حمود الملكي Posted مارس 8, 2010 Report Share Posted مارس 8, 2010 ساره البنت التي تعيش قصة حب مع عاشقها عبدالله , قعدت من النوم على صوت مسج من عبدالله فاتصلت به عبدالله : صباح الورد حياتي , اشلونج ؟ ساره : والله الحمد الله بخير , أنت شلونك حياتي ؟ عبدالله : أنا بخير دامج بخير , من يصدق بعد ثلاث أيام راح نكمل سنه من اعترفنا حق بعض أن إحنا نحب بعض ساره : والله يا حياتي كأنه أسبوع مو سنه و صدق اللي يقول الوقت الحلو يمشي بسرعة عبدالله : إي و الله حياتي , تتذكرين أول ما قلت لج احبج ..؟ ساره : اقدر أنسى , ما اقدر أنسى أحلى يوم بحياتي يوم اعترف لي , حياتي تتذكر أول يوم شفتني فيها , كانت حفلة أختك عبدالله : مستحيل أنسى هذا اليوم أصلا , شفتي القدر شلون جمعنا مع بعض , تتذكرين يوم صادفنا بعض بالمعهد , أشكالنا غلط كنا إحنا الوحيدين اللي ما نتحجى انغلش ساره : ولا يوم دعمت سيارتك عبدالله : إي و حتى انحشتي بعد ساره "وهي تضحك" : بس المهم تأسفت عبدالله : حياتي مسموح يلي تعذر , المهم وين بتروحين اليوم ؟ ساره : والله بروح أتريق مع رفيجاتي بعدها بنتسوق شوي عبدالله : انزين وين ؟ ساره : ما ني معلمتك عشان لا تيي "وهي تضحك" عبدالله : لا والله , ما يصير أبي اشوفج ساره : الأسبوع اللي فات شايفني عبدالله : حياتي ما اقدر امل منج , قلبي ما يقدر يمل من سارونتي حبيبتي أم ساره تنادي ساره أم ساره : ساره رفيجتج نوال تنطرج على تلفون البيت ساره : إن شاء الله يمه , دودي أنا بمشي مستعيله حيل يلا تيك كير حياتي ساره و هي تكلم نوال بالتلفون ساره : هلا نوال اشلونج ؟ نوال : تمام ها وينج متى بتيين ساره : كا الحين بطلع نوال : اوكي أنا ناطرتج بالمطعم , بس منى بنت خالتي حصة بتي معاي , عادي ؟ ساره : اكيد عادي بدون لا تشاورين نوال : اوكي يلا اخليج الحين , انطرج هناك ساره : اوكي يلا باي ساره و هي توها طالعه من البيت تبي تركب سيارتها ولا ورده حمراء على السيارة و عليها نوت صغير مكتوب عليها حياتي بقى 3 أيام , تبسمت و هي مستحيه ساره و نوال و بنت خالتها بالمطعم نوال : ساره هذه بنت خالتي منى ساره : هلا هلا منى : هلا فيج ساره : امبيه نوال وايد تسولف عنج أخيرا شفناج منى : إي والله حتى أنتي بعد وايد تسولف عنج , حببتني فيج من كثر ما قالت لي عنج ساره : بعد قلبي و الله نوال : ها سارون غريبة مزاجج اليوم هاي ..؟ ساره : اشلون ما يصير هاي و أنا غرقانه بالعسل نوال : ويي ما ادري اشلون لج خلق تحبين و أنا طبعي أخاف من الحب ساره : من صجج أنا ما اعتقد اقدر أعيش بدون دودي منى : اسمحي لي أخت ساره بس ماكو شي اسمه حب بزمنا هذا ساره : لا والله في شي اسمه تجارب فاشلة و في شي اسمه فراغ عاطفي بس الصج اكو حب منى : ماكو حب كلهم بس حجي و صدقيني راح تحسين بهذا الشيء مع الوقت ساره : هذا رايج بس لو بقولج عن دودي ما تصدقيني منى : صدقيني كلهم نفس الشي و أخرها يملون و يقولون لج يلا ما نبيج ساره : إلا دودي , اهو اخو رفيجتي دانه و اكبر مني بسنه , تخيلي كنت أشوفه لما ازور دانه و صادفنا بعض في معهد الانغلش كنا فيه و كنا مع بعض في نفس الكلاس و في يوم كنت بايقه السيارة و دعمته المسكين قالي المهم انج بخير و حتى ما قال يبي شي مع ان سيارته حيل متعوره منى : اوكي يمكن الولد حبوب و طيب بس اشدراج إن صج يحبج ؟ ساره : من صوته أسلوبه كلامه وعوده حركاته تصرفاته , كل ما تقول دانه له ودني حق ساره يكشخ آخر كشخه لان يدري راح أشوفه منى : انزين حتى لو أنا اعرف ناس سووا أكثر من جذي و انتهت علاقتهم بليله ساره : واي عليج , اقولج شي ما تصدقينه , يمكن قالت لج نوال عن يوم حاشني فشل كلوي , تدرين منو تبرع لي بكليته , اهو حتى تعب حيل من العملية و من عقب ما تبرع لي بديت أحبه و انفتح له قلبي و بعد ما صارحته اكتشفت إن يحبني من زمان بس كان يستحي منى : اممم الله يوفقكم إن شاء الله نوال : اشوه أخيرا هديتوا , أنا خفت تزيد النجره و تتحاذفون بالصحون و الخبز ضحكوا كلهم و كملوا الفطور نوال و منى بالسيارة منى : واي واي واي ما ادري اشلون تستحملين ساره , قثيثه نوال : حدج عليها يا شقول هذه رفيجت عمري منى : حتى لو , اشفيها مو راضيه تفهم ان ماكو حب نوال : منى منى ركزي معاي شوي , يبا مو عشان مريتي بأكثر من تجربه فاشلة يعني ماكو حب منى : كل الشباب وحوش , بس يلعبون في قلوب البنات بعدين يتركونهم و يرحلون نوال : يبا فهمي مو كل الشباب جذي منى : ليش تدافعين عن الشباب , ليكون تحبين ؟ نوال : لا ما حبيت ولا أبي أحب و السبه أنتي و حنتج الزايده علي منى : أقول سكتي سكتي أنا قاعدة انصحج يا الخبله , الشره علي أنا اني انصحج نوال : اوف خلاص بس سكري الموضوع ساره وهي بالبيت بالليل رن تلفونها ساره : الو عبدالله : مساء الورد حياتي ساره : مساء النور , حياتي سوري اليوم انشغلت شوي عبدالله : لا عادي حياتي , و صج دانه تسلم عليج وايد وايد ساره : صج متى كلمتها ؟ عبدالله : اليوم دقت , تقول مستانسه وايد , معاها بنات كويتيات يدرسون معاها ساره : يا حلوها و الله يوفقهاوصج انها شاطره وحققت حلمها و كاهي تدرس طب في ايرلندا عبدالله : إي و الله , ها حياتي باجر وين بتروحين ؟ ساره : ما ادري و الله , حياتي يوم الخميس معزومة و راح اتاخر عبدالله : وين وين , ماكو تأخير ما اسمح حق مرتي تتأخر بره البيت ساره : حياتي أشفيك , ولد عمتي متخرج و مسوين له عشه بس عبدالله : اها , أنزين قلبي مو تتأخرين ساره : إن شاء الله حياتي , جم دودي عندي , واحد و الله لا يحرمني منه عبدالله : فديتج و فديت عيونج الحلوة , حياتي أنا حدي تعبان و بنام , تبين شي سارونتي ؟ ساره : سلامتك و تغطى عدل لا يحوشك برد عبدالله : لا تحاتين حياتي , يلا تصبحين على خير ساره : و أنت من أهل الخير ان شاء الله.. الأربعاء يومين على الذكرى السنة , عبدالله مع واحد من ربعه "عبداللطيف" في احد القهاوي عبداللطيف : ها العبد ، شعندك بو شميس و بو شميس كاني يت اشفيك؟ عبدالله : يا أخي بأخذ رأيك بجم شغله عبداللطيف : قول كاني قاعد و ما عندي شغل عبدالله : راح أقول بس أول شي , شنو تشرب ؟ عبداللطيف : وياك أي شي عبدالله : هاي وتس يور سبشل درنك هير بليز ؟ احمد : حبيب قلبي معاك احمد , آمر تدلل قول غلطه و أنا المسئول عبدالله وهو يضحك : يا عيني على المزاج , اسمح لي بس الأخ كويتي ! احمد : إي والله غريبة ها عبدالله : تبي الصراحة أي , الكويتي تلقى يقز من مكان لي مكان و يستحي يشتغل احمد : إي والله بس أنا قاعد اشتغل بالصيف بس و بعدين عشان اقضي وقت فراغي أتعرف على ناس و اكتشف خبره تنفعني بالحياة.. عبدالله : الله يوفقك إن شاء الله , أنزين ممكن نطلب ؟ احمد : يه عيوني لك تدلل عبدالله : اثنين لاتيه كبير احمد : من عيوني أخدمك تبي شي بعد ؟ عبدالله : أنزين أخ احمد إذا بشتغل نفس شغلتك اشلون ؟ احمد : بس تسجل اسمك و تنطر بس تبي الصراحة ما يوظفون أي احد , إلا بواسطة قويه عبدالله : اها يعطيك العافية احمد : يعافيك , أستريح أنا ايب الطلب بس يخلص عبدالله و عبداللطيف عبدالله : والله عنده شجاعة يشتغل بقهوة , تدري لو اشتغل مكانه , جان ما يبقى واحد ما يضغطني عبداللطيف : إي حق التضبط ولا أسهل , عجيب عبدالله : طالع أنا شتكلم فيه و أنت بشنو عبداللطيف : المهم شنو الموضوع اللي كنت بتكلمني فيه ؟ عبدالله : أقولك أنا أحب وحده و عقب باجر بكمل معاها سنه فمسوي لها مفاجأة كتاب فيه كل اشعاري و كل مسجات الحب اللي بينا اللي كتبتهم لها و مزينه بقلوب حب بيض و مخليه احمر فشكله روعه عبداللطيف وهو يضحك : صج انك خبل وموصاحي عبدالله : الشره علي أنا الغبي اللي يايبك اخذ رأيك بالموضوع عبداللطيف : محشوم العبد يا أخوك اضحك معاك شفيك عاد عبدالله : اقلب ويهك زين , تقول خبل, الحين اللي يحب من قلب يصير خبل و مو صاحي, والله زمن عبداللطيف : مو قصدي يا كلمة ردي مكانج آسف يبا آسف عبدالله : لازم تفهم إن من حق كل إنسان إن يحب و اللي يحب من قلب ما يعتبر خبل, هذا مصطلح إحنا حطينا في بالنا ما ندري إن غلط عبداللطيف : العبد سامحني تدري ولا عمري حبيت , بذمتك منو ترضى تحب واحد بدون؟ عبدالله : يبا راح تلقى اللي تحبك و بتصير خبل و موصاحي علـى قولتك بعد فقاموا يضحكون مع بعض بيت يده ساره أم ساره : ما شاء الله يا أم ناصر والله و تخرج ناصر أم ناصر : إي و الله حمد الله و بنسبه عالية بعد أم ساره : ما شاء الله , شنو تخصصك ناصر ؟ ناصر : خالتي تخصصي محاسبه أم ساره : ها عاد وين ناوي تشتغل ؟ ناصر : والله مفكر اشتغل بشركة خاصة ناصر وهو يمشي صادف ساره و قام يطالعها بنظرات إعجاب ناصر : هلا ساره اشلونج ؟ ساره : والله حمد الله بخير , مبروك التخرج ناصر : الله يبارك فيج , ها شنو ناويه تدخلين و شنو بتخصصين ؟ ساره : انقبلت علوم إداريه أبي تخصص محاسبه ناصر : إذا تبين أي شي ترى أنا موجود مذكرات توصيات أي شي حاضر ساره : ثانكس عاد رفيجاتي اللي عندهم خواتهم بالإدارية عطوني مذكرات و كل شي ناصر : عل العموم إذا احتجتي أي شي أنا موجود ساره : مشكور ويزاك الله خير.. ساره بالبيت بعد ما رجعت من العشا و اتصلت على عبدالله عبدالله : لحظه لحظه . . . 3 2 1 كملنا سنه مع بعض ساره و هي تضحك : عقبال المليون إن شاء الله عبدالله : جنه وايد ساره : شنو بتمل مني يعني ! عبدالله : عيب ما اقدر اصلا ساره : إي عبالي بعد عبدالله : ها حياتي اشلون العشا ؟ ساره : تمام والله عبدالله : حياتي باجر لازم اشوفج ساره : ليش عسى ما شر ؟ عبدالله : ما شر بس بعطيج هدية ذكرتنا السنة ساره : حياتي ما يحتاي عبدالله : سارونتي لا تزعليني منج ساره : لا حياتي كلش ولا زعلك عبدالله : إي عبالي , بعض الناس بشوفهم كل يوم بالجامعة ساره و هي تضحك : حياتي بروحي معصبه عليك عبدالله : ليش عاد ؟ ساره : اكو واحد يتخلى عن حلم حياته أن يصير دكتور بس عشان حبيبته ! عبدالله : إي أنا ساره : حياتي ما يصير هذا حلمك عبدالله : أنتي كل شي أنتي حلمي و دنيتي و قلبي و كل ما املك أنتي و مستعد أضحي بكل ما املك بس أبقى بقربج حياتي ساره : والله ما ادري شقول , والله مستحيه منك , شنو كلمة احبك أنا مو بس احبك أنا أموت أموت أموت فيك عبدالله : اشدعوه اكو وحده تستحي من ريلها ! ساره : إي أنا "وهي تضحك" عبدالله : حياتي أنا حدي تعبان لان اليوم كله انشغلت أسوي لج الهدية ساره : تسوي ؟ عبدالله : إي حياتي كنت قاعد أسوي الهدية , الهدية عبارة عن كتاب في كل أشعاري و قصايدي و مسجاتي الحب فيج و طبعا مستحيل ما أحط صورة الطاولة اللي حفرنا عليها أحرفنا بقلب حب ساره : حياتي والله ما ادري شقول , الله لا يحرمني منك يا رب , ومن صوتك تبين انك تعبان روح ارتاح عبدالله : إن شاء الله حياتي يلا تبين شي ؟ ساره : سلامتك و تغطى عدل عبدالله : إن شاء الله يا روحي يلا تصبحين على خير ساره : و أنتي من أهله ثاني يوم بعد أن أخذت ساره الهدية من عبدالله كانت في سيارتها و رن تلفونها رقم غريب فردت عليه ساره : الو ناصر : هلا ساره اشلونج ساره : نعم منو معاي ؟ ناصر : أنا ناصر ولد عمتج ساره : ناصر و من وين لك الرقم ناصر : ماكو أسهل من أن الواحد يحصل الرقم اللي يبي , ممكن تسمعيني شوي ؟ ساره : ما أبي اسمع ولا شي و لو سمحت لا تدق على تلفوني مره ثانيه , باي " وسكرت الخط بويه ناصر" رد و اتصل مره ثانيه ساره : نعم اشتبي ؟ ناصر : ابيج تسمعيني شوي ممكن ؟ ساره : اشتبي أنا قلت لك لا تدق ناصر : ساره أنا احبج . . . أرجو الرد لتنزيل البارت الثاني Quote Link to comment Share on other sites More sharing options...
مهمومة زمانها Posted مارس 8, 2010 Report Share Posted مارس 8, 2010 يسلمو حدها رووووووعة ننتظر المزيد Quote Link to comment Share on other sites More sharing options...
Guest LSH_LSH Posted مارس 8, 2010 Report Share Posted مارس 8, 2010 يسلموووووو ع القصة الرووعة Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.