أم البنآت Posted نوفمبر 1, 2009 Report Share Posted نوفمبر 1, 2009 انا توني آقول منآمية رحمتنآ هـ البآرت الا هوه مخلص Quote Link to comment Share on other sites More sharing options...
الدمعه المقهوره Posted نوفمبر 4, 2009 Report Share Posted نوفمبر 4, 2009 وينج اختي طولتي عليينا وااايد نـــــــــــــــــــــــــــــــــــــــــــبــــــــــــــــــــــــــــــــــــــــــي بــــــــــــــــــــــــــــــــــــــــــــــــــارتـــــــــــــــــــــــــــــــــ Quote Link to comment Share on other sites More sharing options...
أحلى مصرقعه Posted نوفمبر 6, 2009 Report Share Posted نوفمبر 6, 2009 ويينج منآآآآمية ؟؟؟ Quote Link to comment Share on other sites More sharing options...
)(Miss 2Day)( Posted نوفمبر 7, 2009 Report Share Posted نوفمبر 7, 2009 ?????????????????? Quote Link to comment Share on other sites More sharing options...
تومي الحلوه Posted نوفمبر 7, 2009 Report Share Posted نوفمبر 7, 2009 ?????? Quote Link to comment Share on other sites More sharing options...
MaNaM!a Posted نوفمبر 7, 2009 Author Report Share Posted نوفمبر 7, 2009 الجــ الواحد والثلاثـون ـــــزء..} فيصل حس بشعور من الفرحه والراحه لما شاف امل واقفه قباله .. رفع يده لها : امل .. تقربت يمه ولامست يدها يده بنعومه .. رفعها بهدوء لعند شفايفه وباسها .. فيصل وشعور الذنب قاعد يزيد كل ماناظر بعيونها ..: سـ سـ ـامحيني يالغاليه .. امل تمسح دمعه على وشك النزول: اترك كل شي للايام يافيصل فيصل وهو يعدل قعدته : اوعدج اوعدج يا امل اني اصلح كل خطأ سويته بحقج بس ارجوج سامحيني واعطيني فرصه ثانيه .. بهاللحظه دخلوا دلال وسامي .. دلال واهي تقرب صوب فيصل وتطبع بوسه على جبينه : حمدالله عالسلامه فيصل .. سامي راح وباس اخووه على راسه : حمدالله عالسلام ياخووي .. فيصل بإبتسامه باهته : الله يسلمكم .. دلال : يالله شد حيلك وانشالله كلها اسبوع وبتطلع من المستشفى .. فيصل : جم صار لي اهني ؟ سامي : ثلاثه اشهر تقريبا .. فيصل التفت لامل وكانه تذكر شي .. قعد يطالع بطنها بخوف .. أسأله وايد دارت في باله .. امل فهمت قصده وابتسمت : علي ينتظرك بالبيت يا بوعلي .. مايدري شنو يوصف شعوره لما سمع بإسم ابو علي يااااه شكثر تمنى هاليوم يجي .. ماحس لروحه الا ودمووعه لخده تسيل .. سامي : افاا ياخوي من بدال ماتفرح انك صرت ابوو تقعد تصييح ! فيصل يبتسم لاخووه : ههههه دموع الفرح ياسامي .. الله يعلم شكثر كنت متمني هاللحظه .. ****************************************************** رجع محمد واهو مبتسم وفي يده اثنين اسكريم .. لما دخل وقعد في السيارة التفت لحوراء .. : تفضلي حبيبتي .. حوراء بهاللحظه كانت تطالع الشارع والدموع بعيونها .. تجاهلت كلام محمد ولا كانها سمعته .. محمد استغرب سكوت حوراء وفكرها سرحانه فيه : الحلوو في شنو يفكر ؟؟ إلتفت حوراء له وطالعته بنظرات حاده .. عمره ماشاف مثل هالنظرات منها .. ولاول مرة محمد يخاف : شفيج حوراء ! فتحت البي تي وطلعت منه اوراق وقطتهم بوجه محمد : هذا الي فيني !!! محمد من الصدمه فتح بوزه وماعرف شنو يقوول .. بدون احساس قط الاسكريم برى السيارة وصادته حاله من الخوف الهستيري : حوراء ارجوج سمعيني راح افهمج كل شي والله .. حوراء خلاص ماقدرت تتحمل : تفهمني شنو ؟؟ هاا!! بشنو تفسر تصرفك الخبييييييييث هذا !!! عيشتني في جذبه طول هالفترة !!! انت ماعندك احساس ! ماعندك ذره من الضميير اصلا .. محمد يحاول يهدي من توتره ومن عصبيه حوارء : انزين انتي اهدئ وكل شي راح اقووله ارجووج حوراء اهدئ .. حوراء زادت نبره صوتها : ماااااابي اهدئ ماااابي . رجعني البيت رجعني البييت الحيييين ولا صدقني انزل من السيارة .. محمد : حووراء لا تسوووين جذي خليني افهمج السالفه وليش سوويت جذي !!! ارجوووج لا تحكمين علي بدون ماتسمعيني ! حوراء : رجعني البيت ! محمد وقف السيارة على صووب : حوراء ارجوج بس اسمعيني وبعدين بردج البيت .. سكتت حوراء واهي تطالع الصوب الثاني .. مو متخيله محمد بهالتفكير يهدم حياه انسان عشان سعادته ! وانه الي كنت منغشه بهالانسان الي تشكل لي بصوره ملاك ! محمد حس بغصه في حلقه .. حس السعاده الي اهو عايش فيها بتنتهي قريب ..؟! ولازم يسوي شي عشان مايتركها تروح من يده : حوراء تدرين اني عشت طول حياتي حزين ومتقعد من كل جنس حواء .. حوراء من جفتج دخلتي قلبي .. آسرتيني .. عيشتيني في حلم جميل .. شتبين مني اسوي وانه اشوف الانسانه الي عشقتها مو بس حبيتها تروح لانسان غيري بكل هدوء ! وانه اعرف انه بعدها ماراح تكون من نصيبي للابد .. فكرت وفكرت وفكرت .. مانمت الليل من التفكير .. افكر في وسيله تخليني استردج واخليج ملكي انا وبس .. صدقيني لولا هالطريقه جان انتي مو معاي الحين ..ادري انه غلط واني غشيتج بس والله العظيم ورب الكون سويت هالشي لاني احبج .. لاني مااقدر اعيش من دوونج .. افهميني حوراء ارجووج قدري موقفي حسي باللي كنت احسه .. طول عمري عشت مخدووع طول عمري وانه اعيش متعذب بذكريات الماضي .. ولما انتي طلعتي بحياتي غيرتيني ! شلون تبيني اتركج تروحين لغيري ! حوراء سمعت كل كلمه قالها وحست فيها .. حست بمعنى حبه لها وعشقه .. بس كان لازم تقسي قلبها .. وماتطوفها له .. حوراء : محمد ممكن تردني البيت ! محمد : اول شي توعديني انج تفكرين بالكلام الي قلته ؟ حوراء : انشالله بس ردني البيت .. ****************************************************** اليوم الثاني .. في بيت فاطمه .. قائمه التجهيزات .. وفاطمه حابسه روحها بالحجرة والدموع ماوقفوا من عيونها .. خاشه راسها تحت الموسده ومو مصدقه الي قاعد يصير .. شكثر حاولت تتصل لوليد ماقاعد يرد على اتصالاتها .. من يوم امها خبرتها واهي بحجرتها مانزلت تحت ولا تدري بإي احد .. طقت الخدامه الباب .. فاطمه بدون نفس : نعــم ! الخدامه من ورا الباب : ماما يقول روح تحت .. فاطمه زادت نبره الصياح عندها .. وحست بإنها لازم ترضخ للامر الواقع .. وقررت من تشوف الصبي تقول له انها مو موافقه .. قامت من سريرها ودخلت الحمام وخذت شور عالسريع .. لما طلعت من الحمام شافت روحها بالمنظرة .. عيونها متنفخه من الصياح .. قررت تحط لها كريم تعدل من شكل عيونها المنتفخ .. بعد مابدلت ولبست لها تنورة بنيه وقميص وردي فيه زخرفه باللون البني .. سشورت شعرها ورفعته .. حطت لها كريم .. سمعت الباب ينطق .. فاطمه : من !؟ الخدامه : ماما يقول نزلي تحت الحين .. فاطمه : انزيييين .. جيكت على شكلها ونزلت تحت .. حاولت تبعد التوتر والخوف الي صادها من اول مانزلت من على الدرج .. ورسمت ابتسامه خفيفه بشفايفها .. خلى قلب امها يرتاح من شافت الابتسامه ودعت انه الله يهديها وتوافق .. سلمت على ام المعرس وخواته .. وقعدت بعييد واهي تفكر بوليد وبمصيرها المجهول ! بعد ربع ساعه .. وصلها صوت ابوها واهو يناديها عشان تلبس .. قامت بسرعه والغصه بحلقها .. عمرها ماتخيلت انها تكون لشخص غير وليد .. هالشي بحد ذاته بالنسبه لها جحيم .. لبست لها شال وتغطت زين .. ودخلت الحجرة اللي فيها الصبي .. فتحت الباب وراسها بالارض .. حست بهيئته وبريحه عطره العود القويه .. مشت لعند ابعد كرسي وقعدت عليه ولازالت تطالع الارض .. والدموع بعيونها متجمعه .. الطرف الثاني .. : احم .. ماودج تشوفيني ..! بدون احساس رفعت راسها وطالعته .. انصدمت .. وغمضت عيونها وردت فتحتها .. تبي تتأكد من الي قاعد قبالها خيال ولا حقيقه ! معقوله اهوو .. وليد ابتسم لها : حلوة الحركه موو ؟ فاطمه بدون احساس صاحت .. حطت يدها على وجهها وصاحت بدون ماتفتكر لوليد .. وليد كسرت خاطره واهي تصيح .. حس روحه قاسي بهالحركه .. : فطووم حياتي لا تصيحين حبيت اسويها لج مفاجأه والله .. فاطمه تشيل يدها من على وجهها : حركه بايخه تدري ! وليد : ههههه عمري الزعلانين .. عساني فدى لروحج انه .. مسحي دموعج حياتي وابتسمي ..قريب ويتحقق حلمنا .. ****************************************************** الساعه عشر الليل .. توها واصله البيت وهلكانه حدها .. قطت الاجياس كلهم على الارض وراحت تاخذ لها شور يصحصحها شووي .. بعد ماطلعت من الحمام وجففت شعرها .. طالعت تلفونها ولقت فيه مسكول من امل .. ابتسمت واتصلت ليها .. امل : هلا والله بالي مايسألووون ! شيماء : ههههه هلا امووله حبيبتي شخبارج شمسوويه ؟ امل : انه حمدالله اسأل عنج وينج انتي ماتبينين كلش ! كل هذا عشان قريب عرسكم يعني .. شيماء : هههه شسووي اموول وايد عندي مشاوير وماشريت لحين الا الاشياء الخفيفه ..وراسي مفتر حده .. ويوسف مغربلني الا يبي العرس بسرعه فمادري شنو اسووي .. امل : افا عليييج شيوومه وانه وين رحت .. انشالله باجر انيم علووي وامر على فيصل اتطمن عليه ونروح مع بعض السووق ونشتري كل شي ببالج ! شيماء ضربت على راسها : وييي نسييت شخبار فيصل انشالله احسن صاار ؟ امل : هههه مو منج من العرس الي خربط مخج ! .. فيصل الحمدالله اوتعى من الغيبوبه وقام بالسلامه .. وانشالله هالاسبوع بيطلع من المستشفى .. شيماء : حمدالله على سلامته .. وعرف باللي صار لامه ! امل : لا لحين ماقلنا له .. وكل مايسأل عنها نقول له أي شي عنها .. صحته ماتسمح له يسمع اخبار مو اوكي .. شيماء : وانتي شنو مقررة تسوين .. بعد مايطلع فيصل من المستشفى ؟ امل وردت لواقع تحاول تتهرب منه : آآآه ماادري والله ..! محتاره .. شيماء : تبين نصيحتي ؟ امل : قوولي .. شيماء : فيصل يحبج وشاريج .. صح سوى اشياء غلط بحقج بس المده الي كنتوا بعاد فيها عن بعض علمته اشياء وايد وعرف درس مستحيل ينسااه .. حالته الي كان فيها قبل والحادث كله عقاب من رب العالمين .. سامحيه امل .. انتو بينكم ولد وحرام يتربى بين ام وابو منفصلين عن بعض .. سامحيه واتركي كل شي للايام .. اهي كفيله بالنسيان .. فكري ومهما كان القرار الي بتتخذينه .. فأهو الصح .. امل دمعت عيونها وحست روحها مو قادره تفكر .. اهي قالت لفيصل انها سامحته .. بس في شي بداخلها يحسسها بإنه الشي الي سوته غلط .. ماتدري شتسوي ! .. : يالله الله كريم .. وانتي ماعليج خلي بالج من تجهيزاتج ياعرووسه .. شيماء : ههههه انزين دام باجر بتين وياي بقول لحوراء وفطوم بعد .. من زمان ماتجمعنا مع بعض .. امل : اييي والله مشاكل هالدنيا فرقتنا ..وكبرتنا عشرين سنه جدام .. شيماء : ههههه ويلي عليها ام الحكم .. امل : هههههه .. " سمعت صوت ولدها يصيح " شيووم حبيبتي اسمع صوت علاوي يصيح بروح له برضعه .. عشان ينام .. شيماء : وي فدييته الصغنون انه .. سلمي عليه وبووسيه وعضيه في خده هديه مني له .. امل : ههههه يمه منج تبين اعور ولدي برووحي ! ماافي حده بووسه .. شيماء : هههههه ماعليه لين شفته بعضضه على كيفي .. امل : هههههه تبيني اذبحج .. يالله بروح له .. تحملي برووحج واجوفج بااجر .. شيماء : وانتي بعد يالله بااي .. امل : باياات .. بعد ماسكرته من امل .. حطت بقيه اغراضها على صوب .. ولبست لها بجامه نووم مرييحه .. وراحت عالسرير .. توها بتنام الا يرن تلفونها .. ابتسمت من سمعت الرنه .. ردت وحطت التلفون على اذونها .. هههه عنيييد ! يوسف : يالظالمه يومين ماكلمتج وحشتيني والله وحشتيني .. شيماء : هههههه قلت لك ماابي اكلمك الا يوم العرس .. يوسف وشوي ويصيح : شيماء ليش انتي قاسيه ! اقولج وحشتيني والله مااقدر اتحمل لبعد شهر .. واااايد علي شيماء : ههههه يووسف حبيبي شفييك مو قادر تتحمل جم اسبووع يوسف : آآآآخ ماتدرين شكثر مشتاق لج .. مشتاق اشوفج جنبي على طوول .. شيماء .." استحت من كلامه وحبت تغير الموضوع .." : انزين يوسف التلفون مافي جارج بيبند الحين .. تحمل برووحك .. يوسف : شيماء لا تجذبين علي حرام عليج ابي اكلمج ..! شيماء مع انه كاسر خاطرها يوسف بس لازم تسكره لانها تعبانه ولانه ماتبي تكلمه ليوم العرس .. : حبيبي صدقني الجارج مخلص وبيبند .. مرة ثانيه اكلمك تحمل برووحك وتصبح على خيير .. يوسف : احبج .. شيماء وردو خدودها : انه بعد احبك .. يالله بااي .. وعلى طوول سكرته عشان ماتعطيه مجال يتكلم اكثر .. بعد دقيقه وصلها مسج منه .. مكتوب فيه .. ماعليه بتحمل كل شي الحين منج .. لحد ماتصيرين في ايدي وملكي انا وللابد .. بعذبج مثل ماعذبتيني .. اعشقج يالمجنونه .. ضحكت على مسجه واهي تقول .. : الله يستر منك ومن الي بتسوويه .. بعدها نامت واهي تفكر في يووسف وبكل الي صار لهم وبحبهم القووي .. وتتمنى تعيش حياتها معاه بسعاده .. من بعد العذاب الي عاشته .. ***************************************************** تحـياتي MaNaM!a Quote Link to comment Share on other sites More sharing options...
نور الفواطم Posted نوفمبر 8, 2009 Report Share Posted نوفمبر 8, 2009 واااااااااااااااو الباااارت رووووووووعة بس تكفييين منااامية لا تطولين علينا في البااااارت الجااااي Quote Link to comment Share on other sites More sharing options...
تومي الحلوه Posted نوفمبر 8, 2009 Report Share Posted نوفمبر 8, 2009 رووعه البآرت لااطوليين علينهاا Quote Link to comment Share on other sites More sharing options...
محرقاوية وبس الباقي خس Posted نوفمبر 9, 2009 Report Share Posted نوفمبر 9, 2009 تسلمين حبيبتي على التكلمة الروعه و تحياتي لج وننتظرج لا تطولين علينا Quote Link to comment Share on other sites More sharing options...
الصدى الحزين Posted نوفمبر 9, 2009 Report Share Posted نوفمبر 9, 2009 تسلمييين حبيبتي عالبارت الروعة ،، بس قصير بسرعة ابي اعرف شنو سر هالاوراق وشنو فيهم وليش خدعها ؟؟ يهدم حياه انسان عشان سعادته << ومنو هالانسان اللي هدم حياته ؟؟ حركة وليييد واااجد فن عجبتني ،، يه يه شيوووم من قدها بعد امل لازم تسمع كلام شيوم وترد ليه بأنتظااار البارت الجااااااي لاتتأخرين علييييينا يعطيش العافية Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.