني و متربيين مع بعض بس هي يمكن ذاكرتها مو قوية فما تتذكره ,, ماعليه انشالله البارت الياي بيكشف لنه شخصيته اكثر و اكثر

 

فيصل ,, ولله معوور قلبي هالصبي ,, اممممم بس في نفس الوقت يستاهل اللي يصير فيه لأن هو بعد ما قصر في امل ,, طقها مثل الحيوانة و كان قاسي عليها واااايد حتى لدرجة يت فترة ما قدرت تتكلم فيها من سوء حالتها النفسيه و المتدهوره !!! و طردها من البيت و ما افتكر وين بترووح وين بترقد في الليل و حق من بتلجأ كللش ما افتكر بس احس يعني ندمان قد شعر راسه و همه الاول و الاخير انه ترد له و انا متأكد بعوضها عن اللي سواه فيها ,, بس لين فات الفوت ما ينفع الصوت و كرامتها و عزة نفسها ما تسمح له ترد له للأسف

 

تستاهل امه اللي يسويه فيها و هذي نتيجة ثمار فعلتها و خل تتحمل غلطتها الحين ,, و اذا هي صج تحب فيصل ,, تصير خوش مره احسن لها

 

يعطيج الف عافية مناميووه ,, ماشاء الله عليج احسج تعبتي و انتي ترتبين الافكار و تألفين من عندج ,, قواج الله

[اياء الشمس]

 

البارت اروع من الروعة نفسها .. مسكين فيصل يكسر الخاطر بس ما عليه شكلها امول بتسامحه .. و امل فيصل تستهاهل .. مسكينة شيوم من علي بعد .. لا تطولين علينا خيوو منامية .. ننطر الباررت ..

 

تحياتي

 

اياء الشمس

[بحرانيهـ كول]

 

الااااااااااااااااااااااااااااااااااااااااااااااااي

 

كلمة روعة وحليووو ولا ارووع والله نايس ماتوووووووووووفي

 

كلش كلش كلش

 

الباااااااارت حده امه وابوه وجد وجدته عجيييييييييييييييب

 

اممم

 

امل حرام خل تسااامح حبيبها ابو البيبي زوجهاااااااا

 

خلااااااص عذبوا وعذبونا وياااااااااهم

 

وعلييييييا عليك يافيييييييييصل ان شاء الله تسامحه امل

 

بس خل تهدأ شووووي عنه عقب يروووووح وان شاء الله يتسامحوون

 

والله عووووورني قلبي عليه وهو يترجى عمه

 

ام فيصل هالعجوووووووز ماكفاها الا سوته في فيصل ناوي على سامي هالمره

 

صدق مرة شايبه عايبه طيح الله ححظش

 

سامي وعليا علييك الله يعينك على معاملة الي تسميها امك

 

وحناان ماشاء الله عليها صدق صدق اخلاق الله يوفقها مع ساامي ان شاء الله

 

شيماء الله يعينها على هالبلووة اكيييييييد بيسوي شي

 

ويمكن يعرف يوسف ويروح ويقول لها انه احبها لااااااااااااااااا

 

حوراااااااااااء ليش وافقتين على خااااااالد اكييد بيصير شي الحيين

 

محمد مابلخيها في حالها اكييييييييد الله يعييييييييينها

 

علي هالشخص المجهوول طلع في القصه اكيد بيقلب حياة شيماء

 

واكيد يبي يسوي شي واكيدين بعد اذا ماراح وكلم يوسف الله يستر

 

 

 

يعطييييييييييييييييش العافيه

 

 

وبعدين ويا برقعش المحلي هذا

 

اني لساني بيصده شي منش

 

 

اموااااااااااااااااااه فديتش والله

 

ننطرش هاا مو يطق ريس النذاله عندش اوك

Edited أغسطس 27, 2009 by بحرانيهـ كول

[ضيفة من خارج الحدود]

آمبي شآقوـوـوـول و شآخلي عن هالبآآرت

بس بعد قصير

بسولف وآيد

بسم الله

آول شي

آمل ..

وعليه

و ما ضاقت الا لتفرج

و اذا احب الله قوماً بلآآهم علشان يسمع آصوآتهم في الدعآء

<< عآيشة القصة

فيصل ..

يستآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآهل و آلف يستآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآهل

عسآآآآآآآآآآآه بهآلحآآل و آردى ان شاء الله

آم فيصل ..

عسآآآآآآهآآآآآ شآقوـوـوـوـوـوـوـوـوـوـوـوـوـوـوـوـوـوـوـوـوـوـوـوـوـوـوـوـوـول

يعني فوق شينهآآ قواة عينهآآ

آنآ لو منهآآ << الله لآآ يقوول

آقفل علي غرفتي و لآ آطلع من الفشلة

سآآمي ..

حآسه آن آم فيصل مب آمه

مرت ابوهـ

شي جذي يعني

بس قصة حبه مع حنآن و لآ آروع صرآحة

و ان شاء الله زواجههم بالبارت اليآآي قولوآ آمين

عقبآلنا كلنا

آمم

شيوم ..

وعليه

حاسه فيها بعد قلبي

بس لا تخافين مردج ليوسف ..

علي ..

غلطآن يوم قآل مستحيل تكون لغيرهـ

آكيد يقصد مستحيل تكون له و آنا وحدة من قرآء القصة

يوسف ..

خطوة جريئة منه

عقبآل ما يكون زواج ويه سامي بنفس الليلة ان شاء الله

فاطمة .. وليد ..

مبروكـ مقدماً

حوراء ..

معهآآ حق و لا آحد يلومها

محمد ..

آتوقع بيمنع هالزواج

و بحكم انه دختور

بيتلآعب في نتآيج التحليل

آو التحليل من ساسه بيطلع مب مناسبين لبعض

خآلد ..

هآرد لكـ حبيبي و دور لك من الحين على بديل لـ حورآء

من بقآآ بعد ؟!

بس لآآ

تعبت هع هع

بس مو كأن بطلآتنآ مستعجلآت ع الهم ..

هع هع

آدري مآلي دخل

بس آبدي رآيي

و مشكوـوـورة قلبي ع البارت الروعه

و المرة الياية لا تتآخرين وآيد ملل و اجازة و صيام بعد ..

<< مادري شدخله في موضوعنا

و نزلي لنآ بآرط طويل هع هع

و بث بطلع لآ تطرديني

[أحلى مصرقعه]

أمبييييييي

 

منآآآمية طولي لنآآ البآآرتآآآت

 

ح ـرآآم ترى وآآيد قصآآر

 

 

أمووول

 

مسكييينة

 

بس لا تتنآآزل

 

خ ـل تـ ع ـذب فيصل بعد الي سوآآه لهآآآ موب شوي <<< و الله مآآ ج ـذبت

 

 

 

فيصل

 

يستآآهل مـ ح ـد قآآل له يسوي الي سوآآه <<< حلفيي بس

 

بس يكسر الخآآطر

 

 

أم فيصل

 

صج مآآآ تستـ ح ـي ع ـلى ويهها

 

تسوي سوآآتهآآ و تـ ح ـطهآآ ع ـلى سموي

 

 

فوق شينهآآ قوآآة ع ـينهآآ <<< مثل بمـ ح ـله

 

 

سموووي

 

الله يسآآ ع ـده ع ـلى الخبلة أمه

 

 

أ ح ـلى شي ح ـبهم

 

فديييت ح ـبهم

 

 

شيووم مسيكيينة

 

و الي خ ـلقهآآ ما بيضيـ ع ـهآآ

 

<<< مآآله د خ ـل بس يآآ ع ـلى بآآلي و ح ـطيته

 

 

يوووسف

 

الـ ح ـمدلله فآآتح أمه بالموضووو ـع

 

و ع البركة

 

 

ع ـليي

 

خ ـيولي هذآآ

 

موب ع ـلى كيفه

 

شيوم ليوسف

 

و يوسف لشيووم

 

<< كتبي القصة أ ح ـسن

 

 

فطووم و وليد

 

ألف ألف ألف مبروووك

 

<<< مقدماً

 

 

ح ـوريي

 

يستآآهل ح ـمووود

 

و الي سوآآه لهآآ موب شوي

 

 

ح ـموود

 

مآ ع ـرف شلون مآآ بيـ خ ـلي الزوآآج يتم

 

بس أتوقـ ـع ان التـ ح ـليل يطلـ ع موب لصآآلـ ح ـهم و ما يـ ع ـرسوون

 

 

 

خ ـآآلد

 

بيبآآي <<< حـ لفيي

 

 

 

آمممم

 

دلووول الدبة مآآلهآآآ ح ـس << طيـ ح ـت الميآآنة

 

 

يسلمو منآآمية قلبووو

 

بس ع ـآآد طولي البآآرت << طرآآرة و تتشرط

 

مآآ أخذت 5 دقآآيق و آنه أقرآآه <<< أمبيي بيطيح السقف

 

 

يـ ع ـطيج الـ ع ـآآفيهـ

 

و ا ح ـنآآ ننطر

[a7la w3hdanya]

مشكوورة حبوبة

بانتظار البقية

[Miss Girl]

مسكييييييين فيصل ,, ليش تسوي فيه امل جذي .. يستاهل وما يستاهل ,, بس خلها ترد لـه .. مسكيين تعذب

وامه الله يغربلها صدق ما تستحي ,, في احد ما يحب ولده

ساامي يكسر خااطري ,, احس حقة مأخووذ من امهـ .. بس حناااااااان تعوضه عن كل شي ,, الله لا يفرقهم

ام لوولييد الله يخليهم الى بعض

شيماااااااء يؤ يؤ منهو هذا علي بعد .,. ما عليها منها وخلها تحب يوسف اكثر واكثر ..

حورااء الله يعييينها .. تحب محمد لكن ما تقدر .. يلا خاالد بيعوضها عن كل شي كلولولوش ..

تسلمين على البااااارت الكشخة

[غلاي قطر]

واااااااااااااااو

 

رووووووعه والله

 

تسلمين حبوبه يعطييييج الف عااافيه

[manameya]

يسلمووو عمري عالى الباااااااارت الحلوو

 

ننتظر البارت ...