6ar6an8yh Posted نوفمبر 9, 2009 Report Share Posted نوفمبر 9, 2009 السلام عليكم ورحمة الله وبركاته،، كيفي متسببه ع الشباب .. طبعاً مو الكل البعض فقط قريت موضوع مشابه وابي اجوف رايكم فيه.. ما بكتب اساله معينه .. الموضوع واضح من العنوان الفئه الي تنطبق عليهم المقوله.. في البيت ع اخته <- يحط لها القوانين ويمشيها على كيفه ومع غيرهاا " 7 7 اسف اسف اوامرج مطاعه اسف طويله العمر بنفذ قوانينج اسف اسف باخذ اذن قبل لا اتحجى تقوله اسود يقول اسود تقول له يمين يروح يمين تقوله يسار يروح يسار تقول له "هي انت!!! " يقول لها " امباع " ... ودام نتحجى عن الاخو واخته ييه سؤال ع بالي يحق للاخو تكون له سلطه على اخته مع ان ابوها موجود! يعني كأنه يمحي دور الابو والابو موجود اذا اي او لا ليش وفي اي حاله ؟؟ ولأي درجه ؟؟؟ وشنو حدوده ؟؟؟ رايكم بشكل عام في الموضوعين وببقى اقول الحمد لله ماعندي اخوان اكبر مني وايد ناس يعانون لول Quote Link to comment Share on other sites More sharing options...
عاشقة الاخوة 27 Posted نوفمبر 9, 2009 Report Share Posted نوفمبر 9, 2009 يحق للاخو تكون له سلطه على اخته مع ان ابوها موجود! يعني كأنه يمحي دور الابو والابو موجود اذا اي او لا ليش وفي اي حاله ؟؟ ولأي درجه ؟؟؟ وشنو حدوده ؟؟؟ من وجهة نظري خل يقلب ويهه احسن له ... ماسمح لاحد ان يتدخل فيني ( و خصوصا بهالطريقه التقليديه) .. عندي عقل و عارفه طريجي و اعرف مصلحتي اكثر من اي احد فيهم .. و شي طبيعي محد بيخاف علي اكثر من نفسي على روحي <<< نفسي على روحي شنو المهم انتي فهمتي مب راضي يطلع معاي التعبير . تدرين شنو اللي يبط چبدي ؟ ان ثلاثة ارباع الاخوان اللي في العالم يتحكمون في خواتهم بـــــــس لانهم خايفين من كلام فلان و فلتان .. خبرچ مب حلوه يكون قاعد في ميلس وسط الشباب و احد اييب سيرة اخته بدون مايدري .. او مثلا تمر اخته من صوبه اهو ربعه بالغلط و واحد منهم يعلّق بأي كلمه بدون علمه ان هاي اخت رفيجه .. او مثلا احد يقوله چفنه اختك في هالمجمع <<<< طبعا هالمواقف كااااارثه بالنسبه حق الصبيان ..... انزين و خير ياطير چفت اختي في المجمع ؟؟ وين المشكله ؟؟ <<< بس طبعا مستحيل ان في شخص يتجرأ يرد على ربعه بهالطريقه .. لان راح يقولون عنه مب ريال و ماعنده سلطه على خواته . المهم لحين ما قلت لچ بالضبط شنو الشي اللي يبط چبدي .. اللي يبط چبدي بالضبط ان الاخوان ما يخافون على خواتهم من باب (الخوف على اختي نفسها ) يخافون على روحهم من كلام الناس اللي بينقال عنه اذا مـا تحكّم في اخته مثل العاده الماشيه عندنه في المجتمعات العربيه و يبرر هالشي ان اهو يخاف على اخته !! << ( تقص على من اخوي ؟) يعني وايد چفنه اخو يقول حق اخته : لاتطلعين ، لبسي شي عدل ، لا تحطين ميك اب ، لا تطلعين هالحزة ، لا تمشين مع هاذي <<<< و كل هالاشيه لو خالفتهم البنت راح يتكلمون عليه ربعه : ( ياااااحراااااام على اساس خايف عليها .... انزين قط چفنه واحد يقول حق اخته قومي صلي ؟؟ تقرين قرآن ؟ تصدّقي .. تصلين الصبح في وقتها ؟ كثري من الادعيه ؟ حفظي لچ كلمتين من القرآن .. لا تسمعين اغاني ............ طبعا لاء .. لان هالاشيه محد راح يعرفها و لان ربعه مـــــا راح يتكلمون على اخته اذا كانت ما تصلي و اذا كانت مب حافظة القرآن ... اصلا هاي اذا كان اهو يصلي من الاساس .. تلاقينه طايح في الدسكوات و ايي حق اخته سوي ولا تسوين وطلعي و لا تطلعين .. انت چوف روحك اول بعدين تعال حاچني <<< تتحكم فيني على اي ساس الضبط ؟ شتبي توصل له ؟؟ ياريت كل اخو يخاف على اخته لان يخاف عليها من صج .. لان يخاف انها اذا جابلت ربها ماتكون عندها حسنات كافيه ..لانها راح تكون محاسبه يوم القيامه على افعالها .. لان هالتصرف راح يكبسها سيئات بدل الحسنات .. لان ... و لان .... ولان ..... ياريت يقعدها و يعلمها امور الدين . و ينصحها في اشيه مفيده و ينهيها عن الاشيه الي اهو ملزوم ان ينهيها عنها .. مب يكفـّـخها و يتحكم فيها خوفا من كلام الناس و ينسى اساس خوفه لازم يكون شنو .. لو كان كل اخو يخاف على اخته بهالطريقه ف نعم الاخو .. لكنك تخاف على روحك من كلام ربعك و اتيي تتحكم فيني ف اسمح لي اخوي لا انت ولا غيرك و اقلب ويهك احسن لك .. و اذا يصرفك تبرّى منّـي بعد .. قاصرني عشان سواد عيونك امشي مثل ما انت تبي و چنه ماعندي عقل افكر فيه و لا چنه عندي تقدير لتصرفاتي . (( اوكي الغيره على الاهل واجبه و في احاديث تدل على هالشي و الرياييل ملزومين فيها)) { ثلاثة لا ينظر الله عز وجل اليهم يوم القيامة : العاق لوالديه ، والمرأة المترجلة ، والديوث <<< و (الديوث) باختصار اهو اللي ماعنده غيره على اهله} بس ياريت لو تكون الغيره بالطريــــقه الصـــــــحيحه و يتعدّل مفهومها لانها راح تكون شي حلو . Quote Link to comment Share on other sites More sharing options...
بحرينيه احلى من العسل Posted نوفمبر 9, 2009 Report Share Posted نوفمبر 9, 2009 السلام عليكم خوش موضوع حبي موزوتي كل كلامج حبيبتي عاشقه الاخوة ايدته بس الا هذي النقطه من وجهة نظري خل يقلب ويهه احسن له ... ماسمح لاحد ان يتدخل فيني ( و خصوصا بهالطريقه التقليديه) .. عندي عقل و عارفه طريجي و اعرف مصلحتي اكثر من اي احد فيهم .. و شي طبيعي محد بيخاف علي اكثر من نفسي على روحي <<< نفسي على روحي شنو المهم انتي فهمتي مب راضي يطلع معاي التعبير . مب كل انسان فاهم ولا كل انسان كامل والانسان مب معصوم عن الغلط والاخو سوى الابو موجود او مب موجود له سلطه انه يتحكم في اخته لانه يخاف على سمعتها وعلى شرفها..,,, واكيد محد بخاف على روحه اكثر من نفسه بس نسيتي نقطة انه الانسان مب معصوم عن الغلط الكبار يغلطون مابالج احنا امهاتنا وابهاتنا يغلطون واحنا ننصحهم شلون احنا اللي للحين ماطلعنا من قشرنا هذي النقطه حبيت اوضحها لج حبيبتي... بالنبسه لرايي باقولكم انه عن اخوووي واكيد عندي مؤيدين على كلامي اخوووو نوع متشدد بس يطلع وايروح وجايف الدنيا وعارف الدنيا صح يخاف علينااا خووووووووووووووف بطريقه مب طبيعيه طلعات مايحب ,, طلعات مع بنات بالغلط اذا رضى اطلع مع بيت جيرانا بس مع ربعي مستحيل اطلع وياهم يخاف علينا ويخاف على نفسه بعد يعني اذا اطلع مع بنات اهو عنده البنات كلهم مب زينين ( لوع جبدنا عقليته متخلفه) اتذكر مرة قالي احين انتي بتطلعين مع هذي شبقولون ايه هذي اخته تمشي مع هالفلانه رفيجه هالفلانه اللي مب زينه تبين اتنزلين راسنا بالارض شنو انتي ماتفهمين وهلووون ,,, تصدقووون انه وحده من ربعي ضيعت عمرهاا باستهتار امها وابوها واذا اتجوف اخووي يخاف علي او اذا اطلع اينني اتصالات او اييني المكان اللي انه فيه او ينطرني في البيت اتصيح اتقولي يارب عندي اخوو نفس اخوووج يخاف علي جان ماغلطت وماسويت ومافعلت( هذي النقطه ركزي عليهاا حبيبتي عاشقه اهي اكبر مني وجوفي وغلطت يعني الانسان مب معصوم عن الغلط ولازم شخص ثاني ايوجهه للطريج الصح ) اهني انه استانس اتحسسني بقيمه اخوي صج اخوي اييب الضغط ويلوع جبدي لانه ساعات اكون متضايقه ابي اطلع واهو يلوع جبدي يسوي تحقيق اعصب واتنرفز وراسي يفتر واكره اليوم اللي صار عندي اخوو ,,, واهو ترى من حقه انه يصير هلون لانه يعرف انه احب شخص طبعاً اختي مفتنه علي بس يبي يصيد شي علي من يخاف يوم من الايام اني اجوف الشخص اللي احبه او اني اطلع معاه من جذي صاير شديد وياي قبل ماكان هلوون اخووي معاي....,,, وبعد عندي فئه من ربعي مب سالفه مب زينين بس اخوي حاط قانون براسه البنيه اذا جاف وحده من ربعي اتحاجي واحد يخاف علي ويقولي هديها ويعصب وهلوون ومايوثق في البنيه ابد,,,, وسالفه ثانيه بعد انه مستحيل يخليني اطلع بدوون دفه يعني حتى البر لعام خلاني اروح بدفتي وحبيبته مخليها اتروح السيف الله واكبر السيف مرة وحده وبدووون دفه يقول ماتخووون ثقتي حبيبتي واخرتها انصدم فيهاا ,,, يعني احين تربيه امك وابوك ماتوثق فيها وتوثق في تربيه حبيبتك ( في هالنقطه اخوي ينرفز ) يعني حلال على ذيج وحرام علينا وعلى قولت طرطنقيه على اخته اسد وعلى غيرها خارووف انه لو باطلب شي ساعات ينفذه بس اهي لو بتقول شنو برسم الخدمه ايييبها انه قبل اتوهق بالدوواام ابيه اييبني ماييبني دوامي يخلص اربع انقع لي ست لي سبع بروحي في الدواام وعليه واااحد من هناك ايييه الباص يقولهم لا روح ينطرني لين انه امشي اييني ريل رفيجتي يردني وبعدين الصبي يتصل حق ربعه يردووونه بيتهم اما اهي يطلع من الشغل في عز الشمس وفلت عالمدرسه يوديها ياخذ لها غدى ويردها بيتهم ...,,, في سوالف وايد بس شاقول وشاخلي الله كريم بس بعد اخوي احبه ومهما سوى هذي حق مصلحتنا.,,, ( واتمنى اول ماتزوج اييب صبي عشان يكووون سند حق خواته مابي بنيه وعشان يكون الولي الثاني حق بناتي اذا انه وابوهم محد ويشيل خواته ويكون صديق لهم ) واتمنى محد ياخذ فكره غلط عن اخووي او عن صراحتي بس من حق كل اخووو يخاف على خواته ومهما يكون هذي سمعته ومحد يرضى على سمعته وان شاء الله نرفع راسه وراس امي وابوي ومانزله تحت ابد وشكله تطرقنا حق مواضيع ثانيه والموضوع قصده شي ثاني بس بالمعنى الصحيح حبي طرطنقيووو حرام علينا وحلال على حبيبته يعني اهي تطلع واتروح واتيي وامراً وطاعة ً لها واحنا لااا ساعات اوكي وساعات مب اوووكي يعني على حسب مزاجه ( اخوي مزاجي وايد) بس هذرت وايد سوري عالاطاله Quote Link to comment Share on other sites More sharing options...
6ar6an8yh Posted نوفمبر 9, 2009 Author Report Share Posted نوفمبر 9, 2009 اممممممممممممممممممم ما بعلق بنتظر بعد عشان اعلق عليكم واحلى شي ان الاطراف المتناقشه ما تتفق مع بعض في كل شي يعني آراء مختلفه عشان كل واحد يبرر كلامه واقتنع انه واوصل او افهم اووو بالاحرى اعرف الجواب الي خلاني انزل الموضووع يعطيكم العافيه جميعاً.. Quote Link to comment Share on other sites More sharing options...
عاشقة الاخوة 27 Posted نوفمبر 9, 2009 Report Share Posted نوفمبر 9, 2009 كل كلامج حبيبتي عاشقه الاخوة ايدته بس الا هذي النقطه من وجهة نظري خل يقلب ويهه احسن له ... ماسمح لاحد ان يتدخل فيني ( و خصوصا بهالطريقه التقليديه) .. عندي عقل و عارفه طريجي و اعرف مصلحتي اكثر من اي احد فيهم .. و شي طبيعي محد بيخاف علي اكثر من نفسي على روحي <<< نفسي على روحي شنو المهم انتي فهمتي مب راضي يطلع معاي التعبير . مب كل انسان فاهم ولا كل انسان كامل والانسان مب معصوم عن الغلط والاخو سوى الابو موجود او مب موجود له سلطه انه يتحكم في اخته لانه يخاف على سمعتها وعلى شرفها..,,, واكيد محد بخاف على روحه اكثر من نفسه بس نسيتي نقطة انه الانسان مب معصوم عن الغلط الكبار يغلطون مابالج احنا امهاتنا وابهاتنا يغلطون واحنا ننصحهم شلون احنا اللي للحين ماطلعنا من قشرنا هذي النقطه حبيت اوضحها لج حبيبتي... اوكي ما اختلف معاچ .. انه مب معصومه عن الغلط .. و احتاج بعض الاحيان الى ان احد ينصحني و يوجهني و ينبهني اذا غلطت من باب خوفه عليي انه شخصيا و بعد ماراح اتقبل النصيحه من اي شخص و لا بأي اسلوب !!! يعني اذا اخوي بيخاف علي بهالطريقه >> (يخاف على روحه مب علي و بيركز على كلام الناس و بيترك الامور اللي تنفعني في ) ف انه مابيه يخاف علي ولا بمحتاجه خوفه .. اي شخص تنقال له كلمة لاء محتاج ان يعرف اسبابها .. يعني : لو ركّز مثلا على حثّي على الصلاه و قراءة القرآن و هالسوالف ف اعتقد اني شي طبيعي ماراح افرّط في شرفي و سمعتي لان بيقدر يأثر فيني من الناحيه الاقوى اللي بتخليني بروحي امشي صح ف بالتالي ديني القوي اهو اللي بيمنعني من ارتكاب لاخطاء و بعدها راح اعرف ليش اهو كان يمنعني و يتحكم فيني . ((لكن مب عشان اهو يثبت رجولته و يطلع ريال جدام ربعه ف ايي يسوي روحه اسد علي !! )) مثلا : لا تطلعين ؟؟! انزين ليش ماطلع ؟؟ بس لا تطلعين لان عيب البنيه تطلع <<< ( و طبعا اهو في داخله خايف من ان الصبيان يقولون عنه مب ريال لان هاد اخته تلالي في السكيك ) <<< هاي يـُسمي خوف علي !!!؟ اللي ابي اقوله ان خوف الاخو على اخته صار عادات و تقاليد اكثر من الخوف الحقيقي .. في اخوان فعلا يمصخونها و معقدين البنت تعقيد .. تلاقينه يفرض سيطرته على امـــه بعد بس عشان محد يقوله چفنه امك في هالمكان !!! و لو كان خوف الاخو على اخته خوف حقيقي ف شنو تفسير هالشي الي وايد نچوفه >>> ( اخو اصغر من اخته ب سنواااات و يفرض عليها اوامر و خصوصا في مرحلة المراهقه )؟!! <<<< هني بعد بنقول يخاف على مصلحتي و عارف مصلحتي اكثر مني ؟!! بس لان الصبيان كونهم و تركيبتهم چذي .. ما يحب يسمع >> جفنه اختك او اختك سوت .. لكن احنه البنات عادي لو احد قالي چفت اخوچ يرقم وحده او چفت اخوچ مع رفيجته <<< عادي . انزين .. اي اهم (الدين) ولا (الشرف و السمعه) ؟؟ طبعا الدين ,,, بس هذا لا يعني ان اتخلى عن الشرف و ايوّد في الدين ... لو تلاحظين ان مع وجود الدين سهل جدا و شي بديهي راح يكون عندي شرف و سمعه اذا كان ديني كامل و يطبّق بالشكل الصحيح .. لكن اذا كان عندي شرف خوفا من الناس و كلامهم = شرف مصطنع ، ف هذا لا يعني ان انه ديني صح ولا شرفي راح يشفع لي يوم القيامه . اللي ابي اوصله .. ان لو اخوي بدل ما يوجّه لي اوامر غير مقنعه بالنسبه لي .. ف خله اول شي يعدّل من روحه اذا كان صايع مثلا ... و بعدين يدش لي من الناحيه الدينيه لانها الاقوى و تعتمد على حجج قويه و بعدين ينصحني و يتأمر و يتحكم على كيفه . اذا لمست و چفت و حسيت في عيونه خوف علي و على مصلحتي .. هني اقدر اقوله لك الحق تتحكم فيني و هذا اهو التحكم الصح . و قلييييل من الاخوان يخافون الخوف الصح على خواتهم يعني تلاقينه مثلا عنده علاقه مع بنيه و يمنع اخته من ابسط الاشيه .. طبعا انه ما اقصد ان اذا اهو عنده علاقه ف الاخت لازم تكون مثله او خل يهدها تسوي اللي تبيه .. بس لازم اهو يبتدي و يصلح في روحه عشان الواحد يقدر يسمع منه شي . Quote Link to comment Share on other sites More sharing options...
بحرينيه احلى من العسل Posted نوفمبر 9, 2009 Report Share Posted نوفمبر 9, 2009 (edited) حبيبتي كل اخوو سوى كاان صغير او عوود ( اهو ترى مب قاعد يفرض شخصيته) يعني بييه واحد لا راح ولا يى بقوله ترى جفت اختك مني او جفت خواتك مني اكيد مابيرضى حبيبتي وكل الناس اتبدي نفسها على غيرها ترى اكيد بخاف على سمعته اهو واكيد بخاف على سمعة خواته بنفس الووقت بس مب معناته مب خايف عليج اكيد خايف عليج وخايف على نفسه بنفس الوقت يعني احين اذا قالج لاتطلعين ناس قالوا هلوون صج بتعصبين ( احنا بتفكيرنا بنقوول لا بنطلع شعلينا منهم خل يولون) بس في النهايه انتي قاعده اتضرين اخووج اتخلين ناس خمه يوقفون اخوووج بمكان عام او حتى بروحه ويحرجونه صج مالهم حق بس بعد انتي اتعرفين الصبيان) انه باقولج موقف وانتي حكمي طلعت من الدوام العصر ورحت مع صاحبتي بما انه شغلي جريب من المعارض رحت فرع ام تي سي باطلع لي جي اس ام خلصت اموري ورحت جسميز رفيجتي تاخذ لها اكل ومشينا يوم رديت البيت اخوي معصب اي جافوج في المعارض وياو قالوا لي ( انه بطلت عيني قلت شلهم شغل انه رايحه حق شغل خلصت ومشيت ) جفتي شلونهذي عقلية الناس واكيد اخوي تفشل قال اختي رايحه هناك شتسوي ليش اخلي ناس نفس هالناس المتخلفه اتفشل اخوي ( اكيد في هالحاله اخوي خاف على نفسه وخاف علي بنفس الوقت بس اكيد خاف على روحه اكثر شي ) لانه طبيعه الانسان يفكر بنفسه قبل لا يفكر فيه غيره... وهذي حال الزمن لازم انتقبله...؟؟؟ ((لكن مب عشان اهو يثبت رجولته و يطلع ريال جدام ربعه ف ايي يسوي روحه اسد علي !! )) وفي ذي النقطه فديت عمررج ماايدج ابد اهو ريال شبقولون ماعنده سلطه على خواته وبيطلع الحجي و و و و و وبيطلع ماعتده شخصيه وماعنده كرامه وماعنده غيره على اهله ( الدنيا اخذ وعطا ولازم انتحمل مصاعب الدنيا ,, الدنيا ماعادت نفس قبل لازم نحسب الف حساب لكل خطوة نخطيها) وبهالزمن البنيه الزم ماعليها سمعتهااا والناس في تخلف وياحبهم للفضايح انه اايد الاخو يخاف على اخته ويخاف على نفسه بعد بس بحدود العقل مايصير مينون ومهوووس والسبب هالناس لازم يحاسب لشي ويطنش لشي لانه مثل ماقلت الحياة اخذ وعطا وسوري عالاطاله Edited نوفمبر 9, 2009 by بحرينيه احلى من العسل Quote Link to comment Share on other sites More sharing options...
6ar6an8yh Posted نوفمبر 9, 2009 Author Report Share Posted نوفمبر 9, 2009 اممممممممممممم... Quote Link to comment Share on other sites More sharing options...
عاشقة الاخوة 27 Posted نوفمبر 9, 2009 Report Share Posted نوفمبر 9, 2009 حبيبتي كل اخوو سوى كاان صغير او عوود ( اهو ترى مب قاعد يفرض شخصيته) يعني بييه واحد لا راح ولا يى بقوله ترى جفت اختك مني او جفت خواتك مني اكيد مابيرضى حبيبتي وليش مايرضه ؟؟ شفيها يعني و چفت اختك ؟ المفروض ما يرضه اذا قاله چفت اختك في ديسكو چفتها ماشيه تترقص في الشارع ... مو چفت اختك وخلاص بغض النظر عن المكان و عن سبب وجودها يروح يعصب و بس !!َ! و شصار يعني لو چافني في مجمع ولا في سوق ؟؟ في هالحاله الاخو ثور اللي ماعط فرصه حق الاكو و الماكو يتكلم عن اخته ... المفروض يقوله مالك شغل ... و اختي و احنه ادره بتربيتها و انكتم خلاص اكيد بخاف على سمعته اهو واكيد بخاف على سمعة خواته بنفس الووقت بس مب معناته مب خايف عليج اكيد خايف عليج وخايف على نفسه بنفس الوقت يعني احين اذا قالج لاتطلعين ناس قالوا هلوون صج بتعصبين ( احنا بتفكيرنا بنقوول لا بنطلع شعلينا منهم خل يولون) بس في النهايه انتي قاعده اتضرين اخووج اتخلين ناس خمه يوقفون اخوووج بمكان عام او حتى بروحه ويحرجونه صج مالهم حق بس بعد انتي اتعرفين الصبيان) في هالحاله باقولچ بالعكس انه مب منضره و اللي بيتكلم خل يتكلم .. و اذا الضرر بييني بطلعاتي العاديه ف حياه الله .. والناس لو شتسوين راح تتكلم و كلامها ماله نهايه .. الاهم ان انه اعرفه طريجي و اهلي عارفين طريجي . انه باقولج موقف وانتي حكمي طلعت من الدوام العصر ورحت مع صاحبتي بما انه شغلي جريب من المعارض رحت فرع ام تي سي باطلع لي جي اس ام خلصت اموري ورحت جسميز رفيجتي تاخذ لها اكل ومشينا يوم رديت البيت اخوي معصب اي جافوج في المعارض وياو قالوا لي ( انه بطلت عيني قلت شلهم شغل انه رايحه حق شغل خلصت ومشيت ) جفتي شلونهذي عقلية الناس واكيد اخوي تفشل قال اختي رايحه هناك شتسوي ليش اخلي ناس نفس هالناس المتخلفه اتفشل اخوي ( اكيد في هالحاله اخوي خاف على نفسه وخاف علي بنفس الوقت بس اكيد خاف على روحه اكثر شي ) لانه طبيعه الانسان يفكر بنفسه قبل لا يفكر فيه غيره... وهذي حال الزمن لازم انتقبله...؟؟؟ و شفيها يعني رحت محل في شارع المعارض عشان شغله ؟؟ و التزمت بشغلي هناك و طلعت ؟؟ سوري بس لو هاي اخوي چان عرفت شلون ارد عليه وانه اجوف ان هاي سالفه عاديه واااايد . ((لكن مب عشان اهو يثبت رجولته و يطلع ريال جدام ربعه ف ايي يسوي روحه اسد علي !! )) وفي ذي النقطه فديت عمررج ماايدج ابد اهو ريال شبقولون ماعنده سلطه على خواته وبيطلع الحجي و و و و و وبيطلع ماعتده شخصيه وماعنده كرامه وماعنده غيره على اهله ( الدنيا اخذ وعطا ولازم انتحمل مصاعب الدنيا ,, الدنيا ماعادت نفس قبل لازم نحسب الف حساب لكل خطوة نخطيها) وبهالزمن البنيه الزم ماعليها سمعتهااا والناس في تخلف وياحبهم للفضايح ولا يكون مفهوم السلطه ينحصر تحت : لا تروحين تسوين اشغالج ولا تطلعين بس لان الناس تتحجه ؟؟!! اذا الناس بتقول على اخوي ماعنده سلطه بس لاني اطلع اقضي اشغالي سواء في المجمعات او اي مكان غير ف خلهم يقولون اخوي ماعنده سلطه و بيتنه كلهم ماعندهم سلطه بعد . . Quote Link to comment Share on other sites More sharing options...
6ar6an8yh Posted نوفمبر 9, 2009 Author Report Share Posted نوفمبر 9, 2009 امممم... Quote Link to comment Share on other sites More sharing options...
عاشقة الاخوة 27 Posted نوفمبر 9, 2009 Report Share Posted نوفمبر 9, 2009 طرووووق شفيج امممم و اممممم ؟!!! Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.