حشمه Posted نوفمبر 5, 2010 Report Share Posted نوفمبر 5, 2010 السلام عليكم ورحمة الله وبركاته صباح \ مساء الخير انا هالفتره اعاني من كائن حي سخيف كلش كلش كلش ما استلطفه وين ما اروح اشوفه في ويهي جنه ماعنده سالفه إلا انا ويتكاثر هذا الكائن في شوارع وطرقات وفرجان البحرين وفيه منه انواع واشكال ساعات اييكم سااده ساعات ايكم مبقع ومرنقط وساعات فاتح وساعات غامج وساعات يتدلع ويطلع لكم بلونين وسبحان الله عينه قويه تحط عينك في عينه ولا يتأثر تصرخ عليه وتهاوشه وجنه العيد وساعات اييكم بطبايع يعني واحد فسل ودب ويمشي على سعه ويتمخطر جدامك وواحد حررركي ماتشوف الا طيفه وواحد ايي حق العازه بس اذا شم ريحة شي يعجبه تلاقيه اووووول من يوقف على عتبة البيت وواحد هااادئ وعليه لا له حول ولا قوه واغلب الاحيان تلاقي يا اذنه طاايره يا عجوته مقصوصه يا يعري اماالنوع السخيف اللي كلش ماحبه ولا اواطنه ولا ينزل لي من زووور اللي تجتمع فيه كل الصفات اللي ذكرتهم فووق يعني بأختصار انا مسميته لا حيااا ولا حشيمه ملللللللللغ وقبيح على كثر ما تهاوشه على كثر ماتحذف عليه نعل على كثر ماتخرعه ماااااايفيد وياه ولاااااا يعد روحه واحد من عيال البيت داش طالع على كيف ويها ويطلع لك من اماكن كلش غير متوقعه طبعا من هالمواصفات عرفتوا شنو هالكائن قطو الفريج جد ترى مااااااحبهم كلش ما استلطفهم واخااااف منهم وامي مقويته علي لكل يوم غداه من غدانه وعشاه من عشاانه وتعود على البيت ومن افج الباب الاقيه يستقبلني ليل صبح عصر ظهر فجر ااااي وقت مدري شنو سر التجاذب اللي بينه وبين امي يمكن عشان عيونهم زرق نفس الشي اول امس رايحه بيت عمتي يم بيتنا بالضبط لحقنننني وانا اخااااف امشي خطوتين واوقف وكل ما اوقف يتشردق على الارض ويعفر ومدري شيسوي في حياته دشيت بيت عمتي وطلعت ورجع وصلني لي باب بيتنا ككككك وتنحر يم الباب يااا يبه قوووم قوووووم خل ادش مافي فايده اخر شي اتصلت حق امي عشان تطلع اتفاهم وياه وطردته يعني شفيها لو كانوا لجلاب في الفررجان اكثر من القطاوه ؟ ( وانتوا بكرامه ) عموما بعد هالقصه الطويله العريضه لكم مواقف مع قطاوه الفريج؟ في قطوو سخيف جذي مغربلكم مثل ما هو مغربلني؟ بأختصار سولفوا لي عن قطاوه فريجكم ككككك Quote Link to comment Share on other sites More sharing options...
مهمومة زمانها Posted نوفمبر 5, 2010 Report Share Posted نوفمبر 5, 2010 حلوين القطاوه بس الهيلقين مال الشوارع يبطون الجبد يتلصقون حق مصلحتهم وكل رازين الفيس هففف منهم يقهرون تسلمين ع المووضوع والله يعينج عليهم Quote Link to comment Share on other sites More sharing options...
بنت البنفسج Posted نوفمبر 5, 2010 Report Share Posted نوفمبر 5, 2010 انا بودوني الاعصاب واسبه القطاوة جايبين لي الهم بروحي خويفيه حدي والاعضاء ادرى فيها وبسوالفها وياي الحين القطوة الا عندي استحلت البيت من بره مكان تنشير الملابس والله من اروح تطلع روحي انا انشر وعيوني عليها لا وتخازر بعد وتفج بوزها صج ماتستحي والحين امزودتها كلج ولدت لي اكاهو عندها دزن يهالووو صج لكن مايتسحوون كلش قليلين حيا ههههههه Quote Link to comment Share on other sites More sharing options...
es7a8ey Posted نوفمبر 6, 2010 Report Share Posted نوفمبر 6, 2010 هههه انا نفس الحال ماحب القطاوه واخاف منهم .. واكره شي اللي يطلعون فالوي جي فجأه عاد احنا قبل كان شكثر ايون ف بيتنا وحتى قبل كان في قطوه صغيره توها مولوده جان مرت اخوي وتروح تعطيها غدى سمج هاس بس مره وحده عطتها وبس لصقت عندنا ماتروح مكان غير عاد عقب خلينا هندي مال البراده ايي يشيها ويوديها برا شالها ووداها بعيد عن بيتنا .. عقب كم يوم الا ردت يات بس عقب نفس شي ردينا قلنا حق الهندي قلنا له يوديها مكان ابعد وبس اشوه عقب مايات وافتكينا .. بس احين اشوه نادرا مانشوف قطاوه ف بيتنا بس اذا شمو ريحه الغدا يو <_< جني وايد هذرت ,, المهم بس فـ يعني كلش ماستلطفهم .. القطاوه الصغار اللي توهم مولودين احبهم بس جي من بعيد .. يعني ان اهما شكلهم كيوت صغار ونتف .. بس ان اجيسهم او اربيهم وماعرف شنو كلش لا واحب بعد القطاوه الريشين بس بعد نفس الشي من بعيد لبعيد لاني اخاف من شي اسمه قطاوه اي صج بخصوص انج تقولين >> يعني شفيها لو كانوا لجلاب في الفررجان اكثر من القطاوه ؟ لا ترى حتى الجلاب يخرعون واكثر من القطاوه بعد Quote Link to comment Share on other sites More sharing options...
TwEnTy SeVeN Posted نوفمبر 7, 2010 Report Share Posted نوفمبر 7, 2010 ما اشتهي اتحجه عن اي حيوان لان فعلا اكرههم و اذا اتعمق في الكلام عنهم اعصصب واااايد و انه بصراحه مابي اعصب و اعوّر اعصابي و ابهدل صحتي علشان شوية حيوانات خمممممه لا راحت ولا يات و القهر انهم عديمين فايده و منحطـّـين اخلاقيا و فكريا و معنويا و تره عصـّـبت انزين Quote Link to comment Share on other sites More sharing options...
princess toomy Posted نوفمبر 7, 2010 Report Share Posted نوفمبر 7, 2010 هههههههه ,,, بخصوص القطااوه اكرهه شي جفته ف حياتي وحدي مادانيهم .. وخصوصا القطاوه السوود وخصوصا لين اتيج قطوه سوده وكرشتها شكبر تلوع الجبد .. وانه الصراحه من اجوف قطوه صراخي يسمعونه الفريج الثاني وبالنسبه حق الجلاب خلهم من بعيد لي بعيد احسن Quote Link to comment Share on other sites More sharing options...
**ملكــ الأحساس والرومانسيه** Posted نوفمبر 7, 2010 Report Share Posted نوفمبر 7, 2010 (edited) انا عن نفسي يااحشمة عندنا قطاوة ذكر وأنثى واكيد مو أي قط كانج سمعتي بالشرازي موجود عندنا بالزرااعة ومدلعه أخر دلع بس ابووي مايرضى أحد يزعله يكفي لوونه الذكر أبيض وشوووي رمادي عيونه زرق والأنثى تجنن لوونها بيج على حلبي بس والله كل ماجيت أكل بالزراعة مندي تنوور أبديها هي أول وأبوي يذبحني أّذا شافني أزعلها خخخخخ وساعات اغسل سيارتي بالزراعه وتعالي شووفي كيف تدلع علي من تشوفني اكل قامت تشلدق وتتلعب تقوولي حس عطني من اللي تاكل والله اخاف اعرس وتسرق مني عيالي لأن صج الانثى غير تخيلي انسامت من عندي 9700 ريال لحالها من دون الذكر لانها مربيه من الصغر يمكن لها حوالي 6 سنوات يعني بحريني 970 دينار ولا انا غلطان ومن تشوف ياهل تعرف تكسبة سبحان الله وبخصووص الجلاب عندنا 2 واحد مات مقتوول يوم بغت تنسرق الزرااعة سرقوا شاشة البلازما والثاني بعده موجود كانج سمعتي بالبليسي انا الحمدالله ماقربه اللي يعرفون لها عمال الزراعة جثوول يكفي أذا وقفوا عند الباب يحرسون الزراعه واحد هندي والثاني باكستاني بس أصله يعود هندي وتعالي شووفي لو جا القطو الذكر يحرك على الجلب والله ان الفريج هتز من نبح الجلب يخوووف والايعاذ بالله والسموحة على الأطاله ياااحشووومه بس شسووي اللي على قلبي على لساني عساج ع القوة عقبال نشوووف باااقي حصرياتج ربي يسعدج ويوفقج ويعطيج قد نيتج دووم مو يوووم Edited نوفمبر 7, 2010 by **ملكــ الأحساس والرومانسيه** Quote Link to comment Share on other sites More sharing options...
halah hashim Posted نوفمبر 7, 2010 Report Share Posted نوفمبر 7, 2010 تسلمين حشمه على الموضوع حنا الحمد لله الرفاع مافيها وااايد قليل اكثر شي أشوفهم شوية بعيد عن بيتنا بسه خطيره اي احد تشوفه تروح وراهم بس عن نفسي احبهم بس اموت من الخوف اذا يقربون مني تسلمين حشمه Quote Link to comment Share on other sites More sharing options...
حشمه Posted نوفمبر 7, 2010 Author Report Share Posted نوفمبر 7, 2010 يعطيكم العااااافيه اشووه ترى في وايد ناس يكرهون القطاوه مو بس انا انا احب الجلااب عزكم الله وايد وااااااااايد وااااااااااااااايد من هني لي يم بيتكم احبهم والله كان عندي ثنين جلاب وولف رصاصيين حلوووووووين بس حاليا عندي دلميشن اللي يسمونه مرقش حدده حلو بس ثقيل دم مو نفس الوولف Quote Link to comment Share on other sites More sharing options...
**ملكــ الأحساس والرومانسيه** Posted نوفمبر 7, 2010 Report Share Posted نوفمبر 7, 2010 والله تخووفين ياحشمو طلعتي أنتي بكبررج ذيبة تاكلين المنتدى بطيبتج ومواضيعج الحصريه خخخخخخخخخخ كيف بعد تربيت ووولف اممممممممممم تخوفين أخاف احد يزعلج وتهدينه عليه بس أشوى ماني من البحرين ولا شان هديتيه علي حتى ول هديتيه الله يخلي عصاة الكهرب موجوده عندي خخخخخخخخخ ع العموم لاوصيج بالمنتدى وخلي عنج الحيوانات ترا ماوراهم الا الشقى والتعب وأنا أخووج وشكرا Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.