عاشقة القماح Posted نوفمبر 13, 2009 Report Share Posted نوفمبر 13, 2009 المشاكل وماادراك ما المشاكل اني مااحب شي اسمه مشاكل احب اكون بعيده كل البعد عنه يعني لو كنت في وسطها اكون لا اسمع لاا ارى لا اتكلم لكن مشاكلي خاصه فيني احب احلها بنفسي مع روحي ادا كلش كلش مع الوالده بس رائع يا بوعلي لا عدم منك *-* Quote Link to comment Share on other sites More sharing options...
العلياء88 Posted نوفمبر 13, 2009 Report Share Posted نوفمبر 13, 2009 (edited) متابعة دائما.. ولكن بصمت.. كثيرا ما أقرا سطورا توجه دعوات خالصة للفضفضة عن الهموم .. "فضفض وطلع همك.. عبر عن الي بداخلك " لكن .. اتجاهل هذه الدعوة دائما.. واتهاون فيها..! لربما لانني اعتبر مشاكلي وهمومي مكانها الأمثل في القبر الذي يقع في الجانب الايسر من صدري.. ""من الخطأ والمعيب ان اتحدث عن مشاكلي أو اعبر عن ما يختلج صدري من هموم ومشاكل"" ..نداء يتردد داخلي دائما.. ولربما هذا ما يدفعني لتجاهل احبائي ورفاقي ودعواتهم لي للفضفضة والتنفيس عن المكنون والمكتوم بداخلي.. والأكتفاء.. بابتسامه .. لأوهم من هم في حولي بانني في أفضل حالاتي.. نعم .. اعلم انني مهددة بمرض الاكتئاب المُقنع فباتت اعراضه تظهر.. صُرت أعاني من اضطرابات هضمية شديدة.. عدا ذلك أنا على قناعة تامة بأن الحل الامثل لجميع مشاكلي هو الموت.. بل الادهى من ذلك والمثير للسخرية شعوري واحساسي بالغبطة تجاه الميتين..!! تجنب الشكوى ليحبك الناس وترتاح نفسك.. << تلك حصيلة الصراع الداخلي ما بين البوح والكتمان.. ما الحل فقد أرهقني همي الذي جعل الحياة صعبة لدي.. ؟ عذرا على الاطالة.. دمتم بود العلياء Edited نوفمبر 13, 2009 by العلياء88 Quote Link to comment Share on other sites More sharing options...
بوعلي00 Posted نوفمبر 14, 2009 Author Report Share Posted نوفمبر 14, 2009 (edited) طرطنقية هاي بعد مشكله فيني .. وايد اوقات فراغ عندي وحتى لو اشغل نفسي استخدم نفس الروتين .. والروتين اساسا اييب حالات اكتئاب .. عليج نور.. الروتين يخلي الانسان احياناً يكره نفسه!! شلون تقضين وقت الفراغ ؟! في أشياء واااااايد وانتي اكيد تعرفين شلون ولايحتاي أقول لج.. بس الواحد في ذي الحاله (يعاف) كل شي.. و(يزهد) وتطق جبده من أي شي ثاااني!! فأنتي محتاجة (شوي) تضغطين على روحج في ان ماتخلين عندج وقت فراغ.. أكيد اتيي حق الواحد اوقات يوقف فيها تفكيره وفعلاً محتاج ييلس بروحه ومايسوي ولا شي!! بس بعد أظن توافقيني الراي ان مو كل حالة ملل تصيدنا نستسلم!! محتاجين شوية (حزم) و (ضغط) على روحنا ان مانتم بدون شي!! طلعي بالسيارة.. روحي الممشى.. مري على رفيجاتج.. زوري هلج.. جوفي امج او واحد من هلج يبي يروح مكان توصلينه.. قضي مشاويرهم.. أي شي.. المهم (غصبي) نفسج وعوديها على التحمل وعدم الاستسلام في كل مرة لبعبع الفراغ. الماضي ماضي مانقدر نغير فيه شي .. لو صادنا شي خلال دقايق او حتى ثواني مانقدر نرجع هالثواني ونغير هالشي بس بو علي مستحييييييييييييل هاي شي صعب .. خصوصاً اذا كان الماضي مرتبط بالحاضر .. بنحاول ننسى.. بنتانسى .. بس هذا شي مستحيل لازم بنتذكر دام الماضي مرتبط بالحاضر ... ومن قال انه سهل؟؟؟ ومن قال ان الواحد يقدر ينسى ماضيه؟! انا اللي جدامج والله العظيم في مواقف وكلمات تعرضت لها في الماضي احس ان توها صايدتني من كثر شدتها وألمها!! بس شالحل؟!!!!!! جدامنا طريجين.. نعيش في الماضي أو نعيش في الحاضر. مستحيل نعيش في الاثنين.. انا اعترف ان ماعندي دليل أقدر احجج فيه ان تنسين الماضي.. بس شنو هو هو الخيار اللي ممكن تختارينه؟؟ العيش في الماضي والا الحاضر؟! مشكلة الماضي طرطنقية انه دوامه مالها لا بدايه ولا نهاية.. عبارة عن تفكير وحسرة واحتمالات.. ليش انا سويت جذي؟ ليش سوو لي جذي؟ انزين لو ماصار هالشي جان حياتي شلون بتصير؟ فإذا نبي نعيش.. (غصباً) علينا ننسى الماضي.. واللي ماينساه .. مابيعيش.. يمكن كلامي شوي قاسي (حتى على روحي).. بس واقعنا يفرض علينا ان ننساه حتى نقدر نستوعب الأحداث اللي خاشها لنا. اممم...وحطينا في بالنا!! وبعدين!! مو كل شخص يقدر يتحكم بمشاعره لما تكون عندج سيارة .. ويقول لج ابوج مالج الا هالسيارة .. شلون بتتعاملين معاها؟! ولما تكون عندج سيارة.. ويقول لج ابوج كل سنة باشتري لج سيارة.. شلون بتتعاملين معاها؟! هل (حرصج) على السيارة بيكون متساوي في الحالتين؟! في المرة الأولى أكيد بيكون أكثر لأن ماعندج الاهذي السيارة .. ولو خسرتيها خسرتي كل برامجج المتعلقة فيها.. أما في الحالة لثانية .. فبيكون حرصج اقل.. لأن لو صار فيها شي مابيؤثر عليج وايد.. سواء السيارة اندعمت والا ما اندعمت بتيي لج سيارة يديدة!! احنا (كمسلمين) أختي.. مانشوف الدنيا انها هي الدار الي بنعيش فيها ونؤمل عليها وكل شي.. نظرتنا للدنيا انها زايلة.. وان الواحد مهما بلغ من شهره أو جاه أو مال أو اي شي فمرده للموت!! ملك الدنيا آخر عمره بيحطونه ف حفره.. وأفقر واحد آخر عمره بيحطونه في نفس الحفره!! ليست نظرة تشاؤم أختي.. بس أعيد.. هذا واقعنا.. وهذي حياتنا.. فالدنيا عندنا مهمة (وليست غير مهمة) ولكن يبنغي علينا ان نعطيها حجمها .. لا اكبر من حجمها!! وكل ما اقتربنا من الله اكثر.. كلما ابتعدنا عن الدنيا اكثر.. في درجات للهموم.. في درجات للمشاكل ..مشكله بسيطه عووده مصيييبه ... في اوقات لهم.. مشكله فترة معينه ولها حل وخلاص تعدي.. بس في مشاكل مالها حل ومستحيل ان ننساها شنسوي ؟؟؟ انه لين فكرت في المشاكل والهموم عارفه ومتاكده ان ما بقدر احلها ولا انساها واعتبرها من الماضي .. ولا اقدر اغير اي شي فيها فالحل الوحيد اني احاول اتخلص من مشاعري وما افكر في شي ودايما اجوف الشي الايجابي من الدنيا واحسس نفسي ان انه حالي من حال غيري الي مشاكلهم ع قدهم واستصغر همومي ... واتييني اوقات خلاص بس لي متى بستغفل نفسي ؟! لي متى بجذب ع روحي ؟؟! واكيد اتذكر واسوي اقل شي الي اهوه لصيااح بس يبقى هالحل اهوه الافضل في نظري .. الفترة الي باتعب فيها فترة بسيطه وبتعدي فلازم اواصل على هالشي لازم اكون جي مافتكر في شي اقول عادي الله كريم مو مشكله ما يهمني وتستمر القصه ان انه اوصل لمرحله ان خلاااااااااااااص بسي جذب ليش اجذب ع روحي <- يبقى افضل من اعيش بهم وحزن وكدر كلها فترات وتعدي واحاول اتجنب كل شي يسبب لي هم وحزن ومشاكل " هوه انا نائصه؟!" الحياه حلوه بس احنا ما نفهم لها اكا ماشالله عليج عاااارفة القصة كلها!!! اذا عندي مشكلة.. يا اني اواجهها.. يا اني استسلم لها.. واذا كنا نواجهها مو معناته ان احنا (اقوياء) ونقدر نتحمل ونواجه المشاكل!! لااااا يمكن نكون اضعف الناس.. بس هذي الحياة.. والبقاء للأقوى.. شاكر لج ردج الحلو .. وفي انتظار اي تعليق بوعلي00 عاشقة القماح المشاكل وماادراك ما المشاكل اني مااحب شي اسمه مشاكل احب اكون بعيده كل البعد عنه يعني لو كنت في وسطها اكون لا اسمع لاا ارى لا اتكلم لكن مشاكلي خاصه فيني احب احلها بنفسي مع روحي ادا كلش كلش مع الوالده بس رائع يا بوعلي لا عدم منك *-* هلا فيج اختي.. ومن فينا اللي يحب المشاكل؟! وياليت الدنيا تمشي (مرة وحدة بس) على الشي اللي نحبه. حل المشاكل مع النفس ساعات يكون زين وساعات لا.. زين اذا كنتي عارفة طبيعة المشكلة اللي تواجهج وعرفتي حلها.. ومب زين لما تكون المشكلة يديدة عليج أو مالقيتي لها حل أو جربتي حلول ومافادت. مشكورة أختي على المشاركة وفي انتظار اي تعليق. Edited نوفمبر 14, 2009 by بوعلي00 Quote Link to comment Share on other sites More sharing options...
بوعلي00 Posted نوفمبر 14, 2009 Author Report Share Posted نوفمبر 14, 2009 (edited) العلياء88 هلا فيج اختي وحياج الله. أنا على قناعة تامة بأن الحل الامثل لجميع مشاكلي هو الموت.. بل الادهى من ذلك والمثير للسخرية شعوري واحساسي بالغبطة تجاه الميتين..!! اختي العلياء.. على كثر مانوصل لطرق مسدودة في حل مشاكلنا.. الا ان ماينبغي علينا ان ننظر للموت كحل لمشاكلنا!! الموت (وان اتفقنا) فإنه عبارة عن هروب وليس حل!! والهروب يعني الاستسلام. في موضوع (المرحلة الأولى) في قسم النقاش.. تناولنا طبيعة المشاكل وشنو هي (أتمنى تاخذين طلة عليه).. معظم الأعضاء اللي شاركوا فيه اتفقوا ان مافي مشكلة على وجه الأرض مالها حل!! يمكن يكون غايب عن عيونه .. يمكن مانعرفه.. بس الحل موجود. ومبين ان عندج كلام وايد في خاطرج.. كلنا نحب ان مشاكلنا اتم في قلوبنا ومحد يدري فيها.. بس اختي الانسان طاقة.. ساعات نقدر وساعات مانقدر.. مانتحمل!! لازم نتكلم لازم نطلع ونخف شوي من الحمل اللي داخلنا!! احنا مو مكاين نيمع نيمع نيمع.. لازم الواحد يخفف من الحمل اللي في قلبه.. مانقول حتى يستانس.. بس على الاقل حتى يقدر يشيل غيره!! اختاري الطريقة اللي تعجبج في الفضفضة.. كتبي في الموضوع كل اللي في خاطرج وكل اللي في قلبج.. طرشي هالكلام لعضو أو عضوة ترتاحين لها.. روحي منتدى ثاني محد يعرفج وقولي كل اللي في قلبج.. قولي حق صديقة عزيزة عليج او لوالدتج او اي شخص مقرب.. سوي اي طريقة تريحج.. بس اهم شي تطلعين شوي من اللي قلبج.. لأن مثل ماقلت لج حياتنا صارت صعبة.. وصعبة وااايد مو شوي.. وهذا احنا هني شوفت عينج.. كل اللي نسويه ان نواسي بعضنا بعضنا .. لافينا الدكتور ولا المختص ولا الفيلسوف.. بس شعور الواحد ان في ناس تسمع كل حرف منه ومهتمه فيه (هو شخصياً) .. وتبذل كل اللي عندها بس عشان تخفف عنه.. شعور حلو ولا ينوصف صراحة.. مسامحة طولت عليج !! بس اتمنى ان ماينفهم كلامي انها محاولة (جبر) لج ان تتكلمين وتقولين .. بالعكس.. خذي راحتج اختي.. ولا تسوين شي الا وانتي مقتنعة وراضية فيه. والله يشرح صدرج .. وينور دربج ان شاء الله. شاكر لج القراءة.. بوعلي00 Edited نوفمبر 14, 2009 by بوعلي00 Quote Link to comment Share on other sites More sharing options...
6ar6an8yh Posted نوفمبر 14, 2009 Report Share Posted نوفمبر 14, 2009 (edited) تسرعت لما كتبت ردي وحررناه خلاص صج تعبت رد طويل بس معليه يعطيك العافيه بو علي Edited نوفمبر 14, 2009 by 6ar6an8yh Quote Link to comment Share on other sites More sharing options...
بوعلي00 Posted نوفمبر 15, 2009 Author Report Share Posted نوفمبر 15, 2009 تسرعت لما كتبت ردي وحررناه خلاص صج تعبت رد طويل بس معليه يعطيك العافيه بو علي الله يعافييييييج ويخليج. ماعندج حل جربتيه ونفع وياج وتبين تشاركينا فيه؟! Quote Link to comment Share on other sites More sharing options...
العلياء88 Posted نوفمبر 15, 2009 Report Share Posted نوفمبر 15, 2009 اختي العلياء.. على كثر مانوصل لطرق مسدودة في حل مشاكلنا.. الا ان ماينبغي علينا ان ننظر للموت كحل لمشاكلنا!! الموت (وان اتفقنا) فإنه عبارة عن هروب وليس حل!! والهروب يعني الاستسلام. اخي الفاضل.. في ضل حياتنا المشحونة بالصراعات المختلفة.. يوجد هناك صراع بين الامل واليأس.. عندما تكون يائسا لابعد الحدود..عندما تتقفل جميع الابواب في وجهك.. عندماتتحطم آمالنا على رؤوسنا .. عندما تستيقظ من من حلم قد تحول لكابوس.. لتنبهر بأن حصيلة سنوات من الكفاح تلاشت كما يتلاشى السراب الخدّاع.. لتكون كمن باع السمك وهو في الماء..! عندها تفتقد لضرورة ملحة " الأمل" .. لتجد نفسكَ أمام نكسة نفسية قوية يصعب التخلص منها.. وإن خُفي على الناس كُنه معرفة أمرك وحالك.. فلا تجد سبيلا للخلاص من هذه الهموم .. وضيق الحياة .. سوى الموت !! نعم نعم .. أنا على علم ان شر ما تُبتلى به النفوس يأس يُميت القلوب.. وقنوط تظلم الدنيا به.. قيل.. ما أضيق الحياة لولا فسحة الامل.. << وإن تلاشى بصيص الأمل ؟ .. أين هو ذلك الشعور الغريب الذي يحد على مواصلة الحياة ؟! ....... قد تلاشى سيدي الكريم ...!! " إنة لا ييأس من روح الله إلا القوم الكافرون" ..هل يا ترى بتُ رقما وعددا في قائمة الكافرين.. ! لكن.. ما زلت متشبثة بالجسر الذي يربط بين الأمل واليأس.. " الصبر" و " إن الله مع الصابرين" !!!! رباه خذ بيدي.. يقال كلما ازداد الليل ظلمة كلما اقترب طلوع الفجر وشروق الشمش... شكري الجزيل لك اخي الكريم على ادارج هذا الموضوع ليكون بمثابة لسانِ الحال ... عُذرا على الإطالة.. دُمتم بود العلياء Quote Link to comment Share on other sites More sharing options...
6ar6an8yh Posted نوفمبر 16, 2009 Report Share Posted نوفمبر 16, 2009 أكيد اتيي حق الواحد اوقات يوقف فيها تفكيره وفعلاً محتاج ييلس بروحه ومايسوي ولا شي!! بس بعد أظن توافقيني الراي ان مو كل حالة ملل تصيدنا نستسلم!! محتاجين شوية (حزم) و (ضغط) على روحنا ان مانتم بدون شي!! طلعي بالسيارة.. روحي الممشى.. مري على رفيجاتج.. زوري هلج.. جوفي امج او واحد من هلج يبي يروح مكان توصلينه.. قضي مشاويرهم.. أي شي.. المهم (غصبي) نفسج وعوديها على التحمل وعدم الاستسلام في كل مرة لبعبع الفراغ. اكيد بس قلت لك بو علي في بعض المشاكل كل وحده مرتبطه بالثانية .. انه ليش عندي هالكثر وقت فراغ ؟ لانه ....... وليش في هالحالات استسلم وما احاول اغير الروتين اطلع مع هلي ازور ربعي اروح مني ومناك واقضي وقت؟؟؟؟؟ لانه ماعندي "اصدقاء"...! 22 سنه دارسه ومشتغله المفروض عندي من كل مكان اصدقاء اجوفهم لين مستانسه ولين متضايقه ولين متملله <- ترى مو شي سهل هذا ( في فرق بين الصداقه وبين زملاء الدراسه او الشغل ) السبب ....!!؟؟؟؟!! ليش مازور هلي؟!! اغير الروتين الملل ...!؟؟ ماعرف هلي اصلا لو اجوفهم برع والله يمكن بالشكل بالدم اعرف ان يصيرون لي يمكن يكون خالي يمكن يكون عمي !! وليش ماتعرفينهم !!!!!!! ليش ماعرفهم وليش مازورهم وليش مادري فيهم ..!!؟ السبب ؟؟؟!!! يعني الي ابي اوصل له في بعض المشاكل البسيطه مانقدر نحلها لانها مرتبطه بغيرها الي الحين مثلاً " الفراغ " عارفين ان هاي مشكله تسبب مشاكل ثانية ولازم نحاول ان نتخلص من الفراغ .. بس مو كل انسان يقدر يتخلص من الفراغ .. لانه وصل اساسا للفراغ بسبه مشاكل ثانية وقتي شلون اقضيه ؟؟؟ شغل بيت رقاد هلي ربعي منتدى طلعات رياضه ... الاوقات الي يمكن اكون فيها فاضيه 01% برنامج حلو ومابكون فيه فاضيه وقت طويل عادي يعني هاي اتوقع برنامج اي بني ادم اوقاتي انه شلون اقضيهم؟! رياضه طلعات منتدى <- اوقات فراغ وايد الروتين نفسه ما يتغير ..! ليش ما يتغير ؟ مافي بديل ! ليششششش انزين ؟ stop __________________________ ما يتغير وخلاص اسباب مجهوله ... عارفه الخطأ وين .. عارفه شلون يتصلح.. عارفه اساس المشكله..! بس مافي حل <- ولاسباب خاصه! ادري ما بتستوعبون كلامي لووول بس ماقدر اوضح اكثر! جدامنا طريجين.. نعيش في الماضي أو نعيش في الحاضر. مستحيل نعيش في الاثنين.. انا اعترف ان ماعندي دليل أقدر احجج فيه ان تنسين الماضي.. بس شنو هو هو الخيار اللي ممكن تختارينه؟؟ العيش في الماضي والا الحاضر؟! مشكلة الماضي طرطنقية انه دوامه مالها لا بدايه ولا نهاية.. عبارة عن تفكير وحسرة واحتمالات.. ليش انا سويت جذي؟ ليش سوو لي جذي؟ انزين لو ماصار هالشي جان حياتي شلون بتصير؟ فإذا نبي نعيش.. (غصباً) علينا ننسى الماضي.. واللي ماينساه .. مابيعيش.. يمكن كلامي شوي قاسي (حتى على روحي).. بس واقعنا يفرض علينا ان ننساه حتى نقدر نستوعب الأحداث اللي خاشها لنا. اكيد مستحيل نعيش في الاثنين <- لازم ننسى الماضي اذا كان ينسي بس اذا كان مرتبط بالحاضر شلون ننساه!! <- ؟ لما تكون عندج سيارة .. ويقول لج ابوج مالج الا هالسيارة .. شلون بتتعاملين معاها؟! ولما تكون عندج سيارة.. ويقول لج ابوج كل سنة باشتري لج سيارة.. شلون بتتعاملين معاها؟! هل (حرصج) على السيارة بيكون متساوي في الحالتين؟! في المرة الأولى أكيد بيكون أكثر لأن ماعندج الاهذي السيارة .. ولو خسرتيها خسرتي كل برامجج المتعلقة فيها.. أما في الحالة لثانية .. فبيكون حرصج اقل.. لأن لو صار فيها شي مابيؤثر عليج وايد.. سواء السيارة اندعمت والا ما اندعمت بتيي لج سيارة يديدة!! احنا (كمسلمين) أختي.. مانشوف الدنيا انها هي الدار الي بنعيش فيها ونؤمل عليها وكل شي.. نظرتنا للدنيا انها زايلة.. وان الواحد مهما بلغ من شهره أو جاه أو مال أو اي شي فمرده للموت!! ملك الدنيا آخر عمره بيحطونه ف حفره.. وأفقر واحد آخر عمره بيحطونه في نفس الحفره!! ليست نظرة تشاؤم أختي.. بس أعيد.. هذا واقعنا.. وهذي حياتنا.. فالدنيا عندنا مهمة (وليست غير مهمة) ولكن يبنغي علينا ان نعطيها حجمها .. لا اكبر من حجمها!! وكل ما اقتربنا من الله اكثر.. كلما ابتعدنا عن الدنيا اكثر.. (؟؟؟؟؟؟؟؟) تحجيت ولا ما تحجيت ما بتفهمون لانكم مو عارفين اصلا اين تكمن المشكله..! بس الاهم من ذي كله مافي حل! نهائياً..! لا في حل الحل ان انسى فترات بسيطه واتذكر فترات ثانية افضل واسهل واحسن من 24 ساعه افكر في هالشي فهمتو شي Quote Link to comment Share on other sites More sharing options...
بوعلي00 Posted نوفمبر 20, 2009 Author Report Share Posted نوفمبر 20, 2009 (edited) طرطنقيه.. أول شي آسف جداً على تأخيري بسبب Cairo envelops!!! صراحة كلامج كان ألغاز وما فهمنا شي!! بس أكيد أحترم خصوصياتج.. وحلو لما الواحد (يحاول) و (يعارك) في انه يتخلص من مشاكله. زبدة الكلام.. سووي كل شي.. ولا تيأسين.. والله يوفقج يا أختي يالغالية. Edited نوفمبر 20, 2009 by بوعلي00 Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.