6ar6an8yh Posted نوفمبر 17, 2009 Report Share Posted نوفمبر 17, 2009 وعليكم السلام ورحمة الله وبركاته،، طبعا مافي انسان ما يكون عصبي في بعض الاوقات .. وفي بعضهم تلازمهم العصبيه 24 ساعه على اتفه الاسباب يعصب بسبب ولا من غير سبب!! البشر اشكال وانواع في عصبي تسكتون عنه يعصب زود تعصبون معاه تصير مصيبه بأختصار؟؟ جم نسبه عصبيتكم؟؟ وشلون تحبون يتعاملون معاكم لين معصبين؟؟؟ وانتو شلون تتصرفون مع شخص عصبي Quote Link to comment Share on other sites More sharing options...
][ أبيڪُ و ما أبيـهُـم ][ Posted نوفمبر 17, 2009 Report Share Posted نوفمبر 17, 2009 بالنسبه لي انا مو عصبيه وايد وايد بس اذا عصبت اعصب بس ع حسب المزاج اذا المزاج كان زفت اصير عصبيه بسرعه اتنرفز ايييييه بس مو كل وقت يعني في ناس يحاولون يستفزوني بكل الطرق لكن لا حياة لمن تنادي و ساعات اتشوفين على شي مايسوى بي شاسوي اعفس المكان عفيسه وساعات الواحد يغل حجي و بعدين يتأسف و يكون عذره العصبيه يعني احس مو كل وقت تنفع بس بعد برود الاعصاب ماتفيد الواحد جم نسبتي والله مادري بس يمكن امممم 55 % ولين انا اكون مطنقره اكره ماعندي احد ايي و يتكلم لي ف السالفه يعني ايقولي انتي غلطتي و انتي و انتي و انتي و يزيد على الي فيني الي احب انه يصير اني اسكت و محد يكلمني و بس لان ااذا احد يه يكلمني و انا مطنقره عادي احط حرتي الي للحين ماطلعته في الي كنت وياه و اطلع الحره كلها في الي جدامي ف احسن شي وخروو عنيييييييي و لا تكلموني عشان ما تسمعون حجي مايعجبكم وبالتالي باتهاوش مع بدل الواحد اثنين و 3 الاشخاص العصبيين وايد وايد ماحب اتعامل وياهم على قولتهم ابعد عن الشر و غنيلو اهواه عصبي و انا عصبيه جبريت و شيسمونه صارت حريجه فشلي بعوار الراس اذا واحد معصب يا ان اكلمه بهداوه و اجوف شفي او شمافيه او ان احاول اهديه باي طريقه وبعدين اكلمه وبث خوش موضوع طرووق يا ام الافكار العجيبه Quote Link to comment Share on other sites More sharing options...
بنـــ الحد ـــت Posted نوفمبر 17, 2009 Report Share Posted نوفمبر 17, 2009 جم نسبه عصبيتكم؟؟ بوووو وااااااااايد .. انا اقل شي ممكن يعصبني .. حتى لو شي تافهه وشلون تحبون يتعاملون معاكم لين معصبين؟؟؟ ممممم ياخذوني ع قد عقلي حزت العصبيه .. يعني ما يعاندوني او يسون شي معاكس Quote Link to comment Share on other sites More sharing options...
عاشقة الاخوة 27 Posted نوفمبر 17, 2009 Report Share Posted نوفمبر 17, 2009 طروق چنه الموضوع لازم يكون في الديوانيه ؟ لان مافي نقاش .. كل واحد يتكلم عن نفسه و يقول رايه والله تعالى اعلم جم نسبه عصبيتكم؟؟ احس روحي مب عصبيه .. يعني عصبيتي معقوله و في اوقات و تصرفات معينه . وشلون تحبون يتعاملون معاكم لين معصبين؟؟؟ ممممم انه فيني طبع خايس لما اكون معصبه و احد يسألني شفيچ ؟ اقعد اتحلطم بس على اللي خلاني اعصب .. يعني مثلا اقول : شدراني فيه ذي الغبي و ...و ...و .... ،، ف في بعض الناس الاغبيه يقولون لي انزين انتي معصبه على احد غير بس احنه شكو تعصبين علينه ؟ <<< بس فعليا انه مو معصبه عليهم انه قاعده اتحلطم معاهم على اللي عصبني ، بس مو كل الناس تفهمها ..... ف تلاقين لما احد يقولي چذي اعصب زود المهم اذا معصبه اعتقد ان افضل طريقه للتعامل معاي اهي ان الواحد يخليني اتكلم و اطلع اللي في چبدي كله .. حتى لو خلاني اعصب عليه اهوه << بس لازم يتحمل لان اقعد اقط حچي و نفسيتي تكون خايسه .. بس اهم شي ان حزتها ما يعطيني حلول مثاليه لاني اعصب اكثر .. يعني مثلا انه متهاوشه مع اخوي .. ايي واحد يزعم يبي يواسيني حزتها و يقولي : معليه هاي اخوچ و مهما صار تظلون اخوان و ....الخ <<<< انقهههههههههر يعني لازم يسمعني و يوقف في صفي حتى لو كنت غلطانه (و بعد ما يحسسني اني ياهل و يقولي اي معاچ حق في كل شي و هلون يعني لازم يعرف يتعامل معاي باحتراف ) <<< صج شغلتي شغله ها المهم عقب لما اهده خل يقول المواعظ اللي كان بيقولها . Quote Link to comment Share on other sites More sharing options...
بحرينيه احلى من العسل Posted نوفمبر 17, 2009 Report Share Posted نوفمبر 17, 2009 هاااي خوش موضوع حبي موزوتي بأختصار؟؟ جم نسبه عصبيتكم؟؟ انه 99% عصبية انه وايد وايد عصبيه بس عصبيتي على خرطي يعني اعصب ماعوووق بسرعه اثوور ماعووووق وبثواااني من بعد العصبيه ارضى لو شنو صاير والله لو اكبر مصيبه بعد اهدى بس عصبيه وايد وايد وايد,,, وشلون تحبون يتعاملون معاكم لين معصبين؟؟؟ يسكتون عني السكووت اهو افضل شي اذا قاموا ياخذون ويعطون يعورني راسي واقوم اخور وانجب واندم هذي مشكلتي يعني اذا معصبه يسكتون عني احسن عشان بروحي اذا هديت اروح اتناقش بالموضوع,,,, وانتو شلون تتصرفون مع شخص عصبي بييي مادري والله شلون @@ اخاف صراحه الزم السكوووت احسن مادري والله مجرد اني فكرت شلون اتصرف مع شخص عصبي خفت لانه مادري شباسوي اصلا لانه مادري ردة فعل الطرف الثاني اخاف يصفقوني اخاف يسوون شي اسكت احسن حل وعلى قولتهم السكوت من ذهب ككككك شدخل ,,, Quote Link to comment Share on other sites More sharing options...
دلوعة الدلع Posted نوفمبر 17, 2009 Report Share Posted نوفمبر 17, 2009 بصراحه انا مو ع اقل شي اعصب بس عصبيه نوعاً ما وخاصةً لين الشخص يدري ان الشي يعصبني ويسويه بيييه افووول حدددي,, ولين اعصب مابي احد يرد عليّ يسمعني لين النهايه ولا يقاطعني ويقدر ليش معصبه مو يزيد اللي فيني ,, بس لين اللي جدامي عصبي احاول اهدي روحي شوي واتكلم بلطافه بس لين زودها عاد لا ولا اسكت يمكن اقط عليه حجي يأدبه ويخليه يكره الليوم اللي عرفني فيه بعد لووول Quote Link to comment Share on other sites More sharing options...
بوعلي00 Posted نوفمبر 20, 2009 Report Share Posted نوفمبر 20, 2009 (edited) يا هلا فيج طرطنقية بأختصار؟؟ جم نسبه عصبيتكم؟؟ أنا بصراحة مو عصبي.. هادئ الأعصاب.. بس هذي مايمنع العصبية الطبيعية اللي تصيد الواحد لما واحد يغلط عليه أو تصير مشاده،، والا في غالب الأحيان والحمدلله لي القدرة ان أمسك اعصابي. خل نقووول امممممم 20% ؟؟ وشلون تحبون يتعاملون معاكم لين معصبين؟؟؟ كنت أتمنى السؤال شلون أنا باعامل الناس لما اكون معصب!! لأن الناس بيكونون دار ماداري.. وما راح يكونون ثابتين.. مرة باعصب جدام هلي مرة جدام ربعي مرة جدام الناس في مكان عام.. فما أقدر اجبر الشخص اقول له (أنا معصب عاملني جذي!!!) وبطبيعة الحال .. أنا اذا عصبت أحاول قدر الإمكان أطلع أو أروح أي مكان بروحي.. وأحاول أسوي شي أطلع العصبية اللي فيني.. ايلس في مطعم.. أشوف الناس في مجمع.. أفتر في السيارة.. أشرب كوفي. لأن (بالعقل) .. أنا معصب.. الناس اللي وياي شكارهم؟؟!!!!!!!! أنا مزاجي معفوس ما اختلفنا.. أعفس مزاجهم ليييييييش؟؟!! ومن أنا حتى أعفس مزاااااااجهم؟؟!! أبرهه..!! وانتو شلون تتصرفون مع شخص عصبي صراحة أخس شخصية عندي هي الشخصية العصبية.. لأن الواحد يحس نفسه (ياهل) أو لعبة أو خادم شاريه هالريال.. وقت اللي يعصب لازم أسكت واخليه يبهدلني على راحته.. ووقت اللي يرضى يبني أضحك جدامه!!! قدر الإمكان أتجنبه.. وللأسف خسرت أعز ربعي بسبب هالشي. ونقطة اضافية اذا ماعليج أمر.. في بعض الناس عباله اذا عصب يعني أنا قوووووي والا أناااريااااال.. والا شي amazing لما الواحد يسأله شنو صفاتك؟ يقول أنا اذا عصبت أنسى أمي وأبي أسوي كل شي!!!! وغالب الوقت يكون هو موجذي!!!!!! بس رِكز في مخه ان العصبية شي حلوووو ومصدر فخر ،، مع ان الحقيقة تقول ان العصبية مرض لازم الواحد يتعالج منه. مشكوووورة على الموضوع الحلو. Edited نوفمبر 20, 2009 by بوعلي00 Quote Link to comment Share on other sites More sharing options...
بنت الاحزان Posted نوفمبر 20, 2009 Report Share Posted نوفمبر 20, 2009 جم نسبه عصبيتكم؟؟ الصراحة عصبية بس بنفس الوقت اقدر امتص عصبيتي واضحك بس اذا عصبت لدرجة كبيرة ممكن اقول لكم هني النسبة تتراوح مابين 50% او 85% وشلون تحبون يتعاملون معاكم لين معصبين؟؟؟ انا اغلب الاحيان امسك اعصابي ومو كل شي يعصبني وعلى طول اضحك بس اذا عصبت انقلب مااحس بالي اسوية ممكن اسوي اشي لما اهدى طبعا المصايب تطلع والندم بس في هالحالة افضل يتركوني لحالي لان اصير مجنونة شوي وانتو شلون تتصرفون مع شخص عصبي صحيح عصبية بس عصبيتي مو بسهولة تطلع يمكن قبل سنتين بس اقابل شخص عصبي اصير انفجار اما الحين هدات واجد الا في المواقف الى مااقدر اسيطر فيها على عصبيتي لما اواجه شخص عصبي اهدية بالي اقدر عليه واذا ماقدرت اتركة وامشي لان بعد هالمحاولات في احتمال اعصب ومااحب هالموقف Quote Link to comment Share on other sites More sharing options...
نظرة خ ـجل ! Posted نوفمبر 20, 2009 Report Share Posted نوفمبر 20, 2009 اممممم ,, ماقدر أحدد نسبة عصبيتي ,, يعني في أيام أكون نار ,, وأيام ثلج ,, واذا كنت معصبة ما أحب أحد يكلمني ,, ولا حتى يطالعني ,, أحب أقعد بروحي ,, وأفرغ كل شي في قلبي من قهر ,, وإذا أحد معصب ,, أكلمه بهدوء وروية ,, وأعطيه جم كلمة سحرية ,, بس مو أي أحد يعني ,, ناس ما يفيد وياهم شي ,, أفضل إني أسكت ,, :: طرنطقيـة :: تسلمين قلبو عالموضوع الحلو ,, ويعطيج العآفيه Quote Link to comment Share on other sites More sharing options...
حورية الجنه Posted نوفمبر 22, 2009 Report Share Posted نوفمبر 22, 2009 جم نسبه عصبيتكم؟؟ مابقولكم .. اخاف تحسدوني هع هع وشلون تحبون يتعاملون معاكم لين معصبين؟؟؟ تحب يتعاملون معاي بأسلوب راقي جدا وانتو شلون تتصرفون مع شخص عصبي اسكت لما يهدأ .. لان اذا تكلمت معاه راح تتولد شياء ثانيه اكبر Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.