حمود الملكي Posted فبراير 13, 2010 Report Share Posted فبراير 13, 2010 2005 سنه حلوه عليها كملت 15 سنه وخرت شعرها الاسود وبدت تلعب فيه وتنثره عليها بشطانه لفت لقت اختها مريم تتكلم بالتلفون حطت ايدها على خدها وابتسمت لها انتبهت مريم عليها وابتسمت وقالت : حمووود حبيبي شوي واكلمك .. أي اختي قامت شوي واكلمك .. زينه : ويي ليش سكرتي منه كل هذا عشاني يه يه يا بختي والله مريم: من صجج من الفير واحنا نتحجى شوفي الحين الساعه 10 الصبح زينه : الله ما زهقتوا من بعض ؟ مريم : لا حبيبتي سماله علي وعليه ما نقدر نستغنى عن بعض فديته حمودي زينه : نزين يا ام الحمودي خل نقووم نطلع نتمشى واااي انا مااااااا صدقت اعطل واللي يعافيج مريم : أي خل نقول حق امي وابوي ونطلع عايلة زينه بو عمار : ريال كبير ومحترم وطيب حييييييل مع ريال لأبعد الحدود بس بوقت الشينه لا يكون شديد بهالموقف ام عمار : هم طيبه وحنونه حيييل ومهتمه بعيالها وايد .. عمار عمره 28 سنه متزوج من بنت رفيجة امه طيبه بنتها دلال وعمرها 25 اثنينهم مملوحين عليااء وعمرها 34 سنه : متزوجه وهم قريبه من زينه مريم عمرها 32 سنه اللي راح ترافقنا بهالروايه مع بطلتنا زينه مريم حلوه بيضه متروسه شوي شعرها اسود عيونها كبار حلوه وتحب واحد اسمه محمد من سنه 2000 لي يومنا الحين ,,,(( تزوجت ثلاث مرات وتطلقت ... يعني ... ال2005 كانت توها متزوجه الثالث بس كانت متطلقه من قبل بالملجه مرتيين وب2005 كانت توها متزوجة الثالث و اهوا الوحيد الي دش عليها يعني راحت بيته وبعد فترة تطلقت ... ) زينه : بطلتنا عمرها 21 سنه بيضه طويله شوي جسمها متناسق الويه مدور وشفايفها صغار وعيونها سوده كبيره وشعرها اسووود سواد الليل البنت حلوه تشبهه هيفاء حسين الممثلة البحرينه :> ** علاقة زينه مريم قريبه من بعض زينه تعرف عن مريم كل شي تقريبا بعد جم شهر قررت مريم اهي وامها وابوها يروحون الحج وطبعا التلفون عطته زينه وقالت لها امانه عندج وطمني حموود علي اول بأول لمن ادق عليج وزينه رضت وقالت : ولا يهمج مريووووومه بحطه بعيوني هههه مريم : زينووو عن الشطانه زين زينه : افا عليج مريم : يالله خل اقوووم ازهب اغراضي زينه : اساعدج ؟ مريم: لا لا ماني مصدقه هاذي زينو الشيطانه تتنازل وتبي تساعدني شالتطور ؟ زينه : يووومه كليتيني يمه كيفج انا بروح اخذ شور وبشوف تلفزيون وبنام باجر لي سافرتي قعديني بسلم على امي وابوي بسسسس مريم : مالت عليج وانا زينه : اللي قوول حجتج مقبوله اليوم مواعده حمود !! مريم: بودع حبيبي حرام يعني ؟ زينه : أي وبتروحين الحج باجر خوش والله !! مريم : واااي اسبوع وشي مراح اشوفه شلون تبيني اتحمل !! زينه : نزين لا تموتين علي زهبي اغراضج وروحي شوفيه فاطمه : هيي ابيج معاي اطلع بروحي شلون ؟ !! زينه : اوك ليش لا بدق على بنت خالتي لولو تيي معانا .. فاطمه : خلاص اوكي يالله شوي ونروح زينه : اوك (( وراحت تتصل بنت خالتها لولو )) لولو المقربه لزينه وكل شي يقولون لبعض فيه وتعرف تقريبا كل شي بزينه !! زينه : الو الووووووووووووو لولو : بس بس يالخبله بطيتي اذوني شتبين ؟ زينه : يالله بنطلع انا واختي وابيج معاي اهي بتشوف حبيبها وانتي ابيج معاي يالله لولو : اوك متى تيون ؟ زينه : الناس تقول اسأل امي ابوي أي ما عليه بنت خالتي صايعه هههههههه لولو : طالع مالت عليج زين نزين تعالي اهي بتروح تشوف حمود ؟ زينه : ليش يعني اهي لها غيره ؟ لولو : مصيبه ما ملو !! زينه : ويييييييييع عاد عيونج والقبر لولو : واحنا ليش ما نحب زينه : الله كريم انتي رفعي ايدج للسما وادعيلي وادعيلج لولو : امحق دعوه زينه : يالله يا حلوه بروح ابدل وروحي بدلي انتي قصدي تسبحي اول لولو : ويعههههههههه باي باي باي زينه : ههههه باي ** بدلت مريم وزينه ومروا لولو وراحوا الابراج نزلت مريم وراحت مكان بعيد عنهم وزينه ولولو راحوا يتمشون يقزوون بس قزهم الحقني والحقك وبعدها ما اشوف رقعة ويهك :> مرت 3 ساعات تقريبا وردوا البيت وراحت مريم تزهب اغراضها بيوم السفره مريم : زينوو ما اوصيج على التلفون تخلينه مثل ولدج زينه : ان شاء الله ههههههههه مريم : اكلمج جد لحد ياخذه عمار لا يدري عنه زينه : نزين نزين روحي انتي الحين وما يصير الا الخير صدقيني :> مريم : خلاص اوكي يالله بوسيني بروح ان شاء الله ادعليج الله يهديج ويثبتج زينه : أي خير ان شاء الله مريم طقت جتفها : نزغه نزغه ما تيوووز زينه : يالله حبي تروحين وتردين بالسلامه (( دمعت شوي )) راح افقدج والله ... مريم لمتها : حياتي والله زينهه راحت تسلم على امها وابويها وبجت شوي بعدين هدت لمن يا عمار ودلال يهدونها وكل من راح ينام وبقت زينه والتلفون شافت شي يهتز تحتها شافت التلفون ومكتووب (( حمود حياتي )) زينه : الووو محمد : مساء الخير زينه : هلا والله ؟ محمد : شلونج زينوو ؟ زينه : بخيرر حميد انت شلونك ؟ محمد : انا بخير .. دقت مريووم ؟ زينه : لا والله توهم ماشين بسم الله محمد : ولهت عليها زينه : يا عيني والله مرت ساعتين تقريبا بالسوالف زينه : الللللللله ساعتين نسولف محمد : ههههههههههه امبيه سوالفج حلوه حييييل انا لازم اعرفج على اخوي زينه : الله وناسه انا ويا اخوك وانت ويا اختي خووش كبلز لووول محمد : لا جد انا كلمته واايد عنج وعجبتيه زينه : صج شلون ؟ محمد بدى يقولها عن حسن بطلنااااااااااااااااااااااااااااااااا وهاذي بداااية زينه ..... بشي اسمه سهل (( حب )) محمد : هااا حفظتي الرقم ؟ زينه : ايي نزين شقوله ؟ محمد : عادي تحرشي ويمكن يعطيج ويه لووول زينه : لا والله محمد : عاد انتي وشطارتج زينه : خلاص اوكي محمد : يالله انا اخليج وبس تتصل عليج مريوووم اتصلي علي بلغيني اوك ؟ زينه : خلاص اوك محمد : يالله مع السلامه ؟ زينه : مع السلامه ... .. كانت زينه تفكر شنو تدزله شلون تتحرش زينه ولا عمرها حاجت واحد بالتلفون ولا سوت معاه علاقه ولا شي ... بس محمد بين فتره وفتره تسلم عليه شافت مسج حب دزت له قام يتصل واهي كل ما تبي ترد تتردد ودزت مسج حب ثاني ودق بس هالمره شالت التلفون ..... بداية حب هي بداية حب وإلا حب بادي بالنهاية شيء غامض اكتشفته يوم سلمتِ علي ******************** عُقبها أصبحت أفكر بك معي دايم معايا عِقبها أصبحتي دموعي وصارت عيونك هلي ******************** يا جروح الحب حبي أكملي باقي الرواية بس في الآخر تراها دنيتك مني ولي ارجو الرد لتنزيل الجزء الثاني Quote Link to comment Share on other sites More sharing options...
مهمومة زمانها Posted فبراير 13, 2010 Report Share Posted فبراير 13, 2010 يسلمو وننظر الجزء الثاني Quote Link to comment Share on other sites More sharing options...
الجسمي17 Posted فبراير 14, 2010 Report Share Posted فبراير 14, 2010 @تسلم اخوي على القصة يعطيك العافية Quote Link to comment Share on other sites More sharing options...
حمود الملكي Posted فبراير 14, 2010 Author Report Share Posted فبراير 14, 2010 البارت الثاني عشان خاطر عيونكم ** شالت التلفون دقات قلبها متسرعه حيييل بس مو حب !! لا كان خوف كان تجربه يديده لها كان شي راح يكون ملك لها حسن : الو ؟ زينه : ............. حسن : الووووووو زينه : نعم حسن : اختي دازين مسجين حب وادق محد يرد من معاي ؟ زينه : ما ادري يمكن غلطانه حسن : اها اوك زينه : مممممم حسن : اوكي مع السلامه عيل زينه : مع السلامه صكرت التلفون وانخشت داخل السرير وماسكه التلفون وحاطه ايدها على قلبها وقامت تضحك على نفسها شوي سمعت باب دارها يطق قامت خايفه وراحت صوب الباب : منو ؟ علياء : انا علياء بطلي الباب زيونه زينه : اهلين عليااااااء ولهت عليج والله علياء : ايي حياتي والله من زمان عنج هذا وانتو عندكم عطله بعد زينه : شسوي بعد مشاغل علياء : هااا مريوم تاركه فراغ مو ؟ زينه : من صجج فقدتها والله علياء : لا لا ما ينخاف عليج انتي نزغة هالبيت زينه : شدعووووووووووه بس والله ولهت عليج وين ريلج ؟ علياء : لا تكفين بالبيت انا اليوم يايه انام عندج اسهر زينه بفرح : والله علياء : أي والله زينه : اللللله وناسه اليوم بنفلها لي الصبح علياء : افا عليج بس روحي طلبي لنا من المطعم حدي يوعانا زينه : أي مطعم علياء : انتي وذوقج زينه : مممم كنتاكي هههههههههه علياء : مالت عليج شرايج نطلع ؟ زينه : اوك ليش لا علياء : يالله لبسي وانا ناطرتج تحت زينه : اوكي حياتي ** زينه راحت صوب الفون ما لقت اتصال زينه بصوت مسموع : شكله صعب مدت لسانها بشطانه وراحت تلبس طلعت اهي واختها عليااء تعشوا وتمشوا بسوق شرق وردوا البيت .... علياء راحت تنام بغرفتها القديمه لانها دايخه خانت زينه وزينه مسكت التلفون ودزت مسج حب حق حسن ... نطرت دقيقه ماكو رد دقيقتين ماكو رد 5 دقااااايق حسن يتصل بك :> ردت زينه احم احم : الووو حسن : منوووووووو ذبحتيني مسجاااااااات منو ممكن اعرف منو ؟؟ زينه : هههههههههه انا وحده حسن : لا حلفي تدرين عبالي واحد خلصيني منو انتي ؟ زينه : انا اسيييل حسن : وانا حسن الع ....... زينه : لا صج هذا اسمك !! حسن : لا اسم ولد ييرانا زينه : شكو انا بولد يييرانكم حسن : يعني انتي اسيل ؟ زينه : ايييييييييييييييييييييييي ييييييييييييييييي قول الصج اقول الصج واله اقووولك اهم شي انك ساكن بالمنطقه الفلانية و شيعي و عايلتك .... حسن : شدراااااااااااج انتي سااااااحره ؟؟؟؟؟ زينه : اسرار المهنه وانته توك مبطل زقاير وعيدميلادك بعد اربع ايام حسن : هييييي انتي وثول شدراج ؟؟؟؟ زينه : لا لا بس انا اعرف حسن : لا صج يالله اعترفي ترى حدي دخلت وانثولت صج قوولي منو انتي ؟ زينه : انا زينه حسن : زييييييييينه اخت مريووووووووم صح ؟ زينه : ههههههه أي ؟ وظلو ساعتين يسولفون ... وضحك وعبط وتعارف زينه قالت له انها بأولى ثانويه ولان كانت بعطلة نص السنة واختها راحت الحج واخوه محمد كلمها عن حسن وجذي وحسن قالها انا كنت اعرفج من زمان لان اختج وايد تسولف عنج وانتي شيطانه حدج وعجبتيني حسن : واااااااي زيوووووون حدي مستانس اني اكلمج والله من زمان كان ودي اعرفج زينه : هههههههه صج حسن : أي والله وانتي ؟ زينه : انا شنووو ؟ حسن : يعني لمن كلموج عني ما ودج فيني زينه : ممممم مراح اقولك حسن انت تكلم بنات ؟ حسن : لا والله كنت اكلم وحده قبلج باسبوع جذي وهدينا بعض وما صار نصيب نتعرف زينه : ممممممم حلو حسن : نزين زيووون اروح غرفتي واكلمج اوك ؟ زينه : خلاص ماشي حسن : باي زينه : باي زينه بينها وبين نفسها امبيييييييييييييييييه ونااااسه على ما ادري على انا امبيه خايفه امبيه انا شخربط :$ راحت واتصلت على لولو لولو : يالله صباح خير الساعه 2 بلليل يالله سترك عطيناها التلفون وقامت تبيعها زينه : ههههههه يا حماره شفيج علي لولو : شكو طالعه مع عليااء وما تقولين لي ؟ زينه : مصيبه شدراج ؟ لولو : دقيت عليها كانت امي تبي رقم حماتها زينه : ههههههههه واااي انتي شحارج اختي حبيبتي واحبها شتبين ؟ لولو : بل بل مابي شي عليكم بالعافيه زينه : انا اشووف ما تهنيت باللقمه اثاري بعض الناس عيونهم علي لولو : مالت عليج شتبين داقه ؟ زينه : شكلي والله حبيته لولو : شنو ؟ زينه : شفتي يوم اسولفج عن حسن اخو حموود رفيج مريوووم اختي ؟ لولو : قولي انج كلمتيه زينه : أي لولو : يا حقيره نزين عندهم اخو ثالث زينه :هههههههههههههههه لقت ويتنق (( حسن )) زينه : نزين حسن يتصل اكلمج شوي لولو : عشتوااااااااااااا زينه : باي ردت على الويتنق زينه : الو ؟ حسن : تبين اخليج براحتج ؟ زينه : لا لا عادي كنت اكلم بنت خالتي لولو حسن : ممممممممم اوك وقعدوا يسولفون لمن اذن الفير حسن : بييه الاذان والله ما حسيت بالوقت معاج زينه : هههه وحتى انا والله حسن : زينه كلميني اكثر عن نفسج ودراستج وجذي ؟ زينه : تقريبا انت عارف كل شي عارف انا وين ساكنه وشسمي وعايلتي انا باولى ثانوي مثل ما قلتك قبل قليل حسن : اقعد على قبل قليل زينه : تحليل الدراسه هههههههه حسن : هههههههه أي كملي انتي شاطره واله لا زينه : أي شاطره وشيطانه بنفس الوقت كنت ميننه الابلات لووول حسن : ههههههه يا حلوج ومرت الساعات واهم يتكلمون بكل شي بكل شي يعني ما خلو شي ما قالوه حتى الوان غرفتهم قالوها لمن صارت الساعه 9 الصبح زينه : بييييييه الساعه 9 امبيه ههههههههههه حسن : هههههههه ما ودي اصكره منج زينه : ههه حتى انا والله حسن : نزين عيل خل نكمل زينه : نو نو الحين بقوم انام قبل لا تدش اختي علياااء وتشك بالوضع حسن : خلاص اوكي زينه : تبيني ادق عليك واله لا هههههههه (( تستعبط )) حسن : ايي أي ابيج تدقين اليوم باجر اللي عقبه بعد شهر سنتين العمر كله وابيج تقعديني بعد شوي ؟ زينه : متى تبيني اقعدك ؟ حسن : ممممم تقدرين 3 العصر ؟ زينه : خلاص ولا يهمك حسن : فديتها زينه استحت ... حسن : احم احم نحن هنا يالله لنا لقاء قريب زينه : خلاص اووكي حسن : يالله تصبحين على خير وتغطي عدل اوك ؟ زينه : اوكي وانت بعد حسن : يالله مع السلامه زينه : مع السلامه ** زينه اول ما خلصت المكالمه راحت غلست وفرشت اسنانها ودخلت بالفراش وقامت تتأمل غرفتها وتتذكر حسن ابتسمت ابتسامة رضا ونوم العوافي ............ علياااء : قوووووووومي زينو كل هذا خياس نووووووم اكيد سهرانه من وراي ترى الساعه 2 ونص لي متى يعني ؟ زينه قامت مخترعه : جم الساعه علياء : 2 ونص زينه : ايييييييييي تو الناس عفيه علوووي حبيبتي طلعي بره والله بنام وحدي دايخه والله علياء : امبيه انتي متى نمتي حضرتج ؟ زينه : ما ادري الصببببببببح بناااام علياء : لا والله شتسوين بروحج لي الصبح زينه : عليااء بنام حدي دايخه والله علياء : بروح اشوف الغدا واييي والقاج قاعده فاهمه زينه : زين زين طلعت ايدها بهدوووء ومسكت التلفون وحسن اتصاااااااااااااااال ترن ترن ترن حسن : يا هلا والله زينه : هههههه صباح الخير حسن : مساء الفل زينه : شلونك ؟ حسن : بخير يا عساج بألف خير وقعدوا يسولفون ................... فديتك نسني نومي وخل طيفك يسهرني معاااك الليل لو طول يا حلوه ويا حلو طوله ......... قرااااااااءه ممتعه حبايبي : Quote Link to comment Share on other sites More sharing options...
شوق بحرينية Posted فبراير 14, 2010 Report Share Posted فبراير 14, 2010 يسلمووو Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.