ساره

[مهمومة زمانها]

سارة عمرها 17 سنة يعني في ثاني ثانوي ، حبوبة ومرحة وشطورة بس غامضة ومدلعة وايد ، طبعا لانها وحيدة امها وابوها ، شعرها اسود طويل وويها حنطاوي ولون عيونها عسلية فاتحة ، يعني بشكل عام كانت جميلة وويها طفولي .

 

في غرفة سارة الساعة 12 الظهر

تلفون سارة يرن

سارة : هلا وغلا دانو ، شخبارج ؟

دانة : اسمي دانة لا اقطع الخط .

سارة : سوووووري ، زعلتي ؟

دانة : افا عليج ، انا ازعل منج ، سارة اطلب منج طلب ولا ترديني ؟

سارة : آمري عمري ، شنو تبين ؟

دانة : ما يآمر عليج عدو يا حياتي ، تعالي العصر بيتنا .

سارة : خلي حق بكرة اليوم ما اقدر ايي لانه يدي في المستشفى بروح له .

دانة : ارجوج اليوم تعالي بيتنا وبكرة روحي حق يدج .

سارة : ماااااااا أقدر

دانة : علشان خاطري .

سارة : امري لله ، بشاور الاهل وبرد عليج .

دانة : اوكي ، في امان الله .

سارة : في امان الله .

 

سارة قفلت الخط من دانة وهي حاسه ان في شيء لانه مب من عادتها اتلزم عليها جذي علشان تروح بيتهم .

 

قامت سارة حق تسأل امها وابوها الي كانت متأكدة انهم راح يوافقون ،

نزلت الصالة وقعدت يم ابوها الي كان يتابع الاخبار في قناة العربية .

سارة : يبة انت ما تمل من الاخبار من قناة الى قناة .

بو سارة : اتروح امج اتيين انتي ، يبه هذي اسمها ثقافة.

سارة : يبه عندك شيء العصر ؟

بو سارة : لييييش ؟

سارة : لا ... بس كنت ابيك توديني بيت دانو .

بو سارة : ليش ما قلتي امس اليوم بروح مع عمج الكراج ياخذ سيارته وبعدين بروح الى يدج المستشفى .

سارة (بحزن ) : الحين من راح يوديني ؟

بوسارة : روحي لمج في المطبخ تجهز الغذى سأليها .

 

 

راحت سارة الى امها المطبخ

سارة : يمه تبيين مساعدة ؟

ام سارة : لا عمري ، مشكوووووره .

سارة (بدلاعة ) :اقول يا اغلى واحلى واروع ام في الكون .

ام سارة : تراج ما خليتي شيء حق باقي الامهات ، الله يستر من هاي المقدمة الطويلة الحلوة .

سارة : يمه تقدرين تقطيني بيت دانو العصر ؟

ام سارة : الساعة كم ؟

سارة : اربع العصر .

ام سارة : اصير خير ، لاني واعدة خالتج الساعة 4ونص امر عليها .

 

 

طلعت سارة من المطبخ ودزت مسج الى دانة وقالت لها ان الساعة اربع راح اتيي .

الساعة اربع كانت ام سارة جاهزة وتنطر سارة في الصالة ، بعد شوي الا سارة نازلة كانت حاطة لها بس كحل ولابسة برمودة جينز ازرق مع بدي وردي ناعم وفوقة لابسة العباية الي كانت مطرزة على اطراف الكموم على شكل فراشات وردية وشيلة على طرفها مثل الفراشة الي مرسومة على العباية .

 

ام سارة : ها سارة جاهزة ؟

سارة : ايه يمه .

ام سارة : يلا ، توكلنا على الله .

 

وصلت سارة بيت دانة

دانة : هلا ، تو ما نور البيت .

سارة : امنور بهلة .

دانة : تسلمين حبيبتي ، وين تبين تقعدين ؟

سارة : تدرين اني ما ارتاح الى في غرفتج .

راحوا الثنتين الغرفة وتموا يسولفون ، لما استأذنت دانة حق اتييب العصير من المطبخ .بعد ما طلعت دانة بشوي

طق ......... طق .......... طق

سارة (بقلبها ) : هذي ما تقدر تفتح الباب لازم يعني تقومني ، شنو يايبة ما صار عصير .

سارة : كاني بقوم ، لحظة شوي .

فتحت الباب الا اشوف اخو دانة ( محمد )

 

فتحت سارة الباب الا اشوف اخو دانه محمد

سارة :دانه راحت اتييب العصير .

محمد : ادري ، آنه ياي اتكلم معاج ، ممكن ادخل ؟

سارة : تفضل البيت بيتكم ، بس الباب يتم مفتوح .

دخل محمد مع سارة وقعد على سرير اخته وسارة على كرسي شوي بعيد عنه .

محمد : سارة آنه احب وحده وبيج تساعديني حق اخطبها .

سارة : ليش دانه قايله لك اني اشتغل خطابه ؟

ساره ما كانت توثق بأي ولد وبعدين بنعرف ليش

محمد : سارة شكلج ما فهمتي معنى كلامي .

سارة : الصراحة لا لانه هالايام مدري وش في مخي .

محمد الي قام من على السرير وتجه الى الباب : سارة .....

سارة : نعم ؟

محمد : سارة آنه .....

سارة الي تمللت من السالفة محمد يبي يتكلم ومب عارف : انت شنووووووووووو ؟

محمد : احبج .

وطلع من الغرفة

ذيج اللحظه بدأت دموع سارة تنزل بغزارة بدون ما تحس ..

 

 

دخلت دانه على سارة الغرفه ولما شافتها بهذي الحاله سألتها بخوف : سارة ، شنو جرى لج ؟

سارة : الله يسامحج يا دانه ، قولي الى اختج توديني البيت .

دانه : ليييييييييييش ؟

سارة :دانه قولي الى اختج توديني البيت .

 

نسيت اعرفكم على عايلة دانه

بشار عمرة 29 سنه متزوج وعنده بنت وولد ويشتغل محامي

خالد عمرة 24 يدرس بلندن

اسماء اخت دانه الوحيدة عمرها 26 سنه معلمة ومب متزوجه

محمد عمرة 22 سنه مهندس

دانه عمرها 17 سنه صديقة سارة من 3 سنوات وآخر العنقود .

 

 

قامت دانه وقالت الى اسماء انها توصل سارة بيتهم بدون اي كلمه واذا رجعت راح تخبرها عن كل شيء ، وطول الطريج كانت سارة ساكته والدموع ماليه عينها ...

 

من الطرف الثاني

دخلت دانه على محمد الغرفه

دانه : انت شنو سويت في بنت الناس ؟

محمد الي كانت ملامح الاستغراب على ويه : ليش ؟

دانه : سارة طلعت من البيت وهي تبجي .

محمد : اقسم لج بلي خلقني اني ما سويت فيها شيء ، قلت لها اني احبها وطلعت .

 

طلعت دانه من غرفة محمد وهي متحيرة عن اللي صار الى سارة ، الموضوع ما يستاهل كل هاي الدموع .

 

وصلت سارة بيتهم الي ما كان فيه احد ، ركبت غرفتها ودقت على منى ، منى اعز صديقة عند سارة طبعا لانها صديقتها من الصف الثاني الابتدائي وكل اسرار سارة عندها .

منى : هلا وغلا سارة ، شخبارج ؟

سارة : هلا منى ، عندج شيء الحين ؟

منى : لا ما عندي شيء ، خير شنو فيه صوتج ؟

سارة : تعالي البيت بغيتج بموضوع .

منى : بعد نص ساعه اكون عندج .

سارة : اوكي ، بيباي .

منى : باي .

 

 

وتمت سارة تفكرفي اليوم الي اعترف لها طلال ولد خالتها انه يحبها وشلون كانوا مخططين الى كل لحظه راح يعيشون فيها مع بعض ، لدرجة انهم كانوا مخططين لون الغرفة ووين اكون السرير وكم ولد وبنت واسمائهم ، في يوم كانت سارة نازله لمها الصاله وكانت تكلم خالتها بدريه .

 

سارة (بمكر ) : يمه كنتي تكلمين من ، اكيد حبيب القلب ، ترى اعلم ابوي .

ام سارة : ههههههههههه .... وانتي ما تيوزين عن حركاتج ، هذي خالتج بدريه تقول ملجت طلال اسبوع الياي .

سارة الي ما كانت قادره تستوعب وبدأت الدموع تستعد للجريان : يمه قصدج عبدالله .

ام سارة : لا يمه طلال ، تقول خالتج انه يه لها يقول ابي اتزوج وراحت تخطب له لبنيه الي قال عنها وتفقوا ان اسبوع الياي الملجة .

سارة الي كانت مب مصدقه : بس يمه ................

ام سارة : شنو يمه ؟

سارة : لا لا مب شيء ( سارة كانت تبي تقول الى امها ان هي وطلال يحبون بعض ووعدها بالزواج ، بس لكن هونت ) .

 

وصعدت سارة غرفتها وقعدت تبجي والى هاي اللحظة ما تدري ليش طلال سوى فيها جذي ، طلال حاول يتصل كذا مرة بس سارة كانت تقطعه ولما كان يشوفها كانت تبتعد عنه وتحاول انها ما تتكلم معاه .

وعلى الافكار دق جرس البيت وكانت سارة تدري انها منى ، فتحت الباب

 

سارة : هلا بالي ناسيني .

منى : هلا فيج حبيبتي ، شنو صاير ليش تبجين ؟

سارة : تعالي فوق وعلمج كل شيء .

منى : تراج طيحتي قلبي في بطني ، شنو صاير ؟

دخلوا سارة ومنى الغرفة ، وسارة من رجعت من بيت دانه وهي تبجي ودانه كذا مرة تدق عليها بس سارة ما ترد .

سارة : منى اليوم كنت في بيت دانه واخوها محمد .............

قاطعتها منى بخوف : ليكون سوى فيج شيء ؟

سارة : لا ، بس قال انه يحبني .

منى : شيء عادي ، ليش تبجين مب اول مرة يصيدج هالموقف .

سارة : مدري بس حسيت كلام محمد وحركاته مثل طلال وتذكرت الي سواه فيني .

منى : انتي ليش ما تتصلين وتعرفين منه ليه سوى فيج جذي ، لاني حاسه انج ظالمته ، طلال خوش ولد وما اظن ان كان قصدة انه يلعب بمشاعرج .....

سارة : صج انه ابي اعرف ليش سوى فيني جذي بس كرامتي ما تسمح لي .

منى : مهما كان راح يتم ولد خالتج .

سارة : الدنيا علمتني ان الي يبيعني ابيعه .

منى : حاولي يمكن اتكونين ظلمتيه .

وتمت منى تقنع في سارة لانه حالها ما يسر عدو ولا صديق ، والي ما يعرفها يقول فيها حاله نفسيه .

واخيرا قررت تتصل وكانت متأكدة ان خلود زوجة طلال راح تكون في بيت ابوها لانه اليوم الخميس.

 

تلفون طلال يرن ، كان طلال طالع مع ربعه

طلال ( لما شاف رقم سارة ) : عن اذنكم شوي وراجع .

ربع طلال : خذ راحتك دام زوجتك مب معاك ههههههههههه.

 

رد طلال على التلفون

طلال : هلا وغلا بالزعلانه .

سارة ودموعها تنزل ما قدرت تتكلم :..........................

طلال : سااارة ...... وينج ............ الو ............. والله انج ظالمتني .

سارة (بحزن) : طلال ليش سويت فيني جذي ؟؟

طلال : ممكن اشوفج وتكلم معاج في اي مكان تبينه ، وراح اقولج عن كل الي صار .

سارة (بتردد) : لا ما اقدر ، قولي في التلفون .

منى من الجه الثانيه : قولي له اوكي ، بروح معاج آنه .

سارة : اوكي طلال بكرة اشوفك في السيف ( مجمع في البحرين) ، بس اتقول لي السالفه السخيفة الي خليتني علشانها وراح امشي .

طلال : والله آسف ، بس بكره راح تفهمين كل شيء ، ديري بالج على حالج .

سارة : انشاء الله ما يحتاج اتوصيني على نفسي آنه مب ياهل عندك ولا اصغر عيالك .

طلال (بخيبة امل ) : مع السلامه .

سارة : مع السلامه .

 

بعد اشوي دز طلال الى سارة مسج يقول :

ياليت قلبي شفاف

واللي بداخله ينشاف

علشان تشوف كيف احبك

وعليك اخاف ..

 

قرأت سارة المسج وقالت الى منى (بعصبيه) : هذي على باله اني الى الحين احبه لكن كله منج خليتيني اتصل فيه .

منى : حرام عليج لا تظلميه شكل الريال فرح لما سمع صوتج الي من من ملج الى الحين ما سمعه تقريبا سنه وشيء ، الا بسألج ليش الى الحين ما حملت زوجته ؟

سارة : والله ما دري ، بس كأني مرة سمعت امي تسأل زوجته وقالت لها ان طلال ما يبي يهال الحين لانه مب قد المسؤليه من الحين .

منى (بمكر) : الا يمكن الى الحين احبج .

سارة (بمزجه) : قومي روحي بيتكم تراج مللتيني .

منى : هههههههههههههههههههه ، افا عليج اذا تبين شيء تتصلين فيني واذا خلصتي تطرديني ، صج مصلحجيه ، خلاص بكره ما راح ايي وياج .

سارة ( بدلاعه) : لا عاد عمري ، احبج ، اموت فيج ...................

منى : آنه ولا ................

قاطعتها سارة : براااااااااااااويج .

 

وتموا يمزحون ما كأنه سارة توها ما خذه موعد مع واحد ، لما يت ام سارة ، ركبت الدري الا تسمع صوت سارة ، تعجبت من ردتها من بين دانه بسرعه ومن يابها .

 

طق .......... طق ............... طق

سارة : من ؟

ام سارة : آنه ، ادخل ؟

سارة : ايه يمه دخلي .

ام سارة : هلا منى شخبارج ، يمه سارة ليش رديتي من وقت من بيت دانه ومن يابج ؟؟؟

سارة الي ما تعودت تكذب على امها : يمه هذي منى اتصلت فيني وقالت لي انها على الباب فقلت الى اسماء اخت دانه اتييبني .

منى من الطرف الثاني تشد ثياب سارة : سارة قولي لها عن بكرة .

سارة : يمه يقولون البنات نلزل فليم روعة في سينما السيف ، تقدرين توديني آنه ومنى ؟

ام سارة : ما عليه لانه بكره ما عندي شيء ، بس الساعه كم تبون تروحون ؟

سارة ياخذ راي منى : الساعه كم انروح ؟

منى : اعتقد الساعه 4 ونص .

 

بعدما طلعت ام سارة من الغرفه قالت منى الى سارة :سارة دزي مسج الى طلال قولي له .

سارة : صار .

ودزت سارة مسج الى طلال تقول " بكرة الساعة 4 ونص اشوفك في السيف يم السينما "

 

في بيت بو بشار يعني بيت دانه ، وتحديدا في غرفة اسماء الي كانت تقرأ كتاب

طق ............... طق ................... طق

اسماء : من عند الباب ؟

بشار : آنه اخوج العود . احم .... احم

اسماء : ادخل يا اخوي العود .... ادخل يا شايب .

دخل بشار الغرفة : من الشايب يا عجوز على الاقل آنه متزوج وعندي يهال مب مثلج مدري ايش تنتظرين ، الفارس اللي على حصان ابيض؟؟

هههههههههههههههههههههههههههههه

اسماء (بحزن) : الف مرة قايله لكم آنه ما راح اتزوج الى اذا زوجتكم كلكم .

اسماء كانت تحس من بعدما توفت امها انها المسؤوله عن اخوانها وعلشان جذي كانت ما تبي تتزوج الا اذا تطمنت عليهم .

بشار : اسماء تعرفين بدر صديقي ؟

اسماء : شفته كذا مره ، ليش ؟

بشار : الصراحة اليوم كلمني عنج يبي يخطبج ، ها شنو رايج ؟؟

اسماء : اكيد لا .

بشار : ليييييييييييييييييش ؟

اسماء : لاني ما ابي اتزوج .

بشار : ترى بدر خوش ريال وما يتعوض ، كفايه انه صديق اخوج العود ..... احم احم ، والله تنطرين لما تصرين عانس وتتزوجين على ريال متزوج .

وحاول بشار في اسماء لما طلعت روحه بس لا تخافون تراها رجعت لما اسماء قالت : خلاص آنه موافقه .

بشار (بمزحه) : هذي الساعه لمباركه ما بغيت اخلص منج .

اسماء (بدلاعه) : افا عليك ، بس هونت انا مب موافقه .

بشار : اخوج العود يترجاج ونتي تقولين لا ، انا آسف راح اقول لهم بكرة ايون .

وطلع من غرفة اسماء الي كانت نص فرحانه انها راح تتزوج ونص حزنانه لانها راح تترك اخوانها .

 

 

في بيت سارة الساعه 4 وشيء كانت سارة خايفه من الموضوع وتفكر انها خلاص تهون ..

الا منى متصله فيها

منى : هااااااااي

سارة : هلا فيج

منى : متى بتيوني ؟

سارة : تبين الصراحه آنه افكر اني اهون .

منى : يا هبله تبين تعيشين طول عمرج ما تدرين شنو السالفه وتخافين تعطين قلبج احد وخونج ، يلا بلا دلاعه تراني انطر .

سارة : كاني جاهزه ، بعد عشر دقايق احنا عندج .

منى : بيباي .

سارة : باي .

 

 

بعد عشر دقايق تقريبا وصلت سارة الى منى وركبت منى السيارة

منى : سلام ،شخبارج خالتي ؟

ام سارة : الحمد لله ، شخبارج انتي ؟

منى : آنه بخير .

سارة : اشوفكم طلعتوني من القائمه ولا كأني موجودة .

منى : افا عليج وحنا نقدر ، شخبارج عساج بخير ؟

سارة : احم احم .. بخير عساج بخير .

ام سارة : آنه بنزلكم واذا خلصتوا سوي لب ميسكول

سارة (الي كانت تدري ان امها مستحيل تنزل معاهم لانها ما تحب المجمعات بشكل عام ) : ليش يمه ما بتنزلين معانا ؟

ام سارة : سارة تدرين اني ما احب المجمعات وترى ضمان معاج منى خوش ابنيه .

سارة : يمه الحين عاد بتنفخ نفسها علي ليش تقولين قدامها جذي ؟

وتموا يتكلمون ويضحكون لما وصلو المجمع ، نزلت منى وسارة ودزت سارة الى طلال مسج تقوله انهم وصلوا .

قغدوا منى وسارة الا بثنين فيهم الا بوصول طلال يود واحد من ثيابه والثاني هرب

طلال (بعصبيه) : ما تستحي على ويهك ؟

الولد : وش لك خص ، آنه ما كلمتك .

طلال ( الي فقد اعصابه ) هذي زوجتي ؟

الولد : ههههههههه وين الدبله ليش مب لابستها ، اكيد لما اخذتها كانت ضعيفه والحين صارت دبه .

طلال : لا معاها حساسيه .

وشال طلال يدة عن الولد وقام يركض الى صديقه .

من الجه الثانيه كانت سارة خايفه ان طلال يسوي في الولد شيء لانه تعرفه اذا عصب ما يقدر يمسك اعصابه .

طلال : سلام ، شخباركم ؟

منى وسارة : عليكم السلام .

منى : آنه استأذن بروح الحمام شوي وراجعه .

سارة تهمس الى منى : لا تخليني بروحي معاه .

لكن منى عاندت ومشت .

طلال طالع سارة وقال لها : شنو تشربين ؟

سارة : طلال ارجوك عن اللف والدوران قولي الي عندك بسرعة ابي امشي .

طلال : ادري اني غلطان ، بس صدقيني سارة مب في يدي .

سارة ( الي مب عارفه عن شنو يتكلم طلال وتبيه يقول لها ليش سوى فيها جذي بسرعه ) : طلال ابي الزبدة بسرعه خلصني .

طلال (الي حاول يلطف الجو ) : الزبدة في الثلاجه في البيت .

سارة (بعصبيه) : طلال بتتكلم ولا اقوم ؟

طلال : لا خلاص راح اتكلم ، قبل لا املج بسبوعين تقريبا اتصل فيني ابوج قالي انه يبيني ، تبين الصراحه آنه كنت فرحان قلت بالمره احجزج منه ولما رجت له قالي : شرايك انروح البحر ، قلته : اوكي .

طول الطريج كان ساكت في السياره ولما وصلنا فاجأني وقال : طلال انت اتحب سارة ؟

ذيج اللحظه ارتبكت وترددت وخفت وسكت ، قال لي : لا تخاف قول الصراحه انا شفت رقمك امس وانت متصل في ساره لانها كانت ناسيه تلفونها في الصاله .

تشجعت من كلامه وقلت له : ايه .

قال : بس يولدي آنه ابي ازوج سارة واحد بخير ويا ولدي انت مثل اخوها وما تصلح لها ، حاول تنساها ودور لك على وحده ثانيه وعتبر سارة اختك لا اقل ولا اكثر .

والصراحه من الصدمه الي خلاني فيها ابوج ما عرفت شسوي ، رجعت البيت وقلت الى امي ابي اتزوج بس حق اقدر اني انساج وتذكرت وحدة ويانا في الشغل قلت الى امي عنها .

عرفتي يا ساره ان ما كان بيدي شيء لانه ابوج يبي لج واحد غني مب مثلي معاشي 200 دينار (2000 ريال) على ايجار الشقه والفواتير يخلص ولو ما خلود تشتغل ما عشنا ، بس اوعديني انكون اخوان مثل ما قال ابوج .

سارة كانت منصدمه من الي قاله طلال وفجأة يات منى وقعدت .

 

طلال : سارة سامحتيني او لا ؟

سارة : لا

طلال : قلت لج كل الي صار شنو تبيني اسوي بعد ؟

سارة :ليش ما قلت لي ؟

طلال : كنت ما ابي يصير شيء بينج وبين ابوج وتخسرينه ، هذا ابوج ومحد يقدر يعوضج عنه ، لكن انه الف واحد بدالي .

سارة كبر طلال في عينها : اذا تبيني اسامحك اتدخلنا السينما على حسابك .

طلال : انشاء الله ، تآمرين شيء بعد ؟

سارة : لا سلامتك ، بس قوم احجز التذاكر لا بعد شوي اطلب اكبر ما تقدر اتييبه .

وقاموا ثلاثتهم ...

 

 

بعدما خلص الفلم سوت سارة الى امها ميسكول حق اتيي لهم .

بعدما رجعت البيت حست براحه وكسبت اخو وخصوصا انها وحيدة امها وابوها ومسحت كل شيء كانت تحمله الى طلال وخلت مكانه مشاعر الاخوه وهي قاعده على النت تدرون الناس عطله ، تذكرت الي صار في بيت دانه وحست بالخجل وقامت سوت الى دانه ميسكول .

دانه لما شافت الرقم على طول اتصلت الى سارة

سارة : هلا حياتي

دانه : هلا وغلا فيج ، سارة آنه آسفه .

سارة : آنه الي المفروض اتأسف ، بس لانه تذكرت شيء خلاني ابجي .

دانه : يعني انتي مب زعلانه مني ؟

سارة : لا حبيبتي ، ونسي السالفة الي صارت .

دانه : اقول لج شيء وما تعصبين ؟

سارة :قولي .

دانه : محمد من امس وهو رايح وياي يسأل عنج .

سارة : قولي له اني آسفه على الي سوته فيه ، ما كان قصدي .

دانه : يوصل انشاء الله ، بس لا تنسين بكرة الشهادات .

سارة : زين ذكرتيني بس الليله ما راح انام من التفكير بالنتيجه

دانه : اذا انتي الشاطره تقولين جذب آنه شقول الي اييب في الثمانين .

سارة : ومن شر حاسد اذا حسد ، تحسديني وانا صديقتج ؟

دانه : ههههههههههههههههه ما كان قصدي .

سارة : يلا باي .

دانه : بيباي .

 

 

في بيت طلال اقصد شقته

رجع وقال الى خلود الي صار وفرحت خلود وايد لانه طلال قدر انه يتخلص من تأنيب الظمير

طلال من اول ما خطب خلود قال لها عن كل شيء لانه ما كان يبي يبدأ حياته على الجذب ..

 

 

وفي غرفة سارة الساعة 12 الليل

تلفون سارة يرن

سارة بقلبها :من متصل لي هالوقت ورقم غريب بعد ؟

 

سارة ذيج اللحظه اللي رن فيها التلفون كانت تفكر " صج يمكن آنه في هذا السن محتاجه الى اخو يوقف وياي مب الى حبيب بس الحمد لله ، الله ما يسوي شيء الا فيه صلاح ، وانه المفروض الحين افكر في مستقبلي مب الى الحب والزواج وراح اخليهم آخر اهتماماتي ، الشهادة هي حلمي الوحيد الحين

التلفون يرن بس ما ردت عليه الا في آخر الوقت ؛ لانه خافت ان صاير شيء " لا سمح الله " وخصوصا ان يدها في المستشفى تعبان .

المتصل : الو

سارة " بقلبها " : من هذا صوت ريال ؟ يا ويلي من اكون ؟

المتصل : الووووووووو ساره وينج راقده ؟

سارة سمعت انه يعرف اسمها ردت : من وياي ؟

المتصل : شخبارج ؟ ما عرفتيني ؟

سارة : ليش على بالك متصل الى الجني الازرق حق يعرفك .

المتصل : ههههههههههه لا الاحمر .

سارة : شكلك انسان فاضي ، من انت خلصني مب فاضيه مثلك .

المتصل : انا محمد اخو دانه .

سارة " بخوف " : دانه فيها شيء ؟؟

محمد : لا انا اللي قلبي تعبان .

سارة " بعصبيه " : اخوي شكلك غلطان بالرقم ، هذا مب مستشفى اتصل السلمانيه ( مستشفى في البحرين ) بطرشون لك اسعاف .

محمد : دانه قالت لي انج مب زعلانه بقت الرقم من تلفونها ، قلت اتصل اعتذر وتكلم معاج .

سارة : بسألك ساعتك خربانه ؟؟ احد يتصل في الاوادم هالوقت ؟

محمد : سارة افهميني والله اني احبج .

سارة : ووووووووووع اسكت ارجوك ، ليكون تبيني احبك ، هذا الناقص .

محمد "بعصبيه " : انتي محد قالج انج مغروره و وايد شايفه في نفسج .

سارة : وانت محد قال لك انك واحد ثقيل دم وما تنطاق .

محمد : انا جذي ، ما عليه اراويج يالمغروره

سارة : انا ما راح الومك لانك محتر مني ، بس اراويك الحييييييين اذلف فارج .

طوووووووووط ......... طوووووووووووط ......... طوووووووووووط

 

 

سكر محمد التلفون وهو يقول " يا ربي صبرني آنه مالقيت احب الا هذي المغروره بس بعد احبها ......... احبها ............ شسوي ولم التلفون يم قلبه ونام ( حركات عشاق يعني )

 

اما سارة من سكر محمد التلفون في وجه وهي متوعدة له " آنه يقول عني مغروره وشايفه في نفسي ، لا وبعد يسكر التلفون في ويهي ... اراويك يمحمد .......... اراويك ، ورقدت

 

 

الصبح الساعه 8 في بيت بو ساره

صحت سارة وهي خايفه اليوم السبت يعني الشهادات

راحت الى امها اللي كانت صاحيه وتقرأ قرآن في غرفتها

طق ..........طق .............. طق

ام سارة : من ؟

سارة : يعني من ، محد في البيت الا آنه وانتي ، ابوي راح الدوام من ساعة تقريبا .

ام سارة : ادخلي : احرجتيني الصراحة

سارة : يمه اليوم الشهادات يلا المدرسه

ام سارة : الله يوفقج يا يمه ، روحي اجهزي وانه اجهز ونطرج تحت .

سارة : صار يمه

 

بعد ربع ساعه جهزوا وراحوا المدرسه ، سارة نزلت ومها تنطرها في السياره ولما رجعت

سارة : يمه علي مادة

ام سارة " بخوف " : صج يمه ليش انتي شاطرة

سارة : شسوي الحين ؟

ام سارة : اكيد في شيء غلط

سارة : يمه الى هالدرجه انتي واثقه فيني ؟

ام سارة : اكيد راح اوثق فيج ؛ لانه تربيه امج مب لعبه .

سارة : يمه كنت امزح معاج نجحت بتقدير ممتاز ونسبتي 95%

ام سارة " بفرح " : مبروك يمه الف الف مبروك

سارة : يمه مبروك بدون هديه ما يصير .

ام سارة : اللي تآمرين فيه آخذة لج

سارة : بفكر وبرد عليج ، الحين بتصل الى خلود من فترة ما شفتها ،

دقت سارة على خلود وتم التلفون يرن مدة لما ردت

 

سارة : وينج ؟ كل هذا نوم ؟

خلود : لا بس اشوي تعبانه اليوم

سارة : انا اقول ليش ما رحتي الدوام

خلود : بعد شسوي ، انتي شلونج شخبارج من فتره ما شفتج وين مختفيه ؟

سارة : ابشرج نجحت وبتقدير ممتاز بعد .

خلود " بفرح " : صج الف مبروك عقبال التخرج ، ليش ما تيين البيت والله خاطري فيج وبالمرة تعالي تغذي ويانا بمناسبه النجاح .

سارة : لا كفايه انج تعبانه ، بعد اخليج تطبخين لي ، لا مرة ثانيه .

خلود : لا تخافين تعالي ترى اليوم على طلال هو قايل انه راح يطبخ اليوم .

سارة : دام السالفه جذي لحظه بسأل امي .

سارة تكلم امها : يمه خلود عازمتني على الغذى توديني ؟

ام سارة : كالشيء ولا خلود ايه اوديج

سارة : خلود بعد شوي آنه عندج لا تنامين .

خلود : لا تتأخرين تراني انطرج .

 

 

بعد خمس دقائق الا سارة يم شقه طلال

ترن ....... ترن

فتحت خلود الباب

خلود : هلا وسهلا بأخت الغالي

سارة : هلا فيج ، طلال قالج ؟

خلود : على بالج شنو ، طلال تصير عنده اخت وما يقول لي .

سارة : تصدقين ، آنه فعلا محتاجه الى اخو فب هالوقت

خلود : ما تبين اخت بعد ترى مستعدين الى اي خدمه .

سارة : هههههههههه انتي اختي قبل لا تقولين ولا شنو ؟

خلود : اكيد اتشرف ، لا بعد تبيضين الويه .

ومر عليهم الوقت لما وصل طلال ، طبعا سارة كانت تدري انه راح ايي لانه خلود قالت لها عن الوقت اللي ايي فيه

لما سمعت صوت ريله على الدري قامت ودخلت المفتاح في الباب علشان ما يقدر يفتحه من الطرف الثاني ، طلال دخل المفتاح ما دخل قام يدق على الجرس وسارة وخلود ساكتين عنه وهم يضحكون ، وهو يدق على الباب بيده وعلى الجرس ، بعد فترة

خلود : حرام سارة فتحي له الباب كسر خاطري كفايه ياي من الدوام تعبان وراح يطبخ الغذى بعد

سارة : ما اقدر كل هذا حب ههههههههه

خلود : قومي فتحي الباب حرام عليج

سارة : بقوم خلاص لا تموتين علينا

 

 

فتحت الباب ودخل طلال اللي كانت اعصابه واصله حدها

طلال " بعصبيه " : انا اقول ليش ما تفتحون الباب ؟ على بالي خلود فيها شيء اتصل على تلفونها مغلق ودق على الجرس والباب حتى يدي ألمتني محد يفتح الى من تحت راسج .

سارة : افا عليك ( توجه كلامها الى خلود ) هذا اللي مسويه روحج كلش باقي شوي وتموتين عليه من الحب ، بس دخل قام يهزأني ما كأني ضيفه .

وراحت تمثل انها خلاص وخذت تلفونها وهي تقول : بدق على ابوي ايي ياخذني ما راح اقعد اتغذى من يد هذا ( وهي تأشر على طلال )

 

 

طلال وخلود اللي كانوا يضحكون ( الاخوان عجبتهم المسرحيه )

تكمل سارة : خير ليكون عادل امام واقف يدامكم وانه مادري ن هذا بدل ما تقومون تبوسون يدي وريلي علشان اتم معاكم ، لكن هين .

طلال : هههههههههههههههههه بس آنه آسف ولج مني اسوي لكم غذى تاكلين اصابعج معاه .

سارة : وانشاء الله شنو الغذى ؟

طلال : يعني واحد ياي من الدوام تعبان شنو راح يسوي ، اكي بيض مقلي .

سارة : آنه سارة بنت عبدالله آكل بيض مقلي على الغذى ، ولا يقولون غذى النجاح

طلال وخلود : هههههههههههههههههه

سارة : تضحكون بعد ، لكن لا تخلوني احرم ادخل شقتكم مرة ثانيه .

خلود : افا عليج وانتي كل شيء تصدقينه ،ما تدرين ان ولد خالتج حتى ما يعرف يشغل الفرن شلون راح يطبخ ؟

سارة : يا سلام ليكون تبوني اطبخ لكم الغذى ؟ والله اتخلوني بجوعي ؟ والله لعلم امي عليكم .

طلال : ههههههههههههه خوفتيني ، اذا ما سكتي ما راح اغذيج اصلا .

سارة : شنووووو

خلود : يلا خلصت المسرحيه

 

اتصل طلال المطعم وطلب الغذى ودخل يسبح ولما يابوا الغذى تغذوا وتموا يسولفون شوي بعدها اسأذنت خلود وراحت ترتاح لانها كانت مريضة

 

 

وتموا طلال وسارة يتابعون التلفزيون ويتكلمون

لما تذكرت سارة محمد لانه بيت دانه في نفس فريج طلال بس بيت انه في بدايه الفريج وشقه طلال في وسط الفريج تقريبا

راحت تسأل طلال عن محمد يمكن يكون يعرفه لانه ما شاء الله طلال علاقته قويه مع الكل ...

 

سألت سارة طلال : تعرف البيت الثاني في اول الفريج لونه بيج فاتح

طلال : بيت بو بشار قصدج ؟

سارة : ايه ، تعرفهم ؟

طلال : يعني مب الى ذاك الزود ... ليش ؟

سارة : تعرف ولدهم ثقيل الدم محمد ؟

طلال ( بستغراب ) : اعرفه هذا صديقي بس ليش ؟

سارة : ووووووع ما صادقت الا هذا وع عليك

طلال : انتي احترميني تراج في بيتي .

سارة : اسكت الله يرحم والديك ، اللي يسمع يقول بيت ما كأنها شقه .

طلال : شوف هذي قاعدة في بيتي وتستهزء بي .

سارة : سوري ، بس ابيك تحرق دم محمد .

طلال : ليش ؟؟

قالت له عن اللي صار كله

طلال : محمد يطلع منه هذا الشيء ، وهو اذا شاف بنت ينزل راسه ويمشي كأنه حرمه .

سارة : وع لا تشبه الحرمه فيه ، تراه ما يستاهل .

طلال : اليوم العصر هو راح ايي تحت مع الشباب مثل كل يوم ، بس آنه اراويج فيه .

 

الا بطلعت خلود من الغرفه

طلال : ليش ما رقدتي شكلج تعبانه .

خلود : ما ياني نوم .

زقعدت معاهم والى الساعه اربع وهم قاعدين يتكلمون ، قام طلال كالعاده بينزل مع الشباب تحت مثل كل يوم .. وهو بيطلع

سارة : ما اوصيك لا تنسى

طلال : انتي بس انتبهي الى خلود ، خليها في عيونج وما راح يصير الا كل خير .

خلود : فديت روحك والله

سارة : احم احم نحن هنا

 

نزل طلال تحت وقعد مع الشباب سالفة ورى سالفه ، واللي قاعد يغسل سيارته ، لما وصل محمد

محمد : سلام عليكم

الشباب : عليكم السلام

طلال : حشى كل هذا نوم

محمد : شسوي ايي من الدوام تعبان ورقد وشوي هاليومين بعد متضايق

طلال : عسى ما شر

محمد : الشر ما يجيك انشاء الله ، بس شوي ارهاق .

طلال : الا اقول يوم الخميس العصر ما جيت ، ليش ؟

محمد : لا بس كان عندنا ضيوف

طلال وهو ياخذ محمد شوي على جنب : ايه ... انا كنت مار يم بيتكم وشفت بنت طالعه تبجي بس لكن ألمني قلبي عليها لدرجه كنت ابي اروح لها اسألها ... شمسوين فيها ؟

محمد اللي ما عرف شنو يقول : ما ادري هذي صديقة اختي ، بس احمد ربك انك ما قربت يمها .

طلال : ليشششش ؟

محمد : هذي مره تحرش فيها واحد يم مدرستهم كسرت دريشة سيارته .

طلال : فديتج والله يا بنت خالتي .

محمد ( بتعجب ) : شنو ؟

طلال كان ميت من الضحك على شكل محمد : هذي بنت خالتي وهي تراها متوعده فيك ، على فكره تراها محجوزه الى ولد عمها .

محمد : اختي ما قالت لي انها محجوزه لا تجذب علي ترى لو هي محجوزه قلبي يروح فيها .

طلال : كل هذا حب ، كنت امزح معاك .

محمد : وكثر تدري اني ما اتنمى شيء كثر ما اتنمى انها تسمح لي اعبر عن مشاعري اتجاهها وبس

 

طلال حس بقهر من الكلام اللي يقوله محمد كان يبي يصرخ في وجه خلاص كافي ، لانه طلال ما كان يبي احد ياخذ ساره منه ، لانه يحبها وراح يتم يحبها طول حياته بس ما كان له حق يقول اي شيء لانه اهو اختار حياته وما يبي يعذب سارة معاه لانه مستحيل انهم يجتمعون بعد ما قال ابوها كلامه اللي كان محير طلال ،

ابو سارة عمره ما همته لفلوس في شيء اكبر اهو ما يعرفه بس ما حب يتكلم لانه ماله دخل ..

 

تذكورن يوم المجمع تدرون ليش طلال قال الى الولد هذي زوجتي

مع ان كان بأمكانه يقول اختي .. بنت خالتي .... الخ

بس هو كان يتمنى ان يقول هالكلمه

 

طلال : خفف عليك ياخوي وثقل .

محمد : تكفى طلال قول لها تسامحني على البارحه تراها بعد زودتها شوي وياي ، انا متصل اقول الحين بترحب فيني تسوي فيني جذي .

طلال : شرايك نغير الموضوع

محمد : اصلا انا بروح البيت تعبان

طلال : آه من الحب وبلاويه ، روح بيتكم احسن لك ، واذا كان لك نصيب في سارة راح تاخذها

محمد : يلا مع السلامه

طلال : الله يسلمك

جاسم ( واحد من الشباب ) : وين رايح تو الناس

يتجه الى طلال : انت شنو عندك قمت تتكلم معاه على جنب والرجال ما قعد ويانا وراح

طلال : لا ولاشيء بس هو تعبان شوي

 

لما قرب وقت الاذان ركب طلال فوق ، واول ما دخل

سارة : ها شصار ؟

طلال : انتي وايد ملقوفه

سارة : فيني حره عليه ثقيل الدم

طلال : حرام عليج ترى الريال طلع عن جد يحبج

سارة : المطلوب مني ؟

طلال : على راحتج بس اهو يبيج تفهمين انه احبج وعلى راحتج تحبينه او لا .

سارة : آنه اقول عندي اخو اشد فيه الظهر ، تقوم توقف وياه

طلال : انا رحت ابي احرق دمه لكن ما هان علي الصراحه .

سارة : يعني آنه اللي هنت عليك

طلال : مب قصدي بس شكله يكسر الخاطر ، الا بقول شنو سالفة اللي كسرتي دريشة سيارته

سارة : من قال لك

طلال : محمد

سارة : اصلا محمد من قال له

طلال : انتي بتقولين ولا شنو

سارة : لا ولا شيء تدري ان ابوي يتأخر على ما يكمل شغله واخو دانه بشار بعد يتأخر عليها فكل يوم بعد المدرسه انروح بيت يم المدرسه نشتري لنا ، في يوم واحد قام يتحرش فينا ولاحقنا آنه ما عطيته اي اعتبار ، في اليوم الثاني كرر الحركات وهم ما عطيته اي اعتبار ، في اليوم الثالث كرر الموقف ، قلت له اذا ما فارقت بتشوف شغلك ما صدقني ، اخذت حجرة من الارض ورميتها على السيارة فصادت الدرشه ونكسرت . ومن ذاك اليوم ما قمت اشوفه يم المدرسه .

طلال : حرام عليج زين ما قال لج تدفعين فلوسها .

سارة : لانه يدري انه غلطان والله لو مب غلطان تكلم لكن الحق وياي .

 

الا بصوت الاذان

الله اكبر ...... الله اكبر

 

راحت سارة وخلود يصلون وطلال طلع راح المسجد وبعدها مر ابو سارة عليها لانها راح تروح المستشفى الى يدها .

 

 

في بيت ابو بشار وبالتحديد في غرفه محمد اللي كان متضايق حيل من سالفه الحب اللي طلع له بها قلبه

الا باب الغرفه يندق

محمد : من ؟

بشار : ابو رائد

محمد : تفضل

بشار : انت الى الحين ما تجهزت بعد شوي بجون اهل بدر

محمد من غير نفس : الحين بقوم اجهز

بشار : شفيك يا خوي ، لا تقول لانه اسماء راح تتزوج لانه زين وافقت وراح اطمأن عليها

محمد : لا ما فيني شيء بالعكس فرحان حيل الى اسماء ، كافي ضيعت عمرها وهي مجابلتنا

 

وتدخل مريم زوجة بشار عليهم

مريم : محمد الى الحين ما تجهزت ما بقى شيء على وصول اهل بدر

محمد : انتي بعد مثل ريلج بس مقيوله من عاشر قوما اربعين يوما اصبح منهم ، انتوا على بالكم اني انا العروس ، وش فيكم علي ؟

مريم : حشى ما يسوى علي ، وتعال انت شنو فيه زوجي بعد شيخ الرجاجيل ما تلقى واحد مثله .

بشار : حبيبتي الغاليه

محمد : لو سمحتوا ماني فاضي لكم يلا طلعوا بقوم اجهز

مريم : انا بروح الى اسماء اشوفها جهزت او لا

 

في غرفة اسماء

كانت ماسكه صورة امها وتبجي " كنت اتمناج معاي في هاليوم لكن يمه سامحيني لاني بترك اخواني ودري اني مقصره بس مريم ماراح تخليهم محتاجين شيء .

 

تدخل مريم من حتى من دون انها تدق الباب ، اسماء وهي تمسج ادموعها : يدج تألمج اذا تدقين الباب يعني ؟

مريم : لا بس حبيت اشوفج شسوين ، على بالي انج ترقصين من الفرح والوناسه بس للأسف شفت العكس

اسماء ( بحزن ) : مريم اذا تم كل شيء على خير ديري بالج على اخواني

مريم : ولا يهمج ، بسوي الى كل واحد حليب وراح اشربه وبعدين اوديهم الحمام واغير لهم وبعدها ارقدهم بعد في شيء ثاني .

اسماء : وانتي دائما تاخذين المسائل مزح

مريم : ليش هالكثر انتي متضايقه ، اخوانج كبار وكل واحد يقدر يهتم بنفسه ، آنه رائد عمره 6 سنوات ومعتمد على نفسه ويساعد بعد نور اللي عمرها 3 سنوات

اسماء : انزين خلاص ... الخدامه جهزت كل شيء ؟

مريم : ايه

 

ودخلت دانه عليهم بعد من غير ما تدق الباب

اسماء : ما راح اقولج شيء لانه ابوي لما بنى البيت شكله نسى يحط باب في غرفتي

دانه : آنه شسويت ، دخلت غرفت اختي الغاليه

مريم : ما بتحطي لج ميك آب

اسماء : لا ابيهم يشوفوني على الطبيعه

دانه : حتى كحل

اسماء : ولا شيء

 

في هالوقت وصلت خالت اسماء ، وبعدها بشوي عمتها

ما مضى شيء الا ووصلوا اهل بدر ، فتحت لهم الخدامه الباب ودخلتهم صالة الحريم ، والرجاجيل دخلوا مع بشار وابوه ومحمد المجلس

 

في صالة الحريم

كانت ام بدر وخواته ثلاث ومرت اخوه وخالته وطبعا دانه ومريم واسماء وعمتها وخالتها

بعد ما رحبوا فيهم تموا يتكلمون كلام عادي ( مقدمات يعني )

ام بدر تكلم مريم : عندج بس بنت

مريم : لا عندي بعد ولد مع ابوه في المجلس

ام بدر : الله يخليهم لج

مريم : تسلمين والله يخلي لج اولادج

دانه كانت تتكلم مع اخت بدر : كأني شفتج في المدرسه

فاطمه اخت بدر : ايه كنت فيها بس الحمد لله خلاص السنه تخرجت

دانه : الفال لي انشاء الله ، ادعوا لي باقي علي بعد سنه

الكل : انشاء الله .

ام بدر : بدون لف ودوران اليوم احنا جايين نخطب اسماء بنتكم الى ولدنا بدر .

خاله اسماء : والله يا ام بدر هذا يشرفنا بس لازم اسماء تشوف الولد وهي اللي راح تحكم لانه على ما قال بشار انه خوش ولد .

ام بدر : من ناحية انه خوس ولد فهو فعلا وما راح تحصلون احسن منه ، اخلاق ... ودين ... ومنظر ....

دانه بهمس : القرد في عين امه غزال

مريم لدانه : انتي سكتي فضحتينا

دانه : خلاص بسكت

عمة اسماء : مثل ما قلنا لكم يا ام بدر الراي الاول والاخير الى اسماء والله يقدم اللي فيه الخير .

 

 

من الطرف الثاني في مجلس الرياييل

بحكم ان ابو بدر كان متوفي اللي يه معاه خواله اثنين وعمه وثلاثة اخوانه وطبعنا بعدما رحبوا فيهم

عم بدر : احنا ما نبي نظيع الوقت يا بو بشار وراح نفتح الموضوع على طول بحكم انكم عرفتوا سبب زيارتنا

<<< الريال وايد مستعجل اكيد جوعان هههههههههههه

بوبشار : والله شرفتونا والبيت بيتكم

يكمل عم بدر : احنا اليوم جايين نخطب بنتك اسماء الى ولدنا

بوبشار : هذا يشرفنا بس ما يصير الا اللي يكتبه الله ، وراي البنت هو الاول والاخير

بو بشار يكلم بدر : ياوليدي انت الحين عمرك 30 سنه ، ليش ما فكرت انك تتزوج فبل هالوقت .

بدر : تدري يا عمي ان من بعد وفاة الوالد ، البيت يبي من يرعاه وينتبه له وبحكم اني آنه الكبير فكنت آنه المفروض اكون في محل الوالد ( الله يرحمه ) بس الحين بعد ما كبروا اخواني وكل واحد يقدر يشيل نفسه قررت اكمل النصف الثاني من ديني وما اعتقد اني بلاقي احسن من بنتكم .

بو بشار : الحين اقدر اطمأن عل بنتي بين يديك ، وانت خوش ريال وما بخلاف على بنتي وهي معاك .بس هي المفروض تشوفك وتحكم قبل كل شيء .

بو بشار يكلم محمد اللي كان مب معاهم على الخط : محمد .

والاخ في عالم ثاني الله يساعده .

بوبشار : محمد

انتبه محمد ان ابوه يتكلم معاه : نعم يبه

بو بشار : وين وصلت يا ولدي ؟

محمد : وياكم يبه

بوبشار : ما علينا .. روح شوف اختك اسماء قول لها تروح الصاله الثانيه تيلس وخذ بدر وقعد معاهم .

محمد : امرك يبه

 

دق محمد على تلفون اسماء لكم كان في غرفتها

فقام دق على دانه : شتبي ؟

محمد : من حلاتج عاد ، قولي الى اسماء تروح الصاله الثانيه انا وبدر راح انجي لها .

دانه : صار

محمد : بسرعه وقولي لها تلبس عبايتها بعد لا تنسى

دانه : بعد تآمر على شيء عمي محمد .

محمد : وخري ويهج

قالت دانه الى اسماء ، اسماء راحت غرفتها لبست العبايه وبعدها نزلت الصاله الثانيه

 

من الطرف الثاني في المجلس

محمد لابوه : يبه قلت لها

بو بشار يكلم بدر : قوم يبه اسماء في الصاله .

بدر : امرك عمي

بشار يهمس له : لا تصدق عمرك ، شنو قال عمي ... الله يساعدني لا صدت زوج اختي

بدر : اذلف ويهك هذا

بو بشار : علامك يبه ؟ بشار اذا تبي تروح معاه روح وعن الاسرار .

بشار : لا يبه بس ........

يقاطعه بدر : ايه عمي يبي اجي وياي عن اذنك .

بو بشار : ما فيها شيء الاثنين اخوانها اللي يبي يروح يروح يلا خلصونا .

 

راح بدر مع بشار ودخلوا الصاله ، ذيك اللحظه اسماء مانت خايفه وترتجف ( لا تلومونها البنت اول مره يصيدها هالموقف ، في العادة لما يجونا خطاطيب وهم عند الباب اتردهم وتفشلهم )

المهم دخلوا سلم بدر ردت عليه بصوت شبه مسموع

وقعد بدر بعيد شوي وبشار يمه بشوي

بدر : شخبارج اسماء ؟

اسماء بصوت خفيف : الحمد لله

بشار : حشى عزرائيل اللي يتكلم معاج

بدر : انت ما تستحي على وجهك

اسماء اللي وجها صار طمام : لا عادي ما صار شيء

بدر : كم عمرج ؟

اسماء ( بقلبها ) : من البدايه اسأله ما لها معنى ، صج اهبل الحين جاي يخطبني ما يعرف كم عمري .

اسماء : 26 سنه

بدر : شنو هي طموحج ؟

اسماء : بما اني معلمه فأتمنى اكون مديرة مدرسه .

بدر : شكلج وايد متفاءله

اسماء : تفاءلوا بالخير تجدوه

بدر : صح كلامج .

اسماء : وانت ؟

بدر : دامج مديرة مدرسه فأنا وزير التربيه والتعليم

اسماء : تراك متفاءل اكثر مني

بدر : اكيد مب آنه الريال المفروض اكون اعلى منج .

اسماء : ليش الحرمه في الحضيض الاسفلي ؟

بدر : لا مب قصدي بس على العموم عندج شرط او طلب معين ؟

اسماء : اولا اتم في الشغل

ثانيا كل يوم في بيت اهلي عشان اطأن عليهم

ثالثا بيت لوحدي

رابعا ما ابي احد يتحكم فيني وين رايحه ووين جايه

خامسا ..................

 

قاطعها بدر : هي انتي آنه قلت طلب مب قائمه اذا كان عن الشغل فتمي فيه اصلا احسن تساعديني في المصروف

اسماء ( بقلبها ) : من البدايه جذي بخيل الله يصبرني على النهايه

يكمل بدر : وان كان على بيت ابوج فزوجة اخوج ما راح تقصر بالاضافه اني راح اخليج اتجين كل يومين وعن المكان فهذا من حقج وعن اني اتحكم فسامحيني اذا بذل منج شيء اكيد بتحكم والا تبيني اصير زوج فاشل .

 

اسماء : آنه قلت طلباتي وانت عندك طلبات ؟

بدر : انا ما عندي شيء بس ابيج اتحبيني وتعزيني وديرين بالج علي وتخدميني وهم شيء الاحترام وعتقد اني ما طلبت الا حقي صح او لا ؟

اسماء : صح ، ان صار نصيب لك اللي طلبت

بدر : اذا عندج اي شيء قولي لا تستحين

اسماء : في الوقت الحاضر هذي اللي عندي بس في المستقبل مادري .

بشار وهو يتثاءب : انا رقدت وصحيت ونتوا بعدكم حشى ما صارت هذي بشوفج تشوفيني واله فاضين ومملين وكل طلباتكم ما لهامعنى ، يلا قوم بس انتهت الزياره

بدر : حشى آنه الى الحين ما تزوجت اختك وتسوي فيني جذي بكره اذا تزوجتها شنو راح تسوي

بشار : مدري من الحين الى ذاك اليوم افكر

بدر : متى يجينا الخبر عن الموافقه ( الريال متفاءل وايد )

اسماء : بعد اسبوع يمكن ، والله يقدم اللي فيه الخير .

بدر وهو قايم : مع السلامه

اسماء : الله يسلمك .

 

طلع بدر مع بشار وراحوا المجلس واسماء رجعت الصاله مع الحريم ، بعد ما طلعوا اهل بدر وخالتها وعمتها راحت غرفتها تغير ملابسها وترتاح الا دانه تدق على الباب .

 

اسماء : اللي على الباب يدخل

دانه : .............

اسماء : قلت اللي على الباب يدخل

دانه : .......................

قامت اسماء تفتح الباب الا تشوف دانه واقفه

اسماء : ليش ما تدخلين ، ما تسمعين اتكلم معاج

دانه : بلا ، بس قلتي اللي على الباب وانه وراه مب عليه

اسماء : هههههههههه بايخه ، ليش جايه

دانه : بس كيفي ، قلت اجي اقعد مع اختي العروس العجوز

اسماء : حتى انتي يا دانه تقولين عني عجوز ، اراويج

دانه : بعد هذي الحقيقه المره اللي ما يتقبلها الانسان ، انا بس في بالي سؤال ليش الحريم ما يحبون يعجزون او يعترفون بعمرهم الحقيقي دائما يصغرون نفسهم ، عمرها 50 تقول 20 على بالها الناس ما فيهم عقل .

اسماء : واللي يسمعج الحين يقول مب حرمه

دانه : لا انا مب حرمه بعدي بنت

اسماء : عن السوالف البطاله وقولي ليش جايه .

دانه : ما عندي شيء بس جيت اقولج تصبحين على خير .

اسماء : انا عندي الساعه 9 انتي كم عندج ؟

دانه : 9 ودقيقه .

اسماء : وليش بتنامين الحين ؟

دانه : انا ماراح انام بس ادري انج ما بتطلعين وراح تقعدين تفكرين وما راح اشوفج ، فقلت اقولج من الحين

اسماء : اقول

دانه : قولي

اسماء : الحقي زوجة اخوج وعطيني مقفاج .

دانه : ما الومج رفعتي الراسخلاص بتتزوجين

اسماء : هههههههههههههههههههههههه

 

من الطرف الثاني في المستشفى ، دخلوا سارة وامها وابوها على يدها اللي كانت معاه زوجته

سارة وهي تبوس راس جدها : شخبارك جدي ، عساك بخير ؟

جدها : بشوفتج يبه ، اشلونج انتي ولهت عليج

سارة : ما صارت يا يبه من يومين انا عندك

جدها : بعد شسوي يا يبه رقدت المستشفى تلوع الكبد

ام سارة وهي تبوس راس ابوها : شلونك اليوم

جدها : بخير دامج بخير

ابو سارة : شخبار صحتك اليوم عمي .

جدها : دامك جنبي آنه بخير الحمد لله .

سارة اللي تطالع جدتها : شخبارج جدتي ، عسى ما خربنا الجو الرومانسي بينج وبين جدي

جدتها : بخير يمه ، اي جو رومانصي ( رومانسي ) يا يمه شايفه لشموع قدامنا ؟

ام سارة : يعني يمه ما تعرفين سارة وحركاتها ؟

جدتها : الا اعرفها زين وموت فيها ، صج اللي بياخذج داعيه له امه من قلبها .

سارة : خلاص شوفي وجهي صار احمر من الخجل .

ابو سارة : من انتي ، صح انا اشهد ههههههههههههه

جدها : حدكم على سارووونه هذي حبيبتي .

سارة : يبه اسكت ترى جدتي تغار عليك ، بعد شوي راح تطردني تراك ما تعرف الحريم كثري .

ام سارة : ما قالوا لك متى بتطلع من المستشفى ؟

جدتها : وين يطلع وهو بالحال يايمه ما تشوفين حالته ؟ هو الحين يتظاهر لكم جذي بس من داخله الام والنار من المرض .

جدها ( بعصبيه ) : خلاص انتي ما تعرفين تسكتين .

سارة : لا يدي خلاص اذا بتعصب آنه بمشي .

جدها : لا وين تمشين آنه ما بغيت اشوفج وتجين لي .

سارة : بس انت قوم بالسلامه ولك وعد مني اجي معاك البيت ابات

جدها : صج يبه ، بس آنه الحين صرت زين يلا نروح البيت .

سارة : ليش على بالك المستشفى حديقه ، تدخل وتطلع على راحتك ، كاهي جدتي فيها الخير امجابلتك .

جدتها : سمعت يا بو جاسم اشلون هالبنت تحس فيني ؟

سارة : ما عليك منها جدي اصلا تخاف تنام بروحها في البيت من جذي جايه معاك ، وبعد تخاف انك تغتزل لك وحدة من هني .

جدتها : صدق المثل اللي يقول ( يبته لي عون صار فرعون )

ابوسارة يكلم ام سارة : متى بتمشين ؟

ام سارة : على راحتك

ابو سارة : يلا قوموا

جدها : وين بتروحون توكم جايين

ابو سارة : بعد نخليك ترتاح ، بعد تدري بسارة ما تبي تفارجك وان طولنا بتنام معاك .

جدها : خلوها تنام معاي .

سارة : شقلنا انت قوم بالسلامه وانه انام معاك في البيت ، بعد تدر سارة بنت عبدالله ما تنام على كرسي

جدها : ايه والله ، انا ما ارضى على حبيبتي تنام على كرسي .

جدتها : يعني ترضى علي آنه ؟

جدها : ولاانتي بس انتي اللي تبين تنامين لانه تخافين تنامين في البيت بروحج صح او لا ؟

ام سارة : يلا مع السلامه يبه ، ما تشوف شر .

جدها : الله يسلمك ، الشر ما اجيك .

ابو سارة : يلا عمي مع السلامه

جدها : الله يسلمك

سارة : مع السلامه يبه يلا قوم بالسلامه والا ما ببات معاك .

جدها : الله يسلمج يبه وحفظج ويرضى عليج دنيا وآخرة

 

طلعوا من المستشفى وركبوا السيارة وهم في الطريق

سارة : شكل جدي وايد تعبان

ام سارة : ايه يمه بس مايحب يحسس احد بشيء

ابو سارة : هو دائما جذي ما يحب يشغل بال احد

سارة : ياريت اكون مثله ، آنه يصيدني شوك في يدي اقعد ابجي

ام سارة : الحين تخلين نفسج مع ابوي ، مستحيل توصلين له آنه بنته وما وصلت انتي بتوصلين ؟

سارة :لا تضيعون علي السوالف وتنسوني ، بطني تراه مسكين يوعان وقاعد يبجي .

ابو سارة : شنو تبون العشا ؟

سارة : مدري بس خاطري نتعشى بره لاعت جبدي من البيت .

ام سارة : خلاص انروح مطعم ، اشرايكم ؟

ابو سارة : صار يلا .

 

 

وهم في المطعم يتعشون تلفون سارة يرن المتصل دانه

دانه : الو

سارة وهي تاكل : دانو اكلمج بعدين آنه اتعشى الحين .

دانه : يمه خلاص يلا باي لوعتي جبدي احد يتكلم وهو ياكل ؟

سارة : لا بس كنت ابي اقولج اني اتعشى .

دانه : اوكي اذا خلصتي دقي علي

سارة : اي اوامر ثانيه

دانه : لا سلامتج بس اشوي شوي على الاكل ما بيطير ، يلا باي .

سارة : بيباي

 

بعد العشى راحوا البيت وتصلت سارة الى دانه

دانه : عسى بس كان العشى لذيذ

سارة : كان لذيذ بس انتي اتصلتي وصار ماله طعم

دانه : انا ؟؟ افا عليج ، اقول الحين بتقول كان خاطري تكونين معانا

سارة : وانتي دائما تلصقين ويهج ، استحي شوي

دانه : ما علينا ، مبروك على النجاح

سارة : الله يبارك في حياتج ، انتي بعد مبروك على النجاح ، بس كم نسبتج ؟

دانه : لا تقهريني 89%

سارة : صج والله قهر باقي علامه وتصيرين 90 يعني ممتاز .

دانه : شسوي ، بشري انتي كم ؟

سارة : 95% بس لا تصيديني بعين

دانه : شوفي انتي اعلى مني يعني عليج العزيمه

سارة : ولا يهمج بكره آنه عازمتج على عصير وكيك .

دانه : وانه موافقه

سارة : هي آنه ما كملت

دانه : شنو بعد

سارة : آنه علي العصير وانتي الكيك اوكي

دانه : بشرط اني اخلي الخدامه هي اللي تسويها

سارة : تعرفيني ما آكل من يد خدم ما احب

دانه : شوفي آنه بسويها بس اذا احترقت مالي شغل

سارة : حشى ما يسوى علي الكيكه ، آنه بسويها

دانه : اكون احسن

سارة : شرايج نعزم البنات بعد مره وحده نسويها عشى

دانه : على راحتج ، بس الصراحه صديقاتج وايد بتعزمين من وبتخلين من ؟

سارة : ما بعزم كل الربع بس انتي ومنى ووجدان وفاطمة وحنان وفاطمه محمد واكيد ريم وليلى .

دانه : اكون احسن ، اعتقد ان عددهم كافي بس خلاص ما نبي اكثر

سارة : صار

دانه : متى راح تعزمينهم

سارة : بكرة راح اعزمهم

دانه : يوم شنو بسوين العزيمه

سارة : اليوم السبت انخليها الا الاربعاء

دانه : كل هذا تجهزين العشى ؟

سارة : لا عمري بس على ما اتصل الى كل بنت وتسأل بيتهم ، صار يوم الاربعاء بس ابيج اتيين وياي اشوي من وقت انتي ومنى حق تساعديني لاني ماابي اتعب امي وايد تدرين .

دانه : ما يصير خاطرج الا طيب ، يلا في حفظ الرحمن

سارة : في رعايته يالغاليه

سكرت سارة التلفون من دانه وهي تعبانه حيل اليوم ما ارتاحت وايد وكانت الساعه 11 ونص فراحت بسابع نومه

 

يوم ثاني الصبح قالت الى امها وابوها عن العزومه وكانت تتصل الى البنات وكل وحده تقول لها شيء الا تقول ابوي في الدوام اذا رجع اتصل فيج ، والا تقول بكره برد عليج

وهكذا

الا منى لانه تدرون انها اقرب صديقه لها

على العموم خلال الثلاثة الايام ما كانت سارة تتطلع الا المستشفى تروح مع امها وابوها الى جدها وترجع البيت

 

يوم الاربعاء الصبح ، صحت مبجر مب من عادتها ( كل هذا عشان صديقاتها )

تريقت ودخلت مع امها المطبخ تساعدها في الحلويات والغذى الا العصر يت منى ودانه

وتموا يساعدونهم بعد صلاة العشاء بدأوا البنات ايون

ونجي الى سوالفهم

سارة بعد الترحيب فيهم كلهم : ما بغينا ننجح صار لنا 11 سنه في المدرسه لا وبعد سنه الله يساعدنا

حنان : وانتي صاجه

فاطمه : يلا كلها سنه ونكمل لا وبعد ينتظرنا الاصعب ( الجامعه ) وما ادراك ما الجامعه ، آنه في المدرسه مب فالحه الا بالغش اشلون بفلح في الجامعه ؟

دانه : اللي يسمعج الحين يقول الجامعه بيت الوحوش ، انتوا اللي تبون تشتغلون وفي هالوقت اللي عندها شهادة ما عندها شغل احنا وين بنحصل يعني ؟

منى : صدقتين ، الحين الزبال مال البلديه لازم عنده شهادة جامعيه ولا ما يشتغل اشلون احنا ( وايد تبالغ في كلامها )

ريم : تبون الصراحه الحين اللي ما عندهم واسطه ما يعيشون

ليلى : والله اني انقهر اذا شفت اجنبي يشتغل اهني وحنا مب لاقين اشغال ، تصدقون عاد الاجنبي صار المدير وولد الديره فراش عنده ، آخر زمن .

وجدان : خلونا من هالسالفة وقولوا لي آخر اخباركم

ليلى : ما قلت لكم

دانه : شنو بعد ؟

ليلى : آنه انخطبت

منى : من صج انخطبتي ؟ ومن اللي خطبج ؟

ليلى : ايه ، ولد جيرانا خطبني

دانه : شكل ولد جيرانكم وايد مستعجل ، قولي له باقي سنه خله ينتظر

ليلى : لا تخافين الحين الخطوبه وبعد ما اكمل دراستي الزواج

سارة : وحنا آخر من يعلم ، الله يسامحج

ليلى : لا بس ما صار وقت اني اقول لكم وكل شيء صار بسرعه وبعد شهر الخطوبه وانه الى الحين ما جهزت شيء .

سارة : اذا تبين مساعدة ترى احنا في الخدمه .

ليلى : مشكوره يالغاليه ويارب اتكونين انتي بعدي .

سارة : لا يهم بعدي ياهل على هالسوالف

ليلى : ليش شايفتني كبيرة

سارة : لا بس في عمر جدتي هههههههههههه

البنات : ههههههههههههههههههههه

وتموا يسولفون ويضحكون وتعشوا وقعدوا ياكلون الحلويات وبعدها بدأوا يمشون

وما بقى الا ليلى ودانه ومنى

ليلى : سارة ترى راح احتاجج وايد وياي ، ادري ان ذوقج روعه

سارة : ولا يهمج اي شيء تبينه قولي لي

دانه : سارة آنه بعد لانه اسماء بتعرس

سارة ( بفرح ) : صج والله ما بغت تعرس ونفرح فيها

دانه : شسوي فيها على بالها الى الحين ياهل

سارة : يلا بعد كم سنه الا انتي خاله وصرتي من زمان عمه ، الا آنه ما بصير عمه ولا خاله .

منى : احسن لج على الاقل انتي الدلوعه الوحيده مب احنا كل وحده عندها 6 _7 اخوان وبعدين يقولون ان عدد السكان اكثر من حجم الدوله ، ليش ما يسوون مثل اليابان كل شخص حده اثنين

ليلى : يلا عن اذنكم انا بمشي ابوي يم الباب

 

راحت سارة مع ليلى يم الباب

ليلى : يلا مع السلامه ومشكورين على العزومه

سارة : الله يسلمج ومبروك مقدما

ليلى : الله بيارك في حياتج

والا بمنى طالعه

سارة : وين على الله ؟

منى : بيتنا بعد وين ؟ يلا مع السلامه

سارة : الله يسلمج ، مشكوره تعبتج معاي

منى : تعبج راحه يالغاليه

سارة : مشكوره

 

وراحوا الكل وما تمت الا دانه مع سارة كانت الساعه 10 ونص

دانه : مدري شنو فيه قال لي الساعه 10 والحين 10 ونص ولا وصل

سارة : من اللي قال بجي لج

دانه : محمد بعد فيه احد غيرة

سارة : يمكن طالع مع ربعه ولاشيء ، الى هذي الدرجه مليتي مني ؟

دانه : لا قلبي مب مطمأن في العادة نفس الوقت اكون موجود مواعيدة تمام .

سارة : الغايب حجته معاه

دانه : زين دام ان بروحنا محمد قالي اسألج سآل ورد عليه

سارة : سألي افا عليج

دانه : محمد يقول اذا نطر سنه لما تتخرجين وخطبج توافقين ؟

سارة : قولي له اشوف مستقبله لاني مقدر اعطيه وعد

دانه : سارة حرام عليج ترى اخوي يموت فيج ولا مجنون ليلى

سارة : اقول اتصلي له فكيني منج تراج ما تنعطين ويه

دانه : بس خلاص بروح اقعد يم الباب بيتكم لما يوصل

سارة : لا يمعوده على بالج بيتنا مسجد تقعدين عند بابه تطرين ههههههههههه

دانه : اتصل الى اخوي احسن لي

تتصل دانه الى محمد بس تلفونه مقفل

دانه : تلفونه مقفل هو ما يقفله الا اذا بيرقد

سارة : ان شاء الله رقد ونساج

دانه : فال الله ولا فالج ، تبيني ارقد معاج زين بستحملج اذا تزوجج اخوي الله يساعدني بس ههههههههه

سارة : اشوفج خلاص تفاءلتي اني راح اتزوج اخوج

دانه : بعد ما يبي لها كلام ، يلا بدق على البيت بسألهم

 

تتصل دانه البيت تشيله الخدامه

الخدامه : الو

دانه : وين بابا محمد

الخدامه : ما في بابا محمد ما اجي

دانه : انزين عطيني ماما مريم او اسماء

الخدامه : ما في احد بيت كله يروح المستشفى

دانه ( بخوف ) : مستشفى ؟؟؟ ليش ؟؟؟

الخدامه : انا ما في معلوم لانه هم يروح بسرعه وما يقول حقي .

دانه : انزين ديري بالج على البيت .

الخدامه : انزين

 

سكرت دانه التلفون من الخدامه وهي خايفه ما تدري شلي قاعد يصير

سارة : وشفيج ليش ويهج متعفس ؟

دانه : مدري اتقول الخدامه ان محمد في البيت كلهم راحوا المستشفى

سارة : اتصلي على جوال بشار او مريم او اسماء

اتصلت دانه على اسماء بس ما ردت لانه كانت ناسيه تلفونها في البيت وتصلت في مريم لكن بعد ما اخذت تلفونها معاها ...

اتصلت في بشار بس تلفونه كان في السياره

دانه : محد منهم يرد علي مدري وش صاير لهم .

سارة : خير انشاء الله ، اتصلي حق ابوج

دانه : اذا اخواني ما ردوا هو برد اكيد ابوي فيه شيء

سارة : انتي اتصلي وما راح تخسرين شيء

 

اتصلت دانه في ابوها بعد مدة رد عليها

بو بشار ( بحزن ) : هلا يبه دانه

دانه ( بخوف ) : يبه وش قاعد يصير ؟؟

بو بشار يحاول انه ما يبين شيء : ما فينا شيء ليش ؟

دانه : يبه ليش انتوا في المستشفى ؟

بو بشار : من قالج ؟؟

دانه : اتصلت فيكم كلكم محد رد علي اتصلت البيت قالت لي الخدامه انكم في المستشفى .

بو بشار : لا يبه بس اخوج محمد سوى حادث وهو الحين تعبان شوي

دانه : يبه لا تخبي علي محمد فيه شيء ؟

بو بشار ( بحزن ) : يبه محمد في غيبوبه لانه صاده نزيف من شدة الحادث بس الحمد لله ان كان النزيف من برع .. ادعي له انتي بس اقوم بالسلامه

دانه اللي بدأت تبجي : يبه تعالوا لي ابي اروح له

بو بشار : بشوف اخوج بشار بخليه ايي لج

دانه : لا تتأخرون

بو بشار : انشاء الله

 

سكرت دانه التلفون من ابوها وهي تبجي

سارة ( بخوف ) : شسالفه ... ليش تبجين ؟

دانه اللي ارتفع صوت بجيها : محمد سوى حادث وهو في غيبوبه الحين

سارة حست كانه شخص قابض على قلبها بقوة : شخباره الحين ؟

دانه : مدري يسارة مدري ... الحين بييني بشار

 

وتمت دانه تبجي وساره اللي من دون احساس قامت عيونها تدمع بس كانت تحاول ان ما تشوفها دانه فتمسحها بسرعه : دانه انشاء الله ما راح يصير الا كل خير .

 

بعد 15 دقيقه بشار كان يم بيت بو ساره ودانه راحت له بسرعه

سارة ( بحزن ) : دانه خبريني عن كل شيء اول باول

دانه وهي تبجي : صار يسارة صار ...يلا مع السلامه .

سارة : مع السلامه وديري بالج على حالج .

 

طلعت دانه من عند سارة وطبعا تدرون حال سارة ذيك اللحظه ركبت دارها وتمت تبجي وتدعي ربها اقوم محمد بالسلامه ... وتمت تقرأ قرآن عشان تخفف عن نفسها .. الساعه 2 الفجر سارة ما قدرت ترقد كانت تبي تطمأن على محمد

اتصلت على دانه اللي كانت في المستشفى

كانت العايله في غرفة الانتظار

وطبعا عيونهم على الغرفه اللي فيها محمد ينتظرون احد يطلع يخبرهم بشيء ... اسماء ودانه كانوا يبجون بصوت مرتفع بدون وعي ومريم كانت بعد تبجي من خزفها على محمد بس طبعا خفبف مب مثلهم وهي تخفف عليهم ... اما بشار فكان رايح وياي يم الغرفه اللي فيها محمد ... وبو بشار اللي كان يبي يتغلب على خوفه وحزنه اخذ له قرآن وتم يقرأ فيه

 

تلفون دانه يرن المتصل سارة

دانه وهي تبجي : هلا سارة

سارة : بشري شخبار محمد الحين ؟

دانه : الى الحين ما احد طلع من الغرفه ومانعينا ندخل نطمان عليه

سارة ( بحزن ) : الله يطمأنكم عليه ، بس اي خبر قولي لي تراني صاحيه ما راح انام الى اذا خبرتيني انه قام بالسلامه .

دانه : الله يسمع منج

سارة : آمين ، يلا مع السلامه

دانه : مع السلامه

 

 

 

بعد ساعه تقريبا طلع الدكتور من عنده

بشار اللي راح يركض الى الدكتور : بشر يا دكتور شخبار اخوي ؟

الدكتور : ادعوا له احنا قدرنا نوقف النزيف بس هو الحين في غيبوبه مثل ما تدرون وانشاء الله بعد 10 ساعات راح يقوم بالسلامه

بشار : الله يسمع منك يا دكتور ... اصير ندخل نطمأن عليه

الدكتور : شخص شخص وبدون اي ازعاج

بشار : مشكور يا دكتور

الدكتور : الشكر الاول والاخير الى الله سبحانه وتعاله دامه كتب له عمر جديد

بشار : الحمد لله على كل حال .

الدكتور : آنه استأذن الحين

بشار : اذنك معك .

 

راح بشار الى ابوه اللي كان يقرأ قرآن وما انتبه الى الدكتور لما طلع من الغرفه

بشار : يبه الدكتور طلع من غرفة محمد

بو بشار وهو يسكر القرآن : صدق الله العظيم ...

ودار ويجه الى بشار : شخبار اخوك الحين ؟؟

بشار : بخير يبه بس يمكن بعد 10 ساعات يقوم

بو بشار : الحمد لله .. انزين اصير ندخل عنده

بشار : يقول الدكتور شخص شخص وبدون ازعاج

بو بشار : آنه بروح اشوفه اول وانت روح خبر الحريم

بشار : امرك يبه .

 

راح بو بشار ودخل على محمد اللي كان ما يدري بالي حواليه وكان راسه ملفوف بلفافه وقام بو بشار يمسح على راس ولده وهو يقرأ عليه آيات ويطلب من الله انه يقومه بالسلامه

 

في نفس الوقت

كان بشار عند الحريم يخبرهم

بشار : يلا قوموا بوديكم البيت لانه محمد ما راح يصحى الا بعد 10 ساعات تقريبا

اسماء : لا آنه ابي اطمأن عليه اول

دانه : وانه بعد ابي اطمأن عليه

بشار : هو الحين بخير وبخليكم تدخلون بس بدون اي صوت ولا تقعدون تتبجبجون لي ... وحده وحده تدخل

مريم : انشاء الله

 

طلع بو بشار ودخلت اسماء وبعدها دانه واخيرا دخل بشار مع مريم

 

بو بشار : يبه انت اخذ زوجتك وخواتك وروح البيت ارتاح وانه بقعد مع اخوك .

بشار : بس يا يبه انت تعبان والحين راح يأذن الفجر نروح نصلي ونرقد والصبح انجي .

بو بشار : لا انا بتم مع ولدي ونتوا روحوا

بشار : يبه انت ما راح تستفيد شيء من قعدتك وياه طاوعني يايبه

بو بشار : توكلنا على الحي القيوم

 

في بيت بوسارة

ام سارة رايحه توقد سارة للصلاة

دق ....... دق .......... دق

ام سارة : يمه سارة قومي صلي

سارة وهي تفتح الباب : يمه آنه صاحيه الحين بصلي .

ام سارة لا حظت ان عيون سارة حمره وشكلها ما نامت البارحه : يمه سارة خير صاير لج شيء

سارة وهي تبي تخفي حزنها : لا يمه بس راسي يألمني شوي وانه ما استحمل الالم تدرين فيني

ام ساره : يمه اخذتي لج بندول ؟

سارة : الحين بعد الصلاة باخذ وبنام

 

راحت سارة تصلي وتدعي ربها رافعه يدها الى الله

( يا مجيب الدعاء ، يا سامع كل صوت ، يا حي يا قيوم ، يا اول الاولين ويا آخر الاخرين ...................................

...................................... )

وقعدت تقرأ القرآن وبعدها سمعت صوت تلفونها يرن

سارة : بشري دانه شخبار محمد الحين ؟

دانه ( بحزن ) : بخير اقول الدكتور انهم قدروا يوقفون النزيف بس الحمد لله انه ما كان من داخل ويقول بعد 10 ساعات تقريبا راح يقوم

سارة : آمين الله يقومه بالسلامه

دانه : سارة الى هذي الدرجه تحبينه

سارة تحاول تتهرب : لا تنسين انه اخو صديقتي يعني اخوي ولا آنه غلطانه . يلا مع السلامه

دانه : الله يسلمج

 

سكرت سارة الخط من دانه ونتبهت الى نفسها شلي حصل من كم يوم اتوعد فيه والحين ذابحه نفسي من البجي والخوف عليه ليكون بس

لا لا مستحيل احبه آنه زين نسيت سالفه طلال بعد اقوم احب مره ثانيه ، صج اني اعتبر الحب اللي حبيته طلال كان مجرد حب مراهقه بس اثر فيني وايد ومستحيل احب الحين في هالسن ، دراستي ومستقبلي هم اهم شيء عندي وراحت في سابع نومه من التعب

 

 

في بيت بوبشار

بعد ما الكل صلى ودعوا ربهم يقوم محمد بالسلامه الكل نام

الساعه 9 الصبح

بو بشار اللي كان خايف على ولده راح غرفة اسماء يسألها اذا كانت تبي تيي معاه

طق ...... طق

اسماء وهي تقوم من على السرير : من ؟ كاني يايه

فتحت الباب وشافت ابوها : صباح الخير يبه

بو بشار : صباح النور ، اذا بتيين وياي عند محمد جهزي نفسج

اسماء : بس يا يبه انت فطرت ؟؟

بو بشار : لا مالي نفس

اسماء : الحين اصحي دانه وبشار وزوجته واليهال ونفطر جميع

بو بشار : لا انا بروح الى محمد خايف عليه ، ونتوا بعدين تعالوا

اسماء : يا يبه الدكتور قال بعد 10 ساعات يعني الساعه 12 الظهر والحين الساعه 9 مالها اي فايده روحتك الحين

بو بشار : امري لله راح اقعد معاكم ، روحي صحي اخوانج

 

راحت تصحيهم بس بشار ما كان موجود لانه ارتاح له ساعه تقريبا وطلع لانه كان عنده شغل في المكتب وقال بيمر على دوام محمد يخبرهم عن غيابه وراح يروح المستشفى بعد ما يخلص شغله

 

الساعه 11 الظهر كانت اسماء ودانه وابوهم في المستشفى مريم ما راحت معاهم لانه كانت قاعده مع عيالها لانه الخدامه مشغوله في الغذى

.

دخلوا على محمد لكن كان الى الحين فاقد الوعي تموا معاه على امل انه يقوم في اي لحظه

الوقت مضى لما حان وقت الاذان الظهر

راحوا يصلون

في هالوقت وصل بشار راح يصلي مع ابوه

ودانه واسماء في مكان الحريم يصلون

بشار خلص من الصلاة وطلع عن ابوهوراح للدكتور يسأله عن حالة محمد

بشار : سلام عليكم دكتور

الدكتور : انت اخو محمد صح ؟

بشار : ايه نعم ... جيت اسال عن اخوي

الدكتور : ما ادري شقولك يا خوي .. بس اخوك شكله واي تعبان وراح يتم اكثر وهو فاقد الوعي

بشار : ليش يا دكتور ؟؟ اخوي وشفيه ؟؟

الدكتور : والله ما اخبي عليك .. بس الاحظ ان دقات قلبه مب طبيعيه ويد ضعيفه

بشار : الحين وش راح يصير ؟

الدكتور : فوضوا امركم الى الله

بشار : والنعم بالله .. مشكور دكتور

الدكتور : حياك الله

 

راح بشار لهم بس ما كان يبي يبين لهم شيء

بو بشار : وين كنت يولدي ؟

بشار : عند الدكتور

بو بشار : يولدي شقال لك ؟

بشار : كل خير محمد بعد شوي راح يصحى

اسماء : بشار الحين الساعه وحده الظهر والدكتور قال لنا انه بعد عشر ساعات يعني المفروض من ساعه كان صحى

بشار توهق وش يقول : تدرين يا اسماء ان الدكتور ما يعلم الغيب اكيد الحين محمد بيقوم

 

في شقة طلال

طلال كان يتكلم في التلفون وكان ويه متعفس

طلال : لا صج .. احلف .. محمد ما غيره .. الحين شخبارة .. الله يقومه بالسلامه .. ايه العصر يمكن امره .. مشكور اخوي .. الله يسلمك ..

سكر التلفون

خلود : خير طلال شنو صاير ؟

طلال ( بحزن ) : محمد صديقي سوى حادث وهو الحين فاقد الوعي

خلود : الله يقومه بالسلامه ، ما بتروح له ؟

طلال : بلا بروح له العصر لانه بروح الى جدي ما بتروحين معاي ؟

خلود : بلا اذا بتروح بروح معاك .

طلال : شرايج انقول الى سارة تجي معانا

خلود : على راحنك

 

 

سارة بعد ما خلصوا الغذى ونظفت المكان مع امها راحوا قعدوا في الصاله يتابعون فيلم

سارة تسمع تلفونها يرن ، تلفونها كان في المطبخ لما كانت تساعد امها نسته هناك

ام سارة : سارة تلفونج في المطبخ يرن

سارة : اسمعه يمه بس ابي اكمل الفيلم

ام سارة : يمكن هذي وحده من صديقاتج تبيج ظروري

سارة : امس كنا مع بعض ما لحقوا يشتاقون لي

ام سارة : انزين قومي شوفي من ؟

راحت سارة المطبخ

اخذت التلفون تشوف المتصل طلال

 

سارة : هلا

طلال : هلا فيج ، شخبارج ؟

سارة : الحمد لله ، انت شخبارك ؟

طلال : بخير الحمد لله

سارة : شخبار خلود

طلال : بخير تسلم عليج

سارة : الله يسلمها من كل شر

طلال : اقول سارة بتجين معانا المستشفى اليوم العصر

سارة : مشكور بس المغرب بروح مع امي وابوي

طلال : انزين تعالي معانا اليوم

سارة : ليش يعني ؟؟

طلال كان ما يدري ان سارة تدري عن محمد : سارة محمد في غيبوبه

سارة : ادري ، سمعت

طلال : من قالج

سارة : امس اخته كانت معاي لما سوى الحادث

طلال : تدرين وما تبين تزورينه ؟

سارة : وانه ليش ازوره وشيقرب لي ؟

طلال : اخو صديقتج ، وصديق اخوج

سارة : مسامحه طلال بس احسها لقافه اني اروح ازوره

طلال : ليش لقافه والله انه راح يفرح لما يشوفج .

 

سارة كانت تبي تروح بس كانت تكابر لانه ما كان عندها سبب انها تروح : طلال لا ما ابي اروح

طلال كان ما يبي سارة تروح اصلا لانه الغيره تذبحه بس هو كان يبي يجمع سارة ومحمد لانه محمد خوش ولد وما بينخاف على سارة عنده زكان هذا الحل الوحيد اللي قدامه حق يحاول بنسى سارة كان يضن ان اذا تزوجت سارة راح ينساها : على راحتج ... يلا مع .........

تقاطعه سارة اللي كانت خايفه على محمد وتبي تشوفه : طلال بس خلال بسأل امي وابوي وبرد عليك بعد شوي

طلال : صار يلا مع السلامه

سارة : الله يسلمك

 

طلعت سارة من المطبخ وراحت الصاله

ام سارة : من المتصل اشوفج تأخرتين

سارة : هذا طلال يبوني اروح معاهم الى جدي العصر هو وخلود

بوسارة ( بعصبيه غريبه ) : ليش ما عندج ابة يوديج

سارة متعجبه من طريقة ابوها : لا يبه مب جذي السالفه بس لانه طلال يبي يزور واحد من اصدقاءه وخلود تبيني اكون معاها

بو سارة : لا في الليل احنا من روح مافي تروحين العصر

ام سارة : ليش اترك البنت على راحتها يمكن تبي تروح مع خلود

بو سارة : آنه ابوها وانه اقرر

سارة متحيره من اللي قاعد يصير : بس خلاص ما ابي اروح اذا بتسون جذي غلى سالفه سخيفه

ام سارة : اذا تبين تروحين روحي

بو سارة : وين راح ابوها ماله كلمه

ام سارة : انت الخير و البركه بس لكن اترك البنت على راحتها ترضى انك تزعلها يعني

بو سارة : اكيد لا انا عندي غيرها

سارة : يعني اروح

ام سارة : ايه يمه اللي تبينه سويه

سارة : بدق على طلال بقوله

دقت على طلال وقالت له واتقت معاه على الوقت

 

في المستشفى الساعه 3 ونصف

اسماء : بشار وش فيه اخوي ليش تبي تخبي علينا

بشار : اسماء قلت لج مافيه شيء بس الحادث اتعبه وايد وبعد شوي بقوم

بوبشار : يولدي لما رحت الى الدكتور ما قال لك شيء

بشار : قال لي في اي وقت يمكن اقوم بس هو ما يقدر احدد الوقت لانه هو ما يعلم الغيب

في هاللحظه بدأ محمد يفتح عيونه

دانه هي اللي لاحظت لانهم كانوا مشغولين في الكلام : يبه .. اسماء .. بشار .. محمد فتح عيونه

بوبشار : الحمد لله

اسماء : محمد شخبارك الحين بخير انشاء الله

محمد : ما كان قادر يتكلم لانه تقريبا تم اكثر من 13 ساعه وهو في الغيبوبه

محمد لما فتح عيونه كان يدور شيء بس لما سمع صوت اسماء انبه الى نفسه والى المكان اللي هو فيه

محمد بصوت خفيف : عطشان

راح بشار وجاب له ماي وعطوه وياه

محمد : وش السالفه ليش انا هني

بو بشار : يولدي خوفتنا عليك انت سويت حادث بس الحمدلله انك قمت لنا بالسلامه وكتب لك الله عمر جديد

راحت ذاكرت محمد الى وقت الحادث

وفجأه طالع دانه : دانه انتي كنتي في بيت سارة صح ؟

دانه متعجبه من سؤاله : ايه صح يا خوي .. ليش ؟

محمد : لا مب شيء بس اسأل

 

وفي شقة طلال الساعه 4

طلال : يلا خلود الى الحين ما جهزتي؟ وين احنا من روح؟ ما صار مستشفى

خلود : ليش مستعجل هالكثر

طلال : الحين بنمر على سارة ونروح الى جدي وبعدين محمد يعني يبي لنا وقت لانه ابي ارجع قبل اذان المغرب حق اروح المسجد اصلي

خلود : كاني جاهزه يلا لاتقول اني اخرتك .

بعد 10 دقايق الا وهم عند باب بيت بوسارة

خلود سوت الى سارة مس كول وسارة كانت جاهزه فطلعت على طول

 

 

ركبت السيارة سلمت وتموا يسولفون لما وصلوا

اول ما وصلوا المستشفى

راحوا الى جدهم تموا معاه شوي وبعدين طلعوا وجدهم اصلا متحير

عمر سارة ما ركبت مع طلال وش صاير لهم اكيد صاير شيء !!

 

 

محمد في هاللحظه ما كان احد معاه لانه قالوا بيتركونه يرتاح شوي من بعد الغيبوبه وهم بيرحون يرتاحون من بعد ما تطمنوا عليه

طلال راح يسأل عن غرفة محمد لما لقاها

دق الباب ودخل طبعا سارة كانت آخر وحدة لانه كانت خايفه اصلا تدخل بس طلال شجعها

اول ما دخلوا محمد تم ساكت ويطالع سارة بنظرت حزن وألم

انتبه طلال الى نظرات محمد وعلى طول حاول يغير الجو

طلال : شخبارك بوجاسم ؟ خوفتنا عليك انت تسوي حادث وحنا اللي نطيح فيها

لكن محمد ما شال عينه وكأنه كان في داخله كلام وايد يبي يقوله بس مب قادر مثل الشخص العاجز كان يطالع سارة بنظرت الطفل اليتيم اللي شاف من يعطف عليه ..

سارة كانت تتمنى الارض تنشق وتبلعها بس ما تبي تشوف هالنظرات من محمد تمنت الى نفسها الموت ذيج اللحظه بس ما كانت تقدر تسوي شيء غير ان عينها بدأت تدمع وهي تحاول تخبي دمعتها عن محمد لكن وين محمد كان عينه عليها يعني اكيد شافها وهي تمسح دمعتها ..

طلال مرة ثانيه : وش فيك يا خوي كل هذا من الغيبوبه اثرت فيك وايد ههههههههههههههه

 

محمد واخيرا شال عينه من سارة : هلا طلال شخبارك انت

طلال : الحمد لله انت اللي شخبارك ما بغيت تقوم بالسلامه

محمد : وش اسوي ياخوي هذي الدنيا لو وش تسوي ما يبين

سارة حست ان كلام محمد كان موجه لها بس حاولت تشغل نفسها

خلود : شخبارك يا خوي عساك بخير

محمد : الحمد لله ... الله يسلمج

سارة تبي تتكلم بس مب قادره تحس انها بتختنق بس لازم تتكلم

سارة : شخبارك محمد عساك بخير

محمد : بشوفتكم اكون بخير

سارة تهمس الى خلود : يلا قولي الى زوجج بنمشي

خلود تهمس الى طلال : يلا سارة تبي تمشي

طلال : يلا محمد انخليك ترتاح وحنا نمشي

محمد : وين توكم واصلين الى الحين ما اكتفيت منكم

طلال : مرة ثانيه انشاء الله تدري وياي الحريم يبون يمشون

محمد كان يبي سارة تتم معاه كان يحس انه مشتاق لها وايد اول مره يحس بهالاحساس : ابقوا بعد شوي على الاقل

طلال : مره ثانيه وش فيك انت ما تينا نرقد معاك بعد ههههههههههههههههههه

خلود : يلا مع السلامه ما تشوف شر

طلال : مع السلامه انتبه الى نفسك

كانت سارة كالعاده هي الاخيره لانه الكلام مب راضي يطلع منها : يلا مع السلامه .. ما تشوف شر

محمد : في امان الله .. الله يسلمكم من كل شر

 

طلعوا من المستشفى وطول الطريج سارة كانت سرحانه طلال وخلود يتكلمون معاها وهي في عالم ثاني

كانت خايفه انها تحب محمد لانه مب وقت الحب الحين

 

 

رجعت البيت الا اتشوف امها تتفق مع ابوها

سارة : سلام عليكم

ام سارة وابوها : وعليكم السلام

سارة : وش صاير ؟

ام سارة : بكره بننزل الدمام

سارة ( بحزن ) : ليش يمه

بو سارة : ولد عمج رجع من السفر وازم نروح له

سارة : ما يصير انأجله شوي

ام سارة : ليش ؟

سارة توهقت وش تقول : لا بس لانه جدي تعبان ولازم تكون معاه

بوسارة : احنا ما منقعد وايد يومين وحنا رادين لانه ما عندي اجازه

سارة : متى بكره ؟

بو سارة : العصر او المغرب

سارة : يصير خير

 

ركبت سارة غرفتها وهي متضايقه وشلون تترك محمد وهو تعبان

 

في المستشفى

كان بشار ومريم عند محمد

محمد : في احد بعدين بجي لي

بشار : اعتقد ان البنات بجون مع ابوي .. ليش ؟

محمد : لانه ابي تلفوني

بشار : بس تلفونك انكسر

محمد : انزين ابي الرقم وعندي تلفوني القديم في الدرج اللي جنب السرير قلهم اجيبونه

بشار : انشاء الله ليش ما تخليه الى بكره وانه بجيبه لك بنفسي

محمد : لا ياخوي ابيه اليوم ضروري

بشار : ليش ؟

محمد : ابيه وبس

اتصل بشار الى اسماء وقال لها عن الرقم والتلفون وبعدها

راحت اسماء سوت اللي قال لها عنه بشار واخذت التلفون الى محمد

 

 

بعد ما جهزت سارة اغراضها نامت لانه في بيت عمها ما راح تنام مثل لو هي كانت في بيتهم و خصوصا انها تكون مع بنت عمها في غرفه يعني ما راح تاخذ راحتها

الساعه 12 في الليل وهي نايمه

سمعت صوت رنة المسج

فتحته

"ما بين حرف وسطر

اشرقت الدنيا بأغلى بشر

مستحيل انسى يومك

لو ينسى النحل ريح الزهر

كل عام وانتي بخير "

 

سارة قرأت المسج وهي متحيره من الرقم لانه هي اصلا كانت ناسيه ان عيد ميلادها اليوم

تمت تفكر في الرقم لما تذكرت انه رقم محمد

على طول اتصلت الى دانه وهي متنرفزه

دانه شافت رقم سارة خافت انه يكون فيها شيء

 

دانه : هلا سارة وش فيج

سارة : تسأليني .. اسألي اخوج

دانه : ليش وش صاير

سارة : انتي قايله له ان اليوم عيد ميلادي

دانه : اقسم بالله اني اصلا مدري متى عيد ميلادج نسيت وشلون بقول الى محمد

سارة : من قاله عجل ؟

دانه : الحين بتصل له ويسأله

سارة : بسرعه وردي علي

 

اتصلت دانه الى محمد

محمد حس ان اتصال دانه بسبب سارة : نعم وش تبين

دانه : انت ما تستحي على وجهك وش تراك ان اليوم عيد ميلاد سارة

محمد : قلبي قال لي

دانه : لا تخفف دمك الحين .. جاوبني صج

محمد : تذكرين اللعام كانت مسويه لها لحفله واعزمتكم وانه اللي وديتج

دانه : ايه اذكر

محمد : بس ليش تسألين .. آنه الى الحين اذكر

دانه : البنت معصبه عليك

محمد : ادري

دانه : وش دراك بعد

محمد : احس فيها

دانه : يلا يلا مالي خلقك

سكرت من محمد واتصلت الى سارة

 

سارة : ها وش قال

دانه : شوي شوي علي

سارة : خلصيني

دانه : يقول قلبه قال له

سارة : لا تخففين دمج الحين

دانه : يقول يذكر من اللعام

سارة : وشلون هو يذكر وانه اصلا كت ناسيه ان اليوم عيد ميلادي

دانه : مادري .. بس على العموم كل عام وانتي بخير

سارة : وانتي بخير يالغاليه

دانه : يلا اخليج الحين

سارة : ما قلت لج

دانه : شنو

سارة : بكره بننزل الدمام

دانه : ليش

سارة : ولد عمي راجع من السفر بعد اربع سنوات دراسه

دانه : بتتأخرون ؟

سارة : لا يومين بس

دانه : اكون افضل

سارة : يلا ابي انام مع اسلامه

دانه : صج ما تستحين ، بس الله يسلمج

 

في اليوم الثاني العصر كانوا سارة وامها وابوها جاهزين

طبعا ما اخذ لهم شيء تقريبا نصف ساعه الا وهم واصلين بيت عمهم

 

اعرفكم على عائلة بو راشد اخو بو سارة على فكره ترى بو راشد من ام غير ام بو سارة

لانه جد سارة كان متزوج ثنتين

 

عايله بو راشد

ام راشد زوجته

راشد ولده الكبير عمره 27 سنه

خالد 23 سنه

ملاك 19 سنه اكبر من سارة بسنه

لانه سارة في اليوم اللي وصلوا فيه كانعيد ميلادها فصار عمرها 18 سنه

 

طبعا بعد الترحيب

كانوا الجميع قاعدين في الصاله

ساره كانت متعوده عليهم شوي لانه كانوا يجتمعون في المناسبات

بس بوراشد كان شوي عصبي

 

وهم يتكلمون سارة تكلم راشد

ساره : وانت متى بتتزوج صرت شايب والى الحين ما تزوجت

راشد : آنه قلت لازم سارة تخطب لي ما يصير عاد اتزوج الا اذا انتي اخترتي لي وحده

سارة : قول لي المواصفات وانه اخطب لك

راشد : ليش تبن تشتغلين خطابه ؟؟ هههههههههههههههه

سارة : افا عليك اي خطابه انت ولد عمي ليش ما اخطب لك

راشد : بس خلاص آنه بقرب عليج ما ابيج تتعبين نفسج

سارة : من تبي ما عندي خوات كنت عطيتك

راشد ( بمزحه ) : بس خلاص آنه حطيت الدائره عليج

سارة : وع آنه آخذ سعودي

بو راشد ( بعصبيه ) : وش فيهم السعوديين يا بنت عبدالله

ساره اللي باقي شوي وتبجي : عمي كنت امزح مع راشد ما كان قصدي

سارة كانت متعجبه من اسلوب عمها معاها بحكم انهم من شوي واصين المفروض انه ما يعاملها جذي

ملاك : سارة قومي بنروح فوق

قامت سارة مع ملاك وهي تحس ان هموم الدنيا كلها على راسها

كفايه انها طلعت من البحرين وقلبها مع محمد والحين عمها يزيد ألمها

وصلوا الغرفه

ملاك : سارة لا تزعلين من ابوي هو طبعه جذي

سارة تحاول انها ما تبين انها تضايقت : لا عادي ما صار شيء هذا بحسبة ابوي ليش ازعل منه

ملاك : آنه الصراحه تعودت عليه هو دائما جذي

سارة : بس ما صار شيء .. قولي لي انتي شلونج وش مسويه

ملاك : بخير الحمدلله .. انتي شلونج شخبارج

سارة : بخير الحمد لله

 

 

في البحرين وبتحديد عند محمد في المستشفى

دانه وهي تقرب من محمد : محمد سارة في السعوديه

محمد بنفعال : ليش ؟

دانه : راحت بيت عمها ولد عمها رجع من السفر

محمد : ليش ما قالت لي ؟

دانه : وبصفتك من تقول لك ؟ اخوها ولا ابوها ولا خطيبها ؟

محمد : متى بترجع ؟

دانه : بعد يومين

محمد : الحمدلله انها ما بطول

دانه : ليش على بالك انها لو كانت موجوده راح تبقى معاك ؟هههههه

محمد : بس خلاص قفلي السالفه تراج ما تنعطين ويه

دانه : الحين تقولي جذي ما عليه هين .

اسماء : وش عندكم تتكلمون بصوت واطي

دانه : ما عندنا شيء بس قاعده اسأله عن صحته اليوم

اسماء : لا صج وش قال لج ؟

دانه : بخير

اسماء : تكذبين على اختج العوده بعد

دانه : يا اختي عندنا اسرار ومواضيع خاصه

هههههههههههههههههههههه

 

 

 

نرجع الى السعوديه

في غرفة ملاك

طق ... طق ... طق

ملاك : من

راشد : آنه

ملاك : لحظه شوي البنت بتلبس شيء عليها

بعد شوي

ملاك : بس خلاص ادخل

راشد : انشاء الله بس ما ازعجتكم

سارة ببتسامه خفيفه : لا ابد حياك

راشد : سارة آسف على اللي صار انا كنت امزح معاج بس ابوي شكله فهم السالفه خطأ

سارة : لا ما صار شيء انت اخوي وابوك ابوك ما راح ازعل

راشد : صج مب زعلانه

سارة : صج

راشد : وش رايكم اليوم الليل نطلع آنه وانتي وملاك وخالد اذا كان يبي يجي

سارة : اوكي ما عندي مشكله بس المكان اللي تودوني فيه اكون قد المقام

راشد : مقدر على بنت عبدالله الحمدلله انج تعرفين ابوج من

سارة : ههههههههههههه وش قصدك ترى ابوي شيخ لرجال

راشد : لا ما قصدت شيء اطلع من الغرفه اكون احسن

ملاك : الحمدلله انك فهمت

 

 

في غرفه خالد

راشد يدق الباب

خالد : راشد ادخل

راشد : من قال لك ان هذا انا صج ساحر

خالد : ما خلق مزحك والله اني متضايق

راشد : وش فيك

خالد : تعال اقعد معاي شوي ابي افضفض

راشد : امرك اخوي كم خالد عندي

خالد : ليش معاملة ابوي لنا جذي

راشد : المفروض انك تعودت على اسلوب ابوك

خالد : تدري راشد آنه اوقات اتمنى اني ما رجعت الديره ليتني بقيت في الغربه

راشد : لا تقول جذي ياخوي احنا ما بغينا نشوفك وطبع ابوي احنا نعرفه من لما كنا يهال وشوي شوي راح تتعود عليه يمكن الحين ما صار لك وايد من وصلت ونسيت طبع ابوي ايام الدراسه بس الحين راح تتعود عليه

خالد: اتنمى ان ابوي يحسن طبعه شفت وش سوى في سارة اليوم مسكينه ما لها ذنب البنت

راشد : ابوك ما يعرف يفرق بين اولاده وبين الغرب الكل مثل المعامله

خالد : والله ان ضاق صدري من اسلوب ابوي

راشد : لا يضيق صدرك .. المهم نسيتني ليش كنت جاي لك فيه

خالد : شنو

راشد : بعد صلاة العشاء راح نطلع اتجي معانا

خالد : من انتوا

راشد : آنه وملاك وساره

خالد : لا اخاف اني اضايق على سارة هي مب متعوده علي وانتوا متعوده معاكم

راشد : لا شكلك ما عرفت سارة والله انها حبوبه وتحب الناس

خالد : يعني ما راح تتضايق

راشد : انت وش فيك ما تفهم اقولك تحب الناس تقولي تتضايق والله انها راح تفرح وفرصه عشان تتعرف عليها

خالد : اوكي بجي معاكم

 

 

بعد صلاة العشاء البنات يتجهزون والشباب طبعا جاهزين وينطرونهم

راشد يدق باب غرفه ملاك : يلا متى بتجهزون وين راحين عرس ما صارت هذي الصراحه

ملاك : يلا الحين راح نخلص

اول ما ركبوا السياره راشد كان اللي يسوق

وخالد جنبه وطبعا البنات ورى

راشد : وين تبون تروحون

ملاك : على راحتك

سارة : ياليت السوق

راشد : لا كل مكان اوديكم الا السوق ما اواطن اني اروحه

ملاك : ليش خايف على فلوسك ؟

راشد : السالفه مب جذي لانه ادري انكم راح تأخرونا وفي الاخير انتوا تشترون واحنا نحمل عنكم الاغراض

سارة : واذا ابي شيء اناديك يا حمالي

خالد : اذا السالفه فيها سوق نزلني برجع البيت

سارة : وش عندكم مع السوق الحين لو كنا مب معاكم رحتوا حق لمغازل لكن احنا معاكم ما تبون تروحون

راشد : افا يا بنت العم تقولين عني جذي

خالد : اقول لكم وش رايكم نروح المطعم وبعدها نرجع البيت لاني وايد تعبان

سارة : فكره لانه آنه بعد تعبانه

ملاك : ليش انتوا متفقين تتعبون في يوم واحد

سارة صار ويها شوي احمر : لا بس تدرين من وصلنا من الحرين ما ارتحت

راشد : الا يسمعج يقول جايه تمشين

سارة : ههههههههههههههههههههه تصدق عاد اني جيت مشي

 

وتموا يسولفون وراحوا المطعم تعشوا وطلعوا

يمكن كانوا اكثر اثنين يتكلمون راشد لانه كان من النوعيه المرحه

وسارة لانه كانت تبي تنسى سالفه محمد لكن وين تروح وهو معاها في قلبها

ملاك كانت تتكلم بس مب كثر سارة وراشد

خالد كان متضايق من الحياة وخصوصا لما رجع ولقى ابوه لازال على طبعه القبلي

بس خالد وسارة بدأوا انهم يتعودون على بعض لانه سارة من النوعيه اللي تحب تتعرف على الناس

 

 

مر اليوم وتلاه اليوم الثاني

وهم بيرجعون البحرين

بو راشد : لا تنسى الموضوع اللي كلمتك فيه

بوسارة : يصير خير بس مب الحين مثل ما قلت لك من قبل

سارة صادها فضول من هالكلام بس ما حبت انها تبين هالشيء

رجعوا البحرين اتصلت سارة الى دانه وقالت لها انها رجعت

ودانه على طول اتصلت في محمد وقالت له

 

 

تمر ايام ورى ايام

 

 

ويوصل خبر وفاة جد سارة

سارة كانت متعلقه بجدها وايد

فكانت هي اكثر وحده متأثره الى درجة

انها ما تفارق بيت جدها وقررت انها تعيش مع يدتها لكن ابوها ما وافق

وقال ان يبي الجده هي اللي تجي البيت تعيش معاهم

 

 

فتحت المدرسه ومحمد هو اللي كان يجي الى دانه بحيث ان يشوف ساره

سارة كانت كل يوم تتعلق بمحمد اكثر من اليوم اللي قبل بس تحس شيء قاعد يباعدها عنه

كانت تحس ان في حاجز بينهم وانها ما راح تكون الى محمد

تحاول تبتعد بس محمد يلاحقها في كل مكان

 

 

مضت الايام وتخرجت سارة

وحصلت بعثه الى بره حق الدراسه

كانت فرحانه لانه فعلا حست ان هالسنه مضت عليها بصعوبه

 

سارة اول ما خبرت امها وابوها

امها كانت فرحانه

اما ابوها : ليش تسافرين ادرسي في الديره انا ما عندي بنات تدرس بره

سارة : يبه بس هذا مستقبلي وانه تعبت عشان احصل البعثه

بو ساره : لا يعني لا ما فيه سفر

سارة وهي تبجي : ليش يا يبه هذا مستقبلي ؟

 

بو سارة : ما في سفر خلاص انتهت السالفه

ركبت ساره غرفتها وهي تبجي

" بعد كل هالسنوات من التعب ما راح تتحقق طموحها ما يصير لازم اسافر لازم "

 

وهي نازله على الدرج سمعت ابوها يتكلم في التلفون

: ما يصير خاطرك الا طيب انت تآمر ... اليوم افاتحها بس انت هد من عصبيتك شوي لازم تصبر البنت الى الحين صغيره وانه ما ابي اضلمها ... بس خلاص مثل ما تآمر لاتزعل ولا ترفع صوتك ولا تهدد ... يصير خير ... يلا مع السلامه

 

سارة حست ان السالفه تتعلق فيها

فراحت يم ابوها بدون اي صوت

بوسارة : الحمد لله انج نزلتي كنت ابيج في موضوع

سارة : نعم يبه

بوسارة : يا يبه ولد عمج خالد متقدم لج

قاطعته سارة : بس يا يبه آنه ما ابي اتزوج ابي ادرس

بوسارة ( بعصبيه ): من متى قمتي تقاطعين كلامي آنه ابوج مب وحده من صديقاتج

سارة : سامحني يبه بس آنه ما افكر في الزواج الحين

بوسارة : وانه مقدر ازعل اخوي وانتي تدرين بسلوبه

سارة : بس آنه مالي دخل هذي السالفه بينك وبين اخوك

بوساره : ليش اخوي وش يصير لج مب عمج

سارة : بلا يبه بس افهمني ما ابي اتزوج

بوسارة ( بصوت مرتفع ) : يا الدراسه والزواج يا مافي دراسه ولازواج

سارة : بس يا يبه

يقاطعها ابوها : خلاص انتهت السالفه فكري وردي علي ابي ارد على عمج اليوم او بكره بالكثير

 

وللمره الثانيه اليوم تركب غرفتها وهي تبجي مع ان المفروض ان يكون اليوم سعيد في حياتها

حاسه ان ابوها خايف من عمها من شيء بس ما تدري وش هالشيء

 

 

ركبت غرفتها وهي تقلب السالفه في عقلها

اذا قبلت في خالد راح تخسر محمد بس راح تكمل دراستها

واذا رفضت خالد راح تكسب محمد بس راح تخسر الدراسه

وتمت تفكر تفكر لما راسها صدع من التفكير

ما لقت الا طلال تتصل فيه يمكن يقدر يساعدها

 

تدق على طلال

طلال : هلا سارة

سارة : هلا فيك طلال

طلال : وش فيه صوتج ؟

سارة : طلال ساعدني

طلال ( بخوف ) : وش فيج ؟

سارة : ابوي مخيرني بين الزواج من ولد عمي او انه يرفض البعثه

طلال : وانتي وش تقولين

سارة : محتاره

طلال : سامحيني سارة مقدر اسوي لج شيء

سارة : اصلا متى انت وقفت وياي دائما آنه الى اواجه المشاكل بروحي في البدايه تخليت عني والحين لما تركتني اتعلق بمحمد تتركني اوجه الموضوع بنفسي لنت اللي تخطط وانه اللي اطيح فيها انت اللي عرفتني على محمد وقمت تحن على راسي لما حبيته والحين تسوي فيني جذي حسافه فيك من اخو حسافه

طوووووووووط .... طوووووووووووط

 

سكرت التلفون ودموعها ماليه عينها شسوي الحين

فكرت وفكرت وفكرت

لقت ان محمد راح ينفعها في الحياة غير شهادتها

في الاخير قررت تتزوج خالد مع انها ماتعرفه الا قليل بس كل شيء عشان الدراسه يهون

 

انتظرت الصبح وراحت الى ابوها وقالت له وهو اتصل الى عمها وقال له

 

 

في الدمام في بيت بو راشد

وهم قاعدين يتريقون

بوراشد يتكلم مع بوساره والكل ما يدري وش السالفه

حتى خالد ما كان يدري وش السالفه كان يسمع ابوه قاعد يحدد اوقات ويسمع اسمه بس ما يدري وش السالفه

بعد ما سكرت بوراشد التلفون

طبعا محد سأله لانه يدرون بطبعه اذا يبي يقول السالفه راح يقولها بدونه ما احد يسأله

بس خالد كان يبي يعرف السالفه لانه حس انه المعني بكل شيء

 

بوراشد يكلم خالد : يبه آنه خطبت لك

خالد اللي فتح عينه على الاخر : وشو يبه

بو راشد : آنه خطبت لك سارة بنت عمك وهم وافقوا

خالد : بس آنه ماقلت ابي اتزوج

بوراشد : بس آنه ابي ازوجك

ام راشد : ليش ما قلت لنا من قبل ؟

بوراشد : كنت ابي اعرف راي البنت اول بعين اقول لكم

خالد : بس يا يبه آنه ما ابي سارة

بوراشد : وانه قلت تاخذها يعني تاخذها

خالد : يبه بس آنه اللي بتزوج مب انت

بوراشد ( بعصبيه ) : اللي اقوله آنه يصير يعني يصير

خالد قام من الريوق وهو معصب وقاموا وراه الباقي

 

 

في شقه طلال

طول الليل ما رقد كان يحس انه هو سبب كل اللي يصير الى ساره

كان يبي يساعدها بس شلون ما يدري

فجأة تذكره مره وهو يكلم ساره في التلفون سألها : لو زوجوج غصب انسان ما تبينه وش راح تسوين

سارة : ما راح اسوي شيء راح احترمه واعزه وصونه حتى لو ما احبه لانه هو ماله دخل

طلال لما تذكر هالشيء تطمن شوي بس لكن وين

 

خلود ما كانت تدري بالسالفه

فكان على بالها ان طلال يفكر في لعيال

خلود : طلال

طلال : نعم

خلود : وش فيك

طلال : ما فيني شيء

خلود : انت تفكر في سالفه لعيال

طلال : لا ليش افكر اذا الله بيعطينا راح يعطينا ورحمة الله واسعه

خلود : طلال وش رايك انروح نتعالج ونشوف ليش هالتأخير

طلال : على راحتج

خلود : ليش ما بتجي معاي

طلال : بلا اذا تبيني اجي راح اجي

 

 

في بيت ابو ساره وهم قاعدين يتريقون

سارة كانت قاعده معاهم بس ما لها نفس انها تاكل بس ما تبي تحسس امها وجدتها بهالشيء لانه امها وجدتها ما يرضون عليها بأي شيء

بو سارة : آخر الاسبوع راح يجون بيت اخوي عشان يخطبون سارة ويحددون كل شيء

جدت سارة : بس يا يمه انتي متأكده من هالقرار

سارة وهي تخفي دمعتها : ايه يمه اكيد متأكده آنه وين بلاقي واحد مثل ولد عمي

ام سارة : بس يا يمه انتي ما فكرتي كفايه

سارة : يمه آنه واثقه ان ولد عمي راح يحطني بعيونه

ام سارة : يعني يمه انتي ما وافقتي عشان الدراسه بس

سارة : يمه كل بنت ومصيرها تتزوج يعني اذا ما تزوجت اليوم راح اتزوج بكرة واذا ما اخذت خالد راح آخذ غيره فولد عمي احس فيني من الغريب .

بو سارة كان حاس في بنته بس ما كان قادر يسوي شيء لانه اخوه صعب التفاهم معاه وهو يخاف منه

كان يتعذب لما يشوفها تتكلم من قلب مجروح

بس كان يردد في داخله " سامحيني يا يبه سامحيني "

 

مضى الاسبوع ووصلوا بيت بو راشد

خالد كان متضايق بس مب قادر يسوي شيء

والباقي فرحانين لانه مب حاسين باللي في خالد

 

اول ما دخلوا سارة كانت بعد متضايقه بس ما تبي تبين الى احد هالشيء هذا اللي تعودت عليه انها ما تشغل الباقي فيها

لما شافت خالد حاولت انها تبتسم ولو ان الابتسامه كانت مب من قلبها

بس لما شافها خالد تبتسم حس نفسه مرتاح شوي

كان حاس ان سارة مغصوبه مثل ما هو مغصوب وبالخصوص لما عرف سالفة السفر والبعثه

تم كل شيء على خير وتفقوا على كل شيء

 

وعلى ان بعد الزواج ساره راح تسافر تكمل دراستها مع خالد

اتفقوا عن موعد العرسبعد شهر والملجه بعد اسبوع

 

بعد اسبوع تمت الملجه

وبما ان سارة وخالد كانوا متضايقين

خالد في نفس الليله بعد ما انتهت الملجه رجع الدمام وساره دخلت غرفتها

وهي متضايقه كانت تحس انها مختنقه

بس كل شيء عشان دراستها يهون

 

طول الشهر ما كان خالد يتصل فيها الا نادرا وهي اوقات وايد ما ترد عليه

وتمت تجهز اغراضها

لما مر الشهر وحان وقت العرس

 

ملاك وخلود ودلال اخت طلال وعبدالله كانوا مع سارة في الصالون

سارة سمعت صوت تلفونها رنة مسج

راحت بسرعه على بالها خالد

بس اللي كان مطرش المسج

 

بحضر زفافك مثل كل المعازيم ولو كان في ليله زفافك وفاتي

بحضر نهايه قصه الحب واكتب على جرح الهواء ذكرياتي

 

كان رقم محمد

ملاك تقربت من سارة

ملاك : من مطرش المسج اكيد خالد

سارة وهي تحاول تمسح المسج بالسرعه : لا وحده من الربع

ملاك : ليش مسحتيه

سارة : لا بس التلفون مليان مسجات ما عندي مجال

 

جهزة سارة واتصلت ملاك الى راشد يجي ياخذهم

وخلود ودلال الى طلال

 

وصل راشد وركبت ساره السياره وهي خايفه ما تبي توصل صالة العرس تبي تبقى بالصالون اهون لها

ركبت ملاك قدام وساره ورى

اول ما ركبت

راشد : الف مبروك سارة والله وصرتي مرة اخوي

سارة : الله يبارك في حياتك

راشد : وش فيج شكل صوتج خايفه

ساره : لا ما فيني شيء

ملاك : وانت من دخلك اذا كانت خايفه او لا

راشد : اقول ساره

سارة : نعم

راشد : انتي ما قلتي ما تبين سعودي اشوفج اللي اخذتيه سعودي ولا تبين تعطينه جواز احمر مثلج

سارة " بقلبها " : لو تدرون ليش آنه ما خذه اخوكم

سارة : شسوي بعد هذا حظي

راشد : لو انج الحين اخذتيني مب احسن لج من خلود

ملاك : وانت ما تستحي على ويهك اترك البنت في حالها لا اقول الى خالد

سارة " بقلبها " : ليش من متى خالد غار او فرقت معاه

لما وصلوا الصاله وساره خايفه ما تبي تنزل حتى ان ملاك استغربت منها ليش تقول الى راشد طول الطريق ما ابي اوصل بسرعه بس كانت عاذرتها لانه هالموقف وايد صعب .

 

 

في الطرف الثاني

كان خالد قاعت على اعصابه ما يبي يدخل مع ساره وحتى ان الضيوف قالوا عنه متكبر لانه درس بره وما شابه لانه من البدايه الى النهايه ما ابتسم مع احد حتى ربعه اللي متعنين وجايين له

 

 

دخلوا ساره مع خالد ولثنين ما يبون يدخلون الصاله

بس قاموا يقنعون فيهم لما تعبوا والكل مستغرب من تصرفاتهم

ليش يسووون جذي

 

المهم زفوهم وما كملوا الساعه 1 الا خالد يقول الى ساره يلا بس خلاص بنمشي

سارة وافقت وقالوا لهم انهم بيمشون

بعد ما طلعوا ساره وخالد على طول نزلوا الدمام

 

وهم في السياره كانت ساره ساكته وخالد مثل الشيء بعد ما طافوا الجسر بشوي

خالد : سارة سامحيني

سارة : على شوي انت ما سويت لي شيء

خالد : لا تجذبين علي ادري انج مغصوبه على الزواج

سارة : لا تقول جذي انت الحين صرت زوجي ولازم اتقبل هالشيء

خالد : سارة بس آنه احس نفسي ما استاهلج

سارة : ليش يعني

خالد : مدري احس ان يبي لج واحد احسن مني يعني

سارة : واذا قلت لك اني احمد ربي ليل ونهار لانه جمعنا

خالد : يعني صج انتي مب ندمانه انج اخذتيني

سارة : وانه وين بلقى واحد احسن منك

خالد : ادري انج تجامليني حق ما تبيني احس انج متضايقه

سارة تمت ساكته وبعد مدة ردت : خالد انت الحين زوجي برضاي او غصب عني الحين انت زوجي وخلاص

خالد : سامحيني بس والله ما كان بيدي شيء

سارة : خالد ممكن طلب

خالد : عيوني لج

سارة : تسلم عيونك بس ممكن تنسى السالفه واشوف ضحكتك

خالد : اذا شفت ضحكتج راح اضحك بعدج

سارة : ليش تبيني اسوي اعلان الى معجو اسنان

خالد : ههههههههههههههههههههههه

سارة : فديت والله هالضحكه شفت وشلون تكون تجنن اذا تضحك

خالد : سارة احبج

سارة ما كانت تتوقع انها تسمع هالكلمه من خالد فسكتت

خالد : وش فيج استحيتين آنه ما قلت شيء

سارة : لا ما استحيت بس خجلت

خالد : سارة انتي تحبيني ؟

سارة ما كانت تبي تجذب : انشاء الله

خالد سكت وتمت ساره ساكته لما وصلوا البيت ونزلت

 

 

بعد اسبوعين سافرت سارة مع خالد

وكانت معاهم وجدان صديقة ساره بتدرس معاها

وبما ان سارة معاها خالد ابو وجدان وافق انها تروح تدرس معاها

 

ومرت الاربع سنوات بس سارة ما كانت تشوف خالد وايد لانه اشتغل هناك دكتور وما يرجع الا متأخر وهي تكون اكثر الاوقات في الجامعه او تدرس مع صديقتها لانه ثلاثتهم كانوا في شقه

خالد وسارة في غرفه ووجدان في غرفه بس لما خالد يتأخر سارة كانت تنام مع وجدان لانه تخاف

 

 

لما مرت الاربع سنين

رجعوا البحرين ساره كانت حامل في الشهور الاولى

كانت تبي تشوف امها وابوها ولانه صديقتها كانت لازم ترجعها الى اهلها فما نزلوا السعوديه قبل

 

 

ساره قبل لا تنزل السعوديه

كانت سالفه طلال محيرتها ليش ابوها قاله هالكلام هل كانوا متفقين هو وبوراشد قبل على زواجها من خالد او وش السالفه ؟

 

راحت الى ابوها كان في غرفته

طق ..... طق ..... طق

بوسارة : من

سارة : هذي آنه يبه ادخل

بو سارة : ادخلي يبه

سارة : يبه بغيتك في موضوع

بو سارة : تعالي وقولي وش تبين

سارة : يبه انت ليش رفضت طلال وقلته ذاك الكلام

بوسارة : ليش من قالج هو ؟

سارة : ايه يبه .. بس ليش انت قلت الى طلال هالكلام

بو سارة : يبه وعد مني بعد ولادتج راح اقول لج كل شيء

سارة : وعد يبه

بو سارة : وعد

وطاعت من الغرفه وهي تبي تعرف السالفه

 

نزلوا الدمام ولما قربت ولادة ساره

سارة : خالد

خالد : لبيه

سارة : ابي انزل البحرين ابي اكون مع امي اذا بولد

خالد : بس آنه ما اقدر اني اتم هناك لانه عندي الدوام

سارة : اوكي انت ودني واذا جيت بولد بدق عليك تنزل لي

خالد : اذا جذي يصير خير .. متى تبين تروحين ؟

سارة : على راحتك

خالد : بعد بكره اوكي

سارة : ايه اوكي

 

 

 

نزلت سارة البحرين وبعد اسبوع ولد جابت بنت

وطبعا خالد من الفرح من سمع قام يركض وركب سيارته ونزل البحرين

ونسى يقول الى بيتهم ان سارة ولدت

 

 

دخل عليها

خالد : حبيبتي الحمد لله على سلامتج

سارة : الله يسلمك يالغالي

خالد : وين بنتي ابي اشوفها

سارة : افا انت تبي تشوف البنت وانه لا

خالد : اذا من الحين الغيره خلاص رجعيها في بطنج مره ثانيه

سارة : هههههههههههههه افا عليك بس الحين ارجعها

خالد : الى الحين مصره على اسم فوز

سارة : اكيد عمري قلت لك شيء وبعدين قلت لا

خالد : لا على بالي وانتي تولدين خطر لج اسم ثاني

سارة : لا ما خطر لي للأسف

 

دخلت ام سارة وابوها

ام سارة : الحمد لله على سلامتج يمه

سارة : الله يسلمج يمه

ابوسارة : الحمدلله على سلامتج يبه

سارة : الله يسلمك يبه

ام سارة : وانت من متى وصلت

خالد : من شوي

ام سارة : ليش ما قلت الى بيتكم ان سارة ولدت

خالد : اووووووه نسيت

ام سارة : وين تلفونك ليش ما ترد عليه

خالد : من الفرحه سويته صامت عشان محد يزعجني ويعكر مزاجي

سارة : ههههههههههههههههههههههههههه

 

وبعد ما مشوا ام سارة وابوها وخالد

وصل طلال وخلود

خلود : شخبارج يالغاليه الحمدلله على السلامه

سارة : الله يسلمج شخبارج انتي

طلال : الحمدلله على سلامتج وسلامت الياهل

سارة : الله يسلمك من كل شر

 

خلود : وش سميتوها

سارة وهي تطالع طلال : فوز

تذكر طلال مره من المرات لما سألها عن اسماء عيالهم

طلال : وش الاسماء اللي تبينهم

سارة : اممممممم ابي فوز فواز

طلال : بس اثنين

سارة : واذا صاروا اكثر بسميهم فايزه وفايز

طلال : هههههههههههه ليش هالكثر الاسماء متقاربه

 

خلود : طلال

طلال :.............

خلود : طلال

طلال : نعم

خلود : وين وصلت

طلال : وياكم ما رحت مكان

خلود تضايقت على بالها ان طلال سرح على سالفة لعيال : طلال يلا حق نمشي

سارة : توكم واصلين

خلود : تدرين حبيبتي راجعه من الدوام تعبانه وما ارتحت

سارة : مشكور يالغاليه ع الزياره

 

 

بعد ما طلعوا سارة من المستشفى بكم من يوم كانت قاعده في بيت ابوها

واخذتها فرصه ان ابوها كان قاعد معاها بروحه

سارة : يبه انت الى الحين عند وعدك

بوسارة : ايه يا يبه واذا تبين اقولج الحين راح اقولج

سارة : ياليت يبه

بوسارة : من كم سنه زوج خالتج حب بنت ولما تقدم لها اهلها كلهم ما وافقوا لانه كان متزوج من خالتج ويبي يتزوج هالحرمه بالسر عشان خالتج ما تعرف.. فقامت هربت مع زوج خالتج وتزوجوا واهل البنت تبروا منها خلاص .. يوم من الايام حملت هذي الحرمه وولدت

وجابت بنت .. البنت لما كان عمرها سنتين الام نست باب الشقه مفتوح والبنت ياهل ما تدري قامت طلعت والام ما تدري عنها شيء ..

قامت تدورها ما لقتها طلعت يم الشقه وحواليها تدورها ما لقتها ... اتصلت في ابوها الا هو زوج خالتج ووصل وراحوا بلغوا مركز الشرطه وهم في طريق الرده صادهم حادث وتوفوا ... بعد ما الشرطه لقت البنت اتصلوا بيت خالتج ونادوها وبما ان خالتج ما كانت تدري ان زوجها متزوج عليها فلما شافت البنت اخذتها ولكن كانت تبي ترميها في دار الايتام وبما امج كان ماعندها عيال قالت تبي تربي هالبنت فقمت غيرت اسمها وسويته على اسمي ادري انه تزوير بس هذا اللي صار .

سارة ودمعه تطيح من عينها : يعني انت مب ابوي ولا امي هي امي

بوسارة : بلا يا يبه انا ابوج وامج هي امج لانه احنا اللي ربيناج

سارة : يعني دلال وعبدالله وطلال يصيرون اخواني وخالد ما يصير لي شيء

بوسارة : عرفتي ليش انا ما وافقت على طلال

 

 

مرت الايام وقالت سارة السالفه الى طلال وهو فرح بس كان مب مصدق الا لما سأل امه وقالت له ان هالكلام صحيح

اما خالد لما قالت له سارة انصدم وما قدر يستوعب اللي يصير بس حمد الله انه عطاه ساره

 

 

في يوم من الايام بعد ما مرت الايام كانت سارة وخالد متفقين ينزلون البحرين بس ما بطولون فتركوا فوز مع ام راشد بحيث انهم ساعتين ورادين مره ثانيه

وهم في الطريق خالد سوى حادث

بعد شوي وصل الخبر الى كل الاهل يعني الكل كان في المستشفى

خالد مات بس سارة في العنايه القصوه

 

والكل كان خايف

بس الا دخل عليها امها وابوها وطلال وعبدالله ودلال لانهم وايد صاروا قريبين منها لما عرفوا انها تصير اختهم

فتحت ساره عينها وقامت تطالعهم بنظرات مودع

سارة : يبه يمه مشكورين على كل اللي سويتوه معاي يمكن لو كانوا امي وابوي عايشين كانوا ما بسوون معاي مثل اللي سويتوه

ام سارة وهي تبجي : لا يا يمه انتي بتقومين وبتردين الينا مره ثانيه احنا ما عندنا غيرج في هالدنيا

تكمل سارة : عبدالله كنت اخوي بس يا حسافه الحياة ما اجمعتنا الا في الاخير كنت اتنمى لو اني عرفت الحقيقه من قبل بس هذا اللي الله كاتبه لي ... دلال كنت اتمنى ان تكون عندي اخت اشكي لها افرح معاها بس ما صار الا في ايامي الاخير تذكري ان عندج اخت لا تنسيني

دلال : سارة لا تقولين جذي انتي بتقومين بنفرح مع بعض احنا خوات ما راح نتفارق .

تكمل سارة : طلال انت الاخو الوحيد اللي كنت لي في هالدنيا ابي اعطيك امانه وتمنى انك تحافظ عليها وتحطها في عينك

طلال : آمري يالغاليه عيوني لج

سارة : طلال فوز امانه عندك خل بالك عليها ولا تنسى التربيه ابيها تكون احسن بنت في اخلاقها وتربيتها

يقاطعها طلال : سارة لا تقولين جذي انتي بتقومين وبتربينها

سارة : لا طلال آنه لازم اروح مع ابوها ما ابي اخليه بروحه ... طلال ابيك تقول الى محمد يسامحني على كل اللي صار

وبهدوء صكت عينها وراحت

 

 

مرت الايام ويمكن اكثر الاشخاص اللي تأثروا كانوا محمد وطلال

اتصل طلال الى محمد

محمد : الو

طلال : سلام شخبارك محمد

محمد : بعد ما راحت سارة يعني وش تبيني اقول بخير وانه ما ضايع في الدنيا

طلال : محمد ابي اشوفك تعال لي في .........

محمد : الحين اجيك

 

تلاقوا محمد وطلال

طلال : محمد انا سارة وصتني اني اوصل لك انك تسامحها

محمد : يعني ليش حتى في الموت لازم يا خذها عني ما كفاه انه اخذها مني في حياته حتى في موته بعد ياخذها

طلال : اسغفر ربك هذا امر الله ما نقدر نغيره

محمد : ليش ما بقت ساره انا ابيها الدنيا بدونها ما لها شيء آنه كنت عايش على امل يمكن اتكون لي يوم م الايام والحين انمسح الامل آنه ليش عايش في الدنيا

طلال : هون على نفسك يا خوي مب جذي الدنيا

محمد : مشكور يا خوي قول الى سارة اني ما زعلت منها عشان اسمامحها هي كانت روحي اللي اعيش فيها بالدنيا وشلون الانسان يزعل من روحه ... يلا مع السلامه

طلال : الله يسلمك

 

 

 

رجع طلال البيت

خلود: عندي لك خبر

طلال : وشو

خلود : آنهه حامل

طلال : صج ؟؟ الحمد الله

خلود : تدري طلال ان من دخلت بيتنا فوز والخير اجينا

طلال : كفايه انها من ريحة المرحومه

 

مرت الايام وولدت خلود وجابت ولد

وطبعا طلال ما نسى سارة

فسماه فواز على ذوق المرحومه ..<B><BR style="mso-special-character: line-break"><BR style="mso-special-character: line-break"></B>

 

 

[wolf girl]

 

حدها رووووعه القصه

 

صج انها طويله بس اندمجت فيها

 

 

يعطيج العافيه حبيبتي ..

 

 

 

[مهمومة زمانها]

الله يعافيج تسلمين ع المرور