أحلى مصرقعه Posted ابريل 30, 2010 Report Share Posted ابريل 30, 2010 (edited) التغطية الكتابية " 21 " فواز / رغد / لجين/ طارق / تركي رغد راحت للجين عشان يحتفلون بالقضية اللي فازتها ضد فواز .. وهم مع بعض الاخت لجين حامت جبدها وصارت ترجّع وتقول انا دايخة المهم رغد خافت وقالت لها لازم تروحين تحللين ..خلينا نتآكد..وراحو المستشفى و طلعت صج حآمل المهم قامت تصيح وتقول لـ رغد !! انتي السبب انا لازم انزّل الولد مابي اي شي يربطني بفواز وهدّتها رغد وقالت مآآاعلي هذي نعمة من الله ..لانجهضينه بعدين ربي يبليج ببلايا ثانية وآخرتج جهنم ..اللي قاعدة تسوينه حرااام... فواز مرّ طارق من بيت خواله ..قال طارق يبة ابي اركب حصان تركي قال له ابوه لا بعدين تطيح وتتعور والحين ليل اذا صار الصبح اوديك انت وامك وتروح تركب حصان تركي.. وراحو الاسطبل عند فيصل وقامو يسولفون عن تركي ومنال وقال فواز انا ماتوقعت ان منال بهالنذالة وبعدين قال لفيصل انه لازم يكلمون تركي ويتطمننون عليه ورجع طارق لابوه يقول له ابي اركب حصان تركي ..ابوه عصب قال قلت لك بعدين قال لهم فيصل فيه اولاد الاسطبلات الثانية يلعبون هناك روح ياطارق استانس وراح طارق و جآآن زيين مآ رآآح هناك كان راكب دباب " بانشي" وفي اولاد قاعدين ينظفون بندقية ويحوسون فيها المهم وهم يحوسون فيها انطلقت رصاصة بالغلط ورآآحت لـ طارق ووصل الخبر لفواز وطيران فيه للمستشفى بس مالحقوآ عليه ......و ماات واتصل على مرته اللي كانت مع لجين وقال لها بالخبرر وهي ابد مو مصدقة وقامت تصارخ وتصيييييييح وراحت البيت عشان تدّور طارق لانها مومصدقة زوجها ولقت زووجهآآ هناك وثوبه كله دم ولدها وانهارت عنده الا تبي تجوف ولدها عشان تتآكد انه ميت وتخمد النار اللي دآآخلهآآ وصار فواز يتخيل صوته , ورغد نفس الشي تتذكر لما كان مالي عليها دنيتها وبيتها بعدها قرر فواز انه يسافر لـ تركي لان كل مكالماته له ماتوصله / يتصل بالشغل يتعذرون بانه مو موجود ..وحتى رقم تلفونه ما عطاه اياه ..الولد يتهرب من اهله لانه يخاف يضعف ويرجع الكويت ومرة وحدة بيخبره بموت ولده طارق : : مشعل / منال / روابي مشعل تقرب اكثر من منال وصار يصارحها وتصارحه بااشياء وآآيدة.. منال ردت لبيتهم ولقت ان القفل مايفتح البرنسيسة روابي مغيرة قفل البيت وطالعة من البيت تسوي رياضة ومخلية منال تنتظر بهالبرد الين يآآت من مشوراها الرياااضي منال قالت وين كنتي !! انآ حاولت افتح الباب بس مايفتح قالت انا مغيرة كل قفول البيت عندج مانع منال ردت وقالت وصلت انج تغيرين قفل البيت انا لولا خوفي من كلام الناس جان طردتج من بيتي ردت روابي : هاااااااااه ماسمعت عيدي كلامج بيتج ! اي بيت هذا بيتي انا !!!! بعدين يامنال انا راسي مصدع من الرياضة مالي خلق اترادد معااج منآل راحت دخلت البيت وما كانت مستوعبة ان هالبيت بااسم روآبي اليوم الي بعده راحت روابي اسطبل منال واخدت وحدة من الخيول وراحتت تمشيها ولا بدخلة مشعل وقام يقولها ليش مطلعة الفرس قالت مو بكيفك , بعدين انت الحين شتبي من منال امس بالليل قال لها سمعتينا ..قالت اي كنت اتسمّع قال لها يابنت الناس خفّي على منال ترى ماسوت لج شي .. ودار بينهم جدل قالها مشعل ترى الحقير مايعرف له الا الحقير اللي مثله ردت وقالت زين انك معترف انك حقير قال كل واحد يعرف نفسه, واحسن لج لاتلعبين بالنار تراج مب قدها وطلعت روابي بالخيل وتركت مشعل بالاسطبل ويآآت منال وكانوا يسولفون عن روابي شلون انها مستقوية ومستشررة على منال! وجابوآ طاري طارق قالت منال لازم اروح لهم العزآ...قال لها مشعل :لازم يعني قالت ايه ليش '؟؟ موو موافق ؟!!قال مو جذي بس نظرت اهل تركي تغيرت واخاف يقّطون عليج كلمة جذس ولا جذآآك قالت اي صح عيل بتصل عليهم.. قال مشعل هم عزوج باابوج قالت لا اتصلوآ عقب العزآ قالوا انهم مايدرون فقال مشعل خلاص اذا خلص العزآ اتصّلي او رسلي مسج وعزيهم قالت اوكي... بعدين دخلت روآبي وشافتهم مع بعض وقالت يآربي مآني عآرفة من الي يلعب على الثآني عصّبت منال وقالت ان مشعل انظف واحد بالدنيا قالت روابي اييه نسينا يومم انج تقولين عن تركي هالكلام صار الحين مشعل اانظف مشعل اخذ منال ودخلو داخل ... : : العايلة الفقيرة سالفتهم بدت تنتشر بالحي ...وبدوآ يحسون ان في شي صاير فيهم! هدى يابوها تدق ع اللي كان يرسل رسايل غرام ! وسبحان الله كانت حافظه رقمه الهم رد على صديقتها واتفق انه ايي للشقة اللي فيها هدى بس على مااظن انه مايدري ان هي فيها وقالو لازم يقنعونه يتقدم لها قدام اهلها عشان مايذبحونها Edited ابريل 30, 2010 by أحلى مصرقعه Quote Link to comment Share on other sites More sharing options...
نغــــــم Posted ابريل 30, 2010 Report Share Posted ابريل 30, 2010 مشكور مغرم من ذوقك والله ربي يعافيك وكلامك صح عن روابي بس لو طولوا الأحداث الأخيره ليها وتعترف بندمها كان أحسن ويعطيكِ العافيه أحلووو Quote Link to comment Share on other sites More sharing options...
نغــــــم Posted ابريل 30, 2010 Report Share Posted ابريل 30, 2010 ] Quote Link to comment Share on other sites More sharing options...
نغــــــم Posted ابريل 30, 2010 Report Share Posted ابريل 30, 2010 ] وبس.. إن شاء الله باقي صور الحلقه الأخيره والصور المتحركه أحطهم بكره لأن إتصال النت بطئ ورفعت اللي فاتوا بأعجوبه (= Quote Link to comment Share on other sites More sharing options...
مغرم بالهوا Posted مايو 1, 2010 Author Report Share Posted مايو 1, 2010 يعطيج الف عافيه نغم ماقصرتي و عساج ع القوه ان شاء الله هالمشهد كان بلاوي Quote Link to comment Share on other sites More sharing options...
نغــــــم Posted مايو 1, 2010 Report Share Posted مايو 1, 2010 الله يعافيك مغرم Quote Link to comment Share on other sites More sharing options...
نغــــــم Posted مايو 1, 2010 Report Share Posted مايو 1, 2010 آخر صوره عندي من الصور المتحركه Quote Link to comment Share on other sites More sharing options...
أحلى مصرقعه Posted مايو 1, 2010 Report Share Posted مايو 1, 2010 التغطية الكتابية "22 " روابي / منال روابي دخلت ريال غريب البيت بغياب منال وخلته يجووف البيت علشان الاخت ناوية تآجر البيت له بـ 12.000 دينار سنويآ مع كل اثاث البيت ! وراح تآخذ منه مقدم سنه ,علشان تنفذ مخططها ضد منال بالليل روابي جمعت اغراضها وحطتها بالشنطة وجافتها منال قالت وين !! لايكون زعلتي مني ترآ ماأقصد انا صايرة عصبية وبعدين ياروابي الله يهديج انتي صاير مستفزة قالت روابي انا ولا انتي !! انتي يامنال ماقلتي ان مكاني الشارع هذاني بروح الشارع قالت منال والله لولا خوفي من الناس جان طردتج بس خلي اهلج اييون واقول لج خلااص درب السلامة ولا اقول لج شرايج الحقج بااهلج مو احسن ! روابي قالت بروح اودي الشنطة للسيارة ولي كلام ثاني وبعد مارجعت قامت تهرر وتقول الاسطبل فيه تكييف وتدفئة ..! قالت منال لا ليش بتسكنين فيه ! قالت يمكن وفي الصبح راحت روابي لغرفة منال وهي نايمة واخذت من بوك منال بطاقتين وطلعت بسرعة ! وراحت روابي للمأجر واستلمت 12.000 دينار كاش وقالت للمأجر خلاص البيت لك من اثاثه وحتى ملابسي اللي موجودة ومااخذتها لك اذا تبيهم وعادي اذا ماتبيهم قطهم بالشارع وراح المأجر للبيت عشان يتفقده ويجوفه ومنال ياعمري نايمة ولا دآآرية بالي ييصير وقامت منال من النوم وتمشي للحمام الظاهر ., ولا الرجال يجوفها ويتنحنح وهي عاد تصاااااارخ ..حراااامي حرااااااااااامي وتقول له شلون دخلت البيت كان مقفل !!! اطلع ترآ انادي ابوي واخواني قال لها هدّي اختي انتي فاهمة الموضوع غلط هذا البيت مآجره من الاخت روابي قالت شلون تآجره هذي جذابة هذا بيتي انااا قال لها هذا العقد جوفيه جآآفته وهي مصدوومة وقالت عطني فرصة بس اجمع اغراضي : : رغد / فواز / لجين / تركي رغد بعدها منهارة وتلوم نفسها انها تركت فواز ياخذ طارق , ولجين تهدّي فيها تقولها انت بعدج صغيرة وبصحتج ان شاء الله تقدرين تييبين عيال بعدها قالت لجين انا لازم اروح قالت رغد لا ترى الوضع اختلف الحين قعدي ترا مالي احد غيرج, بيتي عندي مابي انام بروحي قالت اوك بكلم ابوي.! واخذت الموافقة من ابوها قالت لها رغد دام ابوج موافق خلاص عيل نامي معاااي جم ليلة قالت لجين مو مشكلة بس انتي ماتبين تاكلين انا بروح اسوي لج اكل... فواز فتح سيرة تركي مع فيصل وان هروبه من المكالمات ماله مبرر ولازم فواز يروح له بنفسه عشان يخبره بموت ولده طارق , وقال لفيصل انا بروح البيت الحين ولما يابت الاكل دخل فواز وراح لهم وقال .. خلاص انا بسوي الشي اللي تبونه انتو الثنتين انا تعبت !! خلاص انا بطلق لجين , نطّت رغد وقالت لآلآلآلآلآلآ لاتطلقها , وهي حامل بولدك انتوا ماتدرون بالولد اللي ببطنها يمكن يعوضنا طارق انا ماني مينونه انا بعد موت طارق صرت عاقلة اكثرر قال فواز انا لاتحسبيني ماانتبهت لج / انتي انسانة عاقل وفاهمة ولا مره غيرج جان طلعت من البيت بس انتي صبرتي وتحملتي , ردت رغد, خليكم مع بعض معاي بالبيت واذا وجودي يضايقكم عادي اخلي فواز يطلقني قالت لجين لا انا ماراح اقعد بالبيت الا عشانج..! قال فواز فكونا من هالسيرة وروحوا ناموا صار لكم يومين على هالحال انا بروح انام بالديوانية روحوا انتوا ناموا بالغرفة تركي قاعد يتدرب ع الخيل وفتح سيرة لصديقه عن ماراثون الكويت قاله صديقه ليش ماتشارك هناك قال مستحييل اني اروح هناك اخاف اضعف اذا شفتها , تدري عاد متى راح ارجع الكويت اذا تزوج ولد اخوي طارق ,, هذا الولد متعلق فيه حيل لو يقول لي عمي أنآ مشتآق لكـ راح اروح الكويت وانا مغمض, عشان هالسبب مابي اكلم اهلي, تصدق عاد صار لي يومين احلم فيه , ان شاء الله خير قال له صديقه عيل اشتر لك خيل هني وتتدرب عليه وشارك بماراثون الامارات..قال: بفكر : : العايلة الفقيرة هدى كلمت العاشق الهيمان " حبيب" بعد معاتببة انه السبب بتشريدها من البيت قال انا مستعد اسوي اي شي عشان ارضيج ! قالت السورية لازم تتزوجها عشان اهلها مايذبحونها قال ماعندي اي اشكال المهم السورية كلمت صالح وعطته وصف الشقة ويآآ ركض يضرب هدى وقالت له السوية والله مالها ذنب وهو اللي يرسل لها مسجات وهي ماترد وازا بدك تتفاهم روح تفاهم مع حبيب ليكو آعد بالحمام خايف منك عاد صالح ماقصر ضرب حبيب بعد المهم قال حبيب انا مستعد اتزوج اختك قال هذا اللي ناقص مانعرف لااصلك ولا فصلك ونزوجك اختنا قال نسبي راح يشرفك ان شاء الله وياب الملاج وزوجهم وقال لهم مابي اجوف ويووهكم مرة ثانية وراح للبيت ! وخبر امه ان هدى بخير وزوجناها من اللي كان يعاكسها قالت انزين وينهم ابي ااسلم عليهم! قالها انا حالف انها ماتطب البيت , قال فالح : صوم 3 ايام ولا تصدق مو اول مرة تحلف .. جم رمة حلفت علي مااطلع وطلعت ولا علي منك قال له لا هالمرررررررة لا !! بعدين قال لهم راح نروح بآجر عمرة قالت الام خلاص ناخذ هدى وريلها معآنآ قال لا مافييه ..المهم ان الام بدت تتصييح / قال لها ترآ نقطة ضعفي دموعج هدى قالت لـ حبيب ماتوقع فارس احلامي جذي قال لها ترآ ورقة الملاج مانشفت تبيني اطلقج ! قالت لا بس يعني كان ودي حفلة وطقطقة وفستان وشـهر عســــــل قال لها من عيوووني راح اسويل لج احلى حفلة وطقطقة بس خلي يرضى علينا اخووج بعدين قالت له خلينا نمر على امي ودي اسلم عليها قال واخوج..! قالت نسلم عليها برا البيت قال خلاص اوك !! وراحو للبيت وهاوشت الام صالح وخلت هدى غصبا عنه وقامت تسولف معآهآ.. وتقول انه ولد حلال ومحترم بسس شكله قالت الام احنا نشتري الريال بااخلاقه واهم شي محترم عشان تقدرين تعيشين معاه وكآن هدى بدت تقتنع فيه Quote Link to comment Share on other sites More sharing options...
أحلى مصرقعه Posted مايو 1, 2010 Report Share Posted مايو 1, 2010 التغطية الكتابية "23" مشعل / منال / روابي منال بعد صدمتها ان البيت مآجر !.. دقت على روابي وسفّلت فيها وقالت لها انتي وينج !! ابي ايي لج الحين قالت روابي : اممممممممم ناسية والله ويني بس اللي اعرفه اني بآرض الله الواسعة قالت منال : راح ارفع عليج قضية عشان يرجع لي بيت ابوي قالت روابي: يلا ارفعي عليّ قضية عشان ارفع عليج رد اعتبار وسكرته بوجهها منال قامت تجمع اغراضها.. وتركت بيتها اللي ملياان ذكرياتها مع ابوها بعدها روابي سوت اللي قالته منال وراحت عند المحامي خالد " احمد ايراج " عشان ترفع قضية قذف وسب وقامت تتكلم عن منال وانها تطالب ببيتي وهي مالها حق ! و رنن تلفون المحامي تقول السكرتيرة ان فيه وحدة تبيك ضروري والوحدة هذي طلعت منال ولما يآآت منال صار ويههآ جذي ..وتقول ضربني وبكى سبقني واشتكى وقآآمت تسب روابي قدام المحامي والمحامي عصّب عليها وقالها اقعدي عشان نتفاهم ونعرف من عنده الحق ! بعدها قال المحامي نتفاهم بوقت ثاني علشان ادرس القضية منال طلعت وراحت تبي تآجر شقة ومنعوها وقالوا ان ممنوع المواطن والمرآة يآجرون الشقق وماخلوها تآجر الشقة على اساس ان المرآة لحالها بالشقة ممكن تكون شبهه والمواطن يتآخر بدفع الايجارات وقالها افضل ان تسكنين بفندق لما ربي يفرجها قالت مافي الا هالحل وراحت للفندق بس لما طلبوآ شي يثبت هويتها ماحصلت بطاقتها المدنية,,,قامت تقول كانت معاي صدقني .. قال انزين جواز او رخصة قيادة اي شي يثبت هويتج .. قالت ما حصلتهم عندي ومارضوآ يسكنونها راحت الاسطبل ... وقعدت بعدين يآآ مشعل يتطمن عليها وقامت تشكي له الحال !! راح هو اييب لها عشآ ورجع لها وقام يقول قولي لي شفيج قالت روابي طلع البيت بااسمها , وهي اجرته واخذت مقدم سنه , وطردتني الحين من البيت وفوق هذا رافعة قضية عليّ , واخذت مني كل شي يثبت هويتي قال مشعل : كل هذا يطلع من روابي لهدرجه كارهتج ! انتي شمسوية لها !!!! قالت في بعد اشياء وآآيدة بس الحين مالي بآآرض اتكلم بيت المحامي: قاعد المحامي يشكي لزوجته قضايا الحريم, وان كل قضية اعقد من الثانية .. ولما راحت زوجته وهو قاعد يدرس قضاياه تتصل شينة الحلايا روابي وقامت تتدّلع ع الريّال عاد المحامي قال : اختي ترآ الوقت اللي تتصلين فيه غلط بعدين فيه مكتب تتكلمين معاي فيه عن قضيتج اما غير جذي ماعندي , مع السلامة ! والصبح بالاسبطل مع منال ومشعل مشعل قال لمنال ودي اقول لج شي .. بس اخاف تفهميني غلط ..! قالت قول .. انا عندي بيت مو بيت اهلي بيتي انا شاريه عشان آجره شرايج تسكنين فيه قالت منال يامشعل شيقولون الناس / قال ماعليج من الناس قالت لا يامشعل مااقدر اسمح لي انا بعيش بالاسطبل لما ربي يفرجها بعدين قال شرايج ارووح لروابي واخذ حقج منها قالت لا تعور راسك معاها تراها شرّية وراح تأذييك قال مو انا اللي تآذيني ..شرايج توكيليني عنج بالقضية قالت بصفتك منوو ! قريبي ولا محامي قال انا يامنال ودي اتقرّب منج واصير زوجج ارعاج و احافظ عليج و ادافع عنج قدام روابي قالت منال انا بروح اتدّرب ع الخيل قال مشعل خذيني معااج ولما راحت منال تتدرب ع الخيل.. وقف مشعل قدّامها وميود قلبه , وقعد بالارض على طول منال نزلت له وخايفة عليه قالت شفييك قال مشعل: قلبي وحطت يدها على قلبه , وقالت اوديك الطبيب , قال لا انتي من حطيتي يدج عليّ راح كل الالم عصبت منال وقالت مشعل ليش تقول هالكلام ! قالها اتمنى يامنال تفصلين بين اني اتزوجج واني اعطف عليج , انا ابي اتزوجج لاني احبج مو لاني شفقاان عليج لاتحرميني منج يامنآل .. قالت يامشعل شيقولون الناس علي تزوجته بعد علاقتها بتركي اكيد انه تحبه قال لها شعلييج من الناس انا بعيشج معاي واخليييج ماتسمعين شيقولون الناس علينا قالت اكيد بتتزوجني عشان متعاطف وياي / قال : قلت لج افصلي بين الاثنين قالت انا رفضت تركي عشان مرضي , قال لها انا غير ! انا ماابي عياال وراح اسفررج برآ وراح القى لج علاج قالت مستحيل / قال مافي شي مستحيل بعدها سكتت .. قال شنوو يعني ! السكوت علامة الرضا وهي ضلت مبتسمه بس الابتساامة المترددة وراحوآ للفحص , قال انت ماتحتاجين فحص عندج تقريرج الاول بس بقى انا راح اخلي واحد يمشينا بسرعة قالت انت لييش مستعيل , قال : كل ثانية وانا اشوفج متعذبة يتقطع قلبي , ابس اخفف عنج العذااب : : رغد / فواز / لجين / تركي رغد مو قادرة تناام وقعدّت لجين عشان تقعد معاها فواز راح للمحامي خالد عشان يوكله بقضية ولدة وقاله خلاص ان بلغي قضيتي ضد لجين ! قال زين بتطلقها يعني ! قال لا طلعت حامل .. رغد لآزآلت مو مصدقة ولا مستوعة اللي صاير حولها ولجين تقول ربي انعم علينا بنعمة النسيان وان شاء الله راح تنسين وتعيشين حياتج ! قال فواز شرايج ياام طارق نروح للعمرة ولا اي مكان سياحة , يمكن تتعدل نفسيتج قالت مارح اطلع من البيت ابداَ , وبعدين انا ماصرت ام طارق لجين هي ام طارق , طارق ولدي مات انا ماعندي طارق, قال فواز انتي ام طارق بعدها راحت لجين عشان تتركهم برووحهم , ولمت ثيآبهآ عشان بتروح بيت ابوها وقفتها رغد وقالت وين لاتروحيين عني قالت ابي اخليييييج بروحج مع زوجج اكيد لكم سوالفكم الخاصة, انا راح اروح لبيت ابوي جم يوم ابي ارتاح وراح ارجع اكيد قالت لاتروحيييين هذا بيتج وهذا زوجج , ويا فواز وقال اسمعي كلامها انا راح انام بالديوانية اذا ماتبيني وباليل ولجين نايمة ,كانت رغد ليلحين ما نامت وفواز يآآ ونادا رغد يسولف معاها وقال لها يارغد انتي من صجج الحين ! تبين لجين معانا انتي مخططه لشنوو ؟؟؟؟؟! قالت ليش هالتفكيير ! انا مو ناوية لشي !! قآل وين مشاعرج القبلية ؟ هذي رغد اللي طاحت بالمستشفى يوم درت اني متزوج ! قالت قبل كانت مشاعري مندفعة ومن غير تفكير قال : والحين ! مشاعرج ماتت !! قالت يمكن ماتت او يمكن عقلي تغلب بالنهاية ! وبالغرفة قآآمت لجين من النوم وما حصلت رغد .. ولما رجعت رغد من عند فواز قالت لها لجين وين كنتي !! قالت رغد كنت عند فواز..بدينا نغار ! قالت لجين : شفيج انا كنت خايفة علييج ليش تقولين هالكلام!! قالت رغد انتي لازم تتعودين على هالجو ! قالت شنوو قصدج ؟ جو الضراير قالت اي اكيد قالت لجين يارغد اانا قاعدة هني عشانج مو عشان احد ثاني , و في الصبح صار موعد قضية فواااز عشان ولده تفاجأ المحامي خالد ان اللي واقف ضده بالمحكمة بهالقضية شريكه بالمكتب بالبداية حاول انه يكنسل القضية عشان يتفاهم مع شريكه بس مارضو ..ووقف هالشريك ضد شرييكه المحامي خالد بكل قوات عين عشان يدافع عن القاتل وبالبيت قاعدة رغد خايفة وموسوسة مو عارفة شصااار على قضية ولدها ..تركي قاعد يشتكي لصدييقه بضيقه , قال صديقه تبيني اكلم منال عشان ترتاح قال له لو انك تكلمها ووافقت انا ماراح اوافق المسأله هني صارت كراامة العايلة الفقيرة لاجديد بو غازي / فيصل لاجديد Quote Link to comment Share on other sites More sharing options...
أحلى مصرقعه Posted مايو 1, 2010 Report Share Posted مايو 1, 2010 (edited) التغطية الكتابية "24" مشعل / منال / روابي / بو غازي / فيصل مشعل عند الفحص .. وقاعد يسولف مع منال ومنال تتخيله تركي وقاعد يقول لها ابتسمي يامنال ابي اجووفج مستانسة وفرحانه وعقب الفحص راحو الاسطبل وجافوا بوغازي وسمعهم كلام كله الغاز.. عقب ماعرف بسالفة خطبة مشعل بمنال , قال مشعل انا ابيك تعبر عن فرحك ! ليش مب فرحان لنا قال يعني شسوي ارقص لك قال مشعل : لا بس ع الاقل الابتسامة .. ابتسامتك تكفي قال بوغازي قبل لاتدور ابسامتي يامشعل شوف ابتسامة منال ! قال مشعل : منال مستانسسة وفرحاانه بس باقي انت دخل فيصل الاسطبل قال بوغازي ياالله يافيصل بارك لمشعل قال فيصل مبرووك بس على شنو / اشترى خيل اصيل ؟ قال بوغازي : الا اشترى فرس اصيلة رد مشعل : شفيك يابوغازي تتطنز علينا .. اكيد منال فرس اصيلة / وجه منال هني منقلب الوان متفشلة من كلام بوغازي فيصل : شدخل منال بالموضوع فهموني قال مشعل : تزوجت منال ... قال فيصل : هاااااااااااااااهـ شنو اللي تزوجتوآ قولو غير هالكلام ! انتي يامنال تفرطين بالاصيل تركي وتتزوجين مشعل عدوه قالت منال احترم نفسسك مشعل ريآآآآل قال فيصل : ماتتذكرين وش كنا نتكلم عنه انا وياج وتركي صار الحين ريآآآل !!! هذا مشعل حقير وحقود وخبيث ومستعد يقضي ع الكل عشان يوصل مبتغااه قالت منال احتررم نفسك يافيصل مشعل هذا الريال بينكم , مشعل هذا اللي بكل مصيبة اطيح فيها احصله جدامي ويطلعني منها مشعل هو اللي مواسيني بالامي !!! وقالت لمشعل تعآآل عنهم ! وهي تركت الاسطبل زعلانة ومقهورة من كلامهم وقال مشعل لهم : الحين عرفتوا مشعل شـــنو منال تصييح من كلام بوغازي الجارح, وتقول هم مايدرون بظروفي اللي اجبرتني اتزوجك قال مشعل : افااا ..يعني انتي ماتحبيني , قالت منال انا آسفة مخي مشوش وقاعدة اقول كلام مااقصده قال لها ..خلي كلام الناس الحاقدة على زواجنا , وقطيه كله ورااج بوغازي وفيصل قآآعديين يحشون بمشعل ومنال بوغازي يقول ماتوقعت من منال هالحركة, قال فيصل .. انا خايف على تركي يتعقد اذا درآ بالسالفة ! ولد اخوه مات ومنال تزوجت عدوه وراح فيصل اتصل على روابي وقال لها السالفة وهي يينت يوم درت بالسالفة يآآت روابي الاسطبل وعيونها كلها شر وقامت تحش بمنال ومنها دروا بوغازي وفيصل ان روابي طاردة منال وقاموا يعاتبونها وان منال مهما كان مررة , قالت انا كنت بحمي نصيبي من مشعل اخاف يقلب راسها ويااخذ الفلوس منها ويطردها من البيت قال بوغازي الحين انتي قمتي بدور مشعل وطردتيها من البيت.! وقال فيصل انتي غلطانه ياروابي مهما سوت منال فيج مايصير تسوين جذي قالت روابي : اسكت اسكت انت يافيصل نسيت يوم انك تتجسس على تركي وتخونه يعني بس انا اللي الغلط اللي راكبني !! وباليل وصل مشعل منال الاسطبل .. منال: والله اني خايفة اقعد برووحي في الاسطبل .. قال مشعل لاتخافين انا بكون يمج .. بنام بالسيارة عند الاسطبل قالت منال لا شدعووه روح ارتاح انا بقفل الباب والحارس موجود لاتخاف عليّ ولما راح مشعل .. روابي يآآت الاسطبل وقامت تسأل الحارس وترشيه بالفلوس وتقول له ..منال بروحهآ ولا مشعل معاها قال الحارس لا بروحهآآ توه مشعل راح !! قالت قول الصج وبعطيك فلوس اكثر ..قال الحارس وليش اجذب اصلا بعدها بيّنت سيآآرة من بعيد " سيآرة مشعل " قالت روابي للحارس رووح انت الحين يلا مشعل يآآ وقال لها خير !!!!! قالت روابي ماكو بسس ياية احذرك من منال تراهي خبيثة وتلعب عليك قال لهاا: وغير جذي في شي قالت لا ... قالها عيل فارقي لاادفنج هني والكلام اللي تقولينه مو انا اللي اصدقه فاهمه !!!!! و في الصبح .. كشخ مشعل بالثوب والغترة واستقبل منال بالاسطبل .. قامت تقول منال والله يامشعل ماقدرت انام بالاسطبل ابد قال لها راح تكون اخر ليله قالت ليش قال لها راح ناخذ الفحوصات ونملج على طول.. وباخذج لبيتي على طول قالت يعني مافي عرس قال افا عليج بسوي لج عرس 30 يوووووم انتي تامرين : : فواز / رغد / لجين/ تركي فواز يآآ وقال ان القضية تأجلت رغد تتصرف تصرفات غريبة " يمكن موت ولدها اثر عليها " قامت تشك بـ لجين و بـ فواز وتعامل لجين بقسوة صارت تقط نغزات على لجين , ولجين بالعتها وساكته وبوقت النوم راحت رغد تنام وماخلت لجين تنام معاها ,, قالت روحي لفواز لجين تسولف مع فواز وتشتكي من تصرفات رغد وانها موطبيعيه تقول بلسانها كلام غير اللي بعقلها وقلبها, وايدها فواز ..وقال لها ليش ماتنامين عندي انا حلالج , قالت انا ماابي اجرح رغد بيوم ! راح فواز للديوانية عشان ينام ورغد قآآمت من النووم خآآيفة تدور لجين وفواز كانت تحسبهم نايمين مع بعض ويوم جافت لجين بروحهآ قالت لها ليش بروحج , وين فواز ؟ قالت انه طلع ينام برآ.. تركي بعد يتهرب من اهله : : المحامي خالد وشريكه المحامي خالد حاب يفض الشراكه بينه وبين شريكه عشانه ما التزم باللي قاله وراح اخذ قضية بدون مايستأذنه قال له شريكه صدقني يااستاذ ان كل الزباين اييون عشانك انا اسف وعارف اني غلطاان بس سامحتي قال له مااقدر بآآجر نروح للمحكمة ونفض الشراكه انا بفتح لي مكتب ثاني قال له الشريك والزباين , قال مو مشكلة بنزل اعلان بالجريدة عشان يعرفون مكتبي الشريك نادم قد شعر راسه ع اللي سوااهـ وعارف ان كل الزباين مااييون الا مخصوص عشانه عشان جذي راح يخسر خسارة كبيرة : : فالح " ولد العايلة الفقيرة " كان في الألعآب " الملآهي " يلعب ولا عليه من احد ولما خلصو اللعبة جافوه شله صآآيعين وقاموا يطآآلعوونه بنظرات غريبة ومقرفة وقال له انت بنت المهم تهاوشوا , وكل واحد يآآب عدته من خنجر وغيره وقاموا يتهاوشون واخر شي يآآت الطعنة بفالح , مسكييين مادري عنه اذا مات ولا بس اصابه Edited مايو 1, 2010 by أحلى مصرقعه Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.