dando0ona Posted سبتمبر 13, 2009 Report Share Posted سبتمبر 13, 2009 السلام عليكم ورحمة الله وبركاته وايد نسمع خاصة بمجتمعنا هذا ان البنت لو انولدت او عاشت بين صبيان وكانت البنت الوحيده فراح تكون دلوعة ابوها ودلوعة البيت والاهتمام كله ينصب عليها .... لكن الي اشوفه العكس ان البنت بمجتمعاتنا خاصة تكون محط اهتمام أقل بكثير من الشاب !! فنشوف الزوج اول ما يتزوج يبي يكون عنده ولد واذا ياله اول مولود مو ولد تصك فيه الدنيا !! بصراحه شي يضايق ...ان نشوف في ناس جذي او ان مجتمعنا يفكر جذي في ناس تقول لا وين هذا قبل وتطورنا ومادري شنو يمكن كشكل عام ما تشوفون هالشي او ماتحسون فيه بس داخل البيت بجو البيت هالشي يكون واضح وأإأيـد !! . . من واقع تجربه لاني البنت الوحيدة بين 4 صبيان واكبرهم اي احد يسألني من رفيجاتي او حتى اهلي يعذلوني ان ما عندي خوات وان هذا معناته ان انا دلوعة البيت ومحط الاهتمام ..ويقولون يا حظج اكيد دلوعة البيت ..فلمن تكون انت عايش عكس هالشي تحس بداخلك بحرقه كل ما احد يقولك هالكلام وتنزل راسك وتسكت !! فبالعكس !! من الي آنا شفته ان كوني وحده بين 4 صبيان فحقوقي ضايعه يعني 4 أهم من 1 انت تلبي احتياجات 4 تقريبا احتياجاتهم متقاربه ولا احتياج شخص واحد احتياجه مختلف فيصير ان الشي اذا صار عندك منه مجموعه تهتمله اكثر اما اذا عندك منه واحد فمو مهم يعني اهميته اقل تهمله ماله اولوية كلش خاصة ان لمن تكونين البنت الكبيرة كل شيء مسؤوليتج ...ويعتمدون عليج بالمصايب بس الوقت الي اخوانج الي اصغر منج يغلطون عليج فيه فعادي !! ليش عادي!!لأن اهو ريال!! شنو يعني اذا ريال !!! يعني حتى لو اهو على غلط واصغر لازم اذا غلط علي اسكت ..لأن الريال عنده كرامه مايصير تجرحين رجولته!! وآنا كرامتي وين!! ويوم البنت اسود اذا راحت تشتكي حق ابوها ولا امها ان اخوها غلط بشي , طبعا تنقلب السالفه عليها وتطلع اهي الغلطانه ...واذا اهي غلطت باي شي لو حتى اتدافع عن نفسها ...تطلع قليلة ادب ومو متربية وماتستحي !!! بصراحه شي يضحك ويذبح بنفس الوقت ابي رايكم !! هل تعتقدون ان البنت الوحيده بين صبيان اهي تكون الدلوعه ام الضحية؟؟ هل المجتمع مازالت فيه هالنظرة (من الي تعيشونه في بيوتكم الأم توقف مع الولد دايما)؟؟ هل تشوفونه شي عادي وان هذا الواقع !!يعني انتي باجر كأم هل راح تعاملين بناتج جذي بحجة ان ماتبين تكسرين شخصية ولدج كرجل او انت كأب باجر راح توقف مع ولدك حتى بالغلط ضد بنتك ؟؟ واذا عندكم اي اضافات راح يسرني اسمعها ...مثلا تجاربكم !! مـــــع تحيــــاتي dando0ona Quote Link to comment Share on other sites More sharing options...
Sheeva Posted سبتمبر 13, 2009 Report Share Posted سبتمبر 13, 2009 انا بنت وحيدة بين صبيان و اجوف نفسي أكثر من دلوعة بعد .. و حصلت اللي اخواني ما حصلوه .. لي عودة للتعقيب على الموضوع بشكل مفصّل و من زوايا مختلفة تحياتي لج Quote Link to comment Share on other sites More sharing options...
بوعلي00 Posted سبتمبر 13, 2009 Report Share Posted سبتمبر 13, 2009 (edited) والله في رايي،، المشكلة تصير إن الصبيان مايعرفون شلون يتعاملون مع أختهم؟؟ يعني جدامهم (كائن غريب) همة بينهم وبين بعضهم ارفين حق روحهم إذا زعلوا أو تهاوشوا.. فإما بيتعاملون وياج مثل مايتعاملون مع بعضهم البعض (وفي ذي الحالة تحسين إن يعاملونج بشدة كونج على قولتهم أنثى رقيقة وكون إخوانج ذكور خشنين) أو إن يقولون هذي غير عنا مايصير نعاملها نفسنا (وفي ذي الحالة يا إن يسوونج يا دهينة لا تنكتين أو إن يعاملونج بجفاف شديد). وطبعاً في أمور ثانية تتعلق بالمعاملة، يمكن من اللي يجوفونه من البنات اللي برع، فتصير عندهم ردة فعل إن ما يبون أختهم تصير جذي. وباقول لج شي أختي،، إخوانج ترى يحبونج ويخافون عليج في نفس الوقت،، بس خاينهم التعبير ولا يعرفون شلون يتصرفون. وتذكري .. الأخت شمعة .. والأخت ذهبة .. وصدقيني بيعرفون قيمتج بعدين .. الأخت تلم العايلة.. وبعدين لما العيال يكبرون ويتزوجون ، الرياييل (في الغالب) تخف ريولهم عن والدينهم.. بس الأخت لا.. توصل لدرجة (حتى لو كانت في بعض الأحيان غلط) إن تضحي بزوجها علشان والدينها. يمكن كلامي مومرتب.. بس هذي الأفكار اللي ياتني يوم قريت موضوعج. والله اييسر أمورج .. ويسعدج مع اخوانج .. اللهم آمين. Edited سبتمبر 13, 2009 by بوعلي00 Quote Link to comment Share on other sites More sharing options...
ماريا الوردية Posted سبتمبر 14, 2009 Report Share Posted سبتمبر 14, 2009 (edited) امممم بصراحة والله على حسب الأهل وتفكيرهم اذا كان مبدئهم اللي ايي من الله حياه الله واذا كانت البنت الوحيد بين الصبيات بتكوون دلوووعة البيت ومحط الاهتمام عند الجميع في البيت ولكن اذا كانوا من النوع اللي يبوون ولد اول شي وياتهم بنت فيمكن تكووون ضحية ومظلوومة بعد يسلمووو Edited سبتمبر 14, 2009 by ماريا الوردية Quote Link to comment Share on other sites More sharing options...
عاشقة الاخوة 27 Posted سبتمبر 14, 2009 Report Share Posted سبتمبر 14, 2009 مو شرط تكون دلوعه و لا ضحيه . اذا الاهل من النوع اللي يدلعون ف بيدلعون عيالهم على اية حال ... و اذا العكس ف مو شرط يكونون قاسين معاهة .. يعني راح تكون معاملتهم عاديه . Quote Link to comment Share on other sites More sharing options...
بنـــ الحد ـــت Posted سبتمبر 14, 2009 Report Share Posted سبتمبر 14, 2009 هالشي يرجـــــــع حق الاهل و طريقة تفكيرهم في هالناحيـــه ممكن الام والاب يحبون الأولاد اكثر من البنات ... وفي الاب يحب البنات والام العكس ... وااااايد الناس تختلف بس نظري لبعيد .. تركي امور الدلع ع صوب .. الاولاد بيحمون اختهم الوحيده من كل شي في الحياه و بتكون عندهم اغلى من عيونهم Quote Link to comment Share on other sites More sharing options...
عاشقة غروري Posted سبتمبر 15, 2009 Report Share Posted سبتمبر 15, 2009 ع حسب الاهل وتفكيرهم واذا بنت بروحها بين صبيان اكيد بدلعونها بس كلهم يحبونهم ومافي فرق بينهم Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.