October 13, 200916 yr comment_11995106 السلام عليكم شخبار ..؟ شمسويين.. شلونكم... بس اذا ما عليكم امر و اذا تقدرون يعني و ما فيها كلافه عليكم ابي اي معلومات عن هل مواضيع الي بذكرها لكم و اذا ما عليكم امر ياليت تكتبون المصدر الي خذيتوا منه هل معلومات و اذا ما تقدرون موب لازم بس اهم شي تساعدوني بليز حدي متغربله الله يلوع جبد الدكتور لوع جبدنه بهل بحث المواضيع : الاهليه الكامله و الاهليه الناقصه دور الجنين عوارض الاهليه الجنون الحجر على المجنون العته النوم و الاغماء المرض ادري وااايد بس لو تعطوني عن اي شي هم قابله بليز ساعدوني طووول يومي في المكتبه و ما في فايده يعني بضطر انقل كل الكتاب و برد اتيب مره ثانيه و لا جان زين 5 صفحات او 10 يبي منه 20 _30 صفحه الله يهداه غربلنه و لا يبنه نسوي برزنتيشن عاد هذي و لا في عيد البش المهم طولت عليكم و مشكورين و ما قصرتوا يعطيكم العافيه يلا حبايب قلبي اتمنى انكم تساعدوني تحياتي بـــــــــنت الــــــرفـــاع Report
October 13, 200916 yr comment_11995207 اي مقرر؟؟؟ واذا اللي في بالي الشريعه مافيه هالمواضيع اعتقد اختاري موضوع واحد اول عشان تركزين في احسن من انج تحتارين في اكثر من موضوع وان شاء الله اذا اخترتي الموضوع بقدر اساعدج واذا تقدرين كلموا الدكتور وايد 30 صفحه ماصار بحث كاتبين دكتوراه كلموه واكيد بيوافق واذا ماتقدرون قولي لي انا بتوسط لكم Report
October 14, 200916 yr Author comment_11997354 اوكي اول شي مشكورين و ما قصرتوا على المرور و يعطيكم العافيه انزين شموخي اذا على الموضوع ابي عن الاهليه الكامله و الاهلية الناقصه احلى شعور اهوه حق الشريعه و يبي 30 صفحه يعني اكثر من موضوع وااايد كلهم متصلين في بعض يلا رونه الواسطه و كلمه ذبحت روحي و انه اكلمه ما يعطي وي يقول ما يصير و ما في احد يشجع وياي ما في اله انه معترضه يعني اقول لهم تكلموا وياي قولوا له ما يبون يزعم مطيعيين يسمعون كلامه و يمكن لانهم يخافون منه المهم ان شاء الله خير و مشكورين شموخي و احلى شعور على المساعده مقدماً فيكم الخير والله يعطيكم الف عافيه ادري اني مغربلتكم و حدي مزعجه بس ما لي غيركم تسلمون لي والله Report
October 14, 200916 yr comment_11998363 آن شاء الله بدور بعدين .. محاضرة الشريعة مالتهم الساعة 9 Report
October 14, 200916 yr Author comment_11998661 تقدر تلاقيه قبل المحاضرة او عقبها الساعه 9 المحاضرة و شموخي اذا ما تقدرين لا تعبيين روحج ادري فيج ما تقصرين موب غريبه عليج Report
October 14, 200916 yr comment_11999233 دبة بذبحج .. بس قوليلي انتي تبين من كتب و لا من النت ! النت فيه وايد و بسهولة بتحصلين بس يبي لج تبطلين عيووونج Report
October 15, 200916 yr Author comment_12001601 صج صج الدكتور موب صاحي بصراحه فقعنه من الضحك ... رحت له عشان اعترض و اكلمه عن البحث انه و كوكو رحنا له جان نقول له دكتور ما يصير جذي 30 صفحه واااايد ما نقدر جذي جان يقول انه قلت لكم 30 صفحه قعدنه نطالعه و نقول له اي انت الي قلت اشفيك جان يقول لا انه كنت اقول لكم يعني على حسب الموضوع الي بتختارونه يعني اذا كان مثلاُ عن مصادر الشريعه و له 100 صفحه بتكفيكم عقب قلت له احين اشلون انسوي 10 صفحات اوكي على موضوع واحد مثل السرقه او الزنا او ..... قال اي اي من 10 الى 15 جان اقول له دكتور 10 كفايه بس خلاص قام يضحك علي ضحك ويا ويهه صج طلع انتيكه ... مشكورين ما قصرتوا شموخي تعبتج معاي بس انه يوم الاحد باروح المكتبة و بطلع من الكتب و من النت فديتج والله تسلمين يعطيج العافيه Report
Create an account or sign in to comment