هدوء الفجر Posted أكتوبر 13, 2010 Author Report Share Posted أكتوبر 13, 2010 اذا كانت العلاقه عاديه مثل ماتفضلتي فانا اشوف ان مافيه شيء حتى اللي ردوا قبلي يشوفونها عادي بس يبالغون بكلامهم لكن اذا كانت العلاقه اكبر من كذا تعتبر قليلة ادب وتربيه وتطيح من عيون الناس الحمدلله مارديت عليك ولاتناقشت معاك...كان تلقاني للحين قاعد اشرح لك ماقصرتي في شئ ياتونتي سفن..وانصح كل البنات انهم مايتناقشون مع اسامه ولا يكلمونه خير شر ... علشان ماتصيرون قليلات ادب يسلمو ع المرور الرائع و المميز تحياتي Quote Link to comment Share on other sites More sharing options...
هدوء الفجر Posted أكتوبر 13, 2010 Author Report Share Posted أكتوبر 13, 2010 كلام عذاب صحيح مالها داعي المبالغه سؤال البنت كان واضح : وخصوصآ اذا كآن الكلآم بينهم عآدي وفي المسن او بالمنتدى يعني انه ما اتوقع ان الاخت سنفوره او الاخت كيوت ما عمرهم تناقشوا او كلموا اي صبي طول فترة وجودهم في المنتده !!! (يجوز طبعا) بس بعد محد له الحق ان يطلق على اي بنت موجوده هني انها قليلة ادب طبعا المسن انه ما أأيده وايد لان فيه نوع من الخصوصيه و يجر حق اشيه مالها معنى و غير جذي يا اخ اسامه .. اتخيل ان من قبل جم سنه ايام ماكان هالقسم حيوي تناقشنه معاك واااااايد انه و جم بنيه .. ف هل نعتبر ان احنه قليلات ادب ولا شنو ؟؟؟ و اذا كان جوابك نعم ف هاذي وجهة نظرك و اتمنى انك تحتفظ فيها لنفسك .. لان ولا وحده من هالبنات تعدت حدودها و تكلمت معاك في خارج نطاق المواضيع النقاشيه و غير جذي ف الموضوع له كذا زاويه .. يعني مثلا : في ناس (و هم الاكثريه) العرف عندهم انهم يسمحون لبناتهم انهم يشتغلون في مكان مختلط او انهم يتسوقون بروحهم مثلا.. و في هالحاله انه ما اتوقع ان البنت بتعيش طول عمرها ما قط كلمت ولا شاب غريب عنها .. و خصوصا ان الشغل راح يجبرها على هالشي و طبعا ما نقدر نجزم ان كل بنت تتكلم مع البايع او مع زميلها في العمل او مع اي شاب في المنتده ف تعتبر قـــليلة ادب .. و اذا على جذي ف بهالحسبه يعني ان بنات البحرين و الكويت و قطر و الامارات و كلهم قليلات ادب .. لان هالدول تسمح بالعمل المختلط !!! خلنه نتكلم في حدود المنتده حاليا ف هذا يعني ان ثلاثة ارباع البنات اللي عندنه و اذا مب اكثرهم يعتبرون قليلات ادب ؟!!! و في ناس قليلين عندنه في البحرين و الخليج (باستثناء السعوديه لان نظام الحكم عندهم جابرهم على هالشي) ف ممنوع ان البنت تستخدم النت الا بحدود ضيقه جدا و ممنوع ان البنت تطلع و ممنوع ان البنت تشتغل الا اذا كانت تشتغل مدرّسه و طبعا واااايد بنات دراستهم ما تؤهلهم انهم يشتغلون مدرسات ف مب معقوله ان كل بنيه تشتغل في مكان مختلط و كل بنيه تكلمت مع شاب في المنتديات بحدود معينه تعتبر قليله ادب و عندي تنبيه صغير .. انه ما اتكلم عن النظره الشرعيه .. لان عموما بعض المشايخ مختلفين في هالسالفه عن نفسي ما أأيد الاختلاط في اماكن العمل ولا أؤيد الاختلاط في النت و خصوصا المسنجر .. يعني افضل حق البت انها تتشغل في مدرسه او شي جذي و طبعا الاختلاط في النت بعد ما أأيده لان يجر حق اشيه وايد الواحد في غنا عنها <<<<< ما أأيدها لكني اسويها حاليا ،، يعني ماله داعي احلل حق روحي و اختار و اتبع الفتاوي الغير المنطقيه بس لانها تناسب حالتي .. يعني الغلط غلط و اعترف ان غلط حتى لو كنت اسويه و يا اخ اسامه الظاهر والله اعلم ان العرف مسيطر عليك بغض النظر عن الدين و تمشي على مبدأ (الصبي شايل عيبه) .. لان ديينه حرّم على الجنسين الاختلاط .. و انت من قبل تكلمت معانه وايد و ناقشتنه ف هل مع احترامي الشديد لك تعتبر انت قليل ادب ؟؟!؟ و انت اقره ردي مره ثانيه ماحطيت خط تحت المسن لاني قلت اني ما اؤيد ان البنت تكلم ولد في المسن لان فيها نوع من الخصوصيه اما بخصوص المنتده ف يا ليت لو كنت انت و غيرك من اللي تسرعتوا في الاجابه على السؤال انكم تفصلون كلامكم و وجهة نظركم شوي .. يعني انت قلت قليلة ادب و مـــا فصلت ردك .. و هذا يعني ان للاخرين حرية تحليل ردك و اللي اهو اصلا ماله الا تفسير واحد و هو انك رافض ان البنت تكلم اي شاب في اي مكان و في اي حاله من الاحوال منتدى اذا كان موضوع ناقش جذي او موضوع عادي ورد عليه كان عادي مومشكلهلكن في بعض الردود الي فيها مشكله وفيها قلة ادب اوكي حلووو .. لاحظ نفسك شقلت ؟ قلت اذا موضوع نقاش اوكي لكن في (بعض) الردود قليلة ادب ... يعني انت هني عندك استثناءات حالك حال كل البني آدميين الطبيعيين اللي مايقدرون يعمموم فكره معينه على كل الناس لكن لما يكون السؤال : هَل كُل بِنت تِكلمْ شآب قَلِيلة أدب ؟ و لما يكون الجواب : هههههههههههه اكيد قليلة ادب و في كلمه ثانيه يعرفونها الشباب مايحتاي اقولها ف هذا يعني شنو ؟؟ يعني الكـــــــل .. لنفرض ان المنتده في 1000 بنت و منهم 600 وحده كلمت شاب بغض النظر عن نوع الكلام .. انت بردك و كأنك تقول ان كل هالـ600 بنت قليلات ادب !! معقوله ؟!! اما بخصوص المثال اللي حطيته : الصبي شايل عيبه .. ف باقولك .. الصبي يطلع لي انصاف الليالي مو لان شايل عيبه .. في شي اسمه منطق و عقل .. يعني لما صبي يطلع لي نص الليل ف اهو قادر على تحمل مسؤولية اي مشكله تصيده في هالوقت المتأخر .. مثلا لو صاده عطل في السياره ف قادر ان يضبطه و يمشي .. و لو احد تعرض له ف قوة جسمه و تكوينة جسمه تخليه يقدر يدافع عن نفسه لكن البنت اذا طلعت في وقت متأخر .. ف اهي اول شي .. بالمنطق معروف ان الاماكن اغلبها تصك الساعه 12 و اللي يبطلون لي عقب هالوقت ف اهمه الفنادق و الديسكوات وهذا غير بعض المحلات اللي تكون 24 ساعه .. يعني مالها سالفه طالعه في الليل .. الا للحاجه القصوى جدا جدا جدا نقطه ثانيه اكثرية الناس اللي تطلع في نصايف الليل تكون : يا سكيره و عربيده يا حراميه ، يا بطاليه ، او يمعة شباب .. يعني قليل ما تلاقي عائلات .. ف البنت لو طلعت في وقت متأخر و تعرضت لاي مشكله ف ماراح تلاقي عيال حلال الا من رحم ربي و هذا غير انها معرضه للمشاكل و التعرض لطريجها ف من جذي الافضل لها انها ما تطلع في هالوقت بـــــــــس بعد هذا لا يعني انك تعمم ان اي بنت في العالم جفتها في الشارع الساعه 2 في الليل يعني انها قليلة ادب .. محد فينه له الحق ان يحكم على الناس من دون ما يعرف اهمه شنو و من دون مايعرف ظروفهم طبعا اتذكرك و ما كنت اتناقش معاك لانك وااااايد تلف و تدور كالعاده .. لكن بنت الحداده عانت معاك مسكينه اقولك نقاش في المنتده .. تقولي الرد ما يعتبر سوالف ،، و شكرا على الموضوع ما يعتبر سوالف !! احين من ياب طاري شكرا على الموضوع .. و غير جذي الشخص اللي ماعنده سالفه غير شكرا على الموضوع هاي بعد تعتبره آدمي ؟؟ بصراحه انه اعتبره رجل آلي .. متعب روحه و مشترك في المنتديات عشان يحط لي شكرا ؟!!!! عيل وين رايك ؟ وين شخصيتك ؟ انه قلت نقاش و في بعد غير النقاش و اللي هني صاير عندنه في اكثر الاقسام .. في شي اسمه دردشه يدشونه الاعضاء و يسولفون فيه و في شي اسمه مواضيع خفيفه تلاقي منها في الديوانيه : يعني مثلا واحد يحط سؤال : شنو احله مطعم اكلت منه ؟ اتييك وحده تقول : مطعم برير مثلا . اييك اهو يرد و يقول : ممممم برير ؟ في وين ذي ؟ اتييك اهي تقول : في جد علي . اهو : وين جد علي ماعرفها انه مال المحرق ؟ اهي : مممم في مدينه عيسى في شارع حيوي اسمه جد علي و كله مطاعم نفس الكازينو جذي .. صاير عند رامز و السوق الايراني تقريبا .. بس ماعرف ادلي اكثر اسأل اي احد يمكن يساعدك .. و المطعم طبعا اكلهم كله حلو. اهو : اها اوكي ثانكس باجربه و بنجوف هالقصه طبعا تعتبر سالفه بدون شك ، بس ولا واحد من الطرفين قلل احترام الثاني .. و على فكره هالكلام اللي صاير بيني و بينك احين بعد هاي سوالف خلقها النقاش اللي كان بيننه انه تعمدت احط محادثه عاديه بين اثنين .. مافيها اي شي ضروري .. لان يمكن حضرتك تقولي اهي مب مجبوره ترد عليه و سالفتهم مالها فايده .. ف باقولك يا اخوي .. من الاساس اثنينهم مالهم معنى يشتركون في منتديات مختلطه اذا اهمه ما يبون يحتكون في بعض .. في واااايد منتديات تفصل بين الجنسين و بعد في منتديات تكون للبنات بس او للشباب بس .. ف الافضل انك تروح تشترك في واحد منهم و تفك روحك من هالسالفه كلها شكرا على النقاش ، اتمنه اجوف آرائك في مواضيع ثانيه ولو انها آراء معقّـده تخلو من التفهـّـم ع الاغلب بس عموما فرصه سعيده يسلمو ع المرور الرائع و المميز تحياتي Quote Link to comment Share on other sites More sharing options...
هدوء الفجر Posted أكتوبر 13, 2010 Author Report Share Posted أكتوبر 13, 2010 بل بل شفيكم عللى بعض وبعدين يا اسامة لازم تحترم وجهة نظر عاشقة الاخوة قالت رايها فلا تتنرفز من رايي قلة ادب اللي تضيف الشباب ع المسن حتى لو نيتهااو نيته صافية احسن شي تصك هالباب وترتاح والمسن احسة خاص اكثر يعني حق سوالف وضحك وغشمرة وفضفضة فمالة داعي تدشين بمتاهه ماتعرفين شنو نهايتها يعني البنت تبي تاخذ راحتها وتسولف مع بنت عكس لما تكون مع صبي عن شنو بيسولفون مثلا !!!! حتى لو كانت سوالفهم عادية ورسمية شلونج شخبارج ليش مادشيتي المنتدى وجذي خلاص حذفية وكلمية في المنتدى ع الدردشة جدام الكل لأنة يمكن تبتدي مع الايام شوي شوي شوي تصير علاقتهم قوية ومن غير ماتدري تخلية يعرف كل شي عنها وتبتدي ترتاح لة ويرتاح لها و ياما فضايح وتهديدات صارت بدايتها هلووون طبعا حتى لو كانت علاقتهم رسمية كلش بس شي مالة داعي انج تضيفين شباب لأنة بعض البنات عبالهم تخلف ويزعم متطورين انهم يضيفون شباب ياااة الا مسن شدعوة بيجوفني ع الكيمرا !!! ومايندرى يمكن عقب تتطور العلاقة وتصير ع الكيمرا وكفاية القصص اللي نسمعها كلها بدت بحسن نية وطيبة اما المنتدى شي عادي لأنة بيكون الكلام جدام الكل ومافي اسرار او شي خاص المنتدى بيكون للكل يسلمو ع المرور الرائع و المميز تحياتي Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.