December 22, 200916 yr comment_12175542 بسم الله الرحمن الرحيم السلام عليكم ورحمة الله وبركاته قرأت هذه القصيده فأعجبتني بحزنها يواسيني وانا الميت وحالي يجبر الدمعات تسيل من الذي فيني ويبكي وهو يواسيني وانا ابكي واتنهد وارسم بالحزن لوحات يجبروني عشان امشي ورجلي ما تمشيني قتلت رعايتي بيدي قتلت الحب والرحمات حرمت النفس من حقها وانا ابكيها وتبكيني وكنه حلم قدامي يقيدني من الصرخات ابي اصحى ولكني عجزت القى ال يصحيني فداك القلب يايمه ومهما قلت من كلمات صغيره في كبر حقك بس اتمنى تعذريني نهبت الفرح من بيتي صحيح اني خسيس الذات صحيح اني ولد طايش وكل ما أسمعه فيني تجول عيونهم فيني تفصل مني قياسات وتشيح وجوههم عني وكني غيرت ديني يظنوا حزنهم اكبر وهم اصحاب هالمأساة وانا اتحدى اذا فيهم ربع ما يحترق فيني نقص قدري بعد موتك وغابت نشوة اللذات وصار الهم عكازي اباكيه ويباكيني عطيتيني بدون حساب ولا سمعتك تقولي هات وانا اشرب حيل من دمك ودمك ما يكفيني يايمه ارجعي كافي ابجلس معك لو لحظات واقبل ايدك ورجلك وافرش لك رمش عيني يايمه ما تحملهم يقولوا فات ما قد مات تعالي غيري هالقول واطيعك باقي سنيني واترك عادة التدخين وانفذ ما تبي بسكات واصلي الفجر في المسجد قبل منتي تصحيني يايمه ارجعي تكفين وطفي شمعة الآهات ابيك انتي ولا غيرك على موتك تعزيني وضميني وداويني مثل ما كانت الهقوات ما ابي احدن يواسيني ابيك انتي تواسيني دخيلك بس لا تبكي اذا شفتي بي الدمعات انا مقوى ابكيك اذا انتي تبكيني مع أعطر التحايا اشريكم انتضر المرور الحلو منكم Report
December 25, 200916 yr comment_12180025 كلمات حزينة بس حلوة واايد.. يسلمووووو أحمد.. والله يعطيك العافية.. وننطر يديدك... Edited December 25, 200916 yr by سامحيني يا غلاتي Report
December 25, 200916 yr comment_12181509 كلمات حزينة فعلا تسلم ع النقل الراااائع وفي انتظار جديدك Report
March 5, 201016 yr comment_12206952 فداك القلب يايمه ومهما قلت من كلمات صغيره في كبر حقك بس اتمنى تعذريني صدقت ياأحمد مهما قلنا مانوفي الأم حقها Report
March 5, 201016 yr comment_12207053 اعجبني البيت اللي يقول ابغى اصح مالقيت احد يصحيني صح لسانك اخوي فعلا يتغلب على جو القصيد الحزن Report
March 6, 201016 yr comment_12207076 يظنوا حزنهم أكبر وهم أصحاب هالمأساة وانا أتحدى أذا فيهم ربع مايحترق فيني يعطيك ألف عافية على هالقصيده Report
Create an account or sign in to comment