أحلى مصرقعه Posted مايو 8, 2010 Report Share Posted مايو 8, 2010 [ الحلقة الأولى ] بدأت الحلقة بـ مجد " منذر رياحنه " قام من الرقاد عشان يروح شغله راح غسل ويهه في المغسله بالحوش جان ينقطع عليه الماي و راح كمل تغسيله ويهه في المطبخ بابريق الماي بعدين راح المطبعه عشان ياخذ الجرايد و قآآم يتكلم ويه صديقه الي هناك " سامي رشدان "سأله عن امه قال انها زينه و انها واحشتنه بعدين مجد سأل صديقه عن ابوه قال انهم دخلوه المستشفى صاير يتوهم كل الامراض فيه و بعد قال صديق مجد له عقب ماتخلص خل نلتقي عند العم ليث .. قال له و الله هالعم ليث اذا بنكلمه لازم نصير جراجير قعد يضحك عليه صديقه و يقول له انت تعرف شنو يعني جراجير ؟! قال له لا و الله ماعرف دوشني جراجير و هوامير و انا ما أعرف شنو أقول له قال له بس خلاص لما نروح مره ثانيه سأله شنو يعني جراجير و هوامير و خذ الجرايد و توكل على شغله مجد و راح يقطط الجرايد عند البيوت و زهره الخرجي " ليلحين ماقالوا اسمها بالمسلسل " راحت خذت الجريده من تحت الباب بعدين مجد قاعد يحط الجريده داخل صندوق الجرايد مال بيت من البيوت جان تنزل فاطمة عبدالرحيم " حنان " من سيارتها و تشيل ابوها من السياره و بعدين راح لها مجد قال لها ممكن اساعدج قالت له اوكي و ابوها يقول ذبحني المرض و دخلوا البيت جان تطلع حنان لمجد تقول له لو سمحت اذا ممكن تحط لنا الجريده مره ثانيه من تحت الباب لانه اليهال ياخذونها < مادري اي يهال متفرغين يبوقون جرايد هالايام بعدين حطوا لنا مشهد مجد ويه العم ليث و اهو يتفلسف عليه و على مغامراته ويه الجراجير يعني كلام فاضي كان مامنه فايده بعدين حطوا " خالد أمين " ويه المساجين الي وياه بالسجن زهره الخرجي قاعده تقرأ الجريده جان يدش عليها زوجها و يشيل غترته و يقطها و يرقد و اهيه تتأفف بعدين حطوا مجد و هو مجابل البحر في الليل و يفكر خبركم المسلسل رومانسي و هالمشاهد وايد بيتتكرر يعني بعدين حطوا على ابو صديق مجد " مبارك خميس " .. و الدكتور النفسي " محمد الصفار " عطاه تفاحه الا يقول له الي فيه قرحه في المعده يقدر ياكل تفاح ؟! و يسوي له ييب لي دكتور باطنيه و انا فيني سرطان و مادري شعنده ماتم مرض ماقاله بعدين يابوا لنا مشهد في الجريده مسئولة الجريده " وافدة " و تسأل الموظفين عن الاخبار الي عندهم و بعدين راحت المسئولة لـ مجد و قعدوا يسالفون على احوالهم و اهلهم و مجد قال لها انا أبي ارجع و المسئوله قاعده تشكي الحال من اخوانها و طلباتهم الوايدة و قالت انا حره و باطرش لهم الي ابيه انت الي خلك اهبل بعدين حطوا على موظف الجريده " عبدالله سويد " يقول لـ زميله اجوف الا صاير مراسل حار هالايام و قال له هذا الي لازم اسويه عشان ارضي ضميري و قاله اجوف الا كلامي مو عاجبكم الا يقول له زميله بابا انا ابي اذا رحت الصراف تطلع لي بيزات مو واحد يتمصخر علينا بعدين قال له اهم شي تكون حلال قال ليش انت تشك يعني بعدين حطوا على " ابراهيم بحر " ويه موظف وياه بشركته و يسولفون عن حنان " فاطمة عبدالرحيم " زوجة اسماعيل " خالد امين " و انها محاسبه جيده و لانها زوجة اسماعيل شريكك اكيد بتكون حريصه على الشغل و بتحفظ الاسرار .. قال انا اقول جذي و انا شخصيا مهتم فيها و في اهلها خبرك اسماعيل و عادل " لحد احين ماعرفنه من ذي عادل " قلبه قوي و يعتمد عليه بالشغل بعدين حطوا على حنان بالمكتب ويه صديقتها نسرين " سناء صالح " و قاالت لها انتي شكلج حدج فاضيه و انا عندي شغل و راحت و بعدين سألتها عن ريلها المسجون اسماعيل قالت زين تبين اقول له انج سلمتي عليه قالت لا بروحه مايواطني بعدين قالت حنان انها تجوف وايد اغلاط بحسابات الشركه و قالت لها انتي مالج شغل مروان عارف الفلوس وين تروح و وين ترجع و باسم من قالت لها شلون مو شغلي انا مسئوله الحسابات و كل الفلوس قاعده تطلع باسم عايشه اخت مروان و انا لازم اكلم مروان عن هالموضوع بعدين حطوا على مجد من يديد و هو يتأمل في البحر الا يجوفه الصياد و يقول في نفسه هذي كل يوم راز الفيس هني و بكل وقت لا يكون من مراقبين الثروة السمكيه و الله حاله و بعدين حطوا مشهد لـ مجد ميود ياهلة و يقول لها انه بيوديها باجر المدرسه و قال لامها انه متكفل بكل شي و بعدين حطوا على حنان و اهيه تتكلم ويه مروان و قالت عن الاغلاط و الخرابيط الي بالحسابات الا قال لها كل شي واضح و صحيح و مفهوم في شنو بيشكون ؟ قالت له و بكل ثقه و قوات عين غسيل اموال و بعدين حطوا على مجد ويه العم ليث قاعدين يسولفون الا قال له مجد عم ليث ليش انت و لا مره كلمتني عن عايلتك و هلك قال له و من قال لك انه ماعندي عايله انا عندي ولد طيب و حبوب و جميل و كله يذكرني في روحي ايام صغري الا يقول له وينه انزين ؟ قاله اكوه واقف جدامي قام و ضحك مجد و بعدين يه له صديقه و راح معاه بيتهم و هو داش خوات صديقه قآآموا يطلون من البلكونه و وحده منهم مغرمه فيه و تحبه شكلها و هي وفاء مكي و الي وياها زهره الخرجي و ممثله ثالثه ماعرفها و بعدين حطوا على حنان و اخوها محمد زايرين اسماعيل في السجن و عادل عطه اسماعيل جيس موصيه عليه " شكله مخدرات اذا ماخاب ظني " المهم و بس الي دار حوار عادي مابينهم عن الشغل و حنان قالت له انها راحت بيت ابوها و بعدين مجد و صديقه راحوا زاروا الابو و سألوا الدكتور عنه و دشوا عليه جان يسألونه ليش مو راقد على ظهرك قال تصيدني ضيجه تنفس اذا ارقد على ظهري و بعدين كح مجد الا تغطى الحجي و يقول طلعوا الفيروسات برع هع و في اليوم الثاني مجد راح خذ البنت الي قلت لكم عنها و وداها معاه المدرسه حنان دشت على اخوها الحجره و شكله كان متعاطي و هي مستغربه من حاله و آخر مشهد حنان و هي ماره على غرفه مروان سمعت الحوار الي بينهم و الي كشف كل الخفايا مروان يقول لمحمد راح توصل لك تفاصيل العمليه و حتى اختك حنان لازم ماتعرف اي شي و اسماعيل يا ما اشتغل معاي و حنان عمرها ماعرفت اي شي ! و قال له عادل فاهمك ياطويل العمر و تاكد محد راح يدري و قال له بعدين مروان اذا لا سمح الله امسكتك الشرطه لازم تقط كل الكميه الي عندك او تخفيها لانه يصيدونك متعاطي و لا يمسكونك تبيع و تشتري و صير مثل اسماعيل رغم انه مايتعاطى لما قربوا منه الشرطه ترك كل الكميه و بعل حبه و آخرتها اغمى عليه متعاطي و لا تستخدم هالطريقه الا بوقت الضروره مو مثل اخوك محمود لما استخدم السلاح مو في مكانه ردت عليه الشرطه و راح من صيد امس الله يرحمه و حنان عقب كل الي سمعته صارت جذي و خلصت الحلقه Quote Link to comment Share on other sites More sharing options...
مغرم بالهوا Posted مايو 8, 2010 Author Report Share Posted مايو 8, 2010 يعطيج الف عافيه احلوو على هالتغطيه الوافيه Quote Link to comment Share on other sites More sharing options...
أحلى مصرقعه Posted مايو 8, 2010 Report Share Posted مايو 8, 2010 (edited) [ الحلقة الثانية ] * بدأت الحلقة بالفنانة سميرة عابد " عايشه اخت مروان " قاعده ويه الدكتور النفساني في الحديقه و قالت له عن قصة عون الي هو ولد اخوها مروان انه كان مثل اي شاب و ابوه كان كله يطق امه و هو يطيح لين يجوف هالمشهد بس يوم من الايام مروان طق امه و طلع منها دم قام عون و طب على مروان و وداه الطب النفسي و طبعا ام عون ميته .. المهم بعدين عقب ماخلصوا سالفتهم وصت العمة الدكتور على عون و بعدين مشه و هو طالع جاف حنان داشه على العمة * محمد قاعد يتحلطم على مادري من ماقبضت المهم يقول البنات وايد و الفلوس وايد يمكن يقصد زوجته مايندرآآ انزين و بعدين ابوه قال له حنان لو تدري بالسم الي تبيعونه انت و اسماعيل على الناس و الي راح اخوك محمود ضحيته جان ماتدري شسوت قال انا اخترت هالطريج و ياقاتل يا مقتول حتى لو انت جدامي * العم ليث و مجد قاعدين يقرون كتب و يتفلسفون على بعض و يسالفون عن جيفارا يعني باختصار كلام فاضي مايحتاي أكتبه بعد * بوحنان قاعد ينظف الثريات مال البيت الا دشت عليه حنان قال لها شفيج سألته شلون مات اخوها محمود قال لها الموت اهو الموت و الحي ابقى من الميت و من هالكلام و بعدين حطوا لنا مشهد اسماعيل قاعد يتفق ويه دكتور على ان يكتب في شهادة وفاة محمود انه مات بنوبة قلبية و وافق الدكتور مقابل مبلغ من اسماعيل * حنان قاعده في حوش بيت صديقتها سعاد " وفاء مكي " و معاها زهره الخرجي و تقول لهم انها قررت تنفصل عن اسماعيل عقب الي عرفته وقالت انها راحت لعايشه اخت مروان صاحب الحلال و قالت لها عن كل الاعيب مروان و هي طالعه من بيتهم جافت ريال داش عليهم " هالريال اهو نفسه الدكتور الي كتب شهاده وفاة محمود " بس اهي ماتدري و اذا ماخاب ظني اهو زوج زهره الخرجي * عايشه قاعده ويه مروان بالحديقه و بينت له انها تدري عن تجاره المخدرات و الحرام الي يسويه و هو استغرب من انها تعرف * موظف مروان ياي يقول له انه الاوراق 100% مو موجوده و اعرفوا انها عند حنان و اخوها الدعله كان وياهم و قال مابيطلع الفير الا الاوراق عندكم و مستعد اتخلص من اي شخص يوقف بويهي حتى لو كانت اختي حنان و مروان يتوعد في حنان و مادري شعنده جان ايي له تلفون من المستشفى يقولون اختك عندنا و حالتها صعبه * عايشه على السرير و تنافخ و مو قادره تتنسم و حالتها حاله و قاعده توصي حنان و الدكتور النفساني على مروان و تقول لازم تادبونه و انا سكت عن ظلمه لـ عون و امه بس ماراح اسكت عن ظلمه للناس و عطت الدكتور وصيتها و كلفته ابها و حنان و الدكتور تواعدوا على مروان الا تيي لهم الممرضه تقول عايشه حالتها حاله و انا باروح انادي الدكتور * محمد يعور في حجرته يدور المخدرات و جان يحصل و يقول خل اخذ ذي و اتكتك لج يا حنان * مجد قاعد على البحر و يفكر الا يناديه الصياد القصير ربيع يقول له يا غريب الا يقوله انا مو غريب انزين قعدوا يسالفون و ربيع يقول انا احسن لاعب كره سله و مجد يتكرر و يقوله انا احسن صياد بالمنطقه الا يقوله مجد واضح لانك تاكل كلمنتينه يسوي له ربيع شنو كلمنتينه اسمها صنطره و عطاه صنطره قال له هذي عربون محبه و صداقه * حنان في حجرته تقول انا لازم اطلع من البيت و اتطلق من اسماعيل و ادخل مروان السجن و شالت قشها و ودعت ابوها و مشت .. الا محمد نازل يقول لابوه حنان لازم تطلع الاوراق وله بادخلها في مشكله عوده قاله انا باكلمها يبي يسكتبه بس * حنان قاعده تدز شنطتها و تعاسس في الشوارع جان تجوف مجد و يقعد يخزها و هي تخزه * مجد في المطبعه و تواعد ويه صديقه على مطعم ناشف و قال له مجد بس اخلص توزيع جرايد باتصل عليك * مجد على البطبطه و قط جريده بيت حنان و مشه * حنان في شقه و بطلت شنطتها و قاعده تحط اغراضها * مجد قاعد يغسل ويهه و لبس جوتيه عزكم الله و طلع و هو يمشي على الموتر سيكل تطشرت نقعه الماي على حنان و تأسف منها و هي تقول في نفسها " شيبي مني هذي دايم اجوفه في ويهي " * محمد يتهم ابوه انه هو الي مهرب حنان و قاعد يتوعد فيها و يقول حق ابوه شاقول احين حق مروان اذا لاقيته * مجد و صديقه قاعدين و شربوا العم ليث دواه و قعد يسالف لهم عن سفرته لـ كوبا * محمد رايح لـ بيت مروان و زفه لانه يحاجيه بمواضيعهم في الفون و عطاه فرصة اسبوع اييب الاوراق من حنان و لا بيقطع عنه المقسوم الي خبري خبركم و بعدين طرشه لاسماعيل عشان يعطيه الي يبيه * العم ليث قفل غرفته و ركب البيكب " الوانيت " * محمد راح عند اسماعيل و سأله عن حنان قال له انها مريضه و بعدين عطاه البيزات قال له اسماعيل عطهم حنان احنه مانحتاجهم هني لانه الي خبري خبرك ينباع اغلى هني لانه مافيه منافسين و طلع بعد ما ضبط الضابط الي عندهم اسماعيل و بس خلصت الزياره * اسماعيل في السجن و قاعد يقول انه كل الي برع عبالهم اسماعيل ضعيف و اهو بالسجن و راح للي معاه بالسجن و طلع له جقاره و و ولاعه من تحت بنطلونه و ذاك خذها و لا صدق بعد و انتهت الحلقة Edited مايو 8, 2010 by أحلى مصرقعه Quote Link to comment Share on other sites More sharing options...
مغرم بالهوا Posted مايو 8, 2010 Author Report Share Posted مايو 8, 2010 الحلقة الثالثة للتحميل Quote Link to comment Share on other sites More sharing options...
ضيفة من خارج الحدود Posted مايو 9, 2010 Report Share Posted مايو 9, 2010 (edited) الحلقة الثالثة (( اليوتيوب )) Edited مايو 9, 2010 by ضيفة من خارج الحدود Quote Link to comment Share on other sites More sharing options...
نغــــــم Posted مايو 9, 2010 Report Share Posted مايو 9, 2010 يعطيكم العافية على التغطية المسلسل يستاهل المتابعةش Quote Link to comment Share on other sites More sharing options...
مغرم بالهوا Posted مايو 9, 2010 Author Report Share Posted مايو 9, 2010 الله يعافيج نغم و المسلسل يستاهل المتابعه و بـ قوووه ..هذي المسلسلات الي نبيها و الي بترد الدراما البحرينيه لـ قوتها من يديد Quote Link to comment Share on other sites More sharing options...
مغرم بالهوا Posted مايو 9, 2010 Author Report Share Posted مايو 9, 2010 حلووه الحلقه 3 .. الاحداث كل مالها تحلو و الغموض كل ماله يروح بس يلعن ابو الصدف بين مجد و حنان ذكروني برصاصة رحمة و اسماعيل كسر خاطري مو قادر اكرهه على الرغم انه تاجر مخدرات و شرير و زهره الخرجي بعد كسرت خاطري يقهر زوجها و لا يوم يسفل باخوه <_< اي و الله البيت في نسوان و البس كامل ثيابك شتبيه يلبس لك بعد دفه و يقعد اللبس كان جدا عادي يعني .. مايبون يسوون اغراءات يعني و لا شنو بس يلا المسلسل ان شاء الله يستمر قوي جذي و شوي انزل صور الثالثه و فيديو الرابعه Quote Link to comment Share on other sites More sharing options...
مغرم بالهوا Posted مايو 9, 2010 Author Report Share Posted مايو 9, 2010 الحلقة الثالثة Quote Link to comment Share on other sites More sharing options...
مغرم بالهوا Posted مايو 9, 2010 Author Report Share Posted مايو 9, 2010 الحلقة الرابعة للتحميل Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.